Post: #1
Title: اختلاس مبلغ يتجاوز العشرين مليارا من الجنيهات من بنك الخرطوم!
Author: jini
Date: 09-19-2011, 10:29 AM
قيل اربعة وعشرين وقيل اربعة وثلاثين مليارا!
ويقال انه تم إلقاء القبض على احد الجناة فى السعودية!
ادونا النجيضة
جنى
|
Post: #2
Title: Re: اختلاس مبلغ يتجاوز العشرين مليارا من الجنيهات من بنك الخرطوم!
Author: محمد إبراهيم علي
Date: 09-19-2011, 10:43 AM
Parent: #1
زمان حصلت عندنا في الحلة اتنين شفع بيفلعو بالحجار في شارع مدني الخرطوم
قامو كسرو قزاز بص سفري السواق والكمساري نزلو وسكو الاولاد
واحد فيهم (حوري) وكرعيهو مكلوجات و جريهو تعبان قامو قبضوهو وسايقنو معاهم عشان يفتحو بلاغ في مدني ويطالبو اهلو بتمن القزاز
لاقاهم راجل من الحلة اداهم النجيضة
قال (الواد ده الا تربطوهو عاكس لانو اهلو ما عندهم اي حاجة )
بتنفع معاك النجيضة دي لوووووول
|
Post: #3
Title: Re: اختلاس مبلغ يتجاوز العشرين مليارا من الجنيهات من بنك الخرطوم!
Author: jini
Date: 09-19-2011, 10:49 AM
Parent: #2
الإنتربول السعودي يسلم نظيره السوداني متهماً باختلاس 34 ملياراً
سلم الإنتربول السعودي نظيره السوداني متهماً سوداني الجنسية، متورطاً في اختلاس مبلغ مالي من بنك الخرطوم قدر بـ 34 مليار جنيه سوداني.
وذكرت صحيفة الأهرام المصرية أن المتهم وشقيقه -وهو شخصية مشهورة- قاما بسرقة البنك عن طريق التمويل العقاري وقروض شراء العقارات والمباني، وتم القبض على أحدهما، فيما فر الثاني إلى السعودية قبل أن يتم إلقاء القبض عليه فور دخوله للسعودية وتسليمه للسلطات السودانية.
وكان الإنتربول السوداني قد ألقى القبض على المتهم الأول في شهر أغسطس الماضي، وتمكن من ضبط الثاني عقب توارد معلومات تفيد بمحاولته الدخول إلى السعودية مستخدماً جواز سفر مزوراً يخص أحد أقاربه.
هاك النجيضة من قوقل
فضيحة بحالها الخرطوم دبي الرياض القاهرة
السرقة فى الخرطوم ودبي شرية فى البنك والرياض اعتقلت الجاني والقاهرة نشرت الخبر
جني
|
Post: #4
Title: Re: اختلاس مبلغ يتجاوز العشرين مليارا من الجنيهات من بنك الخرطوم!
Author: ندى صالح الطيب
Date: 09-19-2011, 12:59 PM
Parent: #3
| Quote: اختلاس مبلغ يتجاوز العشرين مليارا من الجنيهات من بنك الخرطوم! x |
الاخ جنى لك التحية
انا قنعت من خير في السودان والسودانيين عشان كده بقول احسن البلد دى تدك بى هامش
او غيره عسى ان يخرج سودانيين احسن من الفى ديل .
|
Post: #5
Title: Re: اختلاس مبلغ يتجاوز العشرين مليارا من الجنيهات من بنك الخرطوم!
Author: Fadl Karrar
Date: 09-19-2011, 01:13 PM
Parent: #4
لعلها تلك القصة الشهيرة الحزينة حول مبلغ 34 مليار جنيه
التي مول بها بنك الخرطوم أحد المستثمرين والذي كان يقدم
رهونات عقارية مزورة
|
Post: #6
Title: Re: اختلاس مبلغ يتجاوز العشرين مليارا من الجنيهات من بنك الخرطوم!
Author: علاء الدين صلاح محمد
Date: 09-19-2011, 04:30 PM
Parent: #5
عرفنا من الانتربول ان الحرامي الشاطر نهب هذا الملبغ الخرافي
طيب الناس الكانوا سبب في تبديد هذه المليارت من اموال هذا الشعب الصابر
مشوا وين
يعنى مطاردين من النتربول ؟ من عسعس الحكومة الاسلامية
ام دخلوا حوش المؤتمر الوطني واصبحوا من الامنين
الذين خوف عليهم ولا هم يحزنون
وبعد كلو هذا ياتي من يجادلك عن احتلال حكومة لا لدنيا قد عملنا
الحكومات الاكثر فاسدا في الكون
|
|