قريباً : زنقة زنقة...

قريب دا حازنق لي زول..
واكشف كل الاقنعة المزيفة التي يرتديها
والله صحي

ولكن اولاً سأقدم استقالتي من المرصد الوطني
لأن الحرب القادمة ستكون كل الاسلحة مشروعة فيها
والله صحي

من ما سجلت في حوش بكري تفاديت كل أسباب الاحتكاك
رغم ما وجدته من البعض ..
كنت افضل الحلم دائماً
ولكن................؟

الزول دا بالذات حأحرقها معاهو للطيش
وليكن ما يكن..
إما أن يثبت اتهاماته لي أو
..
...

يعتذر وحينها سينكشف وجهه الحقيقي
لأنه يظهر خلاف ما يبطن
ويتخفى خلف الحروف والكيبورد
..
..

اتهامين
كل واحد اسوأ من التاني..
وانا مستعد للقسم والمباهلة وكل الطرق والاساليب
والادلة والبراهين وشهادة الشهود .... الخ الخ
التي تثبت براءتي.. والحمد لله سيرتي هنا
وفي كل مكان تشفع لي....

الى الربع القادم..........
ويا يوم بكره ما تسرع......................

ود البشارى العريس سلام عليك ورحمه من الله وبركاته
اخونا اللمين اعرض عن ما تنوى وهو رجاء خاص جدا
يا ود البشارى عرفناك زول بتدخل البهجه دايما فى نفوسنا ليه داير تسل سيفك
يا اللمين عرفناك زول اصيل من كتاباتك وزول دايما ضاحك
ليه يا اللمين عاوز تمشى لحتات الغم
من احسن الناس البتكتب هنا ده ,, انت اولهم
ما حصل اتلاقينا وما ظنيت حا نتلاقا لكن الواحد عرفك من كتاباتك
باقى ليك يا اللمين لو مشيت فى درب اللوم بتقيفالعن الشيطان واحتسب عسى ربك يجعل لك مخرجا
وصدقنى يا اللمين ربنا حا يجعل ليك مخرجا
يا اللمين الناس بتسامح فى الدم
يا اللمين لو ما قدرت على الصبر ابعد من البورد احسن من ان تترك تاريخ عداوه
انت زول كويس يشهد الله استمر على كده يا اللمين اخوى
اعفى لى لو حسيت كلامى فيه غلط لكن والله الذى لا احلف به الا صادقا ,, اعلم ان معدنك الاصيل سوف يظهر
اخوك امير

Quote: ود البشارى العريس سلام عليك ورحمه من الله وبركاته اخونا اللمين اعرض عن ما تنوى وهو رجاء خاص جدا يا ود البشارى عرفناك زول بتدخل البهجه دايما فى نفوسنا ليه داير تسل سيفك يا اللمين عرفناك زول اصيل من كتاباتك وزول دايما ضاحك ليه يا اللمين عاوز تمشى لحتات الغم

أمير عبد الدائم

تسلم يا صاحب وليت الايام تصفو لي لكي التقيك
أمير عمري ما كنت متصور إنو الدنيا دي فيها ناس
مؤذيين بالصورة دي ...
الزول دا يااااخ أتهمني اتهامين أعوذ بالله منهم
آثرت الصمت طول الفترة الماضية لعل ضميره يستيقظ
ولكن الآن حان الوقت لكي تظهر الحقيقة كاملة
والبينة على من أدعى واليمين على من أنكر
آسف جداً لأنني ساخيب ظنك هذه المرة
ولكن ما قيل لا يمكن السكوت عليه ومع الاسف
نشر القصة سيطال آخرين...........
فقط امامه خياران الاعتذار او المواجهة

تحياتي

....
.... بعيدا عن من هو ..... !!!!!
...
...
...
....ياخي قول بسم الله ...و خليك ذي ما انت .....
...مفيد لنفسك .... و لينا ..(قراء).. و احتمال ليهو هو ذاتو ....
...
...
....
.
.
.
.
.
.
.
.
.
.
.
.
.
....اما الزبد ...فسيذهب جفاء يا صديق.....
...و يبقي ما ينفع الفكاك من المحنه...وطفء حرايق البلد المنكوب ...
...
...
...دمت يا عزيز ...
...
...
........
....
...
...

Quote: ولكن ما قيل لا يمكن السكوت عليه ومع الاسف نشر القصة سيطال آخرين...........

اللمين اخوى 99%من الناس الهنا ما عارفه الزول ده منو وقال شنو
ليه عاوز 100% يعرفوا
بعدين يا اللمين حل المشكله بره البورد زى ما انا بقراء ليك اكيد اهلك واصحابك وناس الحله بيقروا ليك
قلنا ليك يا اللمين انت زول اصيل قطع الحاجات دى جواك خليها تهريك انت وتنجضك انت
..... ....لكن نشوفك نحن زى ما شايفنك اسع زول جميل و قدر ما يقبل ربنا يسهل ليه يضيف لينا البسمه الحلوه
الحلم عند الغضب اظنها الوحيده الما عندك لكن نسال الله ان يضيفه ليك
يا اللمين اعرض اعرض اعرض اعرض اعرض عليك الله
غايتوا الله يمرقك من اللوم يا ود البشارى

Quote: يا اللمين اعرض اعرض اعرض اعرض اعرض عليك الله غايتوا الله يمرقك من اللوم يا ود البشارى

آمين يا أمير

والله يكضب الشينة بس

Quote: ياخي قول بسم الله ...و خليك ذي ما انت ..... ...مفيد لنفسك .... و لينا ..(قراء).. و احتمال ليهو هو ذاتو .... ...

سلامي وتحياتي

قلنا بسم الله .. الزول ما عنده غير سمعته واحترام الناس ليهو
عشان يدافع عنه ... ولذلك سأفعل
حتى ينكشف هذا الشخص للجميع ويعرفونه على حقيقته
اشكر لك نصحك يا حبيب

الامين يا حبيب
ياخ اتنين لو قالو ليك اضانك مافى افقدها
وهسع انا التالت
وحيجى غيرى كم نفر يقولو نفس الكلام
فدحين يا حبيب مافى داعى للشينة
ياخ انت زول اصلى
وخليك على اصالتك دى
والله صحى

خلاس اعتذرت وتانى مابسويها والرووووب يا الأمين!!

كل الموضوع
أنو واحد من ناس الرياض قال لى الزول دا طيب
قلت انا محتاج لزول طيب احقر بيه
لكن وقد بلغ سيلك الربع الرابع,فإنى ألحس التوبة!

Quote: الامين يا حبيب ياخ اتنين لو قالو ليك اضانك مافى افقدها وهسع انا التالت

أمجد الزين الرجل الزين

كلام على الرأس والعين يا حبيب
لكن لما زول يتهمك زور ويقفل باب البيت رج بالترباس
وكل الناس الناس تظن فيك ظن السوء
حارة ولا ما حارة عليك الله ؟
الحمد لله لا أتحدث عن نفسي كثيراً
ولكن افعالي من تتحدث عني ... وكلام مقدر جدا

تحياتي

****
الحبيب بله موسى

Quote: خلاس اعتذرت وتانى مابسويها والرووووب يا الأمين!!

يااااخ الموضوع دا جادي جداد شديد والله
فما تضحكني لو سمحت باللاي

Quote: لكن وقد بلغ سيلك الربع الرابع,فإنى ألحس التوبة!

ما تحرش باللاي ... أنا اصلي منفوخ من الاول
الله هونيني يا قولات نوريت

تحياتي

البشارى الاصيل

سلام

تذكر هذه المبادئ السمحة

Quote: قال الله تعالى :" والكاظمين الغيظ والعافين عن الناس والله يحب المحسنين" . وقال النبي (صلى الله عليه وسلم) : ينادى مناد يوم القيامة ليقم من أجره على الله فليدخل الجنة قيل من هم قال العافون عن الناس(رواه الطبراني). وفي تفسير القرطبي :أن المأمون جاءته جاريته بطعام فسقط من يدها فغضب فقالت يا مولاي أذكر قوله تعالى: " والكاظمين الغيظ قال كظمت ،قالت والعافين عن الناس قال عفوت قالت والله يحب المحسنين قال انت حرة لوجه الله تعالى". وقال النبي(صلى الله عليه وسلم) " من كظم غيظاً وهو قادر على ان ينفذه دعاه الله على رؤس الخلائق حتى يخيره من الحور العين ما شاء".(رواه ابو داود والترمذي). فائدة:أوحى الله تعالى الى موسى عليه السلام أتحب ان يدعو لك كل شيء طلعت عليه الشمس والقمر قال : نعم قال: اصبر على خلقي وجفائهم كما صبرت على على من أكل رزقي وعبد غيري. وفي كتاب شرف المصطفي : عن النبي (صلى الله عليه وسلم) :المؤمن الذي يخالط الناس ويصبر على اذاهم أفضل من المؤمن الذي لا يخالط الناس ولا يصبر على اذاهم.

================================================

ارجى الترجى فى الزريبة يا بشارى

Quote: البشارى الاصيل سلام تذكر هذه المبادئ السمحة

احمد محمد صالح

وعليكم السلام..

والله اني اتمثلها منهجاً وسلوكاً لا احيد عنه

ولكن الظلم حار

ود البشاري حبابك يابا
يا خواني الربع ده مالو كلو ابو الزرزور
والله صحي
حتي البدور يعتزر يلحسك الكزع
والله صحي

ياخوي إنت كده طيرت قلبو
خلاص كفاه الزنقة دي بتوب وما بقبل عليك تاني
انا خايفة زاتو ما يكون في زول , لكن بتدور تزرزر معاك الحبان ساي ,, زهجة ساااي
ما الملايكة فاتتك بدري يا حليلك
والله صحي
ارحكاكا ضل نيمتنا يابا ارح
ودعتك الله

اللمين اخوي
لم نعهدك هكذا (فاجرا في الخصومة)

اتكي بهناك وصلي علي نبيك

Quote: اللمين اخوي لم نعهدك هكذا (فاجرا في الخصومة) اتكي بهناك وصلي علي نبيك

اللهم صلي وسلم عليك يا حبيبنا
اخبارك يا حبيب...

Quote: خلاص كفاه الزنقة دي بتوب وما بقبل عليك تاني انا خايفة زاتو ما يكون في زول , لكن بتدور تزرزر معاك الحبان ساي ,, زهجة ساااي

سوما بت ابوي الجنيد

يااااخ الزول دا مؤذي بشكل ما عادي
زرزرة شديدة جدن جدن ... زنقه زنقه
بعد ما اخلص موضوعي دا بعدين بجي ضل النيمه


تحياتي

سلام يا الامين اخوي

Quote: لكن لما زول يتهمك زور ويقفل باب البيت رج بالترباس وكل الناس الناس تظن فيك ظن السوء حارة ولا ما حارة عليك الله ؟

الامين أخوي
ياخي انت من الحاجات الحلوة في البورد دا عشان كدا أرجوك أعرض عن هذا وبعدين انت قلتا كل الناس تظن فيك ظن السوء اها حسي انا والناس الفوق ديل كلهم ظانيين فيك الخير. بعدين موضوع حارة دي هي فعلا حارة عشان كدا ربنا قال (والكاظمين الغيظ والعافين عن الناس والله يحب المحسنين) كدي استهدي بالله وأعمل Restart ولو ما ظبط أبدا ال format بس خلي ال C في محلو عليك الله عشان ما تودرنا معاك .

Quote: الامين أخوي ياخي انت من الحاجات الحلوة في البورد دا عشان كدا أرجوك أعرض عن هذا وبعدين انت قلتا كل الناس تظن فيك ظن السوء اها حسي انا والناس الفوق ديل كلهم ظانيين فيك الخير

تسلم يا محمد الخاتم

وعشان خاطر العيون الحلوة الفوق دي ساعرض
وهو اصلا لا يستحق ان يخسر فيه حرف واحد
واحسب ان رسالتي قد وصلت لسيادتو
فقط احذروه فانه شر........... والله صحي
ورفعت امري لله الذي يطلع على خائنة الاعين
وما تخفي الصدور...
..
..



__
سبحانك اللهمك وبحمدك اتوب اليك واستغفرك

Quote: سلام يا الامين اخوي

اهلا يا دفعة ... انت لسه سنقل ولا شنو؟
تسلم يا صاحب