Post: #1
Title: يا جماعة اخبار دولة الجنوب الفاشلة شنو .؟
Author: زهير الزناتي
Date: 09-18-2011, 03:09 PM
Parent: #0
سمعنا قالوا الحرب مدورة في ثلاثة جبهات ... والرابعة مرشحة للانفجار في اي وقت .... وان ارتفاع رهيب في الاسعار دعا سلفا كير واركان حكومته للتضامن مع المواطنين في مقاطعة البضائع مرتفعة الاسعار .... وان الحقائب الوزاربة التي خلت بعد الانفصال لم تملا حتي الآن لان مفاوضات الحركة الشعبية مع القوي السياسية الجنوبية لم تثمر حتي الآن عن مشاركة هذه القوي في الحكم ... و و و الخ من اخبار الفشل التي تنبا به اهل الشمال ....
|
Post: #2
Title: Re: يا جماعة اخبار دولة الجنوب الفاشلة شنو .؟
Author: زهير الزناتي
Date: 09-18-2011, 03:14 PM
Parent: #1
اللهم لا شماتة
|
Post: #3
Title: Re: يا جماعة اخبار دولة الجنوب الفاشلة شنو .؟
Author: Deng
Date: 09-18-2011, 03:18 PM
Parent: #2
الأخ زهير.
أخر خبر هو أن الرئيس سلفا كير أبتعث محافظ بنك جنوب السودان لكي يستدين أربعة بلايين دولارات لأن الخزائن فارغة ولا توجد سيولة وعملة صعبة بالبنوك.
|
Post: #4
Title: Re: يا جماعة اخبار دولة الجنوب الفاشلة شنو .؟
Author: زهير الزناتي
Date: 09-18-2011, 03:24 PM
Parent: #3
اوعي يكون من دول الخليج الزمان شتموهم
|
Post: #5
Title: Re: يا جماعة اخبار دولة الجنوب الفاشلة شنو .؟
Author: زهير الزناتي
Date: 09-18-2011, 03:44 PM
Parent: #4
يا دينق بالله ورينا اخبار الحروب الاهلية شنو هناك .... وهل صحيح ان رئيس الوزراء الكيني قد زار الجنوب مرتين في اقل من شهر لاجل التوسط لنزع فتيل الحروب الدائرة هناك ...؟؟؟
|
Post: #6
Title: Re: يا جماعة اخبار دولة الجنوب الفاشلة شنو .؟
Author: Sabri Elshareef
Date: 09-18-2011, 03:54 PM
Parent: #5
رايت انها غير صحيحة مداخلتي
اعتذر لزهير والقراء
|
Post: #7
Title: Re: يا جماعة اخبار دولة الجنوب الفاشلة شنو .؟
Author: عبدالكريم الامين احمد
Date: 09-18-2011, 04:02 PM
Parent: #6
هلا يا زهير والجميع..
جنوب السودان خامج السوق خمج
والعين باردة
فالاخبار اوردت بان شركات النفط الامريكية بتسخن عشان تخش الملعب
ولمن شركات النفط الامريكية تخش حتة
اي صيني عيونو صغااار بطلع شجرتو
|
Post: #9
Title: Re: يا جماعة اخبار دولة الجنوب الفاشلة شنو .؟
Author: زهير الزناتي
Date: 09-18-2011, 04:11 PM
Parent: #7
والله يا صبري الشريف ما عارف اقول ليك شنو .... بس النبي فيك كما قريت كلامي تاني ....
|
Post: #8
Title: Re: يا جماعة اخبار دولة الجنوب الفاشلة شنو .؟
Author: قيقراوي
Date: 09-18-2011, 04:10 PM
Parent: #6
صبري الشريف حالة كونه جنوبي اكتر من دينق همسلف!!
-----
يا صبري ياخ اقرأ
|
Post: #10
Title: Re: يا جماعة اخبار دولة الجنوب الفاشلة شنو .؟
Author: Sabri Elshareef
Date: 09-18-2011, 04:23 PM
Parent: #8
زهير معليش
قريت تاني وعرفت شكرا للتبيان
تعرف الهجوم علي البلاد التانية او او نطرق موضوعا للديمقراطية يقول لك اخر
هي وينها الديمقراطية في البلد داك وداك
معليش عزيزي
ان اردت ان اسحب مداخلتي لفعلت او تركتها علي كيفك
|
Post: #11
Title: Re: يا جماعة اخبار دولة الجنوب الفاشلة شنو .؟
Author: محمد إبراهيم علي
Date: 09-18-2011, 06:50 PM
Parent: #10
فشل ذريع لوووول
Quote: داول مجالس المدينة أصداء صفقة مصانع حجار للتبغ، وترجع إليها ارتفاع أسعار السجاير الكبيرة التي يلحظها المدخنون، وتقول أن أنيس حجار باع شركته لمستثمرين «ألمان» ثم هاجر بصناعته جنوباً، لتطوير مصانعه القديمة التي تنتج العلامة التجارية «تسكر» والعلامة «برنجي».
بل وأكثر فإن مجالس المدينة تقول أن عدد من كبار المستثمرين نقلوا أعمالهم المهمة والكبيرة إلى الجنوب، وإلى بلدان أخرى بسبب «مضايقات» زعموا أنهم يواجهونها في الشمال.
والمثير في الأمر أن حكومة جنوب السودان يقال إنها تقدم إغراءات مثيرة للمال الشمالي ليذهب إلى هناك..!
قد يفسر بعض «عرابي الشمال» الأمر بأنه حرب اقتصادية تقودها حكومة جنوب السودان ضد الشمال، لكن الراسخون في العلم يقولون أن «جماعتنا سووها وحرقتهم نارها»..! |
|
Post: #12
Title: Re: يا جماعة اخبار دولة الجنوب الفاشلة شنو .؟
Author: سيف النصر محي الدين
Date: 09-18-2011, 07:20 PM
Parent: #11
يا ابو الزهور كمان قالوا في واحد اسمو دينق غريبة هناك
شغال شغل شديد في حملة مقاطعة أغنياء الجنوب للحمةLOL .
|
Post: #13
Title: Re: يا جماعة اخبار دولة الجنوب الفاشلة شنو .؟
Author: Siham Elmugammar
Date: 09-18-2011, 08:10 PM
Parent: #11
الاخ زهير سلامات
يا كيكى
Quote: ولمن شركات النفط الامريكية تخش حتة
اي صيني عيونو صغااار بطلع شجرتو |
فى مقولة تنقل عن نابليون انه قالو عن الصين
"هذا تنين نائم فلا توقظوه" (والله اعلم بصدقها)
دحين افوووووو نحن ناس السودان ديل ايقظناها ودخلناهو جوه بطنا دى
يعنى هسه فى الخرطوم اى صحن صينى تحتو صينى بشحمو ولحمو
اها وييين ليك؟؟؟
|
Post: #14
Title: Re: يا جماعة اخبار دولة الجنوب الفاشلة شنو .؟
Author: Deng
Date: 09-18-2011, 08:23 PM
Parent: #13
Quote: يا ابو الزهور كمان قالوا في واحد اسمو دينق غريبة هناك
شغال شغل شديد في حملة مقاطعة أغنياء الجنوب للحمةLOL . |
هههههههه
دي قوية دي يا سيف.
|
Post: #15
Title: Re: يا جماعة اخبار دولة الجنوب الفاشلة شنو .؟
Author: زهير الزناتي
Date: 09-18-2011, 09:25 PM
Parent: #14
يا كيكي والله اتصلت بالجماعة في جوبا و قالوا المطرة اربعة وعشرين ساعة والموية ساااااااقطة
|
Post: #16
Title: Re: يا جماعة اخبار دولة الجنوب الفاشلة شنو .؟
Author: Nazik Eltayeb
Date: 09-18-2011, 09:58 PM
Parent: #15
Thanks alot
I like this post so much
|
Post: #17
Title: Re: يا جماعة اخبار دولة الجنوب الفاشلة شنو .؟
Author: زهير الزناتي
Date: 09-18-2011, 10:21 PM
Parent: #16
يا صبري يا اخوي مافي مشكلة ...... خلي العدة زي ما هي .... كنت عايز اقول ليك شفقتك زي شفقة ناس المؤتمر الوطني خفتك تزعل ...... ويا زول ما بيناتنا .... اصلا البوست للخستكة والترويح .....
|
Post: #18
Title: Re: يا جماعة اخبار دولة الجنوب الفاشلة شنو .؟
Author: زهير الزناتي
Date: 09-18-2011, 10:23 PM
Parent: #16
يا محمد ابراهيم جماعتنا ديل بعد شوية حا يلقوا روحهم في السهلة .... ولغاية يوم الليلة جرايدهم بتتكلم عن فشل دولة الجنوب والحروب القبلية المتوقعة .... ومش عارف شنو ... وصحي الجمل ما بيشوف عوجة رقبته ... اها الشغله بقت ليهم في تولا
|
Post: #20
Title: Re: يا جماعة اخبار دولة الجنوب الفاشلة شنو .؟
Author: زهير الزناتي
Date: 09-18-2011, 10:31 PM
Parent: #18
يا بت المجمر سلامات ...... يمين الناس ديل لو ما الصينين كان زمان سفوا الجرتقة ...... بس نسوي شنو مع الزملاء الصينين ديل محل شافوا دولار هم وراهو ....
|
Post: #19
Title: Re: يا جماعة اخبار دولة الجنوب الفاشلة شنو .؟
Author: زهير الزناتي
Date: 09-18-2011, 10:28 PM
Parent: #14
يا دكترة سلامات ... يعني نختف رجلتا لثاوث سودانيزاونلاين ونشوف النسخ التانية ولا شنو ... تعرف الليلة في اخبار العاشرة بتلفزيون دولتنا المافاشلة جابو خبر مفاوضات بين وزير دفاعنا المافاشل ووفده مع وزير دفاع دولة الجنوب الفاشلة ... ما عارف الزول ده لمن اتكلم طوالي اتذكرت دفاع الهلال الفاشل ومباراة الترجي اول اكتوبر ... لمن جاتني لفة راس ... الله يجازي محنه ياخي ..... بس بيني وبينك كان قاشر قشرة رهيبة بس خربها باللغجي .....
|
Post: #21
Title: Re: يا جماعة اخبار دولة الجنوب الفاشلة شنو .؟
Author: الفاتح سليمان
Date: 09-18-2011, 10:49 PM
Parent: #19
|
Post: #22
Title: Re: يا جماعة اخبار دولة الجنوب الفاشلة شنو .؟
Author: حاتم الياس
Date: 09-18-2011, 11:24 PM
Parent: #21
فردوس عبدالحميد...مثلاً
|
Post: #23
Title: Re: يا جماعة اخبار دولة الجنوب الفاشلة شنو .؟
Author: عادل نجيلة
Date: 09-18-2011, 11:37 PM
Parent: #21
Quote: e: ولمن شركات النفط الامريكية تخش حتة
اي صيني عيونو صغااار بطلع شجرتو |
المناطق التي منحت للشركات الأمريكية Exxon @ Mobile oil غير المناطق التي يعمل بها الصينيون ,, دولة جنوب السودان ستكون هي الأولى في العالم التي تفتح لإستثمارات بترولية صينية وأمريكية وربما دول أخرى في الطريق مثل انجلترا والنرويج,, بالمناسبة يا زهير أكبر سوق عمالة وإستثمار في إفريقيا سيكون في جمهورية جنوب السودان .. إنتو أقعدوا لي مقاطعة الطماطم .. أمشي يازول شيل كمرتك وكمبيوترك وأدقش رمبيك ,,, تحياتي للجميع.
|
Post: #24
Title: Re: يا جماعة اخبار دولة الجنوب الفاشلة شنو .؟
Author: عادل نجيلة
Date: 09-18-2011, 11:59 PM
Parent: #23
وأزيدك خبر مبالغة .. 3 أشقاء من الصومال مقيمون في أريزونا ولهم شركة تاكسي قرروا بيع شركتهم واللحاق بعمهم في جوبا و مشاركته في توسيع الفندق
الذي يمتلكه .. صديق لي سافر من أريزونا لجوبا حاملا معه 12 لاب توب ماركة hp
عاد بعد إسبوعين وذكر لي أنه باعها في يوم واحد وقبض سعرها دولار كاش وعاد بقائمة مشتريات من نفس الجهة للمزيد من اللاب توبس والإلكترونيك ديفايسز ..
أحدهم أدخل فورد ماركة 350 جاز super duty ذكر لي بأنه تم بيعه في ممبسا قبل أن يشحنه للجنوب .. والجهة أرادت المزيد منه! والله يا زهير جنس فشل ..!
|
Post: #25
Title: Re: يا جماعة اخبار دولة الجنوب الفاشلة شنو .؟
Author: Abureesh
Date: 09-19-2011, 01:06 AM
Parent: #24
الأخ زهير،
رغم الأسلوب الغير مباشـر دا والمدح فى صورة ذم مرات يضيعنى، لكن اخونا صبرى أخد فينى الأجـر، فقلنا
نخمس بوستك دا..
بس تعال يا أجنبى إنت الدخلك فى شئون الجنوب شنو؟
بعدين بالأسلوب المباشـر..
حكومـة الجنوب أوعى من كل الحكومات.. وهم لن يضعوا شعبهم فى طريق الأفيال، وأمريكا والصين ليستا
عدوتان مثلما كانت امريكا والسوفييت.. بل متعاونتان وتعملان معا فى كل الأصعـدة، بدءا من الأمم المتحدة،
وكل واحدة محتاجـة للثانى.. شركاء فى جميع المجالات. وبالمناسبـة أسهـم الشركات الصينية العاملة فى السودان
تباع وتشترى فى برصـة نيويورك، يعنى من المالكين فى النهاية أمريكان، وسحابة الوليد بن معاوية الصينية
تمطـر فى أمريكا.
يقينى ان جنوب السـودان سوف يضرب المثل كأنجح دولة افريقيـة، و سيبقـر منه ويقتدى به الشمال فى النهاية،
وقد تكون وحدة على اساس فدرالى او كونفدرالى، أو على النمط الأوروبى بتحرير الإقتصاد وتوحيد العملة كمرحلة
اولى..
.
|
Post: #26
Title: Re: يا جماعة اخبار دولة الجنوب الفاشلة شنو .؟
Author: عمر صديق
Date: 09-19-2011, 01:14 AM
Parent: #24
زهير
سلامات
وروق المنقة وياماتشوف فشل
|
Post: #28
Title: Re: يا جماعة اخبار دولة الجنوب الفاشلة شنو .؟
Author: Mohamad Shamseldin
Date: 09-19-2011, 02:43 AM
Parent: #26
الاخ زهير .. سلام و تحيه
ﻻ تفرح يا صديقي و بدون مجاملات دوله الجنوب ستكون فاشله و نص و خمسه....
.... دعك من كلام المكايدات السياسيه بين الكيزان و الحركه الشعبيه
و لذلك سنقول لك بمل فمنا "نحن و الكاشف أخونا" كما قالت الفلاتيه
جنوب السودان بلد من قوله "تيت" (و احتمال قبل قوله تيت ذاتها)دورت في الفساد و اليك الامثله:
1- الحكومه الامريكيه لها قائمه ب ال 13 شخص الاكثر فسادا في الجنوب
و لنسمهم الشياطين ال 13. و لنتحدي أنا و أنت و كل ناس المنبر ده و المنابر المجاوره ..نتحدي ناس الحركه الشعبيه و حكومه الجنوب أن يقومو بالكشف عنهم و محاسبتهم
و سلفاكير و ريك مشار عاملين أضان الحامل طرشا و حتي د. باولينا رياك (الزول المفروض يتكلم عن .. الفساد) عمل أضان الحامل طرشا ..في تقريره عن الفساد.. يعني فساد و تستر عليه كمان
http://www.sudaneseonline.com/Who-are-the-13-mo...-corrupt-South,40182
2- أراضي الجنوب يتم بيعها شمال ويمين و تصور أن شركه من تكساس قامت بايجار600 الف هكتار ب
25 الف دوﻻر فقط ل 75 سنه
... و في دراسه لهذا المعهد قام بفضح هذه المعاملات .
www.oaklandinstitute.org
معاملات مثل هذه تظهر الكيزان كقديسين
و أيضا حادثه رشاوي شركه بنجوين الانجليزيه للكتب...
و كل ما ذكرت اعلاه هو الفساد و هو من الاسباب الرئيسيه لفشل الدول.. ناهيك عن أشياء أخري يساهم فيها وضع الجنوب و موقعه الجغرافي و مستوي أنسانه في التعليم و فهم الانسان للدوله و لسلطتها و فهم و ممارسه الدوله و الشعب للحريات...
فيا أخي خليها في سرك
دعنا نتناقش أيهما أكثر فسادا و فشلا دوله الجنوب أم الشمال... أما فشل الاثنين و فسادهما
فلا يحتاج لنقاش...
|
Post: #29
Title: Re: يا جماعة اخبار دولة الجنوب الفاشلة شنو .؟
Author: عبدالكريم الامين احمد
Date: 09-19-2011, 05:44 AM
Parent: #13
Quote: فى مقولة تنقل عن نابليون انه قالو عن الصين
"هذا تنين نائم فلا توقظوه" (والله اعلم بصدقها)
دحين افوووووو نحن ناس السودان ديل ايقظناها ودخلناهو جوه بطنا دى
يعنى هسه فى الخرطوم اى صحن صينى تحتو صينى بشحمو ولحمو
اها وييين ليك؟؟؟ |
هلا يا بيير ويا صباحات دولة الجنوب الوليدة
والواحد خائف يرجع السودان ويجي حائم في ردهات السوق العربي ويلقي صينين ماليين البرندات ديك
ويسال يقولو ليهو ديل صينين عطالة ما لاقيين شغل ومتكلين في برندات السوق العربي..لانو الناس ديل يااخ
كابسو الشعب الفضل ده في اي حاجة وما فضل ليهم الا يكابسو جيوش العطالة السودانين في مجالسهم الكسولة في برندات السوق العربي..
|
Post: #30
Title: Re: يا جماعة اخبار دولة الجنوب الفاشلة شنو .؟
Author: عبدالكريم الامين احمد
Date: 09-19-2011, 06:10 AM
Parent: #29
| Quote: المناطق التي منحت للشركات الأمريكية Exxon @ Mobile oil غير المناطق التي يعمل بها الصينيون ,, دولة جنوب السودان ستكون هي الأولى في العالم التي تفتح لإستثمارات بترولية صينية وأمريكية |
هلا يا نجيلة وتحياتي ياااخ
وبالتاكيد المناطق التي ستمنح للشركات الامريكية ستكون مناطق جديدة لللتنقيب والاستكشاف
وحتي قطر ستنضم الي مجموعة توتال للعمل وعبر قطر للبترول في جنوب السودان...
في قطر يا نجيلة هنالك استثمارات صينية وامريكية في في مجالات الطاقة وتحديدا (الغاز)
وبالتاكيد التنافس الامريكي الصيني في مجالات البترول والغاز محتدم وكلا ياتي بمميزاته التي يحاول ان يتفرد بها
وياخد اكبر قدر من المكاسب..
|
Post: #31
Title: Re: يا جماعة اخبار دولة الجنوب الفاشلة شنو .؟
Author: موسي الراجل
Date: 09-19-2011, 09:03 AM
Parent: #30
زهير و الجميع سلام
قابلنى فى ود دكونه عشان اوريك النجيضه
تتكلموا ساكت قايلين بكره ما بجى
صعبت عليها بنايه بيتها مشت تطارد الشنه كده
|
Post: #32
Title: Re: يا جماعة اخبار دولة الجنوب الفاشلة شنو .؟
Author: نورالدين بابكر بدري
Date: 09-19-2011, 11:13 AM
Parent: #31
يا زهير أزيك
ياخي عندنا رواب هناك - الله يخليك نشط الموضوع
خلينانخبز العجناهو قبل سنين داك
عندي قطعة أرض كبييييييرة في جوبا
|
Post: #34
Title: Re: يا جماعة اخبار دولة الجنوب الفاشلة شنو .؟
Author: Munir
Date: 09-19-2011, 05:09 PM
Parent: #33
الأخ زهير .. بوست ذكي لكنه متسرِّع ..
إنت أخبار المجازر المئوية الحاصلة هناك دي ما وصلتك؟؟ ..
لو كان في وكت كان الواحد ردمك أخبار لامن تقول بس ..
|
Post: #35
Title: Re: يا جماعة اخبار دولة الجنوب الفاشلة شنو .؟
Author: Hatim Gubara
Date: 09-19-2011, 05:40 PM
Parent: #34
زهير.. بكره ياما نسمع..
كيلو اللحمه عندكم يبقى بي 35 جنيه..
والشياطين ال13 يبقوا مليون ونص زي عضويه المؤتمر الوطني..
وأوعكم تجوا تقولوا لينا وصلوا لينا البترول دا..
خلي إكسون وموبيل ينفعوكم..
طلعت الرقم الوطني والا لسع؟
|
Post: #36
Title: Re: يا جماعة اخبار دولة الجنوب الفاشلة شنو .؟
Author: Dr. Ahmed Amin
Date: 09-19-2011, 06:21 PM
Parent: #35
| Quote: والشياطين ال13 يبقوا مليون ونص زي عضويه المؤتمر الوطني.. |
حاتم جبارة..
تحياتي يا دوك .. وسلام مربع للشباب بطرفك ..
يا زهير .. والله بتبالغ يااااخ ..هو الجنوب فشل فشل نصاح؟
ياخي قالوا الطماطم عندهم أغلى من كذا كيلو تفاح .. تصدق ؟
|
Post: #37
Title: Re: يا جماعة اخبار دولة الجنوب الفاشلة شنو .؟
Author: jini
Date: 09-19-2011, 09:18 PM
Parent: #36
بين شماتة فى الشمال وشماتة فى الجنوب يا قلبيلا تحزن!
ابشروا بطولتين فاشلتين!
375 الف برميل!
هل تكفى 79 وزير ونائب وزير ومنسوبي السفارات الخارجيةوالجيش العرمرم وجيوش الموظفين!
ماذا بقى للامن والتعليم والصحة والتنمية!
الحمدلله تم فتح مسارات بين الدولتين تساهم فى كربة ضحايا الدولتين!
جني
|
Post: #38
Title: Re: يا جماعة اخبار دولة الجنوب الفاشلة شنو .؟
Author: سيف اليزل الماحي
Date: 09-20-2011, 11:37 AM
Parent: #37
.
قالوا زمان لمن استقلت اريتريا،
سافر الشاعر الكبير كجراي اليها وهو يقول: الأفضل أن أساهم في بناء دولة من الصفر،
بدلا من أضيع ما تبقى من عمري في إنتظار صلاح دولة السودان!
وفعلا ذهب الشاعر الكبير ملتحقا بوزارة التربية والتعليم هناك،
لكن وعكه صحية أعادته لأهله في السودان، حتى رحيله الفادح الكبير،
فارق الدنيا الفانية .. ولم يشهد نهضة الدولة الجديدة، ولم يرى صلاحا في دولة السودان
رحمه الله
.
|
Post: #39
Title: Re: يا جماعة اخبار دولة الجنوب الفاشلة شنو .؟
Author: سيف اليزل الماحي
Date: 09-20-2011, 11:38 AM
Parent: #37
.
قالوا زمان لمن استقلت اريتريا،
سافر الشاعر الكبير كجراي اليها وهو يقول: الأفضل أن أساهم في بناء دولة من الصفر،
بدلا من أضيع ما تبقى من عمري في إنتظار صلاح دولة السودان!
وفعلا ذهب الشاعر الكبير ملتحقا بوزارة التربية والتعليم هناك،
لكن وعكه صحية أعادته لأهله في السودان، حتى رحيله الفادح الكبير،
فارق الدنيا الفانية .. ولم يشهد نهضة الدولة الجديدة، ولم يرى صلاحا في دولة السودان
رحمه الله
.
|
Post: #40
Title: Re: يا جماعة اخبار دولة الجنوب الفاشلة شنو .؟
Author: زياد جعفر عبدالله
Date: 09-20-2011, 12:42 PM
Parent: #39
للاسف يا زهير
من الاخبار المقروءة و المسموعة...دولة الشمال تتدحرج نحو القاع بسرعة تدهش حتى أكثر الناس تشائماً...
المحبط و المؤلم أنه لا يوجد بصيص ضوء في نهاية النفق...لا موارد بترولية ولا زراعة ولا صناعة..ولا ثروة بشرية...ليست هنالك مقومات نهوض البتة!
هذا طبعاً مع أغفال الحديث عن الادارة السياسية الفاشلة ...التي تجيد الصراخ و الزعيق و لا تأتي بحلول سياسية لا تنطوي على رشوة أو استحداث منصب وهمي!!!!
بل أني أرى أنه حتى لو تغيرت حكومة البلد..فأنه سيكون هنالك تحدي حقيقي و كبير للأدارة الجديدة...و التي لن تنجح الا بعد مرور زمن و بعد عمل شاق..هذا بأفتراض أن الادارة الجديدة ستكون وطنية و نزيهة!!
أتمنى من كل قلبي أن أكون مخطئاً!!
...
أما دولة الجنوب فجميع مقومات النجاح موجودة لها - أقلاه على مستوى الموارد. كل ما يلزم هو أدارة حكيمة و عمل دؤوب ..و سيجد الشماليون أنفسهم يصطفون لطلب تأشيرة للعمل بالجنوب في المستقبل.
|
Post: #41
Title: Re: يا جماعة اخبار دولة الجنوب الفاشلة شنو .؟
Author: Mohamad Shamseldin
Date: 09-25-2011, 02:04 PM
Parent: #40
تقرير للامم المتحده نشر أول أمس 23 سبتمبر 2011:
ألامم المتحده تقول أن عدد القتلي في الجنوب هذه السنه منذ يناير 3000 شخص و النازحين 300 الف .. و ذلك من 410 نزاع قبلي أو فيه مليشيات مسلحه...
هذا العدد هو 3 أضعاف من ماتو العام السابق كله
http://www.africareview.com/News/South+Sudan+...gpwycdz/-/index.html
|
Post: #42
Title: Re: يا جماعة اخبار دولة الجنوب الفاشلة شنو .؟
Author: Mohamad Shamseldin
Date: 09-25-2011, 02:40 PM
Parent: #41
بتاريخ 23 سبتمبر 2011
| Quote: جوبا (رويترز) - قالت الامم المتحدة ان جنوب السودان يواجه نقصا حادا في الغذاء لان الدولة الافريقية الجديدة ستنتج أقل من نصف الغذاء الذي تحتاجه لاطعام سكانها هذا العام وذلك بسب الامطار الغزيرة والعنف المنتشر على نطاق واسع |
http://ara.reuters.com/article/topNews/idARACAE78M0NU20110923
|
|