شكـــــــــــــــــــــراً انيمبا

مبرررررررررررررررررررررررررررررروك للهلال والاهلة والسودان

من حقنا ان نفرح , شكراً جمهور الهلال .

أفرحي يا برلومة


ألف مبروك

Quote: ألف مبروك

تسلم يا ابا الحسين والله ياأها المحرية فيكم .

والله والله لو كان هذا المريخ لشجعته بنفس القدر .


انه السودان الذي تاهل اليوم وليس الهلال

فلنفرح اليوم ولننم والفرح ملئ عينينا ولكني ارجوكم :



لا نريد ان ينسينا الفرح ان الفرق الثلاثة التي تأهلت فرق جد قوية .

لا اظن ان احد يري ان اداء الهلال كان مقنعاً اليوم , الاخطاء كثيرة ويجب وضعها في الحسبان , نريد تشكيلة متناغمة ومتجانسة للمرحلة المقبلة .


لن نفسد فرحتنا اليوم .

اليوم يوم للفرح .

ولابد ان نتذكر أن نحمد الله .

فالحمدلله لك يارب .

انيمبا احد طرفي النهائي ( وتظل التوقعات لا تفيد في كرة القدم ) ولكن :





فريق كبيـــــــــــــــــــــــر ذلك الانيمبا

Quote: لا اظن ان احد يري ان اداء الهلال كان مقنعاً اليوم , الاخطاء كثيرة ويجب وضعها في الحسبان , نريد تشكيلة متناغمة ومتجانسة للمرحلة المقبلة .

لا ياختي...الأداء كان ممتاز
بس شوية شفقة هجومية كدا
خلت مافي تركيز وتوقيت سليم

كيفنك..؟

Quote: لا ياختي...الأداء كان ممتاز بس شوية شفقة هجومية كدا خلت مافي تركيز وتوقيت سليم

اهلاً عبدالكريم

احترم رايك وكل رأي قد يمر هنا .

Quote: كيفنك..؟

اما عني فنعم الحال والحمدلله

يا رشا
سلامات

تأهُّل مسيخ للـمُربّع الذّهبـي لكبار إفريقيا ، لكنّه طااااااعـم









ألف مـبـروك للأزرق

Quote: يا رشا سلامات تأهُّل مسيخ للـمُربّع الذّهبـي لكبار إفريقيا ، لكنّه طااااااعـم

اهلاً بك الاخ لؤي


الكأس والهلال وكأنه السهل الممتنع , دي اكتر شئ مزعلني يا لؤي . كان ممكن جداً ان يحرز الهلال علي الاقل هدفين اليوم ولكن نقول شنو.

ولكن مبروك لكل السودان تاهل الهلال

اذا سألوني اذا ما كنتي سودانية عايزة تكوني شنو ؟

فوالله الذي لا اله الا هو حاقول سودانية .

رغم الكتاحة والسموم والحر يظل السودان جميلاً بأهله واطيب شعب هو الشعب السوداني .

فاعذروني القراء الاكارم اذا كترت من بوستات الهلال بالمنبر ولكن الهلال هو السودان في هذه المنافسة .

ابو اللول

Quote: يا رشا سلامات تأهُّل مسيخ للـمُربّع الذّهبـي لكبار إفريقيا ، لكنّه طااااااعـم

دي اسمها ( الالم الذيذ ) ياخي انت زول فنان




.
.
مبروك ليك رشا ولكل الهلالاب

تحياتي الاخ وليد


الف مبروك لكم وللسودان , الهلال ضمن اربعة كبار افريقيا .


ودمتم بخير

اختنا رشا ..سلام ..

وارجو الا تنسي اخواننا المغاربة وخاصة الرجاء البيضاوى الذى لعب بفريق الاشبال حتى يساعد اشقاءه الهلالاب لاحراز هدف وعجزوا عن ذلك ....غايتو الرجاء امس ماباقي الا يجيب في نفسه ..

سلامات الاخ فايز

والله يا فايز هذا ما قلته لاخي ليلة امس , انو الرجاء وكأنه يقول للهلال احرز هدف , جد الهلال اضاع اكتر من فرصة لهز الشباك واكتر فرصة مزعلاني هي فرصة من يُسمي هذا اتير توماس , بس انا نزلتا البوست باسم انيمبا لانه في نظري المتواضع انو فريق كبير .


مبروك لكم وللسودان .

رشا سوار الدهب

والله انتي اعقل زول فينا كلنا
فعلاً فريق انيمبا يستاهل الشكر
لأنه لعب الكرة النظيفة
وشكراً ليك رشا
لفتة جد حبيتها شديد

الصادق

بل الشكر كل الشكر لأيطال الهلال الذين أسعدوا تلك الجماهير الكبيرة بأدائهم الرائع وصولاتهم فى الملاعب الافريقية والتى حصدوا منها ثمانية نقاط غالية لم تستطع اعتى الفرق فى هذه المجموعة والمجموعة الاخرى ان تصل اليها وهى المحصلة النهائية التى تعنى بها المنافسات ..
الهلال فريق كبير ويجب ان لا نقلل من انتصاره الكبير بتقديم الشكر الى انيمبا الذى انتزعنا منه نقطة على ارضه قبل ان ينتزع منا الثلاث نقاط فى الخرطوم ..

Quote: والله انتي اعقل زول فينا كلنا فعلاً فريق انيمبا يستاهل الشكر لأنه لعب الكرة النظيفة وشكراً ليك رشا لفتة جد حبيتها شديد

السلام عليكم الاخ الصادق وشكراً علي المرور

والله ولا اعقل منكم ولاشئ , ولكن هذا ما احسست بيه اول ما انتهت المبارتان , ان افتح بوست شكر لانيمبا .

اخي الصادق انا كنت مع من يري ان انيمبا سيفتح الطريق امام القطن فأخطأت في حقه فكان لابد ان اعطيه حقه , ما اعجبني في انيمبا هو ذلك الحماس , انيمبا ضامن للتأهل ومع ذلك لم يكتفي بهدف ولكن هدفين دون رد .

وكمل تفضلت أنت لعب الكرة النظيفة فله منا كل الاحترام .


دمتم بخير الاخ الصادق .

Quote: بل الشكر كل الشكر لأيطال الهلال الذين أسعدوا تلك الجماهير الكبيرة بأدائهم الرائع وصولاتهم فى الملاعب الافريقية والتى حصدوا منها ثمانية نقاط غالية لم تستطع اعتى الفرق فى هذه المجموعة والمجموعة الاخرى ان تصل اليها وهى المحصلة النهائية التى تعنى بها المنافسات .. الهلال فريق كبير ويجب ان لا نقلل من انتصاره الكبير بتقديم الشكر الى انيمبا الذى انتزعنا منه نقطة على ارضه قبل ان ينتزع منا الثلاث نقاط فى الخرطوم ..

السلام عليكم الاخ ناجي .

اولاً مرة اخري مبروك للسودان والهلال

والشكر كل الشكر ايضاً لابطال الهلال كما تفضلت

ورأيك علي عينا ورأسنا كمان

دمتم بخير وتمام العافية

اذن نحن في انتظار الترجي


وبكرة يا يوم بكرة ما تسرع ( يوم المباراة )


التحية لكل جمهور الهلال .

بل صعدنا بمجهودنا يا رشا

وليس بمساعدة احد

كان ممكن الهلال ان يهزم بغض النظر عن نتيجة انيمبا


واري الهلال في ظلال وفي صوت بلابل الدوح

Quote: بل صعدنا بمجهودنا يا رشا

سلامات الاخ خليل

لم اشكر انيمبا ابداً استخفافاً بمجهودات الهلال وذكرت في مداخلة سابقة اخي الكريم اني شكرته لاني اري انه فريق كبير بالنتجة التي وصلت اليه مباراته تلك مع القطن ( 2 / 0 ) .

وذكرت ايضاً في مداخلة سابقة ان انتصار الهلال علي الرجاء بهدفين علي الاقل كان من الممكن جداً لولا سوء الطالع

تمنياتنا الصادقة لفريق الهلال في ملحمته الكروية المقبلة

اسعدني واتحفني مرورك من هنا الاخ خليل

دام الجميع بخير