Post: #1
Title: إستراحة مناضل - إلي مورتا
Author: حسبو عكاشة
Date: 09-26-2011, 02:31 PM
رحل عن البلاد اشد واخر المناضلين ضراوه..
انه ذلك البطل (مورتا) المتحول لقبيلة مناضلي الكيبورد.
فلتتوشح البلاد كلها بالسواد،
... ولتدق سرادق العزاء.
لماذا انتهج مورتا هذا المنحى وغادر البلاد على حين غره؟
هل سنرى مورتا متبسماً وملفوفاً برداء الاحرام الابيض في احدى صور بروفايله؟
ماالذي سيتناوله مورتا بديلا عن السمك؟
ياترى كيف هي علاقته مع كفيله؟
هل سيختار مورتا الحرم المكي؟ ام المستشفى؟ المولات ؟ لو انه اراد رؤية احدى الصديغات
-------
بعد هذه المقدمة التي خطها : خالد عثمان , رأينا انا و خضر حسين ان ننعي انفسنا و البلاد في فقد هذا المناضل الذي
هجرنا في احلك الظروف, فنتج هذا التحالف الذي افضى إلي الابيات التالية ....
مورتا يا سيد حبابك
شوقنا ليك دافرنا هسه
ولوعة الوطن المفارق
فيهو ريحتك زي كأنك
باقي لسه
ما كأنك رحت غادي
سبت دربك للأعادي
و زي اظنك ماكا قلت
(ما بنقيف صف في سفارة
والبلد بنزيد عمارا)
يا خساره
سبت بلدك
فتو دربك
وقلت تمرق بي زيارة ؟
ما مهم مهنة (مبلط)
ولا (محرم)
المهم إنك تجاور للحبيبة
المهم انك تقرب للمسافات البعيدة
و سكة الأشواق تعيدا
و تمشي تركب ليك حديدة
دنيا حلوة وسندسية
وإنت في حلم الأماسي
سبت جليت القضية
لا محطات المدينة
لا جراحاتنا الأليمة
بهاء بناضل جنب مجيد
و رامي بنده بالنشيد
ترنتي برضو عزيمتو واضحة
و فوجي داك امورو شاطحة
كيف تفوتهم وتمشي غادي
والبلد نيرانها طافحة
كيف رضيت ترخيهو درباً
قلت ما بتفك طريقوا
و إنت يا مسكين حليلك
فاكر الغربة انتصارك
دا الكفيل لو هد حيلك
الحبيب ما ببقى هيلك
و المسافات تبقى اطول
و انت في غمرة كفيلك
تبقي موهوم في حنانك
تبقى مخدوع في سنينك
يبقى شكلك تمبرلي
كورتزونك ستة ملي
نفس (حميده) وبرامجو
الهموم نفس الهموم
عضة في رأس كل ساعة
ونسة مكرورة و صياعة
وتبقي عامل زي (جبارة)
وتبقي فارة
تلبس الكبك الرمادي
وكرشة ناصلة وماشة غادي
و ترسى في حضن الكفيل
والكفيل أسألنا منو
الله بس حلانا منو
الكفيل يامورتا قاهر
يوم تجدد للإقامة
بس تقول يوم القيامة
لا بشاورك لا بفاوض
لا إجازات لا فوائد
بس يطالبك بي عوائد
و انت ما شبه المصائب
انت مرهف بي طبيعتك
إنت ماشبه الدمار
انت زي بوب مارلي نفسو
وهمة في عزف الجيتار
نغمة حلوة و لحن اسر
و نسمة في عز النهار
و لو دقسته و قلت ترجع
تلقى (جبجوب) في انتظارك
ماسورتو بتحدد مسارك
و تاني ترجع للصواني
و سكة الوطن البعاني
------
السوق المركزي - 24-9-2011
|
Post: #2
Title: Re: إستراحة مناضل - إلي مورتا
Author: أمين محمد سليمان
Date: 09-26-2011, 02:35 PM
Parent: #1
يا حسبو ... ما تقول لي مورتا إغترب و طلع من السودان
|
Post: #3
Title: Re: إستراحة مناضل - إلي مورتا
Author: البدري عبد الله
Date: 09-26-2011, 03:00 PM
Parent: #2
السلام عليكم ورحمة الله
ياحسبو ياخ بطل حكايةالصيد في القصائدالعكرانة وحزينة
Quote: يبقى شكلك تمبرلي
كورتزونك ستة ملي
نفس (حميده) وبرامجو
الهموم نفس الهموم
عضة في رأس كل ساعة
ونسة مكرورة و صياعة
وتبقي عامل زي (جبارة)
وتبقي فارة
|
|
Post: #4
Title: Re: إستراحة مناضل - إلي مورتا
Author: قيقراوي
Date: 09-26-2011, 03:12 PM
Parent: #3
Quote:
و انت ما شبه المصائب
انت مرهف بي طبيعتك
إنت ماشبه الدمار
انت زي بوب مارلي نفسو
وهمة في عزف الجيتار
نغمة حلوة و لحن اسر
و نسمة في عز النهار
و لو دقسته و قلت ترجع
تلقى (جبجوب) في انتظارك
ماسورتو بتحدد مسارك
و تاني ترجع للصواني
و سكة الوطن البعاني
|
ياخ صدق النص دا ادماني تماماً!!
-------
الدايش دا جايي كايس شنو بي جاي كمان!
ما سمع بقصة الستة سنة دي!؟
|
Post: #11
Title: Re: إستراحة مناضل - إلي مورتا
Author: حسبو عكاشة
Date: 09-26-2011, 05:25 PM
Parent: #4
يا قيقراويQuote: الدايش دا جايي كايس شنو بي جاي كمان!
ما سمع بقصة الستة سنة دي!؟ |
الزول دا خلي بالك حيرحلكم كلكم من هناك
موضوع الستة سنة عندو علاقة بالنطاقات ولا يفتح الله !
|
Post: #7
Title: Re: إستراحة مناضل - إلي مورتا
Author: حسبو عكاشة
Date: 09-26-2011, 03:28 PM
Parent: #3
و عليكم السلام و رحمة الله و بركاته يا سيدنا البدري رضي الله عنه و ارضاهQuote: ياحسبو ياخ بطل حكايةالصيد في القصائدالعكرانة وحزينة
|
البدري و قراءة ما بين السطور, اقصد الاقواس :)
بن علي هرب يا البدري ياخ
مورتا مشى و سلمنا الماسورة
|
Post: #5
Title: Re: إستراحة مناضل - إلي مورتا
Author: حسبو عكاشة
Date: 09-26-2011, 03:14 PM
Parent: #2
| Quote: يا حسبو ... ما تقول لي مورتا إغترب و طلع من السودان |
إنت عايش وين يا زول
الراجل هسة ضارب البيك و متجدع في شعاب مكة
|
Post: #6
Title: Re: إستراحة مناضل - إلي مورتا
Author: معاوية عبيد الصائم
Date: 09-26-2011, 03:22 PM
Parent: #5
مكفولى امارة مكة يرحبون بالمكفول مورتا .ويشكرون المكفول معاش خضر حسين
وراعى المكفولين بالسودان المواطن حسبو عكاشة...نفيدكم بان المدعو مورتا ..بخير
ومعتصم فى احدى فروع البيك بمكة المكرمة ..البيك الحراق يا خضر حسين..حسبو
لاتحزن لا تحزن ..وطمن خضر...والتفاصيل لاحقا .....
خروج مورتا فى ظل مقاطعة اللحمة ..خيانة غذائية لا تغتفر ,.......المصدر
خضر حسين امس بالليل ...
|
Post: #8
Title: Re: إستراحة مناضل - إلي مورتا
Author: معاوية عبيد الصائم
Date: 09-26-2011, 03:36 PM
Parent: #6
داخل هذا المبنى المحصن بمكة يعتصم المواطن (مورتا) وتجرى المشاورات لنقل الاعتصام (لكنتاكى)
وقد يصل المدعو خضر (تهريب بالسنبك) لمناقشة المعتصم (بالبيك) المواطن مورتا
|
Post: #9
Title: Re: إستراحة مناضل - إلي مورتا
Author: Magdi Ahmed Elsheikh
Date: 09-26-2011, 04:15 PM
Parent: #8
الضحكـ شرطنا ...!
|
Post: #10
Title: Re: إستراحة مناضل - إلي مورتا
Author: Elawad
Date: 09-26-2011, 04:37 PM
Parent: #9
سلام يا حسبو
دعواتنا بالتوفيق لمرتضى. و شكرا للكوميديا الحزينة في وداع صديق و ربنا إن شاء الله يجمعكم في ساعات خير و محبة و صفاء. لكن دي بالغتوا فيها:
Quote: يبقى شكلك تمبرلي
كورتزونك ستة ملي
نفس (حميده) وبرامجو
الهموم نفس الهموم
عضة في رأس كل ساعة
ونسة مكرورة و صياعة
وتبقي عامل زي (جبارة)
وتبقي فارة |
المهم يا حسبو على الأقل الراجل حيتعشى أخيرا و يمكن ربنا يفتحها عليه و يرسل ليكم حق العشا.
|
Post: #12
Title: Re: إستراحة مناضل - إلي مورتا
Author: محمد إبراهيم علي
Date: 09-26-2011, 05:26 PM
Parent: #10
يا خي الف مرحب ونور البيت المنور اصلو
يا خي مورتا ببالغ زاتو
جاي الحج والناس راجعين
الزول ده بعد تعلفوهو كويس في البيك لزوهو الرياض ياخد كورسات من (حميدة)
|
Post: #13
Title: Re: إستراحة مناضل - إلي مورتا
Author: محمد البشرى الخضر
Date: 09-26-2011, 06:06 PM
Parent: #12
لا حولا مورتا ماشي السعودية بنين ياخي ما تبالغ
تعرف يا حسبو صاحبك تكون لاوزت بيه مقاطعة اللحمة يكون خاف تجيب ليها مقاطعة سمك بطريقتهم دي
|
Post: #15
Title: Re: إستراحة مناضل - إلي مورتا
Author: محمد عبدالرحمن محمد
Date: 09-26-2011, 06:21 PM
Parent: #12
موية داخليات هناك ماهافي؟
على أي وكيف حال نحن مبسوطين وأنتم بالضرورة
أقلاهو حق اللبن الراتب يبقى حق كوارع
ياخ قدر العندي من تقدير ليكم أمين نوته رفع أوسو مليون
سلام لي خدر خاص
ومتلو لي عزاز الفاقدنها الملايين
|
Post: #27
Title: Re: إستراحة مناضل - إلي مورتا
Author: حسبو عكاشة
Date: 09-27-2011, 11:59 AM
Parent: #15
المطرطش, كيف حالكQuote: موية داخليات هناك ماهافي؟
|
هو ايام موية الداخليات كان ضارب موية الصحة و خدر اتجوغر بموية الصرف :)
|
Post: #26
Title: Re: إستراحة مناضل - إلي مورتا
Author: محمد عبدالرحمن محمد
Date: 09-26-2011, 11:57 PM
Parent: #12
موية داخليات هناك ماهافي؟
على أي وكيف حال نحن مبسوطين وأنتم بالضرورة
أقلاهو حق اللبن الراتب يبقى حق كوارع
ياخ قدر العندي من تقدير ليكم أمين نوته رفع أوسو مليون
سلام لي خدر خاص
ومتلو لي عزاز الفاقدنها الملايين
|
Post: #28
Title: Re: إستراحة مناضل - إلي مورتا
Author: حسبو عكاشة
Date: 09-27-2011, 12:03 PM
Parent: #12
| Quote: تعرف يا حسبو صاحبك تكون لاوزت بيه مقاطعة اللحمة يكون خاف تجيب ليها مقاطعة سمك بطريقتهم دي |
ههههههههههههههههههههههههههههه
يا عمك مورتا مشى بيجاي و السمك رخص تاني يوم طوالي
الحوت دا كان صعب
|
Post: #19
Title: Re: إستراحة مناضل - إلي مورتا
Author: حسبو عكاشة
Date: 09-26-2011, 06:33 PM
Parent: #10
العوض, كيف اخبارك !| Quote: ربنا إن شاء الله يجمعكم في ساعات خير و محبة و صفاء. |
امييييييييييييييييييين
| Quote: المهم يا حسبو على الأقل الراجل حيتعشى أخيرا و يمكن ربنا يفتحها عليه و يرسل ليكم حق العشا. |
لو بقت مصاريف و حق عشا يبقى حبيبنا و تاج راسنا و كفيلنا
و لو بقت "سبح" و "مصاحف" برضو كتر خيرو لكن الفيهو اتعرفت :)
|
Post: #14
Title: Re: إستراحة مناضل - إلي مورتا
Author: حسبو عكاشة
Date: 09-26-2011, 06:14 PM
Parent: #8
مراسلنا معاوية عبيد بالمنطقة الغربيةQuote: داخل هذا المبنى المحصن بمكة يعتصم المواطن (مورتا) وتجرى المشاورات لنقل الاعتصام (لكنتاكى)
وقد يصل المدعو خضر (تهريب بالسنبك) لمناقشة المعتصم (بالبيك) المواطن مورتا
|
اجلو الرهائن اقصد الجداد
الزول دا لو عايزين تتفاوضو معاه لازم ترشوه بي خمسة طلبات هامور من "عمو حمزة"
العجل و البياض بكون زهج منهم من سوق الموردة
|
Post: #16
Title: Re: إستراحة مناضل - إلي مورتا
Author: HAIDER ALZAIN
Date: 09-26-2011, 06:21 PM
Parent: #14
| Quote: الزول ده بعد تعلفوهو كويس في البيك لزوهو الرياض ياخد كورسات من (حميدة) |
والله لو ادونا ليهو هنا اسبوع وااحد بس قعدة كورنيش مع حمد والنذير جريس..
تاني لو طردو سعادتو نايف بن عبد العزيز مايرجع
ـــــ
نورت البلد يا مورتا .. ونحن نقول العيد الوطني السنة دي سمح كدة مالو ..
غايتو بشاتك سمحة هسع الحريم بقى ليهن حق الترشح والانتخاب في البلديات ومجلس الشوري
بعد تجدد رخصة القيادة المرة التالتة ممكن عااادي تلقاهن ويترس بمطعم البيك
شرفت يا وجيه
|
Post: #29
Title: Re: إستراحة مناضل - إلي مورتا
Author: حسبو عكاشة
Date: 09-27-2011, 12:29 PM
Parent: #16
Quote: والله لو ادونا ليهو هنا اسبوع وااحد بس قعدة كورنيش مع حمد والنذير جريس..
تاني لو طردو سعادتو نايف بن عبد العزيز مايرجع |
يا ود الزين الزول دا قال تاني لو جا الفقس ما برجع :)
|
Post: #17
Title: Re: إستراحة مناضل - إلي مورتا
Author: بله محمد الفاضل
Date: 09-26-2011, 06:23 PM
Parent: #14
أمانة ما وقع قرِش
ومرافق كمان
حسبو لو جاتك منو فيزا بكرة بعد بكرة
الرأي كيف
بتبيع الجنبك والسمك والنضال
يا اخي كلام سمح تب
يشرطك بالضحك ويكتلك بالبكا
|
Post: #18
Title: Re: إستراحة مناضل - إلي مورتا
Author: طارق جبريل
Date: 09-26-2011, 06:32 PM
Parent: #17
يا حسبو ما تقول لي مورتا حا يقعد يغني: يا رمال حلتنا زولا كان بآنسك يا حليلو
|
Post: #35
Title: Re: إستراحة مناضل - إلي مورتا
Author: حسبو عكاشة
Date: 09-27-2011, 08:37 PM
Parent: #18
Quote: يا حسبو ما تقول لي مورتا حا يقعد يغني: يا رمال حلتنا زولا كان بآنسك يا حليلو
|
ههههههههههه
مورتا في إتصال هاتفي مساء اليوم قال إنو لاقى شباب سودانيين و مشو لعبو كورة سوا, بعد الدافوري انتهى الشباب قالو ليه نحن عازمنك تحضر معانا "اسطوانات" CD, مورتا قال في سرو يا ربي حكاية الاسطوانات دي شنو المهتمين بيها من قبل الدافوري دي, و مورتا عقلو بقى يودي و يجيب, يا ربي تكون اسطوانات "تفحيط" ؟ ولا " فلم " ولا شنو ؟
المهم مورتا بعد مشى مع الشباب السكن بتاعهم و شغلو الاسطوانة, طلعت اسطوانة بتاعة عرس في السودان و الشباب عايزين يختارو عروسات :)
هسة مورتا قال جاتو صدمة و احتمال كبير يعمل خروج نهائي
|
Post: #21
Title: Re: إستراحة مناضل - إلي مورتا
Author: محمد عبد الماجد الصايم
Date: 09-26-2011, 07:06 PM
Parent: #20
ياخ دا بوست تفتحو الواحد مدروش ومرشوش في الشغل!!
أنا قبيل لكزت (حميدة) قلت ليهو (أرنب نط) استعد!!
|
Post: #22
Title: Re: إستراحة مناضل - إلي مورتا
Author: البدري عبد الله
Date: 09-26-2011, 09:55 PM
Parent: #21
| Quote: أنا قبيل لكزت (حميدة) قلت ليهو (أرنب نط) استعد!! |
|
Post: #23
Title: Re: إستراحة مناضل - إلي مورتا
Author: عبدالكريم الامين احمد
Date: 09-26-2011, 10:48 PM
Parent: #22
المجد والخلود لمورتا
في حالة كونه طائر مرتحل عبر البحر
|
Post: #24
Title: Re: إستراحة مناضل - إلي مورتا
Author: Rawia
Date: 09-26-2011, 11:40 PM
Parent: #23
بالله كمل جميلك وقول حاجة في إبتسامته
______
محل تقبل تتفح عليك يامورتا وتنجح
قلبي راضي عليك وعافية منك
|
Post: #25
Title: Re: إستراحة مناضل - إلي مورتا
Author: سارة علي
Date: 09-26-2011, 11:50 PM
Parent: #24
وخليتو يمشي؟؟
صداقتكم صداقة التاباني..
|
Post: #30
Title: Re: إستراحة مناضل - إلي مورتا
Author: osama fadlalla
Date: 09-27-2011, 01:00 PM
Parent: #25
| Quote: السوق المركزي - 24-9-2011 |
دي ياها احلك الظروف البقولوا عليها..:):):):)
قصيدة حلومر بس!!
....وكمان سمعنا عن خضر حسين....ياخي الزول ده ماتحنسوه لينا..
هو اصلو ماسمع بي نظرية التغيير من الداخل دي ولا شنو..
والتحية لمورتا في منفاه الاخر.
|
Post: #31
Title: Re: إستراحة مناضل - إلي مورتا
Author: الشيخ إبراهيم الشيخ
Date: 09-27-2011, 01:09 PM
Parent: #30
Quote: مورتا يا سيد حبابك
شوقنا ليك دافرنا هسه
ولوعة الوطن المفارق
فيهو ريحتك زي كأنك
باقي لسه
ما كأنك رحت غادي
|
هوي يا حسبو حركاتك ده بطلها
ودس الشنو فشنو كده خليه
ريحة بتاعت فنيلتك الزول ده
كان بتريح ب اوراق الخريف
تجي تقول ليه ريحتك طاقة وعابقة في المكان وشنو كده
هوي يا حسبو سيب مورتا ده في حالو بالله.
|
Post: #32
Title: Re: إستراحة مناضل - إلي مورتا
Author: وليد عبد اللطيف
Date: 09-27-2011, 01:59 PM
Parent: #31
Quote:
ياخ دا بوست تفتحو الواحد مدروش ومرشوش في الشغل!!
أنا قبيل لكزت (حميدة) قلت ليهو (أرنب نط) استعد!! |
هههههههههه ياخي انت وين ماترد
Quote:
يبقى شكلك تمبرلي
كورتزونك ستة ملي
نفس (حميده) وبرامجو
الهموم نفس الهموم
عضة في رأس كل ساعة
ونسة مكرورة و صياعة
وتبقي عامل زي (جبارة)
وتبقي فارة |
ياعمك دي اخطر من الهبوط الاطراري بالله ماتنسو حق الاجاويد بعدين
.
.
الف مرحب بالحبيب مورتا
|
Post: #33
Title: Re: إستراحة مناضل - إلي مورتا
Author: khaleel
Date: 09-27-2011, 04:33 PM
Parent: #32
رحيل مورتا من السودان
اشبه برحيل مورينهو من تشيلسي
رافقته السلامة ويعود سالما غانما
شكرا يا حسبو
|
Post: #34
Title: Re: إستراحة مناضل - إلي مورتا
Author: حسبو عكاشة
Date: 09-27-2011, 08:26 PM
Parent: #17
بله يا بله وييييييينو بلهQuote: حسبو لو جاتك منو فيزا بكرة بعد بكرة
الرأي كيف
|
نحن اتفاقنا معاه قبل ما يمشي, إنو يمرق و يمرقنا معاه من الكمين دا :)
|
Post: #36
Title: Re: إستراحة مناضل - إلي مورتا
Author: محمد عبدالرحمن
Date: 09-27-2011, 09:38 PM
Parent: #34
ياحسبو ..
وصل حيث للسمك طعم آخر ..وهنا حتى الهلال يختلف ( مذاقه)
من هلال امدر ..شتان مابين صناعة امدر وتجميع الرياض ...
بالتوفيق يامورتا ..
|
Post: #37
Title: Re: إستراحة مناضل - إلي مورتا
Author: حسبو عكاشة
Date: 09-28-2011, 11:04 AM
Parent: #36
ود الصايم | Quote: أنا قبيل لكزت (حميدة) قلت ليهو (أرنب نط) استعد!! |
قول لي صاحبك, مورتا حيبقي ريحتك طير طير
---
مجدي, الضحك شرط الشعب السوداني كلو في رحيل مورتا :)
---
كيكي Quote: المجد والخلود لمورتا
في حالة كونه طائر مرتحل عبر البحر |
و سنغني لك يا مورتا كما غنى الخليل :)
---
راويةQuote: بالله كمل جميلك وقول حاجة في إبتسامته
|
ذو اليد ما حيريحنا لكن :)
---
سارة خليتو يمشي شنو !!
مورتا بقى مجاور حبيبين بي فيزا واحدة :)
---
أسامة فضل الله
Quote: وكمان سمعنا عن خضر حسين....ياخي الزول ده ماتحنسوه لينا..
هو اصلو ماسمع بي نظرية التغيير من الداخل دي ولا شنو.. |
خدر قال ما بخلي البلد دي للكيزان و يمرق
و قدر ما حنسناه يرجع لي سودانيز اونلاين داقي جرس لسة
---
الشيخ Quote: ريحة بتاعت فنيلتك الزول ده
كان بتريح ب اوراق الخريف
|
لو جيت للحق , صاحبك دا الحمام ذاتو في تلتلة :)
---
وليد عبداللطيف| Quote: الف مرحب بالحبيب مورتا |
بالله خلو بالكم من الشفت دا , اهم حاجة توصفو ليه المطاعم
---
خليل يا خليلQuote: رحيل مورتا من السودان
اشبه برحيل مورينهو من تشيلسي
|
رحيل مورتا نحن اعتبرناه ذي إستقالة سيدا , جهجه باكاتنا و قعد
---
ابو حميدQuote: وصل حيث للسمك طعم آخر ..وهنا حتى الهلال يختلف ( مذاقه)
من هلال امدر ..شتان مابين صناعة امدر وتجميع الرياض ...
|
هههههههههههه مورتا تجميع امبدة و ترخيص جدة :)
|
Post: #38
Title: Re: إستراحة مناضل - إلي مورتا
Author: أيمن الطيب
Date: 09-28-2011, 12:18 PM
Parent: #37
يا حبسو.....
بالنسبة لأبو القنفد الكتلتوه فى بارا داك..
سمعت آخر نكتة!!!
والله ذو اليد ببالغ لكن...وببالغ أكتر منو مورتا زاتو!!!
إن شاؤء الله خضر إتذكر غير للزول دا الأوشاش والبلوفة ...
|
Post: #39
Title: Re: إستراحة مناضل - إلي مورتا
Author: حسبو عكاشة
Date: 09-28-2011, 05:43 PM
Parent: #38
يا ايمنوف
Quote: بالنسبة لأبو القنفد الكتلتوه فى بارا داك..
سمعت آخر نكتة!!! |
هاك إستلم القنفد و سلمنا النكتة
خضر قال الزول مكنتو شقة راس
|
Post: #40
Title: Re: إستراحة مناضل - إلي مورتا
Author: HAIDER ALZAIN
Date: 09-29-2011, 08:13 AM
Parent: #39
مورتا دا ما ظهر
ياربي يكون خنقتو كراع جادات
ــــــــ
مورتا اخوك في الله والانسانية 0505885714
|
|