Post: #1
Title: شكرن كتيرن قناة الشروق .
Author: حبيب نورة
Date: 09-10-2011, 01:19 PM
أخضرٌ يكون العطاء؛ أبيض في مطلعِ نوالهِ النبيل؛ جميلٌ كما نتمنّي؛ طيب .
يأتي كما الغيم؛ يصنع الرواء؛ يعمّم رؤوسنا ؛ فنمدُّ الكفوف ننهل .
كثيرٌ من الغايات لا نبلغها؛ إلا بعد أجلٍ مكتوب؛ وكثيرٌ من الأماني ننظرُ أن
تكتب في صفحاتِ رجاءنا؛ ولا نملك إلا جزيل الحمد إذ ندركها بلا إنتظار .
من يصنعون المعروف؛ علمتنا هذه الأرض أن نبذل لهم تقديرنا؛ نباركهم .
أنظر لهذه الأيادي المفعمة بالسلام؛ تغمرك بالعناق؛ تربتُ علي ظهرك؛ تحنُو .
أنظر لها؛ وأسبقها بخطوة؛ وأخبرها كيف يكون العناق .
مجحفٌ من ينكر علي الشمسِ عناقها الذهبي؛ مكابرٌ .
علموني في مطلعِ خطواتي البِكر أن أحني هامتي لمن يغمرني بالمعروف؛ كان هذا منذ زمنٍ قديمِ العهدِ طالت بهِ الطّيَل .
هل أخبرتكم بأنني لم أزل أحفظ وصية هذه الأرض التي يتفتّق جرحها الأسود كل يومٍ كاشفاً عن سيقانِ خضرتها العارمة ؟
هل أخبرتكم عن فتنتها؛ عن شوقها وعشاقها ؟
شكراً الأرض أمي الشرعية .
شكراً الشروق . شكرن كتيرن !
لقد بذلتم مافي وسعكم لخدمةِ مشروعي المتواضع؛ ولا أملك إلا أن أشكركم علي هذا الصنيع النبيل؛ لم تقصّروا أبداً .
أشكر المهندس محمد خير فتح الرحمن المدير العام؛ علي هذه المبادرة الجميلة وتغطية حفل التدشين
الذي تم بإستضافة طيبة من مركز طيبة برس؛ أشكرهم عليها كثيراً ؛ أيضاً لم تقصّروا وجميلكم علي رأسي ما حييت .
أشكر المخرج الجميل سيف الدولة الملثم علي جهده المبذول من أجل إخراج هذه التغطية الطيبة؛ شكراً يا ملثم .
أشكر كذلك الأستاذ بابكر الطاهر علي إشرافهِ المباشر ودعمه الغير محدود .
وفائق شكري للأستاذة الإعلامية الصديقة شمائل النور التي غمرتني بدعمها وكلماتها اللطيفة؛ أشكرك يا نبيلة .
وتحياتي وشكري لطاقم قناة الشروق ؛ أشكركم كثيراً .
|
Post: #2
Title: Re: شكرن كتيرن قناة الشروق .
Author: حبيب نورة
Date: 09-10-2011, 01:26 PM
Parent: #1
للأسف لم أشاهد تقرير الشروق مطلقاً
هذا ردّي للذين يسألون عن الفيديو
|
Post: #3
Title: Re: شكرن كتيرن قناة الشروق .
Author: ناصر المحسى
Date: 09-10-2011, 01:32 PM
Parent: #2
Quote: للأسف لم أشاهد تقرير الشروق مطلقاً
هذا ردّي للذين يسألون عن الفيديو |
ما دام بقيت اقطاعى على قول قاسم هامش
بيجيك السريط لحد البيت
الــــــــــف مبروك
|
Post: #4
Title: Re: شكرن كتيرن قناة الشروق .
Author: حبيب نورة
Date: 09-10-2011, 01:36 PM
Parent: #3
يا ناصر
الشريط مبسوط مني ؟
كيفك يا حبيب أشكرك جداً وعقبال ما تحضر معانا تدشين الرواية الجاية
|
Post: #6
Title: Re: شكرن كتيرن قناة الشروق .
Author: سناء عبد السيد
Date: 09-10-2011, 01:43 PM
Parent: #5
تستاهل كل خير يا حبيبنا و مزيداَ من النجاح و مزيداَ من الإبداع و الإمتاع
|
Post: #7
Title: Re: شكرن كتيرن قناة الشروق .
Author: حبيب نورة
Date: 09-10-2011, 01:46 PM
Parent: #5
Quote: اليوم الصباح برضو أعادوه كاملا
أطلب من الاخت شمائل النور ان تمدك به
تحياتي |
للأسف أيضاً يا حيدر ميرغني
لم أتمكن من أخذا رقم شمائل النور
لازمني مشوار الشروق شكلي كده
|
Post: #8
Title: Re: شكرن كتيرن قناة الشروق .
Author: حبيب نورة
Date: 09-10-2011, 01:48 PM
Parent: #7
تسلمي صديقتي سناء
كلك ذوق يا نبيلة
|
Post: #9
Title: Re: شكرن كتيرن قناة الشروق .
Author: أمير فتحي
Date: 09-10-2011, 01:55 PM
Parent: #8
ذا بيق لافار أوف نورا
عقبال تجي تشكر وزير الثقافة القريشي ...بتدشين حفل يحضره النائب الأول ...لوووولز
مابعيد علي الله وفي قاعة الصداقة جنوب توتي
|
Post: #10
Title: Re: شكرن كتيرن قناة الشروق .
Author: حبيب نورة
Date: 09-10-2011, 02:07 PM
Parent: #9
Quote: ذا بيق لافار أوف نورا
عقبال تجي تشكر وزير الثقافة القريشي ...بتدشين حفل يحضره النائب الأول ...لوووولز
مابعيد علي الله وفي قاعة الصداقة جنوب توتي |
الصديق أمير فتحي
تسلم يا جميل
بخصوص ما أوردت؛ أنا بعد صدور كتابي الأول أتعامل مع الآخر بحياد كبير
العلاقة في طريقها لتصبح علاقة قارئ وكاتب تؤخذ فيها الحقوق كاملة
أحياناً قد يكون لليمين مثل حظ الأيسرين !
وأنا يساري ماعندو علاقة بحبيب نورة الكاتب لا من بعيد ولا من قريب !
شئ طبيعي تلقاني في قاعة الصداقة طالما بقيت طارح نفسي ملكية عامة
تسلم يا صديق
|
Post: #11
Title: Re: شكرن كتيرن قناة الشروق .
Author: أمير فتحي
Date: 09-10-2011, 02:14 PM
Parent: #10
Quote: شئ طبيعي تلقاني في قاعة الصداقة طالما بقيت طارح نفسي ملكية عامة
|
سي سي : مكتب وزير الثقافة
....
....
....
علم
وسيتم الإجراء
|
Post: #13
Title: Re: شكرن كتيرن قناة الشروق .
Author: حبيب نورة
Date: 09-10-2011, 02:21 PM
Parent: #11
أشكرك يا صديقي
|
Post: #12
Title: Re: شكرن كتيرن قناة الشروق .
Author: نور الدين عثمان
Date: 09-10-2011, 02:14 PM
Parent: #10
الف الف مبروك عزيزنا حبيب نورة ومزيد من النجاح والتقدم .
|
Post: #14
Title: Re: شكرن كتيرن قناة الشروق .
Author: حبيب نورة
Date: 09-10-2011, 02:24 PM
Parent: #12
تشكر أخي نور الدين عثمان
تسلم علي المرور اللطيف
|
Post: #15
Title: Re: شكرن كتيرن قناة الشروق .
Author: محي الدين جبريل
Date: 09-10-2011, 07:56 PM
Parent: #14
Quote: وأنا يساري ماعندو علاقة بحبيب نورة الكاتب لا من بعيد ولا من قريب !
شئ طبيعي تلقاني في قاعة الصداقة طالما بقيت طارح نفسي ملكية عامة |
الله عليك يس اخوى ...
ومن هنا برسل تحياتى وتقديرى الفائق لكل زملائى بقناة الشروق وفى مقدمتهم الإنسان النبيل الباشمهندس محمد خير فتح الرحمن .. ومعلمى بابكر الطاهر ..
|
Post: #17
Title: Re: شكرن كتيرن قناة الشروق .
Author: حبيب نورة
Date: 09-10-2011, 11:41 PM
Parent: #15
Quote: الله عليك يس اخوى ...
ومن هنا برسل تحياتى وتقديرى الفائق لكل زملائى بقناة الشروق وفى مقدمتهم الإنسان النبيل الباشمهندس محمد خير فتح الرحمن .. ومعلمى بابكر الطاهر ..
|
الصديق الجميل محي الدين
أنت لوحدك تحتاج لأكثر من بوست لأجزيك ما تستحق
ولكني حسب معرفتي الجيدة بك
لا تحفل بمثل هذا الصنيع
فأنت أصيل وود قبايل
أشكرك كتيرن !
|
Post: #16
Title: Re: شكرن كتيرن قناة الشروق .
Author: رشا احمد
Date: 09-10-2011, 08:05 PM
Parent: #1
والله يا حبيبها كان نفسي أكون موجودة في السودان وأحضر تدشين روايتك (الحب من طرف تالت) اقلو كان شلت لي نسخه
مجاني زي ما عملوا الجماعة  .. وانت تستاهل كل خير وربنا يوفقك دايما و ابدا... بالجد ألف مبرووك فرحنا ليك والله
|
Post: #18
Title: Re: شكرن كتيرن قناة الشروق .
Author: حبيب نورة
Date: 09-10-2011, 11:45 PM
Parent: #16
Quote: والله يا حبيبها كان نفسي أكون موجودة في السودان وأحضر تدشين روايتك (الحب من طرف تالت) اقلو كان شلت لي نسخه
مجاني زي ما عملوا الجماعة .. وانت تستاهل كل خير وربنا يوفقك دايما و ابدا... بالجد ألف مبرووك فرحنا ليك والله |
العزيزة رشا
والله ياريتك لو كنت موجودة
كان شرفتيني شديد
أنتظرك في أعمال قادمة قريباً
|
Post: #19
Title: Re: شكرن كتيرن قناة الشروق .
Author: حبيب نورة
Date: 09-11-2011, 10:01 PM
Parent: #18
.
|
Post: #20
Title: Re: شكرن كتيرن قناة الشروق .
Author: mutwakil toum
Date: 09-11-2011, 10:44 PM
Parent: #19
يا حبيب نورة مبروك الرواية يا اخي.. و الشروق انت مفروض تملي عليها شروطك، تدفع كمّ و تبث متين. ما ممكن تبث وانت المبثوث ما تشوف بثّك.
بعدين بختها قناة الشروق و الشافوها هي ح تلقى كم حب من طرف تالت تعمل فيها تقرير..
|
Post: #21
Title: Re: شكرن كتيرن قناة الشروق .
Author: حبيب نورة
Date: 09-12-2011, 06:01 AM
Parent: #20
عزيزي متوكل توم
أشكرك كتير
في الحقيقة التقصير مني أنا لأن الأخت شمائل النور أخبرتني بزمن بث التقرير
بس أنا كنت شوية مشغول البال وما قدرت أركز
عموماً ما قصروا تب
|
Post: #22
Title: Re: شكرن كتيرن قناة الشروق .
Author: أمير فتحي
Date: 09-12-2011, 06:28 AM
Parent: #21
حبيب نوره صباحاتك خير
يقيني أنك تستحق أكبر من الإحتفال الكبير الصغير حق يومتا ... فوزارة حكومة السودان الثقافية يجب أن تعطيك شئ ...لذا ومن هذا المنطلق قمتا بإتصالاتي بمكتب الوزارة وإتصلت على الأخت ريا بالعلاقات العامة ...أديتا فكره رحبت جداً وطلبت نسخة من الرواية لعرضها على الوزير ومن ثم عمل اللازم ....
حقيقة بخلتا بنسختى عليهم لذا لو تيسر لي الحصول على نسخة لتمريرها لريا أو لو ذهب أحدهم أو إحداهن بالنسخة لريا في الوزارة وأنا حاأتابع الموضوع وتلفوني :
0122739947
لك التحية روائينا الكبير
|
Post: #23
Title: Re: شكرن كتيرن قناة الشروق .
Author: حبيب نورة
Date: 09-12-2011, 07:07 AM
Parent: #22
أشكر إهتمامك أخ أمير
سأتصل عليك
جزيل شكري
|
Post: #24
Title: Re: شكرن كتيرن قناة الشروق .
Author: خالد عبد الله محمود
Date: 09-12-2011, 07:24 AM
Parent: #23
و الله أنا شفت التقرير يا عمكـ ..
بس للأسف ما كان في زول جنبي عشان أقول ليهو أنا بعرف الزول الظهر في التلفزيون ده غير عبودي ولدي
غايتو كلمتو و قام همهم ليهو بي كلام ما مفهوم لكن زي القال لي ( زولكـ ده طلع زول إقطاعي ساكت يا حبة ) !!
كل سنة و أنت طيب ياخ
|
Post: #25
Title: Re: شكرن كتيرن قناة الشروق .
Author: حبيب نورة
Date: 09-12-2011, 07:47 AM
Parent: #24
Quote: بس للأسف ما كان في زول جنبي عشان أقول ليهو أنا بعرف الزول الظهر في التلفزيون ده غير عبودي ولدي
غايتو كلمتو و قام همهم ليهو بي كلام ما مفهوم لكن زي القال لي ( زولكـ ده طلع زول إقطاعي ساكت يا حبة ) |
ههههههههههههههه
والله عبودي ذاتو طلع قلّة مندسة وثورة مضادة
دي همهمة ليه كان سعلونا ؟
تسلم وكل سنة وانت طيب كمان
|
Post: #26
Title: Re: شكرن كتيرن قناة الشروق .
Author: حبيب نورة
Date: 09-12-2011, 07:24 PM
Parent: #25
بعد غد الاربعاء
ظلال الأصيل في قناة الشروق
وحب من طرف ثالث
|
Post: #27
Title: Re: شكرن كتيرن قناة الشروق .
Author: امال حسين
Date: 09-12-2011, 09:04 PM
Parent: #26
يا حبيبا
وحيات نورا عندك
تقول لي ناس الاقاليم الزي
يلقو الرواية ويين
انا جاية البندر يوم الاربعاء
مبروك وعقبال الثانية
والا اقول ليك ان شاء الله تسبعا
مودتي
|
Post: #28
Title: Re: شكرن كتيرن قناة الشروق .
Author: حواء سليمان ابراهيم
Date: 09-12-2011, 10:03 PM
Parent: #27
تستاهل كل خير يا حبيبنا
بالتوفيق يارب فى حب رابع وحامس والخ.......
|
Post: #29
Title: Re: شكرن كتيرن قناة الشروق .
Author: baha eassa
Date: 09-13-2011, 00:10 AM
Parent: #28
Quote: بعد غد الاربعاء
ظلال الأصيل في قناة الشروق
وحب من طرف ثالث |
الساعة كم وبتوقيت وين ؟
اعتقد السادسة والنصف بتوقيت السودان .. ..
|
Post: #30
Title: Re: شكرن كتيرن قناة الشروق .
Author: Yassir Tayfour
Date: 09-13-2011, 00:58 AM
Parent: #29
| Quote: شئ طبيعي تلقاني في قاعة الصداقة طالما بقيت طارح نفسي ملكية عامة |
قال ملكية عامة قال، وكمان جابت ليها إنفناسة؟ أسمع يا حبيبنا ونورة، يومك التجيب ليك رخوّة، وتُظهر تلاطف غير مبرر مع الكيزان تأكد حنردمك ردم، يوم القيامة تجي آخر زول؛)
____
مبروك تاني يا ياسين، خذ نصيبك من -الطيبات- وأخرج من هذه القرية الظالم حكامها ؛)
|
Post: #31
Title: Re: شكرن كتيرن قناة الشروق .
Author: هاشم محمد الحسن عبدالله
Date: 09-13-2011, 07:03 AM
Parent: #30
الجميل الفنان حبيب نورة، تحياتى ومبروك تدشين الرواية، والله أنت مبدع حقيقى ونتطلع لمزيد من الفن الراقى ، فالابداع فى الكتابة والرواية اصبح عملة صعبة، مودتى .
|
Post: #32
Title: Re: شكرن كتيرن قناة الشروق .
Author: أمير فتحي
Date: 09-13-2011, 07:23 AM
Parent: #31
| Quote: وتُظهر تلاطف غير مبرر مع الكيزان تأكد حنردمك ردم |
تاي فور
عامل صورتك زي إسحق الحلنقي كدا ...قوم لف
تحيات مبرره
|
Post: #37
Title: Re: شكرن كتيرن قناة الشروق .
Author: حبيب نورة
Date: 09-13-2011, 08:59 AM
Parent: #31
الاخ الحبيب هاشم
أشكرك جداً يا صديقي
كلك ذوق والله
|
Post: #38
Title: Re: شكرن كتيرن قناة الشروق .
Author: حبيب نورة
Date: 09-13-2011, 09:00 AM
Parent: #37
أمير فتحي
ضربت ليك أمس لكن لقيت تلفونك في حالة غيبوبة
|
Post: #36
Title: Re: شكرن كتيرن قناة الشروق .
Author: حبيب نورة
Date: 09-13-2011, 08:54 AM
Parent: #30
Quote: قال ملكية عامة قال، وكمان جابت ليها إنفناسة؟ أسمع يا حبيبنا ونورة، يومك التجيب ليك رخوّة، وتُظهر تلاطف غير مبرر مع الكيزان تأكد حنردمك ردم، يوم القيامة تجي آخر زول؛)
____
مبروك تاني يا ياسين، خذ نصيبك من -الطيبات- وأخرج من هذه القرية الظالم حكامها ؛) |
ههههههههههههههههههههههههه
يا راجل خليها علي الله وأردم ساهي
إنت كيف يا طيفور
باقي وحشتنا وحاتك
|
Post: #35
Title: Re: شكرن كتيرن قناة الشروق .
Author: حبيب نورة
Date: 09-13-2011, 08:49 AM
Parent: #29
يا بهاء تقريبا السادسة والنصف بتوقيت الخرطوم
|
Post: #34
Title: Re: شكرن كتيرن قناة الشروق .
Author: حبيب نورة
Date: 09-13-2011, 08:48 AM
Parent: #28
العزيزة حوه
كيفنك ياخ
مشتاقين يا ست الكل
أبقي أظهري بيهناك
|
Post: #33
Title: Re: شكرن كتيرن قناة الشروق .
Author: حبيب نورة
Date: 09-13-2011, 08:45 AM
Parent: #27
آمال حسين
تسلمي يا غالية
أشكرك كتير وبإذن الله الدفعة التانية قريباً جداً
|
Post: #39
Title: Re: شكرن كتيرن قناة الشروق .
Author: هاشم الادريسى
Date: 09-13-2011, 09:06 AM
Parent: #33
الف مبروك والى الامام دائما واتمنالك التوفيق
|
Post: #40
Title: Re: شكرن كتيرن قناة الشروق .
Author: عمر علي حسن
Date: 09-13-2011, 09:35 AM
Parent: #39
الحبيب ..
تستاهل الاضواء .. وقناة الشروق في الفترة الاخيرة اصبحت متألقه وبرامجها ممتعة
وتستحق المتابعة ووجود الحب من طرف ثالث يثبت اهتمامها الزائد بالمادة الجيدة
والارتفاع بمستوي المشاهد
كيف الوالده وبلد المليون سابقا
عمر علي حسن
|
Post: #42
Title: Re: شكرن كتيرن قناة الشروق .
Author: حبيب نورة
Date: 09-13-2011, 06:42 PM
Parent: #40
العم عمر علي حسن
أخبارك وكل سنة وانت طيب
تسلم يا سيدي وربنا يديك العافية
شاكر أفضالك علي
|
Post: #41
Title: Re: شكرن كتيرن قناة الشروق .
Author: حبيب نورة
Date: 09-13-2011, 06:38 PM
Parent: #39
هشام الإدريسي
الله يبارك فيك يا جميل
تسلم شديد
|
Post: #43
Title: Re: شكرن كتيرن قناة الشروق .
Author: motaz
Date: 09-13-2011, 07:18 PM
Parent: #41
تستاهل كل خير يا حبيبها
وحبيبنا نحن زاتو
وأمنياتنا لك بالمزيد من النجاحات
|
Post: #44
Title: Re: شكرن كتيرن قناة الشروق .
Author: baha eassa
Date: 09-14-2011, 04:32 PM
Parent: #43
الحلقة بدات مباشرة في الاستديو الان ..
|
Post: #45
Title: Re: شكرن كتيرن قناة الشروق .
Author: قاسم المهداوى
Date: 09-14-2011, 04:39 PM
Parent: #44
Quote: للأسف لم أشاهد تقرير الشروق مطلقاً
هذا ردّي للذين يسألون عن الفيديو |
لا والله
خلاص بقيت ارستقراطى صحى صحى والله اشهر من سكان بنى وليد ذاتو
اها تانى الواحد علشان يقابلك عايز ليهو محامى ووساطات وعييييييييييييك
عموما انا بديك فترة انتقالية ريثما تعود ادراجك سالما غانما وبعدها لكل مقام مقال
ولا كــــــــــــــــــــيف يا شقى
قاسم المهداوى
|
Post: #46
Title: Re: شكرن كتيرن قناة الشروق .
Author: baha eassa
Date: 09-14-2011, 05:04 PM
Parent: #45
|
Post: #48
Title: Re: شكرن كتيرن قناة الشروق .
Author: baha eassa
Date: 09-14-2011, 05:41 PM
Parent: #46
سوف يتم انزال الحلقة علي اجزاء للذين لم يشاهدوها .. .. فيما بعد طبعا
|
Post: #47
Title: Re: شكرن كتيرن قناة الشروق .
Author: عمر علي حسن
Date: 09-14-2011, 05:37 PM
Parent: #45
حار من نارو !!!
ما شاء الله عيني باردة
مقابلة جذابه
راودتني خلالها خاطرة خبيثة أن لو كانت سلمي السيد هي مقدمة اللقاء هل كانت ستخرج
لنا دواخل حبيب نورة وتفصيلات ابداعه التي مر عليها المقدم بسطحية لاتشبه توقعات
المشاهد .. خاصة الذي يعرف حبيب نوره من عطائه في المنابر ..
ومع ذلك اعطي حبيب نورة بعدا للبرنامج رفع من قيمته
عمر علي حسن
|
Post: #49
Title: Re: شكرن كتيرن قناة الشروق .
Author: حامد محمد حامد
Date: 09-14-2011, 07:19 PM
Parent: #47
يا سعادتك كيفك وامل ان تكون بخير ..دعنى اضيف لتلك الخاطرة اخرى مثيلة واقول ربما فشل حبيب نورة فى اللقاء لو كانت سلمى هناك .....قلت ربما...!!
| Quote: راودتني خلالها خاطرة خبيثة أن لو كانت سلمي السيد هي مقدمة اللقاء |
على كل يا حبيب نورة ما على الا وان اقول كلام اصحابك المصريين ..ايه الحلاوة دى..
|
Post: #51
Title: Re: شكرن كتيرن قناة الشروق .
Author: عمر علي حسن
Date: 09-14-2011, 09:14 PM
Parent: #49
| Quote: واقول ربما فشل حبيب نورة فى اللقاء لو كانت سلمى هناك .....قلت ربما...!! |
لك التحيات استاذي حامد
لعلك توافقني ان ذكاء حبيب نوره وحضوره الطاغي قد اسعف المقابلة وجعلها تصل الي مناطق لم يكن
المقدم قادرا علي بلوغها وهو الذي لم يقرأ الرواية كما ظهر لي من المقابلة ..
عمر علي حسن
|
Post: #52
Title: Re: شكرن كتيرن قناة الشروق .
Author: اماني محمد صالح
Date: 09-15-2011, 08:24 PM
Parent: #51
صح الكلام نفس الاحساس جاني وانا بحضر اللقاء
ماذا لو كانت سلمي سيد
اكيد كانت حتقرا الرواية مرة واتنين
بعد داك تدخل في اللقاء
كان واضح انه المذيع لم يبذل اي جهد في الاعداد للقاء
ام سلمي كانت ستضيف لطرف الثالث طرفا اخر يجعله اكثر جمالا
كما فعلت في أعز الناس
مع ودي
أماني الروح
|
Post: #53
Title: Re: شكرن كتيرن قناة الشروق .
Author: حبيب نورة
Date: 09-16-2011, 09:10 AM
Parent: #52
أشكر كل المتداخلين
أحييكم شديد
وأجدد شكري لقناة الشروق
ساعود مجدداً
|
|