Post: #1
Title: متى تنتقل القنوات الفضائية السودانية للعمل بنظام الـ HD
Author: صبري طه
Date: 09-29-2011, 11:00 AM
Parent: #0
طبعاً متوقع إنو أكثر من واحد لمّا يقرأوا عنوان البوست دة يقولوا في سرّهم:-
شوفوا عمّكم الفايق دة .. الناس ما قادرة تأكل وتشرب وبفتّش في الـ HD للقنوات السودانية ...
زول وهم وما عندو موضوع 
ــــــــ
وهم وهم .. المافي تاني شنو ؟
|
Post: #2
Title: Re: متى تنتقل القنوات الفضائية السودانية للعمل بنظام الـ HD
Author: محمد علي البصير
Date: 09-29-2011, 11:11 AM
Parent: #1
Quote: طبعاً متوقع إنو أكثر من واحد لمّا يقرأوا عنوان البوست دة يقولوا في سرّهم:-
شوفوا عمّكم الفايق دة .. الناس ما قادرة تأكل وتشرب وبفتّش في الـ HD للقنوات السودانية ...
زول وهم وما عندو موضوع
ــــــــ
وهم وهم .. المافي تاني شنو ؟ |
الحبيب صبري والله أنا ما قلت حاجة
لكن بسألك : أول حاجة ورينا ذاتو HD هي ذاتا شنو ؟
قبل فترة سمعنا نظام الصورة ثلاثية الأبعاد (Three-dimensional image)
لكن نظام HD دا يطرشنا او سمعنا بيه
|
Post: #5
Title: Re: متى تنتقل القنوات الفضائية السودانية للعمل بنظام الـ HD
Author: أيمن الطيب
Date: 09-29-2011, 11:40 AM
Parent: #2
سلامات يا صبرى,,
عندما تنتقل القتنوات الفضائية وتلحق بركب الفنوات الفضائية فعلا!!!!!!!
الHD تقنية تحتاج قبل أن تنتقل إليها القنوات الفضائية إنتقال أشياء
أخرى كثيرة ليس آخرها استوديوهات خالية من الضبان ولا أولها وجود مخرجين
حقيقيين أو مهندس ديكور يتمتع بالحس الأدنى من الذوق وشخصيا أعتقد إنك
مفروض تفتح بوست يمنع إرتداء الشرابات البيضاء وخلف الأرجل ووضعها واحدة
فى جدة والأخرى فى بورتسودان وهذه النقطة تنطبق على الجنسين...
وبالمرة يمنع وجود حماميزو وأمثاله خلف شاشات الHD
وقبل كل
ما ذكر نحتاج أن نأكل ونشرب ماءا نظيفا ونتعلم ونتعالج ونعيش حياة كريمة
وتتوقف هذه الحروب التى تشتعل كل صباح فى كل إتجاهات الوطن..
وبمناسبة سؤالك عن تقنيةالHD فأخوك بفتكر إنك تقوم تغسل وشك وتمرق للشمس
تضربك شوية ,,
ضاربين الكندشة وتهضربو,,
هسه أنا سألتك قلت ليك الدولار وصل كم؟؟؟
قميصك البرتغالى داك مع التقنية دى ممكن يفرطق الشاشات والعيون معا إلا فى
حالة كونها شاشات LED مانعة للإنزلاق ومضادة للسوائل الطيارة مع التأمين الشامل,,| Quote: وهم وهم .. المافي تاني شنو ؟ |
تانى ما تقول بلسان الناس وخليهم يقولو العاوزين يقولو براهم,,,
إنتو كان بتخافو بتعملو كدا ليييييييييه
تحياتى شديد جدا خالس,,
أخوك السغير,,
|
Post: #3
Title: Re: متى تنتقل القنوات الفضائية السودانية للعمل بنظام الـ HD
Author: احمد محمد بشير
Date: 09-29-2011, 11:12 AM
Parent: #1
ود طه سلامات .. الصور أصلا مغبشة وما بجودة الـ HD
وبعدين الناس ديل ما عندهم كاميرات بالمواصفات المطلوبة
و اي شيئ مغبش في البلد
فاقد الشيئ لا يعطيه
و بعدين بوسطك دة مالو كيف كيف كدة , هههههههه
|
Post: #4
Title: Re: متى تنتقل القنوات الفضائية السودانية للعمل بنظام الـ HD
Author: صبري طه
Date: 09-29-2011, 11:14 AM
Parent: #1
ما هو نظام الـ HD
|
Post: #6
Title: Re: متى تنتقل القنوات الفضائية السودانية للعمل بنظام الـ HD
Author: عبدالدين سلامه
Date: 09-29-2011, 11:58 AM
Parent: #4
| Quote: متى تنتقل القنوات الفضائية السودانية للعمل بنظام الـ HD |
عندما تحسبها مهنيا وليس تجاريا فقط
|
Post: #7
Title: Re: متى تنتقل القنوات الفضائية السودانية للعمل بنظام الـ HD
Author: عبدالعزيز الفاضلابى
Date: 09-29-2011, 07:37 PM
Parent: #6
ياصبري ماتصبر ياخ.
|
|