Post: #1 Title: حديث الصباح ...!! Author: كمال علي الزين Date: 09-29-2011, 10:30 AM Parent: #0
(*)
تلفت حولي بحثاً عن ثورة .. ثورة أهل السودان على الظلم والظلمات والجوع والفقر والفساد .. أو حتى ثورتهم من باب محاكاة شعوب المنطقة (غيرة ساكت ) .. فوجدت أن لا ثورة تلوح في الأفق .. ولا شئ سوى إبتزاز حملة السلاح لحملة مفاتيح بنك السودان ..
فقررت أن أحقق ثورتي أنا ..
سأتزوج ..
Post: #2 Title: Re: حديث الصباح ...!! Author: كمال علي الزين Date: 09-29-2011, 10:40 AM Parent: #1
(*)
حجة أهل السودان .. سأتمسك بأن تشغلني أموالي وأهلي عن كل شئ يخص هذا البلد المتقيح .. حجة فحسب ..
وأرجو أن يأتيني احدكم مباركاً .. لأنني ربما سأغير راي بعد لحظات ..
ولا أظن أن (الشيلة في الطريق) إلى بيت أهل العروس ..
هي حجة فحسب .. ربما تزوجت .. ولكني لا أظن أن شعب السودان سيثور على شئ ..
تزوجوا .. حتى لا تثوروا .. أو ثوروا وتزوجوا ..
أو ..
لا أظن أن هناك مخرجاً .. فقد أصبحنا أتعس شعوب المنطقة وأخيبها ..
لا أعرف ما علاقة هذا بذاك .. أظن أنني أبحث عن عذر لزواج طالما عفته ..
أو أن (الكبر دخل) .. وسأبحث عن بيت .. وزوجة .. وشوية عيال .. وسأذهب للحج .. وبعدها العلاج في القاهرة .. وبعدها سأموت .. سأكمل دورة حياة أي سوداني ..
Post: #3 Title: Re: حديث الصباح ...!! Author: قيقراوي Date: 09-29-2011, 10:43 AM Parent: #1
Quote: فقررت أن أحقق ثورتي أنا ..
سأتزوج ..
زغرودة بصوت ام الزين يا ود الزين .. ( مع التحية للبرنسيسة)
-------
اهو كدا منحتنا سبب للفرح الجرئ في خضم بؤس ايامنا دا ياخي
شكراااااااان جميلين ياخي!! ؤ مشتاقين و الله
Post: #4 Title: Re: حديث الصباح ...!! Author: ناجية مصطفى Date: 09-29-2011, 11:20 AM Parent: #3
زغرودة بصوت ام طارق يا ود الزين
ايوى يوى يووووووووووووووى
Post: #5 Title: Re: حديث الصباح ...!! Author: Hadeer Alzain Date: 09-29-2011, 12:01 PM Parent: #4
Quote: فقررت أن أحقق ثورتي أنا ..
سأتزوج ..
يا وائل غنيم(نا) ما راجنك نحنا ياخ!!!
......
يا كيمو أوعى يكون كنت راجي الحال يتغير عشان تتزوج؟! إتزوج إتزوج وسريع سريع .. الناس ديل فكيهم كارب ومالهم سايب ضيعوا أجمل سنين عمرنا وخلونا هايمين على وجوهنا بالبلاد وحرمونا إبتسامة القلب وضحكة القلب (عليهم لعنات الله) و بالله خلينا نتفق ونفرح .. والا نجعلهم ينتصروا ولو للحظة الله يسلط عليهم من لا يرحمهم .. وكما فعلوا بنا الله يسلط عليهم من لا يرحمهم
ليك وحشات كتار يا أخوي الزين ومبروك مقدمآ يا مدير!
Post: #6 Title: Re: حديث الصباح ...!! Author: كمال علي الزين Date: 09-29-2011, 01:45 PM
(*)
قيقا بتاع الإستنارة ..
ام طارق ..
هدير ..
الحكاية محتاجة زغاريد للثورة والزواج والحيوات الجديدة ..
زغردي لو الناس ثارت وعرست ..
ولكن الزواج سيجلب أبناء في زمان لا أظنه يصلح لإنجاب أطفال .. القهر والظلم والفساد والبؤس في وطني يجعل إنجاب الأطفال جناية ..
ركزوا على الثورة بالله ..
):
Post: #7 Title: Re: حديث الصباح ...!! Author: كمال علي الزين Date: 09-29-2011, 01:48 PM Parent: #6
(*)
أظن أنني كنت أبحث عن من تصلح لتكون أماً لأطفالي .. وكنت أبحث أيضاً عن حنجرة تصلح للهتاف في وجه حكام الخرطوم ..
وجدت من تصلح لإنجاب أطفالي .. و.. بحت حنجرتي .. ومازالت الخرطوم تحت (بوت) العسكر ..
... .. .
Post: #8 Title: Re: حديث الصباح ...!! Author: دينا خالد Date: 09-29-2011, 05:05 PM Parent: #7
وووووووووووووووووووووو النقر جا ...
قالوا تزوجوا بلا ثورة يجيب ليكم الثورة الله !
ـــــــــــ حالتو دا حديث الصباح ؟؟؟ ومال بالليل تعمل شنو !
Post: #9 Title: Re: حديث الصباح ...!! Author: ندى صالح الطيب Date: 09-29-2011, 05:25 PM Parent: #8
الاخ كمال الزين لك التحية
Quote: ولكن الزواج سيجلب أبناء في زمان لا أظنه يصلح لإنجاب أطفال .. القهر والظلم والفساد والبؤس في وطني يجعل إنجاب الأطفال جناية ..
كلام محبط فى زمن محبط و بلد اكثر احباطا !
Post: #10 Title: Re: حديث الصباح ...!! Author: دينا خالد Date: 09-29-2011, 05:26 PM Parent: #7
Quote: وسأبحث عن بيت .. وزوجة .. وشوية عيال .. وسأذهب للحج .. وبعدها العلاج في القاهرة .. وبعدها سأموت .. سأكمل دورة حياة أي سوداني ..
خليك حريف وتعال من الاخر .. ارقد موت موتك اولا ولا عزاء للصبايا ... البلد ناقصة يتامى ؟
ـــــــــــــــ دى حاله اخير منها الثورة ! اذا خيرنا بين زواجك والثورة ... الثورة جاها زول
Post: #11 Title: Re: حديث الصباح ...!! Author: دينا خالد Date: 09-29-2011, 05:31 PM Parent: #7
Quote: وجدت من تصلح لإنجاب أطفالي ..
اذا كنتو انتو لسسسسسه بتفكروا كدا الثورة تقوم كيف ؟؟؟ اها ولو ما ولدتو ؟
ـــــــــــــــ كمال .... اعتبر البيناتنا انتهى ولو مكتوب عليك العرس فتش ليك عروس تكون تانية ! او كما قال ترباس ..
Post: #12 Title: Re: حديث الصباح ...!! Author: قيقراوي Date: 09-29-2011, 05:48 PM Parent: #11
Quote: ولكن الزواج سيجلب أبناء في زمان لا أظنه يصلح لإنجاب أطفال .. القهر والظلم والفساد والبؤس في وطني يجعل إنجاب الأطفال جناية ..
ركزوا على الثورة بالله ..
الاطفال - و الحقوق محفوظة لجني - اولادنا هم حكم استئناف يا كمال
احبطتنا و زعلت مولانا دينا بصياغتك اعلاه
انجاب اطفال هو الثورة و استئناف لكل الاحكام الظالمة الوقعت علينا .. هم الاستمرارية و انتصار الحياة ..
و بنرفض نحن نموت
-----
لو داير رأيي ..
اسحب البوست دا .. و اخد اجازة لحدي الارشفة
Post: #13 Title: Re: حديث الصباح ...!! Author: محمد أبوالعزائم أبوالريش Date: 09-29-2011, 06:56 PM Parent: #12
Quote: تلفت حولي بحثاً عن ثورة .. ثورة أهل السودان على الظلم والظلمات والجوع والفقر والفساد .. أو حتى ثورتهم من باب محاكاة شعوب المنطقة (غيرة ساكت ) .. فوجدت أن لا ثورة تلوح في الأفق .. ولا شئ سوى إبتزاز حملة السلاح لحملة مفاتيح بنك السودان ..
فقررت أن أحقق ثورتي أنا ..
سأتزوج ..
لا ياخ .... إنتظر ....
قررررررررربت
Post: #14 Title: Re: حديث الصباح ...!! Author: lana mahdi Date: 09-29-2011, 07:29 PM Parent: #13
Quote: Quote: وسأبحث عن بيت .. وزوجة .. وشوية عيال .. وسأذهب للحج .. وبعدها العلاج في القاهرة .. وبعدها سأموت .. سأكمل دورة حياة أي سوداني ..
فضحتنا مع الأمم الراقية حسة العلاج بقى في الأردن ^______^ والله أسعد خبر زواجك بالجد خبر حلو تستحق الخير كله يا أخوي الحبيب وبرضه الثورة حتقوم بس أنت اعتبرها متأخرة وواصل في مشروعك الجميل^__^
Post: #15 Title: Re: حديث الصباح ...!! Author: قيقراوي Date: 09-29-2011, 07:30 PM Parent: #13
Post: #16 Title: Re: حديث الصباح ...!! Author: دينا خالد Date: 09-29-2011, 07:57 PM Parent: #15
انت مش سمعت الرئيس قال ليكم اولدوا اولدوا كتيييييييييييييير عشان يكون عندكم اولاد يعملوا الثورة ؟؟ والبفضلوا من الثورة عشان للحرب !! وقال ليكم هسه عدم الثورة دى سببها عدم العرس !! .. والتى بدورها تسببت فى عدم الولادة ! ولادة الاولاد الذين يشعلون الثورة !!! يعنى الثورة دى نعملها ليكم بى ناس جنى وكمال سالم وعمو امين ؟؟ حلاة لقلق .. ديل خاتنهم لليوم الاسود .. لووووووووب مش لقيتو نسوان صالحات للانجاب .. ياللا جيبو اولاد صالحين للثورة .. كل زول يجيب اولادو للثورة ... البشير قاااااعد يعنى ح يمشى وين ؟
ــــــــــــــــــ قال عرس قال ! انت مش شغال فى محاربة العادات الضارة ؟؟؟؟ وتيييييييييب !
Post: #17 Title: Re: حديث الصباح ...!! Author: محمد البشرى الخضر Date: 09-29-2011, 09:05 PM Parent: #16
ياخوي ما تخوتنا ثورة وبتاع من كمال سالم تش الخبر احنا راجنك في الامارات لامن فترنا زاتو جايين متين ان شاء الله
