Post: #3 Title: Re: يعنى انتو دايرين ليكم بلد بدون نظام عام ؟؟ الله يهديكم .. Author: طارق الأمين Date: 08-04-2010, 07:09 AM Parent: #1
Quote:
طارق اللمين والذين معه
اشمعني والذين معه
وديك وذمرته
طارق الامين وذمرته لو سمحتي
حتي تناسب عنوانك
التمييز ضد الناس ممنوع
Post: #4 Title: Re: يعنى انتو دايرين ليكم بلد بدون نظام عام ؟؟ الله يهديكم .. Author: Hassan Bakri Nugud Date: 08-04-2010, 07:27 AM Parent: #1
السلام عليكم،
Quote: طارق اللمين والذين معه
هو اصلا مافي حاجة إسمها الذين معه.. قولي الذين مع الحقّ .
الله يهدي الجميع .
Post: #5 Title: Re: يعنى انتو دايرين ليكم بلد بدون نظام عام ؟؟ الله يهديكم .. Author: محمد علي شقدي Date: 08-04-2010, 07:49 AM Parent: #4
Quote: ما الحد الفاصل بين النظام والفوضى ؟؟
المشكله البحدد الفاصل ده منو وبتعامل مع البشوفو اعوج كيف
تحياتي دينا
Post: #6 Title: Re: يعنى انتو دايرين ليكم بلد بدون نظام عام ؟؟ الله يهديكم .. Author: صديق عبد الجبار Date: 08-04-2010, 07:57 AM Parent: #1
Quote: ماذا تعنى زمرة الانقاذ عندما تردد النظام العام .. الاداب العامة .... الاماكن العامة !!!
ـــــــــــــــ ماهو العام وماهو الخاص ؟؟ وماهى الاداب وماهى قلتها ؟ ما الحد الفاصل بين النظام والفوضى ؟؟
الإجابة على هذه التساؤلات ليست لدى طارق الأمين ولا بكري أبوبكر ولا مع الذين "معهم" .. إنها مع "زمرة" الإنقاذ ... فإذا كانت "دينا خالد" مع هذه الزمرة فلتفاجئنا بالرد المفيد حتى نستطيع أن نعقب من واقع الممارسات وليس من الشعارات والهتافات ومتون التعاريف.
نحن تأدبنا بأدب المجتمع السوداني الأصيل من قبل أن تكون الإنقاذ في رحم الغيب .. ونؤدب أبنائنا على حفظ النظام في البيت وفي الشارع وفي المدرسة ، ونمكنهم من إستخدام شعلة العقل والعلم والثقافة والفن لكي لمعرفة الحد الفاصل بين النظام والفوضى .
زمرة الإنقاذ يا دينا بنت خالد .. الله يهديكي .. هي التي جاءت بالفوضى و"قلة الأدب" والفساد والنفاق والمحسوبية والجهل والفقر والجوع وكل الأمراض المجتمعية والصحية والذهنية والنفسية .
الله يهديكم ويهدينا
Post: #7 Title: Re: يعنى انتو دايرين ليكم بلد بدون نظام عام ؟؟ الله يهديكم .. Author: فدياس نجم الدين Date: 08-04-2010, 07:59 AM Parent: #6
Quote: زمرة الإنقاذ يا دينا بنت خالد .. الله يهديكي .. هي التي جاءت بالفوضى و"قلة الأدب" والفساد والنفاق والمحسوبية والجهل والفقر والجوع وكل الأمراض المجتمعية والصحية والذهنية والنفسية .
Post: #8 Title: Re: يعنى انتو دايرين ليكم بلد بدون نظام عام ؟؟ الله يهديكم .. Author: EMU إيمو Date: 08-04-2010, 08:07 AM Parent: #7
تصوّر تم حل النظام العام وباتت البلد أم فكّو...
من الذي يحفظ النظام والأمن عند إقامة حفل علم في بيت الفنون؟؟؟
Post: #9 Title: Re: يعنى انتو دايرين ليكم بلد بدون نظام عام ؟؟ الله يهديكم .. Author: دينا خالد Date: 08-04-2010, 09:48 AM Parent: #8
تصوروا حال هذا البلد بدون قهر بدون خوف .. بدون مضايرة من الساعة 11 ! بدون خنوع و ذله .. تصوروا لو كل اهلها كانوا يسيرون مرفوعى الهامات .. هؤلاء هم نفسهم النظام العام !!
بيت الفنون وكل البيوت والمراكز والمسارح والصالات والمقاهى هى نفسها نظام البلد العام .. وهؤلاء الفتية والمبدعين هم صمام امانها وحماتها .. لكن منو البقنع ال ....؟
ــــــــــــ هو طارق اللمين دا تلقوا وييين عشان تقولوا لخبت النظام العام ؟؟؟ وهو شغال ينظم ليكم عمال على بطال !! يحاول ويجاهد ويكابد لعمل الشربات من فسيخكم الذى بذلتموه فى العام والخاص ... اللهم لا نسالك رد القضاء ّ!
Post: #10 Title: Re: يعنى انتو دايرين ليكم بلد بدون نظام عام ؟؟ الله يهديكم .. Author: محمد أبوالعزائم أبوالريش Date: 08-04-2010, 10:25 AM Parent: #9
دينا .....
أرفعي طرحتك دي في راسك بلاش كلام فارغ
Post: #11 Title: Re: يعنى انتو دايرين ليكم بلد بدون نظام عام ؟؟ الله يهديكم .. Author: دينا خالد Date: 08-04-2010, 09:13 PM Parent: #10
Quote: دينا .....
أرفعي طرحتك دي في راسك بلاش كلام فارغ
لوووووووووووووب يا ابو الريش !!
ياخ انا من عنديكم ترها (طرحة) ذاتو مافى ,, لو لمو فينى سلخ عدييييل ...
Post: #12 Title: Re: يعنى انتو دايرين ليكم بلد بدون نظام عام ؟؟ الله يهديكم .. Author: Adil Osman Date: 08-04-2010, 11:54 PM Parent: #1
Quote: يعنى انتو دايرين ليكم بلد بدون نظام عام ؟؟ الله يهديكم ..
دارين بلد نبيع فيهو الكمبا يا دندون بلد يحترم الغناء والموسيقى. بلد يحترم الرقص والاداء الحركي. بلد يحترم النساء والرجال. بلد يحترم التنوع القبلي والجهوي والعرقي والاثني والفني والموسيقي والغنائي والفلكلوري. دايرين بلد
Post: #13 Title: Re: يعنى انتو دايرين ليكم بلد بدون نظام عام ؟؟ الله يهديكم .. Author: Abdlaziz Eisa Date: 08-05-2010, 00:09 AM Parent: #12
Quote: تصوروا حال هذا البلد بدون قهر بدون خوف .. بدون مضايرة من الساعة 11 ! بدون خنوع و ذله .. تصوروا لو كل اهلها كانوا يسيرون مرفوعى الهامات .. هؤلاء هم نفسهم النظام العام !!
بيت الفنون وكل البيوت والمراكز والمسارح والصالات والمقاهى هى نفسها نظام البلد العام .. وهؤلاء الفتية والمبدعين هم صمام امانها وحماتها
سلام
يسلم قلمك يا دينا..
زمان كنا كويسين.. في أمان ومجتمع متماسك بقيم رفيعة..
بلا اسلاميين بلا سجم ورماد...
تحياتي
Post: #14 Title: Re: يعنى انتو دايرين ليكم بلد بدون نظام عام ؟؟ الله يهديكم .. Author: Tragie Mustafa Date: 08-05-2010, 01:35 AM Parent: #13