لمصلحة من يا ناس النظام العام الحملات ضد محلات الشيشة بمحلية الخرطوم؟

- تقوم سلطات النظام العام بمحلية الخرطوم بين الفينة والاخري بتنفيذ كشات ضد محلات الشيشة بمحلية الخرطوم ومصادرة (الشيش)، في حين إن محلية بحري سمحت بذلك من خلال تصاديق سنوية.
- الدولة تسمح بزراعة وتصنيع التبغ (البرنجي-حجار) وتأخذ الضرائب على ذلك ، وتحارب البسطاء من أصحاب محلات الشيشة.
- التدخين ضار بالصحة باتفاق، ولكن المدخنين موجودين في كل مكان ومن كل الملل والنحل والطوائف.
- محلات الشيشة يرتادها قضاة وضباط وأطباء وصحفيين ومهندسين وعمال وآخرين في مواقع مختلفة.
- في كل مكان يوجد الذي يلتزم بالقانون، والذي لا يلتزم به فلماذا( تكشون) الجميع؟.
- قالوا: إن بعض محلات الشيشة تعمل على ترويج المخدرات. نقول : في هذه الحالة يمكنكم القبض على المروج وتطبيق القانون عليه.
- قالوا : إن التدخين ضار بالصحة. نقول: الكثيرون يعلمون ذلك ولكنهم يدخنون ولم يصدر قانون من البرلمان يحرم التدخين أو التجارة في التبغ.
- قالوا إن بعض البنات يشيشن. قلنا إن القانون في بلدنا لا يفرق بين الرجل والمرأة، وماهو حلال للرجل، حلال للمرأة.
- قالوا إن أصحاب محلات الشيشة خربوا طبع البنات فأصبحن يشيشن. قلنا: إن المسئول عن ذلك الأسرة والمجتمع، ولكن القانون يساوي بين الناس، فلا يصح للدولة إن تمنع الشيشة وتحلل تدخين السجاير، كما لا يصح للدولة إن تمنع النساء دون الرجال.

الاخ عبدالقادر

بعملوا كده عشان يسكتوا السلفية الواقفين معاهم في باطل تزوير الانتخابات

ونظام احنا بنعمل حركات كده اسلامية ووهمات زي دي

هم ناس اكلوا مال الحرام وقتلوا النفس وبعذبوا في زول هسع بالنار

جات على الشيشه يعني

عارف هنا في السعودية في نظام، محلات الشيشه غير موجودة في وسط المدينة
او في المناطق السكنية، بعملوا محلات في مناطق زي ما بسموها الخواجات

out of city limits

يعني تاني لو داير تشرب شيشة وخصوصا بعد تمدد مدينة الخرطوم في كل الاتجاهات

يا تمشي ولاية الجزيرة لو كنت من سكان جنوب الخرطوم، او لو كنت في الشمال تمشي ولاية
النيل الابيض، اما لو كنت من سكان امدرمان الا تمشي ولاية كردفان المتاخمة لامبدة

الأخوان عبدالقادر واحمد ابنعوف ..
تذكرنى تلك الحملات الخائبة على محلات الشيشة والأنقاذ لسع جديدة لنج بألمدعو يوسف عبدالفتاح ايامها ماعارف هل كان محافظ او نائب محافظ على المنكوبة ولاية الخرطوم ولما كان يعتقد بأنه انسان رسالى وذو توجه حضارى وان السماء اختارته من دون خلق الله لهداية سكان مدينة الخرطوم السادرون فى الضلالة والجهالة فقد جمع اصحاب شركات انتاج وتصنيع السجائر وامرهم بزيادة اسعار السجائر زيادات خرافية وذلك حتى يمتنع المدخنون عن شراء السجائر ومن ثم الأمتناع عن التدخين.
ولكن اصحاب مصانع وشركات السجائر قالوا له بأن زيادة اسعار السجائر ستؤدى بنسبة كبيرة من المدخنين بالتحول للتمباك والشيشة, ولما كان محاربة التمباك من المستحيلات فى بلد كالسودان فقد اصدر سيادته قرارا آنذاك بقفل كل محلات الشيشة بالخرطوم وفرض رسوم جديدة على السجائر..انظروا للعبقرية التى حلت لنا مشكلة التدخين بنفس طريقة خالتنا البصيرة ام حمد... ومنذ ذلك الحين والأنقاذ تحل لنا كل مشاكلنا بطريقة طيبة الذكر البصيرة ام حمد.

علمت من بعض العاملين بهذه المحلات انه بعد ان يقبض عليهم ضباط النظام العام بقسم الديم يقدمون الى محاكمة، حيث تحكم عليهم المحكمة دائما بالغرامة التي تتراوح بين (200) جنيه و(450) جنيه سوداني،لمصلحة من ؟، واين تذهب مبالغ هذه الغرامات؟

لمصلحة من معاقبة المشيشاتية؟
- هل يتم ذلك لمصلحة اصحاب مصانع السجائر؟.
- ام لمصلحة محلات (التمباك، ومزارعى التمباك)؟.
- ام لمصلحة جهات اخرى؟.

عبدالقادر حسن الحبيب ...
كيف حالك؟ علك طَيِب

Quote: قالوا إن بعض البنات يشيشن. قلنا إن القانون في بلدنا لا يفرق بين الرجل والمرأة، وماهو حلال للرجل، حلال للمرأة.

علشان نفهم بس ... والله علشان نفهم ما أكتر مِن كِده ... إصلي طَولت مِن السودان ... يا حليلو ... أها يا خوي النجي للسؤال الدايِر أسألو ليك :
لو لِقيت أُختك يا عبدالقادِر أو مرتك أو بِتك في قهَوة عامة في السوق ، بتْشَيِش ... حيكون مَوقِفك شنو؟

كتب السيد عزام حسن فرح:

Quote: عبدالقادر حسن الحبيب ... كيف حالك؟ علك طَيِب Quote: قالوا إن بعض البنات يشيشن. قلنا إن القانون في بلدنا لا يفرق بين الرجل والمرأة، وماهو حلال للرجل، حلال للمرأة. علشان نفهم بس ... والله علشان نفهم ما أكتر مِن كِده ... إصلي طَولت مِن السودان ... يا حليلو ... أها يا خوي النجي للسؤال الدايِر أسألو ليك : لو لِقيت أُختك يا عبدالقادِر أو مرتك أو بِتك في قهَوة عامة في السوق ، بتْشَيِش ... حيكون مَوقِفك شنو؟

مع احتراماتي: المسألة ما مسألة اختى واختك!، المسالة مسالة حريات وقانون.
انا لا امانع ابدا ان تفعل اختى او بنتي الراشدة او زوجتي ما افعله، لان مبدائي يقول - لا تحرم على الاخرين ما تحلله لنفسك.

الغريبة حاجتين

انو قبل التتار ديل ما يجو، في الخرطوم كان في محل واحد بعمل شيشة

فاتح في صينية سانت جيمس

الحاة الغريبة التانية

انو نفس الحكومة الدايره تمنع الشيشة دي هي نفسها من تعتقل الداعية الاسلامي حسن الترابي؟؟؟!!!

فحكومة تعتقل حسن الترابي حري بها ان تفتح البارات وليس تقفيل محلات الشيشة

لكن يا عبد القادر، وقت الموضوع طلع فيهو قروش، دي معناها اتاوات تفرض خارج القانون
وهي جزء اصيل من مسلسل الفساد

الوالي ينهب، الوزير يرتشي، المعتمد ينصب، فبتاع القسم والعساكر المساكين ديل
اهو يلقوا ليهم محل يسترزقو منو

_______________________________

الناس تستغرب لماذا يحمل المعارضين السلاح

هدف الحكومة هو منع التجمعات الاجتماعية
لمنع الناس من النقاش وتبادل الآراء والاخبار .. والتفكير ..

هذا ما لا تريده الحكومة فعلا وحقا من هذه الحملات
محلات الشيشة منتديات اجتماعية .. لذلك لابد من زعزعتها

في السابق كانت المقاهي والبارات التي قضت عليها دكتاتورية مايو العسكرية
ليس من أجل الدين، بل لأنها كانت منتديات لبلورة الفكر الاجتماعي ..
وبالمثل كانت القهاوي في زمن الاستعمار .. حتى الأنادي كانت من منتديات
لبلورة مناهضة الاستعمار في عديد الأغنيات الشعبية .. "يا غريب بلدك سوق معاك ولدك يللا لى بلدك" ..

تجمع الناس في محلات الشيشه بدون خمور دليل أن هدف المرتادين لجميع هذه الأمكنه في الماضي والحاضر
هو اللقاء الاجتماعي في حد ذاته من أجل الترويح وتبادل الأفكار وليس تعاطي ما
يمنعه الدين الاسلامي

أي حكم شمولي استعماري أو دكتاتوري عسكري قامع يحارب المنتديات الاجتماعية
والقاعدة الدكتاتورية المعروفة: أكثر من اثنين تجمّع" ... !

كتب قلقو :

Quote: الأخوان عبدالقادر واحمد ابنعوف .. تذكرنى تلك الحملات الخائبة على محلات الشيشة والأنقاذ لسع جديدة لنج بألمدعو يوسف عبدالفتاح ايامها ماعارف هل كان محافظ او نائب محافظ على المنكوبة ولاية الخرطوم ولما كان يعتقد بأنه انسان رسالى وذو توجه حضارى وان السماء اختارته من دون خلق الله لهداية سكان مدينة الخرطوم السادرون فى الضلالة والجهالة فقد جمع اصحاب شركات انتاج وتصنيع السجائر وامرهم بزيادة اسعار السجائر زيادات خرافية وذلك حتى يمتنع المدخنون عن شراء السجائر ومن ثم الأمتناع عن التدخين. ولكن اصحاب مصانع وشركات السجائر قالوا له بأن زيادة اسعار السجائر ستؤدى بنسبة كبيرة من المدخنين بالتحول للتمباك والشيشة, ولما كان محاربة التمباك من المستحيلات فى بلد كالسودان فقد اصدر سيادته قرارا آنذاك بقفل كل محلات الشيشة بالخرطوم وفرض رسوم جديدة على السجائر..انظروا للعبقرية التى حلت لنا مشكلة التدخين بنفس طريقة خالتنا البصيرة ام حمد... ومنذ ذلك الحين والأنقاذ تحل لنا كل مشاكلنا بطريقة طيبة الذكر البصيرة ام حمد.

في ظني ان افكار البصيرة ام حمد وفعلها افضل من افكارهم. هي اجتهدت، وهؤلاء لم يجتهدوا ! وهي عملت ، وهؤلاء عاوزين الجاهزة.
مع اعتراضي على المثل الموضوع والمنحول والمحسوب على الثقافة السودانية.

قال لي صديقي : بدلاً من تطوير هذه القهاوي التي اصبحت اندية اجتماعية للشباب والكبار فان هؤلاء ( ويقصد ناس النظام العام) يفقرونها ويرسلونها الى البؤس والحضيض بفضل افعالهم هذه وكشاتهم اليومية والغرامات التي تمنع اصحابها من تطويرها.

قبل فترة أصبحت صاحبة (السروال) بطلة بفعل خطأ ضابط من هؤلاء جيء به من (البدو) ليقيم النظام والعدالة في العاصمة الخرطوم. لقد انتصر يومها احدهم لمبادئه وعقيدته الخاصة، ولم ينتصر للقانون والنظام. لقد فسر ذلك الضابط يومها القانون على طريقة احد المتداخلين (أعلاه) والذي يتحدث عن أختي وأختك، ونسي انه في بلد متحضر تجاوز بالقانون المكتوب قيم التقليد والبداوة، ويسمح للناس بممارسة حقوقهم ما لم يشتكي المجتمع من ذلك ، وليس شخص فرد قد يكون متزمت أو متطرف أو بدويا متعصباً( كما قال بمعنى ذلك بن خلدون ذات يوم).

عبدالقادِر حسن الحبيب ...

Quote: علشان نفهم بس ... والله علشان نفهم ما أكتر مِن كِده ... إصلي طَولت مِن السودان ... يا حليلو ... أها يا خوي النجي للسؤال الدايِر أسألو ليك : لو لِقيت أُختك يا عبدالقادِر أو مرتك أو بِتك في قهَوة عامة في السوق ، بتْشَيِش ... حيكون مَوقِفك شنو؟

Quote: مع احتراماتي: المسألة ما مسألة اختى واختك!، المسالة مسالة حريات وقانون. انا لا امانع ابدا ان تفعل اختى او بنتي الراشدة او زوجتي ما افعله، لان مبدائي يقول - لا تحرم على الاخرين ما تحلله لنفسك.

شُكرًا عبدالقادِر حسن الحبيب على الإجابة وأسفي كبير علَيها ، أسفي على فهمك لِلحُرِيات ، أسفي على إلغاءك لِكُل التقاليد والأعراف -خليهو الإسلام- الإتْواضعو عليها أهل السودان ...

المقاهي عامةً و التي تُقدِم < الشيشة > خاصةً يرتادها < الشباب > والشباب في بِلادي مثلهُم مِثل الشباب في < مِيامي > حماس ... نضارة ... حَيوِية ... رغبات ... إلخ. كَيف ترضى أن تجلِس أُختك/زَوجتك/بنتك في بيئة مِتِل دي ...

وبعدين هو كُل البتقدر تسويهو يا عبدالقادِر مُمكِن ويجوز أُختك/زَوجتك/بنتك ، تسويهو ... يعني إنت مثلاً بتْسِف ... بتسبح في النيل ... بتمشي السينما الدور التاني مع شِلتك ... بتسافِر للسياحة ... بتجلِس تحت عمود الكهربا الفي زاوية شارعكم لغاية نص الليل ... بتلبس أردِية ... بتفتح زرايِر القميص ... إلخ ده كلو مُمكِن أُختك/زَوجتك/بنتك تسويهو ...

وبِالمُقابل ممكِن نقول < أي فعل بتقوم بيهو أُختك/زَوجتك/بنتك مُمكِن تقوم بيهو إنت > نحنا لسه بتكلم طبعًا عن الحُرِيات وكِده ... أها على كِده مُمكِن تلبس ليك حلق في إضْنينك ... سلسلة في رقبتك ... تكبِر ضُفرك ... تعمل لشعرك سيشْوار ... تستعمل عطور فواحه ... تفتيح بشرة ... غسيل وجه ... إلخ.

الظاهِر فعلاً أنا قعدت بره السودان أكتر مِن اللازِم شوَية ... لأنو إذا كان في زول سوداني ، برضى لأُخْتو/بتو/زوجتو إنها ترتاد قهوة في السوق العربي مثلاً وتطلب شيشة بنكهة التفاح وكوب شاي أحمر سكر خفيف وتكمِل ليها حجر أو حجرين ، يبقى فِعلاً حقو ما أرجع السودان الشقيق نهائِيًا ...
ـــــــــــــ

Quote: لقد فسر ذلك الضابط يومها القانون على طريقة احد المتداخلين (أعلاه) والذي يتحدث عن أختي وأختك،

في ردك علي كتبت السيد عزام ... هسع مالي يا كافي البلا بقيت < أحد المتداخلين أعلاه > بس ... ما علينا ... أها أنا ما مِن < البدو > وعُمري كلو في المُدُن وإتربيت بره إفريقيا زاتا بكره في الدُنيا دي أكتر مِن الكيزان والمُتشدِدين ، المُتكَوْزِنين ... ورأي ما قد كتبتهُ (أعلاه) ... إذا كُنت إنت بِإسم < الحُرِيات > بترضى لأُختك/زَوجتك/بنتك إنها تشرب ليها شيشية في قهوة في السوق ... حقو ترضى برأي البعترِض فوقو على هكذا فِعل ، طالما أنا واقِف عِند حدود حُرِيتك ...

كتب السيد : عزام حسن فرح

Quote: شُكرًا عبدالقادِر حسن الحبيب على الإجابة وأسفي كبير علَيها ، أسفي على فهمك لِلحُرِيات ، أسفي على إلغاءك لِكُل التقاليد والأعراف -خليهو الإسلام- الإتْواضعو عليها أهل السودان ... المقاهي عامةً و التي تُقدِم < الشيشة > خاصةً يرتادها < الشباب > والشباب في بِلادي مثلهُم مِثل الشباب في < مِيامي > حماس ... نضارة ... حَيوِية ... رغبات ... إلخ. كَيف ترضى أن تجلِس أُختك/زَوجتك/بنتك في بيئة مِتِل دي ... وبعدين هو كُل البتقدر تسويهو يا عبدالقادِر مُمكِن ويجوز أُختك/زَوجتك/بنتك ، تسويهو ... يعني إنت مثلاً بتْسِف ... بتسبح في النيل ... بتمشي السينما الدور التاني مع شِلتك ... بتسافِر للسياحة ... بتجلِس تحت عمود الكهربا الفي زاوية شارعكم لغاية نص الليل ... بتلبس أردِية ... بتفتح زرايِر القميص ... إلخ ده كلو مُمكِن أُختك/زَوجتك/بنتك تسويهو ... وبِالمُقابل ممكِن نقول < أي فعل بتقوم بيهو أُختك/زَوجتك/بنتك مُمكِن تقوم بيهو إنت > نحنا لسه بتكلم طبعًا عن الحُرِيات وكِده ... أها على كِده مُمكِن تلبس ليك حلق في إضْنينك ... سلسلة في رقبتك ... تكبِر ضُفرك ... تعمل لشعرك سيشْوار ... تستعمل عطور فواحه ... تفتيح بشرة ... غسيل وجه ... إلخ. الظاهِر فعلاً أنا قعدت بره السودان أكتر مِن اللازِم شوَية ... لأنو إذا كان في زول سوداني ، برضى لأُخْتو/بتو/زوجتو إنها ترتاد قهوة في السوق العربي مثلاً وتطلب شيشة بنكهة التفاح وكوب شاي أحمر سكر خفيف وتكمِل ليها حجر أو حجرين ، يبقى فِعلاً حقو ما أرجع السودان الشقيق نهائِيًا ... ـــــــــــــ Quote: لقد فسر ذلك الضابط يومها القانون على طريقة احد المتداخلين (أعلاه) والذي يتحدث عن أختي وأختك، في ردك علي كتبت السيد عزام ... هسع مالي يا كافي البلا بقيت < أحد المتداخلين أعلاه > بس ... ما علينا ... أها أنا ما مِن < البدو > وعُمري كلو في المُدُن وإتربيت بره إفريقيا زاتا بكره في الدُنيا دي أكتر مِن الكيزان والمُتشدِدين ، المُتكَوْزِنين ... ورأي ما قد كتبتهُ (أعلاه) ... إذا كُنت إنت بِإسم < الحُرِيات > بترضى لأُختك/زَوجتك/بنتك إنها تشرب ليها شيشية في قهوة في السوق ... حقو ترضى برأي البعترِض فوقو على هكذا فِعل ، طالما أنا واقِف عِند حدود حُرِيتك ...

شكرا للسيد عزام حسن فرح على المرور،ولك العتبى حتى ترضى في كلمة(أعلاه)، مع اختلافنا الكبير معك في فهمك للحريات وربطها بتقاليد بالية تتاكل يوما بعد يوم بخلاف تلك التقاليد التي تتناغم مع القانون، مع العلم بانني لا ادعو البنات لتدخين الشيشة، ولكن اذا كنت انا ادخن فما هو المبرر لمنع الاخرين، والامر حينها لا يعدو ان يكون مجرد تفرقة وتمييز، ولا يقر القانون ذلك.

لماذا (يا ناس النظام العام قسم الديم) تركزون في كشتكم على المناطق شرق ظلط مدني، وتنسون المناطق المجاورة للقسم( سوق الديم)، هل نعتبر ذلك من باب حق الجار!!، ام لحاجة في نفس فلان!!!. وهل صحيح إن الشيش التي تصادر تباع مرة أخرى في سوق ....!!! لماذا تتعاملون مع الشيشة كأنها ( مريسة)، مع أن المراسة في أماكنهم المعروفة يتمترسون خلف عطية ( الخمسين جنيه) لليوم الواحد.

Quote: أسفي على فهمك لِلحُرِيات ، أسفي على إلغاءك لِكُل التقاليد والأعراف

ملعون أبو التقاليد و الأعراف لو كانت بتؤدى الى التفرقة و عدم المساواة بين البشر على أساس جنسى.
متفقين على إنو التدخين ضار بالصحة لكن البيخليهو يكون حلال على الرجل و حرام على المرأة شنو ؟ السبب واحد وهو نظرتكم الشرقية العربية الظالمة للمرأة.

ملعون أبو التقاليد و الأعراف لو كانت بتؤدى الى التفرقة و عدم المساواة بين البشر على أساس جنسى.
متفقين على إنو التدخين ضار بالصحة لكن البيخليهو يكون حلال على الرجل و حرام على المرأة شنو ؟ السبب واحد وهو نظرتكم الشرقية العربية الظالمة للمرأة.


فتح الله عليك يا فيصل محمد عبدالله

قال لي صديقي : يا ترى لماذا تزامنت هذه الكشات مع حفل تنصيب الرئيس ومن قبله الوالي؟ قلتُ: الظاهر الجماعة (اياهم) طابور خامس

قال الرجل : احتمال تكون هذه الكشات لمصلحة اليوم العالمي للامتناع عن التدخين: الاثنين 31 مايو 2010 . قلنا: اذا كان ذلك كذلك فبها ونعمت!!، ولكن المصنع شغال، وناس الضرائب يستلمون يوميا المبلغ المعلوم، والدكاكين شغالة توزيع. قال: يعني لا المصنع وقف ولا الضرائب وقفت ولا الدكاكين قفلت.... يعني الجماعة ديل متخصصين شيشة ولا شنو؟!

Quote: يعني تاني لو داير تشرب شيشة وخصوصا بعد تمدد مدينة الخرطوم في كل الاتجاهات يا تمشي ولاية الجزيرة لو كنت من سكان جنوب الخرطوم، او لو كنت في الشمال تمشي ولاية النيل الابيض، اما لو كنت من سكان امدرمان الا تمشي ولاية كردفان المتاخمة لامبدة

العزيز : بن عوف تصحيح بسيط..... الشمال - ولاية نهر النيل.

.

.

..
.

Quote: هدف الحكومة هو منع التجمعات الاجتماعية لمنع الناس من النقاش وتبادل الآراء والاخبار .. والتفكير .. هذا ما لا تريده الحكومة فعلا وحقا من هذه الحملات محلات الشيشة منتديات اجتماعية .. لذلك لابد من زعزعتها

والله يا سعادة لو الغرض زعزة الاندية وحملات الشيشة
هو الحفاظ على الاخلاقيات والمثل _ او ما تبقى منها_ فوالله
حبابو بس ما يكون الغرض لامر اخر ..

-------

يا جماعة والله انتو ماعايش بين
دهاليز هذه المدينة لتروا اى مرحلة
من الانحطاط والتدهور الاخلاقى ال اليه الاسر
والبيوتات السودانية والمجتمع ..

ما تقولو لى بسبب الحكومة عليكم الله ..

فوق

.

.

وقعوا هنا لادانة الاعتداء على بيت الفنون
http://www.sudaneseonline.com/petitions

Quote: لمصلحة من يا ناس النظام العام الحملات ضد محلات الشيشة بمحلية الخرطوم؟

لمصلحة المواطن و لي سمعة البلد .. في رايي الشيشة برنامج دخيل على بلدنا و عاداتنا .. زمان كانت محصورة على كبار السن و في المنازل

اسه بقت على الشباب و بعض البنات و بعض النساء و في الشوارع و المقاهي .. والله شيييش البنات و الحريم شي مقرف و مقزز و ما محترم

لمصلحة صحة المواطن ، لأن حياة المواطن مهمة جدا في تطور وتقدم البلاد.

قد يسبب استعمال الشيشة في المقاهي نقل أمراض معدية مثل التهاب الكبد والسل مما يساعد في انتشار الأمراض المعدية.

اعتقد أن من يعشق الشيشة يجب عليه استعمالها في منزله ويتحمل المسئولية الصحية وحده .

شيئ غريب ..العالم المتحضر يصدر القوانين المتعلقة بمنع التدخين من أجل المحافظة على صحة الإنسان لأهمية الإنسان ونحن في بلادنا نقف ضد منع الشيشة في الأماكن العامة بحجة الدفاع عن الحريات !!!

غباء الحكم فى السودان كان من اخر طبظاته التفرقة الواضحة بين النساء والرجال
تناقض اهبل ظاهر بين الدين الذى يدعونه وبين مخالفتهم الواضحة لنفس الدين
الله سبحانه وتعالى لم يفرق فى العقوبات والتحريم بين النساء والرجال
نعم وكما قيل من اين اتى هؤلاء؟
دى مصيبة شنو دى؟
يدعون الدين ويعملون ضده
لو التدخين ممنوع يجب ان يحظر على الجميع سواء بسواء
وحقيقة الكشة عملوها ليس خوفا على صحة المواطن
الغرض هو التراخيص والجبايات كالعادة


دى بجاحة عينك عينك نصت نهار كدا

لا حولة ولاقوة الابالله

إذا أخطأت شرطة أمن المجتمع أو النظام العام أو غيرها من أجهزة أمنية وتجاوزت صلاحيتها فيجب التصدي لذلك وتقويم اعوجاجها

نستغرب من مثل هذا الفهم الغريب للحرية والحريات!!


ولكن لا يعني ذلك محاربة الأجهزة الأمنية وشن الحملات عليها، فالمجتمع في أمس الحاجة لشرطة أو جهة ما تمارس دور رقابي، وهو أمر معمول به في كافة الدول المتقدمة والمتخلفة على حد السواء، والفرق فقط في سلوكيات رجال الأمن ومدى تقيدهم بالقانون في ممارسة مهامهم.

عزام

أضرب لك مثلا لترى غياب المنطق في سؤالك لصاحب البوست (ماذا إن وجدت أختك أو غيرها تدخن الشيشة)

في الإسلام هناك عورة مغلظة و أخرى غير مغلظة
و اتفق ما يسموا بالعلماء على ذلك التعريف

فهل يمكن أن أرى عزام أو غيره من (أهلي) يمشي في الأسواق بحجة أنه أخفى العورة المغلظة فقط

و لا حرج (دينيا) في إخفاء الغير مغلظة و (الحوامة) بها في الأسواق؟

يا عزام

يجب أن تفرق بين الحق الأصيل و بين قبول أو رفض الفعل نفسه

و الأمثلة كثيرة و لكن أعدك بنقاش هذه النقطة عند أخذ إجازتي السنوية (قربت)

هـذه هى المواقف التى أؤيدها وأقف مع ناس النظام العام فيها.

- التدخين ضار بالصحة باتفاق، ولكن المدخنين موجودين في كل مكان ومن كل الملل والنحل والطوائف.
كون المدخنين موجودون فى كل مكان ليس سببا لعدم تنفيذ قوانين أو لوائح تمنع الشيشـة

- محلات الشيشة يرتادها قضاة وضباط وأطباء وصحفيين ومهندسين وعمال وآخرين في مواقع مختلفة.
يعنى لو يرتادها الشماسـة ما عندك مشكلة فى محاربتها.. هـذا تناقض مع موقف لاحق لك إنك لا تميز بين الناس

- في كل مكان يوجد الذي يلتزم بالقانون، والذي لا يلتزم به فلماذا( تكشون) الجميع؟.
لو مجلس الخرطوم أو أى جهة عندها سلطة إصدار لوائح محلية، أصدرت لائحـة (ما ضرورى قانون) فيجب أن يطبق على الجميع

- قالوا : إن التدخين ضار بالصحة. نقول: الكثيرون يعلمون ذلك ولكنهم يدخنون ولم يصدر قانون من البرلمان يحرم التدخين أو التجارة في التبغ.
بل قل الكل يعلم ذلك.. ولو هناك لائحـة تابعة للمحلية فهى مثل وفى قوة القانون.. هل تعلم أن فى نيويورك كل الأماكن
العامة والمطاعم والمقاهى ممنوع فيها التدخين (التدخين وليس التشييش).. بل حتى فى الأندية الليلية التى بها الرقص
والشراب واساسا قايمة على التدخين، فقد منع فيها التدخين أيضاً.. ذلك لأن التدخين ضار بصحـة المواطن ومن ثم بعملية
الإنتاج والإقتصاد.

- قالوا إن بعض البنات يشيشن. قلنا إن القانون في بلدنا لا يفرق بين الرجل والمرأة، وماهو حلال للرجل، حلال للمرأة.
وهم الان لا يفرقون بينهم.. يعنى لما يكشوا المخالفين ما أظن قاعدين يخلوا الاولاد يشيشوا ويطردوا البنات بس.

بعدين ياخ ممكن نطمع فى رأيك الشخصى.. لو التدخين ضار بالصحـة، بصحـة المدخن وبصورة أكبر صحـة من بجانبه،
والأطباء من كل الملل والنحل أثبتوا ذلك، فما رأيك لو الحكومة منعته؟!!
شخصيا أدعم هـذا الإتجاه ببساطـة لأنه يحول دون اذى الناس، ولو فى بحرى مسموح به فلا ألوم الخرطوم على منعه
وإنما أشجع بحرى أن تحذو حذو الخرطوم.. المنطق يقول ذلك.

..
.

Quote: لمصلحة صحة المواطن ، لأن حياة المواطن مهمة جدا في تطور وتقدم البلاد. قد يسبب استعمال الشيشة في المقاهي نقل أمراض معدية مثل التهاب الكبد والسل مما يساعد في انتشار الأمراض المعدية. اعتقد أن من يعشق الشيشة يجب عليه استعمالها في منزله ويتحمل المسئولية الصحية وحده . شيئ غريب ..العالم المتحضر يصدر القوانين المتعلقة بمنع التدخين من أجل المحافظة على صحة الإنسان لأهمية الإنسان ونحن في بلادنا نقف ضد منع الشيشة في الأماكن العامة بحجة الدفاع عن الحريات !!! جعفر اسماعيل

Quote: هـذه هى المواقف التى أؤيدها وأقف مع ناس النظام العام فيها. ابو الريش

-------

والله انك مغتربون ومهاجرون
لا تعلمون ما يدور فى قاع المدينة ..

ابقوا عشرة بس على الجنبكم؛

.

مزيد من الترهيب

شكراً شعبي

Quote: شكراً شعبي

عبدالقادر يا عجوز ..بالله انت من الزمن داك