Post: #1
Title: عاجل .. الوزيره تتغدي عدس.
Author: محمد قسم الله محمد
Date: 09-20-2011, 09:11 PM
خبر لم يبقَ له إلا إذاعته في نشرة تسعه في التلفزيون..
وزيرة الدوله للإعلام الصحفيه السابقه سناء حمد العوض يقول الخبر إنها تضامنت مع حملة مقاطعة اللحوم وإتغدت عدس..
لا فيها الخير..
في ناس عدس زاتو ما لاقيين..
بعدين شنو يعني الوزيره تتغدي عدس وللا بامبي ..
الخبر منشور في أكتر من جريده..
طيب هنالك آلاف السودانيين مقاطعين اللحوم حتي قبل الحمله ..
أيام وشهور .. مش تلاته يوم ..
الطريفي ود جبر الدار .. برضو مقاطع .. أمبارح متغدي سخينه .. سخينة بصله ودكوه .. وما جابوهو في الأخبار زي الوزيره ..
ده كلام ؟؟!!!!!!!!!!!!!
|
Post: #2
Title: Re: عاجل .. الوزيره تتغدي عدس.
Author: محمد قسم الله محمد
Date: 09-20-2011, 09:20 PM
Parent: #1
وهل الوزير _أيُّ وزير _ في السودان هو من جنس البشر أم من كوكب آخر ؟؟
حتي يحظي بهذا التمييز المُخِل.
|
Post: #4
Title: Re: عاجل .. الوزيره تتغدي عدس.
Author: حسبو عكاشة
Date: 09-20-2011, 09:29 PM
Parent: #2
بس العدس ما يكون غلط عليها !!
|
Post: #3
Title: Re: عاجل .. الوزيره تتغدي عدس.
Author: الفاضل يسن عثمان
Date: 09-20-2011, 09:25 PM
Parent: #1
ابوحميد سلام
مسكين المواطن يتاجروا بشظفه
و عنته. هؤلاء الظلاميين.
الا تعلم الوزيرة السيوبر بان بالحملة
ادانة وقوية لحكومتها
سوف يتاتي ذلك اليوم الذي تأكل فيه
مسز سيوبر العدس وكل يوم.
او هكذا نداولها بين الناس.
تشكر يا محمد
|
Post: #5
Title: Re: عاجل .. الوزيره تتغدي عدس.
Author: محمد قسم الله محمد
Date: 09-20-2011, 09:38 PM
Parent: #3
حسبو عكاشه ..
أشكرك علي المرور ..
الأخ الفاضل ..
| Quote: مسكين المواطن يتاجروا بشظفه |
دي المشكله ..
يعملو حمله .. يدوك إنطباع إنو السوداني مسكين وابن ستين مسكين ..
وقائمة شرف لمشاركته هذه المسكنه.. والفقر .. والفقر ليس عيباً.
أمس في التيار قائمة شرف للمشاركين في حملة مقاطعة اللحوم ..
من الوجهاء والوزراءطبعاً .. الذين تكرموا وجاملوا الشعب ذات جوعه.
ولو كان الأمر يحتاج لقوائم الشرف فستطول القائمه لتشمل كل سوداني أعيته كسرة الخبز وتذكرة الطبيب.
|
Post: #6
Title: Re: عاجل .. الوزيره تتغدي عدس.
Author: طارق زروق
Date: 09-20-2011, 09:53 PM
Parent: #5
قبل 1989 الوزيرة دى كانت بتاكل شنو؟
|
Post: #7
Title: Re: عاجل .. الوزيره تتغدي عدس.
Author: اميرة السيد
Date: 09-20-2011, 09:55 PM
Parent: #6
والعدس مالو يا جماعة؟ كعب ولا شنو؟
|
Post: #8
Title: Re: عاجل .. الوزيره تتغدي عدس.
Author: ود الباوقة
Date: 09-20-2011, 09:57 PM
Parent: #7
اخونامحمد قسم الله
الايام دي كلنا شغالين عدس ...
|
Post: #10
Title: Re: عاجل .. الوزيره تتغدي عدس.
Author: خضر الطيب
Date: 09-20-2011, 10:10 PM
Parent: #8
قبل 1989 الوزيرة دى كانت بتاكل شنو؟
---------------------------------------------------
كانت بتاكل تبن , ذي ود الباوقه زمان لووول
انتو مالكم شعب ممل كده ؟ لوووز
شكرا طارق شكرا ود قسم الله
|
Post: #11
Title: Re: عاجل .. الوزيره تتغدي عدس.
Author: محمد قسم الله محمد
Date: 09-20-2011, 10:15 PM
Parent: #8
| Quote: الايام دي كلنا شغالين عدس ... |
الأيام دي بس؟؟!!!!!!!!!
نحنا من زماااااااان شغالين عدس..
العدس مالو ؟؟؟ عيبو لي في كلمتين..
عن نفسي عايز تحترمني جيب لي عدس ..
لكن لو عايزني أتضامن مع ناس الحمله ديل خليني آكل موليته..
بتعرف الموليته؟؟!!!!!!!!!
..............................................................................
ود الباوقه إزيك يا راجل يا محترم.
|
Post: #9
Title: Re: عاجل .. الوزيره تتغدي عدس.
Author: محمد قسم الله محمد
Date: 09-20-2011, 10:10 PM
Parent: #5
عرف العدس في في الأراضي المقدسة منذ القدم..
وقد ورد ذكره في التوراة في قصة عيسو أخ النبي يعقوب عندما تنازل عن زعامة العائلة لأخيه يعقوب مقابل وجبة عدس كان يرغب في تناولها..
شفتا كيف؟؟!!
|
Post: #12
Title: Re: عاجل .. الوزيره تتغدي عدس.
Author: أسامة البلال
Date: 09-20-2011, 10:30 PM
Parent: #9
| Quote: قبل 1989 الوزيرة دى كانت بتاكل شنو؟ |
كانت بتاكل سمك وبيض وكبدة في الفطور وفراخ ولحوم وكسترد في الغداء وبيض ولحوم وطحنية وباسطة في العشاء
ولبن في كل الوجبات ويوم الإتنين إسبيشال دينار
والله علي ما أقول شهيد
مش كانت طالبة في كلية الآداب جامعة الخرطوم وساكنة داخلية الطالبات قبل 1989
دا كان أكل طلاب جامعة الخرطوم في ذلك الزمن وكمان بلاش من جيب دافع الضرائب السوداني
|
Post: #13
Title: Re: عاجل .. الوزيره تتغدي عدس.
Author: عوض محمد احمد
Date: 09-20-2011, 10:39 PM
Parent: #12
| Quote: الايام دي كلنا شغالين عدس ... |
دا ال الله قدركم عليه و بيدكم القلم لانزال الاسعار
بقيتو زى القذافى اول ما قامت المظاهرات قال و انا ذاتى حا اشارك فيها
|
Post: #14
Title: Re: عاجل .. الوزيره تتغدي عدس.
Author: Abobakr Shadad
Date: 09-20-2011, 10:45 PM
Parent: #13
Quote: Quote: الايام دي كلنا شغالين عدس ...
|
:D:
.
|
Post: #15
Title: Re: عاجل .. الوزيره تتغدي عدس.
Author: محمد قسم الله محمد
Date: 09-23-2011, 11:41 AM
Parent: #12
Quote: كانت بتاكل سمك وبيض وكبدة في الفطور وفراخ ولحوم وكسترد في الغداء وبيض ولحوم وطحنية وباسطة في العشاء
ولبن في كل الوجبات ويوم الإتنين إسبيشال دينار
والله علي ما أقول شهيد
مش كانت طالبة في كلية الآداب جامعة الخرطوم وساكنة داخلية الطالبات قبل 1989
دا كان أكل طلاب جامعة الخرطوم في ذلك الزمن وكمان بلاش من جيب دافع الضرائب السوداني |
لينا الله وعِيشة السوق..
جينا جامعة الخرطوم وما لقينا غير البوش والفاصوليا ولقينا البركس بواقي بركس..
سألوا رجلاً عجوزاً يزرع شجرة نخيل :
- لماذا تزرع شجرة النخيل وأنت شيخ فاني ؟
قال :
زرعوا فأكلنا ونزرع فيأكلون .
فتأمّل ..
العجوز يزرع لأجل الأجيال القادمه..
وهؤلاء المسئولون الحكوميون إستمتعوا بخيرات أرساها الجيل الأول ثم جاء هؤلاء العنابسه فقطعوها عن الأجيال اللاحقه ..
ثم يتضامنون من بعد بأكل العدس.
ولله في خلقه حاجات .. أو كما قال عادل إمام.
|
Post: #16
Title: Re: عاجل .. الوزيره تتغدي عدس.
Author: حاتم محمد حاج المهدي
Date: 09-23-2011, 11:49 AM
Parent: #15
بتكون متقريفه للعدس وليها زمن ما أكلتو..
قامت قالت شنو: أضرب عصفورين بحجر، آكل عدس وإتضامن مع الفارات ويادار مادخلك شر!
كان الله في عون الفارات..
تحياتي محمد قسم الله
|
Post: #17
Title: Re: عاجل .. الوزيره تتغدي عدس.
Author: خالد المحرب
Date: 09-23-2011, 12:07 PM
Parent: #16
Quote: طيب هنالك آلاف السودانيين مقاطعين اللحوم حتي قبل الحمله ..
أيام وشهور .. مش تلاته يوم ..
الطريفي ود جبر الدار .. برضو مقاطع .. أمبارح متغدي سخينه .. سخينة بصله ودكوه .. وما جابوهو في الأخبار زي الوزيره ..
ده كلام ؟؟!!!!!!!!!!!!! |
نعم اتفق معك تماما وسبب مداخلتى لا اريد ان اتطرق للوزيره فهى اختنا وبتنا وبت عمنا يعنى سودانيه
ولكن لفت انتباهى كلامك الفوق دا .. والذين يكتبون بانهم اكلو فول وعدس ######ينه
نحن بنقول لهم لا تضحكوا على عقول الشعب السودانى فهو يعلم جيدا من الذى ينوم باخبار التاسعه
من زمان .. هكذا حكمت عليه الاقدار ان يقاطع المطايب اما الصحف التى تكتب وتلمع الذين فطروا شنو
وتغدوا بى شنو انا فى راى قروا اعلام لكن مارسوه فى غير محله
|
Post: #18
Title: Re: عاجل .. الوزيره تتغدي عدس.
Author: PLAYER
Date: 09-23-2011, 01:46 PM
Parent: #17
| Quote: الوزيره تتغدي عدس. |
حكمة اليوم
عدس ناس الحكومة أحلي من لحمة الغلابة
|
Post: #19
Title: Re: عاجل .. الوزيره تتغدي عدس.
Author: Mahjob Abdalla
Date: 09-23-2011, 02:17 PM
Parent: #17
ايام انفلونزا الخنازير (Swine Flu) في هذا البلد الذي نقيم فيه قام المسئولون الحكوميون بحملات لتطمين المواطنين حول سلامة اكل اللحوم بعد ظهور المرض في بعض اجزاء العالم. فكان ان قام وزير الزراعة و رئيس الوزراء بحضور مناسبات الـــ (BBQ) و تناولها علي شاشات التلفزيون.
فقط وددت ان اقارب اوجه الشبه بين الحالتين. في حالتنا هذه هناك مرض يسير برجليه و ربما يصيب البعض بمجرد اكل اللحوم و في حالتنا السودانية ربما هناك شئ ما قد يسببه العدس و لذلك لابد اللوزيرة ان تطمئن الشعب بأن العدس صالح للاكل و لن يسبب اي مضاعفات جانبية. و كان لابد للوزيرة انا تأكله علي شاشات التلفزيون حتي يصدقها الشعب.
|
Post: #20
Title: Re: عاجل .. الوزيره تتغدي عدس.
Author: حسن محمود
Date: 09-23-2011, 04:46 PM
Parent: #19
اجمل تعليق ساخر حول الموضوع قرأته للاستاذ/ الطاهر ساتي
حيث سمى امثال الوزيرة بأبطال غزوة ذات اللحوم
Quote:
يا للاسف، سناء حمد - بجلالة قدرها - تأكل العدس لتشارك البؤساء في حملة المقاطعة ؟..وكذلك وزير الزراعة؟، ثم وزير الضمان الاجتماعي ؟.. يا للهول.. لا يا أختاه ويا سادتنا الشرفاء، فهذا لايليق بمقامكم السامي، ولانرضاه لكم، فمثلكم يجب ألا يكون بائسا كما المواطن، ولا يجب عليه أن يتشبه به ولو ( ثلاثة أيام).. فالعدس زرع خصيصا للبؤساء، فدعوهم في بؤسهم، بل هناك من هم أكثر بؤسا بحيث لايجدون غير العدم حين يضن عليهم حتى العدس..دعوهم في عدمهم وعدسهم، وعودوا وإستمتعوا بما لذ وطاب من طيبات سلطتكم أيها الأمراء والأميرات، ثم أشكروا التيار التي وضعتكم في (قائمة الشرف ) .. نعم، هؤلاء- وآخرين وعدت التيار بنشر أسماءهم يوميا - هم البعض المسمى بالشرفاء الذين يقاطعون اللحوم هذه الأيام أيها الأفاضل، تضامنا مع الشعب السوداني الفضل والمقاطع لكل غاياته وطموحاته بالفطرة والإكراه..نعم صار شرفا أن يقاطع سادة الحكومة اللحوم، ليس للتبرع بقيمتها لجوعى الصومال، ولكن لعجز رعيتهم عن شرائها.. وليس في الأمر عجب، حيث كل شئ - أو صفة - يسمى في السودان بغير اسمه، ولذلك ليس بمدهش أن يتم تحويل الفشل الإقتصادي - بما فيه من مقاطعة وحصار وإحتجاج شعبي - إلي شرف وعظمة وبطولة..هكذا الوصف الرسمي، وما هؤلاء المجاهرين بموقفهم ذاك إلا جزء من مجالس الوزراء والنواب التي إستلذت حملة المقاطعة وإستهوتها، بل ربما تتمناها بأن تشمل كل السلع والخدمات..وتلك مجالس سادتها لا يعلمون - أو يدعون الجهل - بأن المواطن حين يشهر سلاحا كهذه - مقاطعة ضروريات الحياة - فأنه يريد أن يصرخ بمنتهى الإستياء: ( لقد فشلت سياساتكم عن إحترام إنسانيتنا يا ولاة الأمر) ..!![/QUOTE]
|
Post: #21
Title: Re: عاجل .. الوزيره تتغدي عدس.
Author: محمد قسم الله محمد
Date: 09-23-2011, 11:19 PM
Parent: #19
Quote: ايام انفلونزا الخنازير (Swine Flu) في هذا البلد الذي نقيم فيه قام المسئولون الحكوميون بحملات لتطمين المواطنين حول سلامة اكل اللحوم بعد ظهور المرض في بعض اجزاء العالم. فكان ان قام وزير الزراعة و رئيس الوزراء بحضور مناسبات الـــ (BBQ) و تناولها علي شاشات التلفزيون.
فقط وددت ان اقارب اوجه الشبه بين الحالتين. في حالتنا هذه هناك مرض يسير برجليه و ربما يصيب البعض بمجرد اكل اللحوم و في حالتنا السودانية ربما هناك شئ ما قد يسببه العدس و لذلك لابد اللوزيرة ان تطمئن الشعب بأن العدس صالح للاكل و لن يسبب اي مضاعفات جانبية. و كان لابد للوزيرة انا تأكله علي شاشات التلفزيون حتي يصدقها الشعب. |
إنها الدعائيه يا عزيزي ..
أحدهم ..
كان مسئولاً كبيراً ..
يتناول فطوره في مكتبه سندوتشات فول فقط أمام مرؤوسيه ..
زهد وكده يعني..
في البيت هناك .. عليمك الله ..
|
|
|