Post: #1
Title: قضيت 20 يوماّ فى جهنم وخرجت منه أكثر كفراّ
Author: قرشى محمد عبدون
Date: 09-17-2011, 03:36 AM
قضيت 20 يوماّ فى جهنم وخرجت منها أكثر كفراّ..تعديل للعنوان
عدت ادراجى قبل عدة ايام وليتنى لم اذهب
جهنم السودان..الحال اسوأ ..ويثير الغثيان ..
والحال مايل والمشاهد مربكة ومنقلبة
الغبش اذدادوا غبشا والسلاطين اذدادو سلطة
ناس بيفطروا مطاعم فاخرة بمية وخمسين جنيه وناس كراع
فى خور المياه الراكدة واياديها فى طوة الطعمية
الساخنة على حافة شوارع الاسفلت..
البؤس يسير بين المسحوقين بعضلات مفتولة
..غبارثقيل واكياس البلاستيك المتطايرة تسد مد البصر ..
الايادى الممدودة فى حسرة اكثر من الايادى
التى تنفق..داخل البص صبى دون العاشرة حاول
ادخال يده فى جيبى فنظرت اليه ثم إبتسمت له فى إشفاق
ومحنة وبعده احسست جسده يتمدد فى الكرسى ليجلس بإرتياح
ولوكان هناك متسع من الوقت لمددت له بعض الجنيهات..
نساء كالحات نحيلات مع اطفالهن الرضع
يجبن الشوارع بلا طائل بحثا عن لقمة العيش..
.اطفال قُصّر يرمقونك بنظرات
التوسل والاستجداء واحيانا الاستفهام !!!!؟؟ مناظر كئيبة اكثر مما كان عليه
وتنفطر لها القلوب.. عجزة ومسنين فى الجوامع والطرقات فى عز الهجير يتسولون ..
عربات الامجاد و التكاسى المتهالكة تسير فى فوضى عارمة فى شوارع سريعة
وبالمقابل مطاعم فاخرة وعربات من طراز ات حديثة
تجوب شوارع العاصمة وبنايات شاهقة وناهدة فى كل مكان..
نفس المشاكل والنزاعات فى الشارع بين الشرطة
ومرافيد الجيش الذين يعملون بمركبات الاجرة
(يازول معاك زميل -فلان الفلانى م شرطة -والقصة تنتهى ب يازول خير)
الهوة اتسعت بطريقة مخيفة بين الفقراء والاغنياء ..
موظف المطار لايعرف سعر الفرق بين الدولار واليورو
والمطار دا قصتوطويلة جدا ..
اذا كان هذا هو الحال فقط انتظرواوصبروا
قليلا وسترون العجائب ..الذى يحدث فى جهنمنا
هناك اكبر من ان اوصفه ببضع كلمات..ولا يستحق حتى عناء الاعلام..
بإختصار عدت من هناك اكثر كفرا بهذا الوطن المسمى بالسودان
الله غالب
|
Post: #2
Title: Re: قضيت 20 يوماّ فى جهنم وخرجت منه أكثر كفراّ
Author: النصرى أمين
Date: 09-17-2011, 04:09 AM
Parent: #1
يا زول حمدلله على سلامة شوفة الاهل والاحباب
|
Post: #3
Title: Re: قضيت 20 يوماّ فى جهنم وخرجت منه أكثر كفراّ
Author: قرشى محمد عبدون
Date: 09-17-2011, 04:17 AM
Parent: #2
الذى آالمنى اكثر ليست تلك المناظرالتى شاهدتها بل أحاديث الناس
الذين كنت اعرف عنهم اراء معتدله بدأؤا يقولون "الجنوبين قنا مشوا
العبيد ديل عايزين مننا شنو" كلمات بسيطة تنسف حتى ايمانهم بالله وعقيدتهم
وطبعا يقصدون اهل كردفان والنيل الازرق
حينه تيقنت اكثر ان من اصعب الاشياء فى هذه الدنيا ان تحاول محاورة
الاشخاص السوقيين وعديمى الثقافة وايصال المعلومة لهم
وهؤلاء يا اخوتى كانوا يشكون
جور الانقاذ ليل نهار بالامس القريب.. ماذا حدث وماذا فعلت بهم اله
الانقاذ الاعلامية لا اعلم...حسرة وألم
|
Post: #4
Title: Re: قضيت 20 يوماّ فى جهنم وخرجت منه أكثر كفراّ
Author: قرشى محمد عبدون
Date: 09-17-2011, 04:19 AM
Parent: #2
لك التحية والتقدير أخ النصرى امين
له الحمد والشكر
|
Post: #5
Title: Re: قضيت 20 يوماّ فى جهنم وخرجت منه أكثر كفراّ
Author: قرشى محمد عبدون
Date: 09-17-2011, 04:43 AM
Parent: #4
من اجمل الاشياء التى حدثت عودة مأمون طاهر ابن عمتى
بعد إختفاء دام اكثر من اربعة اشهر فى نفس يوم وصولى الخرطوم
والفرحة كانت فرحتين بالنسبة للأهل
وبهذه المناسبة اشكر كل من وقف معنا وقدم لنا معلومات اوساهم بالادعية اوشاركنا فى العثور عليه
|
Post: #6
Title: Re: قضيت 20 يوماّ فى جهنم وخرجت منه أكثر كفراّ
Author: Abdlaziz Eisa
Date: 09-17-2011, 05:18 AM
Parent: #5
الاخ قرشي
سلام
حمدلله ألف على السلامة
الا بس خوّفتنا من الزيارة!!
تحياتي
|
Post: #7
Title: Re: قضيت 20 يوماّ فى جهنم وخرجت منه أكثر كفراّ
Author: خضر الطيب
Date: 09-17-2011, 11:23 AM
Parent: #6
الاخ قرشى
الف حمد الله على السلامه
والف حمد الله على سلامة ابن عمتكم
انا تقريبا كنت هناك في نفس الفتره , واراك من خلال هذا السرد قد اختصرت على الكثير
فالوجع يا اخى اكبر من تصورنا , وتقف الكلمات عاجزه عن ايصاله كما شاهدناه على الارض
فعلى الارض السلاح وبالناس المضره وعلى السودان السلااااااااااااام
الفاتحه بس ياشيخنا
|
Post: #24
Title: Re: قضيت 20 يوماّ فى جهنم وخرجت منه أكثر كفراّ
Author: قرشى محمد عبدون
Date: 09-17-2011, 06:52 PM
Parent: #7
الاخ خضر الطيب ..الله يسلمك ويبارك فيك
Quote: فالوجع يا اخى اكبر من تصورنا , وتقف الكلمات عاجزه عن
ايصاله كما شاهدناه على الارض فعلى الارض السلاح وبالناس المضره
وعلى السودان السلااااااااااااام |
كلامك صحيح والله ..حسب احساسى عتاة الادباء والروائيين فى عالمنا
ما كانوا حيقدرو ينقلوا ما يحدث هناك من مآسى وتيه
تحياتى وتقديرى
|
Post: #8
Title: Re: قضيت 20 يوماّ فى جهنم وخرجت منه أكثر كفراّ
Author: محمد الامين محمد
Date: 09-17-2011, 11:33 AM
Parent: #6
الاكسجين بس مجان
|
Post: #9
Title: Re: قضيت 20 يوماّ فى جهنم وخرجت منه أكثر كفراّ
Author: حماد الطاهر عبدالله
Date: 09-17-2011, 12:33 PM
Parent: #8
Quote: الجنوبين قنا مشوا
العبيد ديل عايزين مننا شنو" كلمات بسيطة تنسف حتى ايمانهم بالله وعقيدتهم
وطبعا يقصدون اهل كردفان والنيل الازرق |
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!
الأخ/ قرشي
تحياتي
خلينا من كلاماتك ومبالغاتك دي، لو دخلت جهنم! ما أظن تاني تمرق منها بالساهل كده.
إلا مامون دا كان وين؟؟؟؟؟؟؟؟؟؟؟؟
|
Post: #31
Title: Re: قضيت 20 يوماّ فى جهنم وخرجت منه أكثر كفراّ
Author: قرشى محمد عبدون
Date: 09-18-2011, 01:55 PM
Parent: #9
| Quote: خلينا من كلاماتك ومبالغاتك دي، لو دخلت جهنم! ما أظن تاني تمرق منها بالساهل كده |
أخ حماد ..هل الكلام دا غريب عليك او اول مرة تسمعو ؟؟؟
يا انت عارف و بتكابر وواقف درع ساى يا اما جاهل بالحاصل
فى وطنك والمرقنا من الاولى يمرقنا من التانية..قول آمين
خلينا من مأمون انت الوين ؟
تحياتى..والشكر ليك
|
Post: #10
Title: Re: قضيت 20 يوماّ فى جهنم وخرجت منه أكثر كفراّ
Author: بشير أحمد
Date: 09-17-2011, 12:34 PM
Parent: #8
20يوم بس ياقرشي طلعت منها انو السودان جهنم
ياخي عيب عليك
ايه رايك انا قعدت 3شهور ونص وكانت زي الحلاوة وصمت رمضان كمان
وحضرت العيد والكعك والخبيز عند الغني والفقران
ماكل شارب ؛والتنك مليان بنزين
20يوم بس ياقرشي ؛إتعودتا علي الضل البارد ولاّ شنو؟
بي حالتو القلتها دي الناس رضيانا وعاجبها العجب والصيام
في رجب
والناس بتعرف كيف تسيّر حياتها.
خليك دقيق قمح في سردك.
_________
بشير احمد
عائد من السودان لي اسبوع بس.
قال جهنم قال.
|
Post: #11
Title: Re: قضيت 20 يوماّ فى جهنم وخرجت منه أكثر كفراّ
Author: بشير أحمد
Date: 09-17-2011, 12:37 PM
Parent: #10
فاتني ان اقول لك تحياتي
وحمدلله علي السلامة.
|
Post: #12
Title: Re: قضيت 20 يوماّ فى جهنم وخرجت منه أكثر كفراّ
Author: خضر الطيب
Date: 09-17-2011, 12:42 PM
Parent: #10
دكتور بشير سلامات
Quote: بشير احمد
عائد من السودان لي اسبوع بس.
قال جهنم قال. |
انا برضو كنت هناك وفي نفس الفتره
السودان حالا سعبه ودي حقيقه لايمكن انكارها
كت اوت:
اتنين لو قالو ليك راسك مافى ,, اهبشو
والظاهر عليك كنت ماشي بالمثل البقول
الطشاش في بلد العمى شوووووف
|
Post: #16
Title: Re: قضيت 20 يوماّ فى جهنم وخرجت منه أكثر كفراّ
Author: عادل فضل المولى
Date: 09-17-2011, 02:18 PM
Parent: #12
نحن نحب فضاء (جنهم) ولكننا نمقت زبانيتها
ورغم كل شيء
جهنمنا ولا جنة الغير
واحد في قعر جهنم
|
Post: #34
Title: Re: قضيت 20 يوماّ فى جهنم وخرجت منه أكثر كفراّ
Author: قرشى محمد عبدون
Date: 09-18-2011, 02:21 PM
Parent: #16
| Quote: نحن نحب فضاء (جنهم) ولكننا نمقت زبانيتها |
خليك راكز فيها..وتحياتى لك ولاهلنا فى السافلين
|
Post: #37
Title: Re: قضيت 20 يوماّ فى جهنم وخرجت منه أكثر كفراّ
Author: عادل فضل المولى
Date: 09-19-2011, 10:29 AM
Parent: #34
يا الخارج من جهنم
| Quote: خليك راكز فيها..وتحياتى لك ولاهلنا فى السافلين |
السافلين دي كتيرة
خليهاالأسفلين
ثم
يا حليل البلد الراجياكم
لو كان تفكير المغتربين بمثل منطقك
نفسي ..نفسي..
ثم ايضاً
وطني ولو شغلت بالخلد عنه نازعتني في الخلد نفسي
ورضي الله عن أمير الشعراء
|
Post: #19
Title: Re: قضيت 20 يوماّ فى جهنم وخرجت منه أكثر كفراّ
Author: بشير أحمد
Date: 09-17-2011, 03:05 PM
Parent: #12
خضر سلامات؛؛؛
Quote: السودان حالا سعبه ودي حقيقه لايمكن انكارها
|
إنت بتخاطب في عقلكـ الباطن ياخضر.
|
Post: #13
Title: Re: قضيت 20 يوماّ فى جهنم وخرجت منه أكثر كفراّ
Author: عثمان عبدالقادر
Date: 09-17-2011, 01:58 PM
Parent: #10
| Quote: ماكل شارب ؛والتنك مليان بنزين |
وفوق هذه وتلك لديك الشعور بأمان الإجازة وضمان الرزق من الوظيفة فما الذي يدعوك لذم الآخرين وخلق العداوات بلا منفعة في الواقع !؟
ألف رحمة ونور تتنزل عليك يا ابن خلدون !
تحياتي مضيفنا الكريم .
أبوحمــــــــــد
|
Post: #14
Title: Re: قضيت 20 يوماّ فى جهنم وخرجت منه أكثر كفراّ
Author: صلاح عباس فقير
Date: 09-17-2011, 02:14 PM
Parent: #13
Quote: وهؤلاء يا اخوتى كانوا يشكون
جور الانقاذ ليل نهار بالامس القريب.. ماذا حدث وماذا فعلت بهم اله
الانقاذ الاعلامية لا اعلم...حسرة وألم |
الأخ قرشي السلام عليكم وحمد الله على السلامة!
ثم: أحقاً لا تعلم؟
ليس السبب آلة الإنقاذ الإعلامية!
فأنت قلتَ إنهم كانوا يشكون جور الإنقاذ،
ولكن خطاب المعارضة الكسيح!
|
Post: #40
Title: Re: قضيت 20 يوماّ فى جهنم وخرجت منه أكثر كفراّ
Author: قرشى محمد عبدون
Date: 09-19-2011, 06:02 PM
Parent: #14
الاخ صلاح عباس فقيرى الله يسلمك
Quote: ليس السبب آلة الإنقاذ الإعلامية!
فأنت قلتَ إنهم كانوا يشكون جور الإنقاذ،
ولكن خطاب المعارضة الكسيح! |
المعارضة لوكانت كتلة واحدة مثل كتلة اعلام
الانقاذ وخطابو واحد لقلنا إنو خطابو كيسح لكن المعارضة جُزر وألسن
وهل المعارضة بكافة اشكالها والوانها جزء اصيل فى
الحديث العنصرى المستشرى عند العامة..
فرق كبير بين حديث العامة فى الشوارع وخطابات
المعارضة الرسمية اليس كذلك..
هل سمعت خطاب عنصرى تحريضى
عند الصادق المهدى او نُقد مثلا..
عامة الناس البهيجم منو ؟
او نسألك -الاغنية الشعبية بتنتشر كيف فى الشارع ؟؟ :)
|
Post: #35
Title: Re: قضيت 20 يوماّ فى جهنم وخرجت منه أكثر كفراّ
Author: قرشى محمد عبدون
Date: 09-18-2011, 02:25 PM
Parent: #13
شكرا أخ عثمان عبدالقادر
على مشاركاتك القيمة
تحياتى
|
Post: #15
Title: Re: قضيت 20 يوماّ فى جهنم وخرجت منه أكثر كفراّ
Author: حسبو عكاشة
Date: 09-17-2011, 02:16 PM
Parent: #10
إنتو بشة دا كان في ماليزيا ولا شنو !!
|
Post: #17
Title: Re: قضيت 20 يوماّ فى جهنم وخرجت منه أكثر كفراّ
Author: Osman Musa
Date: 09-17-2011, 02:47 PM
Parent: #15
عزيزنا قرشي
سلامات
والحمد الله لقيت الاهل في صحتين .
يا قرشي يا أخوي والله العظيم أنا مشتاق لجهنم دي شوق عجيب .
بلدنا لو تصلحت وعاينت لي قدام . هي الاجمل بين بلاد العالمين .
لا تكفر بها يا صديق .
تحياتي
|
Post: #18
Title: Re: قضيت 20 يوماّ فى جهنم وخرجت منه أكثر كفراّ
Author: النصرى أمين
Date: 09-17-2011, 02:59 PM
Parent: #17
بالنسبة لى كانت لحظات جهنمية تمنيت ان تبتلعنى الارض حين
رايت عشم الناس فينى بمساعدتهم ولم استطع ...
شعرت بالضعف والهوان والذل .....وسعيت جاهدا للخروج من جهنم
البؤساء والمستضعفين ....
اما عفراء موول فلم ازره ولن افعل يوما ما ...
|
Post: #20
Title: Re: قضيت 20 يوماّ فى جهنم وخرجت منه أكثر كفراّ
Author: خضر الطيب
Date: 09-17-2011, 03:10 PM
Parent: #18
| Quote: إنت بتخاطب في عقلكـ الباطن ياخضر. |
والله يادكتور بشير انا لو خاطبتا عقلى الباطن كنت سعدت بوجودي في السودان لكن للاسف ماكان عقلى الباطن , كان الظاهر قدامي كت اوت: ياخى حاول افهمنا وقدر ظروفنا مأساه يارجل
|
Post: #44
Title: Re: قضيت 20 يوماّ فى جهنم وخرجت منه أكثر كفراّ
Author: قرشى محمد عبدون
Date: 09-19-2011, 07:07 PM
Parent: #18
| Quote: اما عفراء موول فلم ازره ولن افعل يوما ما ... |
تعرف يا اخ النصرى بجهل بنوت الاستعلامات
مشيت كايس الخطوط التركية فى المطار لقيتو كارقو
ومنو مشيت عفراء لقيت حبشى فى مكتبهم قال لى بكل بساطة الناس ديل ما شغالين
الليلة ونحنا طالعين بالسلم الكهربائى المتعطل قت لقريبى
المعاى -ديل موقفينو مالم قال لى بسخرية وزعل ديل شنو الما
وقفوه فى البلد دى انت مشكلتك فى السلم دا ..عفراء بجوة حالتو بقت بالبلا..
وفى الاخر مشينا لقينا المكتب فى فندق روتانا..
لكن ضحكت تمام اليوم داك بعد ما مديت رقبتى وسألت
فى مكتب الاستعلامات وعبارة عن غرفة اتنين فى تلاتة
لقيت زى ست من البنات بضربو فى صحن بوش كبير
فى نفس الوكت البيردوا فيهو على المكالمات..
لقمة فى اليد اليمنى والتلفون فى اليسرى..
وبرغم من كدا بتكلمو مع الناس بتهذيب مع شح واضح فى المعلومات
مسكينات والله ناس فى مرفق استراتيجى قدر
دا ما قادرين ينظمو ليهم كيف يفطرن برة المكتب بالدور ..
اكيد بيعملو شيرنغ فى الفطور عشان يوفرو حق مستلزمات التجميل
|
Post: #42
Title: Re: قضيت 20 يوماّ فى جهنم وخرجت منه أكثر كفراّ
Author: قرشى محمد عبدون
Date: 09-19-2011, 06:41 PM
Parent: #17
الاخ الكريم عثمان موسى لك التحية والتقدير..
مافى حاجة ودتنا غير الشوق القلتو دا..
وتمنيت امش اشوف حال غير الحال الانا شفتو ..
فى النهاية ثقتنا فى الله كبيرة ودى ابتلاءات
عسيرة وامتحانات مريرة لنا ولكافة اشعب..
ربنا يصلح الحال قريبا
تسلم
|
Post: #29
Title: Re: قضيت 20 يوماّ فى جهنم وخرجت منه أكثر كفراّ
Author: بشير أحمد
Date: 09-17-2011, 09:12 PM
Parent: #15
| Quote: إنتو بشة دا كان في ماليزيا ولا شنو !! |
والله بشة كان في السودان .
|
Post: #43
Title: Re: قضيت 20 يوماّ فى جهنم وخرجت منه أكثر كفراّ
Author: قرشى محمد عبدون
Date: 09-19-2011, 06:46 PM
Parent: #15
فى مثل هذا اليوم مر حسبو عكاشة من هنا ..
تشكر
|
Post: #33
Title: Re: قضيت 20 يوماّ فى جهنم وخرجت منه أكثر كفراّ
Author: قرشى محمد عبدون
Date: 09-18-2011, 02:16 PM
Parent: #10
Quote: ياخي عيب عليك ايه رايك انا قعدت 3شهور ونص وكانت زي
الحلاوة وصمت رمضان كمان وحضرت
العيد والكعك والخبيز عند الغني والفقران |
أخ بشير تحياتى ..والله يسلمك
الحقيقة يا بشير دايما بتحرق..
بعدين قعدة من قعدة بتفرق كتير
والخبيز عند الغنى والفقران بالغت فيها ..
الا كان تعريف الفقران عندك حاجة تانية..
الموجع حتى الناس العاملين فيها محسنين فى
البلد ديك بيجيبو عجوة وحاجات كدا من السعودية
ويقولو للفقرا وبيوزعوها فى الجوامع للمصلين.. الفقرا
النحنا قاصدنهم ما عندهم حيل وطاقة للحوامة..
او انتو ما بتشوفوهم..
| Quote: ماكل شارب ؛والتنك مليان بنزين |
عربيتك مظللة ؟
|
Post: #62
Title: Re: قضيت 20 يوماّ فى جهنم وخرجت منه أكثر كفراّ
Author: Zomrawi Alweli
Date: 09-22-2011, 01:23 PM
Parent: #10
Quote: ياخي عيب عليك
ايه رايك انا قعدت 3شهور ونص وكانت زي الحلاوة وصمت رمضان كمان
وحضرت العيد والكعك والخبيز عند الغني والفقران
ماكل شارب ؛والتنك مليان بنزين
20يوم بس ياقرشي ؛إتعودتا علي الضل البارد ولاّ شنو؟
بي حالتو القلتها دي الناس رضيانا وعاجبها العجب والصيام
في رجب
والناس بتعرف كيف تسيّر حياتها. |
يا بشير احمد
الحمدلله على السلامة
ما ياكا من الناس القال عليهم صاحب البوست من الموسرين ومنفوخي الجيوب
وجارك ميت ميت بالجوع
الله لا كسب الحكومة اللي جوعت الناس وقلبت الموازين
والمطبلين لها وانت منهم
|
Post: #25
Title: Re: قضيت 20 يوماّ فى جهنم وخرجت منه أكثر كفراّ
Author: قرشى محمد عبدون
Date: 09-17-2011, 06:57 PM
Parent: #8
الاكسجين هناك مجان لانو ملوث وقاتل
شكرا على المرور
|
Post: #23
Title: Re: قضيت 20 يوماّ فى جهنم وخرجت منه أكثر كفراّ
Author: قرشى محمد عبدون
Date: 09-17-2011, 06:41 PM
Parent: #6
الاخ عبدالعزيز.. الله يسلمك
| Quote: الا بس خوّفتنا من الزيارة!! |
(إلا من اضطر وكان قلبه معلق بالإيمان)
تحياتى وتقديرى
|
Post: #22
Title: Re: قضيت 20 يوماّ فى جهنم وخرجت منه أكثر كفراّ
Author: Munir
Date: 09-17-2011, 03:59 PM
Parent: #5
إنت يا أخونا زمان كنت وين وولدوك وين ومتين ؟؟ وهسه إنت وين؟؟
حضرت صفوف البنزين والمبيت في الطلمبات؟؟ حصل قمت من الساعة ٣صباحاً وقفت في الفرن في الصف عشان بضع رغيفات؟؟ أم هل وقفت في الفرن لغاية نص الليل ودورت مليون شكلة بسبب الخبز .. حصل وقفت في المواصلات من الساعة ٧ صباحاً إلي الساعة ١٠ صباحاً عشان تلقي ليك حافلة تتشعبط فيها وتمشي شغلك أو مدرستك؟؟ حصل رجعت بيتكم كداري بعد صلاة المغرب لأنك لم تجد مواصلات للعودة؟؟ .. حصل شربت شاي الصباح بالعسل لعدم السكر؟؟ .. حصل طفت الدكاكين والأسواق بحثاً عن الفحم أو صابون الغسيل العفين ده ؟؟..
.
.
فدحين يا خوي لو كنت سغير الأيام ديك فإنت ما شفت لجهنم حاجة ..
|
Post: #26
Title: Re: قضيت 20 يوماّ فى جهنم وخرجت منه أكثر كفراّ
Author: Hassan Makkawi
Date: 09-17-2011, 07:02 PM
Parent: #22
Quote: إنت يا أخونا زمان كنت وين وولدوك وين ومتين ؟؟ وهسه إنت وين؟؟
حضرت صفوف البنزين والمبيت في الطلمبات؟؟ حصل قمت من الساعة ٣صباحاً وقفت في الفرن في الصف عشان بضع رغيفات؟؟ أم هل وقفت في الفرن لغاية نص الليل ودورت مليون شكلة بسبب الخبز .. حصل وقفت في المواصلات من الساعة ٧ صباحاً إلي الساعة ١٠ صباحاً عشان تلقي ليك حافلة تتشعبط فيها وتمشي شغلك أو مدرستك؟؟ حصل رجعت بيتكم كداري بعد صلاة المغرب لأنك لم تجد مواصلات للعودة؟؟ .. حصل شربت شاي الصباح بالعسل لعدم السكر؟؟ .. حصل طفت الدكاكين والأسواق بحثاً عن الفحم أو صابون الغسيل العفين ده ؟؟..
|
Munir يا منير......
|
Post: #27
Title: Re: قضيت 20 يوماّ فى جهنم وخرجت منه أكثر كفراّ
Author: ناصر المحسى
Date: 09-17-2011, 07:24 PM
Parent: #26
حمدلله على السلامة ياقرشى
والف مبروك عودة مامون
والله يكون فى عون الشعب
السودانى
|
Post: #28
Title: Re: قضيت 20 يوماّ فى جهنم وخرجت منه أكثر كفراّ
Author: قرشى محمد عبدون
Date: 09-17-2011, 09:09 PM
Parent: #27
التحية والتقدير لكل المتداخلين بدون فرز
نجيكم برواقة....
|
Post: #30
Title: Re: قضيت 20 يوماّ فى جهنم وخرجت منه أكثر كفراّ
Author: عثمان عبدالقادر
Date: 09-18-2011, 06:22 AM
Parent: #28
Quote: إنت يا أخونا زمان كنت وين وولدوك وين ومتين ؟؟ وهسه إنت وين؟؟
حضرت صفوف البنزين والمبيت في الطلمبات؟؟ حصل قمت من الساعة ٣صباحاً وقفت في الفرن في الصف عشان بضع رغيفات؟؟ أم هل وقفت في الفرن لغاية نص الليل ودورت مليون شكلة بسبب الخبز .. حصل وقفت في المواصلات من الساعة ٧ صباحاً إلي الساعة ١٠ صباحاً عشان تلقي ليك حافلة تتشعبط فيها وتمشي شغلك أو مدرستك؟؟ حصل رجعت بيتكم كداري بعد صلاة المغرب لأنك لم تجد مواصلات للعودة؟؟ .. حصل شربت شاي الصباح بالعسل لعدم السكر؟؟ .. حصل طفت الدكاكين والأسواق بحثاً عن الفحم أو صابون الغسيل العفين ده ؟؟..
.
.
فدحين يا خوي لو كنت سغير الأيام ديك فإنت ما شفت لجهنم حاجة .. |
يامنير الله يهديك يارجل ، نحن أكبر منك ونتمنى عليك أن توسع الرؤية قليلا حتى لو بالخروج من الخرطوم جغرافيّا!!!!!!!!!!!.
أبو حمــــــــــــد
|
Post: #32
Title: Re: قضيت 20 يوماّ فى جهنم وخرجت منه أكثر كفراّ
Author: محمد النيل
Date: 09-18-2011, 02:13 PM
Parent: #30
Quote: إنت يا أخونا زمان كنت وين وولدوك وين ومتين ؟؟ وهسه إنت وين؟؟
حضرت صفوف البنزين والمبيت في الطلمبات؟؟ حصل قمت من الساعة ٣صباحاً وقفت في الفرن في الصف عشان بضع رغيفات؟؟ أم هل وقفت في الفرن لغاية نص الليل ودورت مليون شكلة بسبب الخبز .. حصل وقفت في المواصلات من الساعة ٧ صباحاً إلي الساعة ١٠ صباحاً عشان تلقي ليك حافلة تتشعبط فيها وتمشي شغلك أو مدرستك؟؟ حصل رجعت بيتكم كداري بعد صلاة المغرب لأنك لم تجد مواصلات للعودة؟؟ .. حصل شربت شاي الصباح بالعسل لعدم السكر؟؟ .. حصل طفت الدكاكين والأسواق بحثاً عن الفحم أو صابون الغسيل العفين ده ؟؟.. |
الحال ماشى لاسوأ من كدا
وطن كامل ضايع
كان فى ذاك الوقت توجد مدن
قرى مسكونة
سكة حديد
مشروع جزيرة
دا كلو هسة مافى
السودان فى مهب الريح
|
Post: #36
Title: Re: قضيت 20 يوماّ فى جهنم وخرجت منه أكثر كفراّ
Author: حماد الطاهر عبدالله
Date: 09-18-2011, 03:47 PM
Parent: #32
| Quote: يا اما جاهل بالحاصل فى وطنك |
سامحك الله، نحن ممن يقول لقد هرمنا ننتظر الفرج.
ثلاثون سنة، عاما ينطح عام غربة، وعودة كل عام من يوليو إلى سبتمر.
وسلاحنا لمحاربة المعاناة التي أسميتها جهنم هي التعليم ولا شئ غيره.
يا إما تتعلموا وتعلموا عيالكم وتبنوا وطنكم زي خلق الله الذين نعيش
بينهم وبنوا بلادهم أو تستمر الولولة كل عام وعام وعام وعام ......
| Quote: والمرقنا من الاولى يمرقنا من التانية..قول آمين |
يا حبيب آمين وزيادة نتمنى ألا ندخل جهنم أصلا، وتبقى معاناتنا هذه
رفعة درجات.......
| Quote: خلينا من مأمون انت الوين ؟ |
لو سر عائلي ما بسأل، لكن طالما اشركتمونا ودعونا معكم للرجل وشفنا
كل مناظر الفيلم كمان عايزين نعرف كيف إنتصر البطل وهزم الشر!!!!
|
Post: #38
Title: Re: قضيت 20 يوماّ فى جهنم وخرجت منه أكثر كفراّ
Author: مدثر صديق
Date: 09-19-2011, 11:28 AM
Parent: #36
الاخ قرشي
| Quote: قضيت 20 يوماّ فى جهنم وخرجت منها أكثر كفراّ.. |
اعتقد انهم من الصعب الحكم على الوضع من خلال 20 يوم بس !!!!!
|
Post: #39
Title: Re: قضيت 20 يوماّ فى جهنم وخرجت منه أكثر كفراّ
Author: Elawad Eltayeb
Date: 09-19-2011, 12:33 PM
Parent: #38
Quote: إنت يا أخونا زمان كنت وين وولدوك وين ومتين ؟؟ وهسه إنت وين؟؟
حضرت صفوف البنزين والمبيت في الطلمبات؟؟ حصل قمت من الساعة ٣صباحاً وقفت في الفرن في الصف عشان بضع رغيفات؟؟ أم هل وقفت في الفرن لغاية نص الليل ودورت مليون شكلة بسبب الخبز .. حصل وقفت في المواصلات من الساعة ٧ صباحاً إلي الساعة ١٠ صباحاً عشان تلقي ليك حافلة تتشعبط فيها وتمشي شغلك أو مدرستك؟؟ حصل رجعت بيتكم كداري بعد صلاة المغرب لأنك لم تجد مواصلات للعودة؟؟ .. حصل شربت شاي الصباح بالعسل لعدم السكر؟؟ .. حصل طفت الدكاكين والأسواق بحثاً عن الفحم أو صابون الغسيل العفين ده ؟؟..
.
.
فدحين يا خوي لو كنت سغير الأيام ديك فإنت ما شفت لجهنم حاجة .. |
يا منير نحن عشنا الأيام ديك وهي تمثل لنا أجمل الذكريات من عمرنا لأننا كنا فيها أحرار واسياد القرار
أديك نصف عمري ورجع لي الأيام ديك ومعاها رجع لي عهد الديمقراطية والحرية وعزة النفس
ما حا أقول ليك رجع لي الجنوب الإتفصل
أو دارفور الجريحة
أو كردفان النازفة
ولا الشرق الحزين
أو الشمال المضطهد
ولا الوسط المباع
ولا الضباط ال 28
ولا من مات حرقا وتعذيبا
ولا من تهجر وتغرب داخل وخارج الوطن
نصفعمري يا منير وأرجعني لصف البنزين وصف السكر وصف العيش الذي كان بعزة نفس وفي أمن وسلام ورضا
وخذ معك كل إنجازات الإنقاذ من سدود وشوارع أسفلت ومترو أنفاق
|
Post: #41
Title: Re: قضيت 20 يوماّ فى جهنم وخرجت منه أكثر كفراّ
Author: Abdlaziz Eisa
Date: 09-19-2011, 06:14 PM
Parent: #39
Quote:
يا منير نحن عشنا الأيام ديك وهي تمثل لنا أجمل الذكريات من عمرنا لأننا كنا فيها أحرار واسياد القرار
أديك نصف عمري ورجع لي الأيام ديك ومعاها رجع لي عهد الديمقراطية والحرية وعزة النفس
ما حا أقول ليك رجع لي الجنوب الإتفصل
أو دارفور الجريحة
أو كردفان النازفة
ولا الشرق الحزين
أو الشمال المضطهد
ولا الوسط المباع
ولا الضباط ال 28
ولا من مات حرقا وتعذيبا
ولا من تهجر وتغرب داخل وخارج الوطن
نصفعمري يا منير وأرجعني لصف البنزين وصف السكر وصف العيش الذي كان بعزة نفس وفي أمن وسلام ورضا
وخذ معك كل إنجازات الإنقاذ من سدود وشوارع أسفلت ومترو أنفاق |
Elawad Eltayeb العزيز
لا فض فوك يا أخي..
لو رجعنا للنقطة 29 يونيو 1989م نكون أسعد الناس..
أجمل وطن..
أكثر سلاما
أشمل عدلا.
تحياتي
|
Post: #51
Title: Re: قضيت 20 يوماّ فى جهنم وخرجت منه أكثر كفراّ
Author: قرشى محمد عبدون
Date: 09-20-2011, 06:34 PM
Parent: #38
الأخ مدثر صديق..تحياتى
| Quote: اعتقد انهم من الصعب الحكم على الوضع من خلال 20 يوم بس !!!!! |
بسيطة شديدة..الكلام دا ممكن يتقال لزول ماشاف السودان قبل كدا كلو كلو
ومشى سائح ساى ويديك مجرد انطباعات اولية..انا السودان قضيت فيه عمرى
كلو بين الشمالية والمركز وخرجت منو قبل سنوات قليلة..ورجعت عقدت مقارنة بسيطة
فى حال سواد الناس وكلامهم وملبسهم وماكلهم مشربهم لقيت الحال اسوأ مما كان عليه..
ومن جهة تانية لقيت الشغب العمرانى او المعمارى فى العاصمة للطفيلية الراسمالية
زى ما سماه منصور خالد لسع مستمر
|
Post: #55
Title: Re: قضيت 20 يوماّ فى جهنم وخرجت منه أكثر كفراّ
Author: قرشى محمد عبدون
Date: 09-21-2011, 04:30 PM
Parent: #32
شكرا محمد النيل على الاضافة وحسن مكاوى على التشريف
|
Post: #46
Title: Re: قضيت 20 يوماّ فى جهنم وخرجت منه أكثر كفراّ
Author: قرشى محمد عبدون
Date: 09-20-2011, 00:58 AM
Parent: #27
Quote: حمدلله على السلامة ياقرشى
والف مبروك عودة مامون
والله يكون فى عون الشعب
السودانى |
العزيز ناصر..لك التحية والتقدير والاحترام
الله يبارك فيك وشاكرين وممتنين لوقفتك معنا فى محنتنا ..
وربنا يملاك عافية ياخى
الله يكون فى عون هذا الشعب الصابر وبكرة ننعم بالسعادة
|
Post: #45
Title: Re: قضيت 20 يوماّ فى جهنم وخرجت منه أكثر كفراّ
Author: قرشى محمد عبدون
Date: 09-20-2011, 00:50 AM
Parent: #22
Quote: إنت يا أخونا زمان كنت وين وولدوك وين ومتين ؟؟ وهسه إنت وين؟؟
حضرت صفوف البنزين والمبيت في الطلمبات؟؟ حصل قمت من الساعة 3صباحاً
وقفت في الفرن في الصف عشان بضع رغيفات؟؟ أم هل وقفت في الفرن لغاية نص
الليل ودورت مليون شكلة بسبب الخبز .. حصل وقفت في المواصلات من الساعة 7
صباحاً إلي الساعة 10 صباحاً عشان تلقي ليك حافلة تتشعبط فيها وتمشي شغلك أو مدرستك؟؟
حصل رجعت بيتكم كداري بعد صلاة المغرب لأنك لم تجد مواصلات للعودة؟؟
.. حصل شربت شاي الصباح بالعسل لعدم السكر؟؟ ..
حصل طفت الدكاكين والأسواق بحثاً عن الفحم أو صابون الغسيل العفين ده ؟؟.. |
أخونا منير..تحياتى باين عليك زول ethnocentric and very local زيما الاخوة الكرام قالو ليك ..
وبضاعتك قديمة ومعتتة يا خى.. الاسطوانة دى قديمة بالحيل والله ..
بلدياتنا المدجن وزير الدفاع لامن قالو ليه السودان خراب قال ليهم ديييييك تشاد عاينو ليها
فرن بتع شنو ورغيف بتاع شنو وحافلة شنو شكلك قاصد الحمير ..تكسى الغرام ..
انا كنت طفل فى الوكت داك لعلمك..
لكن الناس ما بالسغر والسن يا اخوى الناس بالتجربة الكتيرة المتراكمة والمعايشة ..
بعدين مواصلات شنو وصف شنووبنزين شنو فى الهامش كمان.. ومالك
معدل مداخلتك ولأ ما داير تعرف الفرق بين طين الجروف والصابون..
لو ماك عارف زيو وزى الفرق بين الهامش والمركز ..اصحى شوية ربنا يهديك
|
Post: #47
Title: Re: قضيت 20 يوماّ فى جهنم وخرجت منه أكثر كفراّ
Author: حسبو عكاشة
Date: 09-20-2011, 01:12 AM
Parent: #45
Quote: إنت يا أخونا زمان كنت وين وولدوك وين ومتين ؟؟ وهسه إنت وين؟؟
حضرت صفوف البنزين والمبيت في الطلمبات؟؟ حصل قمت من الساعة ٣صباحاً وقفت في الفرن في الصف عشان بضع رغيفات؟؟ أم هل وقفت في الفرن لغاية نص الليل ودورت مليون شكلة بسبب الخبز .. حصل وقفت في المواصلات من الساعة ٧ صباحاً إلي الساعة ١٠ صباحاً عشان تلقي ليك حافلة تتشعبط فيها وتمشي شغلك أو مدرستك؟؟ حصل رجعت بيتكم كداري بعد صلاة المغرب لأنك لم تجد مواصلات للعودة؟؟ .. حصل شربت شاي الصباح بالعسل لعدم السكر؟؟ .. حصل طفت الدكاكين والأسواق بحثاً عن الفحم أو صابون الغسيل العفين ده ؟؟.. |
صفوف الخبز اتحولت لصفوف مرضى السرطان, و كلو من عدم الرقابة علي الافران البستعملو بروميد البوتاسيوم
شعبطت الحافلات عشان تمشي الشغل اتحولت لي شعبطة و شلهتة عشان تلقي شغل في حد ذاتو, تخيل الناس إتجاوزت في الوظائف الحكومية إنو يسألوك عن واسطتك منو و بس, بقو يسألوك قبل دا كلو " قبيلتك شنو ؟"
بالنسبة لشاي الصباح , الناس بقى همها في موية , و يا حبذا لو كانت نضيفة , مرات طين و مرات مخلوطة بمياه الصرف الصحي
|
Post: #48
Title: Re: قضيت 20 يوماّ فى جهنم وخرجت منه أكثر كفراّ
Author: طه جعفر
Date: 09-20-2011, 02:32 AM
Parent: #47
الاعزاء في البوست شكرا علي هذا الخيط المؤلم
عدت الي السودن في 2009 من سلطنة عمان و كنت قد اقمت بها 12 عام. اشتريت ارض في مربع 33 و كنت سايق اسكودا رومستر موديل 2008 اشتريتها علي الزيرو، عملنا زوجتي و انا في مدرسة الاتحاد العليا في شارع القصر و و كنا نستلم رواتب عالية، سكنا في بري مربع 6 ابوحشيش في شقة مكونة من غرفتين و صالة كانت اجرتها الشهرية مليون جنية( بالقديم) قسط العربية كان مليون و نصف. مصروف الشغالة كان 340 جنيه الكهرباء بحوالي 150 في الشهر ، صاحب العقار لا يأخد تكلفة الماء من كل المستأجرين. تكلفة مشتريات الاسبوع ما بين 200 الي 300 جنيه بشقتي مكيفين و الشقة معدة بصورة لائقة جدا. لم تمر بنا ضوائق مالية ابدا بل كان باستمرار عندنا فائض لوالدتي ووالدة زوجتي و الاهل و الاصدقاء. ربما تكون هذه حياة مثالية يتمناها معظم الشباب. لكننا اول ما حانت لنا فرصة الهجرة الي كندا غادرنا البلد بسعادة غامرة و لكن لماذا؟
في العمارات غير المكتملة و قطع الارض غير المبنية الي جوارنا اربعة مجموعات من النازحين اسرة جنوبية عندهم ما لا يقل عن خمسة اطفال في سن المدرسة و الدتهم تصرف عليهم و مجموع الضيوف من عملها كخادمة منزل في النهار و بائعة عرقي في الليل.المجموعات الثلاثة الاخري حولنا من اهالي دارفور (تحديدا من قومية الفور) نسائهم يعملن نهارا في البيوت كخادمات و في المساء تتجه من كل بيت امرأة اليشارع النيل و تبيع الشاي و القهوة الي ما بعد منتصف الليل. عدد الاطفال في سن المدرسة من كل وحدة هو ما بين ال6 الي ال14 . طبعا عرفت هذه الحقائق عبر علاقات امتدت الي عامين مع الرجال في هذه البيوت اساسها السلام و السؤال عن الاحوال و الونسة في الشارع و عندما كنا نقدم بعض المعونات الضرورية. جميع هؤلاء النازحين كانت الحرب هي السبب المباشر في بهدلتهم. كنت غريبا بين سكان بري لانني احتفظ بعلاقات طيبة جدا و حميدة مع هؤلاء النازحين و من الاشياء المحزنة انه قد قدمت لي دعوة لحضور فرح و كان ان قال لي العريس ستكون المدعوالوحيد من ناس هذه المنطقة فقلت للعريس لماذا ذا الكلام البطال و انت مقبل علي مثل هذا الفرح. فرد علي ان الجميع يتهمنا بالسرقة و ليس من احد يلقي علينا تحية او يعرض علينا ان نركب معه سيارته. طيبت خاطر الرجل و قلت له هكذا حال الناس هنا و ربك يسهل. حضرت جانبا من الحفل و قدمت هديتي للعروسين. عندما غادرت الي كندا اهتم اسرة العريس بوداعي هو و عمه الذي تعلمت منه الكثير عن جريمة النظام في دارفور . مثل هذه التجارب تجعل حياتك ماسخة الطعم و بلا معني لان هذه الاوضاع تطرح في دماغك اسئلة كفيلة بنسفه. لقد شاهدت مع ابني عدة كشات تقوم بها الشرطة في هذه البيوت فينتشر الحزن و الخراب و تسافر الجراح الي اعماق سحيقة
وسط الخرطوم بعد الساعة السابعةم مدينة اشباح، عدا شارع الاسبتالية و مطعم بابا كوستا في السوق الافرنجي. ربما يكون هنالك بعض الناس في منطقة الاستاد لانها موقف المواصلات الكبير. ما يلفت انتباهك اولا هو اتساخ الخرطوم بصورة مزعجة لدرجة انك تحس ان هذه المدينة ليس هنالك من هو مسئول عنها. البؤس في الطرقات ينتشر انتشار الرمل . الشوارع معبدة بنوع من الاسلفت لا مثيل له في العالم اسفلت اكورديون يتطبق و يتلوي من الاسبوع الاول بعد الرصف. شوارع نمرة 2 مثلا قديمة و محفرة باخاديد عميقة تتحول الي منظر من التاريخ ربما بعد القرون الوسطي بقليل بعد الامطار. هذا غير منظر اطفال الشوارع، الشحاذين .
اعجبني جدا ان شارع عبيد ختم تحول اسمه لشارع عبيد ختف و هناك تجد بعض النسوة و الاولاد!! في انتظار الخاتفين و هذا صحيح عن كل شوارع الرياض الكبيرة و الرئيسية. من اكثر القصص ايلاما هو فكرة ان يقوم بعض الناس باعمال الفندقة لايواء عاشقي العلاقات العابرة في بيوتهم نظير ملاليم لا تشتري كل ماء الوجه ذاك لكنها مهانة الحياة و ذلها لاعناق النساء و الرجال.
طبعا ليس اعلم السياسة اكثر من قراء سودانيزاولاين و لا داعي لذكر احباطات تتعلق بذلك.
و ليس اعلم بمهنة الصحافة و اسرارها اكثر من البعض هنا فلا داعي لذكرها
بيت اهلي الان في المايقوما و ربما لدهشتكم في حي الشروق جوار المقبرة التاريخية التي تشتمل علي ضريح الشيخ الحاج يوسف و ابنه الشيخ دهاشة. في هذا المكان القريب جدا من بري و حلة كوكو . اشترينا خلال التسعينات عدد سبع اعمدة كهرباء لنوصل الكهرباء لبيتنا و الجيران و مدننا خط ماء مواسير كبيرة و مواسير اصغر دفعنا تكلفة ذلك مع خدمة الافطار للعمال و النثريات و ستكون تجربة فريدة عندما تحكي لك امي هذه القصة. حيث انها عندما عرضت علي الجيرات الفكرة و اقصد بذلك فكرتي الكهرباء و مياه الشرب من الخط الرئيسي قال الجيران اننا سعداء بعدم الكهرباء و لا نريد الا ماء البئر الذي يأتيهم في جزء من المساء و يتكامل الجميع براميلهم. وقتها كنا نستأجر بيتا في اركويت و عندما تحركت الاسرة الي منزلنا في المايقوما قمنا بتلك الاجراءات و لو سألت احد الجيران اليوم عن مصدر الماءسيقولون الحكومة و كذلك الكهرباء و طبعا ندفع فواتيرنا زينا زيهم و يا هو دا السودان... بالخير مليان.
من الاشياء المخيفة جدا في السودان درجة تلوث مياه الشرب، عدم موافقة المياه المعبأة للمواصفات الصحية و الكيميائية المطلوبة
و هنالك العديد من الادوية المضروبة في الصيدليات ، عمال المطاعم يتحصلون علي الرخص الصحية دون مقابلة طبيب او اي سلطة بلدية او محلية رخصهم تأتيهم في محلاتهم، الالبان المبسترة تكون احيانا متخمرة، الدجاج يتم حقنه بالمضاد الحيوي و يضاف ايضا المضاد الحيوي للحليب الفرش لاطالة عمره. عدم الرقابة و عدم قيام الدولة بواجبها تجاه المواطن في هذه الخدمات يجعل الحياة في السودان مغامرة حقيقية. هذا هو الجحيم
الطريق من شقتي في بري الي بيت اهلي في المايقوما طريق ساكتب عنه لاحقا.
هذا هو الحجيم ، نعم هنالك بنزين و من غير صف و لكن كم من الناس يستطيع شراءه
نعم هنالك خبز و في كل لحظة و من الانواع الفاخرة و لكن كم منا يستطيع شراءه
هنالك كل شيء و زي ما قالت احد قريباتي " السودان مالو ما زي العجب الا الزول بظلمنو قروشو"
فانتم مظاليم قروش ساكت
و الله غالب
طه جعفر
|
Post: #49
Title: Re: قضيت 20 يوماّ فى جهنم وخرجت منه أكثر كفراّ
Author: د.نجاة محمود
Date: 09-20-2011, 03:16 AM
Parent: #48
سلامات يا قرشي
خرجت من السودان 1993 واعود في السنوات الحداشر الفاتت سنويا
في حاجات كثيرة ايجابية وحاجات سلبية في السودان مع قناعتي لا يوجد اي حكومة فاتت او قادمة
سيستفيد منها الشعب.
الحاجة الملفتة للننظر هي انه الناس في الداخل استغنت عن الحكومة نهائيا
في كل لفة مدرسة ومستوصف.. واصبحت الحكومة في نظر اي انسان
شبح لا يرى ولكنه يرعب...
تغير الاتتيود السوداني تجاه حاجات كثيرة من قبل تعيش نصف الاسرة تنابلة على زول واحد
الان صارت كل الاسرة منتجة... يعني بقدرو يجيبو القروش
بعداك البنات صرن لديهن اهتمام شديد بالتعليم لانه شايفنو طوق نجاة والحمدلله الان صار عدد البنات في التعليم العالي
موازي لعدد الذكور..وصرن اكثر فهماللحياة غالبية اعضاء جمعيات المجتمع المدني من النساء ودي حاجة فيها محمدة كبيرة
يعني المرأة صار ليها وضع ممتاز جدا المظاهرات كلها نساء نساء في كل مكان
دي حاجة تمام
الانفتاح خلى السلع متوفرة وانقلبت من وين نجيب حاجات الى من وين نجيب قروش
والناس الفي الداخل عندهم حياة رغم صعوبتها الا انها حياة كاملة جدا
نحن الجيل الذي عاش على الحكومة اعاشة كاملة يعني اولاد حكومة
ولذلك نغضب حين نددفع للدراسة لابنائنا
ولكن ما رايك في كلام كندي دا
Ask not what your country can do for you - ask what you can do for your country"
ممكن نجرد
انت عملت لوطنك شنو؟
انظر الى الجانب الحلو من الاجازة وهو مقابلة الاهل والاصدقاء والضحك من القلب
والشعب مدبر امره مافي زول بموت بالجوع
|
Post: #50
Title: Re: قضيت 20 يوماّ فى جهنم وخرجت منه أكثر كفراّ
Author: Elawad Eltayeb
Date: 09-20-2011, 07:49 AM
Parent: #49
Quote: في حاجات كثيرة ايجابية وحاجات سلبية في السودان مع قناعتي لا يوجد اي حكومة فاتت او قادمة
سيستفيد منها الشعب. |
تحية يا دكتورة
للأسف، لا بد مما ليس منه بد
ولا يمكن تقوم للوطن أو المواطن قايمة بدون ما يكون في حكم رشيد
فكل مشاكل السودان تؤدي لشارع الحكومة وكل الطرق تؤدي إلى روما
سمي أي مشكلة عامة في السودان وبتحليل منطقي بسيط ومحايد ستجدي أن السبب هو غياب الحكم الرشيد
الناس المرتاحة من الحكومة دي هي الناس الغيرت حكوماتها كما تريد أولا ... ثم ارتاحت
وساقية جحا دي لازم تقيف عشان تمشي
|
Post: #52
Title: Re: قضيت 20 يوماّ فى جهنم وخرجت منه أكثر كفراّ
Author: محمود الدقم
Date: 09-20-2011, 07:44 PM
Parent: #50
حمد الله علي السلامة اخ قرشي، ان كان علي الجوع ممكن نقول بكرة تنعدل الاحوال وان بقي علي المياه الملوثة ممكن مسؤل بيخاف الله يجيء ويصلح الانكسر، ولكن المشكلة في العبيد ناس كردفان ودارفور والنيل الازرق، كما جاء في افادتك علي لسان بعض ا لدهماء والرعاع، المشكلة في العنصرية التي تزداد يوما وراء يوم، هذه ليست لها حل قط ربما عيسي بن مريم او المهدي المنتظر يقدرو يعلموا فيها حاجة، وعلي كل حال ومرة تانية، اهو انت رايت الاشباح ورجعت، وعقبال لينا يوما من الايام.
|
Post: #67
Title: Re: قضيت 20 يوماّ فى جهنم وخرجت منه أكثر كفراّ
Author: قرشى محمد عبدون
Date: 09-23-2011, 00:29 AM
Parent: #52
تسلم أخ محمود الدقم
وربنا يصلح حال العباد والبلاد
أملنا فى الله كبير
|
Post: #70
Title: Re: قضيت 20 يوماّ فى جهنم وخرجت منه أكثر كفراّ
Author: قرشى محمد عبدون
Date: 09-26-2011, 11:43 PM
Parent: #52
الاخ محمود الدقم .الله يسلمك .
ولك التحية والتقدير والاحترام
يازول ما تشيل هم ..المسألة حسب ما رأيت شارفت النهايات ..
بقليل من الصبر سيرينا الله عجائب قدرته فى هؤلاء الشائهين..
لا تحزن ..سيرحل ذاك الفيل الضخم والمريض عما قريب من مقرن النيلين
ومن صبر ظفر وعقبال ترجع لوطن سليم ومعافى
ومكنوس ونضيف
|
Post: #56
Title: Re: قضيت 20 يوماّ فى جهنم وخرجت منه أكثر كفراّ
Author: قرشى محمد عبدون
Date: 09-22-2011, 01:10 AM
Parent: #50
تحية طيبة العوض الطيب
وشكرا على الاضافات الطيبة
|
Post: #54
Title: Re: قضيت 20 يوماّ فى جهنم وخرجت منه أكثر كفراّ
Author: قرشى محمد عبدون
Date: 09-21-2011, 04:26 PM
Parent: #49
أهليين دكتورة نجاة ..غايتو عذبتينا بمداخلتك ههه
Quote:
خرجت من السودان 1993 واعود في السنوات الحداشر الفاتت سنويا
في حاجات كثيرة ايجابية وحاجات سلبية في السودان مع قناعتي لا يوجد اي حكومة فاتت او قادمة
سيستفيد منها الشعب.
الحاجة الملفتة للننظر هي انه الناس في الداخل استغنت عن الحكومة نهائيا
في كل لفة مدرسة ومستوصف.. واصبحت الحكومة في نظر اي انسان
شبح لا يرى ولكنه يرعب...
تغير الاتتيود السوداني تجاه حاجات كثيرة من قبل تعيش نصف الاسرة تنابلة على زول واح |
1- دكتورة نجاة ما عندها قناعة فى اى حكومة قادمة..فاتت ما معانا طبعا
2-لفتت النظر على انو الناس استغنت عن الحكومة وما ورتنا الاسباب
3-ما أكدت انو دى مدارس ومستوصفات حكومية ولا خاصة
4- قالت الحكومة عاملة زى الشبح ومرعبة
Quote: الان صارت كل الاسرة منتجة... يعني بقدرو يجيبو القروش
بعداك البنات صرن لديهن اهتمام شديد بالتعليم لانه شايفنو طوق نجاة والحمدلله الان صار عدد البنات في التعليم العالي
موازي لعدد الذكور..وصرن اكثر فهماللحياة غالبية اعضاء جمعيات المجتمع المدني من النساء ودي حاجة فيها محمدة كبيرة
يعني المرأة صار ليها وضع ممتاز جدا المظاهرات كلها نساء نساء في كل مكان
دي حاجة تمام
الانفتاح خلى السلع متوفرة وانقلبت من وين نجيب حاجات الى من وين نجيب قروش
والناس الفي الداخل عندهم حياة رغم صعوبتها الا انها حياة كاملة جدا
نحن الجيل الذي عاش على الحكومة اعاشة كاملة يعني اولاد حكومة
ولذلك نغضب حين نددفع للدراسة لابنائنا |
1-الاسرة بقت منتجة يعنى معتمدة على نفسها عشان الحكومة خلتهم
2-البنات فاقوا وفاتو الاولاد فى التعليم ودى محمدة طبعا فى نظرها
3-الانفتاح خلى السلع متوفرة و الاسرة المنتجة الفوق ديك تانى قلبت من وين حنجيب القروش
4-الناس عندهم حياة كاملة رغم صعوبتها
5-الناس غضبانة من الحكومة بسبب الرسوم
ya doctora this is mere dual standard and binary opposites at the same time
and it dose not fit well even in the context rather it is mixed up and vague
i know u meant it to be like that intentionally and as far as i know this
tactic called (open and closed text) theory in media studies
i have learnt it some time ago and it is similar to the theory of equilibrium/ disequilibrium
so it would have been nice if you posed some
basic suggestions for our cause instead of this slippery narrative
aha !
Quote: Ask not what your country can do for you - ask what you can do for your country"
|
as for Kennedy
would have said to him you are dead wrong and it does not work in Sudan
so when Kennedy was in power the Americans were already enjoying and entitled to democracy
if you want us to serve our country tell those gang to pull over
Thanx indeed
|
Post: #53
Title: Re: قضيت 20 يوماّ فى جهنم وخرجت منه أكثر كفراّ
Author: قرشى محمد عبدون
Date: 09-21-2011, 02:41 PM
Parent: #48
شكرا طه جعفر على إشراكنا فى هذا الوجع المقيم والمآىسى المتصلة ببعضعا البعض
|
Post: #57
Title: Re: قضيت 20 يوماّ فى جهنم وخرجت منه أكثر كفراّ
Author: اسماء الجنيد
Date: 09-22-2011, 07:57 AM
Parent: #53
اووووووووووووووووووووه ولدنا يا قرشي ’’ الف حمد الله على السلامة والبركة في شوفة الأهل يابا
معقولة بس لكن يا قرشي ياخ !!!
انا قلت تجينا طابق العروس ام خروس
تقول لي بقيت كافر كمان لووووووووووووووولز
ياخ والله الف الف حمد الله على سلامة وصولك وكل سنة وإنت بالف خير وكل الأهل
خلينا نشوفك قريب بالله ونسمع اخبارك واخبار جهنم الخوفتنا دي
ربنا يكون مع الغلابة والله
تحياتي اخي العزيز قرشي
والتحية لكل زوارك الكرام
|
Post: #58
Title: Re: قضيت 20 يوماّ فى جهنم وخرجت منه أكثر كفراّ
Author: محمد أبوالعزائم أبوالريش
Date: 09-22-2011, 08:58 AM
Parent: #57
تحياتي أخ قرشي والله يعين على هذا الوجع المتجدد.
الأخ طه جعفر ..
| Quote: كنت غريبا بين سكان بري لانني احتفظ بعلاقات طيبة جدا و حميدة مع هؤلاء النازحين و من الاشياء المحزنة انه قد قدمت لي دعوة لحضور فرح و كان ان قال لي العريس ستكون المدعوالوحيد من ناس هذه المنطقة فقلت للعريس لماذا ذا الكلام البطال و انت مقبل علي مثل هذا الفرح. فرد علي ان الجميع يتهمنا بالسرقة و ليس من احد يلقي علينا تحية او يعرض علينا ان نركب معه سيارته. |
آلمني بحق هذا الكلام، إذ أنني من أهالي بري.
هل يجدي أن أقدم اعتذاري لمن استضافتهم بري من هؤلاء النازحين؟
|
Post: #59
Title: Re: قضيت 20 يوماّ فى جهنم وخرجت منه أكثر كفراّ
Author: محمد عوض السيد
Date: 09-22-2011, 11:04 AM
Parent: #58
| Quote: قضيت 20 يوماّ فى جهنم وخرجت منها أكثر كفراّ |
اخي قرشي ..
طيب الناس المقنبرين راسهم في الويقود دا يعملوا شنو !!
مع ودي
|
Post: #60
Title: Re: قضيت 20 يوماّ فى جهنم وخرجت منه أكثر كفراّ
Author: Munir
Date: 09-22-2011, 12:23 PM
Parent: #59
ماشاء الله شايف ناس كتار عملت كوت لمشاركتي بإستنكار واضح ..
| Quote: يامنير الله يهديك يارجل ، نحن أكبر منك ونتمنى عليك أن توسع الرؤية قليلا حتى لو بالخروج من الخرطوم جغرافيّا!!!!!!!!!!!. |
يا أخي عثمان عبدالقادر لاحظ أن صاحب البوست قال العبرة ما بالسن، بل بتراكم التجارب والخبرة .. كلامه ده طبعاَ ممكن يكون صاح وممكن يكون غلط .. فالتجارب الكتيرة لن تعلم ليست مقياساً للحكمة .. بل لربما تؤتي الحكمة بدون تجربة - استنتاجات منطقية ساي -
أنا تكلمت عن المعاناة في الخرطوم لأنها تمثل المحصلة ومركز تركيز المعاناة .. والكلام عن المعاناة في الخرطوم يغني عن الكلام عنها في الأقاليم .. فنحن أصلاً أهلنا في الأقاليم إرتباطهم بالمركز محدود لأنهم يعيشون علي الحد الأدني للحياة - وحتي عهد قريب فإنهم لا يعرفون شئ يجيئهم من المركز غير السكر والشاي .. يعني أهم حاجات كان تلقاها في كنتين في قرانا الشمالية كانت السكر والشاي وحلاوة كرملة .. ما سمعت شاعرتنا التي تغني لولد عمتها الجاي من الخرطوم للزواج منها فتقول له :
الرسول يا ودعمتي
إن درت راحتي إن در جمتي
رسل لي التصريح الأجي ..(تجي وين؟ تجيء الخرطوم)
وبلالي متين يجي ..
الله إن جابك يا عشاي
جيب لي راس سكر وتمنة شاي
نصه للبنوت المعاي ونصه لأمي حبيبة قساي
وبلالي متين يجي ..
بالله ركِّز لي علي عبارة رأس سكر وتمنة شاي دي .. حيث تعلم أن غاية طموح بنوت قرانا كان السكر والشاي اللذان لا يأتيان إلاّ من الخرتوم !!.. فرزت الليلي؟؟ ..
فياعزيزي عثمان أنا زاتي زول أقاليم وضقت المرة في العاصمة كما المعاناة التي وصفتها في مشاركتي للذكري فقط.. قبل ولدنا ود عبدون ده يلدوه زاتو ..
وعاين له من جهالته كمان يتفاصح يقول ليك تجارب متراكمة .. الجاهل عدو نفسه ياخ ..
___________
Quote: يا منير نحن عشنا الأيام ديك وهي تمثل لنا أجمل الذكريات من عمرنا لأننا كنا فيها أحرار واسياد القرار
أديك نصف عمري ورجع لي الأيام ديك ومعاها رجع لي عهد الديمقراطية والحرية وعزة النفس |
الأخ العوض الطيب ياخي أنا أشك في مصداقيتك في كلامك أعلاه .. وإن كنت صادقاً فقل في بربك - وأحسبك قاعد في السعودية ، صححني لو غلطان - قل لنا بربك ما طعم الحرية التي وجدتها في السعودية حيث زوجتك ليس مسموح لها قيادة سيارة .. هل قاعد هناك عشان الحرية والديمقراطية أم أكل العيش؟؟ ..
.
.
الله هونيني ..
|
Post: #61
Title: Re: قضيت 20 يوماّ فى جهنم وخرجت منه أكثر كفراّ
Author: حسن طه محمد
Date: 09-22-2011, 01:04 PM
Parent: #60
Quote: ايه رايك انا قعدت 3شهور ونص وكانت زي الحلاوة وصمت رمضان كمان
وحضرت العيد والكعك والخبيز عند الغني والفقران
ماكل شارب ؛والتنك مليان بنزين
|
طيب ما تخليك قاعد هناك طوالي
وربنا يزيدك حلاوة
وقول ليهم البنزين القرب لدولار للتر الواحد دا رخيص بالله زيدو سعرو شوية!
والطماطم اللي كان وصل 26 جنيه بالجديد كان عليك توزع منو شوية للغلابة
وتشتري عربية الاسعاف للطوارئ وتشغلها بالمجان بدل الايجار الحاصل دا بالساعة
والتنك المليان دا خليه نص ووزع قروش النص التاني علي فقراء الشوارع والبيوت .ز يصيبك ثواب
آخ من زمن الصعود الي اسفل !!!!!
وتحياتي
|
Post: #63
Title: Re: قضيت 20 يوماّ فى جهنم وخرجت منه أكثر كفراّ
Author: Elawad Eltayeb
Date: 09-22-2011, 04:39 PM
Parent: #61
Quote: الأخ العوض الطيب ياخي أنا أشك في مصداقيتك في كلامك أعلاه .. وإن كنت صادقاً فقل في بربك - وأحسبك قاعد في السعودية ، صححني لو غلطان - قل لنا بربك ما طعم الحرية التي وجدتها في السعودية حيث زوجتك ليس مسموح لها قيادة سيارة .. هل قاعد هناك عشان الحرية والديمقراطية أم أكل العيش؟؟ ..
|
الأخ منير، والله كونك بتشك في مصداقيتي فهذا لا يزيد ولا ينقص من قناعاتي بنفسي والحمد لله ولكن يرد الشك في المصداقية لطريقة تفكيرك وتقييمك للمصداقية - ومحاولة تحويلك للنقاش من أمر عام لموضوع شخصي جارح -
وإذا بحثت هذا الموقع منذ أول مشاركة لي فلن تجد مني تهجما شخصياً على اي عضو ليس لأنني أخاف من أحد ولكن لأنني أحترم نفسي وأعامل الناس كما أريد أن يعاملونني
أما إذا أردت أن تعرف مصداقيتي خارج إطار الموضوع فأنا والحمد لله ليس لدي ما أخفيه - فإسمي في البروفايل هو إسمي الحقيقي وكل معلوماتي حقيقية ولا أرتدي اي أقنعة وكلماتي تخرج مباشرة من قلبي وضميري لا أخشي إلا من خلقني في أن لا أكتم حقا ولا أكون شيطانا أخرس أمام سلطان جائر وحاكم ظالم ونظام دكتاتوري ولا أريد جزاءا ولا شكورا من أحد إلا أن أخلص ضميري وأكتب قناعاتي بصدق وأرى اثر كلماتي في زيادة الوعي بضرورة الحكم الرشيد والحريات والعدل والديمقراطية والمثل العليا قبل الخبز وإنما الأمم الأخلاق ما بقيت فإن هم ذهبت أخلاقهم ذهبوا
أما إذا كنت تعني باقامتي في السعودية هروب من وطني فازيدك من الشعر بيت واقول إنني لم اخرج من السودان إلا بعد أن تم اعتقالي مرتين من قبل نظام الكيزان ولم اخرج إلا بعد أن قدمت ضريبة العمل في وزارة التجارة ثم بنك الخرطوم وبنك البركة وانجازاتي والحمد لله تشهد بها ملفاتي ويعرفها من زاملني في تلك البنوك ومصداقيتي لا احتاج والحمد لله أن ادافع عنها أمام أحد ولو كان هناك شك في مصداقيتي لما عملت في قطاع البنوك في أربعة من أكبر البنوك في العالمين العربي والإسلامي وما زلت أعمل في مجالي الذي راسماله هو المصداقية والحمد لله من قبل ومن بعد
وعموما أنا أقصد كل كلمة كتبتها وأنت ما طالبني حليفة والله على ما اقول شهيد.
ونحن يا أخي بعد ذهاب نظام الإنقاذ وهو زائل بإذن الله - سنحتاج لمجهود كبير ليبدأ الوطن من الصفر وينطلق من جديد،
أما المملكة العربية السعودية فلن أقول عنها إلا كل خير فما أنا فيها إلا ضيف مقيم أكرمت وفادتي وقيمت مؤهلاتي وخبراتي والحمد لله
لكن اسالني عن الحقوق في وطني السودان وأنا أجيبك إجابة من لا يخشي لومة لائم والله أكبر
|
Post: #64
Title: Re: قضيت 20 يوماّ فى جهنم وخرجت منه أكثر كفراّ
Author: Munir
Date: 09-22-2011, 07:15 PM
Parent: #63
الأخ العوض الطيب .. سلامات ..
أولاَ يا أخي أحسب أني فعلاً رددت عليك رد حاد .. وأعتذر لك عنه .. لم أكن أقصد التجريح بقدر ما أردت أن أشير إلي أن المقيم في السعودية لا يمكنه أن يتكلم عن الحرية والديمقراطية بمعناها الليبرالي التي يتباكي عليها الناس .. حيث أنه حتي الحريات البديهية مكبلة .. ولذا فمن يسعد بالعيش في ظل تلك القيود لن يقنعني بأنه يموت في الحرية والديمقراطية ولن يستطيع العيش بدونهما ..
|
Post: #65
Title: Re: قضيت 20 يوماّ فى جهنم وخرجت منه أكثر كفراّ
Author: اسعد صلاح البدري
Date: 09-22-2011, 08:08 PM
Parent: #64
Quote: ..غبارثقيل واكياس البلاستيك المتطايرة تسد مد البصر ..
الايادى الممدودة فى حسرة اكثر من الايادى |
حمد الله على السلامة
|
Post: #66
Title: Re: قضيت 20 يوماّ فى جهنم وخرجت منه أكثر كفراّ
Author: Elawad Eltayeb
Date: 09-23-2011, 00:03 AM
Parent: #65
ولا يهمك أخي منير ودمت بخير
|
Post: #69
Title: Re: قضيت 20 يوماّ فى جهنم وخرجت منه أكثر كفراّ
Author: Munir
Date: 09-23-2011, 05:04 PM
Parent: #66
| Quote: ولا يهمك أخي منير ودمت بخير |
الأخ العوض الطيب .. أحييك لسعة صدرك وبارك الله فيك .. أشهد بأني لم أقرأ لك مهاترات في هذا المنبر ..
أما أنا فقد شبعت منها .. فهذا المنبر كما نلاحظ أنه إتجاه واحد تقريباَ فإذا غردت خارج السرب وخالفت الخط العام فستجد نفسك في خط النار والمواجهة والمهاترة ..
بالرغم أني لست من أنصار الحكومة - رغم أني محسوب معها - إلاّ أن الغلو في المعارضة الذي وصل لدرجة الهوس يجعلني لا أراها خيراً منها إن لم تكن أسوأ .. ما ممكن ياخي كل شئ عنزة وإن طارت !!..
الشئ عندما يفوت حده ينقلب لضده ..
|
Post: #71
Title: Re: قضيت 20 يوماّ فى جهنم وخرجت منه أكثر كفراّ
Author: قرشى محمد عبدون
Date: 09-26-2011, 11:51 PM
Parent: #58
أخ محمد أبوالعزائم أبوالريش
فلنصطبر جمعيا على هذه والاوجاع
لاندرى ما يخبئه لنا القدر فى الايام القادمات
ونظنه خيرا بإذن الله
وشكرا جميلا على مرورك الكريم
|
Post: #68
Title: Re: قضيت 20 يوماّ فى جهنم وخرجت منه أكثر كفراّ
Author: قرشى محمد عبدون
Date: 09-23-2011, 00:39 AM
Parent: #57
العزيزة سوما ..ارجو ان تكونى بخير ..
ربنا يديكى الصحة والعافية
الله يسلمك ويبارك فيكى
إن شاء الله حنشوفكم قريب ونحكى
ليك بالتفاصيل قصة اصحاب الشمال واهل جهنم ..
الغلابة ما عندهم حيل ونفس بعد كدا .. يتنفسون الأمل فقط
ولولا الأمل لانفطر الفؤاد كما قالوا
|
|
