مناضلي الغفلة و الكيل بمكياليين

والله نحن في حيرة من امرنا مما يحدث حولنا
نحن في حوجة لثورة شاملة , بها المحسي و الفوراوي و البجاوي و.. كل السودانيين بمختلف قبائلهم و هويتهم و ثقافاتهم و معتقداتهم ...
و لسنا بحوجة لثورة تعمل باسم القبيلة الواحدة او الحزب الواحداو الدين الواحد..
نحنا بحوجة لثورة او لثائر قومي يعمل من اجل السودان الوطن المتعدد الهويات و الثقافات لثائر يهمه امر كل الوطن
و لسنا بحوجة لثورة نخجل من تاريخها او نخجل من تاريخ ########ها.. اثبتت الأيام ان الثورات التي تأتي من غير سلاح و التي تكون شاملة لكل الاجناس
و الطوائف الدينية و الاحزاب السياسية هي الثورات التي يكتب لها النجاح و الثورة المصرية اكبر دليل على ذلك , فنظام مصر التي كانت تقف من ورائه امريكا
و إسرائيل اقوى بكثير من نظام البشير الذي اطال عمره ما يسمى بالحركات المسلحة التي تستخدم نفس اسلحة النظام- السلاح الناري و سلاح القبلية ليس لشيئ
سوى للإعتلاء على كرسي السلطة.. ما يسمى بالحركات المسلحة ستطيل من عمر النظام و قد اطالت عمره بالفعل و اكسبته شرعية هو غير اهل لها, و اصبح النظام
يتزرع بها حتى في المحافل الدولية.


اكيد للحديث بقية..

مثل هذة الحركات قد اربكت كثيراً من البسطاء من ابناء الشعب السوداني و اصبحوا يساندون النظام و يرون فيه صمام الأمان
لحماية ارواحهم و اعراضهم و هم يستمعون الى تصريحات هوجاء تتوعدهم بالويلات و الأهوال من بعض مناصري هذة الحركات الذين
يطلقون القول على عواهنه و هم يحسبون انهم يحسنون صنعا في دك حصون النظام وقد نجح النظام في تسويق هذة الأبواق ايما نجاح
فظل ينشرها إعلانياً و يروج لها لأنها تصب في مصلحته اولاً و أخيراً.

متابعين يا اخت سناء

وممكن تسمي الاشياء باسمائها، عادي، اتجاوزنا مراحل اصعب من دي

طريق الحرية يبدأ بزحف الثوار لتحرير الخرطوم مرة واحدة وللأبد !

Quote: وممكن تسمي الاشياء باسمائها،

احمد ود ابن عوف ركزى يا خوى سمح
ركز؟

الكلمة المحذوفة في المداخلة الأولى هي: ق ا د ا ت ه جمع قائد ما بعرف اتحذفت لييه يلا ما علينا


و بالرجوع الى قيادة احدى هذة الحركات نجد ان تاريخهم غير مشرف بل مخجل للغاية
و إلا بالله عليكم كيف نصتف خلف دباب كان بالأمس من صناع هذا النظام؟ النظام الذي افقدنا جذءً عزيزاً من هذا الوطن ومن ابناء هذا الوطن
و ان قلنا بأنه تاب او عاد اليه رشده فهو اليوم يعمل دباباً لبشير ليبيا ..فكيف لنا ان نستحل دماء الليبيين الذين سالت دمائهم انهاراً
ليفتدوا وطنهم, لينعموا بالحرية و العدالة و المساواة كيف نقف خلف من استباح دمائهم و ارواحهم و اعراضهم و اموالهم و ممتلكاتهم ؟؟
كيف نقف خلف من وضع يده في يد السفاح بشير ليبيا( القذافي) ؟؟
كيف نقف خلف من كان و لم يزل يعشق الديكتاتوريات و يقف و يساند ديكتاتوراً اذاق بلده و شعبه ويلات القهر و الإستعباد ؟؟

كيف نقف وراء من ادمن ان يضع يده على يد دكتاتوريين لطخوا ايديهم بدماء الابرياء من شعبهم لا لشيئ سوى لأغراض شخصية
نريد ثورة شاملة نظيفة و لا نريد إراقة دماء و الثورة المصرية خير مثال يا مصاصي الدماء

المتداخلين الكرام تحية للمرور و سوف اقوم بالرد على مداخلاتكم ان شاءالرب الكريم - في وقت لاحق

سناء الغريبة أنك تختارين من تريدن أن تجرمينهم بعناية فائقة.

هل كان الدكتور خليل هو الوحيد الذي صادق الالرعماء الدكتاتورين أو شارك في نظام حكمهم؟

أرجعي الى تاريخ السودان وسوف تجدين كل الأحزاب الرئيسية في السودان كانت لها علاقات مشابهة.

والأن هنالك بعض الأحزاب تناضل نهارا ولكنها تجتمع وتقبض من نظام الإنقاذ ليلا، فلماذا لم تستنكري تصرفاتهم يا سناء؟

أم أن كلامك هذا مقصود به أبناء الهامش لوحدهم؟ واضح جدا أن ميزان عدالتكم مائل ومنحاز.

اخوي ود الصايم

Quote: احمد ود ابن عوف ركزى يا خوى سمح ركز؟

تمام
حوّل

Quote: سناء الغريبة أنك تختارين من تريدن أن تجرمينهم بعناية فائقة. هل كان الدكتور خليل هو الوحيد الذي صادق الالرعماء الدكتاتورين أو شارك في نظام حكمهم؟ أرجعي الى تاريخ السودان وسوف تجدين كل الأحزاب الرئيسية في السودان كانت لها علاقات مشابهة. والأن هنالك بعض الأحزاب تناضل نهارا ولكنها تجتمع وتقبض من نظام الإنقاذ ليلا، فلماذا لم تستنكري تصرفاتهم يا سناء؟ أم أن كلامك هذا مقصود به أبناء الهامش لوحدهم؟ واضح جدا أن ميزان عدالتكم مائل ومنحاز.

دينق سلامات

معقول يا دينق القبض و الدفع بيساوي عندك الكتل و استباحة الدماء و الاعراض و التشريد و الفتن و....ما اظنك انت نفسك مقتنع بما تقول
وزي يتخيل لي في فترة من الفترات انك كنتا معارض خليل و كتبته بالحرف ما معناه انه خليل هو من قتل الجنوبيين..قبل ما يختلف مع البشير
اها اسه الحصل شنو يعني عفيت ليهو جرايمه العملا فيكم في الجنوب طيب خلاص لو ده فهمك يوم حتجي تعفي عن السفاح البشير لو جا نظام تاني ما عاجبك
و جاكم البشير لاجئ في الجنوب و عمل ليه حركة مسلحة و جا يحارب نظام الخرطوم .. برضو راي و تسلم على المرور

والله امر عجيب وغريب

انتظر لسه للتمعن والنظر

واريد ان اعرف رؤية الاستاذه سناء للقتال الذي يتم من عصابة الانقاذ شرقا وشمالا وغربا وفي الجنوب تاتي سنابك المسلمين جيوش ومدنيين

وتبرع بذهب وحلي لقتال كفار اهل الجنوب
قد قيل عن الشهيد قرنق اسوا من هذا لكنه نزع الاستقلال لشعب الجنوب

ماذا يفعل مالك عقار وقد وجد قوات غازية تهاجمه اينتظر القتل ؟؟


ام الحلو بعد تزوير الانتخابات ومحاولة نزع سلاح اتت به الحركات عنوة واقتدار ضد الظلم وضد القهر


انا عن نفسي لا احمل سلاح لكن حملته قوات مجد وهي بتاعت الحزب الشيوعي وحملته قوات التحالف السوداني وحملته جنود الصادق المهدي


العنصرية والدين استخدمتا في السودان لاذلال اهل البلد

سلامات يا سناء

Quote: نريد ثورة شاملة نظيفة و لا نريد إراقة دماء و الثورة المصرية خير مثال يا مصاصي الدماء

كيف؟
واقعنا ليس واقع مصر ابداً
سمعتي ليك بقبيلة في مصر قبل كدا!؟
هل عندك جيش وطني - حقيقي- يساند الثورة، و ينصاع لما يريده الشعب ضد قائده!؟
كم هو عدد سكان مصر!؟
هل تعلمي انو 22 مليون مصري مستخدمين للانترنت!؟

يلا كلنا عاوزنها ثورة بيضاء .. ياسمين .. لوتس .. و رد بس ..

لكن كيف؟



-------------

الغريبة بتتكلمي عن ديكتاتور ليبا .. و بتاخدي قفزة فوق حمام الدم السال .. بل سائل لي اسي ..
هل كان خيار السلاح حتم ام قرار!؟
باقي ليك في زول عاوز يموت .. لكن لمن يبقى باطن الارض اشرف من ظاهرها بتبقى الحرب مفروضة فرض

اقول قولي هذا و انا رافض لكل اشكال العنف .. حتى اللفظي منه
و ضد اي تغيير غير سلمي .. لكن

لا اعيب على الناس خياراتها .. و ان رفعوا السلاح لقتلي لما رفعته
لأن اُقتل خيرٌ لي من ان أَقتُل

يا سناء اليدو في الموية ما زي اليدو في النار ..

البوعزيزي في عليائة المجيدة اكيد بكون اسي مندهش لما صار
اكيد بكون ما قاصد يشعل التاريخ ناراً و يشتعل ..
كان مجرد خريج جامعي ضيقوا عليه الواسعة .. فصعد فوق احتقانه ليخلص ..
تفتكري انو كان بفكر في المسألة زينا اسي!؟

تحياتي

سناء إزيك

بعد البوست دا حا تصنفي على إنك كووووووووووووووووزة


تحياتي و إحترامي

Quote: والله امر عجيب وغريب انتظر لسه للتمعن والنظر واريد ان اعرف رؤية الاستاذه سناء للقتال الذي يتم من عصابة الانقاذ شرقا وشمالا وغربا وفي الجنوب تاتي سنابك المسلمين جيوش ومدنيين وتبرع بذهب وحلي لقتال كفار اهل الجنوب قد قيل عن الشهيد قرنق اسوا من هذا لكنه نزع الاستقلال لشعب الجنوب

و انا وين ايدت الإنقاذ و للا قتلها للمواطنيين و ايدت الهوس الديني بتاع الإنقاذ و للا انتا بس جاي تعارض بأي شكل و خلاص

و يا سيدي لا يوجد اي تشابه بين القائد المناضل الراحل جون قرنق و بين خليل ابراهيم ..الراحل جون قرنق استقبله الشماليين و بكوا عليه كما لم يبكوا على احد

Quote: نريد ثورة شاملة نظيفة و لا نريد إراقة دماء و الثورة المصرية خير مثال يا مصاصي الدماء

كم من بيتكم تحولوا الي أشلاء بقصف الانتونوف؟؟!!
هل أحرقت قريتك أو مدينتك؟؟
هل تم توقيفك أو توقيف قريب لك فقط لأن ملامحك تشبه ملامح قبيلة بعينها؟؟!!
كم قريب لك أستهدف فصودرت أملاكه و أملاك اولاده لأنه فقط ينتمي الي قبيلة بعينها؟؟
هؤلاء ليسوا أعضاء في حركة العدل و المساواة .. و ربما معرفتهم بخليل أقل من معرفتك انت بخليل ...
نحن نموت ... نقتل كل يوم .... بينما أدعياء الترف الفكري و منظراتية الثورات البيضاء ... يلومون من بقي منا أحياء ... لأنهم يريدون من أي أحد .. أي أحد .. لا تهم ديانته او مذهبه أو لونه أو جنسه .. أن يوقف هؤلاء القتلة في الخرطوم .... و لا يهم من يحكم من بعد ذلك ... طالما بقي الفضّل من اهل دارفور ... أحياء ليوم آخر ...
و الإيدو في الموية .. ما زي الإيدو في النار ...

و بمناسبة القذافي ... شايفك مبسوطة لأنه زال من الحكم .... عارفة كيف هو زال من الحكم ؟

ديل مش كيزان الأزالوه من الحكم ... ديل صليبيين عديل كدة ....
أمشي قولي لثوار ليبيا: عيب عليكم .. دي ما ثورة .. لأنكم إستعنتم بنفس أصحاب الطيارات البتقتل الفلسطينيين في غزة و العراقيين في العامرية و اللبنانيين في البقاع ...


شوفي يا سناء ... خليل ده الدخل الخرطوم و خلي نافع يشرد للمطار .... خليل ده بطل لمقبولة في دارفور ... خليل ده بطلنا .... نابع مننا ... و أثبت إنو يتقدم الصفوف و يخاطر بروحو عشان قضيته ...
فتشي ليكي عن بطل في مصنع في اليابان بحسب مواصفاتك دي ....

سناء سلامات
خليل عزرائيل كدي الننفك
ويحلنا الحلة بلة من القيد والذلة
الهدف واحد

Quote: سناء إزيك بعد البوست دا حا تصنفي على إنك كووووووووووووووووزة تحياتي و إحترامي

و من متين انا قاعدة اهتما بي اراء الناس انا ما بلف و للا بدور و لا بكتب إرضاءً للآخريين زي ما بعملوا واحدين

و شي تاني و ما بسلف باسوردي لناس عشان يكتبوا لي ههههه.. تسلم على المرور يا ابو حسين

Quote: كيف؟ واقعنا ليس واقع مصر ابداً سمعتي ليك بقبيلة في مصر قبل كدا!؟ هل عندك جيش وطني - حقيقي- يساند الثورة، و ينصاع لما يريده الشعب ضد قائده!؟ كم هو عدد سكان مصر!؟ هل تعلمي انو 22 مليون مصري مستخدمين للانترنت!؟ يلا كلنا عاوزنها ثورة بيضاء .. ياسمين .. لوتس .. و رد بس .. لكن كيف؟ ------------- الغريبة بتتكلمي عن ديكتاتور ليبا .. و بتاخدي قفزة فوق حمام الدم السال .. بل سائل لي اسي .. هل كان خيار السلاح حتم ام قرار!؟ باقي ليك في زول عاوز يموت .. لكن لمن يبقى باطن الارض اشرف من ظاهرها بتبقى الحرب مفروضة فرض اقول قولي هذا و انا رافض لكل اشكال العنف .. حتى اللفظي منه و ضد اي تغيير غير سلمي .. لكن

القبلية المتفشية في مصر ما متفشية في ا ي بلد تانية.. انا عشتا في مصر .. في صراع قبلي عنيف بين الصعايدة (يقطنوا جنوب مصر ) و بين الفلاحين
(شمال مصر) و بين الاتنيين ديل و بين النوبيين ده غير الصعايدة في بعضم قبيلتي و قبيلتك و الفلاحين برضو نحنا منوفية و نحنا مرازيق و تشاحن شديد
بين اهل الإسكندرية و اهل القاهرة و لا تفوتك مشاكل النوبيين الأصبحوا من الأقليات و الحكومة بتحاول تقضي على من تبقى منهم حتى احالوا الامر للامم المتحدة
و ايضا تحرش الصعايدة بالنوبين للتضييق عليهم و .....
ده من الناحية القبلية تعال للناحية الدينية و ما اظن الفتن البين المسلمين و المسيحيين و احراق الكنائس و القتل و الفتن البيناتم فايتة عليك

لو جينا نتحدث عن القبلية الفي مصر و الفتن الدينية و النزاعات السياسية يبقى نفرد بوست كامل ..
و في النهاية تبقى مسألة نريد ثورة من غير إراقة دماء هي امنية امني بها النفس و قد يخالفها الواقع . و الظاهر عليكم يا معشر الرجال مطعطشون للدماء

فكرة سناء واضحة جدآ ،، ومشروعة
سناء لم ترفض الكفاح المسلح كما ظن البعض ، ولكنها تطلب الإصطفاف خلف بندقية واحدة وقيادة وطنية واحدة
متوجسة ، وعن حق ، من أي بندقية زنادها قبلي او عنصري ، أو قيادتها موسومة بتهيئة السلطة للكيزان أو كانوا جزء منها
سناء بتبحث عن الحركة الوطنية الساسية المسلحة التي ترفع شعارات تنادي بتحرير البلد من قبضة الكيزان وإستعادة الديمقراطية

ما عارف ليه حاول البعض دمغها بالإستعلاء على قوى الهامش كما فعل صديقنا دينق
أو عمد لتخويفها بالكوزنة كما أشار ابوريش
أو قراها غلط بالمرة كما يفعل زميلنا قيقراوي

أعيدوا قراءتها بتركيز زي ما طلب معاوية الصايم

Quote: سناء سلامات خليل عزرائيل كدي الننفك ويحلنا الحلة بلة من القيد والذلة الهدف واحد

هذا اكبر خطأ يا باسط .. الناس ايام حكم الصادق في فترة الديمقراطية و عندما اشتد عليهم الفقر و العوذ كانوا بقولوا نفس الكلام. و حكومة الإنقاذ كانت تعي نقطة ضعفنا تماماً
لذلك اترمينا في احضانها بنفس فهم يحلنا الحلا بلا و لي يوم اللية ما قادرين ننفكا من هذا الحضن الغير دافئ المتعفن برائحة الدم و الصديد

الأخ محمد سليمان اعود للرد عليك و على بقية الزملاء ..جري شديد بين الاندري و المطبخ

كلامك تمام يا بت الشيخ
واصلي ونحنا متابعين ومساندين

Quote: وزي يتخيل لي في فترة من الفترات انك كنتا معارض خليل و كتبته بالحرف ما معناه انه خليل هو من قتل الجنوبيين..قبل ما يختلف مع البشير اها اسه الحصل شنو يعني عفيت ليهو جرايمه العملا فيكم في الجنوب طيب خلاص لو ده فهمك يوم حتجي تعفي عن السفاح البشير لو جا نظام تاني ما عاجبك و جاكم البشير لاجئ في الجنوب و عمل ليه حركة مسلحة و جا يحارب نظام الخرطوم

سناء ازيك

انا عارف بمجرد اتفاقنا معك ولو في اي شيء سيجعل منك كوزة زي ما قال اخونا ابوالحسين، ما علينا
نعم اتفق معك تماما في هذه الجزئية، وباختلاف الموقع الذي نقف به، الا انه يبدو اننا ننظر في نفس الاتجاه

الكثير من المعارضين اضاعوا البوصلة، وتحديدا محمد سليمان ودينق
يعارضوا من اتفق مع الحكومة ويدعموا من اختلف معها، في اي زمان ومكان، هي بوصلتهم وهادي ركبهم
يريدونها حرب شعواء تأكل الاخضر واليابس، ولا يهمهم، يستمتعوا بفنادق الخمسة نجوم
لا افكار ولا ايديولوجيات ولا هامش ولا مركز ولا قبيلة، هم فقط مع كل من يحمل السلاح ضد الحكومة وينشر الدمار والحروب
اتفهم موقف دينق، فهو يتبع لدولة اخرى، ولكن ما بال ود سليمان؟

تحياتي

Quote: كم من بيتكم تحولوا الي أشلاء بقصف الانتونوف؟؟!! هل أحرقت قريتك أو مدينتك؟؟ هل تم توقيفك أو توقيف قريب لك فقط لأن ملامحك تشبه ملامح قبيلة بعينها؟؟!! كم قريب لك أستهدف فصودرت أملاكه و أملاك اولاده لأنه فقط ينتمي الي قبيلة بعينها؟؟ هؤلاء ليسوا أعضاء في حركة العدل و المساواة .. و ربما معرفتهم بخليل أقل من معرفتك انت بخليل ... نحن نموت ... نقتل كل يوم .... بينما أدعياء الترف الفكري و منظراتية الثورات البيضاء ... يلومون من بقي منا أحياء ... لأنهم يريدون من أي أحد .. أي أحد .. لا تهم ديانته او مذهبه أو لونه أو جنسه .. أن يوقف هؤلاء القتلة في الخرطوم .... و لا يهم من يحكم من بعد ذلك ... طالما بقي الفضّل من اهل دارفور ... أحياء ليوم آخر ... و الإيدو في الموية .. ما زي الإيدو في النار ... و بمناسبة القذافي ... شايفك مبسوطة لأنه زال من الحكم .... عارفة كيف هو زال من الحكم ؟ ديل مش كيزان الأزالوه من الحكم ... ديل صليبيين عديل كدة .... أمشي قولي لثوار ليبيا: عيب عليكم .. دي ما ثورة .. لأنكم إستعنتم بنفس أصحاب الطيارات البتقتل الفلسطينيين في غزة و العراقيين في العامرية و اللبنانيين في البقاع ... شوفي يا سناء ... خليل ده الدخل الخرطوم و خلي نافع يشرد للمطار .... خليل ده بطل لمقبولة في دارفور ... خليل ده بطلنا .... نابع مننا ... و أثبت إنو يتقدم الصفوف و يخاطر بروحو عشان قضيته ... فتشي ليكي عن بطل في مصنع في اليابان بحسب مواصفاتك دي ....

اولاً عن حديثك هل قتل اهلك و ما ادراك .. ..الخ نعم قتل اهلي في كجبار و شرد اهلي في حلفا و غرقت ارض الاجداد و غرقت معها الأملاك و الأموال و الحضارة و الهوية
كل هذا حدث و مازال يحدث و لاتنسى ان اكثر من ساند النظام طبعاً ليس الكل و لكن الأغلبية كانت من قبيلة الفور لا تقل لي كنا قايلنها
حكومة رشيدة فيكفي انها اتت للسلطة بأنقلاب و من غير انتخابات و المؤسف اكثر انها انقلبت على نظام ديمقراطي منتخب من قبل الشعب فلم نكن نصنفهم بقبيلتهم
بل بأنهم كيزان او امنجية و الى الآن لا نحمل اي ضغينة تجاة اهلنا في دارفور فهم اهلنا و مايؤلمهم يؤلمنا لكن لزم ذكر هذة الحقيقة لأنها حقيقة ان شئنا و ان
ابينا
و اما عن عنصرية النظام فانا لا انكرها تجاه اهل الغرب لكن ايضاً عليك الا تنكرها من النظام تجاه اهلنا النوبة في الشمال و كل اصحاب( الرطانات) في
كل انحاء السودان.
اما عن حديثك عن لا يهم من يخلصنا فأنا اظل اعارضه و بشده و انا حرة في رأيي و انت حر في رأيك .. خليل بالنسبة لي مثله مثل البشير ,قاتل و ظالم و مهتك
اعراض و منتهك حرمات وعنصري و منفعجي و صناعة كيزانية و لا يهمه مصلحة اهله
و عن حديثك انه الايدو في الموية ما زي الايدو في النار انتا اول واحد مادي يدو في موية و موية باردة كمان
لا يفوتك انا سناء زميلتك في المنبر عانيت و عانى اهلي من البلاء ما عانى و مازالوا شردنا و طرد ابي من العمل و لا يعمل احد فينا و لا نستطيع ان نعمل في
اي قطاع حكومي ده غير بهدلتنا و إذلالنا من قبل الامنجية الانتا عارفهم اكترم من اي جهة ..اسأل عننا تاريخنا ناصع و ابيض و مشرف تاريخ اسرتي مشرف
ناضلنا نضال نضيف من اجل مبادئنا زمن الرجال بدسوا و بمشوا مع الحكومة وما عشان ناخد عليه تمن و للا عشان نتباهى بيه في النيت
بجيك راجعة

Quote: مثل هذة الحركات قد اربكت كثيراً من البسطاء من ابناء الشعب السوداني و اصبحوا يساندون النظام و يرون فيه صمام الأمان لحماية ارواحهم و اعراضهم و هم يستمعون الى تصريحات هوجاء تتوعدهم بالويلات و الأهوال من بعض مناصري هذة الحركات الذين يطلقون القول على عواهنه و هم يحسبون انهم يحسنون صنعا في دك حصون النظام وقد نجح النظام في تسويق هذة الأبواق ايما نجاح فظل ينشرها إعلانياً و يروج لها لأنها تصب في مصلحته اولاً و أخيراً.

كلام واعي و منطقي جداً

إديك العافية و إحفظك من كل شر

Quote: بمناسبة القذافي ... شايفك مبسوطة لأنه زال من الحكم .... عارفة كيف هو زال من الحكم ؟ ديل مش كيزان الأزالوه من الحكم ... ديل صليبيين عديل كدة .... أمشي قولي لثوار ليبيا: عيب عليكم .. دي ما ثورة .. لأنكم إستعنتم بنفس أصحاب الطيارات البتقتل الفلسطينيين في غزة و العراقيين في العامرية و اللبنانيين في البقاع ...

و حتة اني مبسوطة انه القذافي مشى فانا فعلاً مبسوطة و اتمنى انه كل الأنظمة الديكتاتورية تذهب الى الحجيم و حتة انهم استعانوا ب الصليبيين دي انا شخصيا ما ايدتها على الإطلاق و ما حايدا الى يوم يبعثون و ستظل هذة النقطة وصمة عار في جبين الثورة الليبية
و شيئ ثاني سيحسب على الثورة الليبية - قتلهم للأبرياء و بالتحديد للسودانيين و اكثرهم من ابناء غرب السودان -ناس لا ايد لا كراع قتلوا- بسبب خليلك هذا
و اصبح السودانيين في نظر الكثيرين خائنيين و مأجوريين وكان لك ان تأسى عليهم ايضاً

Quote: شوفي يا سناء ... خليل ده الدخل الخرطوم و خلي نافع يشرد للمطار .... خليل ده بطل لمقبولة في دارفور ... خليل ده بطلنا .... نابع مننا ... و أثبت إنو يتقدم الصفوف و يخاطر بروحو عشان قضيته ... فتشي ليكي عن بطل في مصنع في اليابان بحسب مواصفاتك دي ....

نافع !! هو نافع ده كان حيكون نافع لولا خليلك هذا .. و انت لا يحق لك انت تتحدث باسم كل اهل دارفور ..خليل مصاص دماء ديكتاتور مساند للأنظمة الديكتاتورية
مثله مثل البشير و القذافي و بشار و مبارك و ......و يجب ان يحاكم في المحكمة الدولية لمساندته للقذافي و لقتله لليبيين الابرياء و لقتله للجنوبيين
خليل بطل لمن هم امثاله لمن يكتال بمكيالين و للا نمشي بالمثل البقول يفلق و يداوي لا يا سيدي لن تصنع منه بطلاً
الأبطال نعرفهم و نقدرهم من غير اي اعتبار لهويتهم و لقبيلتهم الابطال الذين نعرفهم و يعرفهم التاريخ و يقدرهم هم مانديلا ,جون قرنق,غاندي , نهرو..و القائمة تطول لكن خليلك هذا مكانه سيكون في مذبلة التاريخ

Quote: فكرة سناء واضحة جدآ ،، ومشروعة سناء لم ترفض الكفاح المسلح كما ظن البعض ، ولكنها تطلب الإصطفاف خلف بندقية واحدة وقيادة وطنية واحدة متوجسة ، وعن حق ، من أي بندقية زنادها قبلي او عنصري ، أو قيادتها موسومة بتهيئة السلطة للكيزان أو كانوا جزء منها سناء بتبحث عن الحركة الوطنية الساسية المسلحة التي ترفع شعارات تنادي بتحرير البلد من قبضة الكيزان وإستعادة الديمقراطية ما عارف ليه حاول البعض دمغها بالإستعلاء على قوى الهامش كما فعل صديقنا دينق أو عمد لتخويفها بالكوزنة كما أشار ابوريش أو قراها غلط بالمرة كما يفعل زميلنا قيقراوي أعيدوا قراءتها بتركيز زي ما طلب معاوية الصايم

طيب يا زميل ..


اشرح لينا بالله ..
لانو بالجد ما قادر اقرأ كلام سناء زي قرايتك اعلاه ..




-------------------

و بالله ركز لي على تعطشنا -نحن معشر الرجال- للدماء .. او كما قالت!!؟

وين اتعطشت ليها او دعيت لحرب انا دا .. ما عندي شغلة بيكم انتو

دي نوعية النقاشات التي لا تؤدي اصلاً

انا ذكرت اني لا اقرر رفع السلاح و لن افعل .. و ملتزم باللاعنف و لو هلكت
لكني ما بعيب على حامل السلاح المكره على حمله، لو كان دا خيار حتمي ليهو
الله اذن للذين يقاتلون بانهم ظلموا .. مالكم كيف تحكمونّ!

وين تعطش الدماء هنا!؟

Quote: معقول يا دينق القبض و الدفع بيساوي عندك الكتل و استباحة الدماء و الاعراض و التشريد و الفتن و....ما اظنك انت نفسك مقتنع بما تقول وزي يتخيل لي في فترة من الفترات انك كنتا معارض خليل و كتبته بالحرف ما معناه انه خليل هو من قتل الجنوبيين..قبل ما يختلف مع البشير اها اسه الحصل شنو يعني عفيت ليهو جرايمه العملا فيكم في الجنوب طيب خلاص لو ده فهمك يوم حتجي تعفي عن السفاح البشير لو جا نظام تاني ما عاجبك و جاكم البشير لاجئ في الجنوب و عمل ليه حركة مسلحة و جا يحارب نظام الخرطوم .. برضو راي و تسلم على المرور

سناء.

أنا أثرت عدة نقاط في ردي لك. وموضوع رأي في دكتور خليل لم يكن من بينهم. فكيف لك أن تتحدثي عن رأي الشخصي السابق وتخلطي به ما زكرته أنا ؟ على فكرة رأي الشخصي في دكتور خليل لم يتغير. وأنت في البوست ده لا تتحدثين عن دكتور خليل أو العدل والمساوة فقط. بل تتحدثين عن كل الذين يحملون السلاح من أبناء وبنات الهامش وتلومينهم. إذا كنتي تتحدثين عن ليبيا القذافي أو مصر مبارك فعندك أكبر حزبين في السودان هم أستفادوا في علاقتهم مع مصر وليبيا. فلماذا أنتي ركزتي على دكتور خليل وعلاقته بالقذافي فقط؟

أين هي معارضة الأحزاب الكبيرة لحزب المؤتمر الوطني؟ ومن هم الذين يموتون الأن بأسلحة مليشيات وجيش المؤتمر الوطني؟

Quote: فكرة سناء واضحة جدآ ،، ومشروعة سناء لم ترفض الكفاح المسلح كما ظن البعض ، ولكنها تطلب الإصطفاف خلف بندقية واحدة وقيادة وطنية واحدة متوجسة ، وعن حق ، من أي بندقية زنادها قبلي او عنصري ، أو قيادتها موسومة بتهيئة السلطة للكيزان أو كانوا جزء منها سناء بتبحث عن الحركة الوطنية الساسية المسلحة التي ترفع شعارات تنادي بتحرير البلد من قبضة الكيزان وإستعادة الديمقراطية ما عارف ليه حاول البعض دمغها بالإستعلاء على قوى الهامش كما فعل صديقنا دينق أو عمد لتخويفها بالكوزنة كما أشار ابوريش أو قراها غلط بالمرة كما يفعل زميلنا قيقراوي أعيدوا قراءتها بتركيز زي ما طلب معاوية الصايم

أبو ساندرا.

سناء في طرحها تريد أن تحدد لأبناء الهامش الوسيلة التي تراها هي مناسبة في مقاومة وإذالة نظام الإنقاذ. هل يوجد تعالي أكثر من ذلك؟ سناء في طرحها أيضا أستنكرت علاقة خليل إبراهيم بالقذافي. وفي نفس الوقت تناست عمدا علاقات أحزاب سودانية أخرى بدول أجنبية بما فيها ليبيا نفسها. فكيف يستقيم هذا يا أبو ساندرا؟
أبناء وبنات الهامش هم الذين يتعرضون الأن للقصف وللقتل والتنكيل لا يمكن أن نطالبهم نحن بالوسيلة التي نراه لهم مناسبة.
أعتقد أن أمنية أبناء وبنات الهامش هي أن يكون هنالك سلام وأن يتم حسم الخلافات سلميا، ولكن ذلك شبه مستحيل في سودان اليوم.
والكفاح المسلح تم فرضه عليهم.

11-09-2011, 08:42 PM

أبو ساندرا

ت



مكتبة الفساد

من اقوالهم
(مكتبة مفتوحة للتحديث)

Re: مناضلي الغفلة و الكيل بمكياليين (Re: سناء عبد السيد)

فكرة سناء واضحة جدآ ،، ومشروعة
سناء لم ترفض الكفاح المسلح كما ظن البعض ، ولكنها تطلب الإصطفاف خلف بندقية واحدة وقيادة وطنية واحدة
متوجسة ، وعن حق ، من أي بندقية زنادها قبلي او عنصري ، أو قيادتها موسومة بتهيئة السلطة للكيزان أو كانوا جزء منها
سناء بتبحث عن الحركة الوطنية الساسية المسلحة التي ترفع شعارات تنادي بتحرير البلد من قبضة الكيزان وإستعادة الديمقراطية

ما عارف ليه حاول البعض دمغها بالإستعلاء على قوى الهامش كما فعل صديقنا دينق
أو عمد لتخويفها بالكوزنة كما أشار ابوريش
أو قراها غلط بالمرة كما يفعل زميلنا قيقراوي

أعيدوا قراءتها بتركيز زي ما طلب معاوية الصايم

دا الكلام ياابوساندرا

شكلك كتبتِ الكلمة غلط وذلك بكتابة حرف الواو بدلاً من الياء في كلمة قياداتها

والكلمة بوجود حرف الواو بدلاً عن الياء تعني الذي يسوّق للدعارة ... ويتم حجبها آلياً لمنع استخدامها في الإساءات ...


ولكِ ودّي ،،،


ـــــــــ

Quote: مناضلي الغفلة و الكيل بمكياليين

عنوان البوست إستفزازي ويقلل من شأن الأخرين.

Quote: والله نحن في حيرة من امرنا مما يحدث حولنا

من أنتم يا سناء؟ بأسم من تتحدثين؟

Quote: نحن في حوجة لثورة شاملة , بها المحسي و الفوراوي و البجاوي و.. كل السودانيين بمختلف قبائلهم و هويتهم و ثقافاتهم و معتقداتهم ... و لسنا بحوجة لثورة تعمل باسم القبيلة الواحدة او الحزب الواحداو الدين الواحد.. نحنا بحوجة لثورة او لثائر قومي يعمل من اجل السودان الوطن المتعدد الهويات و الثقافات لثائر يهمه امر كل الوطن

أعتقد أن كل الشعب السوداني يحلم بثورة شاملة. هل عندما قامت الثورات السودانية في الماضي شملت جميع القبائل السودانية لكي تثبت نجاحها؟ وهل أعترض عليها أبناء الهامسش الذين لم ينضموا الى تلك الثورات؟ (أبريل وأكتوبر مثالا)
ثورات الهامش الأن تنطلق من دارفور،جبال النوبة والنيل الأزرق فهل سينضم اليها أبناء المناطق الأخرى خصوصا شمال السودان وشرق السودان وجماعة الوسط في الخرطوم أم أنهم يحاولون تفشيلها لأنها لا "تشبههم" ولا يقدونها؟

هذا البوست زكرني رأي الأحزاب الطائفية في البطل السوداني التاريخي علي عبد اللطيف.

Quote: ان اكثر من ساند النظام طبعاً ليس الكل و لكن الأغلبية كانت من قبيلة الفور

الاخت - سناء
اين ومتى ساندت قبيلة الفور الانقاذ ومن من قيادات الصف الاول او الوسيطة من قبيلة الفور
شارك او ساند الانقاذ وهل لك ان تعطينا لمحة عن تاريخ قبيلة الفور مع الانقاذ منذ 1989 حتى
الان.

Quote: سناء في طرحها تريد أن تحدد لأبناء الهامش الوسيلة التي تراها هي مناسبة في مقاومة وإذالة نظام الإنقاذ

بصراحة يادينق
عشان تكون اصيل في طرحك
هنالك هامش جديد في الجنوب يغلي من الظلم
هامش يأكله البعوض وجندرمة الحركة الشعبية
العصابة الافسد فس افريقيا
في الجنوب اهل الهامش يموتون تقتيلا وتشريدا ودلاراتهم تذهب مع زوجات اهل المركز
الى استراليا وامريكا
فهل هامشكم افضل من هامشنا
دع اهل هامشنا يهتمون بامر هامشهم واذهب انت الى هامشك راضيا مرضيا
لاتكن امميا اكثر من الملك يامارتن لوثر كنغ
السياسة لها ملاعب كثيرة اخرى غير سودانيزاونلاين
فلا تلتصق بهذا المكان الى درجة الاحتراق
بصراحة هذا مجرد نصح
لابد ان تمرحل فكرة خروجك من هذا المكان
ارض الله واسعة
حتى لايقال ان المعارضة تستعين باجانب
استفد من هذه الطاقة في تطهير دنس الجنوب
الذي جاءت به الحركة

Quote: سناء. أنا أثرت عدة نقاط في ردي لك. وموضوع رأي في دكتور خليل لم يكن من بينهم. فكيف لك أن تتحدثي عن رأي الشخصي السابق وتخلطي به ما زكرته أنا ؟ على فكرة رأي الشخصي في دكتور خليل لم يتغير. وأنت في البوست ده لا تتحدثين عن دكتور خليل أو العدل والمساوة فقط. بل تتحدثين عن كل الذين يحملون السلاح من أبناء وبنات الهامش وتلومينهم. إذا كنتي تتحدثين عن ليبيا القذافي أو مصر مبارك فعندك أكبر حزبين في السودان هم أستفادوا في علاقتهم مع مصر وليبيا. فلماذا أنتي ركزتي على دكتور خليل وعلاقته بالقذافي فقط؟ أين هي معارضة الأحزاب الكبيرة لحزب المؤتمر الوطني؟ ومن هم الذين يموتون الأن بأسلحة مليشيات وجيش المؤتمر الوطني؟

Quote: هل كان الدكتور خليل هو الوحيد الذي صادق الالرعماء الدكتاتورين أو شارك في نظام حكمهم؟

مداخلتك السابقة هي التي دفعتني لذلك يا دينق لأن كلامك لا يوحي بانك لازلت على موقفك الأول
و انا في البوست اتحدث بالاخص عن خليل ..و الهامش الذي تتحدث عنه انا جذء منه و اذا اغفلني فيجب ان نعيد النظر في كل ما نقول و نبحث عن كلمات اخرى
نصف بها بعضنا بعضاً او نصنف بها بعضنا البعض
و هل رأيتني باركت افعال الحزبين التي تتحدث عنهما اما تراني انتمي الي احدهما بيد ان الفرق بينهما مثل ما بين المشرق و المغرب

ياربي قريت رصة الحجج دي وين؟؟؟

قريتها وين؟؟

بي نفس رصتها دي!!



الباقر موسى

Quote: أبو ساندرا. سناء في طرحها تريد أن تحدد لأبناء الهامش الوسيلة التي تراها هي مناسبة في مقاومة وإذالة نظام الإنقاذ.

طيب ماله ؟ما رأيي و على فكرة ركز معاي انا ما عارضت فكرة الثورة المسلحة انا طالبت بثورة شاملة و بثائر بمواصفات محددة موش دباب ارهابي
و حتة انه نريد ثورة من غير إراقة دماء دي امنية لو تحقق بيها النصر كان بها لو ما تحقق إلا بالسلاح فمرحب

Quote: هل يوجد تعالي أكثر من ذلك؟

لا تطلق الكلام على عواهنه يا زميل عن اي استعلاء تتحدث؟ ام انها عدم الموضوعية؟ نحن من تراب و سنعود اليه و ثقافتي نابعة من ان لا يسخر قوم من قوما عسى ان يكونوا خيراً منهم

Quote: سناء في طرحها أيضا أستنكرت علاقة خليل إبراهيم بالقذافي

.
و ساستنكرها الى يوم تقوم الساعة

Quote: وفي نفس الوقت تناست عمدا علاقات أحزاب سودانية أخرى بدول أجنبية بما فيها ليبيا نفسها. فكيف يستقيم هذا يا أبو ساندرا؟

و اين ذكرت انني اساند موقف الاحزاب في هذا الشأن

Quote: أبناء وبنات الهامش هم الذين يتعرضون الأن للقصف وللقتل والتنكيل لا يمكن أن نطالبهم نحن بالوسيلة التي نراه لهم مناسبة. أعتقد أن أمنية أبناء وبنات الهامش هي أن يكون هنالك سلام وأن يتم حسم الخلافات سلميا، ولكن ذلك شبه مستحيل في سودان اليوم. والكفاح المسلح تم فرضه عليهم.

تمام و انا لم اعارض فكرة الكفاح المسلح بل قلت اننا نريد حركة موحدة تشملنا جميعاً ً و نريد قائد ثوري قومي واعي

Quote: عنوان البوست إستفزازي ويقلل من شأن الأخرين.

عدم موضوعيتك تتجلى بوضوح في هذة المداخلة

Quote: من أنتم يا سناء؟ بأسم من تتحدثين؟

من انتم ؟؟ شايفاك بقيت بتتكلم بنفس لهجة القذافي
بتحدث باسمي و باسم كل من يوافقني الراي و برضو بقولوا صيغة الجمع في الحديث بتفيد التواضع لأنه اجمل من
كلمة انا .. لذلك دائماً اتحدث بلغة الجمع

Quote: أعتقد أن كل الشعب السوداني يحلم بثورة شاملة. هل عندما قامت الثورات السودانية في الماضي شملت جميع القبائل السودانية لكي تثبت نجاحها؟ وهل أعترض عليها أبناء الهامسش الذين لم ينضموا الى تلك الثورات؟ (أبريل وأكتوبر مثالا)

الثورة الشاملة حق للشعب السوداني و ليس مجرد حلم ..

و طبعاُ كانت تشمل جميع القبائل و الحكاية توثيق و للا كلام ساكت .. في الثورتين الانتا ذكرتهم خرج الجميع للشارع شماليين و جنوبين و غرباويين.. لذلك
كتب لتلك الثورات النجاح

Quote: ثورات الهامش الأن تنطلق من دارفور،جبال النوبة والنيل الأزرق فهل سينضم اليها أبناء المناطق الأخرى خصوصا شمال السودان وشرق السودان وجماعة الوسط في الخرطوم أم أنهم يحاولون تفشيلها لأنها لا "تشبههم" ولا يقدونها؟

سينضم اليها الجميع إذا اعترفت بتهميشهم و معاناتهم و اذا استوعبتهم و اعتبرتهم جذًءً منها اما بغير ذلك فلن يكتب ليها النجاح اذا اقتصرت
على قبائل بعينها و اذا استمرت بعض الحركات في تطبيق اجندتهم العنصرية

Quote: هذا البوست زكرني رأي الأحزاب الطائفية في البطل السوداني التاريخي علي عبد اللطيف.

لم اسمع في حياتي ان الاحزاب السياسية كان لها رأيا غير مشرف في البطل علي عبد اللطيف ..هل ممكن ان تتكرم ب إطلاعنا عليه ام انك تضع الكلمات على افواه الآخرين؟؟

البطل علي عبد اللطيف كان و لا زال مصدر فخر و إعزاز للسودانين و سميت باسمه الشوارع و المدارس و لم تغفله الاناشيد الوطنية و قوافي الشعراء
و يقف شارع علي عبد اللطيف في قلب الخرطوم شاهداً على تاريخ ذهبي و سيظل البطل علي عبد اللطيف مفخرة لنا

Quote: تمام و انا لم اعارض فكرة الكفاح المسلح بل قلت اننا نريد حركة موحدة تشملنا جميعاً ً و نريد قائد ثوري قومي واعي

سناء. كلامك ده بزكرني بي زول قاعد في مطعم فاخر وماسك المانيو وبيطلب ليهو أكلة على مزاجه الخاص.
بالنسبة لك يا سناء أنتي تريدينن (تتمنين) ولكن بالنسبة لأهل الهامش الحرب مفروضة عليهم فرض. وما عندهم وقت لأختيار قائد بموصفات معينة. الذي يتقدم صفوفهم في في الخطوط الأمامية للمقاومة الشريفة يعتبر قائدهم. ولكن ليس الذي ورثها من أبيه.

نعم عندما تصفي نضال شعوب وتسمي نضالهم بمناضلي الغفلة ذلك يعتبر أستعلاء أجوف.

Quote: لم اسمع في حياتي ان الاحزاب السياسية كان لها رأيا غير مشرف في البطل علي عبد اللطيف ..هل ممكن ان تتكرم ب إطلاعنا عليه ام انك تضع الكلمات على افواه الآخرين؟؟

أنه التاريخ الذي لا يرحم يا سناء.

هل أنت فعلا لم تطلعي على رأي قيادة الحزبين في البطل علي عبد اللطيف أنذاك؟

******

قيقراوي :

Quote: اشرح لينا بالله .. لانو بالجد ما قادر اقرأ كلام سناء زي قرايتك اعلاه .. ------------------- و بالله ركز لي على تعطشنا -نحن معشر الرجال- للدماء .. او كما قالت!!؟

طيب ما أهو إنت قادر تقرأ كلام سناء زي قرايتي
سناء تفضل الثورة السلمية ، أقول تفضل ولا تقصر
وفي هذا هي متفقة مع طبيعتها ، ومع رأي الكثيرين
وشايفك توصلت لمفتاح القراءة السليمة
المرتبطة بالنوع ، أو الإختلاف النوعي

ثم لابد من الإعتراف بأن سناء لم تكن دقيقة بمايكفي
وذلك لسببين :
1- كان عليها ان تعلن تفضيلها للثورة السلمية دون أن تغفل إمكانية
إستخدام السلاح/ العنف وفقآ للظروف
2- الثورة المصرية لم تحفها الورود والياسمين ، كللت بالدماء
وتم استخدام عنف كبير ، وكان ممكن يكون عنف منفلت لولا وطنية الجيش المصري

وتستحق التهنئة لإنتباهك لأثر وجود جيش وطني غير منحاز في حفظ الأرواح أو تقليل إهدارها
وبالطبع هذا الأمر لم يكن متوفر في سوريا ولا في السودان ف جيوشها منحازة
وليبيا لم يكن لها جيش بالمعنى المفهوم حيث تم تخريب الجيش الليبي
وتدميره لإحكام سيطرة القذافي الذي حوله لوحدات يقودها ابنائه

ثورتنا القادمة ستكون عنيفة وضحاياها كثر
ولذلك سبق أن وجهت من هذا الموقع نداء لمجلس الأمن ليتخذ تدابير إحترازية
في السودان حتى يضفي حماية للجماهير متى ما بدأت تتحرك لتنتج ثورتها

مداخلة لبشاشا فى بوست طه جعفر ربما افادت مسار النقاش هنا

Quote: ياطه، خلينا نضبط المصطلحات في الاول: المعارضة: بي تعابير الخطاب الجلابي، هي شريحة الجلابة المحرومة من قسمة كراسي السلطة داخل اروقة الدويلة الحالية الخاصة بيهم حصرا. وهؤلاء حاليا هم قبائل اليسار الجلابي بعامة، ثم الوسط ممثل في منظومات الطائفية. بالفهم ده الهامش اصلا عمرو ما كان جزء من تركيبة السلطة والثروة في الدويلة الحالية، حتي يكون معارضة بي فهمك للمفردة لاسباب تاريخية معروفة، اقتضت عزلهم، او بالتالي فقوي الهامش اصلا ما معارضة بالفهم الجلابي الا تكتيكيا او مرحليا، باعتبارهم في الاساس مجرد ادوات والسلام. تستخدم عند اللزوم حسب الظروف، بواسطة شريحة جلابية، في صراعا ضد الشريحة الاخري الجلابية، والسلام! اذن هناك بدل المعارضة بالالف واللام، معارضتان: معارضة جهوية جلابية صرفة، ضد نظاما الجلابي، وليس الدويلة، ثم ثورة هامش علي الدويلة بي رمتا، او مش فقط نظام بعينه من انظمتا، او ده مهم للغاية! لو عندك استعداد تفهم الحاصل بالصورة دي، هناك امل نتفاهم بلغة مشتركة في الموضوع ده، بالعدم، للاسف حاواصل فارسي او انتا ترد علي بالطلياني! اذن بشاشا ما معارضة اصلا! لانو ضد الدويلة بي رمتا، مش فقط نظام من انظمتا. لهذا مثلا، نجد الشيوعي الجلابي اكثر تطرف في دفاعو عن دويلة الاقلية، مقارنة بالترابي مثلا، وان كان ابرز معارضي النظام الحالي "افتراضا"! الان المعادلة انقلبت راسا علي عقب، بتحول المعارضة الجلابية الي مجرد اداة في يد قوي ثورة البديل، ضد دويلة الاقلية! هذه المرحلة الانتقالية، هي سبب البلبلة الجارية الان في الشارع السياسي، المحير لغير الملمين بطبيعة الوضع السياسي الماثل، والحيرة البادية علي الوجوه، فيما اتصل ببقاء النظام او عدم خروج الجماهير للشارع لاسقاطو، بالذات اننا شعب مجرب لسلاح الاضراب السياسي كاداة تغيير!..

سلامات يا ابا ساندرا

Quote: ثم لابد من الإعتراف بأن سناء لم تكن دقيقة بمايكفي وذلك لسببين : 1- كان عليها ان تعلن تفضيلها للثورة السلمية دون أن تغفل إمكانية إستخدام السلاح/ العنف وفقآ للظروف 2- الثورة المصرية لم تحفها الورود والياسمين ، كللت بالدماء وتم استخدام عنف كبير ، وكان ممكن يكون عنف منفلت لولا وطنية الجيش المصري وتستحق التهنئة لإنتباهك لأثر وجود جيش وطني غير منحاز في حفظ الأرواح أو تقليل إهدارها وبالطبع هذا الأمر لم يكن متوفر في سوريا ولا في السودان ف جيوشها منحازة وليبيا لم يكن لها جيش بالمعنى المفهوم حيث تم تخريب الجيش الليبي وتدميره لإحكام سيطرة القذافي الذي حوله لوحدات يقودها ابنائه ثورتنا القادمة ستكون عنيفة وضحاياها كثر ولذلك سبق أن وجهت من هذا الموقع نداء لمجلس الأمن ليتخذ تدابير إحترازية في السودان حتى يضفي حماية للجماهير متى ما بدأت تتحرك لتنتج ثورتها

خلينا نبدأ من الآخر .. حتة (العنف) دي ..
هو اصلاً فعل الثورة فعل عنف .. حتى لغوياً!!
دا لا مفر منه ابداً
لكن يبقى السؤال موهط .. ما موقف اي زول منه؟

بالنسبة لي حاسم موقفي تماماً ..
لكن سناء هي الما حاسماه، او ما قادرة تطرح المسألة كدا!
(او على قولك اكون انا ما قادر اقراها صاح)

النقطتين الذكرتهم مهمات جداً .. امكن ساعدوك في القراية ..
لكن هل مطلوب من كل من قرأ ان يعذرها!؟

ما يعيب الطرح هنا انو رأي مفكوك ساي، بدون تقعيد .. و حديث اماني
في نص حمام الدم السائل، و كل يوم رقعتو بتتوسع!!
الناس بتموت بالجوع و المرض و جور الحكام و ساسة المعارضة*..
و تطلع علينا سناء بطرح زي دا!!؟
ما المطلوب اذن؟

و للأسف شايف حتى الردود على المداخلات مبتسرة .. و مقتطع فقط ما يدعم فكرتها هي!!

سؤال لو سمحتم

هل جيفارا كان محض مصاص دماء و ديراكولا!؟
الم يكن هو القائل :
" الثوري يأتي كالاعصار .. يهد بلا رحمة، الا حسب الظروف .. اللخ اللخ"

العنف دا كيفنو هو!؟ .. و الثورة هي شنو!؟




-----

* عاوزين الجد؟
مفروض كلنا نقول لقادة القوى المتعارضة: الما عندو حل ينقطنا بسكاتو بالله!

و لسة السؤال موهط يا سناء:

عاوزنها ثورة بيضاء ..

لكن كيف!؟

Quote: ثورتنا القادمة ستكون عنيفة وضحاياها كثر ولذلك سبق أن وجهت من هذا الموقع نداء لمجلس الأمن ليتخذ تدابير إحترازية في السودان حتى يضفي حماية للجماهير متى ما بدأت تتحرك لتنتج ثورتها

Quote: وجهت من هذا الموقع نداء لمجلس الأمن

غايتو الواحد لامن يحلم ليهو حلمة ويقوم الصباح وهو مصدقها ويجي يكتب هنا بناءاً على اساسها، اكيد بتكون هناك مشكلة

اذا كانت دي برامجكم، ابشركم، الانقاذ ح تحكمكم 350 سنة ويزيد

ازيك ابو ساندرا

سلامات يا شفيع

Quote: غايتو الواحد لامن يحلم ليهو حلمة ويقوم الصباح وهو مصدقها ويجي يكتب هنا بناءاً على اساسها، اكيد بتكون هناك مشكلة اذا كانت دي برامجكم، ابشركم، الانقاذ ح تحكمكم 350 سنة ويزيد

اها انت حلك شنو!؟
نعمل شنو عشان الانقاذ ما تحكمنا تلاتة قرون و نص و نيف كمان؟

انا شخصياً- لو بقيت دبيب و مكتوب لي اعيش المدة دي كلها- ما عاوز اصرفا على الانقاذ و معارضة الانقاذ ..
و قديمن غنى محمد عبد الوهاب : كم قصيرٌ هو العمر حتى افنيه في النضال! .. في النضاااااااال
عاوزين نعيش ..
بنرفض نحنا نموت ياخ!

اسمعوا و عوا ..

Quote: ما يعيب الطرح هنا انو رأي مفكوك ساي، بدون تقعيد .. و حديث اماني في نص حمام الدم السائل، و كل يوم رقعتو بتتوسع!! الناس بتموت بالجوع و المرض و جور الحكام و ساسة المعارضة*.. و تطلع علينا سناء بطرح زي دا!!؟ ما المطلوب اذن؟

يا اخ قيقراوي إذا الكلام ما وقع ليك قول ما فهمتا..انا قلتا عايزين ثورة شاملة .. ما حركات مسلحة لا تمثل إلا قبيلة بعينها ده إذا كانت اصلاً الحركات دي
قائمة من اجل من تتحدث باسمهم..ثورة شاملة تضم كل السودانيين بمختلف قبايلم و اديانم و ثقافاتم ..الناس بتموت كل يوم و الموت ماشي زايد و الجوع و المرض
ماشين زايدين اها الحركات المسلحة دي عملت شنو؟ و حتنجح كيف لو ما التف حولها كل السودانيين و طالما موت موت جوع جوع اخير نوحد صفوفنا و نجمع كلمتنا
تحت لواء قيادة رشيدة واعية و الأماني البتكلم انا عنها انتا زاتك اتحدثت عنها و قلتا نريدها ثورة بيضاء لوتس .. ما برضك اتمنيت في نص حمام الدم السايل
الناس في عز ما بتحارب بتكون بتمني نفسها بالنصر .تفنيدك للكلام غريب شوية

Quote: خلينا نبدأ من الآخر .. حتة (العنف) دي .. هو اصلاً فعل الثورة فعل عنف .. حتى لغوياً!! دا لا مفر منه ابداً لكن يبقى السؤال موهط .. ما موقف اي زول منه؟

و حتة الثورة اصلاً عنف دي معنوياً و للا اصطلاحاً ؟ و ثوار مصر هل حملوا السلاح او كانوا مسلحين و للا النظام هو الاستعمل العنف المسلح ضدهم؟؟؟؟؟

بجيك للرد على بقية كلامك

Quote: اها انت حلك شنو!؟

هي المشكلة وينها يا قيقراوي

ياسناء معاناة الناس ما واحدة ولا هم البيختاروا معاركهم ووسائلها .....فالقتلوا اهلوا وحرقوا قريتو مازي مابفكر زي الزول البعاني من غلاء الاسعار وصعوبة الحياة لذلك وسايل المواجهة تختلف ..وكل واحد هنا بكلمك من الحتة الواقف فيها ...هسه انا لو كتلوا امي واخواني وحرقوا قريتي فكرك بجي بفاوض ولا بحاور عشان سلطة ولا مال ؟!!! ..

الايدو في الموية مازي الايدو في النهار ..

انتو دكتور خليل ابراهيم وجورج بوك ديل هامش؟

ولاّ الحكاية عرقية؟









... المهم ....

Quote: انتو دكتور خليل ابراهيم وجورج بوك ديل هامش؟

ال crackhead تبارك شيخ الدين.

أنت مش ملاحظ أنا لا اتداخل معك أبدا ودائما أتعمد عدم الرد عليك؟

Quote: يا اخ قيقراوي إذا الكلام ما وقع ليك قول ما فهمتا..انا قلتا عايزين ثورة شاملة .. ما حركات مسلحة لا تمثل إلا قبيلة بعينها ده إذا كانت اصلاً الحركات دي قائمة من اجل من تتحدث باسمهم..ثورة شاملة تضم كل السودانيين بمختلف قبايلم و اديانم و ثقافاتم ..الناس بتموت كل يوم و الموت ماشي زايد و الجوع و المرض ماشين زايدين اها الحركات المسلحة دي عملت شنو؟ و حتنجح كيف لو ما التف حولها كل السودانيين و طالما موت موت جوع جوع اخير نوحد صفوفنا و نجمع كلمتنا تحت لواء قيادة رشيدة واعية و الأماني البتكلم انا عنها انتا زاتك اتحدثت عنها و قلتا نريدها ثورة بيضاء لوتس .. ما برضك اتمنيت في نص حمام الدم السايل الناس في عز ما بتحارب بتكون بتمني نفسها بالنصر .تفنيدك للكلام غريب شوية

سناء. هل قيقراوي هو الوحيد الذي يعترض على ما كتبتي؟ أظن أن ردك له فيه تعالي واضح.
أنتي لسه مصرة تستخدمي كلمة "عايزين" دي؟
أنت يا سناء تعلمين جيداأين تدور الحروب في السودان وضد من.
إذا كانت الحرب تدور في منطقة بعينها فمن الطبيعي أن يثور أبناء وقبائل تلك المنطقة ضد ما يحدث لهم.
الشئ الطبيعي الذي كان يجب أن يحدث هو أن ينضم بقية أفراد الشعب السوداني وبمختلف سحناته للدفاع عن الذين يقع عليهم القتل والظلم، ولكنهم اليوم هم من المتفرجين. وتأتي أنت يا سناء تلومي وتغلطي الضحية مرة تانية وتالتة كمان!! يا عزيزتي سناء أنزلي من برجك العاجي ده وحاول أن تحسي وتعرفي بما يحدث لأهل الهامش على الأرض.

Quote: و حتة الثورة اصلاً عنف دي معنوياً و للا اصطلاحاً ؟ و ثوار مصر هل حملوا السلاح او كانوا مسلحين و للا النظام هو الاستعمل العنف المسلح ضدهم؟؟؟؟؟

كمصطلح و مفهوم برضو ..
التغيير في الحالات دي لابد له من عنف ..
اصحاب المصالح و الامتيازات و المستفيدين من الوضع الحالي، ما حيتنازلوا عنه باخوي و اخوك

جوهر الثورة هو التغيير القسري للواقع

اتكلمتي غيرما مرة عن (شمول) الثورة المشتهاة .. (جذريتها) كيف!؟
هل يكفي مجرد اصلاحات ليبرالية!؟ (سياسية)* ..
خصوصاً في حال عدم الاستعداد او الرغبة في تسديد فاتورة العنف المطلوب
ام مطلوب تغيير شامل و جذري نحو استكمال انسانية الانسان و تحريره ..




نقطة احب اوضحها ..
[ هل حملوا السلاح او كانوا مسلحين و للا النظام هو الاستعمل العنف المسلح ضدهم؟؟؟؟؟]
هل في فرق!؟ .. اقصد من ناحية (وجود) لعنف ما ..
مسألة الخيارات انا اتكلمت عن خياري الشخصي و التزامي بالنضال السلمي المدني..
لكن لا اعيب على اي زول خيارو .. خصوصاً من فرض عليه الخيار دا!

ما رديتي على نقطتين :
- اختلاف واقعنا من واقع مصر
- و سؤال كيف!؟ اللاحق لابداء الرغبة في بياض الثورة

و في شأن الثورة الليبية ..
قفزتي على حقيقة انو الثوار الليبيين هم من لجأ للطريق الشائك .. حتماً لا قراراً
لانو مظاهراتهم السلمية قوبلت بالقصف بالطيران .. و العسف و السحل الامني كأبشع ما يكون
تدخل حلف الناتو لاحق لخيارهم بحمل السلاح .. دي برضو بتعيب ثورتم بشئ!؟
و هل في ضمانات للكيزان!؟ متوقع يظهروا اسوأ مما ابدى القذافي!؟
كيف الدبارة وكتها!؟


ما بكفي انو نتأسى بثورة اللوتس المصرية كأسوة حسنة!
ما متوفر لينا شروط مثل ما توفر لهم
اللهم الا كرومانسية ثورية ساي، و لابسين نضارة وردي .. او كنا بنحلم!!



تحياتي و الاحترام


--------


*زي ما بتتواتر و تترى الانباء(الاشعات!) عن مشاركة احزاب المعارضة في حكومة الانقاذ الجاية!!

Quote: ياسناء معاناة الناس ما واحدة ولا هم البيختاروا معاركهم ووسائلها .....فالقتلوا اهلوا وحرقوا قريتو مازي مابفكر زي الزول البعاني من غلاء الاسعار وصعوبة الحياة لذلك وسايل المواجهة تختلف ..وكل واحد هنا بكلمك من الحتة الواقف فيها ...هسه انا لو كتلوا امي واخواني وحرقوا قريتي فكرك بجي بفاوض ولا بحاور عشان سلطة ولا مال ؟!!! .. الايدو في الموية مازي الايدو في النهار ..

اسمح لي اخش معاك هنا يا فايز
اولاً انا ضد القتل والعنف بكل اشكاله من الحكومة والحركات
بس عايز اقول ليك انهم بدأوا بي معاناة واااحدة، الهنا والهناك باختلاف الدرجات
طبعاً انت لا يمكن تتخيل انو ناس الحكومة شالوا طياراتهم ومدافعهم عشان يقمعوا بيها مظاهرات سلمية قامت بيها الحركات المسلحة
اذا نقطة البداية كانت واااحدة
تحياتي

Quote: هي المشكلة وينها يا قيقراوي

لا كان كدا بسحب سؤالي .. و اعتذر

السؤال موجه لضمير الانسانية .. اينما وجد

السؤال للناس الواطية الجمرة .. و حارقا
الناس البتعاني ليها 22 سنة من الخوف الجوع و نقص في الانفس و الثمرات
الناس البتعاني من التهميش بطول تاريخ وجودها في الرقعة الجغرافية المنكوبة دي
الناس الناشدة التغيير و التقدم المشرئبة الى النجوم لتنتقي خبر السماء لشعبها
الناس الشايفة انو التاريخ يسير نحو الغد ..

سوري ياخ .. السؤال كان للناس الشايفة انو في مشكلة ..
و بتملك رؤية للحل .. و الاهم انو عندها الارادة لمواجهة الواقع لا دفن الرأس في الرمال

لك العتبى حتى ترضى يا خي

كن بخير

الاستاذة- سناء
لا زلنا فى الانتظار

Quote: Quote: ان اكثر من ساند النظام طبعاً ليس الكل و لكن الأغلبية كانت من قبيلة الفور الاخت - سناء اين ومتى ساندت قبيلة الفور الانقاذ ومن من قيادات الصف الاول او الوسيطة من قبيلة الفور شارك او ساند الانقاذ وهل لك ان تعطينا لمحة عن تاريخ قبيلة الفور مع الانقاذ منذ 1989 حتى الان.

***كيف نقف خلف من كان و لم يزل يعشق الديكتاتوريات و يقف و يساند ديكتاتوراً اذاق بلده و شعبه ويلات القهر و الإستعباد ؟؟***


الأخت سنـاء،
سلام..

عينك فى الفيل..
ما اهو السيـد الصادق ومناضل ديمـة محمد إبراهيم نقد، لبن على عسل مع الترابى.. وهو تاج راسهم، وعضو
معهم فى قوى جوبا واللا شنو كدا ما عارف.. الترابى الذى قام بالإنقلاب وقـاد كل حملات الدبابين والطيارين
التى هدت قرى الجنوب الامنـة.. كل هذا فعله الترابى وكان وحده القائد المتنفـذ حينذاك.. بيوت الأشباح
كانت تدار تحت سمعه وبصره وعلمه، وكان هو المستفيد الأكبر من تعذيب المواطنين فيها.. ويأتى بعده بقية
الإنقاذيين حسب درجاتهم فى التنظيم.. دكتور خليل كان عبد المأمور للترابى.. وأعتقد أنه كان صادقا على عكس
عراب الجبهة الإسلامية المنافق الكاذب.. وأعتقد صدقه هو الذى جعله يلفظ عرابه وحكومته التى كان وزيرا فيها
ثم اراك تغفلين عن الواقع وحراك المياه الجوفية الجيوسياسيـة، والواقع الان ان قوى الهامش كلها منتفضـة
ولن يرجع المارد الى قمقمـه.. والحرب وإن كانت قبيحـة ولكنها واقع.. وزمان العرب يتحاربون رغم كراهيتهم
للحرب، بل سموها (كريهـة) "ليوم كريهة وسداد ثغـر".. و "كتب عليكم القتال وهو كره لكم".. لا أحد يحب القتال
ولا الحرب..
ما يشاع عن تنسيق خليل أو العدل والمساواة للترابى حتى الان، قد تكون فيه بعض الحقيقة، ولكن الشئ المؤكد
أن من له القوة هو خليل، معه جيشه وفى ارضه، ولا يمكن ان يعطى قياده لشخص فى الخرطوم فى (فندق 5 نجوم)
كما تقولين.. وقديما كان الدكتور الشهيـد جون قرنق مثل حوار الشيخ للسيـد الميرغنى، ورغم علاقته الشخصية
الصادقة به، إلا أنه فى نيفاشا نفضوا التجمع الوطنى وأدخلوه فى علبه..

ما تكتبينه ذر الرماد فى العيون.



.

يا سناء قسم السيد

يختي من حقك ان تكتبي رايك....ومن حقنا مخالفته!

اليس كذلك؟!



وانت معاي في بلد ديمقراطي وبتعرفي انه الغالبيه هي

الرايها بيمشي مش كده؟!...اها يا حبيبه...نحن حسه غالبيه!!


نحن الشايفين انه د.خليل ابراهيم بطل غالبيه حقيقه.

وصدقيني بنتكلم باحصاءات .


اهلك ناس الشماليه كلهم...سامعاني كلهم من شايقيتهم لجعليتهم لنوبيهم بانواعهم

(دناقله محس سكوت حلفاوين)..الخ من قبائل اهل الشمال عارفه تعدادكم طلع كم؟!

طلع 600 الف فقط رغم محاولات الحكومه الواضحه للتزوير بتضحيم هذا العدد!



اها جبال النوبه لوحدها فوق ال 3 مليون و النيل الازرق قولي مليون

دارفور بتعداد الانقاذ المزور قالوا 8 مليون!!

سامعاني يا حبيبيه!!اها نحن ديل بكل اعدادنا دي شايفين انه خليل ده ما دباب

ولا ملوث بدماء الليبين ولا البطيخ الاحمر!!

ثانيا:

عينك للجنوبين محتلفين بخليل وموزعين الحلوى و الشاي فاكرهم اغبياء ولا نساين؟؟!!

يا زوله ديل خليل عندهم بطل...وصدقني بتكلم ما على اساس المنبر ده بتكلم من الشارع الحقيقي

ومن اعلى مستوى قيادي الجنوبين فراحانين بخليل تحديدا اكثر من اي قيادي دارفوري علماني

ولا بطيخ عارفه ليه؟؟!!لانه الوحيد الذله حكومة المركز ومرق مناخيرها في التراب.



برجع لك لاحقا لقبلية المصرين

ولجلهلك بقبائل دارفور حيث زغتي من سؤال ابو عرفه

لما قال لك اثبتي لينا كيف الفور تحديدا دخلوا الانقاذ باعداد كبيره.

وبرجع لك لتفنيد مزيد من الاراء الفطيره الكتبتيها.

تراجي عمر ابوطالب

Quote: ولجلهلك بقبائل دارفور حيث زغتي من سرال ابو عرفه

زغتا؟؟ انتقي الكلمات لمن تدخلي في بوستي و التزمي ادب الحوار و الموضوعية ..طبعاً انتي افتكرتي اني ما جاية البوست تاني عشان كده جيتي سارحة

لا وحاتك مشغولة و لمن القى وكت حجي ارد على المداخلات الموضوعية .. ما عندي صبايا يردوا لي و يرفعوا لي بوستاتي اسوي شنو.. بصراحة انتي

بتفتحي في الدقيقة مليون بوست و بتردي على كل البوستات بتلقي الزمن وين يختي ؟؟ ادينا السر .. والله ده الشيئ الوحييييد البحسدك عليه ..بجيكي ما تشفقي.. انتظريني

البوست ده بميثل تجمع بيضم ملايين المستنيرين

تقدري تقولي لي ليه هم كلهم ما شايفين الانت شايفاهوا ده؟؟

فيهم علمانين حاملين سلاح فوق ال 20 سنه؟؟

(Sudan Regime Must Go)شعار تظاهرة 16/09/2011 بنيويورك!

Quote: مظاهرة قوى الهامش السودانى بنيويورك تدعو الجميع للاتحاق بتحالف كاودا و حان الوقت لإعلان حكومة إنتقالية كشف خبراء دوليين و سياسيين و حقوقيين، أن مستوى الاعداد الكبير الذى اعده قوى الهامش السودانى بالولايات المتحدة الامريكية و كندا لمظاهرة يوم 16/ 9/2011 امام الامم المتحدة تزامنا مع انعقاد الجمعية العامة للامم المتحدة التى سيحضرها رؤساء 193 دولة او من ينوب عنهم، ان هذا الاعداد لم يكن له مثيل فى تاريخ كل المظاهرات التى نظمت على مستوى الولايات المتحدة الامريكية، و سوف يحضر يتحدث فى المظاهرة قيادات سياسية و مداراء ورؤساء منظمات أمريكية و قيادات دينية و دبلوماسيين و اعلاميين و أساتذة جامعييين و ممثليين و منتجين سنمائيين و مدافعيين عن الحريات و مجموعات ضغط و فنانيين و باحثين و كتاب تاريخ و انثروبولوجيين و متخصصين فى مجال الامن القومى و مكافحة الارهاب، بجانب حركات الهامش السودانى و تحالف كاودا و شهود عيان للابادة العرقية. و فى اتصالات تمت بقيادات عليا من تحالف كاودا التى تضم الحركة الشعبية لتحرير السودان بجبال النوبة / جنوب كردفان بقيادة الفريق/ عبد العزيز آدم الحلو و حركة تحرير السودان بقيادة الاستاذ/ منى أركو مناوى و حركة تحرير السودان بقيادة الاستاذ/ عبد الواحد نور، اكدوا دعمهم للمتظاهرين، و قال المنظمين ان الحلقة النضالية إكتملت بوصول الدكتور خليل الى الاراضى المحررة بدارفور و انضمام العديد من الحركات المسلحة للتحالف، و أكدوا ان تحرير الخرطوم من النظام العنصرى الدموى أصبح مسألة وقت، وعبر هذا التغير و سيتم اعادة هيكلة الدولة السودانية و بناء سودان ديمقراطى و عادل يحترم حقوق و تنوع كل الشعب السودانى فى شرقه و غربه و وسطه و جنوبه و شماله. اللجنة المنظمة للمظاهرة دعت كل القوى السياسية المعلنة موقفها صراحة من إسقاط النظام و خاصة تجمع كردفان للتنمية (كاد) للحاق بتحالف كاودا و عدم تفويت فرصة تسجيل موقف تاريخى لاسقاط النظام الذى عمل على تجزئة السودان و فرق بين الشعب السودانى على اساس اثنى و عرقى و دينى و فكرى و اقليمى، بل قام بابادة سكانه الاصليين و تشريدهم. و ذكرت قوى الهامش انه حان الاوان لرحيل النظام السودانى، و حذر الهامش السودانى الذين يعتقدون انهم بامكانهم مراوغة او مغازلة النظام عليهم ان يحددوا موقفهم صراحة و لن يتم قبولهم فى ساعة الصفر و سيذهبون مع النظام الى مذبلة التاريخ . و من ناحية اخرى دعت قوى الهامش السودانى بالولايات المتحدة الامريكية و كندا تحالف كاودا الاسراع لاعلان حكومة إنتقالية، لان الحكومة الحالية بالخرطوم اصبحت فاقدة للشرعية، و أكدت قوى الهامش أنها ستنتزع شرعية الحكومة الانتقالية من المجتمع الدولى و قد شكلت لجنة استشارية عليا للقيام بهذا الدور دوليا فى حالة اعلان الحكومة الانتقالية. و اكد المنظمون أن اتصالات كثيرة من برطانيا و هولندا و العديد من الدول الاروبية و العربية و الاسيوية و الافريقية، حيت و اشادت بالدور الكبير و الخطوة العملاقة فى كسر حلقة فرق لتسد التى يستخدمها عنصريي المركز تاريخيا لاضعاف صوت الهامش و شق صفوفه، و قالوا ان الهامش يمثل الاغلبية العظمى من الشعب و لا مجال لنظريات الخداع و المؤامرة و شق الصفوف و الغسل الذهنى و التخويف باسم العنصرية و الجهوية، و اكدوا انها كانت اسلحة استخدمها المركز لاضعاف الهامش و السيطر عليه و لن تكرر فى هذا الجيل، و إن من يكرر العزف على تلك النغمة يكشف صراعات بواطنة العنصرية المغلفة بوطنيته الخارجية الذائفة التى لن تنطلى على قوى الهامش السودانى. اللجنة المنظمة تأكدت من جمع مئات الالاف من التوقيعات الداعمة لاسقاط نظام الخرطوم و أوصلتها لكل مواقع القرار الدولى و لا سيما الولايات المتحدة الامريكية، و توقيعات ممثالة للقبض على مجرمى الحرب المطلوبيين للعدالة الدولية عمر حسن البشير، و احمد محمد هارون لضلوعهما فى عمليات الابادة العرقية بدارفور و ابيي و جبال النوبة و النيل الازرق و البجة بشرق السودان و تحطيم ارث و ثقافة و حضارة النوبيين بشمال السودان و غيرها من قضايا الحريات و التحول الديمقراطى و الضائقة المعيشية التى يواجهها الشعب السودانى. قوى الهامش اشادت بموقف كل ضباط و ضباط صف و الجنود الذين انشقوا من قوات المؤتمر الوطنى و انضموا لحركات التحرر بجبال النوبة و النيل الازرق و دارفور، و دعوا القوات النظامية لدعم تحالف كاودا لاسقاط النظام. و اشادت اللجنة المنظمة بالاستعدادات الكبيرة لكل ابناء الهامش السودانى و الوطنيين الذين اعلنوا باعداد ضخمة حضور هذا اليوم التاريخى الكبير الذى سيشهد مقبرة النظام العنصرى، و الذى سيوثق بالعديد من القنوات الفضائية و الاجهزة الاعلامية المختلفة. اللجنة المنظمة [email protected]

اها التحالف ده بيضم نوبين اهلك ومستنرين اكثر منك واكثر نجضا سياسيا وتجربة منك

تقدري تقولي لينا ما شيفين مصاصين الدماء زيك ليه؟!




و البوست ده يفضح موقف امثالك يا سناء وعارفه لا تخجلي فانت لست لوحدك

نحن فقط نوثق لكم ناس ابو حسين والشفيع وراق يفترض لو انت مستنيره

بحق انك عارفه مواقفهم هنا شنو ودعمهم لطرحك الفطير حقوا يخليك تفيقي وتعرفي انك واقفه في المكان الخطأ.

يبقى شوفي:

(عنصري اليسار) و(الكيزان) بخندق واحد الآن...ونحن نوثق فقط!

الاخ ابو عرفه
سلامات

واضح جدا انه تعريف القبيله نفسها مشوش عند سناء عبد السيد11
والا لما ذكرت بانه هنالك قبليه بمصر فهي التعريف الانثربولوجي
للقبيله نفسه يبدو بانها لا تعرفه.

ناهيك عن ان تعرف اسماء القبائل:

Quote: Quote: ان اكثر من ساند النظام طبعاً ليس الكل و لكن الأغلبية كانت من قبيلة الفور الاخت - سناء اين ومتى ساندت قبيلة الفور الانقاذ ومن من قيادات الصف الاول او الوسيطة من قبيلة الفور شارك او ساند الانقاذ وهل لك ان تعطينا لمحة عن تاريخ قبيلة الفور مع الانقاذ منذ 1989 حتى الان.

اها ده حال زول بيعرف القبائل بدارفور؟؟

يا سناء قسم السيد

اولا كلامك اعلاهو خطأ مليون بالميه.

وقبيلة الفور تاريخا لا بتحب العسكريه ولا يحزنون

يبقى كيف ساندوا الانقاذ؟؟؟

اعتقد انت تعني الدارفورين واخطأتي وكتبتي الفور!

لانه هنالك فرق كبير

ان قلتي الدارفورين يمكن نبلعها لك رغم انها غير مثبته باحصاءات

فانتم في ذاكرتكم الجلابيه الخربه و الانتقائيه اي زول ازرق

بتلصقوا في دارفور(يعني انقاذي النيل الازرق وجنوب كردفان كلهم عندكم دارفورين!)

لانه اليسار السوداني مصر يدعي بانه اهل دارفور هم اهل دار كوز!


دارفور تضم قبائل مثل

الفور
البرتي
التاما
الداجو
التنجر
التعايشه
الرزيقات بفروعهم من (اباله/بقاره)
المسيريه(وهذه لك نكته خاصه حولها ايام اغتصاب فيه ساذكرها لاحقا)
البرنو
الفلاته
الهبانيه
البني هلبه
الزغاوه
الزياديه
...الخ

اها ما الذي عنيتيه بعبارة ان الفور تحديدا هم من دخلوا باعداد كبيره

في الانقاذ..!! وقال ايه هذه مثبته؟!

كدي الحقي اعتذري لاهلك الفور اولا ثم نكمل!

لانهم لم يدخلوا للانقاذ تاريخيا لا باعداد كبيره ولا صغيره !

اها يا استاذه

لو قلنا لك الملام ده خطأ علميا ولن يمكنك اثباته

تقعدي تنحمي وتقولي لينا اتكلموا بادب!

سا نساء عبد السيد مصر القعدتي فيها دي شوفتي حتى لو اتولدتي فيها بنغالطك حولها عارفه ليه؟؟؟

لانه الامر مش بالقعاد وانما بالوعي الحقيق بالموضع المطروح للتناول

طيب نجيء دلعواك حول قبيلة المصيرين وقال ايه القبليه المتفشيه في مصر!!

يا سناء بالله ما تفرجي فينا خلق الله برضك بتمينا كامره محسوبه علينا في مسعكر النساء

Quote: القبلية المتفشية في مصر ما متفشية في ا ي بلد تانية.. انا عشتا في مصر .. في صراع قبلي عنيف بين الصعايدة (يقطنوا جنوب مصر ) و بين الفلاحين (شمال مصر) و بين الاتنيين ديل و بين النوبيين ده غير الصعايدة في بعضم قبيلتي و قبيلتك و الفلاحين برضو نحنا منوفية و نحنا مرازيق و تشاحن شديد بين اهل الإسكندرية و اهل القاهرة و لا تفوتك مشاكل النوبيين الأصبحوا من الأقليات و الحكومة بتحاول تقضي على من تبقى منهم حتى احالوا الامر للامم المتحدة و ايضا تحرش الصعايدة بالنوبين للتضييق عليهم و ..... ده من الناحية القبلية

يا سناء

نحن مصر دي مش قرينا فيها هندسه ولا طب قرينا علم اجتماع

يعني تفاصيل مشاكلها تحدياتها اقتصادها تركيبها الانثربولوجي

تحديات الريف و المدن!!كله هاضمنه!!

الذكرتيه ده ما اسمه قبليه متفشيه اطلاقا.

مجتمعات مثل ليبيا و اليمن هي مجتمعات قبليه

حتى السودان قبل الانقاذ لم نكن بهذا السؤ ولكننا الآن اقتربنا من مستوى

ليبيا و اليمن حمانا الله!ّ



يا سناء ما مكن المنوفيه تبقى قبيله؟؟
ولا الفيوميه ولا الدمايطه هذه مدن و الانتماء للمدن
له علاقه بالنشاط الاقتصادي البيمارس وهي مرحله
ارقى مليون مره من القبليه!

في الجيش المصري لا يوجد خانه للقبيله ةلا محاصحصه بين المحافظات
في السودان موجده و الجيش الحالي لا يمثلنا!!

تم رفض اسيتعاب ابناء الهامش الزنجي من حوالي ال 10 سنوات!
وتم تسريح اغلبهم من القدماء!!

الحاله دي لا في الجيش التونسي ولا الجيش المصري.

فارحمينا يرحمك الله!!


اها ما ماشه معانا مسيرة يوم 16/09/2011 لنيويورك؟!

قال نريدها ثورة قال!!

يلا يا غاليه يدك معانا الثوارت ما بتحدث بطقطة الكي بورد
ومبارات ناس ابو حسين و الرشيد وراق الدبابين!!

قال خليل دباب قال!!

الدبابين مافي بوستك وانت مرحبه بيهم!

Quote: نحن فقط نوثق لكم ناس ابو حسين والشفيع وراق يفترض لو انت مستنيره

تراجي يا جاهلة
كل مداخلاتك فيها تصنيف قبلي
و كل عقدك مبنية على إختلاف القبائل
إنتي إنسانة مريضة و مشكلتك الكبرى عندك صبيان جارين وراك بغباء شديد
وثقي لي أبو حسين زي ما عايزه
فأبو حسين لم يصنف يوماً شخصاً حسب قبيلته
عقدك الموجودة فيك منذ ولادتك دي محتاجة لي إستشاري نفسي علشان إعالجك منها
و تصبحي إنسانة طبيعية و تقدري تكوني إنسانة صالحة في المجتمع

تحياتي سناء عبدالسيد

الاستاذة تراجى مصطفى
لك كل السلام والتحايا
الاستاذة سناء عبدالسيد اتت بمعلومة مساندة قبيلة الفور للانقاذ كحقيقة
مسلم بها ودائما مثل هذه المقدمات الخاطئة جدا تقود الى نتائج كارثية
ويبدو انهاء لا تعرف عن دارفور الا الاسم فقط لانها لو عادت قليلا للوراء
وبحثت عن تاريخ الحركة الاسلامية منذ تكوينها وبمسمياتها المختلفة من اخوان
مسلمين وجبهة ميثاق ووووو حتى المؤتمر الوطنى لعرفت من ساند من ومن اعتمد
على من ومن دافع عن من واستغربت اكثر عندما قالت للاستاذ دينق فى حواره معها
فى نفس هذا البوست

Quote: : لم اسمع في حياتي ان الاحزاب السياسية كان لها رأيا غير مشرف في البطل علي عبد اللطيف ..هل ممكن ان تتكرم ب إطلاعنا عليه ام انك تضع الكلمات على افواه الآخرين؟؟

انا ما قريت البوست كلو لأنو طويل وعوير
سناء كلاما واضح ولذلك اتفق مع كلام أبو ساندرا التحت دا

Quote: فكرة سناء واضحة جدآ ،، ومشروعة سناء لم ترفض الكفاح المسلح كما ظن البعض ، ولكنها تطلب الإصطفاف خلف بندقية واحدة وقيادة وطنية واحدة متوجسة ، وعن حق ، من أي بندقية زنادها قبلي او عنصري ، أو قيادتها موسومة بتهيئة السلطة للكيزان أو كانوا جزء منها سناء بتبحث عن الحركة الوطنية الساسية المسلحة التي ترفع شعارات تنادي بتحرير البلد من قبضة الكيزان وإستعادة الديمقراطية ما عارف ليه حاول البعض دمغها بالإستعلاء على قوى الهامش كما فعل صديقنا دينق أو عمد لتخويفها بالكوزنة كما أشار ابوريش أو قراها غلط بالمرة كما يفعل زميلنا قيقراوي أعيدوا قراءتها بتركيز زي ما طلب معاوية الصايم

الناس دي لا بتقرا ولا بتفهم

الانقاذ تحية طيبة
انعمي بطول بقاء اذا كان فهم النخبة هكذا

يا سناء سلام
يا اختى العزيزه انا بعرفك الى حد ما وانت ما كوزه ولا عنصريه زى ما ممكن يتصور البعض
لكن براحه كده وبدون انفعالات الحاصل شنو وانت عاوزه تقولى شنو بالظبط؟
ومناضلين الغفله ديل منو والبكيلو بكيالين منو
مالى اسمع لغه الدكتوره الماليزيه
ومعليش اعذرينى بالجد ما قادر افهم البوست ده مع انى قريته من امس مرتين
ام هل هنالك حاله عامه من الحيره بسبب المجهول فى شأن الوطن؟

تحياتى

Quote: انا ما قريت البوست كلو لأنو طويل وعوير سناء كلاما واضح ولذلك اتفق مع كلام أبو ساندرا التحت دا

Quote: الناس دي لا بتقرا ولا بتفهم

سبحان الله!!

انا غايتو قريت .. و اهو الحمد لله طلعوني ما بفهم





------

لكن انت لقيتك خطيييييير .. ختري عديييل!

Quote: ومبارات ناس ابو حسين و الرشيد وراق الدبابين!!

عملتيني دباب كمان ....!!!!!!

Quote: عملتيني دباب كمان ....!!!!!!

دباب ونص ...في شريط الميل أربعين شوهد شخص يشبهك شبه العيش

أوعا تنكر يابوحسين

الى كل أفراد القوات المسلحة والنظامية:توقفوا عن حماية اللصوص والمجرمين

Quote: انعمي بطول بقاء اذا كان فهم النخبة هكذا

ابوساندرا هل انت مقتنع بكلام معتز ده
اعتقد سناء زاتها ما مقتنعه

Quote: عملتيني دباب كمان ....!!!!!!

مبروك يا عمك


هوي يا تراجي
الزول ده لا معانا ولا بشبهنا

الاخوة والاخوات الاعزاء..
جهدكم معنا بضم كل من معكم من الشرفاء للقروب فاعدادنا تخيف الكيزان
مواصلة حشد الشرفاء و توحيد الفصائل هو مفتاح النصر لمعركتنا الفاصلة ضد النظام
فيدكم معنا في الدعوة والتنظيم وليبدأ الأعضاء بالداخل في توعية وتنوير أي شخص في محيطكم:
في السكن,
في العمل, في دور الرياضة, المسرح, السينما..
في الافراح والحفلات.. وفي كافة أماكن التواصل..
فالثورة اعلام, دعوة وتنوير..
http://www.facebook.com/groups/BDFSudan/

رؤوف جميل

Quote: ابوساندرا هل انت مقتنع بكلام معتز ده

انت شايف شنو يا رؤوف ؟

Quote: انت شايف شنو يا رؤوف ؟

انا غايتو شايفو قاريكم غلط ساي .. وهو ظالمون لكم!















-------

عجبني ليكم و الله!
يا شماتي ان و أبلة ظاظا فيكم!!

ود القريش لعاب .. جا شات طوالي في القون

و لسان حاله يردد : المافي شنو هو!؟

المتداخلين الكرام تحية و إحترام اعتذر لكم عن عدم الرد على مداخلاتكم بسبب انشغالي في الايام الفائتة..مداخلاتكم موضع التقدير ان اختلفت معها
او اتفقت و في النهاية لكل ارائه و اطروحاته و انا لي رأي طرحته عليكم فلكم ان تتفقوا معي و لكم ان تخالفونني ..

Quote: سناء. هل قيقراوي هو الوحيد الذي يعترض على ما كتبتي؟ أظن أن ردك له فيه تعالي واضح. أنتي لسه مصرة تستخدمي كلمة "عايزين" دي؟ أنت يا سناء تعلمين جيداأين تدور الحروب في السودان وضد من. إذا كانت الحرب تدور في منطقة بعينها فمن الطبيعي أن يثور أبناء وقبائل تلك المنطقة ضد ما يحدث لهم. الشئ الطبيعي الذي كان يجب أن يحدث هو أن ينضم بقية أفراد الشعب السوداني وبمختلف سحناته للدفاع عن الذين يقع عليهم القتل والظلم، ولكنهم اليوم هم من المتفرجين. وتأتي أنت يا سناء تلومي وتغلطي الضحية مرة تانية وتالتة كمان!! يا عزيزتي سناء أنزلي من برجك العاجي ده وحاول أن تحسي وتعرفي بما يحدث لأهل الهامش على الأرض.

دينق مرحب للمرة الخامسة

قيقراوي ليس الوحيد الذي يختلف معي و ليس مهم كم من الناس يتفق او يختلف معي ..كلمة تعالي و استعلاء و ..البتحشرم لي في وسط كل مداخلة -انا اعتبره
فهم اجوف منك معليش مديت ليك حبل الصبر و انا صبري قليل زي ما بتقول شيرين عبد الوهاب - لكنك مصر على الردود بهذة الُإساءات
اعلم جيداً اين تدور الحرب و الحروب هذة الوم عليها امثال خليل الذي كان من الأحرى له ان يحارب نظام الخرطوم و ان لا يختبئ وراء خيم و قطاطي الغلابة
من اهل دارفور يعني النظام..كل من يحمل السلاح و يختبئ وراء خيمة و للا قطية ستأتي الحكومة و تضرب من بداخل الخيمة و من ورائها و الحكومة
في النهاية لا يهمها امر مواطنيين دارفور و لا غيرهم ..و سأتحدث عن هذة النقطة باسهاب في مداخلة لاحقة

Quote: الشئ الطبيعي الذي كان يجب أن يحدث هو أن ينضم بقية أفراد الشعب السوداني وبمختلف سحناته للدفاع عن الذين يقع عليهم القتل والظلم،

ده الشيئ الطبيعي إذا تحدثت هذة الحركات باسمها..حركة العدل و المساواة طالبت بالعدل و المساواة لقبائلهم فقط و انكروا التهميش على بقية
اهل السودان من المهمشين و لم يقتصر الأمر على ذلك بل ما فتأ افراد من هذة الحركات بالوعييد و التهديد لمن يظنوا بانهم غير مهمشين بأن سنستبيح
اعراضكم و اراضيكم و املاككم و لا احسب انك لم تقرأ ما كتبه احفاد السلاطين و افراد هذة الحركات هنا و في منابر اخرى عن إستباحة االاعراض و الأملاك
و لا يفوتك الفتنة التي احدثها من يسمى منئم سليمان في مقالاته - التي كتبت له - طبعاً المواضيع دي كانت مرتبة و محبوكة
فكيف يا عزيزي تعتب على الذين لم ينضموا لبقية افراد الشعب حسب تعبيرك او كيف تريدهم ان ينضموا الى حركات تتوعدهم بكل هذا؟؟؟؟؟؟؟؟؟؟؟؟
لذلك كان رأيي ان تكون صورة شاملة بدلاً عن حركات مسلحة لم تخدم المواطنيين في شيئ

يا سناء

نحن مصر دي مش قرينا فيها هندسه ولا طب قرينا علم اجتماع

Quote: يعني تفاصيل مشاكلها تحدياتها اقتصادها تركيبها الانثربولوجي تحديات الريف و المدن!!كله هاضمنه!! الذكرتيه ده ما اسمه قبليه متفشيه اطلاقا

.


طيب وكت استاذة و مثقفة و كيسك ما فاضي اتكلمي معانا بنفس بارد عشان الجاهلين الزينا يستفيدوا و بلاش تطاعن بالكلمات عشان نعرف نتحاور .

Quote: مجتمعات مثل ليبيا و اليمن هي مجتمعات قبليه حتى السودان قبل الانقاذ لم نكن بهذا السؤ ولكننا الآن اقتربنا من مستوى ليبيا و اليمن حمانا الله!ّ

الحمد لله القدرتي تفرقي بين الإنقاذ و بين من تسميهم جلابة لأنه نحنا حفينا وراكي عشان نقول ما تخلطي بين الامريين لكنك كنتي
و لازلتي بتشوفي انه نحنا واحد و مداخلتك الأولانية في البسوت ده اكبر دليل - راجعي حديثك عن انتوا كم و نحنا كم - و شوفي
انتي بتتكلمي عن النظام و للا بتدمجينا معاه

يا سناء ما مكن المنوفيه تبقى قبيله؟؟

و انا متين قلتا كده؟ اقري كويس انا قلتاالفلاحين فيما بينهم بقولوا نحن منوفية و نحنا مرازيق و لم اقل قبيلة المنوفية

Quote: ولا الفيوميه ولا الدمايطه هذه مدن و الانتماء للمدن له علاقه بالنشاط الاقتصادي البيمارس وهي مرحله ارقى مليون مره من القبليه!

هي نوع من القلبية او الجهوية و هي غير محمودة بأي حال من الأحوال

Quote: في الجيش المصري لا يوجد خانه للقبيله ةلا محاصحصه بين المحافظات في السودان موجده و الجيش الحالي لا يمثلنا!!

اتفق معك تماماً

Quote: تم رفض اسيتعاب ابناء الهامش الزنجي من حوالي ال 10 سنوات! وتم تسريح اغلبهم من القدماء!!

دي برضو بتفق معاكي فيها

Quote: الحاله دي لا في الجيش التونسي ولا الجيش المصري

. دي محمدة ليهم و مصيبة علينا ..برضو بتفق معاكي

Quote: فارحمينا يرحمك الله!!

طولي نفسك لو عايزة تتناقشي نقاش موضوعي لأنك عارفة الإستفزاز ما بجيب نتيجة معاي و لسانك ما اطول من لساني

Quote: اها ما ماشه معانا مسيرة يوم 16/09/2011 لنيويورك؟!

ما عندي فكرة عنها ..ممكن تنوريني بيها

Quote: قال نريدها ثورة قال!!

الثورة جاية جاية يا حبيبة ثورة حتشملنا كلنا خليكي انتي مع حركاتك المسلحة و مع ناس نتن ياهو

Quote: يلا يا غاليه يدك معانا الثوارت ما بتحدث بطقطة الكي بورد ومبارات ناس ابو حسين و الرشيد وراق الدبابين!!

اسي فوق و ما فوق شديد السطر الفوق ده ما قاعدة تستخفي من كلمة ثورة و ما ادراك إذدواجيتك دي يوم بتوديك التوج خخخخخخ
و كان قاصدة طلوع المسرات الكل يوم في بلد الظروف ما واحدة في ناس فاضية و ما عندها شغلة ديل اليطلعوا و في ناس مشغولة و جارية
ممكن يشاركوا من منازلهم

Quote: قال خليل دباب قال!!

دباب بس؟؟ دباب و مأجور و عنصري ######## ..جرى من امدرمان و اسه جاي جاري من ليبيا والله يكون خاتي ايدوا في قلبه عارف ثوار ليبيا كان مسكوا بقطعوا
إرباً اربا
حنديه وسام االبطولة في الجري

Quote: الدبابين مافي بوستك وانت مرحبه بيهم

!

بوستي برحب بيه باي شخص دباب و للا طيار ..طالما بحترمه نفسهم و هو الزول بحسبوا عليه عينة الناس البدخلوا في بوستاته
يعني انتي اسه محسوبة علي ؟؟ و للا الدبابين ديل ما بدخلوا بوستاتك ..احييي يا فشفاشي

Quote: دينق مرحب للمرة الخامسة قيقراوي ليس الوحيد الذي يختلف معي و ليس مهم كم من الناس يتفق او يختلف معي ..كلمة تعالي و استعلاء و ..البتحشرم لي في وسط كل مداخلة -انا اعتبره فهم اجوف منك معليش مديت ليك حبل الصبر و انا صبري قليل زي ما بتقول شيرين عبد الوهاب - لكنك مصر على الردود بهذة الُإساءات اعلم جيداً اين تدور الحرب و الحروب هذة الوم عليها امثال خليل الذي كان من الأحرى له ان يحارب نظام الخرطوم و ان لا يختبئ وراء خيم و قطاطي الغلابة من اهل دارفور يعني النظام..كل من يحمل السلاح و يختبئ وراء خيمة و للا قطية ستأتي الحكومة و تضرب من بداخل الخيمة و من ورائها و الحكومة في النهاية لا يهمها امر مواطنيين دارفور و لا غيرهم ..و سأتحدث عن هذة النقطة باسهاب في مداخلة لاحقة Quote: الشئ الطبيعي الذي كان يجب أن يحدث هو أن ينضم بقية أفراد الشعب السوداني وبمختلف سحناته للدفاع عن الذين يقع عليهم القتل والظلم، ده الشيئ الطبيعي إذا تحدثت هذة الحركات باسمها..حركة العدل و المساواة طالبت بالعدل و المساواة لقبائلهم فقط و انكروا التهميش على بقية اهل السودان من المهمشين و لم يقتصر الأمر على ذلك بل ما فتأ افراد من هذة الحركات بالوعييد و التهديد لمن يظنوا بانهم غير مهمشين بأن سنستبيح اعراضكم و اراضيكم و املاككم و لا احسب انك لم تقرأ ما كتبه احفاد السلاطين و افراد هذة الحركات هنا و في منابر اخرى عن إستباحة االاعراض و الأملاك و لا يفوتك الفتنة التي احدثها من يسمى منئم سليمان في مقالاته - التي كتبت له - طبعاً المواضيع دي كانت مرتبة و محبوكة فكيف يا عزيزي تعتب على الذين لم ينضموا لبقية افراد الشعب حسب تعبيرك او كيف تريدهم ان ينضموا الى حركات تتوعدهم بكل هذا؟؟؟؟؟؟؟؟؟؟؟؟ لذلك كان رأيي ان تكون صورة شاملة بدلاً عن حركات مسلحة لم تخدم المواطنيين في شيئ

سناء. الفهم الأجوف هو طريقة ردودك المتعالية للناس. معقولة تقولي لأكثر من شخصين بأنهم لم يفهمون ما كتبتي!
أنت تعلمين أين تدور الحرب ولكنها لا تمس أهلك ولا قبيلتك بطريقة مباشرة، وإذا كانت تمسهم لكنتي حملتي السلاح للدفاع عنهم وفي الصفوف الأمامية كمان. ما تقومين به هنا أنا اسميه هو قمة الأستهبال لبعض مثقفي الشمال في ما يحدث في السودان، خصوصا بمناطق الهامش. وهو نكران لحقائق تحدث على الأرض. لا أعتقد أن الدكتور خليل يختبئ خلف معسكرات اللاجئين وجيش وملشيات النظام يعرفون مكانه جيدا فلماذا الخوف منه؟ وإذا كانوا ثوار دارفور لا يهمهم المواطن في دارفور. فلماذا لم يقبلون عروض الحكومة الذي يسيل اليه لعاب ساسة الضل البارد في الخرطوم؟ يجب أن نعترف بأن لأهل دارفور قضية عادلة ولقد أخفقت الحكومة في حلها عن طريق القمع والقتل والتشريد. حمل السلاح ليس بالقرار الهين ولكن في السودان تم فرضه على أبناء وبنات الهامش للدفاع عن أنفسهم.
التهديد والوعيد الذي تتحدثين عنه أنت أنا لم أقرئه إلا في وسائل إعلام الكيزان. وحتى لو صدر من بعض أبناء الهامش فيجب أن تعلمي أن ما حل بأهلم شئ يفوق الخيال والتصور. أنت هنا يا سناء تريدين لوم وتجريم الضحية مرة أخرى لأنهم قررو الدفاع على أنفسهم. أنت ليس لديك أي حق لكي تحددين لأهل الهامش عن الطريقة أو التكتيك الذي يجب أن يتبعوه في نضالهم ضد الظلم والطاغوت. إذا كان لديك موقف مشرف لكنتي عارضتي هذا النظام المجرم بطريقة واضحة وليس بي عصايا قايمة وعصايا نايمة. أنتي جاية تتحدثي عن ما كتبه منعم سليمان قبل حوالي 7 سنوات من عنصرية؟ وفي نفس الوقت تغضين بصرك عن ما يكتب هنا في هذا البورد أو في صحف الخرطوم بشكل يومي! مالك كيف تحكمين يا سناء؟ أنا شخصيا لا أطلب من كل أفراد الشعب السوداني حمل السلاح ضد هذا النظام ولكن يجب أن تكون لهم مواقف واضحة ضد ما يحدث في السودان من قتل،تشريد وتعذيب وأضطهاد لأبناء وبنات الهامش في السودان.

الاخت/ سناء
سلام
مواطن دارفور رغم الظلم والتهميش الممارس عبر تاريخ حكومات المركز لم يحمل السلاح الا مؤخرا مضطرا..
هوجم مواطن دارفور في عقر داره..
'طائرات الانتونوف مسحت قرى كاملة بدارفور وسوتها بالارض..
القتل والتقتيل يتم بوحشية نتنة في دارفور..
سياسة الحرب والتقتيل ترسم في الخرطوم..
السلاح وطائرات الموت تقلع من الخرطوم..
لو كان لك أهل في دارفور لكنت عرفت حجم المأساة التي يواجهها أهلنا هناك..

فالى متى يظل انسان دارفور مستسلما للقتل!!
الى متى ينتظر الموت في بين الاشجار!!
فهل يجلس أهلي ينتظرون الموت المفروض عليهم؟
النظام اختار الحرب وسيلة لابادة أهل دارفور..
وفي الحرب كل نقاط العدو تكون متاحة للمهاجمة..
دخول خليل الاول للخرطوم كان نقلة متميزة وراقية لضرب القواعد التي ينطلق منها الموت الى أهلنا في دارفور..
وأحسب انها تأخرت كثيرا..
والآن بحمد الله وتوفيقه بعد العود الاحمد ستتواصل المسيرة..
تتواصل المعارك لاسقاط نظام الحرب في الخرطوم..
واقامة دولة العدل والمساواة..
وجعل الوطن ذو سيادة, كرامة وعزة لكل أهله..

أما حديثك عن ثورة شعبية كما كانت في اكتوبر وأبريل فتلك مرحلة لم تعد متاحة مع نظام المليشيات الشبيه بنظام القذافي , على صالح والاسد..
فكم من مرة تنادت التنظيمات لمجرد مظاهرة ولم يجد حراكها..
ولم يعد هنالك جيش وطني كما كان قبل الانقاذ ليحمي الثورة الشعبية..
فأهل الهامش يقدمون لكم الحرية والديمقراطية..
هم في الصف الاول للقتال..
وليس بعد البندقية كلام عن انصاف الحلول..

تحياتي

[كتبت سناء

QUOTE]دباب بس؟؟ دباب و مأجور و عنصري ######## ..جرى من امدرمان و اسه جاي جاري من ليبيا والله يكون خاتي ايدوا في قلبه عارف ثوار ليبيا كان مسكوا بقطعوا
إرباً اربا
حنديه وسام االبطولة في الجريي

مليون سلام سناء
موضوع انو خليل دباب
نعم كان مع الانقاذ ودبابا ولم ينكر ذلك
ولكن الان غير موقفه وانحاز الى الحق
ووقف مع مواطنيه وتبنى انبل قضاياهم
وهى الحق فى اليقاء
وحمل البندقية ضد الجنجويد
وضد الدفاع الشعيى
وضد جبش مؤدلج ومسيس يحارب مواطنين عزل
وحارب الحكومة فى موقعة امدرمان بعد ان حاربته فى
قرى دارفور ولم تفرق بين ملكى وعسكرى
والعكس ضحايا معركة امدرمان من المدنين كانوا محددودين
مما يدل على انه كان حريصاعلى ذلك ولم يكن عشوائيا
ثم
لم يجرى حليل وانما انسحب والانسحاب افضل للجيوش
اذا كانت المعركة فى غير صالحهم
اما موضوع ليبيا
فخليل اجبر على المغادرة الى ليبيايعد فشل محادثات قطر
حيث رفض دبى دخوله وكانت ثمثيلية تدخل القذافى الصديق
الشرعى للانقاذ ومنذ ميلادها
الم يلعب دورا قذرا فى تأليب الاتحاد الافريقى ضد اوكامبو
ورفض مذكرة اعتقال البشير
لقد خدم القذافى الانقاذ وبوساطة مصرية اكثر مما خدم ثوار دارفور

وبالتالى فرية مقاتلة قوات خليل مع القذافى اختلقتها اصلا الانقاذ
لاجندة سياسية فلماذا ترددينها وترويجى لها
وهل عندك دليل ان خليل قاتل الثوار غير كلام الانقاذ هذا

انا معاك فى ضرورة الثورة وطرح الثورة الشاملة
ولكن كيف
المبادرة من القوى السياسية ذات التوجهه المدنى نحو الثوار حاملى السلاح
نحو طرح القضايا بشفافية
فالموضوع لبس اسقاط الانقاذ فقط وانمامابعد ذلك

Quote: سناء لم ترفض الكفاح المسلح كما ظن البعض ، ولكنها تطلب الإصطفاف خلف بندقية واحدة وقيادة وطنية واحدة متوجسة ، وعن حق ، من أي بندقية زنادها قبلي او عنصري ، أو قيادتها موسومة بتهيئة السلطة للكيزان أو كانوا جزء منها سناء بتبحث عن الحركة الوطنية الساسية المسلحة التي ترفع شعارات تنادي بتحرير البلد من قبضة الكيزان وإستعادة الديمقراطية

دا كلام شنو يا ابو ساندرا ؟

هى القصة امانى ولا اوهام ؟

لنترك خليل وتاريخه جانبا
فهو لا يمثل إلا تيارا داخل قبيلة الزغاوة .

تاريخ الثورات في السودان بعد خروج المستعمر كانت دائما من صنع المركز
ومصحوبة بتداعيات الحرب في الجنوب .

كل حروب الهامش كانت قبلية . في الجنوب وفي غيره
ولاسباب تتعلق بضعف التنمية واحيانا غيابها الكامل
والذى جعل من القبيلة هى الممثل الشرعى للناس بدلا من الكيانات
السياسية الحديثة المرتبطة بجملة من التحولات الاجتماعية والاقتصادية
في المناطق التقليدية الهامشية .

والسؤال الآن اليكم و الى الاخت سنا
:
لماذا حدث الآن الانفجار الضخم في الهامش وليس في المركز ؟
وهو ليس ككل الانفجارات , بل جرت نتائجه رموز النظام الى ساحة القضاء الدولى
بتهمة الابادة الجماعية و هى التهمة التى لم تلاحق حتى كبار النازيين بعيد الحرب العلمية الثانية .

هذا البوست يفتقد الى البراءة وإن كان يبدو مغلف بحسن النية .

Quote: و حتة اني مبسوطة انه القذافي مشى فانا فعلاً مبسوطة و اتمنى انه كل الأنظمة الديكتاتورية تذهب الى الحجيم و حتة انهم استعانوا ب الصليبيين دي انا شخصيا ما ايدتها على الإطلاق و ما حايدا الى يوم يبعثون و ستظل هذة النقطة وصمة عار في جبين الثورة الليبية

Quote: استعانوا ب الصليبيين

المحكمة الجنائية الدولية توجد الآن في لاهاى
اى في قلب ( فسطاط الكفر ) وقضاتها من الصليبيين

هل لديك إعتراض يا استاذة على إختصاصها في الشأن السودانى مادام الامر يتعلق
بدار الاسلام ودار الكفار كما فهمنا من كلامك حول إستعانت ثوار ليبيا بحلف الناتو في صراعهم مع القذافى ؟

الاخت سناء

لا اعرف هل استخدام النون للتعظيم ام ان لك حلف فيه رجال ونساء وهنا اصبحت بنون زيادة في غالبية ردك


تعرفي قولك ان تتوحد الحركات والامال الجماهيرية كلام حلو لكن اتدري ان الحزب بعمل عصابة الخرطوم ما قادر علي التوحد دع عنك


الحركات

هسي عمايل الحكومة في جنوب كردفان وجنوب النيل الازرق الم توجعك ضحايا هذه البلاد ام انهم انهن نوبة ووطاويط وقمز وبرنو

وتيره وهيبنان وغلفان ومسيرية وحوازمة


السودان ده حيرنا ما عارفين حق شيوع لاي قبيلة

ان من وسط وشمال السودان لا ادعو لتمترس مثلما اراه في بوستك او بوست حيدر الزين او كيان الشمال بتاع حميد وصلاح ادريس


مشكلة السودان في استرداد الديمقراطية واتخاذ العلمانية شكلا لوضع الدولة من غير استهبال او لعب
لان البلد اذا فعلا واجعاك جدا يموت فيها عشرات الالوف عشان ينعم بدر الدين طه والعنصري الطيب مصطفي بهواء بارد ومضاجعة النسوان
هنا اجدد انهم لهما اثنان وثلاثة وما خفي ربما يكون اعظم
عزيزتي

عنوانك لمناضلين الغفلة غير صحيح ؟؟

طيب اين المناضلين الاخرين \ات بتاع الصحوه غير الغفلة


الديمقراطية بنين وبنات تبني الوطن وتزيل تظلمات المناطق التي عاني اهلها شرقا وغربا وجنوبا وشمالا

الفساد عينك له
القتله عينك لهم

لصوص العصر ايضا

منتهكي العروض ومغتصبي اخواتنا لك في حادثة صفية نموزج لدولة الاسلام


استغلال الدين ولسه المجرم البشير يتحدث عن الشريعه وتطبيقها


اه اه اه قد تعبنا في ناس تخدم في خط السلطان بفهم او دونه ؟؟


هيا علي النضال

Quote: سناء. الفهم الأجوف هو طريقة ردودك المتعالية للناس. معقولة تقولي لأكثر من شخصين بأنهم لم يفهمون ما كتبتي! أنت تعلمين أين تدور الحرب ولكنها لا تمس أهلك ولا قبيلتك بطريقة مباشرة، وإذا كانت تمسهم لكنتي حملتي السلاح للدفاع عنهم وفي الصفوف الأمامية كمان. ما تقومين به هنا أنا اسميه هو قمة الأستهبال لبعض مثقفي الشمال في ما يحدث في السودان، خصوصا بمناطق الهامش. وهو نكران لحقائق تحدث على الأرض. لا أعتقد أن الدكتور خليل يختبئ خلف معسكرات اللاجئين وجيش وملشيات النظام يعرفون مكانه جيدا فلماذا الخوف منه؟ وإذا كانوا ثوار دارفور لا يهمهم المواطن في دارفور. فلماذا لم يقبلون عروض الحكومة الذي يسيل اليه لعاب ساسة الضل البارد في الخرطوم؟ يجب أن نعترف بأن لأهل دارفور قضية عادلة ولقد أخفقت الحكومة في حلها عن طريق القمع والقتل والتشريد. حمل السلاح ليس بالقرار الهين ولكن في السودان تم فرضه على أبناء وبنات الهامش للدفاع عن أنفسهم. التهديد والوعيد الذي تتحدثين عنه أنت أنا لم أقرئه إلا في وسائل إعلام الكيزان. وحتى لو صدر من بعض أبناء الهامش فيجب أن تعلمي أن ما حل بأهلم شئ يفوق الخيال والتصور. أنت هنا يا سناء تريدين لوم وتجريم الضحية مرة أخرى لأنهم قررو الدفاع على أنفسهم. أنت ليس لديك أي حق لكي تحددين لأهل الهامش عن الطريقة أو التكتيك الذي يجب أن يتبعوه في نضالهم ضد الظلم والطاغوت. إذا كان لديك موقف مشرف لكنتي عارضتي هذا النظام المجرم بطريقة واضحة وليس بي عصايا قايمة وعصايا نايمة. أنتي جاية تتحدثي عن ما كتبه منعم سليمان قبل حوالي 7 سنوات من عنصرية؟ وفي نفس الوقت تغضين بصرك عن ما يكتب هنا في هذا البورد أو في صحف الخرطوم بشكل يومي! مالك كيف تحكمين يا سناء؟ أنا شخصيا لا أطلب من كل أفراد الشعب السوداني حمل السلاح ضد هذا النظام ولكن يجب أن تكون لهم مواقف واضحة ضد ما يحدث في السودان من قتل،تشريد وتعذيب وأضطهاد لأبناء وبنات الهامش في السودان.

جورج بوك انا حاولت اتكلم معاك بموضوعية لكن لمن الكلام يقنعك و ما تقدر ترد عليه بتعمد للإساءة و خليك عارف الإساءة ما شيئ صعب وقع ليك
انت شخص غير موضوعي و اجنبي لا يحق ليك تتدخل في شئوونا امشي شوف الإستعلاء و البطش البتمارسوا الحركة بتاعتكم في الجنوب و خليك مننا
انت بتلف و بتدور في حلقة مفرغة و انا ندمانة على وقتي الضيعتو في الرد عليك لأنك جاي عايز تستفرغ عنصريتك الما بتخلص دي هنا
ما عندي ليك رد تاني لأنك زي ما قلتا ليك بتلف في حتة و احدة و لو فاكر نبذك و إسائتك حيخوفني منك تبقى غلطان
المواقف المشرفة خليتا ليك انتا في قتل نساء و اطفال العراق و في مناصرة الدبابين و السفاحين

Quote: الاخت - سناء اين ومتى ساندت قبيلة الفور الانقاذ ومن من قيادات الصف الاول او الوسيطة من قبيلة الفور شارك او ساند الانقاذ وهل لك ان تعطينا لمحة عن تاريخ قبيلة الفور مع الانقاذ منذ 1989 حتى الان

ابو عرفة بعتذر ليك عن التأخير في الرد شايفاك تشيل و تعيد في السؤال و انا في مداخلة قلتااني مشغولة يعني ما تجاهل لمداخلتك فلك العتبى
المقصود قبائل دارفور كلمة دار سقطت فغيرت المعنى و انا في مداخلتي قلتا البعض و لم اعمم حتى لا يتساوى الشرفاء مع من باع نفسه لنظام الإنقاذ
و عموماً اصتفاف الدارفوريين وراء حكومةالإنقاذ امر لا يمكن نكرانه و زي ما بقولوا مناضلين الغفلة التاريخ ما برحم-و الحكاية ما مجاملة و لكنها حقائق
حتى انه في ايام الجامعة كانت رابطة ابناء دارفور تعني رابطة الكيزان و كل الطلاب الدارفوريين كانوا في نظر الجميع كيزان حتى يثبت العكس و طبعاً اسه
الكيمان اتفرزت و الفور بقوا فارزين روحم من الزغاوة و.. هكذا لكن زمان بقولوا رابطة ابناء دارفور مطلقة كده من غير تحديد ..

Quote: مشكلة السودان في استرداد الديمقراطية واتخاذ العلمانية شكلا لوضع الدولة

كالعادة صبري الشريف شايل بضاعتو البايرة و عايز إسوقها في المولد دا....

Quote: ياربي قريت رصة الحجج دي وين؟؟؟ قريتها وين؟؟ بي نفس رصتها دي!! الباقر موسى

يا الباقر موسى يعز علي انك تدخل في بوستيي و ما ارد عليك .. اكتب ليك مداخلة مفهومة عشان اعرف ارد عليك
بالمناسبة انتا الباقر موسى بتاع منظمة ضحايا التعذيب الكانت في القاهرة عشان لو ده انتا انا بكون لاقيتك انا و الوالد في موضوع
اعتقال شقيقي في الخرطوم لو ما انتا يبقى تشابه اسامي
تحياتي

Quote: كالعادة صبري الشريف شايل بضاعتو البايرة و عايز إسوقها في المولد دا....

لا عليك يا ابو حسين البوست ده بوست فش غباين باين لي ههههه
تحياتي

Quote: لا عليك يا ابو حسين البوست ده بوست فش غباين باين لي ههههه تحياتي

واضح جداً يا سناء .......

تحياتي و إحترامي

بالجد تراجي دي مبالغة

اها يا تراجي وكتين كتار كدي مالكم ما قدرتو تقلبوا الحكومة؟


بعدين كم مرة قلنا ليك الحكومة دي مدعومة بناسكم ديل الفي المعارضة والمعاها
تراجي انت اكبر زولة عنصرية في هذا البورد وجنك تتكلمي عن العنصرية وشافية السودان دا كلو
غرابي ضد شمالي..
وخليل دا لو اترشح في بيته ما بفوز ما تقولي ناس الهامش كلهم معاه
الا عاد يجي بانقلاب ذي ما جا المرة الاولى بالجد ممكن تورينا خليل دا عمل شنو لاهلو في دارفور حينما كان وزير؟
عمل البعلموه كل الناس من هناك من يدوهم سلطة يفتشو للعرس طوالي من الجلابة.
وينسوا اهلهم.. واي زول مات في دارفور بعد فتنة الترابي روحو في رقبة خليل دا
لاسباب سياسية قتل اهلو وبشتن بيهم




سلامات يا سناء

الناس دي ما عايزة تفهم لانه كلامك دا مافي مصلحتها
ومصلحتهم هي ان يموت اكبر عدد من دارفور.

كلامك واضح جدا بالجد يب ان يحدد من العدو ولا فرق بين بجاوي او زغاروي او شايقي

Quote: جورج بوك انا حاولت اتكلم معاك بموضوعية لكن لمن الكلام يقنعك و ما تقدر ترد عليه بتعمد للإساءة و خليك عارف الإساءة ما شيئ صعب وقع ليك انت شخص غير موضوعي و اجنبي لا يحق ليك تتدخل في شئوونا امشي شوف الإستعلاء و البطش البتمارسوا الحركة بتاعتكم في الجنوب و خليك مننا انت بتلف و بتدور في حلقة مفرغة و انا ندمانة على وقتي الضيعتو في الرد عليك لأنك جاي عايز تستفرغ عنصريتك الما بتخلص دي هنا ما عندي ليك رد تاني لأنك زي ما قلتا ليك بتلف في حتة و احدة و لو فاكر نبذك و إسائتك حيخوفني منك تبقى غلطان المواقف المشرفة خليتا ليك انتا في قتل نساء و اطفال العراق و في مناصرة الدبابين و السفاحين

سناء عبد السيد. واضح جدا ان كلامي سخن معاك وأصابك في مقتل. وذلك كان المطلوب بالضبط. فضح وتعرية العنصرين بهذا البورد ضروري جدا.
عن أي "موضوعية" تتحدثين وأنتي لك أحكام مسبقة في قضايا أنتي لا تعرفين عنها أي شئ؟
أنتي لم تكبتبي أي كلام موضوعي حتى هذه اللحظة، أنت تخاطبين العنصرين والكيزان وتلعبين بكرت العنصرية، هاهم الأن تجمعوا من حولك يؤيدون كلامك وشوية شوية حتكوني معاهم في نفس الخط في النهاية ما يجمعك أنت سناء مع الكيزان والعنصرين واضح جدا أنه أكثر من ما يجمعك بالوطنين أو أبناء الهامش. عن أي "نبذ" أو تخويف تتحدثين؟ وصفي لك وتزكيري لك بمواقفك أنت تعتبريه شتائم؟
هل كنتي تتوقعين مني مجاملات في ردودي لك؟ لن يحدث هذا من جانبي أبدا. شوفي غيري لكي يجاملك وليس أنا.
كلامي واضح وضوح الشمس وليس لف ودوران، وما أكتبه أنا في البورد لا يحتوي على أي لف ودوران أنا زول دوغري وبقول كلامي بكل صراحة ووضوح ولا أتخفى خلف بعض الكلمات أو العبارات المنمقة كما يفعل أخرون. أنت الأن تتهميني بأتهامات خطيرة وتستعملين نفس أسلوب الكيزان وصبيانهم الــــقـــــذر في هذا البورد. وما كتبتيه من أتهامات في حقي يرجع اليك والى مصداقيتك بهذا البورد ويكشف لنا عن أصلك وعن سلوكك الكيزاني الخبيث. واضح جدا أنك أفلستي لم يعد لديك شئ تقوليه سوى هذا الكلام التعيس. كما قلت لبعض العنصرين في هذا البورد من قبل. كتاباتكم هي التي تفضحكم وتعريكم للناس . وهذا بالضبط ما حدث لك أنت هنا. مبروك عليك كشفك للقناع الذي كنتي ترتدينه وتتخفي من خلفه.Finally you came out of the closest

Quote: ويكشف لنا عن أصلك

أصلها مالو كمان......؟؟؟؟

كمان وصلت أصلها.......

خليك في أرائها و كلامها هنا في البورد

أصلها دا ما من حقك تتكلم عنو ....

Quote: الأخت سنـاء، سلام.. عينك فى الفيل.. ما اهو السيـد الصادق ومناضل ديمـة محمد إبراهيم نقد، لبن على عسل مع الترابى.. وهو تاج راسهم، وعضو معهم فى قوى جوبا واللا شنو كدا ما عارف.. الترابى الذى قام بالإنقلاب وقـاد كل حملات الدبابين والطيارين التى هدت قرى الجنوب الامنـة.. كل هذا فعله الترابى وكان وحده القائد المتنفـذ حينذاك.. بيوت الأشباح كانت تدار تحت سمعه وبصره وعلمه، وكان هو المستفيد الأكبر من تعذيب المواطنين فيها.. ويأتى بعده بقية الإنقاذيين حسب درجاتهم فى التنظيم.. دكتور خليل كان عبد المأمور للترابى.. وأعتقد أنه كان صادقا على عكس عراب الجبهة الإسلامية المنافق الكاذب.. وأعتقد صدقه هو الذى جعله يلفظ عرابه وحكومته التى كان وزيرا فيها ثم اراك تغفلين عن الواقع وحراك المياه الجوفية الجيوسياسيـة، والواقع الان ان قوى الهامش كلها منتفضـة ولن يرجع المارد الى قمقمـه.. والحرب وإن كانت قبيحـة ولكنها واقع.. وزمان العرب يتحاربون رغم كراهيتهم للحرب، بل سموها (كريهـة) "ليوم كريهة وسداد ثغـر".. و "كتب عليكم القتال وهو كره لكم".. لا أحد يحب القتال ولا الحرب..

لا ما لدرجة انك تقول عسل على لبن من يعنيني في كلامك الاستاذ إبراهيم نقد و طيب ما خلاص يندرجوا تحت كيان واحد طالما ان مجرد وجود علاقة طيبة بين الطرفين
تعني لك إشتراك الطرف الاول فيما يقوم به الطرف الثاني .. مافي زول بياخدوا بجريرة زول إلا إذا الاتنين اشتركوا في نفس الفعل
و اما الفتن القام بيها الترابي و تعذيب المواطنين و كل المصايب العملا معروفة بالنسبة لي و ما محتاجة لشرح و انا فتحت اكثر من بوست عن هذة الشخصية
الكريهة و جوا خاشين نفس الناس المعارضين لكلامي هنا و دافعوا بصورة او بأخرى عنه.. و اما حديثك عن الحرب فنعم هيا كريهة و لكن بالحالة التي نراها
احسب انها ستكون امراً واقعاً ليست بين النظام و الحركات او الثورات و لكنها ستكون حرباً قبلية بين ابناء السودان.

Quote: ما يشاع عن تنسيق خليل أو العدل والمساواة للترابى حتى الان، قد تكون فيه بعض الحقيقة، ولكن الشئ المؤكد أن من له القوة هو خليل، معه جيشه وفى ارضه، ولا يمكن ان يعطى قياده لشخص فى الخرطوم فى (فندق 5 نجوم) كما تقولين.. وقديما كان الدكتور الشهيـد جون قرنق مثل حوار الشيخ للسيـد الميرغنى، ورغم علاقته الشخصية الصادقة به، إلا أنه فى نيفاشا نفضوا التجمع الوطنى وأدخلوه فى علبه.. ما تكتبينه ذر الرماد فى العيون.

انتا برضو من الناس الببهتوا الناس ؟؟وين انا قلتا دايرين قيادي في فندق سبعة نجوم ؟؟؟انا قلتا عايزين قيادي قومي يجمع صفنا جميعاً
من غير تحديد اي قبيلة او جهة او دين لهذا الشخص ..فعما تتحدث انت؟
و ها انت تأتي بكلام على طرفي نقيض عن قولك ما يشاع من تنسيق بين خليل و الترابي !!فمجرد وجود هذا التنسيق يعني ان خليل هذا لا يزال
يطبق اجندة شيخه كبير الدجالين و الدبابين و المنافقين و هذة مصيبة اخرى
و لا يهم من له القوة فالقوة تكون في إالتزام جانب الحق و ليس في من له العدة و العتاد الحربي و خليل فرض الحرب على اهله و لم تكون الحرب خيارهم
و لا يوجد ادنى شبه بين خليل و الدكتور جون قرنق
اما إذا كنت ترى ان ما اكتب هو ذر الرماد في العيون فهذا شأنك انا لا اكتب من اجل تقييمك او غيرك لكتاباتي هي ارائي اطرحها كيفما اشاءو شكراً للمرور

Quote: سناء عبد السيد. واضح جدا ان كلامي سخن معاك وأصابك في مقتل. وذلك كان المطلوب بالضبط. فضح وتعرية العنصرين بهذا البورد ضروري جدا. عن أي "موضوعية" تتحدثين وأنتي لك أحكام مسبقة في قضايا أنتي لا تعرفين عنها أي شئ؟ أنتي لم تكبتبي أي كلام موضوعي حتى هذه اللحظة، أنت تخاطبين العنصرين والكيزان وتلعبين بكرت العنصرية، هاهم الأن تجمعوا من حولك يؤيدون كلامك وشوية شوية حتكوني معاهم في نفس الخط في النهاية ما يجمعك أنت سناء مع الكيزان والعنصرين واضح جدا أنه أكثر من ما يجمعك بالوطنين أو أبناء الهامش. عن أي "نبذ" أو تخويف تتحدثين؟ وصفي لك وتزكيري لك بمواقفك أنت تعتبريه شتائم؟ هل كنتي تتوقعين مني مجاملات في ردودي لك؟ لن يحدث هذا من جانبي أبدا. شوفي غيري لكي يجاملك وليس أنا. كلامي واضح وضوح الشمس وليس لف ودوران، وما أكتبه أنا في البورد لا يحتوي على أي لف ودوران أنا زول دوغري وبقول كلامي بكل صراحة ووضوح ولا أتخفى خلف بعض الكلمات أو العبارات المنمقة كما يفعل أخرون. أنت الأن تتهميني بأتهامات خطيرة وتستعملين نفس أسلوب الكيزان وصبيانهم الــــقـــــذر في هذا البورد. وما كتبتيه من أتهامات في حقي يرجع اليك والى مصداقيتك بهذا البورد ويكشف لنا عن أصلك وعن سلوكك الكيزاني الخبيث. واضح جدا أنك أفلستي لم يعد لديك شئ تقوليه سوى هذا الكلام التعيس. كما قلت لبعض العنصرين في هذا البورد من قبل. كتاباتكم هي التي تفضحكم وتعريكم للناس . وهذا بالضبط ما حدث لك أنت هنا. مبروك عليك كشفك للقناع الذي كنتي ترتدينه وتتخفي من خلفه.Finally you came out of the closest

انتا اول العنصريين في هذا المنبر كراهيتك لكل الشماليين واضحة وضوح الشمس و ان حاولت ان تغلفها بانك تخالفهم الرأي فقط
و ان خلافك مع النظام فقط لا يا سيدي انتا عنصري و متحيز و تكتب من اجل ارضاء البعض .. راجع مداخلتنا و شوف بنفسك انتا كنتا بتتحدث باي طريقة
و انا بتحدث باي طريقة.. قاعد لي بالمرصاد حتى لمن قلتا ليك انتا ما فهمتني قلتا لي ده استعلاء و ما ادراك و لييه موش يمكن انا ما بعرف اشرح لييه مشيت طوالي
لحتة انه انا قاصدة انك ما بتفهم مع انه كلامي واضح وضوح الشمس .. انتا انكرت عدم قراءتك لاي وعيد او تهديد من قبل البعض هنا لمن تسموهم جلابة مع
انك اتداخلتا معي في بوست و انا سألت قلتا ليك انتا لييه ما ادنتا الكلام ده و قلتا لي انه الكلام ده مدان تماماً من قبلك لييه اسه جاي بتنكر انك ما سمعتا
غير وعييد و تهدييد الكيزان فقط؟؟ ده يتفهم شنو؟؟ و يتقال لمصلحة منو؟؟
و عن حتة انه انا كوزة انتا الكوز و انتا المأجور للكيزان لأنه عنصريتك دي صابة في صالحم و ده دليل كبير على عمالتك للكيزان و ما تفتكر انه
اغتيال الشخصية البتمارسوا مع كل من يخالفك الراي بخوفني انتا تعلم تماماً من انا و الاساليب دي قديمة ما بتمشي فيني
انا بقول رايي بصراحة كان اتهمتني و للا غيرك اني كوزة و للا جك شجاعة بطرح رايي و ما بخاف موش في المنبر من وراء كي بورد بل في المنابر و اركان النقاش
زمن خليلك الدباب البدافع عنه تحت تحت ده و جماعتوا كانوا بقيفوا بالسيخ و المليتوف في الجامعات
و تعال و ريني اصلي شنو عشان ما فهمتك قاصد شنو ؟؟ مستنياك للحتة دي اوعك تزوغ الليلة انا بوصلا معاك الحد

Quote: عنوانك لمناضلين الغفلة غير صحيح ؟؟ طيب اين المناضلين الاخرين \ات بتاع الصحوه غير الغفلة

صبري الشريف حرد على الجذء ده من مداخلتك و الباقي بعد اقراه بمزاج لأني بالجد ما فهمتا منه شيئ الفهم بالليل مع النعاس ببقى تقيل شوية

عنواني بتاع مناضلين الغفلة ده عنوان مفصل تفصيل على كل من يطالب بالعدالة و المساواة و ينكرها على الآخرين ,على كل من يريد حماية نفسه

و عرضه و يستبيح نفوس و اعراض الآخرين.. و الغفلة من غافل و الغافل ده الشخص البفتكر انه بعمل في الصواب و هو بعمل في الخطأ..شفتا كيف

يعني ما نبذ و لا إساءة .. ناس بتطالب بالعدالة و جايين يهللوا لي واحد هارب كان هو جماعتوا قناصة بضربوا الابرياء البطالبوا بالعدالة و المساواة زيهم

و جاي و ايدوا لسه ملطخة بدماء الابرياء قالوا ده امير المؤمنيين.. جاي هارب و قالوا بطل شفتا الغفلة دي كيف ؟؟

دى اسطوانة قديمة يا سناء

اهل الهامش فرضت عليهم الحرب فرضا

حكومة المركز تهاجم قراهم بالطائرات والاسلحة الثقيلة

فتقتلهم وتحرق قراهم ويغتصب جيشها النساء والاطفال

والدم غالى يا سناء لو سال فى الخرطوم او فى دارفور

هو دم ادميين وليس دم حيوانات

اهل دارفور ايضا ادميين , نعم من بنى ادم

واصر على تذكيرك بذلك لان خوفك على اهلك فى الخرطوم او فى الشمالية

يجب ان يساوى خوفك على اهلك فى دارفور وفى النيل الازرق

وفى جنوب كردفان والشرق, كل السودانيين سواء

حتى دينق الذى وصفتيه بالاجنبى, هو وانا والشمالى والكردفانى سواء

وجهى حديثك للبشير لكى يوقف الحرب ضد اهلنا اذا كنت منصفة

اما اذا اردت تعاطفا من عنصريين يكرهون خليل الزغاوى الذى

ارعب اسيادهمفى الخرطوم, او اردت تعاطف اليساريين المزيفين, فهذا شانك

وهنيئا لك بذلك

هذه الثورة بدات ولن تقف

وسيسقط النظام بالسلاح او الانتفاضة او الاثنين معا

بل الاسطوانة المشروخة هي اسطوانتك انت يا استاذ مهاجر
البشير منو العايزني اطالبه بوقف الحرب؟؟ المرحلة دي انتهت زمان و ما جايبة حقها
الحرب حتقيف و النظام حيسقط بتوحدنا تحت قيادة واحدة او ثورة واحدة و انا ما من الخرطوم صحح معلوماتك ام انكم تعتبرون كل من سكن
الخرطوم من الخرطوم و لماذا تستثنوا انفسكم ؟كلكم من سكان الخرطوم ..انا من الهامش و انتم اغفلتم ذلك .. موضوع البوست واضح
نريد ثورة جامعة شاملة بقيادة واعية منصفة الما عاجبكم شنو في الموضوع؟؟ اما انه العنصرية و كرهكم للشماليين طيب ما تعلنوها حرب قبلية معلنة
لأنه بصراحة الإذدواجية دي بقت شينا في حقكم..نقول نتوحد تقولوا لأ .. نسكت تقولوا خاتين ايدكم في الموية .. عايزيين مننا شنو طيب ؟
لن نصتف خلف قائد يكرهنا و يتوعدنا و لن نصتف خلف قائد يده ملطخة بدماء الابرياء
لماذا خليل ؟؟هل رحم دارفور لم تنجب غير هذا السفاح ام الشرفاء في السودان عدموا؟؟

الاخت – سناء
انا كنت بعيد فى السؤال للتذكير لانك بصراحة اتيتى بمعلومة جديدة لنج وادهشتنى
كثيرا الان تقوليين ان مقصدك قبائل دارفور وان كلمة دار سقطت سهوا اذا تحتاجين
لتغيير كل الجملة لانك قلتى ان قبيلة الفور هم اكثر من ساند الانقاذ ولا مش كده .
ايضا اصطفاف الدارفوريين خلف الانقاذ ايضا من المعلومات المتداولة كثيرا ولكنها
غير صحيحة و بنفس منطقك هذا الكل يعلم ان هناك خمسة او ستة اشخاص يتحكمون فى مصير
السودان منذ 1989م حتى الان هل يمثل هؤلاء الاشخاص انفسهم او قبائلهم فهل يمكن ان نقول
بان قبائل الشايقية او الجعليين هم اكثر من ساندوا الانقاذ.
ثانيا فى الانقسام الشهير فى عام 1998 فى الحركة الاسلامية تم كنس كل من ينتمى لغرب
السودان من الانقاذ السؤال الذى يفرض نفسه اذا كانوا اغلبية كيف تم التخلص منهم
بسهولة بدلا من ان يتخلصوا هم من الاخريين.
انت عارفة يا سناء المشكلة دائما تبدا من التعميم فى الاشياء مثل قولك ان كل الطلاب
الدارفوريين كانوا فى نظر الجميع كيزان حتى يثبت العكس وطبعا هنالك عده اسئلة من هم
الجميع هؤلاء واين هذه الاحصاءات ووو الخ وفى نفس هذه الفترة كان عبدالواحد محمد احمد
النور طالبا بجامعة الخرطوم وكان ناشطا هل كان كوز واحمد عبدالشافع بجامعة جوبا هل
كان كوزا وباختصار شباب حركة تحرير السودان هؤلاء كلهم كانوا طلاب فى نفس تلك الفترة
هل كانوا كيزان وللاضافة عدد كبيرا جدا من الرعيل الاول والثانى كانوا اساتذه فى جامعتى
الخرطوم وجوبا فى تلك الفترة هل كانوا كيزان .
يا سناء العموميات والمعلومات العامة المتداولة تحتاج للبحث والتدقيق خاصة عند الكتابة
لان الكلمة امانة لانه ببساطة كلمات مثل الكيمان اتفرزت بين الفور والزغاوة وخلافه
لا تقدم او تاخر وبالمناسبة فى الجامعات السودانية توجد اكثر من رابطة لطلاب دارفور
كمثال رابطة طلاب دارفور وروابط طلاب دارفور والجبهة الشعبية المتحدة لكل واحدة منها
افكارها وتوجهاتها ولا علاقة بينها وبين القبيلة
اخيرا العلاقة شائكة جدا بين دارفور والحركة الاسلامية فالاحرى العودة والقراءة المتانية
جدا فى هذه العلاقة قبل ان ناتى بالعموميات كحقائق.
هناك معلومة متداولة ان القاهرة تؤلف وبيروت تطبع والخرطوم تقرأ معلومة سمعناها وقرانها
ولكنها ليست صحيحة الخرطوم لا تقرا اطلاقافقط تتفرج
عذرا للرد المطول

Quote: انتا اول العنصريين في هذا المنبر كراهيتك لكل الشماليين واضحة وضوح الشمس و ان حاولت ان تغلفها بانك تخالفهم الرأي فقط و ان خلافك مع النظام فقط لا يا سيدي انتا عنصري و متحيز و تكتب من اجل ارضاء البعض .. راجع مداخلتنا و شوف بنفسك انتا كنتا بتتحدث باي طريقة و انا بتحدث باي طريقة.. قاعد لي بالمرصاد حتى لمن قلتا ليك انتا ما فهمتني قلتا لي ده استعلاء و ما ادراك و لييه موش يمكن انا ما بعرف اشرح لييه مشيت طوالي لحتة انه انا قاصدة انك ما بتفهم مع انه كلامي واضح وضوح الشمس .. انتا انكرت عدم قراءتك لاي وعيد او تهديد من قبل البعض هنا لمن تسموهم جلابة مع انك اتداخلتا معي في بوست و انا سألت قلتا ليك انتا لييه ما ادنتا الكلام ده و قلتا لي انه الكلام ده مدان تماماً من قبلك لييه اسه جاي بتنكر انك ما سمعتا غير وعييد و تهدييد الكيزان فقط؟؟ ده يتفهم شنو؟؟ و يتقال لمصلحة منو؟؟ و عن حتة انه انا كوزة انتا الكوز و انتا المأجور للكيزان لأنه عنصريتك دي صابة في صالحم و ده دليل كبير على عمالتك للكيزان و ما تفتكر انه اغتيال الشخصية البتمارسوا مع كل من يخالفك الراي بخوفني انتا تعلم تماماً من انا و الاساليب دي قديمة ما بتمشي فيني انا بقول رايي بصراحة كان اتهمتني و للا غيرك اني كوزة و للا جك شجاعة بطرح رايي و ما بخاف موش في المنبر من وراء كي بورد بل في المنابر و اركان النقاش زمن خليلك الدباب البدافع عنه تحت تحت ده و جماعتوا كانوا بقيفوا بالسيخ و المليتوف في الجامعات و تعال و ريني اصلي شنو عشان ما فهمتك قاصد شنو ؟؟ مستنياك للحتة دي اوعك تزوغ الليلة انا بوصلا معاك الحد

ههههه. قلت لي في النهاية جاية توصفيني أنا بالعنصرية! أنطبق عليك المثل: "رمتني بدائها وانسلت"
في الحتة دي بالذات أنا ما عندي مشكلة مع أي مواطن عادي من شمال السودان، مشكلتي مع العنصريين ومع الذين يضطهدون الأخرين ويريدون فرض ثقافتهم وديانتهم عليهم. الكلام ده أنا بقولو لأنني شخصية عامة يعرفها كثير من الناس. وعلاقتي مع الشمالين ومصالحي معهم قد تكون أكبر من علاقتك ومصالحك معهم أنتي "الشمالية". أها شفتي الكلامي ده كيف؟ طبعا ده كلام قد يفوق تصورك وطريقة تفكيرك العرجاء. شوفي لك حاجة تانية أتهميني بيها. المرة الأولى أتهمتيني بجرائم قتل والمرة الثانية بأنني عنصري، التالتة ح تنسجي لي شنو من خيالك المريض؟ الناس جات هنا أنتقدت ما كتبتيه وأنت مصرة تقولي أننا لم نفهم ما كتبتيه، ده كلام غريب جدا. إلا إذا أنتي فشلتي أن تعبري عن نفسك بالطريقة المناسبة فهذه مشكلتك أنت وليس مشكلة القراء.
التهديد والوعيد ده نحن بنقرا فيه كل يوم في هذا البورد وخارج البورد ده يعني بالنسبة لنا بقى شي عادي. أنت فقط علشان حسيتي بيهو في البوست ده كابة الجرسة؟ أها خليني أقول لك أن أي زول هددك أنتي سناء دي غلطان مهما كان نوع هذا التهديد.
بعدين شايفك بتحاولي أن تختزلي المشكلة في بعض الأفراد من أبناء الهامش الذين شاركوا في سلطة الأنقاذ من أمثال الدكتور خليل إبراهيم. يا سناء أنا قلت في البورد ده مليون مرة أن خليل إبراهيم ليس السياسي المفضل بالنسبة لي ولكن الذي فرض وجوده الأن هو الواقع على الأرض فهو(خليل) الذي يتقدم الصفوف وإذا كان هدفه هو أستهداف عامة الشمالين البسطاء فذلك مرفوض تماما. لا أريد أن أكون في خانة المدافعين على حركة العدل والمساوة أو الحركة الشعبية بقدر ما أريد أن أكون مدافعا على الغلابة الذين تقصفهم طائرات الكيزان بشكل يومي ويتعرضون الى أبشع أنواع التعذيب والأضطهاد. ده موقفي وسوف أظل عليه الى أخر يوم في حياتي.

دعك يا مستر بوك من الشمال و الهامش موش كان الأحرى انك تمشي تحارب الكيزان الاغتصبوا رضك و كتلوا اهلك بدل ما تمشي تتجند في الجيش الامريكي و تحارب الابرياء
و بدل ما تحدد لي انا اناضل كيف و للا مع منو ! عنصريتك و كرهك للشماليين ما بتقدر تدسها بتجي تستفرغا هنا بمجرد ما تنهزم و بعد ما تتزكر اصحابك الشماليين و الأكيد ما بحملوا ليك اي كره مما تحمله انت لهم بتجي و تحاول تصلح غلطك بي انا اصحابي شماليين و عندي مصالح معاهم و الكلام الما بأكل عيش ده
انتا فضحتا نفسك في المداخلة القبل الأخيرة و اعترفتا على نفسك انك بتستعمل عنصر الإستفزاز لحدي ما تصل للكلام الانتا عايز تحرفه عشان يتماشى مع فهمك انتا ..وده اسلوب العاجز
انا ما عايزة معاك نقاش يا عميل الكيزان و الامريكان تعال رد لي على السؤال بتاع اصلي و ما اصلي تعال وريني اصلي شنو و كت صاحي و قاعد في الكمبيوتر عشان نضع حد لمسألة الإساءات و النبذ القاعد توزع فيهم شمال و يمين على كل من يخالفك الراي..مستنياك

Quote: دعك يا مستر بوك من الشمال و الهامش موش كان الأحرى انك تمشي تحارب الكيزان الاغتصبوا رضك و كتلوا اهلك بدل ما تمشي تتجند في الجيش الامريكي و تحارب الابرياء و بدل ما تحدد لي انا اناضل كيف و للا مع منو ! عنصريتك و كرهك للشماليين ما بتقدر تدسها بتجي تستفرغاهنا بمجرد ما تنهزم و بعد ما تتزكر اصحابك الشماليين و الأكيد ما بحملوا ليك اي كره مما تحمله انت لهم بتجي و تحاول تصلح غلطك بي انا اصحابي شماليين و عندي مصالح معاهم و الكلام الما بأكل عيش ده انتا فضحتا نفسك في المداخلة القبل الأخيرة و اعترفتا على نفسك انك بتستعمل عنصر الإستفزاز لحدي ما تصل للكلام الانتا عايز تحرفوا عشان يتماشى مع فهمك انتا ..وده اسلوب العاجز انا ما عايزة معاك نقاش يا عميل الكيزان و الامريكان تعال رد لي على السؤال بتاع اصلي و ما اصلي تعال وريني اصلي شنو و كت صاحي و قاعد في الكمبيوتر عشان نضع حدلمسألة الإساءات و النبذ القاعد توزع فيهم شمال و يمين على كل من يخالفك الراي..مستنياك

أنتي سناء لن تحددي لي كيف، متى وأين أدير معاركي مع الكيزان. والحمد لله أهلي شخصيا أتحررو من حكم الكيزان واشباهم، عقبال بقية السودان برضوا يتحرر. لم أحدد لك أنت كيف تعارضين النظام ولكن مواقفك ظاهرة للعيان وقلمك هو الذي يفضحك. إذا كان حديثي عن علاقاتي مع الشمال بالنسبة لك ما بتأكل عيش فهي بالنسبة لي و لأخرين محل أحترام وود وتقدير متبادل. حتى لو كنت أستعملت معك أسلوب الأستفزاز كما تدعين فمن أين خرجت عنصريتك؟ هل أنت مجنونة أم مسكونة؟ لقد خرجت عنصريت منك أنت شخصيا وأنتي مسئولة عنها مسئولية مباشرة. حجم الأستفزاز الذي يتعرض اليها أبناء الهامش في هذا البورد لا يمكن تصورها وهي تفوق الخيال. أنتي جاية تقولي لي أنا أستفزيتك! ألعبي غيرها. أصلك بالنسبة لي كوزة متخفية وواحدة عنصرية. تاني دايرة تعرفي شنو؟

Quote: الاخت – سناء انا كنت بعيد فى السؤال للتذكير لانك بصراحة اتيتى بمعلومة جديدة لنج وادهشتنى كثيرا الان تقوليين ان مقصدك قبائل دارفور وان كلمة دار سقطت سهوا اذا تحتاجين لتغيير كل الجملة لانك قلتى ان قبيلة الفور هم اكثر من ساند الانقاذ ولا مش كده . ايضا اصطفاف الدارفوريين خلف الانقاذ ايضا من المعلومات المتداولة كثيرا ولكنها غير صحيحة و بنفس منطقك هذا الكل يعلم ان هناك خمسة او ستة اشخاص يتحكمون فى مصير السودان منذ 1989م حتى الان هل يمثل هؤلاء الاشخاص انفسهم او قبائلهم فهل يمكن ان نقول بان قبائل الشايقية او الجعليين هم اكثر من ساندوا الانقاذ.

الأخ ابو عرفة
اصطفاف الدارفوريين خلف الإنقاذ حقيقة واقعة و ليست معلومة مغلوطة و انا لم اعمم و قلت البعض او الغالبية و لكن لم اعمم اطلاقاً و لك ان تراجع مداخلتي
انا لا اعمم و دائماً اقول البعض و احياناً اضع تحت كلمة البعض خط او اضعها بين قوسين ..الدارفوريين هم اكثر قبيلة ساندت الإنقاذ و الإنقاذ و ان كانت
معظم قادتها من الشمال فهذا لا يلغي الحقيقة و ان كانت الإنقاذ تضم قادة دارفوريين ..عندك محمد الامين خليفة و علي الحاج و..الى آخر القائمة و إذا اعتبرنا
ان الإنقاذ لم تضم قادة من دارفور فوقوف الغالبية العظمى من الدارفوريين خلف الإنقاذ و مساندتهم لها و بطشهم بكل من كان يخالف الإنقاذ سواء من ابناء الشمال او ابناء دارفور - قوى شوكة الحكومة و هذة حقيقة مثبتة ..الإنقاذ عندما اتت اعدمت 28 ضابطاً معظمهم من الشمال او جلهم من الشمال ..و الغالبية دي نفسها
كانت الإيد الباطشة للنظام في الجامعات كان الحرس الجامعي كله من الدارفوريين كانوا يمارسوا إذلال الطلاب و قوات النظام العام في الشوارع كانت جلها من
الدارفوريين و افراد الأمن و انا اقولا ليك في كل مرة كان يتم فيها اعتقالي كان المستجوبون و المعذبون من الدارفوريين و لم نكن نقول الدارفوريين بل كنا
نطلق عليهم الأمنجية او الكيزان و الى الأن تلك الشريحة من ابناء دارفور لا تمثل قبيلة دارفور بل تمثل الإنقاذ..
برجع ليك للمواصلة

Quote: الكل يعلم ان هناك خمسة او ستة اشخاص يتحكمون فى مصير السودان منذ 1989م حتى الان هل يمثل هؤلاء الاشخاص انفسهم او قبائلهم فهل يمكن ان نقول بان قبائل الشايقية او الجعليين هم اكثر من ساندوا الانقاذ.

لا يمثلوا الى انفسهم طبعاً و دي الحقيقة التي لا يود فهما البعض ..و البعض الانا قاصداهم ليك ديل
البجوا يسيؤوا للجعليين عشان البشير جعلي بل تعدوا المسألة للإساءة لجميع الشماليين او
من يسمونهم بالجلابة ..وجه هذا السؤال لادعياء النضال الهنا البعمموا و بياخدوا كل الشماليين بجريرة البشير
هل البشير يمثل كل الشماليين؟؟ هل الشماليين نفسهم غير مهمشين..الإنقاذ عندما اتت للسلطة بطشت اول ما بطشت
بالشماليين و لا زالت .. بيع اراضي الشمالية للمصريين الإغراق و التشريد عن طريق السدود و موش الإنقاذ وحدها
حتى الأنظمة السابقة.. الشماليين يا سيدي بموتوا بالسرطانات من جراء النفايات التي تم دفنها في اراضي الشمالية
عن طريق النميري .. حركتكم تجاهلت التهميش و التنكيل التي تعرض له الشمالين..لا انكر معاناة اهل دارفور
و تهميشهم و الظلم الذي حاق بهم و لو ان الحركات المسلحة ادمجتنا و تحدثت بلسان الجميع كانت الانقاذ ستكون
في خبر كان و بعد كل هذا التجاهل انا ابديت فكرة ان نتوحد جميعاً.. هو مجرد رأي لا احمل سلاح ضد احد و لا افرض
ارائي على احد
سأواصل معك لاحقاً ان شالله

Quote: أما أنك صحى ساذج وخلف الله هسع بقولك بتنقصك الشجاعة دى متخيل انى حافك أخرى العنصرى ليك هنا وتجرى بيهو زى الشافع بتاع النكتة ..قالها والله قالها والله قالها لى...يازول عالج رهاب العنصرية الجواك وده شى حقيقى قد تكون مررت به فى حياتك وعانيت منه ورسخت فى دواخلك ذكريات مؤلمة وانا بالمناسبة أتاسف لذلك ويحزننى أن يكون حدثت لك مثل هذه الأشياء لكن المؤسف ان تقيف على الهبشة وتعمم افكارك على الجميع خصوصاً فى منبر للنقاش المفروض فيه أن برتقى بالوعى وعينا جميعاً لن نكون اكثر انسانية أنك بذلك ايها الرجل لاتكشف العنصريين ولاتقف لهم بالمرصاد كما تعتقد بسذاجة مفرطة ولكن تحاول أن تنبشهم من ذاكرتك وتتخيلهم اشباحاً بهذا البورد أنت فى الحقيقة بمحاولة تحريضك بان يخرج الناس أسوأ مافيهمم تقدم خدمة لمناخ العنصرية لأنك من غبائك تعتقد أنو العنصرية موضوع وعى ساكن وثابت ولاتفهم ان هنالك جدلاً مستمراً بين كل هذه الأفكار فى الوعى الأنسانى جدل لأحلال وعى معافى بالأخر وبالأنسان نخرج من زمن التربية ومن مناخ التعالى العرقى والأثنى لزمن مختلف ودى حركة حياة وجدل فى الواقع مستمرة نحن دايرين نحققها مابشكل جزئى يتعلق بمحض (أعتذار ) وتجريم مجموعة على حساب مجموعة ..وأنما بواقع حقيقى للعدالة والمساواة الأجتماعية فى الحقوق والأعتراف بحق الثقافات بمافيها ثقافتى العربية التى أعتز بها..ولكنك ياشاب شغلك ده شغل زول متحيل حتى ان هذا التحيل صار نمطاً قى سلوكك ككاتب بهذا البورد طبعاً وانت بتحاول كل مره تلف بهنا وبجاى وكأنك تحاول ان تضع جسرا بين المخبؤ فى وجدانى وبين نقرات الكيبورد كى تمسك على عباره أو اساءة ذات طابع عنصرى ولو حدث ذلك سترتاح جداً لأن من هم مثلك يرغبون ان يكون الواقع كما هو عليه بما يوافق تصوراتهم قال عنها أحدهم عن حالتك تلك(فكر الذات المنغلق على الذات فى خواء الذات)..وحتى ولو كنا عنصريين فان اسلوبك الغبى ليس هو الوسيلة الناجعة لمكافحة العنصرية فحتى فى أوروبا وأمريكا نفسها مع سيادة الطابع الحقوقى والقانونى المانع لها والرادع الا انه مع ذلك ظلت كمخبؤ نفسى عند البعض ومازال الأسود مشروع جريمة متحركة فياشاب...أقول ليك شنو غير الله يسامحك...أنت زول مسكين ساى--

__
أعلاه ما خطه /حاتم الياس في شخصية /دينق ....وإنطبق تماما بما يحاول أن يفعله دينق هنا مع / سناء عبد السيد ...
___

سلام ياست البوست البوست والمتداخلين

...
فيا / جورج بوك ... ده منبر للرأي الحر .... فـ كل إنسان من حقه أن يطرح رأيه وقضيته ...
لكن ماتفله هنا ... منذ قبل الإنفصال ... وإعتمادك على كونك جنوبي ...غير قابل للمس ... ماذا وإلا فهي العنصريييييية ..
أصبح واضح ومكشوف تماماً ...
وأعتقد أن ما كتبه حاتم الياس أعلاه ... (قد) يساعدك في معرفة نفسك (أن) كنت لاتدري ...
...
وأكثر من هذا ... صدقني ياجورج بوك ... بوستات الفترةالأخيرة ... هي ما أظهرتك أكثر وبصورة جلية .. لكل من لم يراك على حقيقتك ..

..

أنت يا الجيت البورد ده لك أقل من سنة. النصائح دي أحفظها لنفسك وبلاش دجل ونفاق معاك.

الأخت العزيزة سناء عبد السيد
تحياتي

المداخلة ادناه كتبتها مرتين ببوستك وسحبتها ليس لسبب لكن لإحترامي الجم لك
ولأني اعلم انك لا تحبين الاساءة ولا تردينها لعضو مهما كان فاحـش في سفالته وعدم تقييمه
فاحببت اني احفظ بوستك كما هو بموضعك المحفز للتفكيــر والنقاش والرأي المؤدب ومهذب
كما ان السبب الآخر اني قد اعتبرت الاخ الصبي الجنوبي المدلل من الطلقاء فعفوت عنه
لكن بالجد استفزني قوله:

Quote: والحمد لله أهلي شخصيا أتحررو من حكم الكيزان واشباهم،

يآخ الحمد لله انك تحررت متين تحررنا نحن منك ومن سماجتك دي .. ومتين تخلينا ننعتق من سمومك؟

Quote: إذا كان حديثي عن علاقاتي مع الشمال بالنسبة لك ما بتأكل عيش فهي بالنسبة لي و لأخرين محل أحترام وود وتقدير متبادل

كضاااااااااب جيب شمالي واحد هنا اثني على مداخلاتك يا كضاب وقول فلان دا رحب بي اني اقعد اعين نفسي الفة بالبورد
وكشاف عنصرية
يا جيبها يا اما تبقي جملتك دي مجرد دجل وتدليس!!

Quote: أصلك بالنسبة لي كوزة متخفية وواحدة عنصرية. تاني دايرة تعرفي شنو؟

يا ولد !! انا ما حزرتك قبال كدة انك تجي تمارس الدور دا وتلبس عباية ما حقك؟؟
اعمل حسابك عنصرية شنو لي الاخت سناء لو انت ما بتقرأ ولا بتستوعب مشكلتنا نحن شنو معاكـ؟
هسع عشان عارفك حارتجع لممارسة دور الشافع الجواط في مجلس الكبار وتدفق كبابي العصير
البوست قدامك تعال قول سناء مارست عنصرية هنا وهنا وهنا
والا بييبقي مجرد كلام بتاع شفع منك ساي

اقول ليك شئ!!
لك التحية لو انشحت من سكات والا بتلقي المكشن البلا بصل الانتا عارفو مني

ـــــــ
اكرر اسفي يا سناء

العنصري المريض حيدر الزين.

طبعا جاي تنجد الخطاب العنصري الحايم في البوست ده.

شبيهنا وأتلمينا.

ما قلت ليكم حايجي يورجغ بما لايفيد ولا يرد على اي شئ بما ورد من نقاط اساسية
قلت ليهو ماهو دليلك علي عنصرية سناء عبد السيد فقال

Quote: طبعا جاي تنجد الخطاب العنصري الحايم في البوست ده. شبيهنا وأتلمينا.

ماشفت لي زول بالغباء دا ويدردق نفسو الا ابو لهب وقت نزلت سورة :
(تَبَّتْ يَدَا أَبِي لَهَبٍ وَتَبَّ (1) مَا أَغْنَى عَنْهُ مَالُهُ وَمَا كَسَبَ (2) سَيَصْلَى نَارًا ذَاتَ لَهَبٍ (3) وَامْرَأَتُهُ حَمَّالَةَ الْحَطَبِ (4) فِي جِيدِهَا حَبْلٌ مِنْ مَسَدٍ (5)[/green] )

غبي بجدارة
احترم نفسك يا حبيب والله انا لسع بتعامل معاك من موقف عطف عليك
المهم :
اتعظ يا ديك قبال تتحول لمضحكة البورد زيك وزي صديق مهدي على او اسمو منو داك الشاعر

Quote: والحمد لله أهلي شخصيا أتحررو من حكم الكيزان واشباهم

طيب ما تهوينا خلينا نشوف حالنا


تقالة دم مبالغ فيها

Quote: أنت يا الجيت البورد ده لك أقل من سنة. النصائح دي أحفظها لنفسك وبلاش دجل ونفاق معاك.

بالضبط كده يادينق ... ده إختلاف الناس معالك ...
ياخي أنا جيت جبت كلام بيوضح ماتحاول فعله مع / سناء ... وبيوضح شخصيتك الخقيقية ...
ومحاولاتك الدائمة والطفولية للعب دور (أستوب العنصرية) ... وتعكس بيهو الجواك ...
وبرضه ... كلام حاتم الياس بالمسطرة ... ماخذلته ...
بدل ماترد على الكلام أعلاه ... وتوضح وتحاول تغيير الصورة مسكت ليك في شطر ميت ..
وطوالي محاولة إخراس وإسكات لي بحجة أني جيت البورد جديد (وطبعاً ده بعد أخدت ليك مسحة سرييييعة عشان تشوف أنا شايت وين)!!!!

تعرف ... أقعد أحسبها براك ... إسلوبك الطفولي ده كان قبل الإنفصال ..
والناس قاعده على الهبشه ... أقل إحتكاك معاك طوالي ... تطلع كرت العنصرية ..وترهب بيهو الناس ...
أها ياللخو ... هسع مافي عنصرية معاك ولاحاجة ... الناس دي واعية تماماً لكل كلمة ...
وكلام سناء كللللله الفوق ليك ولغيرك مافيهو كلمة واحدة عنصرية ....

وغايتو ... زي ماقال ... أنت زول مسكين ساي ...



__
بالمناسبة أنا قاعد في البورد ده من زماااان ... بس قاتل الله الهكر ... ده بإعتبار الأقدمية في البورد (كريدت) للزول وكده ...
أما ماوصفتني به من دجل ونفاق ... فــ ده كلام عبيط ... وطفولي ...

..
__

خلاص الناقصة تمت.

وصل ABUHUSSEIN شكارة الرجال كمان.

يا لها من مسخرة ومهزلة.

Dengأ

اشد والا بتحترم نفسكـ

ـــــ
لو بتحترمها ما ترد لي بطل مداخلة هنا وأنا بفهم انك احترمتها

تحياتي

العنصري المريض حيدر الزين. خلاص الليل جا ومشيت ضربت وجيت؟
لو ما بتقدر عليهو أحسن تخليهو للرجال البقدرو عليهو.

Quote: Quote: انتو دكتور خليل ابراهيم وجورج بوك ديل هامش؟ ال crackhead تبارك شيخ الدين. أنت مش ملاحظ أنا لا اتداخل معك أبدا ودائما أتعمد عدم الرد عليك؟

أشهد يا كوستاوي ... تاني في زول يجي يتدخّل لو انا دورت في الـ... دا؟

بعدين لنفترض يا جورج انو انا Crack head .. دا بيبقيك هامش؟


تختى وتتجرس وتدخّل الاجاويد ... حركات المركز الأصلية ...





... المهم ....

الاخت – سناء
شفت التناقض ده كيف عند التحدث عن البشير وزمرته ذكرتى انهم يمثلون
انفسهم مع انهم قادة عدييييل كده وزيارة واحدة لمؤسسات الدولة وشركات
الجبهة الاسلامية ( راجعى مقالى سبيل وصديق امبدة ) وعندما تحدثتى عن
الدارفورييين قلتى انهم يمثلون قبائل دارفور مع ان نماذجك كانت طلاب
وامنجية (جنود طبعا) وحرس جامعى يعنى ناس ساى لا بحلو ولا بربطوا
عشان كده كنسوهم عن بكرة ابيهم فى 1998م .و بالمناسبة التوجه
السياسى فى السودان ينتهى عند ابواب التخرج بعدها ناس اللحم
الابيض يتقلدون وظائف الدولة بحكم العلاقات القبيلة فقط والبقية
الى الشارع يعنى بصراحة الولاء الحزبى بالسودان ماسورة كبيرة لان
الدولة لا تحكمها المؤسسات فقط العلاقات القبلية
النموذج من قيادات دارفور اتيت بمحمد الامين خليفة وعلى الحاج
وخلافه هؤلاء لم يعرفوا الا مع الحركة الاسلامية فدارفور تاريخها
و قاماتها و قياداتها اكبر من هؤلاء بكثير لذا اطلب منك ثانيا
وثالثا محاولة قراءة تاريخ دارفور من قبل انضمامها للسودان 1917
وحتى الان ومن مصادر مختلفة وابعدى من صحف ودعاية الجبهة فهى مصادر
مضروبة والسؤال المهم كم تمثل الحركة الاسلامية من النسبة الكاملة
لسكان دارفور فى اخر انتخابات ديمقراطية فاز حزب الامة القومى ب37 مقعد
من 40 وكان عدد اعضاء نواب دارفور من الجبهة الاسلامية 3 فقط واعتقد اثنيين
من داوائر الخرجييين وحتى هؤلاء انسحبوا فى حادثة شهيرة جدا عام 1987 وانضموا
للاتحاد الديمقراطى ويمكن لك ان تعودى لمضابط الجمعية التاسيسية او دار الوثائق
القومية لتتاكدى من ذلك.
بالمناسبة المقام مقام وطن يكون او لا يكون وليست قصة اعتقلونى وعذبونى الدارفوريين
بهذا المنطق البشير وزمرته شنو حرب ابادة ضد شعب كامل باستخدام الطائرات
ولا زال وليتهو فقط اعتقلهم و عذبهم. طبعا قبيلة الدارفوريين دى انا مشيتها
ليك ساى لانى اعلم فى تحليل الخطاب الكاتب يذكر اشياء ويخفى الاشياء المهمة و هذى تظهر فى ثنايا الكتابة

Deng عبابيـر

يازول ما تلاوز ،، شغلنا صافي

المهم انتا بتزوغ من كلامي ليييه وتجري للعبار؟؟
دي عقدة متأصلة في داخلك؟

كلامي ونقاطي واضحة بتقدر ترد عليها والا بتجي تورجغ ورجغتك دي؟؟
خجلتك ليك وانتا راجل كبير كدة وماعندك منطق

ـــــــ
ياولد انا قبيل عفيتك وقلت ليك اتخارج بديك عشرة متر قدام

قالوا ان شر البلية ما يضحك
كلام صاحبة البوست ذكرني بالمقولة الداوية المنسوبة لماري انطوانيت التي
تساءلت في دهشة عندما شاهدت جموع الجياع يتظاهرون في شوارع باريس للمطالبة بالخبز...
قالت لماذا لا يأ كلون البسكويت بدلا من الخبز.

يعني بعد سبع سنوات من القتال والحرب ومقتل الالاف وادانة البشير بالابادة
وبعد ان انتفض الهامش بكامله من كردفان الي النيل الازرق وصوب بندقيته
نحو قصر المجرم السفاح البشير لتحرير السودان من دولة الابارتيد تخرج علينا السيدة سناء في (غفلة) من الزمن
وتقول يا جماعة باركوها وخلوها سلمية!! سليمة لزول بقصفو بيتو وقريتو صباح
مساء بهدف مسحه من الوجود وازالته من سطح الارض لانه لا ينتمي لمثلث حمدي سيء الذكر.

لا يا ايتها السيدة سناء ، رفع المصاحف علي اسنة الرماح في الساعة 25 is too little to late
بعد ان سبق السيف العزل.


هذا البوست يوضح بجلاء صارخ شكل التوجس الذي يعتمل في نفوس البعض من
انتصار ثورة الهامش وتغيير الاوضاع للابد في السودان.
سناء هنا تجسد بطريقة اخري ما قاله الصادق المهدي الذي حذر من انتصار ثورة الهامش.


كم من الوقت يا تري يحتاج دعاة (الثورة السلمية) من الوقت للخروج حتي بمظاهرة سلمية واحدة في شوارع الخرطوم
بعد كل هذه السنين من الحروب والقتل والابادة... انها نكتة اذا، ولكنها لا تضحك احدا لسخافتها.

Quote: خلاص الناقصة تمت. وصل ABUHUSSEIN شكارة الرجال كمان. يا لها من مسخرة ومهزلة.

و الله فعلاً مسخرة و ستين مسخرة و مليون مهزلة
إنت لو راجل صحي ما تشوف بلدك و إتكلم عن بلاوي بلدك
لو راجل فعلاً شوف جرائم الحركة الشعبية اللي شغالة قتل في أهلك
تقدر تقول كلمة واحدة و الله قدامهم زيك و زي أي كـــلــــب ضال جربان
إنت بتتكلم عن دولة غير دولتك لو راجل أمشي إتكلم في أسيادك
و الله جنسيتك الأمريكية العملتك راجل هنا دي في بلدك ما تشربك مريسة
يا مريض.

سناء

تحياتي

أتمني أن يكون والدك بخير


أدناه رصة الحجج التي ذكرت

وكل من يقرأ ما بين السطور في هذا المنبر

يعرف من سهكها بكثرة التكرار

وكلها تصب في عدم معارضة الحكومة

زعلت من المعارضة لغاية أيدت الحكومة

فلان المعارض كوز سابق لا تؤيدوه (غالبا يقول ذلك كوز حالي)

الثورات العربية ضد الإنظمة الموالية لأمريكا ورئيسنا يقف ضدها فلا تثوروا عليه

نريد معارضة حضارية (وإن قمعتها الحكومة باغتصاب وعكاكيز غير حضارية)

أنا ما كوز/ة وبكره الإنقاذ والمعارضة الإثنين زي بعض

إنتوا معارضين متوحشين متعطشون لإراقة الدماء

الفور هم من ساندوا النظام فلا تؤيدوهم

خليل حارب مع القذافي

السخرية من المناضلين

حكومة الجنوب ارتكبت جرائم أسوأ من حكومة البشير

الجنوبيون ليسوا سودانيين يجب أن يبعدوا من السودان
ولا يحق لهم نقاش أي أمر سوداني

أنتم تريدون بدء الحرب، (مما يعني أنها لم تبدأ حتى الآن) وما دام الملايين الذين أبيدوا
واغتصبت نساؤهم و حرقت قراهم طوال السنوات الماضية ليسوا من الخرطوم ..
فالحرب لم تقم في السودان)

ليست هناك ولم تكن هناك عنصرية أو رق في السودان

الحكومة بريئة وثوار دارفور هم من يجبرونها على
إبادة المدنيين لإنهم يختبئون بينهم

ثوار الهامش عنصريون حاقدون على أهل المركز
وسيغتصبون نساءهم

دينق عنصري وبيكره الشماليين

الباقر

Quote: الاخت – سناء شفت التناقض ده كيف عند التحدث عن البشير وزمرته ذكرتى انهم يمثلون انفسهم مع انهم قادة عدييييل كده

القياديين الخمسة البتقولم ديل ما كان بقعدوا سنة على بعضها لو لا مساندة الغالبية العظمى من الدارفوريين ليهم
البشير جا نص ديكتاتور و انتوا عملتوا منه ديكتاتور و نص .. القايد ما ببقى قايد لو ما لقى ليهو ناس يدعموا ليه
نظامه و يقمعوا ليه معارضيه ..انتم من صنعتم من البشير قائد
فوجهة نظرك شنو بين قبيلة اغلبها ساند النظام و بين قادة هذا النظام و بينا نحنا الجلابة؟؟
عايز تقول انه البشير يمثل كل الشماليين لأنه فقط هو قائد هذا النظام لأ طبعاً

العنصري المريض حيدر الزين. خلاص الليل جا ومشيت ضربت وجيت؟
لو ما بتقدر عليهو أحسن تخليهو للرجال البقدرو عليهو.

تاج الدين خليك من كلامي .. السبعة سنين الدورت فيها الحرب دي الحركات المسلحةعملت فيها شنو؟؟
ياخ القذافي الهو قذافي نظامه سقط في 7 شهور .. و انتا تقول لي 7 سنوات ..الحركات المسلحة
لا عملت و لا حتعمل حاجة و النظام ما حيسقط لو ما كل الناس اتوحدت .. و حتة سلمية دي انا ما
اكدت عليها شديد و قلتا في النهاية لو ثورة مسلحة التكون مسلحة لكن تكون جامعة قال 7 سنوات
قال الحقيقة دي حقو الناس تنكرا لأنها مخجلة ..وكت موت موت دمار دمار ما ناخد زمنا و نجمع شملنا
و وكتها سقوط النظام ما حياخد معانا 7 شهور على بعض

Quote: القياديين الخمسة البتقولم ديل ما كان بقعدوا سنة على بعضها لو لا مساندة الغالبية العظمى من الدارفوريين ليهم البشير جا نص ديكتاتور و انتوا عملتوا منه ديكتاتور و نص .. القايد ما ببقى قايد لو ما لقى ليهو ناس يدعموا ليه نظامه و يقمعوا ليه معارضيه ..انتم من صنعتم من البشير قائد فوجهة نظرك شنو بين قبيلة اغلبها ساند النظام و بين قادة هذا النظام و بينا نحنا الجلابة؟؟ عايز تقول انه البشير يمثل كل الشماليين لأنه فقط هو قائد هذا النظام لأ طبعاً

أنني أشك فعلا أن كنتي تعي ما تكتبين هنا.

المضحك في ما تكتبينه هو أنت بتقولي أن الشمالين غير مسئولين عن ما يرتكبه النظام وقادته، وكلامك هنا سليم مية المية ولكنك في نفس الوقت تقومين بتجريم قبيلة كاملة مثل قبيلة الفور وتحميلها مسئولية مساندة نظام الإنقاذ المجرم. مالك كيف تحكمين يا سناء؟

Quote: تاج الدين خليك من كلامي .. السبعة سنين الدورت فيها الحرب دي الحركات المسلحةعملت فيها شنو؟؟ ياخ القذافي الهو قذافي نظامه سقط في 7 شهور .. و انتا تقول لي 7 سنوات ..الحركات المسلحة لا عملت و لا حتعمل حاجة و النظام ما حيسقط لو ما كل الناس اتوحدت .. و حتة سلمية دي انا ما اكدت عليها شديد و قلتا في النهاية لو ثورة مسلحة التكون مسلحة لكن تكون جامعة قال 7 سنوات قال الحقيقة دي حقو الناس تنكرا لأنها مخجلة ..وكت موت موت دمار دمار ما ناخد زمنا و نجمع شملنا و وكتها سقوط النظام ما حياخد معانا 7 شهور على بعض

مرة اخرى سناء تعتقد بأن الثورة هي عبارة عن ثوب يتم تفصيله بواسطة ترزي على حسب مزاج الذين يعارضون نظام الأنقاذ من منازلهم في الخرطوم وفي نفس الوقت يحزرون المواطنين ويرعبونهم من ثورة الهامش القادمة. طالما كان هنالك ظلم يقع على أبناء الهامش فمن الطبيعي أن تستمر الثورة لأكثر من سبعة سنوات، وإذا أنتي لا ترين فعالية ثورة الهامش فأهلها يرون غير ذلك ويعتقون أنها الوسيلة الوحيدة المتاحة الأن لأقتلاع حقوقهم. ثورة جنوب السودان أستمرت لأكثر من 38 عاما متقطعة وها هي النتيجة ماثلة أمامك الأن.
القوى السياسية الشمالية إذا كانت جادة لتغير هذا النظام لكانت فعلت شئ ذو قيمة. ولكن لأنها لا ترغب في تغير النظام الأن فهم يعارضونه من منازلهم فقط.

Quote: أنني أشك فعلا أن كنتي تعي ما تكتبين هنا.

Quote: المضحك في ما تكتبينه هو أنت بتقولي أن الشمالين غير مسئولين عن ما يرتكبه النظام وقادته، وكلامك هنا سليم مية المية ولكنك في نفس الوقت تقومين بتجريم قبيلة كاملة مثل قبيلة الفور وتحميلها مسئولية مساندة نظام الإنقاذ المجرم. مالك كيف تحكمين يا سناء؟

سلامات يا سناء

خلاص الناسدي حتضمك لقائمة الكيزان هنا
ولذلك يجب ان تحاربي هذا بشراسة لانه بعداك حتكون حائط ضرب نار لكل سكران وحيران ويائس
وفاشل..

الناس دي ما عايزة الحق عايزة هرجلة بس...
كلامك واضح جدا جدا ...العدو هي الحكومة ماالشماليين والكلام دا قلناه وكررناه كثيرا
لكن الناس دي عندهاعقدها الشخصية واحساسها بالدونية البخليهم يرفضوا كلامك دا
واسع خلو الكلام نطو في رقبة روحك انت ودا معناه انه كلامك وصل
وكلام صحيح..

الله يجيب للسودان معارضة رشيدة..

Quote: أدناه رصة الحجج التي ذكرت وكل من يقرأ ما بين السطور في هذا المنبر يعرف من سهكها بكثرة التكرار وكلها تصب في عدم معارضة الحكومة زعلت من المعارضة لغاية أيدت الحكومة فلان المعارض كوز سابق لا تؤيدوه (غالبا يقول ذلك كوز حالي) الثورات العربية ضد الإنظمة الموالية لأمريكا ورئيسنا يقف ضدها فلا تثوروا عليه نريد معارضة حضارية (وإن قمعتها الحكومة باغتصاب وعكاكيز غير حضارية) أنا ما كوز/ة وبكره الإنقاذ والمعارضة الإثنين زي بعض إنتوا معارضين متوحشين متعطشون لإراقة الدماء الفور هم من ساندوا النظام فلا تؤيدوهم خليل حارب مع القذافي السخرية من المناضلين حكومة الجنوب ارتكبت جرائم أسوأ من حكومة البشير الجنوبيون ليسوا سودانيين يجب أن يبعدوا من السودان ولا يحق لهم نقاش أي أمر سوداني أنتم تريدون بدء الحرب، (مما يعني أنها لم تبدأ حتى الآن) وما دام الملايين الذين أبيدوا واغتصبت نساؤهم و حرقت قراهم طوال السنوات الماضية ليسوا من الخرطوم .. فالحرب لم تقم في السودان) ليست هناك ولم تكن هناك عنصرية أو رق في السودان الحكومة بريئة وثوار دارفور هم من يجبرونها على إبادة المدنيين لإنهم يختبئون بينهم ثوار الهامش عنصريون حاقدون على أهل المركز وسيغتصبون نساءهم دينق عنصري وبيكره الشماليين الباقر

استاذ الباقر

اقتناع اصحاب الأراء بارائهم هو ما يجعلهم يكتبونها في كل المواقف التي تستدعى حضور هذة الأراء و لا يفهم ذلك تكراراً كما ذكرت
و اراك تجاهلت بعض الاراء التي تتردد كثيراً في المنبر مثل يا عنصري يا كوز يا جلابي يا ... ام انك تتحدث عن ما يتكرر من
فئة معينة و تغفل ما يتكرر من الآخرين.. انا اسفة و لكنني اصنفك ممن يكتب لارضاء الآخرين

نجو كيفك .. تكالب العنصريين و الكيزان على البوست و محاولة اغتيال الشخصية و الفرفرة تعني انه البوست اصابهم في مقتل زي ما قالت احدى الصديقات هههههه

مودتي التي تعلمين

Deng

شايفكـ لسع حايم وبتمارس ورجغتك زيك وزي اي شافع جواط وهباش

يآخي احترم نفسك اقلاها اكتب كلمتين على بعض مركزات ومحترمات بدل شغل العبابير بتاعك دا
كدي بتقدر تجاوب على سؤالي بشئ وااحد بس
انه وين عنصرية سناء عبد السيد هنا

ما بكتر عليك والا ب###### كرعيك والله .. بس جاوبني يا دينق كشافات


ــــــ
ان ما قدرت قول وااي يا خالي النمر بفكك

Quote: نجو كيفك .. تكالب العنصريين و الكيزان على البوست و محاولة اغتيال الشخصية و الفرفرة تعني انه البوست اصابهم في مقتل زي ما قالت احدى الصديقات هههههه مودتي التي تعلمين

الوحيد الذي خسر في هذا البوست هو أنت فقط.
أنظري حولك وشوفي من هم الذين يساندونك من أعضاء البورد؟

Quote: الوحيد الذي خسر في هذا البوست هو أنت فقط. أنظري حولك وشوفي من هم الذين يساندونك من أعضاء البورد؟[q/quote] ما عندك العقلية البتخليك تفهم كل شئ و مشكلتك الكبرى لا زلت بتتعامل مع الناس على إنك سوداني شمالي.. الجــنـــوب إنـفـصـــــــــــــــــــــــــــــــــــل خـــلااااااااااااااااااااااص

---

Post: #138 Title: Re: مناضلي الغفلة و الكيل بمكياليين Author: سناء عبد السيد Date: 09-17-2011, 01:01 AM Parent: #137 Quote: يا سناء سلام يا اختى العزيزه انا بعرفك الى حد ما وانت ما كوزه ولا عنصريه زى ما ممكن يتصور البعض لكن براحه كده وبدون انفعالات الحاصل شنو وانت عاوزه تقولى شنو بالظبط؟ ومناضلين الغفله ديل منو والبكيلو بكيالين منو مالى اسمع لغه الدكتوره الماليزيه ومعليش اعذرينى بالجد ما قادر افهم البوست ده مع انى قريته من امس مرتين ام هل هنالك حاله عامه من الحيره بسبب المجهول فى شأن الوطن؟ تحياتى الأخ العزيز محمد زكريا العنصرية و الكوزنة بقت اساليب العاجزين الما عنهدم حجة.. بيستعملا البعض لكل من يخالفهم الرأي و دي قمة الديكتاتورية انك يا إما تأيد ارائم يا إما يقولوا عليك عنصري و كوز و في نفس الوقت تلقاهم بيطالبوا بالديمقراطية و هم منها بعيد مناضلين الغفلة و البكيلوا بمكيالين دي قائمة طويلة و مفتوحة يندرج تحتها كل من يتحدث عن رأي و يعمل برأي نقيض من ينادي بالعدالة و الحرية و ينكروها على الغير من ينادوا بحماية الأرواح و الأعراض و يستبيحوا ارواح و اعراض غيرهم و القائمة طويلة بتشمل البعض من الأحزاب السياسية,الحركات المسلحة, الأعضاء الأفراد,الجماعات ... و القائمة مفتوحة المحزن يا محمد ان تكون انت ممن يستعمل اسلحة قتل الشخصية و لو ضمنياً او بطريقة غير مباشرة..لا يهم عافية ليك يااخي العزيز تحياتي و تقديري

---

Post: #139 Title: Re: مناضلي الغفلة و الكيل بمكياليين Author: abuarafa Date: 09-17-2011, 02:20 AM Parent: #138 يا سناء كما يقول دائما الدكتور مصطفى محمود فانتى لم تاتى لحوار الجابك الشديد القوى والشينة دائما منكورة والحقائق فى السودان الى تحتاج الى دليل والثورة قادمة لتتغير المعادلة من من يحكم السودان الى كيف يحكم السودان وساعتها سيذهب البشير وامنهاالى مزبلة التاريخ واعتقد ان الاستاذ الباقر موسى قدم تلخيلصا مختصرا لما بين سطور كتاباتك

---

Post: #140 Title: Re: مناضلي الغفلة و الكيل بمكياليين Author: سناء عبد السيد Date: 09-22-2011, 02:30 PM Parent: #139 إّذاً كانت الفكرة او الحلم ان نتوحد جميعاً تحت لواء ثورة قومية جامعة و نكون يد واحدة لنطيح بنظام الإنقاذ الذي عزز بقائه و اطال في عمره تشتتنا و تفرق كلمتنا و قالوا الإيد الواحدة ما بتصفق و الحركات التي قامت هنا و هناك لم تستوعب كل فئات الشعب السوداني لذلك لن يكتب لها النجاح وغداً ستتكون حركات في الشمال و الشرق و كل نواحي السودان و بالفعل بدأت بعد الاصوات تتعالى و تنادي بتكوين حركة في الشمال و هذا يعني مذيداً من الإنقسامات و التشتت و لا تجريم فهذا هو الحل الأوحد طالما ان تلك الحركات لم تستوعبهم.

---

Post: #141 Title: Re: مناضلي الغفلة و الكيل بمكياليين Author: سناء عبد السيد Date: 09-22-2011, 02:38 PM Parent: #140 لم اشأ ان اختار عنواناً يحمل كلمة ثورة و اخترت هذا العنوان للإشارة لفئة ادمنت التناقض حتى انها لتناقض نفسها و ادمنت الإذدواجية. هذة الإذدواجية ستؤدي بنا الى التهلكة ان لم نتخلص منها و نستوعب مطالبنا و ندرك كيفية تحقيق هذة المطالب قام بعض الاعضاء بفتح بوستات تحمل نفس المضمون و ان جاءت تحت عناوين مختلفة و هذة محمدة و لكن من المفارقات العجيبة ان بعضهم لم تروق له هذة الفكرة هنا و ذهب و فتح بوستا يحمل نفس المضمون و اخرين تداخلوا هنا معارضين بكلمات مثل (قال نريد ثورة قال ) و تداخلوا هناك بكلمات تأييد مثل (فوق)!! هذة فقط امثلة لهذة الفئة في هذا المنبر لا يهم فهم ليسوا في مواقع صنع القرار و لكن المصيبة الكبرى ان هناك الكثير ممن يعانوا من هذة الإذدواجية و هم في مواقع صنع القرار, وهذا سيجتر علينا الكثير من الإنقسامات و الويلات و الفشل و الخلاص لا يأتي على يد اناس قلوبهم متفرقة و نياتهم متناقضة الإطاحة بهذا النظام الإنقاذي السرطاني الذي تشعب و تمدد و تجزر يعد من المشاريع الكبرى و المشاريع الكبرى تحتاج لحسن السياسة و التؤودة و حسن اختيار القادة و الإقدام و الحزم و هذة اشياء مهمة في هذة المرحلة و ستكفينا مؤونة الفشل و الاإنكسارات .