Post: #1
Title: لو سمحت .. شكرا !
Author: داليا الكباشى
Date: 09-11-2011, 10:07 AM
خالد .. يعرفه معظمه اصدقائي الفيسبوكيين يعرفونه ..
ولمن هم ليسوا (اصدقائي) .. او من خم ليسوا (بفيسبوكيين) ..
فهو صاحب المشاركه الفاعله في المهمه الاكثر (قداسة) لزميل البورد (طال عمره) ..
وهي (توصيلي )الى مقر عملي ..!
|
Post: #2
Title: Re: لو سمحت .. شكرا !
Author: فايزودالقاضي
Date: 09-11-2011, 10:13 AM
Parent: #1
مافهمنا حاجة يادكتورة هل خالد ده سايق خاص عندك زي مااساسي سايق خاص عند كفيله ؟!!!
|
Post: #3
Title: Re: لو سمحت .. شكرا !
Author: داليا الكباشى
Date: 09-11-2011, 10:39 AM
Parent: #1
اتششششووو ..!
عطس خالد عطسه مدويه في اثناء ماهو سايق شخصي الضعيف (ااي ضعيف غصبن عنكون) .. فايظني من (شبه) نومه , تعودت ان (اختطفها) في الطريق الى العمل ..
(اكسكيوز مي) متبوعه بفتح النوافذ الاربعه للعربه, لدقائق ,,
التصرف قد يبدو اعتياديا للبعض ..
لكنه اثار اهتمامي ..
الاعتذار .. والتصرف (السليم) و (الصحي) و(اللائق) جدا ..
|
Post: #4
Title: Re: لو سمحت .. شكرا !
Author: داليا الكباشى
Date: 09-11-2011, 10:52 AM
Parent: #3
قام المذيع الشاب (احمد الشقيري) ,
بتخصيص حلقتين كاملتين من برنامج (خواطر), لعمل جولات ميدانية
وهو يسال الماره في الطريق : كم مره باليوم تقول : شكرا ? وكم مره تقول : لو سمحت ?
تفاوتت الاجابات بين (لا اعرف) و(لا اتذكر) و (موش ضروري) (ما اهتم) (ما اركز) (اقولها اذا اتذكرت) !
|
Post: #5
Title: Re: لو سمحت .. شكرا !
Author: داليا الكباشى
Date: 09-11-2011, 10:59 AM
Parent: #4
كما خصص مساحه من الحلقه للقيام بتجربه صغيره ,
فقد قاد سيارته الى محطه البنزين , وبعد ان قام العامل بملء خزان الوقود
مد اليه المذيع مبلغ المال مرفقا بابتسامه تذيلها عباره (شكرا جزيلا) !
رد الفعل الايجابي بدا واضحا على قسمات عامل محطه البنزين ,
وبدا اكثر وضوحا في عباره (كيف حالك سير ) والتي جاءت موقعه بي ابتسامه عريضه حينما حضر المذيع الشاب الى محطه البنزين مره اخرى بعد اسبوع !
|
Post: #6
Title: Re: لو سمحت .. شكرا !
Author: داليا الكباشى
Date: 09-11-2011, 11:18 AM
Parent: #5
((تبسمك في وجه اخيك صدقه)) ,,
وما اظنها بتكلف حاجه, ولا بتصرف من الجمره الخبيثه!
معاها عدد واحد(شكرا جزيلا) , وتاكد انك ستساهم في رفع درجه الاداء العام لمحدثك .. وبالتالي ستساهم في دفع عجله التنميه !
|
Post: #7
Title: Re: لو سمحت .. شكرا !
Author: الامين موسى البشاري
Date: 09-11-2011, 11:29 AM
Parent: #6
| Quote: عطس خالد عطسه مدويه في اثناء ماهو سايق شخصي الضعيف |
اسي عطسة خالد دي بقت (انترناشيونال) 
البورد والسودان والدول المجاورة وغير المجاورة
عرف بيها...
..
..
__
تحياتي يا دكتورة
|
Post: #12
Title: Re: لو سمحت .. شكرا !
Author: داليا الكباشى
Date: 09-11-2011, 12:40 PM
Parent: #7
رب (عطسه)نافعه
وانشالله تكون المسج الفي البوست اكبر من مجرد(عطسه) !
فايز ود القاضي ,, الاستاذ صديق مهدي علي ,, شكرا على المرور ,,
|
Post: #8
Title: Re: لو سمحت .. شكرا !
Author: محمد يوسف الزين
Date: 09-11-2011, 11:30 AM
Parent: #6
نفعنا الله واياكم
|
Post: #11
Title: Re: لو سمحت .. شكرا !
Author: صديق مهدى على
Date: 09-11-2011, 11:37 AM
Parent: #8
داليا معقول البوست دا اخدمنك زمن طول داامانة ما بوست و امانةما دى ههههههههههه مع المعذرة لصاحبة البوست و لاخونا ودالقاضى المسطح.
|
Post: #10
Title: Re: لو سمحت .. شكرا !
Author: Mayada
Date: 09-11-2011, 11:36 AM
Parent: #6
طبعا من ناحية تبسمك في وجه اخيك صدقة دي ماعندنا فيها كلام...
لكن وعلى حسب الكلشر بتاع البلد الجميلة دي، بالنسبة لينا احنا كوومنز ممكن عااااادي يفتكروك ------------، وبالمناسبة مافي اييييي مشكلة انك تقولي شكرا او لو ممكن بس على شرط انك تصمي خشمك وتمدي بوزك...
اما في السودان فممكن يقولو ليك دي مالها العويرة دي...
بالله الف تحية لخالد خان ;)
|
Post: #9
Title: Re: لو سمحت .. شكرا !
Author: عبد الباقي الجيلي
Date: 09-11-2011, 11:32 AM
Parent: #5
تعرفي يادكتورة أحس أن الموضوع يخصني .. لأنني أعتبر هذه المفردات جزءاً أصيلاً
وطبيعياً من أي حوار ...
وقد أعتدت في العمل على استخدامها مع شخصين ... (التي بوي) ... القهوجي كما
يسمونه هنا والمراسلة ...
وقد أعتاد القهوجي بعد ذلك على أن يحضر لي الشاي والموية دون أن أطلبهما ...
أظنه يفعل ذلك فقط ليسمع مني كلمة شكراً ...
وقد دار هذا الحوار بيني وبين دبلوماسي غربي في السودان مما كان سبباً في
توثيق علاقتي به ..
كنت في زيارة له في مكتبه ... واحتجت للذهاب للحمام أكرمكم الله ...
may I go to the toilet , please?..
sure.
would you please show me the way
نظر إلي باستغراب ثم قال ..
you want me to show you the way..
yes please
left ...right .. etc
thank you
كان حواراً عادياً وطبيعياً ... لكن عندما عدت .. أبدى إندهاشه .. وقال
لي .. إنكم معشر السودانيين لا تجيدون استخدام مثل هذه العبارات ...
لو سمحت ... وشكراً ... والكثيرون منكم ومهما بلغت درجة تعليمهم وثقافتهم
يستخدمون كلمة what بدلاً عن كلمة please أو pardon
وقطعاً فهو يعني المسؤولين والدبلوماسيين الذين تعامل معهم ...
وكلمة what هذه نفتح بها رأس أي شخص مهما كانت مكانته ... مثلها مثل كلمة
شنو ... بدلاً عن عفواً ... ولا نتبعها بكلمة (تكرم عينك) بتاعة الشوام ...أو
(الله يرحم والديك) بتاعة الخليجيين ... أو (لو سمحت حضرتك .. أو يا أفندم)
بتاعة المصريين ...
بعضنا يفقد وظيفة بسبب استخدام هذه المفردات في المعاينات ... بالإضافة طبعاً
لعدم الاهتمام بالمظهر ...
تحياتي لكما ....
|
Post: #13
Title: Re: لو سمحت .. شكرا !
Author: صبري طه
Date: 09-11-2011, 01:00 PM
Parent: #9
خالد .. يرحمكم الله
ومعليش جات متأخرة ياخ
ما كان عندي علم والله
لكن بالطريقة دي الفي الواغ الواغ عرف إنك عطست 
المرّة الجاية أعطس كاتم صوت
ـــــــــــ
كل سنة وإنتي طيبة يا دكتورة ...
|
Post: #14
Title: Re: لو سمحت .. شكرا !
Author: smart_ana2001
Date: 09-11-2011, 02:41 PM
Parent: #13
شكرًا ياداليا علي البوست.
لو سمحتي ياداليا........ لكن أنا ح أبدا بشن هجوم عليك انت شخصياً.
قبل فترة كنا بنتكلم ( ما متذكرة وين) عن الكلمات دي بين الأزواج ( لو سمحت و لو سمحتي و شكراً، تحديداً) أنا كان رأيي انها مهمة. و انت قلت انها ما مهمة و انها شكليات و لو الناس واثقة من بعض ما في ليها داعي. بتذكر أني قلت ليك ان الهدف الاساسي منها ( بعد الاحترام المتبادل طبعاً) ان الاطفال يتعلموا استخدام الكلمات دي.
عشان كده يا صحبتي داليا إحنا أغلبنا ناس فوق العشرينات. و صعب نتعلم شيء ذي ده بعد العمر ده كلو.
وصيتي، ابدوا استعملوها قدام أولادكم (بس علي الاقل) عشان هم يكبروا و تبقي عادة ليهم
احتمال لانك دكتورة عجبك جداً السلوك ده لما جاء بعد عطسه. لكن لو مديتي لزميل البورد كباية موية ما بتحسي ان الموضوع بيستاهل شكر. أنا شايفه انهم ذي بعض. But hay, that's just me
|
|