قرون الجاموس والسروال الناصل!! المرة دى تلقوها عند الغافل!

واحد أخونا ماسك ليهو جاموس هائج من قرونو فنادى احد المارة وطلب منه ان يساعده فى الإمساك بقرني الجاموس حتى يرفع سرواله الناصل فصدقه الرجل بتقديم المساعدة ولكن أخينا المزنوق لم يزد الا ان يتكك سرواله ويطلق ساقيه للريح تاركا المسكين فى ورطة!
اها يا ناس المؤتمر الوطنى الخراهو يخمو عفنتوا الدنيا ودايرين البلهاء يحلوكم!
جنى

تعرف يا جن جنونو, اتشابهت علينا البقر والجواميس. قصدي الامثال..
تعرف ان المثل دا موجود عند اهلنا الدينكا واسمح لي اترجم المثل. رغم التشابه الشديد.
واحد من الناس كان ماشي في(قوق) قوز او سمه ما تشاء وفجاءة هاجموا جاموس, صاحبنا رمي حرابو ومسك الجاموس من قرونو, صارعو لحين من الدهر.
اها جاء واحد ماري, صاحبنا ناداهو وقال ليهو عليك الله شيل كوكاب من حرابي دي واقتل لي الجاموس دا. الشخص الكان ماري دا رفض وقال انت داير الجاموس يرفزني?
اها صاحبنا قال ليه تعال امسك القرون وان بقتلو ليك. الماري قام مس الجاموس من قرونو.
صاحبنا داك لما حرابو واتوكل.. اها الماري قال ليه ماشي وين ومخليي للجاموس?
صاحبنا رد ليهو: دا جاموس فريقكم..
اها عليك الحركة الشعبية الام ما عملت كدا لي للقوي السياسية السودانية(الشمالية)?
هسع منو البتلام?
الجاموس= المؤتمر الوطني
الكان ماسك قرون الجاموس= الحركة الشعبية الام
المارة واصحاب الفريق او الديار= القوي السياسية السودانية
الشمالية ومثقفيهم وكل من تبعهم الي يوم الدين..
اها قصرت معاك..
يديك العافية

LooooL Albino
Good order good logic

Jini

ههههه

و هم عارفين السيد ابوكلام فراج الكروب و حلال المحن .. رمو ليهو العضة منصب رئيس الوزراء

إلا بس جماعتو ما خلوه المرة دي


مسكين الحاج ادم و التجاني سيسي

Quote: تعرف يا جن جنونو, اتشابهت علينا البقر والجواميس. قصدي الامثال.. تعرف ان المثل دا موجود عند اهلنا الدينكا واسمح لي اترجم المثل. رغم التشابه الشديد. واحد من الناس كان ماشي في(قوق) قوز او سمه ما تشاء وفجاءة هاجموا جاموس, صاحبنا رمي حرابو ومسك الجاموس من قرونو, صارعو لحين من الدهر. اها جاء واحد ماري, صاحبنا ناداهو وقال ليهو عليك الله شيل كوكاب من حرابي دي واقتل لي الجاموس دا. الشخص الكان ماري دا رفض وقال انت داير الجاموس يرفزني? اها صاحبنا قال ليه تعال امسك القرون وان بقتلو ليك. الماري قام مس الجاموس من قرونو. صاحبنا داك لما حرابو واتوكل.. اها الماري قال ليه ماشي وين ومخليي للجاموس? صاحبنا رد ليهو: دا جاموس فريقكم.. اها عليك الحركة الشعبية الام ما عملت كدا لي للقوي السياسية السودانية(الشمالية)? هسع منو البتلام? الجاموس= المؤتمر الوطني الكان ماسك قرون الجاموس= الحركة الشعبية الام المارة واصحاب الفريق او الديار= القوي السياسية السودانية الشمالية ومثقفيهم وكل من تبعهم الي يوم الدين.. اها قصرت معاك.. يديك العافية

خليهم ماكسين القرون، وإن شاء الله كما يجوا ناس تانين يحلبوا اللبن .. يبقى عليهم رمد ووجع عيون ..

بريمة

وانا سمعت ان الزول الكان ماسم الجاموس قال للزول الـلي مر بيهو:
تعال يازول امسك الجاموس بتاعك ده .. الزول قال ليهو: كان بتاعي فكو.
(بكسر الفاء)
اها الحكومة ماسكة جاموس المعارضة الـ كان زمان تور ساقية .
وبعد بقا تور خلا المعارضة نكرتو ضمة .

يا ألبينو

الحركة الشعبية قطاع الجنوب عملت مع المعارضة عملية الزول العايز يعشر حمارتو*
فاختارت الحمار** وساعدته على اتمام المهمة, ولما الحمارة (مسكت) باعتها فى السوق.


أما الصادق المهدى فالمؤتمر الوطنى قال ليهو أمسك القرون عشان نرفع سروالنا
قال ليهم انتو خليكم ماسكين القرون وانا برفع السروال الناصل(عشان باقى المعارضة مايشوفوا عورتكم)!!






__________________________
* المعارضة الشمالية
** المؤتمر الوطنى

والله فنانين..
لقيتكم خترين.
تعرف واحد صحبي(عبدالفتاح,الله يطراه بالخير) بعد اي نكتة او مقلب
بيرجع ويسآل: لقيني كيف?
ومن غير ما تسالوني اها رميتها ليكم.
this is what i call a stand up comedy ..
thanks to jini.
jini you said loool.
well ama say lmbao.

والله يا ألبينو مثلك ظابط على وضع السودان ظبطة شديدة. لكن الخوف التور الأنطح دا يقدر على الزول الماسكه هسع و يحصل الكان ماسكه قبيل... خلي بالك دا تور ما مضمون و مخرب شديد الله يكفينا شره.

Quote: لكن الخوف التور الأنطح دا يقدر على الزول الماسكه هسع و يحصل الكان ماسكه قبيل... خلي بالك دا تور ما مضمون و مخرب شديد الله يكفينا شره.

هههههههه...إلخ
يا العوض أكان إنطلق لوّمك بي
الفريق كلوووو يرقد وآطة.


تحياتي جني، البينو،
والقية...