Post: #1
Title: لمن كنت بوليس نظام عام ...........
Author: omer osman
Date: 08-04-2010, 08:36 AM
العام 1993م ...................
|
Post: #2
Title: Re: لمن كنت بوليس نظام عام ...........
Author: omer osman
Date: 08-04-2010, 08:38 AM
Parent: #1
صدر كشف التنقلات العام وتم نقلي من ادارة شرطة ولاية الخرطوم الى ادارة شرطة الاداب والانضباط ........إدارة انشئت حديثاً وهي ادارة اتحادية بخلافه شرطة النظام العام التى تتبع لشرطة ولاية الخرطوم ........
|
Post: #3
Title: Re: لمن كنت بوليس نظام عام ...........
Author: omer osman
Date: 08-04-2010, 08:39 AM
Parent: #2
منذ اليوم الأول لم ارتاح لهذا النقل ....... فا انا اهوي عمل الاقسام والمباحث وكانت امنيتي بعد ان عملت باقسام الشرطة ان نقل الى المباحث المركزية ..............وها انا الان في ادارة لم ارغب فيها ولم اتحمس للعمل بها لاعتبارات كثيرة لكن لابد من ما ليس منه بد وامر النقل تعليمات واجبة النفاذ ............
|
Post: #4
Title: Re: لمن كنت بوليس نظام عام ...........
Author: Mohammed Awad
Date: 08-04-2010, 08:40 AM
Parent: #2
يجيك مناتل اسى يقول ليك الشرك قبض 
|
Post: #5
Title: Re: لمن كنت بوليس نظام عام ...........
Author: omer osman
Date: 08-04-2010, 08:42 AM
Parent: #4
| Quote: يجيك مناتل اسى يقول ليك الشرك قبض |
حبابو ............ 
الحمد لله ما سوينا شيء ننكرو في يوم ما .......
|
Post: #6
Title: Re: لمن كنت بوليس نظام عام ...........
Author: omer osman
Date: 08-04-2010, 08:43 AM
Parent: #5
الشهر الاول مر بدون مشاكل وبدون عمل كون ان الادارة وليدة ولم تكتمل قوتها بعد ........لم يخفف على الا وجود اثنين من ابناء دفعتي نقلا معي في ذات الكشف احدهم (محمد صلاح) كان يسلينا بسخريته وتعليقاته اللاذعة التى لا تنتهي .........محمد صلاح فور تخرجنا عمل بشرطة الاحتياطي المركزي وشارك في عدة عمليات نشطة وتميز فيها حتى اصيب مما استدعي نقله خارج السودان للعلاج ........
|
Post: #7
Title: Re: لمن كنت بوليس نظام عام ...........
Author: omer osman
Date: 08-04-2010, 08:45 AM
Parent: #6
كانت النقلة كبيرة جداً بالنسبة له ...... من وحوش وكاكي الاحتياطي الى ادارة العمل فيها بالزي المدني ونصف بص الترحيل من النساء ............قال لي في اول يوم جاهو بص الترحيل بعد إختفاء لوري الاحتياطي المركزي .... وشاهد الموظفات في الترحيل قال لي قلت لنفسي يارب نحن ما شين سيرة والا شنو ؟؟؟؟؟؟
|
Post: #8
Title: Re: لمن كنت بوليس نظام عام ...........
Author: omer osman
Date: 08-04-2010, 08:47 AM
Parent: #7
مباني الادارة كانت جزء من مباني ادارة الشرطة الامنية جوار القيادة العامة ولدينا نجيلة وحديقة جميلة ...... ذات يوم كنا نقف انا وهو واغلب الذين يمرون امامنا اما موظفات او افراد يرتدون البدل السفاري ........ قال لي تعرف ياعمك انا مرات بتخيل لي نحن شغالين في شركة !!!!!!! لافي زول حالق صلعة لا في زول شغال طابور ذنب ...... دي شغلة شنو ياجماعة .........
|
Post: #9
Title: Re: لمن كنت بوليس نظام عام ...........
Author: omer osman
Date: 08-04-2010, 08:50 AM
Parent: #8
الشهر التاني اكتملت قوة الادارة من الافراد وان كانت لاتزال مشاكل الميزانية لم تحل ........ استفدت من خلال شهر العطالة ذاك اني اصبحت زبون دائم للمكتبة الموجودة بادارة الشرطة الامنية وهي مكتبة كبيرة وبها عدد من الكتب المفيدة .... فكنت اقضي اغلب وقتى هناك ......
|
Post: #10
Title: Re: لمن كنت بوليس نظام عام ...........
Author: omer osman
Date: 08-04-2010, 08:54 AM
Parent: #9
| Quote: ذات يوم استدعاني نائب مدير الادارة وقال لي في شكاوي كتيرة جات بخصوص احدي الجامعات بان هناك تجمعات لشباب بالعربات او بدونها امام مباني الجامعة ....... والجامعة في الاصل مخصصة للطالبات فقط ..... وان كثير من الاختلاط والممارسات الغلط يتم من قبل هولاء الشباب وبعض طالبات الجامعة ..... |
|
Post: #11
Title: Re: لمن كنت بوليس نظام عام ...........
Author: omer osman
Date: 08-04-2010, 08:58 AM
Parent: #10
طيب ياسعادتك المطلوب شنو ؟ المطلوب تمشو تنتهو من الظاهرة دي وتتخذوا معاهم اجراءات صارمة وحيكون معاك محمد صلاح وعشرة افراد ... ويومياً تتواجدو هناك من الساعة 8 ص لحين انصراف الطالبات الى منازلهم ......
|
Post: #12
Title: Re: لمن كنت بوليس نظام عام ...........
Author: omer osman
Date: 08-04-2010, 09:01 AM
Parent: #11
واضح ياسعادتك .....
نحن من بكرة بنتحرك طوالي ........
كلفت صول الادارة بانتقاء عشرة افراد بمواصفات خاصة يراعي فيها الهندام والانضباط ...
جمعت القوة وابلغتهم بتعليمات نائب المدير ........
لكن .............
|
Post: #13
Title: Re: لمن كنت بوليس نظام عام ...........
Author: omer osman
Date: 08-04-2010, 09:04 AM
Parent: #12
ليكون مفهوماً لديكم .......
هذه التعليمات انا المسئول عن كيفية تنفيذها ......
نحن ماشين نتعامل مع اولاد وبنات ناس ........
اى خرمجة اى تصرف فردي الواحد فيكم ما يلوم الا نفسو .....
واضح ياجماعة .......
واضح ياجنابو ........
|
Post: #14
Title: Re: لمن كنت بوليس نظام عام ...........
Author: omer osman
Date: 08-04-2010, 09:08 AM
Parent: #13
اليوم الاول ونحن في طريقنا الى مقر الجامعة ........
اتنين بكاسي وكلنا لابسين ملكي ...........
انا سايق واحدة من البكاسي ومعي دفعتي محمد صلاح .....
بالقرب من ميدان المولد ..........
واحد سايق عجلة ........ وبشاغل ليهو في بت ماشة في الشارع ........
محمد قال لي عليك الله اقيف نشو الزول ده قصتو شنو ؟؟
يجب على البوليس ان لايضحك اثناء ممارسة عمله في الضبط او خلافه ....
لكن اذا كنت تعمل مع محمد صلاح فلابد ان تضحك ........
|
Post: #15
Title: Re: لمن كنت بوليس نظام عام ...........
Author: omer osman
Date: 08-04-2010, 09:15 AM
Parent: #14
اسمع يامان تعال هنا ......
ده شنو البتعمل فيهو ده ؟
انت منو ذاتك عشان تسالني (ده عيب لبس الملكي) ....
انا منو كيف يامان ؟
اسه انت ما زول مفتح وعامل بتشاغل مش مفروض تنقش طوالي انا منو ؟
ناس لابسين سفاري وراكبين بوكس .... حيكونوا شنو ؟
اكيد حكومة ..........
طيب اها بعد ما نقشته نحن حكومة الفهم شنو ؟
ابداً ياجنابو انا بس كانت ماشي المولد ..........
ماشي المولد دي مكنتك والبتشاغل فيها دي قايله عروس مولد والا شنو ؟؟؟؟؟
لم اتمالك نفسي وضحكت بصوت عالي ........ وضحك بتاع العجلة نفسه ........
يازول فرتق تاني ماتعمل كده ....... وما تنسي اشتري ليك حصان يا قيس ..........
|
Post: #17
Title: Re: لمن كنت بوليس نظام عام ...........
Author: omer osman
Date: 08-04-2010, 09:22 AM
Parent: #15
يا محمد صلاح عليك الله تاني قدام الناس انت ما تتكلم خليني بتكلم انا ............
وصلنا مقر الجامعة ...........
ممكن تقول الجامعة مقسومة الى تلاتة اقسام اتنين بفصل بينم شارع وقسم اخر بعيد نسبياً .......
وزعت الافراد خمسة في الشارع الفاصل وخمسة في القسم البعيد .........
وكنا كل نصف او تلت ساعة نمر عليهم انا ومحمد صلاح ..........
الاجراء بدء غريب جداً على الطالبات واخذوا يتجمعون في حلقات رافضة لهذا الوضع ......
طلبت منهم الحديث ودخلنا في نقاشات طويلة عن الاجراء وسببه ........
البعض كان يكتفي بالمشاغلة من وراء حائط الجماعة ..........
مشاغلة ربما تصادف هوي في نفوسنا لكن يمنعنا العمل من التجاوب معها .........
منعنا وقوف اى عربة بها شباب امام الجامعة الا لسبب منطقي .......
تعاملنا مع الجميع بصورة حضارية ....... وكنا نطلب منهم الانصراف بكل احترام ......
البعض كان يستجيب بدون ملاوة والبعض الاخر كان لابد يعمل عنتر قدام الجكس ........
|
Post: #16
Title: Re: لمن كنت بوليس نظام عام ...........
Author: محمد علي شقدي
Date: 08-04-2010, 09:18 AM
Parent: #14
Quote: هذه التعليمات انا المسئول عن كيفية تنفيذها ......
نحن ماشين نتعامل مع اولاد وبنات ناس ........
اى خرمجة اى تصرف فردي الواحد فيكم ما يلوم الا نفسو ..... |
نعم لان النفس امارة بالسوء ولابد من محاسبه مركبه
سلام اخونا( اظنها احسن من جنابو ) عمر واصل
|
Post: #18
Title: Re: لمن كنت بوليس نظام عام ...........
Author: omer osman
Date: 08-04-2010, 09:25 AM
Parent: #16
Quote: نعم لان النفس امارة بالسوء ولابد من محاسبه مركبه
سلام اخونا( اظنها احسن من جنابو ) عمر واصل |
ومافائدة كلمة (ضابط) اذا لم تكن (ضابطاً) للامور ........
تحياتي يامحمد ...............
انت من مدني - جزيرة الفيل ؟
|
Post: #20
Title: Re: لمن كنت بوليس نظام عام ...........
Author: omer osman
Date: 08-04-2010, 09:28 AM
Parent: #18
مر الاسبوع الاول في هدوء .........
واعتادت الطالبات على وجودنا ............
بعضهم كان لايزال رافض للفكرة لكن مبسوط على الاقل من طريقة التنفيذ ......
حتى التى كنا نري ان ملابسها محل ملاحظة كنا نبلغها ذلك بكل انضباط واحترام ومن مدخل نحن اخوانك وليس بضباط شرطة .....
ظل حالة الهدوء تسيطر على الموقف الى ان دوت طلقة نارية في الشارع الفاصل بين القسمين ...........
امشي الفطور واجييكم ..........
|
Post: #23
Title: Re: لمن كنت بوليس نظام عام ...........
Author: محمد علي شقدي
Date: 08-04-2010, 09:54 AM
Parent: #18
| Quote: انت من مدني - جزيرة الفيل ؟ |
نعم
|
Post: #25
Title: Re: لمن كنت بوليس نظام عام ...........
Author: omer osman
Date: 08-04-2010, 10:02 AM
Parent: #23
حبوبتي الزلال بت ابشنب من جزيرة الفيل .......... وابوي زاتو مولود في جزيرة الفيل
وعمي بروفيسر محمد عبدالحليم زوجته من جزيرة الفيل وهي بنت اخت حبوبتي الزلال ......
اسم شقدي ده سامع بيهو كتير جداً عندنا اهلنا لكن بصراحة ما عارف العلاقة شنو ؟
في كل الاحوال ......... سلام ياقريبي
|
Post: #19
Title: Re: لمن كنت بوليس نظام عام ...........
Author: أسامه الكرور
Date: 08-04-2010, 09:26 AM
Parent: #16
Quote: ليكون مفهوماً لديكم .......
هذه التعليمات انا المسئول عن كيفية تنفيذها ......
نحن ماشين نتعامل مع اولاد وبنات ناس ........
اى خرمجة اى تصرف فردي الواحد فيكم ما يلوم الا نفسو .....
واضح ياجماعة .......
واضح ياجنابو |
ياسيد عمر
ياخى ماتتبرع وتفضى نفسك ساعه فى اليوم وتحاول مع ناس النظام العام ديل
كل يوم تديهم محاضره بالكلام الفوق ده
خجلونا والله !!
|
Post: #24
Title: Re: لمن كنت بوليس نظام عام ...........
Author: omer osman
Date: 08-04-2010, 09:58 AM
Parent: #19
Quote: ياسيد عمر
ياخى ماتتبرع وتفضى نفسك ساعه فى اليوم وتحاول مع ناس النظام العام ديل
كل يوم تديهم محاضره بالكلام الفوق ده
خجلونا والله !! |
العين بصيرة واليد قصيرة ياسيادتك ....
نسوي شنو ؟
|
Post: #21
Title: Re: لمن كنت بوليس نظام عام ...........
Author: Hadeer Alzain
Date: 08-04-2010, 09:31 AM
Parent: #16
Quote:
ليكون مفهوماً لديكم .......
هذه التعليمات انا المسئول عن كيفية تنفيذها ......
نحن ماشين نتعامل مع اولاد وبنات ناس ........
اى خرمجة اى تصرف فردي الواحد فيكم ما يلوم الا نفسو .....
واضح ياجماعة .......
واضح ياجنابو ........ |
ياجنابو كان رجعو أولاد الناس الزيكم وكفاءات وكوادر الشرطة المفصولة
لإنعدل حال الشرطة ونظامها العام
ولكن تبآ لهم !
وتبآ لذلك الضابط البلطجي حديث التخرج ! 
|
Post: #27
Title: Re: لمن كنت بوليس نظام عام ...........
Author: omer osman
Date: 08-04-2010, 10:04 AM
Parent: #21
Quote: ياجنابو كان رجعو أولاد الناس الزيكم وكفاءات وكوادر الشرطة المفصولة
لإنعدل حال الشرطة ونظامها العام |
وفي كتير من الزملاء الموجودين بالشرطة خير كتير .......... ياهدير
لكن مرات تحس كده زي في حلقة مفقودة ..........
|
Post: #22
Title: Re: لمن كنت بوليس نظام عام ...........
Author: Salahaldeen Nadir
Date: 08-04-2010, 09:34 AM
Parent: #16
Quote: انا منو كيف يامان ؟
اسه انت ما زول مفتح وعامل بتشاغل مش مفروض تنقش طوالي انا منو ؟ |
غلطان
المفروض يعرف عن نفسه ومهمته قبل أن يدخل في أي حوار مع المواطن/المشتبه/ المتهم
مع إبراز إثبات الشخصية
!
|
Post: #26
Title: Re: لمن كنت بوليس نظام عام ...........
Author: حمزاوي
Date: 08-04-2010, 10:03 AM
Parent: #22
الصفوة صفوة في أي محل
عمر انت صفوة لمن كنت عسكري وانت تكتب هنا وانت رياضي مشجع نادي
البلد تفقد كوادرها الممتازة وللأسف لا يوجد بديل
مسكين بلدي
|
Post: #29
Title: Re: لمن كنت بوليس نظام عام ...........
Author: omer osman
Date: 08-04-2010, 10:08 AM
Parent: #26
Quote: الصفوة صفوة في أي محل
عمر انت صفوة لمن كنت عسكري وانت تكتب هنا وانت رياضي مشجع نادي
البلد تفقد كوادرها الممتازة وللأسف لا يوجد بديل
مسكين بلدي |
شكراً والف شكر ياحمزاوي على حسن ظنك وربنا يقدرنا نكون دائماً كده ..........
|
Post: #28
Title: Re: لمن كنت بوليس نظام عام ...........
Author: omer osman
Date: 08-04-2010, 10:06 AM
Parent: #22
Quote: غلطان
المفروض يعرف عن نفسه ومهمته قبل أن يدخل في أي حوار مع المواطن/المشتبه/ المتهم
مع إبراز إثبات الشخصية
! |
كلامك صاح ياصلاح ............
لكن الوصية بالمهلة : البوليس ده ما كل كعب ما تتحيز ضدو شديد كده .........
|
Post: #30
Title: Re: لمن كنت بوليس نظام عام ...........
Author: omer osman
Date: 08-04-2010, 10:14 AM
Parent: #28
قبل الفطور وقفنا هنا .............
Quote: ظل حالة الهدوء تسيطر على الموقف الى ان دوت طلقة نارية في الشارع الفاصل بين القسمين ...........
|
انا ومحمد كنا في مرور على القسم البعيد من الجامعة ..........
سمعنا صوت العيار الناري من جهة الشارع الفاصل بين قسمي الجامعة .....
تحركنا سريعاً جداً الى مكان الصوت ..........
من بعيد شاهدنا جمهرة كبيرة في شكل حلقة ............
وصراخ وهستريا وبنات ببكو وبنات واقعين في الواطة ..........
المشهد كان يوحي بكارثة ............
ولم استبعد ان تكون هناك جثة ما في منتصف تلك الحلقة ..........
اذا حدث اى شيء من هذا القبيل فهو بشكل او باخر مسئولية قائد القوة ......
وكما تريد ان يطيعك الافراد والضباط الذين معك في القوة فعليك ان تتحمل عواقب تجاوزهم او سوء تصرفهم ......
|
Post: #31
Title: Re: لمن كنت بوليس نظام عام ...........
Author: omer osman
Date: 08-04-2010, 10:20 AM
Parent: #30
حمدت الله مثني وثلاث انني لم اجد جثة ولا شخص مصاب ..........
وجدت شخص طويل عريض يتوسط الحلقة ويمسك بطبنجة يلوح بها في الهواء .....
ويهدد كل من يقترب منه بانه سيفجر رأسه بطلقة .........
ويبدو من قسمات وجهه بانه جااااااادي للحد البعيد ..........
ده ما خيارك ياعمر يوم خشيت البوليس وحلفت القسم ان تؤدي واجبك حتى لو ادي ذلك الى المجازفة بحياتك .........
اها جاك الاختبار لحدي عندك ياتجازف ...... ياتخاف وتتراجع وتبقي ليك فضيحة وسبة في حياتك العملية ..........
اها الضباط والعساكر المن قبيل عمل ليهم فيها زعيم بعاينو ليك ما انت اقدم زول والتصرف والكرة في ملعبك .......
|
Post: #32
Title: Re: لمن كنت بوليس نظام عام ...........
Author: omer osman
Date: 08-04-2010, 10:28 AM
Parent: #31
الشجاعة والتكتيك مافي حل غير كده ..........
اول حاجة تدي رسالة للزول ده انت منو ؟
بعض العساكر من القوة المعاي الكانوا موجودين وجدتهم متحفزين حول ذلك الشخص ويجري بعض التلاسن بينه وبينهم .........
في حزم وقوة امرت كل العساكر بالتراجع وانصاعوا للامر .......
الرسالة وصلت واكيد عرف بانه يتعامل مع شخص مسئول .......... (شكلي دائماً كان بدخلني في مشاكل حيث ابدو اصغر من عمري كثير جداً)
طيب ياخي انا النقيب شرطة عمر عثمان انت منو ومشكلتك شنو ؟
انا الملازم اول ................. قوات الشعب المسلحة
طيب كويس ياجنابو كده نحن ح نتفاهم كويس خلاص ضابط لي ضابط ......
اول حاجة وقبل ما نتفاهم اديني الطبنجة دي .........
بداء عليه التردد والارتباك .........
ياجنابو انا كلامي واضح وانا المسئول هنا واى مشكلة بحلها لكن لازم تسلمني الطبنجة .....
في هدوء سلمني الطبنجة ........
وطلبت من الجمهور الواقف الانصراف ............
|
Post: #33
Title: Re: لمن كنت بوليس نظام عام ...........
Author: omer osman
Date: 08-04-2010, 10:34 AM
Parent: #32
الحاصل شنو ياجنابو ؟
انا كنت قاعد في العربية مع خطيبتي وجاء الزول ده (آشر لي واحد من افرادي)
جاء الزول ده وبي طريقة مستفزة طلب مني انزل البت المعاي واتحرك من قدام الجامعة ......
حاولت اتكلم معاهو بطريقة كويسة قام جراني من قميصي ....... وانا مرقته بره العربية وضربت طلقة في الهواء .........
بعد كلام طويل عن سبب وجودنا وتعليماتنا للعساكر بعدم استفزاز الناس .......... الخ
قلت ليهو برضو ياجنابو الحاجة الانت عملتها دي غلط وغلط كبير جداً خصوصاً انو الشارع ده مزدحم والجامعة دي حقت بنات ....
واسه الخبر ده بكون انتشر وح تسمع مليون قصة في الطلقة دي (الزمان داك لو كان في سودانيز .......... عييييييييييييييييييك)
|
Post: #35
Title: Re: لمن كنت بوليس نظام عام ...........
Author: omer osman
Date: 08-04-2010, 10:41 AM
Parent: #33
طيب ياجنابو شوف الموضوع ده لازم يكون فيهو اجراءات وممكن يعدي كده ساكت ........
لكن انا ح اكتفي بانو الاجراء يكون اداري بين الشرطة والقوات المسلحة يعني ما ح نعمل اجراء جنائي في القسم .......
دي الحاجة الاولي والحاجة التانية انت زول ضابط وانا بثق فيك تمشي تودي خطيبتك دي (كانت منهارة تماماً) البيت وتجينا في مكاتبنا في الحتة الفلانية .......
وانا واثق انك ما ح تزوغ ..........
وقد كان عندما رجعنا الادارة وصلنا بعدنا بخمسة دقائق ...........
شرحت لنائب المدير الموضوع واقترحت عليه انو نعمل خطاب للشرطة العسكرية بالوقائع ونسلمهم الضابط والطبنجة ........
وبعد ذلك هم بتصرفوا معاهو بمعرفتهم .................
بعد عدة سنوات التقيته صدفة وعرفت انه ترك القوات المسلحة واظنه يعمل الان خارج السودان ..........
كان لايزال يحفظ لي تعاملي الجيد معه ولم يكن غاضب ابداً على الاجراء الذي قمت به وتفهم تماماً بانه كان لابد منه ......
|
Post: #36
Title: Re: لمن كنت بوليس نظام عام ...........
Author: omer osman
Date: 08-04-2010, 10:44 AM
Parent: #35
العسكري سبب المشكلة .........
حقيقة لم استغرب تسبب في هذه المشكلة فهو من النوع المتحفز دائماً للمشاكل .........
قمت بايداعه الحبس وقدم للمحاسبة .......... واستبعدته تماماً من القوة التى تذهب معي الى الجامعة ........
|
Post: #34
Title: Re: لمن كنت بوليس نظام عام ...........
Author: ashraf mukhtar
Date: 08-04-2010, 10:36 AM
Parent: #32
بوستاتك كلها حلوة ياجنابو
|
Post: #37
Title: Re: لمن كنت بوليس نظام عام ...........
Author: omer osman
Date: 08-04-2010, 10:46 AM
Parent: #34
| Quote: بوستاتك كلها حلوة ياجنابو |
ياخي ده من ذوقك يا اشرف ..........
تحياتي وشكري ...............
|
Post: #38
Title: Re: لمن كنت بوليس نظام عام ...........
Author: omer osman
Date: 08-04-2010, 10:47 AM
Parent: #37
ماذا كان يفعل المدرس في الزقاق ؟؟؟؟؟؟؟؟؟؟؟؟
شوية وبجيكم راجع
|
Post: #39
Title: Re: لمن كنت بوليس نظام عام ...........
Author: محمد عبد الماجد الصايم
Date: 08-04-2010, 10:50 AM
Parent: #37
أول مرة يا جنابو تحكي لينا قصة في ظرف تلاتة ساعات!!
|
Post: #40
Title: Re: لمن كنت بوليس نظام عام ...........
Author: سالم أحمد سالم
Date: 08-04-2010, 10:54 AM
Parent: #39
يا ريت المهندس بكري يرفع هذا البوست مع العناوين ..
ويا ريت السرد يتواصل بمنتهى التجرد والأمانة ..
تحياتي
|
Post: #42
Title: Re: لمن كنت بوليس نظام عام ...........
Author: omer osman
Date: 08-04-2010, 11:01 AM
Parent: #40
Quote:
يا ريت المهندس بكري يرفع هذا البوست مع العناوين ..
ويا ريت السرد يتواصل بمنتهى التجرد والأمانة ..
تحياتي |
يا استاذ سالم ........
والله الليلة بي زيارتك بيتنا نور ...........
فترتي في تلك الادارة كانت قصيرة وبالتالي لم تكن هناك قصص كثيرة .........
قصة المدرس وقصة اخري سترد لاحقاً .........
لا اخفي الا اسماء اشخاص واماكن حفاظاً على خصوصيتهم ....
|
Post: #47
Title: Re: لمن كنت بوليس نظام عام ...........
Author: Hadeer Alzain
Date: 08-04-2010, 11:26 AM
Parent: #40
Quote:
يا ريت المهندس بكري يرفع هذا البوست مع العناوين .. |
أثني إقتراح الأستاذ
_
|
Post: #41
Title: Re: لمن كنت بوليس نظام عام ...........
Author: omer osman
Date: 08-04-2010, 10:56 AM
Parent: #39
| Quote: أول مرة يا جنابو تحكي لينا قصة في ظرف تلاتة ساعات!! |
ياعمك الليلة اللعب كلو ضاغط ......
|
Post: #43
Title: Re: لمن كنت بوليس نظام عام ...........
Author: omer osman
Date: 08-04-2010, 11:07 AM
Parent: #41
Quote: ماذا كان يفعل المدرس في الزقاق ؟؟؟؟؟؟؟؟؟؟؟؟
|
وقفنا بالبوكس تحت شجرة نيم جوار القسم البعيد من الجامعة .........
جلست في صندوق البوكس انا ومحمد صلاح نراقب الاوضاع .......
الافراد منتشرين على مقربة مننا ...........
حركة الطالبات بين هذا القسم واقسام الجامعة الاخري لا تنقطع ..........
يمرون عبر طريق عام ويدلفون الى شارع ضيق اقرب الى زقاق ......
ويمرون اما عربتنا في طريقهم الى باب الجامعة .......
كنا بعيدين من لفة الزقاق او الشارع الضيق ......
لكني لاحظت حركة غريبة وهرج في كل مرة يمر فيها فوج من الطالبات ......
واصوات مخلوعة واخري ضاحكة .........
امعنت النظر ودققت فيما يجري .........
فماذا رأيت ......
|
Post: #45
Title: Re: لمن كنت بوليس نظام عام ...........
Author: omer osman
Date: 08-04-2010, 11:18 AM
Parent: #43
ربطت من خلال مشاهدتي بين الشخص الواقف عند لفة الزقاق والفوضي التى تحدث هناك .......
ناديت واحد من العساكر ...... امشي هناك راقب وشوف لي الزول ده بعمل في شنو ؟
خمسة دقائق جاني العسكري راجع وهو يمسك بتلابيب الرجل ........
ده زول قليل ادب ياجنابو ....
كيف مالو ؟
والشخص ينظر الى الارض في خجل وخوف ........
ياجنابو الزول ده بقيف هناك بعمل فيها زي عاوز يتسير .....
ولمن يشعر انو في بنات قريبين منو بتلفت عليهم من غير ما يقفل السستة بتاعتو ....
لاحول ولاقوة الا بالله ...........
ليه كده وانت راجل كبير انت ما زول صغير عشان تعمل كده ....
دي عملية ########ة جداً ........
انت اسمك منو وشغال شنو ؟
طلع لي بطاقتو الشخصية .........
كانت الكارثة انه (مدرس) ..........
حقيقة مرات ما تعرف تشعر بالغثيان والا بالرثاء للزول القدامكم ده .......
عمره ما اقل من 45- 50 سنة على ما اذكر ..........
تذكرت محاضرات كلية الشرطة وامراض الشذوذ الجنسي والاحساس باللذة نتيجة لتصرفات غريبة .......
|
Post: #46
Title: Re: لمن كنت بوليس نظام عام ...........
Author: omer osman
Date: 08-04-2010, 11:24 AM
Parent: #45
ايقنت بانني اتعامل مع شخص مريض قبل ان يكون متهم او مجرم ........
وقررت انه يجب ان يعامل كذلك دون التفريط في توفير الحماية لبنات الجامعة من تصرفات هذا الرجل المريض .......
قمت باقتياده الى اقرب قسم شرطة طلبت منه ان يوقع تعهد بعدم تكرار مثل هذه التصرفات في تلك الجامعة او في غيرها ......
تكلمت معه انت رجل كبير ولديك اسرة قد تقع المرة القادمة في شخص لن يتعامل معك بهذه الطريقة .......
انا شخصياً لا اعرف اين يمكنك ان تجد العلاح ........
لكن عليك الله عشان خاطر سمعتك وسمعة اسرتك ابحث عن العلاج وتذكر بانك ان عدت عاجلاً ام اجلاً ستقع في قبضة الشرطة .......
كان جاوبه الدموع ولاشيء غير الدموع غير بعض كلمات شكر خرجت محشرجرة بصوته المخنوق بالبكاء .....
|
Post: #44
Title: Re: لمن كنت بوليس نظام عام ...........
Author: Hassan Bakri Nugud
Date: 08-04-2010, 11:11 AM
Parent: #39
واصل ، واصل يا أبو الزمل ..
متابعة.
|
Post: #48
Title: Re: لمن كنت بوليس نظام عام ...........
Author: omer osman
Date: 08-04-2010, 11:28 AM
Parent: #44
Quote: واصل ، واصل يا أبو الزمل ..
متابعة. |
ابو الحسن كيف ياعمك ............
شاكرين للاهتمام والمتابعة ...........
|
Post: #49
Title: Re: لمن كنت بوليس نظام عام ...........
Author: omer osman
Date: 08-04-2010, 11:31 AM
Parent: #48
((عشان عندنا عيد))
منو القال كده وليه ..........
انتظرونا ...........
|
Post: #50
Title: Re: لمن كنت بوليس نظام عام ...........
Author: سارة كرودى
Date: 08-04-2010, 11:44 AM
Parent: #49
Quote: ((عشان عندنا عيد))
منو القال كده وليه ..........
انتظرونا ........... |
جنابو يابوليس ...
منتظرين
|
Post: #51
Title: Re: لمن كنت بوليس نظام عام ...........
Author: محمد عبد الماجد الصايم
Date: 08-04-2010, 11:51 AM
Parent: #50
Quote: جنابو يابوليس ...
منتظرين |
يا جنابو .. الزولة دي قصدها منتظرينكـ
في الغدا وإنت شابكـ الناس نقّة هنا!
|
Post: #55
Title: Re: لمن كنت بوليس نظام عام ...........
Author: omer osman
Date: 08-04-2010, 12:04 PM
Parent: #51
Quote: يا جنابو .. الزولة دي قصدها منتظرينكـ
في الغدا وإنت شابكـ الناس نقّة هنا! |
عليك الله ياعمك .....
بعد ققصي ده كلها مش مفروض يعزموني غداء في امواج .....
|
Post: #61
Title: Re: لمن كنت بوليس نظام عام ...........
Author: علاء الدين صالح
Date: 08-04-2010, 12:22 PM
Parent: #51
السنة الفاتت كنت بقول
الما بيقرا لجنابو..
نُص عُمرو ضايع
ولمَّن مشيت السودان وقابلتو
واتعرَّفتا عليهو عن قُرب
بقيت أقول
الما عِرِف عمر عثمان..
عُمرو كلُّو ضايع
تحيّاتي وأشواقي يا سعادة
|
Post: #62
Title: Re: لمن كنت بوليس نظام عام ...........
Author: omer osman
Date: 08-04-2010, 12:26 PM
Parent: #61
Quote: السنة الفاتت كنت بقول
الما بيقرا لجنابو..
نُص عُمرو ضايع
ولمَّن مشيت السودان وقابلتو
واتعرَّفتا عليهو عن قُرب
بقيت أقول
الما عِرِف عمر عثمان..
عُمرو كلُّو ضايع
تحيّاتي وأشواقي يا سعادة |
علاءالدين .......... ياخي ما تبالغ
مشتاقين والله ياعمك ........
الاجازة متين ماقربت ............
|
Post: #53
Title: Re: لمن كنت بوليس نظام عام ...........
Author: omer osman
Date: 08-04-2010, 12:02 PM
Parent: #50
Quote: جنابو يابوليس ...
منتظرين |
حاضر ياسيادتك *
* زوجة الضابط دائماً ما تسبقه برتبة .......
|
Post: #58
Title: Re: لمن كنت بوليس نظام عام ...........
Author: محمد عبد الماجد الصايم
Date: 08-04-2010, 12:09 PM
Parent: #53
| Quote: زوجة الضابط دائماً ما تسبقه برتبة |
إنا لله!
فتّاها!
_
احترامي سعادة الرائد
|
Post: #56
Title: Re: لمن كنت بوليس نظام عام ...........
Author: ود العجمى
Date: 08-04-2010, 12:04 PM
Parent: #49
| Quote: حبوبتي الزلال ...... |
انت من الشمالية ؟؟
|
Post: #57
Title: Re: لمن كنت بوليس نظام عام ...........
Author: omer osman
Date: 08-04-2010, 12:07 PM
Parent: #56
| Quote: انت من الشمالية ؟؟ |
من الشمالية - جلاس
|
Post: #63
Title: Re: لمن كنت بوليس نظام عام ...........
Author: SHIBKA
Date: 08-04-2010, 12:26 PM
Parent: #57
| Quote: من الشمالية - جلاس |
طوالي طالما طلعت من عندنا طوالي تاخد لواء
|
Post: #65
Title: Re: لمن كنت بوليس نظام عام ...........
Author: omer osman
Date: 08-04-2010, 12:29 PM
Parent: #63
| Quote: طوالي طالما طلعت من عندنا طوالي تاخد لواء |
شبكة شخصياً ..............
اتاريها جلاس دي ما هينة ....... 
|
Post: #110
Title: Re: لمن كنت بوليس نظام عام ...........
Author: Mohammed Awad
Date: 08-04-2010, 02:37 PM
Parent: #65
| Quote: من الشمالية - جلاس |
بس اوعا تقول لى علبوب !!!
|
Post: #112
Title: Re: لمن كنت بوليس نظام عام ...........
Author: omer osman
Date: 08-04-2010, 02:41 PM
Parent: #110
| Quote: بس اوعا تقول لى علبوب !!! |
ياعمك ما تخش معانا في الغريق .....
انا اكتر من كده ما بعرف ......
شوايقة لندن ......
|
Post: #149
Title: Re: لمن كنت بوليس نظام عام ...........
Author: doma
Date: 08-05-2010, 10:08 AM
Parent: #65
| Quote: من الشمالية - جلاس |
شبكه وعمر عثمان
تكون حبوبه دومه قريبتم من جهة الام
|
Post: #54
Title: Re: لمن كنت بوليس نظام عام ...........
Author: عزالدين خضر
Date: 08-04-2010, 12:02 PM
Parent: #48
سرد ممتع ياجنابو
وتعامل متحضر وواعى
وهذه هى بالضبط الشرطة التى نحلم بها
ولكن !!!
izudin
|
Post: #59
Title: Re: لمن كنت بوليس نظام عام ...........
Author: omer osman
Date: 08-04-2010, 12:10 PM
Parent: #54
Quote: سرد ممتع ياجنابو
وتعامل متحضر وواعى
وهذه هى بالضبط الشرطة التى نحلم بها
ولكن !!!
|
شكراً عزالدين على الكلمات المشجعة ........
حواء البوليس ولود ياعزالدين لم تعقر بعدنا ..........
ستجد يوما ما الشرطة التى تحلم بها ..........
|
Post: #52
Title: Re: لمن كنت بوليس نظام عام ...........
Author: بكري عباس علي
Date: 08-04-2010, 12:00 PM
Parent: #44
والله يا عمر عثمان وبدون كسير تلج
البوليس دا خسر ضابط عظيم ما احوجهم اليوم اليه
واصل يا عمك
|
Post: #60
Title: Re: لمن كنت بوليس نظام عام ...........
Author: omer osman
Date: 08-04-2010, 12:13 PM
Parent: #52
Quote: والله يا عمر عثمان وبدون كسير تلج
البوليس دا خسر ضابط عظيم ما احوجهم اليوم اليه
واصل يا عمك |
وين ياعمك غاطس ليك زمن ........
لسه ساكي موضوع الكهرباء داك والا شنو .......
اشتغلنا يابكري بضمير واجتهدنا على قدر علمنا ...........
نأمل في اخوة لنا لايزالون على عهدنا بهم ...............
|
Post: #64
Title: Re: لمن كنت بوليس نظام عام ...........
Author: سارة كرودى
Date: 08-04-2010, 12:28 PM
Parent: #60
...
طيب انضبط ياجنابو ..
|
Post: #67
Title: Re: لمن كنت بوليس نظام عام ...........
Author: وليد محمد المبارك
Date: 08-04-2010, 12:31 PM
Parent: #64
ابقى راجل قول بِغِم
|
Post: #70
Title: Re: لمن كنت بوليس نظام عام ...........
Author: omer osman
Date: 08-04-2010, 12:37 PM
Parent: #67
| Quote: ابقى راجل قول بِغِم |
ما شايفني صنيت كيف واكلتها في حناني ......
|
Post: #71
Title: Re: لمن كنت بوليس نظام عام ...........
Author: اشرف السر
Date: 08-04-2010, 12:39 PM
Parent: #60
عمر عثمان
Quote: تكلمت معه انت رجل كبير ولديك اسرة قد تقع المرة القادمة في شخص لن يتعامل معك بهذه الطريقة .......
انا شخصياً لا اعرف اين يمكنك ان تجد العلاح ........
لكن عليك الله عشان خاطر سمعتك وسمعة اسرتك ابحث عن العلاج وتذكر بانك ان عدت عاجلاً ام اجلاً ستقع في قبضة الشرطة .......
كان جاوبه الدموع ولاشيء غير الدموع غير بعض كلمات شكر خرجت محشرجرة بصوته المخنوق بالبكاء ..... |
نعم هكذا يطبق شعار "الشرطة في خدمة الشعب" وتصبح الشرطة الذراع التي تعالج الخلل بالحكمة المسنودة بالقوة، لا البطش والقهر فحسب.
نحتاج رجل الشرطة الذي يمرر كل نصوص القنون عبر ضميره الانساني ويشتغل "بضمير"
لك التحية وخالص المعزة
|
Post: #84
Title: Re: لمن كنت بوليس نظام عام ...........
Author: omer osman
Date: 08-04-2010, 01:15 PM
Parent: #71
Quote: نحتاج رجل الشرطة الذي يمرر كل نصوص القنون عبر ضميره الانساني ويشتغل "بضمير"
|
صعبة وساهلة يا اشرف السر .........
الامر في كثير من الاحيان يحتاج الى ايمان قوي بهذه الفكرة وشجاعة تمنعك من التفكير في عواقب تصرفك هذا
زي قصة العسكري البمشي يشتكيك دي ........
دائماً كان شعاري اعمل الصاح واليحصل يحصل ..........
|
Post: #73
Title: Re: لمن كنت بوليس نظام عام ...........
Author: طارق جبريل
Date: 08-04-2010, 12:42 PM
Parent: #60
غايتو نسيبك داك وصاحبي بيكون كسر ليه ضلعة كم زول كدة
من نحن في اولى ابتدائي مدور شكلة
تليشة:
سارة اعملي رايحة من المداخلة دي
اي نعم الراجل صحبي شديد
لكن جنه شكل تقول مولود في ميدان عقرب
|
Post: #81
Title: Re: لمن كنت بوليس نظام عام ...........
Author: omer osman
Date: 08-04-2010, 01:12 PM
Parent: #73
Quote: غايتو نسيبك داك وصاحبي بيكون كسر ليه ضلعة كم زول كدة
من نحن في اولى ابتدائي مدور شكلة |
خلي ايمن دياب يحكي ليك قصة الحرامي القبضو صاحبك ....
|
Post: #97
Title: Re: لمن كنت بوليس نظام عام ...........
Author: سارة كرودى
Date: 08-04-2010, 01:50 PM
Parent: #73
Quote: تليشة:
سارة اعملي رايحة من المداخلة دي
اي نعم الراجل صحبي شديد
لكن جنه شكل تقول مولود في ميدان عقرب |
طارق جبريل ...
مش ده رايك فى صاحبك استعد و ماتقول التلفونات مجانية
|
Post: #66
Title: Re: لمن كنت بوليس نظام عام ...........
Author: ود العجمى
Date: 08-04-2010, 12:29 PM
Parent: #52
| Quote: من الشمالية - جلاس |
كما قبضت شقدى فى مدنى بالثابتة قبضناك بالزلال فى الشمالية وكما تدين تدان
وفى اطار البوست واصل متابعينك وحقيقى ما تتصور سعادة المواطن العادى لمن يلقى زول مهنى داخل دوائر الشرطة
بتكون كيف ؟؟
واذا اتسع المقام من ملاحظتى فى تقديرى كل خروقات الشرطة بتحصل بسبب الرتب الصغيرة فى الغالب وتحديد الملازمين
لو صحت ملاحظتى يا ريت تورينا الاسباب .. فى آخر الصف طبعا عشان الجماعة المتابعين ديل ما يقولوا لى زح لينا من قدام الشاشة
----
سردك ممتع جدا
|
Post: #69
Title: Re: لمن كنت بوليس نظام عام ...........
Author: omer osman
Date: 08-04-2010, 12:34 PM
Parent: #66
| Quote: كما قبضت شقدى فى مدنى بالثابتة قبضناك بالزلال فى الشمالية وكما تدين تدان |
Quote: واذا اتسع المقام من ملاحظتى فى تقديرى كل خروقات الشرطة بتحصل بسبب الرتب الصغيرة فى الغالب وتحديد الملازمين
لو صحت ملاحظتى يا ريت تورينا الاسباب .. |
كلام سليم يا ودالعجمي .......... خليهو في النهاية بنجيهو
|
Post: #68
Title: Re: لمن كنت بوليس نظام عام ...........
Author: عبدالمجيد المقابل
Date: 08-04-2010, 12:31 PM
Parent: #52
جنابو عمر
سلام
المسئول الذي قبل إستقالتك من الشرطة إرتكب جريمة كبيرة في حق هذا الوطن
مرحبا" بالنظام العام , إذا كان القائمين علي أمره بمستوي تفهمك و حنكتك و نباهتك و حضورك .
|
Post: #72
Title: Re: لمن كنت بوليس نظام عام ...........
Author: omer osman
Date: 08-04-2010, 12:41 PM
Parent: #68
Quote: جنابو عمر
سلام
المسئول الذي قبل إستقالتك من الشرطة إرتكب جريمة كبيرة في حق هذا الوطن
مرحبا" بالنظام العام , إذا كان القائمين علي أمره بمستوي تفهمك و حنكتك و نباهتك و حضورك . |
ربما أنا الذي اجرمت في حق نفسي وحق الشرطة وحق المواطنين يوم قررت الرحيل ؟!
على العموم الخيرة فيما اختاره الله ...........
شكرا والف شكر ياعبدالمجيد ...........
|
Post: #74
Title: Re: لمن كنت بوليس نظام عام ...........
Author: omer osman
Date: 08-04-2010, 12:51 PM
Parent: #72
Quote: ((عشان عندنا عيد))
منو القال كده وليه ..........
انتظرونا ........... |
خرجت في طواف ليلي لتفقد احوال الاداب في الشارع العام على حسب التعليمات الصادرة بذلك المرور ......
كنا انا والسائق وثلاثة افراد .........
شوارع الخرطوم لم تكن بهذا الشكل وقتها .........
الان تبدو احسن حالا من حيث الاضاءة والاسفلت ..........
المهم ونحن مرور شرق سور مطار الخرطوم ..........
شاهدت شاحنة قندران (هذه العربات اختفت الان وحلت محلها الشاحنات الحديثة) تقف في الظلام ......
وقوفها في ذلك المكان لابد من يثير انتباه اى شرطي يعرف عمله ......
طلبت من السائق التوجه نحوها في هدوء وان يطفي انوار العربة ويجعلها تتحرك بالتقسيمة فقط .......
على بعد مسافة معقولة طلبت منه التوقف ......
نزلت من السيارة وطلبت من احد الافراد ان ينزل بدوره .....
وعلى الباقين البقاء في حالة تأهب في السيارة ......
عندما نصل الى الشاحنة اتجه انت نحو باب السائق وسا اتجه انا نحو الباب الاخر
ونتسلق ونعاين من خلال شباك السيارة اذا لم نسمع صوت داخلها .......
وصلنا وبسبب حركة الهواء الشديد لم نسمع اى صوت من داخل السيارة ....
وانتقلنا الى الشق الثاني من الخطة .......
نظرت من خلال شباك السيارة مستعملاً نور البطارية التى احملها في يدي .....
وشاهدت منظر ربما لم يشاهده الكثيرون من قبل او من بعد ........
|
Post: #78
Title: Re: لمن كنت بوليس نظام عام ...........
Author: omer osman
Date: 08-04-2010, 01:03 PM
Parent: #74
حيث شاهدت المرود في المكحلة كما يقولون في كتب الفقه ....
وهو امر صعب الحدوث .........
لكن هذا ما قد كان .............
رجل وامرأة .............. من الجنسية الاثيوبية ........
كانا عاريين كيوم ولدتهما امهاتهما ............
طلبت منهما النزول بعد ارتداء ملابسهما .......
حقيقة كنت اظن أول الامر ان هناك جريمة قتل أو مخدرات ...... هي سبب وقوف القندران في ذلك المكان
لم يكونا صغيرين في السن ويبدو ان الرجل هو صاحب القندران وهذه صديقته ......
المرأة كانت ترتجف لدرجة ان اسنانها تصطك ......... حقيقة اشفقت عليها ......
بعد مراجعة بطاقته وتفتيش العربة وخلوها من اى ممنوعات .......
سالته ياخي انت عملت كده ليه ...........
قال لي والله ياجنابو عشان عندنا عيد ...........
ياخي معقولة ده عيد شنو البعملو فيهو كده ......
واحد من العساكر قال صاح ياجنابو الحبش ديل اليومين دي عندهم عيد ........
قلت ليهو اقول ليك حاجة : كل عام وانتم بخير ...... دور عربيتك دي امشي من هنا ........
وواصلت مروري ............
|
Post: #80
Title: Re: لمن كنت بوليس نظام عام ...........
Author: omer osman
Date: 08-04-2010, 01:08 PM
Parent: #78
تاني يوم لم يقصر احد العساكر في كتابة شكوي ضدي الى مدير الادارة ......
بتهمة التقصير في إقامة حداً من حدود الله !!!!!!!!
لم اتردد في الاستدلال بقصص سيدنا عمر بن الخطاب وعن وجوب السترة والامر ليس تشجيع بل هي فرصة ثانية نمنحها للشخص المخطيء
وفي النهاية انا ضابط وهذا تقديري وتقييمي للحالة ........
المدير تفهم الامر وحفظ الشكوي فوراً .............
|
Post: #75
Title: Re: لمن كنت بوليس نظام عام ...........
Author: سارة كرودى
Date: 08-04-2010, 12:52 PM
Parent: #72
Quote: ربما أنا الذي اجرمت في حق نفسي وحق الشرطة وحق المواطنين يوم قررت الرحيل ؟!
|
حقيقة من غير تطبيل فقد عظيم للشرطة ...
|
Post: #76
Title: Re: لمن كنت بوليس نظام عام ...........
Author: محمد عبد الماجد الصايم
Date: 08-04-2010, 12:58 PM
Parent: #75
| Quote: حقيقة من غير تطبيل فقد عظيم للشرطة ... |
غايتو يا جنابو .. بعد النجيضة الطلعت من سعادتو
قطع شكـ الليلة في مشوار لعفراء مول .. يا بالعدم حلويات العبد!!!!
|
Post: #77
Title: Re: لمن كنت بوليس نظام عام ...........
Author: سارة كرودى
Date: 08-04-2010, 01:02 PM
Parent: #76
Quote: غايتو يا جنابو .. بعد النجيضة الطلعت من سعادتو
قطع شكـ الليلة في مشوار لعفراء مول .. يا بالعدم حلويات العبد!!!! |
ودالصايم ماتخرب لينا الشغل بعد قرب يتم
|
Post: #79
Title: Re: لمن كنت بوليس نظام عام ...........
Author: محمد عبد الماجد الصايم
Date: 08-04-2010, 01:07 PM
Parent: #77
|
Post: #92
Title: Re: لمن كنت بوليس نظام عام ...........
Author: أحمد الصديق
Date: 08-04-2010, 01:46 PM
Parent: #77
سلمت يداك
يا زول يا نظيف.
والله لو ما مريخابي
نسلم ليك فوق إيدك
يا شيخ عمر.
|
Post: #113
Title: Re: لمن كنت بوليس نظام عام ...........
Author: omer osman
Date: 08-04-2010, 02:56 PM
Parent: #92
Quote: والله لو ما مريخابي
نسلم ليك فوق إيدك
يا شيخ عمر |
تشكر يا ابوحميد على ذوقك وكلماتك الطيبة .....
اعتبرونا في بعثة للمريخ واحتمال نجي راجعين ....
|
Post: #83
Title: Re: لمن كنت بوليس نظام عام ...........
Author: أمين يحيى
Date: 08-04-2010, 01:13 PM
Parent: #76
ما أجمل ما تكتب يا جنابو !!!
وما أنبل ما أدّيت ... وما أروع ما تقص ،،،
لولا التواريخ والشواهد لقلت أنك من ذلك الجيل الذي إنقرض ،
ولكنّك إمتداد لتلكم الكوادر العفيفة الطاهرة (التي - رغم وجودها - يصعب مصادفتها الآن) ...
_______________
.... وبرضو من جلاس !!؟ طيب فضلت شنو !
إنت عاااارف مشكلتي معاك ... نفسي أعرف ال لمّاك مع (الكفوة) شنو ؟
يا سعادتك خليك مع الأسياد (حقيقي بتشبهم)
كل الود ليك ولضيوفك
|
Post: #85
Title: Re: لمن كنت بوليس نظام عام ...........
Author: omer osman
Date: 08-04-2010, 01:19 PM
Parent: #83
Quote: ما أجمل ما تكتب يا جنابو !!!
وما أنبل ما أدّيت ... وما أروع ما تقص ،،،
لولا التواريخ والشواهد لقلت أنك من ذلك الجيل الذي إنقرض ،
ولكنّك إمتداد لتلكم الكوادر العفيفة الطاهرة (التي - رغم وجودها - يصعب مصادفتها الآن) ...
_______________
.... وبرضو من جلاس !!؟ طيب فضلت شنو !
إنت عاااارف مشكلتي معاك ... نفسي أعرف ال لمّاك مع (الكفوة) شنو ؟
يا سعادتك خليك مع الأسياد (حقيقي بتشبهم)
كل الود ليك ولضيوفك |
هناك من بين الجالسين على رصيف المعاش من هم احسن مني يا امين ...
مشكلتهم ما عندهم باسويرد في منبر بكري ..... او هم موجودون معانا ويؤثرون الصمت ......
خلينا مع الكفوة يا امين يمكن نحسن النسل ..............
|
Post: #94
Title: Re: لمن كنت بوليس نظام عام ...........
Author: علاء الدين صالح
Date: 08-04-2010, 01:46 PM
Parent: #85
Quote: علاءالدين .......... ياخي ما تبالغ
مشتاقين والله ياعمك ........
الاجازة متين ماقربت ............ |
شُغلي الجديد مع خواجات
كل 3 شهور عندي إجازة 16 يوم
يادوب حتكفِّيني أغطّي فيها مؤمن ولذيذ وأمواج وجاد وعوضيّة وقندهار
|
Post: #111
Title: Re: لمن كنت بوليس نظام عام ...........
Author: عمر عشاري
Date: 08-04-2010, 02:39 PM
Parent: #75
عمر عثمان
سلامات
تعرف بعض التصرفات الغير مناسبة للمنتسبين لقوات الشرطة تعمل على رسم صورة ذهنية خاطئة لدى المواطن عن هذا الجهاز المُهم والحساس والضروري
والتسييس ياعمر هو أُس البلاء
الإستقطاب الحاد لضباط الشرطة لدعم وحماية النظام
دمج مفهومي الدولة والنظام الحاكم كارثة كبيرة
ضباط الشرطة هم أبناء هذا الشعب ( ولد عمك ، ود الجيران ، أخو مرتك ، صديقك )
ولكن الفجوة الأمنية تحول الجميع إلى وحوش ، يخاف رجل الشرطه على وظيفته وترقيته إن لم يبد الحزم والذي هو رديف الظلم في ظل الأنظمة القمعية .
رأيت رجال الشرطة كثيرا في مواقف مُخجلة
إلا أنني رأيتهم أيضا في مواقف تتناسب وشرف هذا الجهاز واهميته للناس
ذاكرتي ملونة بشرطي إلتقيته في مدخل باب المايقوما يحمل بحنو شديد طفلا حديث الولادة ويضمه إلى صدره بعناية شديدة
كان متأثرا جدا ...وعندما سلمه لإدارة الدار لم يتحرك مباشرة وأخذ يتابع بإهتمام شديد تعامل الممرضة مع الطفل
وملونة أيضا بكثير من القضايا التي توصلت فيها الشرطة لحل غموض الجرائم التي أقلقت مضاجع الناس وأخافتهم ...بوصولها لهذا هدات ثائرة الناس الذين ذُبح أبنائهم وقتل أزواجهم وسرقت أموالهم
إلا أنها ياعُمر - أعني ذاكرتي - ملوثة بذكريات إهانة كرامة السودانيين وضربهم وقتلهم في بعض الأحيان كما حدث من قبل
ذاكرتي حاضرة - وانا أشهد - واقعة تحطيم معدات عمل إمرأة مسنة تعمل على بيع الشاي والقهوة في شارع النيل بطريقة مذلة أخذ الشرطي يركل الأواني ويحطمها ولا زلت أذكر أبنائها الصغار تحلقوا حولها وإنخرطوا في بكاء مرير
يبكون تعرض أمهم للمخاطر ...ويبكون ذهاب ( إستثماراتهم الضئيلة ) التي منها ياكلون ويشربون ويواجهون الأمراض
تقدمت للشرطي أراجعه في ذلك ( قال لي انت شنو ؟) فذكرت أنني مُحامي
ضحك من ذلك وحاوطني مجموعة من الجنود طالبين مني أن أذهب لحال سبيلي
وسمعت تهكمات على شاكلة ( إنت قايل دي المحكمة )
وحدت بيني وبينها المذلة وهوان الإنسان السوداني
نعلم انا وهي أن قصة قانون ومحاماة وكلام زي ده ...عوارة ساي ..في ظل هذه الدولة
كانت تردد...معليش معليش ...خلاص ياولدي ..مامشكلة
أنا آثرت السلامة وصمت حتى رحيلهم ...ثم دفعت ثمن جبني مالأ لهذه الأم السودانية
الحقيقة ...دفعت هذا المال حتى أشتري راحة ضميرى في المقام الأول ...
ياعمر الآن
وجود الشرطة في كثير من الحيان يصحبه شعور بعدم الإرتياح وعدم الأمان ...وهذا الأمر أسبابه معروفة ولايمكن معالجتها بمعزل عن معالجة الأوضاع بصورة عامة
المهم قد اطلت عليك إلا أن ذكرياتك أرجعتني لأيام وأيام
ودهمت أنفي رائحة البنبان في جامعة الخرطوم
سلاحنا الطوب وسلاحهم معمر برصاص حي ...
لم نكن دعاة فوضى ...ولم يكونوا حراسا للحق
كانوا مع النظام ...وليتهم كانوا مع النظام
لم تكن تلك شرطة طيبة
شكرا ياعمر أنك تعهدت ضميرك بالعناية اللازمة وتخلقت بمهنية رفيعة حببت إلينا رجل الشرطة
ولو في لحظات قراءة هذا البوست
سعيد بمعرفتك ياصديقي
|
Post: #114
Title: Re: لمن كنت بوليس نظام عام ...........
Author: omer osman
Date: 08-04-2010, 03:05 PM
Parent: #111
عشاري ........
ضربت اوتار الوجع ...... ومواطن الداء .......
نأمل ان ينصلح الحال وتسود صورة الشرطي الذي يحمل الطفل حديث الولادة عند مدخل دار المايقوما ......
على تلك الصورة القبيحة التى يرسمها شرطي يفرد عضلاته على بائعة شاي مسكينة .....
على ذكر اطفال المايقوما وانا ضابط بالقسم الاوسط (الجنوبي سابقاً) ......
كنت عندما يعثر على طفل ذكر حديث الولادة في نبطشيتي وقد حدثت عدة مرات ......
اطلب منهم تسميته (عمر) ..........
|
Post: #82
Title: Re: لمن كنت بوليس نظام عام ...........
Author: محمد فرح
Date: 08-04-2010, 01:12 PM
Parent: #68
تحيه أخ عمر
دائماً ماأستمتع ببوستاتك وسردك الرائع
لاعدمناك
مؤونة عام من الود
|
Post: #86
Title: Re: لمن كنت بوليس نظام عام ...........
Author: omer osman
Date: 08-04-2010, 01:23 PM
Parent: #82
Quote: تحيه أخ عمر
دائماً ماأستمتع ببوستاتك وسردك الرائع
لاعدمناك
مؤونة عام من الود |
وماذا في هذه الدنيا غير الود يامحمد .......
اجزلت لنا العطا بكلماتك ربنا يقدرنا على رد الجميل ..........
|
Post: #87
Title: Re: لمن كنت بوليس نظام عام ...........
Author: طارق جبريل
Date: 08-04-2010, 01:26 PM
Parent: #86
يا جنابو بالله قريبتي دي شوفها عايزة تشتري شنو الليلة ونفذ الأوامر
ما تشتغل بي ود الصايم دة
|
Post: #89
Title: Re: لمن كنت بوليس نظام عام ...........
Author: omer osman
Date: 08-04-2010, 01:36 PM
Parent: #87
Quote: يا جنابو بالله قريبتي دي شوفها عايزة تشتري شنو الليلة ونفذ الأوامر
ما تشتغل بي ود الصايم دة |
كلو هين بس ما تكون دايرة تمشي لي معتصم محمد صالح ......
ده الشغل البعوق ...........
|
Post: #88
Title: Re: لمن كنت بوليس نظام عام ...........
Author: omer osman
Date: 08-04-2010, 01:30 PM
Parent: #86
بعد ثلاثة او اربعة اشهر .........
تعثرت امور الادارة الوليدة ولم تحظي بالميزانية الكافية لتسيير عملها ........
وصار الهمس جهراً ....... حلوها وفكونا من الشغلانة دي ........
وفتح باب النقاش والشوري .........
وكان رأي ياجماعة الشغلانة ما مستاهلة ادارة متخصصة ......
ناس الاقسام او ناس المباحث في اطار شغلهم ممكن يشتغلوا الحاجات دي زي ما الوضع كان ماشي من زمااااااااان
واخيراً صدر القرار بحل الادارة وتوزيع الضباط والافراد على ادارات (مكافحة المخدرات أو المباحث المركزية أو الشرطة الأمنية)
طلب منا كتابة ثلاثة رغبات بالترتيب فكتبت :
1- المباحث المركزية.
2- المباحث المركزية.
3- المباحث المركزية.
نادني مدير الادارة ........ وهو يضحك انت اول زول ح نعمل ليهو خلو طرف واجري من هنا جري على المباحث المركزية ........ وقد كان
|
Post: #91
Title: Re: لمن كنت بوليس نظام عام ...........
Author: طارق جبريل
Date: 08-04-2010, 01:43 PM
Parent: #88
Quote: كلو هين بس ما تكون دايرة تمشي لي معتصم محمد صالح ......
ده الشغل البعوق |
يا حبيب معتصم دة من عندنا
يعني ممكن يعمل ليك تخفيض خمسين في المائة
اتوكل ياخي
|
Post: #101
Title: Re: لمن كنت بوليس نظام عام ...........
Author: omer osman
Date: 08-04-2010, 01:56 PM
Parent: #91
Quote: يا حبيب معتصم دة من عندنا
يعني ممكن يعمل ليك تخفيض خمسين في المائة
اتوكل ياخي |
ياطارق ....... طالما الزولة قريبتك اعتبر ال 50% المخفضة دي نصيبي انا
ادفع انت الــــ 50% التانية .........
|
Post: #95
Title: Re: لمن كنت بوليس نظام عام ...........
Author: بشير جبريل علي
Date: 08-04-2010, 01:48 PM
Parent: #88
| Quote: ربما أنا الذي اجرمت في حق نفسي وحق الشرطة وحق المواطنين يوم قررت الرحيل |
جانبو.. عمر .. سلامات ..
شنو الحكاية يا أخينا .. مرة أحالوك الصالح العام .. ومرة رفدوك ..وأخيراً أنت قررت الرحيل ..كدة أرسي لينا علي بر ..
الحقيقة .. سرد شيق وممتع ..هكذا هي مهمة الشرطي ..إرشادية.. توجيهية ..وليست ..عنترية ..صبيانية ..
مع عاطر تحياتي وإحتراماتي ..
|
Post: #98
Title: Re: لمن كنت بوليس نظام عام ...........
Author: omer osman
Date: 08-04-2010, 01:53 PM
Parent: #95
Quote: جانبو.. عمر .. سلامات ..
شنو الحكاية يا أخينا .. مرة أحالوك الصالح العام .. ومرة رفدوك ..وأخيراً أنت قررت الرحيل ..كدة أرسي لينا علي بر ..
|
ملابسات طويلة يا بشير ربما نحكيها هنا ذات يوم .......
| Quote: هكذا هي مهمة الشرطي ..إرشادية.. توجيهية ..وليست ..عنترية ..صبيانية .. |
كلام سليم 100%
|
Post: #117
Title: Re: لمن كنت بوليس نظام عام ...........
Author: AnwarKing
Date: 08-04-2010, 03:26 PM
Parent: #98
أخي عمر السلام عليكم...
شايفك بتتساءل عن حلقة مفقودة في تطبيق القانون وترفع المسئولية عن الضباط ليتم إلقاء اللوم بصورة تدريجية على العساكر...
طيب السؤال هو: من أين يأتي العساكر وهل يتصرف العساكر بمعزل عن تعليمات الضباط...أو تنفيذ القوانين؟
هل يمكن أن تسرد أي واقعة محددة كان فيها رد الفعل مساو للفعل؟
باعتبار الفعل إنتهاك لكرامة مواطن في لحظة معينة!
مع الشكر
أنور
|
Post: #122
Title: Re: لمن كنت بوليس نظام عام ...........
Author: omer osman
Date: 08-04-2010, 04:51 PM
Parent: #117
Quote: أخي عمر السلام عليكم...
شايفك بتتساءل عن حلقة مفقودة في تطبيق القانون وترفع المسئولية عن الضباط ليتم إلقاء اللوم بصورة تدريجية على العساكر...
طيب السؤال هو: من أين يأتي العساكر وهل يتصرف العساكر بمعزل عن تعليمات الضباط...أو تنفيذ القوانين؟
|
سلام يا انور ...........
لايمكن لضابط يحترم رتبته ان يتستر خلف العساكر ويرمي باللوم عليهم .......
ولو رجعت شوية في البوست تلاقني قلت اني كنت مسئول من تصرفات كل القوة التى معي ضباط وافراد ......
الحلقة المفقودة في لماذا يحدث مثل الذي حدث في بيت الفنون ولايزال هناك في الشرطة من هم احسن مني
اذا كنت اعتقد باني زول كويس وضابط بعرف شغل بوليس ؟؟!!
Quote: هل يمكن أن تسرد أي واقعة محددة كان فيها رد الفعل مساو للفعل؟
باعتبار الفعل إنتهاك لكرامة مواطن في لحظة معينة!
|
اذا قام شرطي بصفع مواطن امامك وانت ضابطه فلايعقل ان تصفعه ليتساوي الفعل ورد الفعل .....
ستبادر بالاعتذار للمواطن وتتخذ الاجراءات الادارية او الجنائية الواجبة التى تضمن محاسبة العسكري
|
Post: #120
Title: Re: لمن كنت بوليس نظام عام ...........
Author: نور الدين عثمان
Date: 08-04-2010, 04:14 PM
Parent: #95
سالته ياخي انت عملت كده ليه ...........
قال لي والله ياجنابو عشان عندنا عيد ...........
ياخي معقولة ده عيد شنو البعملو فيهو كده ......
واحد من العساكر قال صاح ياجنابو الحبش ديل اليومين دي عندهم عيد ........
قلت ليهو اقول ليك حاجة : كل عام وانتم بخير ...... دور عربيتك دي امشي من هنا ........
وواصلت مروري ............
والله ياجنابو ضحكت لمن اخوى قال لى انت جنيت ولا شنو ... جعل الله ياخى ايامك كلها مرح وضحك
وعارف الحبش ديل احلى ناس لانهم بقضوا حياتهم بابسط الاشياء .
|
Post: #123
Title: Re: لمن كنت بوليس نظام عام ...........
Author: omer osman
Date: 08-04-2010, 04:52 PM
Parent: #120
Quote: والله ياجنابو ضحكت لمن اخوى قال لى انت جنيت ولا شنو ... جعل الله ياخى ايامك كلها مرح وضحك
وعارف الحبش ديل احلى ناس لانهم بقضوا حياتهم بابسط الاشياء . |
اسعد جداً عندما ارسم ضحكة على فم صديق ......
تحياتي يانورالدين ...........
|
Post: #126
Title: Re: لمن كنت بوليس نظام عام ...........
Author: willeim andrea
Date: 08-04-2010, 05:09 PM
Parent: #95
up
|
Post: #128
Title: Re: لمن كنت بوليس نظام عام ...........
Author: abubakr
Date: 08-04-2010, 05:48 PM
Parent: #95
في مداخلة مع ضابط شرطة سابق في هذاالمنبر اشرت الي زمن بعيد كان معظم الذين تعاملت معهم من "البوليس / الشرطة" في السودان بحكم عملي معهم في انضباط واتزان ما بينه عمر هنا ... خلخلة النسيج الاجتماعي لترسيخ سياسات التمكيين والجهوية والاقصاء اضرت كثيرا بانضباط ومهنية الاجهزة النظامية....هذا القبح الذي تمارسة اجهزة كان يجب عليها حماية الانسان السوداني لا ارهابه واذلاله اضر بتاريخ سابق حميدللاجهزة النظامية التقليدية (الشرطة بالذات )....
فهذا القبيح الي زوال(فلو دامت لغيرهم لما اتت اليهم ) وحتي لا يرسخ في ذهن اجيال صغيرة ان عمل هذه الاجهزة هو في مثل هذا القبح فقط يستحسن فرد مساحات لكل حميد وجميل للشرطة في الامس وسرد "عمر" لقصته بعض من ذلك ....المظاهرة ضد هذا القبيح تحتاج كذلك لامثلة من الجميل والاكثار منه حتي يطغي فكرا علي القبيح لعل الذين يمارسون القبيح يختشوا ويتقو الله في خلقه ....
|
Post: #139
Title: Re: لمن كنت بوليس نظام عام ...........
Author: omer osman
Date: 08-05-2010, 07:22 AM
Parent: #128
| Quote: وحتي لا يرسخ في ذهن اجيال صغيرة ان عمل هذه الاجهزة هو في مثل هذا القبح فقط يستحسن فرد مساحات لكل حميد وجميل للشرطة في الامس وسرد "عمر" لقصته بعض من ذلك . |
وهذا عين ما ارمي اليه ......
لا اتحدث عن بطولات شخصية وانما عن نهج ومنهج تعلمناهو من الذين سبقونا وتمسكنا به ......
|
Post: #148
Title: Re: لمن كنت بوليس نظام عام ...........
Author: خالد حامد الجزولي
Date: 08-05-2010, 09:52 AM
Parent: #95
أخي جنابو عمر عثمان
سلامات وطابت أوقاتك
أولاً تحياتك وصلت لي صلاح دسوقي
الفي الحسبة جد زوجتك لأنه خال أمها موش كدة
حسب ما فسر لي صلاح وقال أنه ناس عادل ومزمل ومعتصم خيلانها
مظبوط كدة
وتحياتي لحرمكم المصون الجدها صلاح دسوقي
بمزاج عالي اتابع ما تكتب
رغم أنه .. شوية ... شوية
يعني ما شي بالتقسيمة
لكن ... البوليص فقد شخصية عظيمة كان يمكن أن تكون وبما
لها من طموح ورغبة في العمل بالبحث الجنائي بالذات
شرلوك هولمز السوداني
تحياتي ومتابعين
أبو الجزل - من جدة
|
Post: #96
Title: Re: لمن كنت بوليس نظام عام ...........
Author: omer osman
Date: 08-04-2010, 01:49 PM
Parent: #88
ختاماً ..........
لم اكن سوبرمان ولست نسيج وحدي وماقمت به شاهدناهو عند ضباط سبقونا في الخدمة شربنا ونهلنا منهم وما ارتوينا .........
علمونا ان نحب البوليس ونخلص له وان ننحاز للمواطن وان لانفعل الا ما نراهو صحيحاً .........
علمونا ان نكون شجعاناً في الحق لا نخشي غضبة مسئول او نتقرب اليه زلفي ........
وذات يوم عندما شعرنا بالعجز وقلة الحيلة اثرنا الرحيل على الصمت .........
ظننت ان الرحيل هو القرار السليم لكن ربما ادركت لاحقاً انه كان يجب ان ابقي ويبقي كل الذين يؤمنون بتلك الفكرة .....
فا انا وهم واخرين كان من الممكن ان نشكل الفرق .........
قابلني زميل لايزال في الخدمة يتابع ما اكتب هنا ...... قال لي هل تعلم ياعمر انك تحب البوليس اكتر من بعض الزملاء في الخدمة !!!
قلت له لقد خذلت البوليس يوم تركته ورحلت وها أنا اكفر عن خذلاني ذاك .........
انتهي ............
|
Post: #90
Title: Re: لمن كنت بوليس نظام عام ...........
Author: نصر الدين عثمان
Date: 08-04-2010, 01:41 PM
Parent: #86
جنابو عمر .. سلام،
مواقف مشرقة .. تنم عن وعي وإدراك ثاقبين
يحصنهما ضمير متقد ..
أهنئك ....
متعك الله بالصحة والعافية
|
Post: #102
Title: Re: لمن كنت بوليس نظام عام ...........
Author: omer osman
Date: 08-04-2010, 02:00 PM
Parent: #90
Quote: جنابو عمر .. سلام،
مواقف مشرقة .. تنم عن وعي وإدراك ثاقبين
يحصنهما ضمير متقد ..
أهنئك ....
متعك الله بالصحة والعافية |
الف شكر يا نصرالدين ......
ربنا يجعلنا دائماً عند حسن ظنكم .............
|
Post: #93
Title: Re: لمن كنت بوليس نظام عام ...........
Author: حمزة سيف الشريف
Date: 08-04-2010, 01:46 PM
Parent: #82
سرد ممتع يا سعاتك
ياريت كل المسؤلين بهذا الفهم لكان هناك وطن آخر
متابعة
|
Post: #99
Title: Re: لمن كنت بوليس نظام عام ...........
Author: طارق جبريل
Date: 08-04-2010, 01:54 PM
Parent: #93
Quote: طارق جبريل ...
مش ده رايك فى صاحبك استعد و ماتقول التلفونات مجانية |
الحالة قلت ليك اعملي رايحة
عالم فتانة ياخ
|
Post: #103
Title: Re: لمن كنت بوليس نظام عام ...........
Author: قلقو
Date: 08-04-2010, 02:05 PM
Parent: #99
| Quote: واخيراً صدر القرار بحل الادارة وتوزيع الضباط والافراد على ادارات (مكافحة المخدرات أو المباحث المركزية أو الشرطة الأمنية |
ياسعادتو بعد ماالأدارة غارت فى ستين الف دهية, الجابا راجعا شنو؟
|
Post: #105
Title: Re: لمن كنت بوليس نظام عام ...........
Author: omer osman
Date: 08-04-2010, 02:09 PM
Parent: #103
| Quote: ياسعادتو بعد ماالأدارة غارت فى ستين الف دهية, الجابا راجعا شنو؟ |
حلت الادارة الاتحادية وظلت الادارة الولائية التابعة لشرطة ولاية الخرطوم ...........
|
Post: #100
Title: Re: لمن كنت بوليس نظام عام ...........
Author: Hassan Bakri Nugud
Date: 08-04-2010, 01:55 PM
Parent: #93
يا سعادتك ، أنا عندي بلاغ ..
عندي مداخلة (ثرّة ) إختفت في ظروف غامضة من بوستيك ده !
المداخلة متعلقة بي قصة ( الليلة عندنا عيد يا جنابو )دي ..
أطالب بتحقيق جاد وفوري في البلاغ بتاعي ده ، ومعا لمنع تدخل ( النظام العام ) في ما تخطه كيبورتاتنا هنا ده
|
Post: #106
Title: Re: لمن كنت بوليس نظام عام ...........
Author: omer osman
Date: 08-04-2010, 02:10 PM
Parent: #100
Quote: عندي مداخلة (ثرّة ) إختفت في ظروف غامضة من بوستيك ده !
|
يمكن مشت مشوار ياعمك .............
على العموم اذا ما ظهرت خلال 24 ساعة ممكن نعمل ليك نشرة جنائية .......
|
Post: #104
Title: Re: لمن كنت بوليس نظام عام ...........
Author: omer osman
Date: 08-04-2010, 02:06 PM
Parent: #93
Quote: سرد ممتع يا سعاتك
ياريت كل المسؤلين بهذا الفهم لكان هناك وطن آخر
متابعة |
تعرف ياحمزة مرات كثيرة بقول انو مشكلة السودان ادارية اكتر منها سياسية ........
صحي السياسية بتتدخل مرات وتلخبط الامور لكن بمقدور اى زول في الحتة الهو فيها يعمل حاجة صاح ......
|
Post: #107
Title: Re: لمن كنت بوليس نظام عام ...........
Author: محمد البشرى الخضر
Date: 08-04-2010, 02:17 PM
Parent: #104
يديك العافية يا جنابو
من الحاجات المؤسفة انو الإنطباع عن الشرطة و افرادها انهم لأذى الشعب لا لخدمته و البعد عنهم ما امكن غنيمة
ياريت لي قدام الحال ينصلح و يستعيد الشعب ثقته في الشرطة وفعلا تكون في خدمته
_____________________
Quote: سالته ياخي انت عملت كده ليه ...........
قال لي والله ياجنابو عشان عندنا عيد ........... |
بالله دا سؤال يسالو ضابط
|
Post: #108
Title: Re: لمن كنت بوليس نظام عام ...........
Author: omer osman
Date: 08-04-2010, 02:24 PM
Parent: #107
| Quote: ياريت لي قدام الحال ينصلح و يستعيد الشعب ثقته في الشرطة وفعلا تكون في خدمته |
وعلي الشرطة ان تتحرك هي في اتجاه تحسين العلاقة واسترداد الثقة ............
وعلى المواطن ان لا يستكين متى ما كان على حق .........
| Quote: بالله دا سؤال يسالو ضابط |
واحد دفعتنا ساق عربية الشرطة ونحن ملازمين وممنوع نسوق عربات الشرطة .........
قبضو ليك المقدم .......... وهو زعلان قال ليهو سايق العربية دي ليه ؟؟؟؟؟؟ (معاها نهرة كده)
صاحبنا بعد ما تمتم وقطع قال ليهو عشان بعرف اسوق ياسعادتك .........
سعادتو المقدم انفجر بالضحك من الاجابة العجيبة وخلاهو ومشي ........
|
Post: #109
Title: Re: لمن كنت بوليس نظام عام ...........
Author: اشرف السر
Date: 08-04-2010, 02:30 PM
Parent: #108
فوق
|
Post: #115
Title: Re: لمن كنت بوليس نظام عام ...........
Author: عمر عشاري
Date: 08-04-2010, 03:06 PM
Parent: #109
العزيز المحترم / عمر عثمان
كنت قد كتبت لك مداخلة طوييلةوقمت بإرسالها ثم لم اجدها رغم أنه للحظة طالعت إسمي تحت آخر مداخلة
المهم ...مابقدر أكتبها تاني
أضرب لي لما تكون فاضي أقولها ليك
شكرا على البوست القيم
|
Post: #116
Title: Re: لمن كنت بوليس نظام عام ...........
Author: omer osman
Date: 08-04-2010, 03:10 PM
Parent: #115
Quote: العزيز المحترم / عمر عثمان
كنت قد كتبت لك مداخلة طوييلةوقمت بإرسالها ثم لم اجدها رغم أنه للحظة طالعت إسمي تحت آخر مداخلة
المهم ...مابقدر أكتبها تاني
أضرب لي لما تكون فاضي أقولها ليك
شكرا على البوست القيم |
قاعدة ياعمك ..... هي وردي عليها في الصفحة الاولي
البوست فيهو حاجة غريبة تكتب في الصفحة الثانية تلقي كلامك مشي الصفحة الاولي .......
|
Post: #118
Title: Re: لمن كنت بوليس نظام عام ...........
Author: سارة علي
Date: 08-04-2010, 03:39 PM
Parent: #116
| Quote: مشكلتهم ما عندهم باسويرد في منبر بكري ..... |
|
Post: #119
Title: Re: لمن كنت بوليس نظام عام ...........
Author: Salahaldeen Nadir
Date: 08-04-2010, 04:09 PM
Parent: #118
| Quote: لكن الوصية بالمهلة : البوليس ده ما كل كعب ما تتحيز ضدو شديد كده |
الشرطة وأفرادها, ياهم سودانيين زينا وزيهم, ولكن نتحيز ضد إساءة إستخدام السلطة والنفوذ
!
|
Post: #121
Title: Re: لمن كنت بوليس نظام عام ...........
Author: معتصم دفع الله
Date: 08-04-2010, 04:31 PM
Parent: #119
كيفك يا عمر ..
تحايا وسلام كتير ..
غايتو اليومين ديل بقت عليكم نظام عام وخروج من البطولات
زمان يا عمر أي واحد تسأله كانت أمنيته يكون طبيب أو ضابط في الجيش أو البوليس وكذا الحال بالنسبة للأسرة ..
هسي الناس كرهت الكاكي والبلبس الكاكي بسبب القوانين التعسفية وإستغلال السلطة والنفوذ لمصالحهم ..
ودا كله ناتج من نظام الحكم أو لنقل الإنقاذ تخيل ببطاقة المؤتمر الوطني ممكن تهدد ليك زول مسكين ساي ..
من يتولى السلطة لا يتيح الفرصة للمواطن الدفاع عن نفسه أو المطالبة بهوية الشخص الأمامه وهذا من حقه طوالي (بقبقبه) من قميصه وهاك يا شلاليت وعلى البوكس طوالي زيه وزي أي (بهيمه) لافه وممكن يرموه في الحبس بدون محاكمة ..
للأسف يتم تنفيذ القانون بهذا الشكل وهذه الطريقة ويحلك لما تلقى ليك واسطة أو رأس كبيرة تمرقك من الورطة الوقعت فيها بدون ما تعرف عملت شنو ..
هكذا الحال لقوات النظام العام لا تنفذ القانون إنما لها قانونها الخاص وتستغله لضرب الناس وإذلالهم دا طبعاً بعد أن يشبعوك كلام كتير وإستفزاز أكتر ..
وهذا لا ينفى إنو في ناس زيكم كده يخافون الله ولكنهم قلة وقد لا يستطيعون تغيير كل شي لأن واقع الحال بيفرض عليهم كده ..
لك التحية وشكراً لضميرك الصاحي ..
مودتي ..
|
Post: #124
Title: Re: لمن كنت بوليس نظام عام ...........
Author: omer osman
Date: 08-04-2010, 04:57 PM
Parent: #121
Quote: وهذا لا ينفى إنو في ناس زيكم كده يخافون الله ولكنهم قلة وقد لا يستطيعون تغيير كل شي لأن واقع الحال بيفرض عليهم كده ..
|
وعلى المواطن ان يساعدهم متى ما كان على حق عليه ان لايستكين وان يشتكي ويتابع شكواه وسيجد
من ينصفه ........ حينها يخاف هولاء المتجاوزون لحدود سلطاتهم ......
في هذا المنبر سردت قصة احد الاشخاص اشتكي فرد او فردين من الشرطة وحوكموا بالفصل من القوة
النظام العام سيجد له الناس حلاً في يوما ما ... البحل مشكلة المريخ شنو
|
Post: #129
Title: Re: لمن كنت بوليس نظام عام ...........
Author: عباس محمود
Date: 08-04-2010, 06:11 PM
Parent: #124
جنابو عمر
بوست ممتع ومتوافق مع الاحدث المعلومة
ياخي بجانب ملكة الحكي الممتع عندك المعروفة لدي لكن الكتابة برضه تمام لانه تابعت ليك بوست اخر .....ما بتاع المريخ
في انتظار المزيد
التحية لك وللاسرة
|
Post: #138
Title: Re: لمن كنت بوليس نظام عام ...........
Author: omer osman
Date: 08-05-2010, 07:19 AM
Parent: #129
Quote: جنابو عمر
بوست ممتع ومتوافق مع الاحدث المعلومة
ياخي بجانب ملكة الحكي الممتع عندك المعروفة لدي لكن الكتابة برضه تمام لانه تابعت ليك بوست اخر .....ما بتاع المريخ
في انتظار المزيد
التحية لك وللاسرة |
عباس محمود .... الواحد ده
ياخي مشتاقين لايام الامتداد وجاركم المزعج ....... ونسيبك بتاع الحركات
شكرا لمرورك وما تنقطع من المنبر .........
سلامي للاهل والاسرة بالخرطوم وبره .........
|
Post: #125
Title: Re: لمن كنت بوليس نظام عام ...........
Author: omer osman
Date: 08-04-2010, 05:05 PM
Parent: #118
طيب ما تشوفي ليهو واحد يا سارة .......
سلامي لياسر احد نمور الدفعة 59 .......
|
Post: #127
Title: Re: لمن كنت بوليس نظام عام ...........
Author: MOHAMMED ELSHEIKH
Date: 08-04-2010, 05:24 PM
Parent: #125
تابعت السرد لجنابو عمر من قولت تيت.
اعجبتني المواقف التي سردتها أخي عمر
لكن سؤال:
الا تذكر تصرف قمت به احسست بعده انك اخطأت وعاتبت روحك؟؟
مع تحياتي
|
Post: #130
Title: Re: لمن كنت بوليس نظام عام ...........
Author: أسامه الكرور
Date: 08-04-2010, 06:34 PM
Parent: #127
سلامات لكل الإخوه المتداخلين
عمر الذى نعرفه وزاملناه أكثر مما ترون هنا
.......................................
| Quote: مرات كثيرة بقول انو مشكلة السودان ادارية اكتر منها سياسية .. |
كلام صاح ميه فى الميه
بس السياسه هى السبب فى تدنى مستوى الإداره
.........................................
Quote: وعلي الشرطة ان تتحرك هي في اتجاه تحسين العلاقة واسترداد الثقة ............
وعلى المواطن ان لا يستكين متى ما كان على حق ......... |
بالضبط هو المطلوب .. وأزيد أن تراخى المواطن فى حقه يعنى لقادة الشرطه أن الأمور بخير
وأزيدكم علماً .. أن أكثر ما يزعج قادة الشرطه كثرة الشكاوى من المواطنيين ضدهم
.........................................
| Quote: الشرطة وأفرادها, ياهم سودانيين زينا وزيهم, ولكن نتحيز ضد إساءة إستخدام السلطة والنفوذ |
الأخ صلاح الدين
فى هذه النقطه بالذات أوصيك وجميع الإخوه بالإكثار من التحيز
.......................................................
Quote: وعلى المواطن ان يساعدهم متى ما كان على حق عليه ان لايستكين وان يشتكي ويتابع شكواه وسيجد
من ينصفه ........ حينها يخاف هولاء المتجاوزون لحدود سلطاتهم ...... |
أمسكوا فى الوصيه دى قوى
.........................
أحمد الصديق كتب
Quote: والله لو ما مريخابي
نسلم ليك فوق إيدك
يا شيخ عمر |
ياخى لو هو ماصفوه كان لقيتو شايت القاوره ( وش ضاحك)
|
Post: #131
Title: Re: لمن كنت بوليس نظام عام ...........
Author: AnwarKing
Date: 08-04-2010, 10:23 PM
Parent: #130
والله يا عمر من عشرة البورد دي ما شايلني شك في أنك زول أخلاقك عالية، سواء كنت في البوليس أو في غيره...ننتهي من النقطة دي!
لكن بيت القصيد في مداخلتي جبتها انتا بنفسك هنا:
Quote: اذا قام شرطي بصفع مواطن امامك وانت ضابطه فلايعقل ان تصفعه ليتساوي الفعل ورد الفعل .....
ستبادر بالاعتذار للمواطن وتتخذ الاجراءات الادارية او الجنائية الواجبة التى تضمن محاسبة العسكري |
يفتح الله يا عمر...أعتقد أنو البخلي العسكري يجرؤ على صفع مواطن بالكف في الأساس موجود بين ثنايا الممارسات اليومية
وجعل أي ممارسة تؤول إلى : "حادثة فردية معزولة" ثم سرد تاريخ طويل عريض لمحاسن الشرطة والخ...
زول شغلو إنفاذ القانون...بطرق القانون، لمن يعمل من روحو مُربي للآخرين ويستخدم يدو للصفع...المفروض أول شئ يتصفع
عشان يعرف الكلام ده غلط...ثم يأتي لاحقاً الإجراءات الإدارية أو الجنائية الواجبة (التي في الغالب بتروح شمار في مرقة والدليل إستمرار
السخف بصورة يومية)!
إذا كانت كرامة المواطنين السودانيين هي الأولى والأخيرة في عقيدة الجندي المناط به إنفاذ القانون، لكان قد عمل مليون ألف حساب
قبل أن يجعل من نفسه حكماً وجلاداً في آن واحد...موش؟
|
Post: #132
Title: Re: لمن كنت بوليس نظام عام ...........
Author: اشرف السر
Date: 08-04-2010, 11:25 PM
Parent: #130
.
|
Post: #133
Title: Re: لمن كنت بوليس نظام عام ...........
Author: احمد التجانى احمد
Date: 08-05-2010, 02:57 AM
Parent: #132
الاخ عمر عثمان
تحياتى لك ولامثالك من ضباط الشرطة
سعدت بالتعرف اليك يوم دعوتكم لنا ومعك نفر كريم من بورداب الخرطوم انا والاخ اساسى بامواج الاسبوع الماضى
ابان زيارتنا القصيرة للخرطوم
حقيقة لك تجربة متفردة ومميزة خلال فترة عملك فى سلك الشرطة
وكلنا امل ان يتحلى كل من بيده سلطة بمثل اخلاقك وقيمك
وياريت ياعمر ان تسهم من خلال كتاباتك ان كانت هنا او من خلال
عمود فى الصحف او اى من وسائل اعلام القوات النظامية ان تسهم
فى رسم صورة نموذجية لضباط او افراد القوات النظامية وفى هذه
الحالة سيكون لك دور هام تماما كما كنت فى الخدمة
|
Post: #134
Title: Re: لمن كنت بوليس نظام عام ...........
Author: سارة علي
Date: 08-05-2010, 04:35 AM
Parent: #133
| Quote: طيب ما تشوفي ليهو واحد يا سارة |
انا خايفة في البورد دة يعمل نفس عملية ضابط القوات المسلحة
كل يوم يطلع طبنجتو ويفك طلقات في البورد من طرف هههههههههه
بحب لمن هو ودفعتو يتلمو بيحكوا حكاوي ممتعة وقصص ومقالب الكلية
يحسسوك انو الدنيا كانت غير ...
اكتر ميزة بحبها في اخوي انو حكيم حكيم حكيم لابعد الحدود...
وزي ما قلتا ليك قبل كدة امي جبدتو بالذكاء ههههه
ــــــــــــــــــــــــــ
امي دي لو ماكانت ربة منزل الخيار التاني اكيد ضابط مخابرات
|
Post: #135
Title: Re: لمن كنت بوليس نظام عام ...........
Author: عبده عوض
Date: 08-05-2010, 05:16 AM
Parent: #134
الأخ الحبيب عمر محمد عثمان ...
عرفناك كضابط شرطة شجاع وذكي وخلوق .. وفوق كل ذلك شاطر ومميز ...
Quote: علمونا ان نحب البوليس ونخلص له وان ننحاز للمواطن وان لانفعل الا ما نراهو صحيحاً .........
علمونا ان نكون شجعاناً في الحق لا نخشي غضبة مسئول او نتقرب اليه زلفي ........
|
كغيري .. والكثيرين من الزملاء ممن جمعتنا الأيام في رحاب هذه المهنة النبيلة .. وحتى في أحلك الظروف وأصعب المواقف ..
ستظل أحد العلامات البارزة ونموذج مثالي لضابط الشرطة الذي نعرفه .. ونتمناه في أيامنا هذه ...
أهنيك على مجهودك الواضح ونجاحك في عكس الوجه المشرق والحسن للشرطة والدفاع عنها وحمل همومها حتى وأنت مبتعد عنها..
رغم ما يشوب أدائها حالياً من أخطاء غير قانونية فادحة وتصرفات غير مسئولة ترتكب في حق المواطنين من بعض منتسبيها ..
أملي معك .. ودعواتي الصادقة بأن ينصلح حال الشرطة ويجود عملها وتؤدي رسالتها على الوجه الأكمل ..
سنظل نفخر بك دائماً .. ولو كان الأمر بيدي .. لمنحتك شرف الإنضمام إلى قائمة ( ضابط شرطة موسوعة ) ..
والقائمة دي إنت عارفها وعارف عظمتها وعظمة رجالها وقدرهم في نفوس وأوساط الزملاء .. وإنت بتستحقها وماكتيرة عليك ..
لك كل ودي .. وتحياتي لكرودي وبقية الشلة ...
|
Post: #137
Title: Re: لمن كنت بوليس نظام عام ...........
Author: omer osman
Date: 08-05-2010, 07:16 AM
Parent: #135
Quote: كغيري .. والكثيرين من الزملاء ممن جمعتنا الأيام في رحاب هذه المهنة النبيلة .. وحتى في أحلك الظروف وأصعب المواقف ..
ستظل أحد العلامات البارزة ونموذج مثالي لضابط الشرطة الذي نعرفه .. ونتمناه في أيامنا هذه ...
أهنيك على مجهودك الواضح ونجاحك في عكس الوجه المشرق والحسن للشرطة والدفاع عنها وحمل همومها حتى وأنت مبتعد عنها..
رغم ما يشوب أدائها حالياً من أخطاء غير قانونية فادحة وتصرفات غير مسئولة ترتكب في حق المواطنين من بعض منتسبيها ..
أملي معك .. ودعواتي الصادقة بأن ينصلح حال الشرطة ويجود عملها وتؤدي رسالتها على الوجه الأكمل ..
سنظل نفخر بك دائماً .. ولو كان الأمر بيدي .. لمنحتك شرف الإنضمام إلى قائمة ( ضابط شرطة موسوعة ) ..
والقائمة دي إنت عارفها وعارف عظمتها وعظمة رجالها وقدرهم في نفوس وأوساط الزملاء .. وإنت بتستحقها وماكتيرة عليك ..
لك كل ودي .. وتحياتي لكرودي وبقية الشلة ... |
عبده عوض ياسعادتك ......
أول حاجة مشتاقين .........
تاني حاجة نحن ياسعادتك العلمنا الكركبة دي منو غيرك انت وناس الطيب عثمان يوسف والمرحوم طارق .....
ما شفناكم قاعدين تخافوا ولا شفناكم قاعدين تستغلوا سلطتكم شفناكم قاعدين تمشوا في قضاء حوائج الناس وحلحة المشاكل ...
ونحن ياسعادتك ختنا في ملحق تلك القائمة ..... ياخي القائمة الاساسية فيها ناس نحن اقل قامة من ان نوضع معهم في قائمة واحدة ......
حليل البوليس ياعبده ...........
|
Post: #141
Title: Re: لمن كنت بوليس نظام عام ...........
Author: omer osman
Date: 08-05-2010, 07:31 AM
Parent: #133
Quote: الاخ عمر عثمان
تحياتى لك ولامثالك من ضباط الشرطة
سعدت بالتعرف اليك يوم دعوتكم لنا ومعك نفر كريم من بورداب الخرطوم انا والاخ اساسى بامواج الاسبوع الماضى
ابان زيارتنا القصيرة للخرطوم
حقيقة لك تجربة متفردة ومميزة خلال فترة عملك فى سلك الشرطة
وكلنا امل ان يتحلى كل من بيده سلطة بمثل اخلاقك وقيمك
وياريت ياعمر ان تسهم من خلال كتاباتك ان كانت هنا او من خلال
عمود فى الصحف او اى من وسائل اعلام القوات النظامية ان تسهم
فى رسم صورة نموذجية لضباط او افراد القوات النظامية وفى هذه
الحالة سيكون لك دور هام تماما كما كنت فى الخدمة |
والله يا احمد تجدني مهموم بالشرطة وكاني لازالت اعمل فيها ......
نتحدث كثيراً مع اخوتنا الذين في الخدمة ونعكس لهم ملاحظاتنا وملاحظة الجمهور الذي نلتقي به ......
والحمد لله نجد منهم كل التجاوب والتقدير ........
|
Post: #140
Title: Re: لمن كنت بوليس نظام عام ...........
Author: omer osman
Date: 08-05-2010, 07:27 AM
Parent: #127
Quote: لكن سؤال:
الا تذكر تصرف قمت به احسست بعده انك اخطأت وعاتبت روحك؟؟
مع تحياتي |
عندي مداخلة في بوست قديم للاخت تراجي سوف ابحث عن ذلك البوست ستجد فيها الجواب على هذا السؤال يامحمد .....
والف شكر لكلماتك الطيبة بحقي ............
|
Post: #136
Title: Re: لمن كنت بوليس نظام عام ...........
Author: عاطف عمر
Date: 08-05-2010, 06:48 AM
Parent: #1
تحياتي وسلامي جنابو عمر
لقد قرأت هذا البوست الماتع برؤية مختلفة
في ظني أنه ليس ( مجرد ) قصص تحكيها لنا نحن أعضاء وزوار سودانيزأونلاين للمتعة العابرة
إنما هى دروس تقدمها لهذا الجيل من منتسبي الشرطة الذين ( خجلوكم والله ) كما أشار أخي الأصغر سعادتو أسامة الكرور
دروس تقدمون لهم فيها ( نهجاً ) لكيفية التعامل الحضاري الإنساني مع المخالفات
ونهج فيه دروس عن كيفية حفظ الأمن مع عدم ( إذلال ) الشخص المخالف أو تعريض مستقبله أومستقبل أسرته للخطر وللفضيحة .
هو نهج حصيف بالغ الدلالة تعودنا عليه في رحاب أسيادنا المتصوفة الذين ( غالباً ) ما يسوقون ملاحظاتهم وتوجيهاتهم لتلاميذهم في شكل قصص من ( نوادر ) الصالحين . فيعرف ( صاحب الشأن ) خطأه ويبادر بتصحيحه .
لك التحايا أياً كان مقصدك
ففي كل الأحوال قد وصلت رسالتك لمن تعنيهم
__________________
أنت وصحبك أسامة الكرور ، الطيب عثمان ، محمد التلب ........
خسارة كبيرة للوطن الذي فقد بنيه المؤهلين في المواقع المناسبة لهم
قبل أن تكونوا خسارة للشرطة
|
Post: #142
Title: Re: لمن كنت بوليس نظام عام ...........
Author: omer osman
Date: 08-05-2010, 07:41 AM
Parent: #136
Quote: تحياتي وسلامي جنابو عمر
لقد قرأت هذا البوست الماتع برؤية مختلفة
في ظني أنه ليس ( مجرد ) قصص تحكيها لنا نحن أعضاء وزوار سودانيزأونلاين للمتعة العابرة
إنما هى دروس تقدمها لهذا الجيل من منتسبي الشرطة الذين ( خجلوكم والله ) كما أشار أخي الأصغر سعادتو أسامة الكرور
دروس تقدمون لهم فيها ( نهجاً ) لكيفية التعامل الحضاري الإنساني مع المخالفات
ونهج فيه دروس عن كيفية حفظ الأمن مع عدم ( إذلال ) الشخص المخالف أو تعريض مستقبله أومستقبل أسرته للخطر وللفضيحة .
هو نهج حصيف بالغ الدلالة تعودنا عليه في رحاب أسيادنا المتصوفة الذين ( غالباً ) ما يسوقون ملاحظاتهم وتوجيهاتهم لتلاميذهم في شكل قصص من ( نوادر ) الصالحين . فيعرف ( صاحب الشأن ) خطأه ويبادر بتصحيحه .
لك التحايا أياً كان مقصدك
ففي كل الأحوال قد وصلت رسالتك لمن تعنيهم
__________________
أنت وصحبك أسامة الكرور ، الطيب عثمان ، محمد التلب ........
خسارة كبيرة للوطن الذي فقد بنيه المؤهلين في المواقع المناسبة لهم
قبل أن تكونوا خسارة للشرطة |
الاخ عاطف تحياتي وتقديري
اتمني ان تصل رسالتي اول ماتصل الى بني جلدتي ضباط البوليس ......
عليهم السيطرة على تصرفات الضباط حديثي العهد بالخدمة وكبح جماح اندفاعهم وسوء تقديرهم للامور بسبب قلة الخبرة في كثير من الاحيان ....
|
Post: #143
Title: Re: لمن كنت بوليس نظام عام ...........
Author: omer osman
Date: 08-05-2010, 07:44 AM
Parent: #142
الاخوان الاعزاء .....
وليم اندريا واشرف السر ........ الف شكر لمروكم الجميل
اسعد بتشريفكم للبوست ............
|
Post: #144
Title: Re: لمن كنت بوليس نظام عام ...........
Author: omer osman
Date: 08-05-2010, 08:03 AM
Parent: #143
قصة اخري تذكرتها وانا اطالع بوست الاخ بخاري عن النظام العام
وسردتها في ذلك البوست ...
Quote: فترة قصيرة قضيتها ضابط بدار الشرطة ببري ....
في احدي ايام مناوبتي في الدار حوالي الساعة 7 م
وفي مروري على ارجاء الدار وصلت البوابة الرئيسية وجدت فرد امن الشرطة الموجود في الباب يستوقف احد الضباط
في شنو ياجماعة
والله ياجنابو الضابط ده معاهو ضيوف بنات حاسرات الرأس ...
يا اخوي حاسرات الرأس دي شنو مالم يعني ....
ما لبسين طرح ياجنابو وانا التعليمات العندي بت ما لابسة طرحة ما تخش النادي
اسمع والله انا تعليماتك دي ما عندي معاها شغلة
وانا الضابط المسئول هنا يعني انا في اللحظة دي مدير عام الشرطة في النادي
اتفضل ياجنابو ومعاك ضيوفك على الرحب والسعة ومعليش للعطلة دي
ولفرد الامن ما عندك مشكلة اكتب في تقريرك انك منعته الجماعة ديل وجنابو عمر امر بدخولم |
|
Post: #145
Title: Re: لمن كنت بوليس نظام عام ...........
Author: عبده عوض
Date: 08-05-2010, 08:50 AM
Parent: #144
Quote:
اتمني ان تصل رسالتي اول ماتصل الى بني جلدتي ضباط البوليس ......
عليهم السيطرة على تصرفات الضباط حديثي العهد بالخدمة وكبح جماح اندفاعهم وسوء تقديرهم للامور بسبب قلة الخبرة في كثير من الاحيان ....
|
وأنا أيضاً .. أتمنى معك أن تصل هذه الرسالة النبيلة ..
إلى كل من يفتقد إلى الحكمة ويسئ التقدير ولا يحسن التصرف ..
ويتفنن في إيذاء المواطنين أو الإساءة لهم .. وهو المناص به خدمتهم وحمايتهم وحفظ سلامتهم وأمنهم ...
|
Post: #146
Title: Re: لمن كنت بوليس نظام عام ...........
Author: Yassir Tayfour
Date: 08-05-2010, 08:57 AM
Parent: #144
الشقيق عمر النفاي
شغلتنا من المظاهرة بحكاويك الماتعة والمفيدة دي، ثكلتك الشرطة بكل تصانيفها ومسمياتها..
____
الكمندانة سارة كرودي الزول ده كلمك بموضوع الخروف؟
|
Post: #147
Title: Re: لمن كنت بوليس نظام عام ...........
Author: معتصم دفع الله
Date: 08-05-2010, 09:01 AM
Parent: #144
Quote: تاني حاجة نحن ياسعادتك العلمنا الكركبة دي منو غيرك انت وناس الطيب عثمان يوسف والمرحوم طارق .....
ما شفناكم قاعدين تخافوا ولا شفناكم قاعدين تستغلوا سلطتكم شفناكم قاعدين تمشوا في قضاء حوائج الناس وحلحة المشاكل ...
ونحن ياسعادتك ختنا في ملحق تلك القائمة ..... ياخي القائمة الاساسية فيها ناس نحن اقل قامة من ان نوضع معهم في قائمة واحدة ......
حليل البوليس ياعبده ........... |
Quote: وعلى المواطن ان يساعدهم متى ما كان على حق عليه ان لايستكين وان يشتكي ويتابع شكواه وسيجد
من ينصفه ........ حينها يخاف هولاء المتجاوزون لحدود سلطاتهم ......
في هذا المنبر سردت قصة احد الاشخاص اشتكي فرد او فردين من الشرطة وحوكموا بالفصل من القوة |
صباح الخير يا عمر ..
كلامنا دا كله لأجل أن تكون الشرطة صديق للشعب وفي خدمتهم لا في تخويفهم ..
في كل البلدان تكون هنالك توعية في أجهزة الاعلام لدور المواطن ومساعدة رجال الشرطة والقانون والعكس صحيح لكن عندنا مافي حاجات زي دي ..
شفت حسرتك في كلامك للأخ عبده ( حليل البوليس يا عبده ...... ) ..
ناس زيكم يا عمر قد تكون إضطرتهم ظروف الخدمة لتركها ولكن حسرة المواطن لأمثالكم لا تعوض ..
المواطن تكفيه الحوجة وغلاء المعيشة والأمراض التي تفتك به ورسوم الدراسة ولا حوجة لأن يفتك به القانون ورجال القانون ..
| Quote: النظام العام سيجد له الناس حلاً في يوما ما ... البحل مشكلة المريخ شنو |
ربع مشكلتكم كانت في جمال الوالي وخلاص الوالي شتت ..
التلاتة أرباع الباقية دي في حضرة الصحفي المشجع مزمل أبوالقاسم شوفوا ليهو حل
واصل يا عمر في سرد هذه الحقائق ويا ريت لو دونتها في كتيب وطبعته ليعرف الناس ويعوا ..
لك المحبة والسلام ..
|
Post: #150
Title: Re: لمن كنت بوليس نظام عام ...........
Author: فيصل عثمان الحسن
Date: 08-05-2010, 10:16 AM
Parent: #147
العزيز عمر تحياتى وتقديرى
بوست ذكى يا عمر وجاء فى وقته تماما , ليعلم زملاء المنبر ومن يطلعون عليه أين كانت الشرطة وأين اصبحت الآن بفعل التسيس الذى حط تماما من مهنية الشرطة , وليعلم من يهينون الشرطة ويوظفونها لغير اغراضها لاى درك يقودونها , عشرات البوستات تتناول سيرة الشرطة التى أصبحت بعبع يخيف الناس ويهينهم ويدوس على كرامتهم , هذا الوضع لا يجوز ان يستمر والشرطة ليست ملك للنظام القائم ولا آداء من ادواته , الشرطة هى ملك لأبناء السودان الذين يدفعون مرتبات منسوبيها ولا يجوز ان تكون عبء ثقيل عليهم , نريدها شرطة محايدة منضبطة تكون سند وعضد حقيقى لهذا الشعب , تبسط الأمن وتقدم خدماتها لكل محتاج دون من او أذى , معليش يا عمر ان كان حديثى يتسم ببعض الخشونة التى أدرى أنك لا تحبذها لطبعك الهادى الكريم لكنى قطعا اعمد اليها لتوصيل رسالة للذين يعتقدون ان الشرطة ملك خاص توظف حسب أهواءهم , وعليهم ان يدروا ان الشرطة عمرها مائة عام من البذل والعطاء , وكان لها دور حاسم فى كل القضايا الوطنية الكبرى وليس من حق كائن من كان أن يتبول على تاريخها كما يحدث الآن , نحن معاشيون نعم , لكن لنا نصيبنا واساهمنا فى مسيرة الشرطة ولن نقبل ما يحدث الآن باسمها .
|
Post: #151
Title: Re: لمن كنت بوليس نظام عام ...........
Author: عفاف الصادق بابكر
Date: 08-05-2010, 10:38 AM
Parent: #150
متااااابعه .. بكل ادب وخشوع ..
سرد .. يعنى لى محاضرات ودروس يسهل الاستفاده منها ..
إنحنى اليك إجلالا ... وارفع القبعه وآآطي رأسي أحتراما لشخصكم ..
|
Post: #152
Title: Re: لمن كنت بوليس نظام عام ...........
Author: طارق جبريل
Date: 08-05-2010, 10:53 AM
Parent: #151
يا جنابو انا غايتو عايز خروف زي بتاع ياسر طيفور الفوق داك
ولا بخلي وزارة الدخلية تعمل ليك غلاغل في البيت
تجوا وتعرسوا بناتنا من حلتنا وندق في الصيوانات وكمان ما تجيبوا لينا خروف
|
Post: #161
Title: Re: لمن كنت بوليس نظام عام ...........
Author: omer osman
Date: 08-06-2010, 09:27 AM
Parent: #152
Quote: يا جنابو انا غايتو عايز خروف زي بتاع ياسر طيفور الفوق داك
ولا بخلي وزارة الدخلية تعمل ليك غلاغل في البيت
تجوا وتعرسوا بناتنا من حلتنا وندق في الصيوانات وكمان ما تجيبوا لينا خروف |
ودجبريل ......
ياخي ناس الامتداد بتحبو ..........
انت بس تعال ...... ولومنا كان قصرنا ...........
|
Post: #153
Title: Re: لمن كنت بوليس نظام عام ...........
Author: ياسر عبدالعزيز الطيب
Date: 08-05-2010, 10:54 AM
Parent: #151
Quote: ربما أنا الذي اجرمت في حق نفسي وحق الشرطة وحق المواطنين يوم قررت الرحيل ؟!
|
يوم قررت إنت وناس تانيين كتيرين من ضمنهم الزول العجيب الكاتب فوق ده
إنتوا بالجد ومن غير مصالح (زي كلام سيادتو التحت ده):
Quote:
حقيقة من غير تطبيل فقد عظيم للشرطة ... |
ياخ والله من زمان لما كنا نشوفكم ( باعتبار إنكم كبار شدييييد بالنسبة لينا) كنا بنتمنى نبقى بوليس!!
تحياتي واحترامي ليك ولسيادتو عبده عوض
|
Post: #162
Title: Re: لمن كنت بوليس نظام عام ...........
Author: omer osman
Date: 08-06-2010, 09:34 AM
Parent: #153
ياسر عبدالعزيز ........
يازول ياراقي ................... التقول ما اخو اسامة .........
ياعمك نحن هينين البوليس فرط في اسامة ....... واعترف بقدراته الامركان ؟!
|
Post: #154
Title: Re: لمن كنت بوليس نظام عام ...........
Author: فيصل عثمان الحسن
Date: 08-05-2010, 12:19 PM
Parent: #151
هاك دى يا عمر عشان ما تزعل .
سيدة فى مقتبل العمر على درجةعالية من الجمال والاناقة حضرت لمكتب رجل صديق يعمل مدير لاحدى الشركات الناجحة تعرفنا عليه عن طريق قريبه زميلنا الذى كان يحمل رتبة المقدم , وقد طلبت تلك السيدة مقابلته , وبعد دخولها لمكتبه أجلسها على كرسى مقابل له وسألها عن ما يمكن ان يقدمه لها من خدمة
وقفت المرأة كما حدثنا وخلعت ثوبها وقذفت به على الأرض وخاطبته بلغة حاسمة , ان لم تدفع لى مبلغ كذا سوف أمزق فستانى واصيح ألم عليك الناس وأقول ليهم انك عايز تغتصبى , افادنا الرجل وكان حتى وصوله لنا يعانى من حالة هلع بادية على محياه , بأنه قام بفتح درج مكتبه وسلمها كل محتوياته وطلب منها المغادرة , وقد أفادته بأنها سوف تحضر غدا لاستلام باقى المبلغ , طلبنا منه فتح بلاغ بالواقعة وان احدنا سوف يذهب معه للقسم الشمالى لذلك الغرض , رفض الرجل فكرة البلاغ وكان يرتعد ويقول أنا فى الدنيا دى ما بكره الا الشرطة ومكتب البلاغات والمحاكم , وانا ممكن اخلى الشغل ده عديل لكن ما ممكن افتح بلاغ فى واقعة زى دى وكان جاد فى حديثه , ضحكنا كثيرا من الصديق الذى يعلن كراهيته لنا ويطلب خدمتنا وأكيد الرجل كان خارج الشبكة من حالة الخوف التى اعترته , داعبه زميلنا المقدم قائلا خ...ل ما عامل فيها جعلى , أجابه أسمع دى ما فيها جعلية دى سمعة كعبة , سأله زميلنا قائلا طيب انت بتعتقد الحل شنو ونحن بنساعدك , قال انا بمشى المكتب عند الثامنة صباحا , وقبل ما أمشى المكتب بجى اسوق واحد منكم يمشى يقعد معاى فى المكتب لحدى ما تجى ال....طة دى وبعدين تتصرفوا معاها , أخبره اخونا المقدم قريبه بالآتى : عليك الذهاب الى مكتبك الصباح عادى وفى مواعيدك وعندما تحضر صاحبتك دى افيدها بأنك ارسلت موظف للبنك لاحضار مبلغ مالى , وأنك سوف تتصل عليه فى مكتبه لمعرفة ما اذا كان قد وصل ام لا , وأتصل علينا وأسالنا هل احضرنا المبلغ ام لا وسنعرف حينها أن ال.....طة بتاعتك دى وصلت وحيجيك واحدمننا لحل هذا الاشكال , عند العاشرة من صباح اليوم التالى اتصل أخونا المدير الخواف وعلمنا ان الهدف معه بالمكتب , تحركت انا ومعى زميل مسخوت من منسوبى الدفعة 50 , وعند دخولنا لمكتب صديقنا المدير وجدنا تلك السيدة جالسة وفى انتظار نصيبها من القنزب , والله يا عمر الزولة دى وكت شافتنا , اى لون فى الدنيا يخطر على بالك انطبع على وشها , وعندما قلنا السلام عليكم الزولة دى ردت السلام بطريقة تجبرك على الضحك ووقفت طولها وأخذت تردد اها يا اخوانا كراعكم ما حارة لكن انا مستعجلة , رد عليها زميلى المسخوت كراعنا حارة ساكت كراعنا مكوة بس ,, يا زولة تمشى وين نحن جايين عشانك انتى ,, سجمى عشانى أنا عملت شنو ,, عملتى شنو بقيتى تجى تقلعى قروش الناس من مكاتبهم وتقولى عملت شنو , اخذناها الى مكتبنا وعند وصولنا لبوابة المباحث قرات اليافطة واخذت تصيح سجمى المباحث يا اخوانى اكتلونى بس ما تدخلونى هنا تعرف يا عمر أسوا شئ تشوف انسان فى حالة جزع حقيقى , بدأت فى تهدئتها , أفدتها بأننا سنعرضها على ضابط اعلى منا رتبة ومن المؤكد سيحل لها هذا الاشكال الذى ادخلت نفسها فيه ان هى اعترفت بخطأها ووعدت بعدم تكراره أخذناها لذلك الرجل الرحيم , وقد خاطبته بهوى يا ود امى انا غلطانة وسافة التراب يشهد الله اغرورقت عيون الرجل خصوصا بعدما علم انها أرملة وزوجها قد قضى نحبه فى حادث حركة وانها أم لعدد من الاطفال وان والد زوجها قد ضايقهم فى الورثة وانها قطعت تعليمها من المرحلة المتوسطة لتتزوج , اصبنا بحالة من الوجوم وهى تحكى عن معاناتها و بعد ان فرغت من حديثها , تحدث معها ذلك الزميل مبينا لها خطورة ما قامت به وان القانون رادع جدا فى مثل هذه الحالات , وانها تستطيع ان تعمل حتى فى البيوت بدلا من ارتكابها لجريمة ستقودها للسجن لا محالة وستحرمها من اطفالها وسوف تسئ لنفسها ولاطفالها ولأسرتها بذلك التصرف , ابدت ندمها الشديد واسفها لما حدث , اخلينا سبيلها بعد ان قام سعادة المقدم بتدوين اسمها وعنوانها وافادها بأنها ستكون تحت المراقبة .
بعد فترة ذهبنا انا وزميلى المسخوت لمكتب صديقنا المدير وقلنا له والله ما تجيب لينا فطور من
البربرى ككرامة نقطع هدومنا ونكورك نلم فيك الناس , ضحك الرجل حتى سالت دموعه .
|
Post: #155
Title: Re: لمن كنت بوليس نظام عام ...........
Author: خالد حامد الجزولي
Date: 08-05-2010, 12:36 PM
Parent: #154
يا جنابو عمر عثمان
فطيتني مالك
مداخلتي ما عجبتك ولا شنو
أنا جني وجن الكلام دا...!!!!
|
Post: #156
Title: Re: لمن كنت بوليس نظام عام ...........
Author: omer osman
Date: 08-06-2010, 08:29 AM
Parent: #155
Quote: يا جنابو عمر عثمان
فطيتني مالك
مداخلتي ما عجبتك ولا شنو
أنا جني وجن الكلام دا...!!!!
|
ياخالد افطك كيف ياخي ....... حمبكة وخرخرة ناس الموردة دي ما تعمله لينا هنا ....
صاحبك صلاح ده طبعاً كان في القائمة السوداء الممنوعة من دخول الاستاد ..... اتاريكم كلكم كده
بمناسبة الموردة امبارح اول يوم اشوف ولدكم (هنو) مع المريخ ........ لعاب ومكسب كبير .... اول مرة تعملوا حاجة كويسة للمريخ ......
Quote: QUOTE]أخي جنابو عمر عثمان
سلامات وطابت أوقاتك
أولاً تحياتك وصلت لي صلاح دسوقي
الفي الحسبة جد زوجتك لأنه خال أمها موش كدة
حسب ما فسر لي صلاح وقال أنه ناس عادل ومزمل ومعتصم خيلانها
مظبوط كدة
وتحياتي لحرمكم المصون الجدها صلاح دسوقي
بمزاج عالي اتابع ما تكتب
رغم أنه .. شوية ... شوية
يعني ما شي بالتقسيمة
لكن ... البوليص فقد شخصية عظيمة كان يمكن أن تكون وبما
لها من طموح ورغبة في العمل بالبحث الجنائي بالذات
شرلوك هولمز السوداني
تحياتي ومتابعين
|
شكرا ليك ياخالد على كلماتك الطيبة كطيبة اهل الموردة وحميميتهم ...... 
|
Post: #157
Title: Re: لمن كنت بوليس نظام عام ...........
Author: omer osman
Date: 08-06-2010, 08:33 AM
Parent: #156
Quote: الشقيق عمر النفاي
شغلتنا من المظاهرة بحكاويك الماتعة والمفيدة دي، ثكلتك الشرطة بكل تصانيفها ومسمياتها..
____
الكمندانة سارة كرودي الزول ده كلمك بموضوع الخروف؟ |
ودطيفور ياصديقي ...........
وجودك في البوست قيمة مضافة ..... الف شكر للمتابعة .......
بت كرودي على علم وكل الفلم جاهز حتى الشطة جاهزة بس ابقي مارق ....
|
Post: #163
Title: Re: لمن كنت بوليس نظام عام ...........
Author: omer osman
Date: 08-06-2010, 09:40 AM
Parent: #154
Quote: هاك دى يا عمر عشان ما تزعل .
سيدة فى مقتبل العمر على درجةعالية من الجمال والاناقة حضرت لمكتب رجل صديق يعمل مدير لاحدى الشركات الناجحة تعرفنا عليه عن طريق قريبه زميلنا الذى كان يحمل رتبة المقدم , وقد طلبت تلك السيدة مقابلته , وبعد دخولها لمكتبه أجلسها على كرسى مقابل له وسألها عن ما يمكن ان يقدمه لها من خدمة
وقفت المرأة كما حدثنا وخلعت ثوبها وقذفت به على الأرض وخاطبته بلغة حاسمة , ان لم تدفع لى مبلغ كذا سوف أمزق فستانى واصيح ألم عليك الناس وأقول ليهم انك عايز تغتصبى , افادنا الرجل وكان حتى وصوله لنا يعانى من حالة هلع بادية على محياه , بأنه قام بفتح درج مكتبه وسلمها كل محتوياته وطلب منها المغادرة , وقد أفادته بأنها سوف تحضر غدا لاستلام باقى المبلغ , طلبنا منه فتح بلاغ بالواقعة وان احدنا سوف يذهب معه للقسم الشمالى لذلك الغرض , رفض الرجل فكرة البلاغ وكان يرتعد ويقول أنا فى الدنيا دى ما بكره الا الشرطة ومكتب البلاغات والمحاكم , وانا ممكن اخلى الشغل ده عديل لكن ما ممكن افتح بلاغ فى واقعة زى دى وكان جاد فى حديثه , ضحكنا كثيرا من الصديق الذى يعلن كراهيته لنا ويطلب خدمتنا وأكيد الرجل كان خارج الشبكة من حالة الخوف التى اعترته , داعبه زميلنا المقدم قائلا خ...ل ما عامل فيها جعلى , أجابه أسمع دى ما فيها جعلية دى سمعة كعبة , سأله زميلنا قائلا طيب انت بتعتقد الحل شنو ونحن بنساعدك , قال انا بمشى المكتب عند الثامنة صباحا , وقبل ما أمشى المكتب بجى اسوق واحد منكم يمشى يقعد معاى فى المكتب لحدى ما تجى ال....طة دى وبعدين تتصرفوا معاها , أخبره اخونا المقدم قريبه بالآتى : عليك الذهاب الى مكتبك الصباح عادى وفى مواعيدك وعندما تحضر صاحبتك دى افيدها بأنك ارسلت موظف للبنك لاحضار مبلغ مالى , وأنك سوف تتصل عليه فى مكتبه لمعرفة ما اذا كان قد وصل ام لا , وأتصل علينا وأسالنا هل احضرنا المبلغ ام لا وسنعرف حينها أن ال.....طة بتاعتك دى وصلت وحيجيك واحدمننا لحل هذا الاشكال , عند العاشرة من صباح اليوم التالى اتصل أخونا المدير الخواف وعلمنا ان الهدف معه بالمكتب , تحركت انا ومعى زميل مسخوت من منسوبى الدفعة 50 , وعند دخولنا لمكتب صديقنا المدير وجدنا تلك السيدة جالسة وفى انتظار نصيبها من القنزب , والله يا عمر الزولة دى وكت شافتنا , اى لون فى الدنيا يخطر على بالك انطبع على وشها , وعندما قلنا السلام عليكم الزولة دى ردت السلام بطريقة تجبرك على الضحك ووقفت طولها وأخذت تردد اها يا اخوانا كراعكم ما حارة لكن انا مستعجلة , رد عليها زميلى المسخوت كراعنا حارة ساكت كراعنا مكوة بس ,, يا زولة تمشى وين نحن جايين عشانك انتى ,, سجمى عشانى أنا عملت شنو ,, عملتى شنو بقيتى تجى تقلعى قروش الناس من مكاتبهم وتقولى عملت شنو , اخذناها الى مكتبنا وعند وصولنا لبوابة المباحث قرات اليافطة واخذت تصيح سجمى المباحث يا اخوانى اكتلونى بس ما تدخلونى هنا تعرف يا عمر أسوا شئ تشوف انسان فى حالة جزع حقيقى , بدأت فى تهدئتها , أفدتها بأننا سنعرضها على ضابط اعلى منا رتبة ومن المؤكد سيحل لها هذا الاشكال الذى ادخلت نفسها فيه ان هى اعترفت بخطأها ووعدت بعدم تكراره أخذناها لذلك الرجل الرحيم , وقد خاطبته بهوى يا ود امى انا غلطانة وسافة التراب يشهد الله اغرورقت عيون الرجل خصوصا بعدما علم انها أرملة وزوجها قد قضى نحبه فى حادث حركة وانها أم لعدد من الاطفال وان والد زوجها قد ضايقهم فى الورثة وانها قطعت تعليمها من المرحلة المتوسطة لتتزوج , اصبنا بحالة من الوجوم وهى تحكى عن معاناتها و بعد ان فرغت من حديثها , تحدث معها ذلك الزميل مبينا لها خطورة ما قامت به وان القانون رادع جدا فى مثل هذه الحالات , وانها تستطيع ان تعمل حتى فى البيوت بدلا من ارتكابها لجريمة ستقودها للسجن لا محالة وستحرمها من اطفالها وسوف تسئ لنفسها ولاطفالها ولأسرتها بذلك التصرف , ابدت ندمها الشديد واسفها لما حدث , اخلينا سبيلها بعد ان قام سعادة المقدم بتدوين اسمها وعنوانها وافادها بأنها ستكون تحت المراقبة .
بعد فترة ذهبنا انا وزميلى المسخوت لمكتب صديقنا المدير وقلنا له والله ما تجيب لينا فطور من
البربرى ككرامة نقطع هدومنا ونكورك نلم فيك الناس , ضحك الرجل حتى سالت دموعه . |
ياهو ده البوليس ياسعادتك ..........
حماية الشاكي وصيانة مصالحه دون الاضرار بالمتهم .......
وتحقيق الردع باقل قدر من الاجراءات .......
|
Post: #160
Title: Re: لمن كنت بوليس نظام عام ...........
Author: omer osman
Date: 08-06-2010, 09:21 AM
Parent: #151
Quote: متااااابعه .. بكل ادب وخشوع ..
سرد .. يعنى لى محاضرات ودروس يسهل الاستفاده منها ..
إنحنى اليك إجلالا ... وارفع القبعه وآآطي رأسي أحتراما لشخصكم .. |
عفاف ...... قلب المنبر النابض
عاجز عن إيفاء كلماتك حقها ......
ربنا يوفقنا دائماً لنكون عند حسن ظنكم بنا ..........
|
Post: #159
Title: Re: لمن كنت بوليس نظام عام ...........
Author: omer osman
Date: 08-06-2010, 08:46 AM
Parent: #150
Quote: العزيز عمر تحياتى وتقديرى
بوست ذكى يا عمر وجاء فى وقته تماما , ليعلم زملاء المنبر ومن يطلعون عليه أين كانت الشرطة وأين اصبحت الآن بفعل التسيس الذى حط تماما من مهنية الشرطة , وليعلم من يهينون الشرطة ويوظفونها لغير اغراضها لاى درك يقودونها , عشرات البوستات تتناول سيرة الشرطة التى أصبحت بعبع يخيف الناس ويهينهم ويدوس على كرامتهم , هذا الوضع لا يجوز ان يستمر والشرطة ليست ملك للنظام القائم ولا آداء من ادواته , الشرطة هى ملك لأبناء السودان الذين يدفعون مرتبات منسوبيها ولا يجوز ان تكون عبء ثقيل عليهم , نريدها شرطة محايدة منضبطة تكون سند وعضد حقيقى لهذا الشعب , تبسط الأمن وتقدم خدماتها لكل محتاج دون من او أذى , معليش يا عمر ان كان حديثى يتسم ببعض الخشونة التى أدرى أنك لا تحبذها لطبعك الهادى الكريم لكنى قطعا اعمد اليها لتوصيل رسالة للذين يعتقدون ان الشرطة ملك خاص توظف حسب أهواءهم , وعليهم ان يدروا ان الشرطة عمرها مائة عام من البذل والعطاء , وكان لها دور حاسم فى كل القضايا الوطنية الكبرى وليس من حق كائن من كان أن يتبول على تاريخها كما يحدث الآن , نحن معاشيون نعم , لكن لنا نصيبنا واساهمنا فى مسيرة الشرطة ولن نقبل ما يحدث الآن باسمها . |
سيادتو فيصل ......
تحياتي وتقديري وشكري .............
الانقاذ في ايامها الاولي بلاشك خلقت حالة من العداء غير المبرر بينها وبين الشرطة ..........
سيف الصالح العام اعاق النمو الطبيعي للشرطة وحرمها من تواصل الاجيال وتناقل الخبرات .........
لان الشرطة عمرها مائة عام صمدت الى حد بعيد ونظن انها قد تجاوزت الصدمة الاولي ........
ويبقي الهم المشترك بين من هم في الخدمة ومن هم خارجها كيف السبيل لمعالجة السلبيات التى اعتورت عمل الشرطة ...........
|
Post: #158
Title: Re: لمن كنت بوليس نظام عام ...........
Author: omer osman
Date: 08-06-2010, 08:39 AM
Parent: #147
سلام معتصم الراقي .......
Quote: صباح الخير يا عمر ..
كلامنا دا كله لأجل أن تكون الشرطة صديق للشعب وفي خدمتهم لا في تخويفهم .. |
ولأجل هذا وجدت الشرطة والا فعليها السلام ............
Quote: ربع مشكلتكم كانت في جمال الوالي وخلاص الوالي شتت ..
التلاتة أرباع الباقية دي في حضرة الصحفي المشجع مزمل أبوالقاسم شوفوا ليهو حل |
بعد ما اغترب في ابوظبي جانا راجع تاني ... شوفوا ليهو عقد عمل معاكم في السعودية ................
|
Post: #164
Title: Re: لمن كنت بوليس نظام عام ...........
Author: سيف بخيت موسي
Date: 08-06-2010, 10:16 AM
Parent: #158
جنابو عمر
سلامي، وجمعة مباركة
سرد مفيد وممتعع ومنظم
تحياتي
|
Post: #165
Title: Re: لمن كنت بوليس نظام عام ...........
Author: omer osman
Date: 08-06-2010, 10:23 AM
Parent: #164
Quote: جنابو عمر
سلامي، وجمعة مباركة
سرد مفيد وممتعع ومنظم
تحياتي |
مولانا سيف ...........
جمعة مباركة ورمضان كريم ..........
شكراً لمرورك الانيق ..............
|
Post: #166
Title: Re: لمن كنت بوليس نظام عام ...........
Author: محمد علي شقدي
Date: 08-06-2010, 04:44 PM
Parent: #165
| Quote: اسم شقدي ده سامع بيهو كتير جداً عندنا اهلنا لكن بصراحة ما عارف العلاقة شنو ؟ |
بالتاكيد افتخر بهذه العلاقه يا قريبي عمر ففي جزيرة الفيل زي كثير من الاماكن في السودان تتمثل مقولة حميد
كل الناس قراب كل الناس أهلا الجا من الجريف والجا من الجبل و الماهم أهل قربم العمل ..........
والسكن واحيانا النت
التحيه لحبوبه بت اب شنب ولكل اسرتها المتدده
----------------------------
شفته امبارح فريق جزيرة الفيل كيف بالحظ بس الهلال مرق بثلاثة نقاط التحيه لهذا الفريق الذي جلعنا لا نحتاج لكثير عناء للتعريف بالحي الذي نعشق
طبعا من اولاد جزيرة الفيل القدامى بالمنبر الفنان مصدق مصطفى حسين
|
Post: #167
Title: Re: لمن كنت بوليس نظام عام ...........
Author: حسين عوضاى
Date: 08-06-2010, 06:49 PM
Parent: #166
يا قومندان
قلنا ليك فى ضباط شايلين الدبوره فى كتفهم وفى ضباط الدبوره شايلاهم ...
انت ومن معك من الافاضل امثال المرحوم طارق محمد احمد والعزبز عبده عوض واسامه محمد ابراهيم وعبدالرحيم فقيرى برعى
اسامه الكرور الطيب عثمان يوسف واحمد صهيب وكثير ممن لم تسعفنى الزاكره بهم علامه مضيئه للشرطه السودانيه ..
واصل فى ابداعك وتكفينى فيك كلمات طارق محمد احمد انك اميز ضابط شرطه واول دفعتك .......
تحايانا وواصل متابعنك يا مان
|
Post: #168
Title: Re: لمن كنت بوليس نظام عام ...........
Author: abubakr
Date: 08-06-2010, 10:44 PM
Parent: #167
حسب معلومات بسيطة لدي فان قيادة البوليس هي اول قيادة تسودنت(امين محمد حسين .. محمد الفضل.. صالح محمد طاهر ..الخ ) وان ضباط بوليس كانو ينتقلون الي ادارة المديريات كمدراء او نواب مدراء وان وزارة الخارجية السودانية حين تاسيسها بعد الاستقلال 1956 حول اليها ضباط بوليس صارو من اهم سفراء السودان واحدهم صار وزيرا للخارجية او وزير دولة للخارجية ( لا اتذكر بالضبط) ...اذن فالبوليس السوداني كان ضلعا مهما في ادارة البلاد داخليا وخارجيا وبالتالي تكونت لديه خبرات وامكانات جعلت ضابط البوليس يدير مديرية او يمثل السودان سفيرا ...ما حدث للبوليس من تسيس اضر كثيرا بالبوليس وادت الخلافات والمكايدات السياسية في الفترة التي تلت الاستقلال الي صراعات ادت الي ان تفقد الشرطة قيادات وكفاءات مهمة ثم تزايدت وتيرة التسيس حتي جعلت البوليس اداة في يد طلاب السلطة وليس مديرا وحاميا لمصالح البلاد والعباد وهكذا فقد البوليس كفاءات كثيرة وفقد الجهاز كثير من دوره الاساسي .....
السودان سيحتاج دائما الي بوليس واع يحترم دوره كحامي لانسانية السوداني ومدافع عنها ...اخراج البوليس السوداني من مستنقع المكايدات السياسية والجهوية ليعود كما كان امر "واجب" وليس كماليا فالتغيير الذي ياتي بالتطور والنماء والازدهار والعدالة والمساواة يحتاج الي بوليس يحميه بحمايته للقانون والعدل وبحيادية وليس الي حملة عكاكيز ....
في مناهضتنا لما يحدث في بلادنا من سوء ادارة وفساد واهدار لكرامة الانسان السوداني واللعب بمعتقداته و سعينا للتغيير يجب الا نجعل الواقع الحالي للبوليس او القوات النظامية عموما هو De facto وانما مسخ لاجهزة ضرورية ومهمة كوسيلة جهوية للبقاء في السلطة ....
________
حاشية : امل من منتسبي البوليس السابقيين المتواجديين في هذا المنبر ان يغتنمو فرصة تواجدهم بالقاء ضوء من واقع تجاربهم وعملهم عن دور البوليس الحقيقي وتاريخه واهم محطاته ودوره قبل الاستقلال وبعده واسهاماته .... وكما ذكرت في مداخلة اخري اجيالنا الصغيرة والتي تري البوليس الان في صورته الحالية خارج اطر دوره ومهمته الرئيسية يستعمل كاداة لقهر واذلال الانسان السوداني فتظن انه الدور الحقيقي لها يجب ان تعرف ان تلك ليست الحقيقة وان للبوليس دورا انسانيا مخالفا عما يرونه الان ...لست ملكا اكثر من االملوك ولكن بناء سودان ديمقراطي قادر علي ان ينافس ليجد موقعا وسط دول كثيرة سبقته نماء وازدهارا يحتاج البوليس الممتاز والطبيب الممتاز والمهندس الممتاز والجندي الممتاز والقانوني الممتاز والعامل الممتاز والمعلم الممتاز والمزارع الممتاز ..الخ ....الامتياز لايكون دون حرفية وانسانية والذي يحدث الان ليس فيه من ايهما ذرة واحدة ....
|
Post: #169
Title: Re: لمن كنت بوليس نظام عام ...........
Author: عبده عوض
Date: 08-06-2010, 11:45 PM
Parent: #168
Quote:
تحياتي واحترامي ليك ولسيادتو عبده عوض
|
سيادتو ياسر عبدالعزيز الطيب ,, يويو .. شـخشـياًً ...
وينك يا أحلى .. ضابط قضاء الشرطة بتاع الديش !!! أو كما يحب أن يناديك ..... !
مشتاقين شديد والله يايويو ..
صدفة غريبة .. قبل لحظات .. كنت مع أسامة وخالد وداعة علي التلفون وهم حالياً في طريقهم إلى الخرطوم .. ربنا يكتب سلامتهم .
سألت عنك وعرفت إنك في إجازة اليومين ديل ... والله ليك وحشة شديدة ..
تحياتي ومودتي بلا حدود لك ...
آسف يا عمر ... على الدخول الخاص دا .. لكن ياسر دا حبيبنا كلنا ...
|
Post: #170
Title: Re: لمن كنت بوليس نظام عام ...........
Author: عبده عوض
Date: 08-07-2010, 01:39 AM
Parent: #169
حسين عوضاي .. خس خس ..
وينك يا رجل .. يا راقي .. يا طيب القلب ...
Quote: انت ومن معك من الافاضل امثال المرحوم طارق محمد احمد والعزبز عبده عوض واسامه محمد ابراهيم وعبدالرحيم فقيرى برعى
اسامه الكرور الطيب عثمان يوسف واحمد شعيب وكثير ممن لم تسعفنى الزاكره بهم علامه مضيئه للشرطه السودانيه ..
واصل فى ابداعك وتكفينى فيك كلمات طارق محمد احمد انك اميز ضابط شرطه واول دفعتك |
ونيابة عنهم .. وعن صاحب البوست ( بعد إذنه ) ...
أشكرك على طيب حديثك .. والذي يدل على حسن معدنك ..
وفعلاً .. القائمة تطول .. وهناك من هم الأميز والأفضل في الشرطة .. ربما لم تكن محظوظاً في مقابلتهم أو التعرف عليهم ...
ودي وإمتناني لشخصكم الكريم ...
|
Post: #171
Title: Re: لمن كنت بوليس نظام عام ...........
Author: ارصد محمد جلال
Date: 08-07-2010, 08:28 AM
Parent: #170
من أروع البوستات
شكرا جنابو
|
Post: #172
Title: Re: لمن كنت بوليس نظام عام ...........
Author: Khalid Osman Jaafar
Date: 08-07-2010, 11:11 AM
Parent: #171
سلام يا جنابو عمر،
بالجد تحية ليك وياريت لو كل رجال الشرطة بقوا كده
|
Post: #173
Title: Re: لمن كنت بوليس نظام عام ...........
Author: أسامه الكرور
Date: 08-07-2010, 06:36 PM
Parent: #172
Quote: انت ومن معك من الافاضل امثال المرحوم طارق محمد احمد والعزبز عبده عوض واسامه محمد ابراهيم وعبدالرحيم فقيرى برعى
اسامه الكرور الطيب عثمان يوسف واحمد صهيب وكثير ممن لم تسعفنى الزاكره بهم علامه مضيئه للشرطه السودانيه ..
واصل فى ابداعك وتكفينى فيك كلمات طارق محمد احمد انك اميز ضابط شرطه واول دفعتك ....... |
طبعاً ياحسين عوضاى أنا عارفك ضميتنى مع الجماعه ديل كسير تلج بس
على العموم انا بقبل كسير تلجك دا .. أمشى جيب العروس وتعال .. وتأثيث البيت تعال عندى ما تخاف بظبطو ليك بالعندك
أها قصرنا معاك ؟؟؟؟؟
سيد عمر الكلام دا بعد إذنك طبعاً
|
|