Post: #1
Title: السودان... نظام فاسد وشعب طيب
Author: على ميرغني
Date: 09-11-2011, 09:26 AM
بدون مناسبة كدا... العارف يورينا كيف تحول القسم الجنوبي بمستشفى الخرطوم
الى مستشفى خاص .. طبعا صاحبو من الجماعة
|
Post: #2
Title: Re: السودان... نظام فاسد وشعب طيب
Author: على ميرغني
Date: 09-11-2011, 10:10 AM
Parent: #1
وما داير اقول كتير عن فساد الحكومة
بس اسمعو ما حدث لي مساء امس بمستشفى القسم الجنوبي الخاص
بعد مراجعة الطبيب امر بادخال خالي الى المستشفى
وفي الاستقبال طلب منا الموظف مبلغ ثلاثة مليون تحت الحساب
صحي انو تعاملو كان راقي.. بس اكد على ضرورة ترك ايداع المبلغ
الساعة كان الحادية عشر ليلا
المبلغ الموجود لدينا ساعتها حوالي (1.4) مليون
بس ممكن توفير الباقي خلال ساعة.. يعني مشوار الى اركويت
المهم الموضوع اخد شجب وجذب
في الظحمة دي ناداني شاب انا ما بعرفو
|
Post: #3
Title: Re: السودان... نظام فاسد وشعب طيب
Author: على ميرغني
Date: 09-11-2011, 11:08 AM
Parent: #2
الشاب الذي لا اعرفه ولم التقيه من قبل
طلب مني اخذ مبلغ (1.6) مليون نكمل بيها المبلغ
لحدي ما يرجع زونا المشى لاركويت يجيب باقي المبلغ
صراحة في اللحظات ديك ملاني فخر باني سوداني
وانتمى لهذا الشعب السمح المعطاء
وصراحة كدا شعرت انو نحن شعب متفرد بتسوقو الطيبة وحسن النية
والايمان بالله
تخيل انو هو ذاتو مرافق لاختو الراقدة في العتاية المكثفة ويمكن في اي لحظة يحصل ليها امر الله
وبالطبع حيكون هو في اللحظات ديك في وضع تاني ومافاضي لقروشو
وبعد اذن ود جبريل
المهم
|
|