سعر الدولار فى السودان يرتفع الى 7.400

حسب ما اوردت البى بى سي قبل قليل

قال المذيع ان الدلار وصل الى سعر سبعة فاصل اربعة

اى سبعة جنيه و4 قروش

اى ما يعادل سبعة الف و40

جنيه بالقديم


وذلك حسب ما ذكر

تحياتي اخي معتصم


أظن الرقم مقلوب ..فحتى ليل امس كان السعر 4600 الى 4700

يا معتصمان تحياتي وصباح الخير بتوقيت السعودية
صحيح البي بي سي عربي المذيع قال 7.4 ج ؟؟؟ قبل قليل ... المذيع أكمل الخبر بأن السودان فقد 70% من مداخيل البترول ....... والريال هنا بالسعودية حسب الكمية كلما زادت دفعوا أكثر طبعا سوق اسود ... وربنا يهون الأمور ...
شيء مؤسف ومحزن ما يحدث ...
الشفيع

إذا فعلا وصل إلى 7.4 فهذا يعني أن قيامتنا الاقتصادية قد قامت، وإذا كان الرقم الفعلي هو 4.7 فهو كذلك من علامات الساعة الاقتصادية الكبرى، لأن الأصول داخل السودان ستفقد قيمتها والتجارة تصبح غير مجدية، والأسوأ من ذلك أن هذا الأمر دليل على إفلاس خزينة بنك السودان من العملات الصعبة، وأن التحرر من قيود الجنوب التي كانت تكبل انطلاقة قطار التنمية في الجنوب - كما كانت تدعي حكومتنا المعاقة فكريا - شبيه بتحرر القمر الصناعي الأمريكي الذي انتحر أخيرا في ضواحي كندا!!
هل يعقل أن يرتفع الدولار الأمريكي 100 جنيه (بالقديم) بوتيرة شبه يومية؟ أليست هذه لعنة أصابت الجنيه السوداني؟ لطفك يا رب.

ما دام وصل 4700 يعني خلاص ال 5000 واقعة ، هذا يعني الاقتصاد السوداني سيمر بمرحلة قاسية..ربنا يهون.

Quote: أظن الرقم مقلوب ..فحتى ليل امس كان السعر 4600 الى 4700

لا حول ولا قوة إلا بالله..
شيء لا يصدقه عقل على الإطلاق.. من يوقف هذا النزيف المستمر؟؟
وهل حقاً فقدت الحكومة السيطرة على كابوس الدولار؟؟
وماذا سيكون عليه الحال غداً وبعد غدٍ..؟
أخي معتصم محمد صالح.. أرجو أن توافينا بأخبار السوق والدولار بصفة يومياً..

الوضع لن يستمر كثيراً ..
لسبب بسيط لأن أرزقية الحكومة والمعارضة لن يستطيعوا الإستمرار فى هذه المهزلة كثيراً ..

والله أعلم

Quote: وماذا سيكون عليه الحال غداً وبعد غدٍ..؟ أخي معتصم محمد صالح.. أرجو أن توافينا بأخبار السوق والدولار بصفة يومياً..

ايمن دياب
تحياتي
الظاهر لابد ليك بي دولارات ، يا زول البد ساكت ما تبيع هسع البتاع دا ماشي على الخمسة و يمكن اكتر!!! ربنا يستر

** الأخ معتصم ود الجبلابى.
** ســـلام وصباحك خير..
## فى بواكير الإنقاذ يوليو 1989 قالوا:- حــضــرنــا حـتـى لايـكـون سـعـر الـدولار "$"(20 جنيهاً) .

## بعد 22 سنه (2011) :- صار سعر الدولار 4700 جنيه والحبل على الجرار ,, البعيد شنو مايصل السبعه الف (7000).
(ودام الود بين الجميع)
(ابو محمد فؤاد)

Quote: الظاهر لابد ليك بي دولارات ، يا زول البد ساكت ما تبيع هسع البتاع دا ماشي على الخمسة و يمكن اكتر!!! ربنا يستر

والخمسة جنيه ح تجيب ليهو شنو يا الحاج ؟


دا انهيار اقتصادي رأسه عديل والسودان موعود

بما هو اسوء ...

Quote: والخمسة جنيه ح تجيب ليهو شنو يا الحاج ؟

تعرف يا بخاري المغتربين عندهم هاجس الأرض و البناء..بما انه لا توجد زيادة في قيمة الأراضي بنفس نسبة زيادة الدولار مقابل الجنيه في الحالة دي المفكر يشتري أرض بيكون الوضع أحسن ليهو

Quote: دا انهيار اقتصادي رأسه عديل والسودان موعود بما هو اسوء ...

كلامك صاح الوضع سيئ و لا يبشر بخير و ربك يستر من القادم.

انها نهايتنا
المشكله انه كلنا كشعب سودانى على حكومه على تجار على مغتربين على اهل مغتربين بنساهم فى الانهيار الاقتصادى ده ومافى سكه نتفاداه لاننا كلنا ما عندنا وازع وطنى للتضحيه من اجل الوطن
اقول ليكم كيف؟ بنشجع الشراء من السوق الاسود
امسك عندك بس انت اللى عندك دولارات عاوز ترسل لى اهلك التعبانين ولا محتاجين تفتكر ح يمشوا البنك ولا انت بتوصيهم انه يصرفوها بسعر البنك؟ الا تكون شنو ما عارف
والسبب لانها خربانه من كبارها وهم سبب انهيار القيّم الوطنيه اولا والاخلاقيه فالطمع والجشع اصبح شىء طبيعى فى المجتمع يعمى عن ما يسمى وطنيه وما ادراك ليذدهر السوق الاسود والطرق الملتويه والرشوة والفساد
انه انهيار الدولة ذات القيم الوطنيه ومعانى القوميه الراسخه, بسبب سياسه اللا ديمقراطيه ولا حريه فى التعبير ولا تعدديه فى السلطه ولا وجود لمعارضه حره
اما التجار فأخر موضه انه بعد صعوبه الشراء من البنك للسفر والصرف بعد ومنه للطياره مبشاره اصبح التاجر بيشوف ليهو ارخص طيران ل دبى ويقطع عشره تذاكر لعطالى الحله
كل واحد يصرفوا ليهو 3500 دولار يعنى التاجر ح يستلم 35000 دولار بيرجع يدخل بهم ويبيعهم فى السوق الاسود بسعر مضاعف مرتين يعنى لا يشترى بضاعه ولا غيره
اما المسئولين فلا داعى للحديث لانهم يعلمون ولا يتحركون والسبب انه ح يسألوا منو ويخلوا منو
الانهيار الاقتصادى قادم لامحاله ولا بيفيدنا شىء ان دسيناها ولا مرقناها الدولارات ستتدهور كل الخدمات وتسوء سبل المعيشه وسيسود الغلاء والفوضى فى الاسعار, فما العمل قبل الطوفان؟؟؟؟؟؟؟

يا الله هونينى

ما قلت الا الحق اخي محمد زكريا ..

بداية سعر الدولار الان في السوق الموازي 4850

وعودة لحديث الاخ محمد زكريا الذي ذكر الحقيقة المرة على الرغم من تواجده خارج البلاد الا ان ما ذكره كله حقيقي وخصوصا امر الصرافات التي اثرى منها التجار وبعض الناس على حساب موارد الدولة الشحيحة اصلا .. والمثال الذي ساقه الاخ محمد كان مهنة للبعض لفترة طويلة وفي النهاية تصب الارباح في جيب الممول الذي يتحمل قيمة تذكرة ومبلغ صغير للشخص المسافر فقط وكما قال فان الامر برمته يدل على عدم وطنية وعدم اخلاق سواء من الجهة التي تنظم عمل الصرافات و الصرافات والتجار وحتى الذين يسافرون وهذا الامر يعد من الاسباب الاساسية لزيادة سعر الدولار باستنزافها لاحتياطي البلاد من العملة الصعبة ..
الامر مؤلم وخطير والحديث فيه يطوووول وساعود مرة اخرى ..

السعر الان 4650 ..

وهناك توقعات كبيرة بتراجع السعر ..

Quote: وفي السياق حذّر وكيل وزارة المالية والاقتصاد الوطني الأسبق الشيخ محمد المك من استمرار تدهور سعر الصرف حال لم يتم احتواء الموقف وتداركه،

أها يا الشيخ الاحتواء دا يجي وزير المالية و معاهو محافظ بنك السودان و يجيبو ليهو دولار و يختوهو في الواطة و يعفصوهو شديد عشان ما يفر ؟ ياخي قوم فكنا قال يتم احتواء الموقف و تداركه!! اها ورينا كيف الاحتواء و التدارك؟ أو اقول ليك اكتب مقال بعنوان : الجنيه في تهالك كيفية الاحتواء و التدارك!!

Quote: وخصوصا امر الصرافات التي اثرى منها التجار وبعض الناس على حساب موارد الدولة الشحيحة اصلا

بالظبط يا معتصم الصرافات دي لابد من دراسة امرها و هي اصلا عندما تم فتحها كان الهدف أن تكون قنوات لتنظيم أمر النقد الأجنبي و التحكم فيهو لصالح قيمة الجنيه السوداني و الان أصبحت اهم القنوات التي يتم عن طريقها تسريب النقد الأجنبي بطرق ملتوية.

أخي الحاج حمد ..

اغرب مافي الامر ان الحكومة ولاول مرة تقريبا لم تحرك ساكنا تجاه الزيادات المتلاحقة في اسعار العملات ولا اعني ترتيبات اقتصادية بل اضعف الايمان ترتيبات تنظيمية وضوابط او حتى الحملات التي تقوم بها الجهات الامنية .. الان تجار العملة ينتشرون في ميدان ابو جنزير في قلب الخرطوم ويبيعون ويشترون على عينك يا تاجر .

Quote: ايمن دياب تحياتي الظاهر لابد ليك بي دولارات ، يا زول البد ساكت ما تبيع هسع البتاع دا ماشي على الخمسة و يمكن اكتر!!! ربنا يستر

أقسم لك بالله ما بفكر في نفسي..
بس ياخي حال البلد بالمستوى دخ بخلي الواحد في حالة إحباط وقلق مستمر ودائم..
لأنو تأثير المسألة دي بنعكس على كل حاجة في حياتنا..

لوما جينا كان الدولار بقي بي 20 جنية!!!!!!!!!!!!!!!!!!!!!!!!!!!!!!!!!!!!!!!1

Quote: اغرب مافي الامر ان الحكومة ولاول مرة تقريبا لم تحرك ساكنا تجاه الزيادات المتلاحقة في اسعار العملات ولا اعني ترتيبات اقتصادية بل اضعف الايمان ترتيبات تنظيمية وضوابط او حتى الحملات التي تقوم بها الجهات الامنية .. الان تجار العملة ينتشرون في ميدان ابو جنزير في قلب الخرطوم ويبيعون ويشترون على عينك يا تاجر .

الأخ معتصم
تحياتي
هي فعلا حاجة غريبة عدم التحرك و لكن يبدو ان هناك صدمة من نسبة الزيادة اليومية لسعر الدولار اخرت التحرك الحكومي و لكن يا معتصم أتوقع رد فعل قوي خلال الأيام القادمة ، في النهاية اذا لم تكن هناك قرارات تصب في صالح زيادة الانتاج و دعم الزراعة و تشجيع الصادرات فأي قرارات لن تؤدي الا لنزول مؤقت للدولار.. ربنا يستر على الوطن.

أمر غريب يحدث اليوم ..

سعر الدولار داخل السودان اعلى من السعر خارجه وهو امر غريب جدا ..

والله يا معتصم دولاركم دا إلا تشوفوا ليهو فكي عشان يعمل فيهو الما اتعمل في أوكامبو!

المعتصم

سلام


انا كنت متابع البي بي سي كويس وعلى يقين ان المذيع قلب الرقم بالخطأ


اطيب امنياتي

Quote: أقسم لك بالله ما بفكر في نفسي.. بس ياخي حال البلد بالمستوى دخ بخلي الواحد في حالة إحباط وقلق مستمر ودائم.. لأنو تأثير المسألة دي بنعكس على كل حاجة في حياتنا..

الأخ أيمن
تحياتي
ياخي مجرد دعابة نخفف بها عن الألم ، أكيد كلنا محبطين لما يحدث لحال الاقتصاد السوداني و كلنا متضررين بصورة مباشرة من تدهور قيمة الجنيه السوداني..ربنا يستر من مزيد من التدهور.

اوردت بعض الصحف اليوم ان سعر الدولار وصل إلى (4.85)ج .. 4.85 أي أنه على أعتاب الخمسة جنيهات !!!
وتوقع خبراء اقتصاديون ان يواصل الجنيه تراجعه ..

منو القاعد يشتري الدولار بالسعر دا؟

وعشان شنو؟

ما اعتقد السبب هوالحج إلا إذا كان الحجاج الجايين ديل كلهم تجار

وحتى التجار تأثيرهم ما بكون بالشكل العنيف دا


الله يستر

هنالك حل واحد فقط

Quote: هنالك حل واحد فقط

بالضبط يا محمد زكريا

Quote: السعر الان 4650 .. وهناك توقعات كبيرة بتراجع السعر ..

وهنا مكمن الخطر
تراجع ليه هل الانتاج زاد
طبعا لا ولكن شوية نفس وهجمة جديدة
اشد شراسة
لان الحكومة ستطبع عملة
وسيكون الارتفاع ساعة بساعة

ومع الارتفاع المستمر للدولار

قريبا ستنهار البنوك المحلية لان المواطنبن
سيسحبون ودائعهم لشراء ذهب او دولار
يتردد الكثيرين فى تحويل اموالهم الصعبة داخل السودان
ووضعها داخل المصارف خوفا من الاستيلاء عليها بواسطة الحكومة باى مبرر
سترتفع فاتورة الاستبراد وتصورو ا لو بلغ الدولار
عشرة جنيهات كم ستكون سعر حبة الاسبرين
او الادوية المنقذة

لو تراجع سعر الدولار فسيكون ذلك

لفترة محدودة وسيشهد الجنيه

تدهورا مريعا فى الترة القادمة


ويتوقع ان يتجاوز ال6 الف

اذا لم يصل الى لمبلغ الذى

اوردته لبى بي سي بالخطأ

النظام بقى قاعد أباطو والنجم :)

بعد انفصال الجنوب بقى ما عندهم أي موارد تدخل ليهم عملة صعبة

البشير مشى يشحد الملك السعودي ومن الواضح انو جاء راجع بخفي حنين..

الملك عبد الله ممكن يرصف ليك شارع، يرسل ليك باخرة خيم ولا بطاطين ، لكن يديك قروش.. نهيييييييي، اللهم إلا تكون رفيق الحريري غايتو

محافظ بنك السودان مشى شايل القرعة في الدوحة وطلب ودائع من الدول العربية، وشكلو برضو ما في نتيجة

غايتو أحمدي نجاد ده كان ما أداهم حاجة، بدخلوا في أمراً ضيق بالحيل

وعدونا بتحسن الإقتصاد بعد انفصال الجنوب

زاعمين أنه كان ملحقا معطلا

ووجه صرف سيتوقف!



الباقر موسى