التحية للنجمين الصاعدين الفنان محمد تبيدى وشاعره قعقاع تبيدى!

ــــــــــــــــــــــــــــــــــــــــــــ

والاثنان تربطنى بهما قرابة الدم وهما من ابناء قريتي ( نعيمة) و( ودشلعي) التوأمتين اللتين تقعان في الضفة الشرقية للنيل الابيض . فالفنان محمد الامين تبيدى هو سليل اهلنا ال تبيدى بود شلعي وال الراوي ود حسين بنعيمة واما شاعر ه دكتور قعقاع تبيدى فهو بن خاله المادح النبوى الحاج الصديق حاج خالد تبيدى احد اركان فرقة (اولاد البرعي) وهوسليل اسرة ال الراوي الشهيرة بقرية نعيمة وهي اسرة دينية مشهورة تعد من اركان قرية نعيمة واشتهر جدنا الراوي ود حسين بانه كان مادحا مشهورا من مداح الرسول في المنطقة وخلفه في هذا الدرب ابناؤه ومنهم جدنا الراحل الخليفة محمد احمد الراوي والراحل حسن الراوي والراحل محمد على الراوي والراحل الطيب حسن الراوي والان على ذات الدرب يسير شيخ عبيد امام قرية نعيمة واخوه الاستاذ عبدالمحمود والاخ هود حسن الراوي وابناء جدنا الراحل محمد نور الراوي ولذلك تاثر الاخ المادح صديق حاج خالد وابنه الشاعر دكتور القعقاع وبن اخته الفنان محمد تبيدى بهذه البيئة المشربة بالروحانيات والمشاعر المترعة بالابداع فالتحية لهم جميعا على هذا الابداع المتميز!

تحية يا هشام


وعلاقة الجماعة ديل شنو بصاحبنا داك ؟

العزيز ود الزين
تحياتي


قرابة شديدة وشديدة بس ديل فنانين في حالهم برفهوه عن الخلق وداك فنان فوق شي تاني (سعب)
بتعرفوهو انتو يا ناس الدوحة زي صاحبكم (دابي الكر) بتاع ( كرعوت)!


تحياتي لكل السمحين بطرفكم وزعلان انى ما لاقيتك هناك

تحياتى

انا ذاتى يا هشام زعلان لانى ما لاقيتك


صاحبنا بتاع الكر والخشش كان بياخد الزكاة لما يجمعوها من المغتربين التعبانين الشقيانين هنا وحاسب نفسو من العاملين عليها