لكن ابشرك .. شنبك حالقو .. يعني شنبك حالقو ... بعدين انا ما النوع البجيب ليك موس حلاقة يا جليت جي توو .. يا ماك ثري .. نحن حقنا بنقلعو بي ضراعنـا ..
Post: #5 Title: Re: حقو مباراتنا الجاية تكون مع برشلونــة طوالي .. Author: haroon diyab Date: 09-10-2011, 09:50 AM Parent: #3
Quote: اتصلت عليك قبل المباراة
للاطمئنان وتلفونك مقفول
انا حسع فتحت خشمي.....؟
حيلهم ....بينهم
Post: #14 Title: Re: حقو مباراتنا الجاية تكون مع برشلونــة طوالي .. Author: tmbis Date: 09-10-2011, 10:17 AM Parent: #5
Quote: انا حسع فتحت خشمي.....؟ حيلهم ....بينهم
ما دا المجنني زاتو .. اريتك كان فتحت خشمك ..
Post: #6 Title: Re: حقو مباراتنا الجاية تكون مع برشلونــة طوالي .. Author: tmbis Date: 09-10-2011, 09:50 AM Parent: #3
Quote: كان كجنتني زي صاحبك البضرب ليك قبل الكورة داك
والله يا خليل حظك سمح إنك ما اتصلته ..
عارف المرة دي الشربنـا منو ؟؟ حيدر الزين وايم الحق .. ياخ كورة الهلال لما تكون شغاله الفاتح النقـر زاتو ما بحب اتكلم معاهو إلا الكورة تخلص .. حيدر الزيـن .. شربنـا مما اتصل علي حيدر الزين .. عرفت ليك الموضوع منتهي .. حالتنا كنا غالبين واحد صفر .. انا زاتو ببالغ يا خليل .. مفروض طوالي بعدما انتهي من المكالمة مع حيدر الزين .. اتصل مباشرة .. على هارون دياب .. يا علي كيكي .. بنفس النظرية الفوقانية حقت غلبنا لي برشلونـة .. يعني بي صورة أوضح .. البشربك تجيب ليهو البيساوي ليهو في الشربــان ..
Post: #7 Title: Re: حقو مباراتنا الجاية تكون مع برشلونــة طوالي .. Author: يوسف الدفينة Date: 09-10-2011, 09:55 AM Parent: #6
انت عارف يا تمبس .. اتفكو من صبري طه ده .. صدقني بعد داك هاك يا انتصار وهاك يا تاهل .. وبضمن ليكم الكأس ...
Post: #22 Title: Re: حقو مباراتنا الجاية تكون مع برشلونــة طوالي .. Author: tmbis Date: 09-10-2011, 11:13 AM
Quote: اتفكو من صبري طه ده .. صدقني بعد داك هاك يا انتصار وهاك يا تاهل .. وبضمن ليكم الكأس ...
.. والله يا يوسف .. لو ثبت شرعـا .. بنفك ليك حنانو زاتو .. دا بس بعتمد على نظرتك الثاقبة لانو صاحبك صبري دا .. من ناحية أخرى .. نحن حسع دي شغالين (تطهيــر) في ناس الدوحــة .. لانو بي صراحة كدا .. المسالة دي ما مبلوعـة
Post: #8 Title: Re: حقو مباراتنا الجاية تكون مع برشلونــة طوالي .. Author: tmbis Date: 09-10-2011, 09:57 AM Parent: #6
توقفت من فترة عن الكتابة في الكورة عن الهلال .. بعدما خانتني توقعاتي التي اعرفها عن الهلال أو بالأحرى ، خلقو علاقة غير واقعية عن تقديراتي .. وعن توقعاتي في كل مباراة للهلال .. مستوى الهلال كان واضح في ظل وجود ميشو المصر جدا على تشكيلة واحدة لازم يلعب بيها .. لما كان في جمعة والمعز بعيد بعامل الاصابة الواحد استبشر خير على الاقل جمعة القون بجي فوقو يعني بييجي فوقو .. لكن بعدما يكون برد قلبك بي التغطية السليمة للمرمى .. وعدم الخروج من المرمى بي سبب وبدون سبب .. الدعيع دا خاتنو لي مباراة الكاس واللا شنـو .. واللا لي مباراتنا القدمة مع برشلونـا؟ ... والله الواحد بقى زي ناس المريخ .. يطلع من قولة تيت ويطول ليك في لسانو .. مستوانا مع القطن في المباراة الهناك .. كانت مؤشر لي اننا فارقنا البطولة .. جينا طولنا لسانا على انيمبا ومنينا نفسنا بالفوز .. ناس انيمبا ديل مرتزقـة بتاعين كورة الواحد بجيب قوون من ربع فرصـة .. نحن ناس ابراهيما تورية وكاريكا بضيعو الكورة في خط تلاتة .. من خط تلاتة بيودوها جامعة الاحفاد للبنات .. والغريبة انو زمن ما بيستحق انو زاتو تضيع فيهو الكورة ، زمن بيديك دفع معنوي .. وبيديك حافز انك تزيد ممكن بعديهو هدف او هدفين .. ما فقدنا الأمل .. لكن ضيعنا الفرص الساهلة جدا وبقينا نبحث عن التاهل من فك الأسد ومن اضيق الفرص .. ولسة في امكانية منافسة بي حسابات الكورة لي الناس الجادين جدا في مجلس الإدارة وفي داخل الميدان .. دا طبعا ما كلام بتاع زول حالم .. دا كلام نجيضة .. وحسابات من أجل أن يدرك ابناء الهلال .. الوضع بسرعـة .. ويبتدو في اجراءات التعديل في الظرف العصيب دا ، وابناء الهلال هم وحدهم من يقدرون على الخروج بالهلال من عنق الزجاجة في هذه المرحلة ، لكــن .. المعز.. دا شوفو ليهو طريقة لموهو كل مرة عندو جلطة زي دي بتدفعنا الكتير .. ميشو .. يديك العافية والله اصلن ما قصرت معانا .. خلينا الباقي دا بنتمو برانـا.. إن شاء الله نجيب (فايز ود القاضي) يا بالعدم (صديق مهدي) .. أو (صلاح غريبـة) أو ( هـارون دياب ) اصلو الشغلانة بعد كدا عايزه ليها فوضى علشان تستعدل توريـه .. ياخ في خواجه سايق ليهو بطـه في فرنسا .. ما تمشي تشوف حكايتو شنـو..؟!!
Post: #9 Title: Re: حقو مباراتنا الجاية تكون مع برشلونــة طوالي .. Author: haroon diyab Date: 09-10-2011, 10:01 AM Parent: #8
Quote: الدعيع دا خاتنو لي مباراة الكاس واللا شنـو
Post: #10 Title: Re: حقو مباراتنا الجاية تكون مع برشلونــة طوالي .. Author: طلحة عبدالله Date: 09-10-2011, 10:06 AM Parent: #9
Post: #23 Title: Re: حقو مباراتنا الجاية تكون مع برشلونــة طوالي .. Author: tmbis Date: 09-10-2011, 11:34 AM Parent: #11
حسع عليك الله يا طنظير .. غلب امس دا عايز ليهو كربون زي الخاتيهو تحت الكيبورد حقك دا ..؟ والله فعلا صفـوة ..
اطلاقـا ما غلطان عليك .. ذاك العربــي .. طلعته زيك وزيو واحد .. وزي كم مسكين هنـا .. ياخ انا كنت فاكرك حالة خاصة ..
ووين العربي دا يجي يديك ليها بي الحتة الفيها الحديدة .. والمرة دي ح ادعمو بكل ما املك ..
Post: #12 Title: Re: حقو مباراتنا الجاية تكون مع برشلونــة طوالي .. Author: محمد إبراهيم علي Date: 09-10-2011, 10:11 AM Parent: #8
Quote: حيدر الزين وايم الحق
التحية لحيدر الزين سيتم تحويل رصيد لتلفون حيدر الزين قبل كل مباراة للهلال حتى ولو كانت مع برشلونة زاتوو على ان يستخدمه في الاتصال على تمبس
تامل عزيز ميشو المتفرج ودالصايم رماها في سوارالدهب تمبس رماها في حيدر الزين ود البشرى اعلنها صريحة انو دكتور مجدي هو السبب حميدة قال الضيف الكان معاهو كجاهو وشكلو الضيف مشى اتعشى في المطعم تاكد لي بما لا يدع مجالا للشك ان الهلال لن يحرز كاسا افريقيا حتى ولو هنق حمار الوادي
Post: #15 Title: Re: حقو مباراتنا الجاية تكون مع برشلونــة طوالي .. Author: سفيان بشير نابرى Date: 09-10-2011, 10:25 AM Parent: #12
Quote: مستوى الهلال كان واضح في ظل وجود ميشو المصر جدا على تشكيلة واحدة لازم يلعب بيها ..
يا تمبس أنت زول نصيحة ياخ فما تتعامى عن الحقيقة التشكيلة اصلاً ما من ميشو في مركز اقوى من ميشو داخل الميدان وهو كابتن الفريق بتاعكم رضيتوا أو ابيتو هو المسيطر و هو الممكن يقود التمرد على المدرب وهو الذي يقرر بقاء أو ذهاب المدرب على حسب تعاطي المدرب معه.
Post: #16 Title: Re: حقو مباراتنا الجاية تكون مع برشلونــة طوالي .. Author: عبدالكريم الامين احمد Date: 09-10-2011, 10:37 AM Parent: #15
Quote: اتصل مباشرة .. على هارون دياب .. يا علي كيكي
هلا يا تامبا وهاردلووك امس بالذات كنت قد قررت اني احدد حكاية كجكوتي للهلال اللصوقها لي شلة الهلالاب الرعاديد اياهم.. عشان كده حضرت الشوط الاول وانت سيد العارفين ابو الهل دق كفر في الشوط الاول زينة وسادومبا متع الجماهير وكلو كان مية مية وانيمبا او اي كان اسمه كان مزنوق زنقة بوبي في فريق زنقو... دورت العربية السوداء فيما بين الشوطين وفرتقت من بيت عمر بوب وخليت شلة من الهلالاب بالتاكيد الكج متواجد بينهم وكل المؤاشرات بتقول هو الود خليل لانو جاء في نهاية الشوط ومسك الوردية ومارس الكجكج الشديدة المفاجئة,,, اظرف شي خليل ضرب وهو جاي في السكة وقلت ليهو ابو الهل غالب واحد صفر.. فقعد يكورك ايوووه طيور الابابيل .. طيور الابابيل...الهلال يا طيور الابابيل دكي الافيال ولمن مسك وردية الشوط التاني تحولت طيور الابابيل الهلالية الي طيور (سنونو) وديعة فاتحة شباكها للشوتات الجاية من القضارف .. ان لم يكن الكج هو خليل فانا شاكي في الاتية اسمائهم امير طمبل بهاء بكري محمد حمدي
وهنالك ايضا موشرات قوية تقول بان الكج هو (عمر بوب شخشخيا ) لوووووووووول سيد السينما ذااات نفسو وقيل نادوس...او عبد الله قريب بوب...
المهم انا ككيكي برئي براءة الذئب هزبر من كج الهلال دي
Post: #17 Title: Re: حقو مباراتنا الجاية تكون مع برشلونــة طوالي .. Author: Omar Bob Date: 09-10-2011, 10:53 AM Parent: #16
Quote: وهنالك ايضا موشرات قوية تقول بان الكج هو (عمر بوب شخشخيا ) لوووووووووول سيد السينما ذااات نفسو
غلطان انا الما سمعت كلام محمد عبد الرحمن و جبت صلاح جادات عشان يحضر الكوره معاي لكن ابشرك كوره الرجاء الجايه حاجيبو يبيت معاي عديل في البيت ونشوف اخرتها شنو
__________________________________________ هاردلك يا تمبس تعرف انا من ميشو طلع علاء الدين ودخل كاريكا قلت للناس الحاضرين معاي وعددهم اكتر من 15 (نصهم او يزيد كج بالمناسبه)) انو الكوره حتنتهي 2/1 لانيمبا وقد كان
Post: #18 Title: Re: حقو مباراتنا الجاية تكون مع برشلونــة طوالي .. Author: محمد عبد الماجد الصايم Date: 09-10-2011, 11:03 AM Parent: #17
الظاهر إنو الكُج جاي من الدوحة
غايتو أنا زمان كنت قايل الموضوع من خليل ومحمد عادل!! لكن طلعوا براءة من الموضوع دا .. يبقى نشوف كيكي وبوب ديل!!
Post: #19 Title: Re: حقو مباراتنا الجاية تكون مع برشلونــة طوالي .. Author: صبري طه Date: 09-10-2011, 11:06 AM Parent: #18
الهلالاب واتهاماتهم حول من هو الكُج
لمّا الرجاء يزعمطنا
ـــــــــــ
Post: #20 Title: Re: حقو مباراتنا الجاية تكون مع برشلونــة طوالي .. Author: عبدالكريم الامين احمد Date: 09-10-2011, 11:08 AM Parent: #17
Quote: غلطان انا الما سمعت كلام محمد عبد الرحمن و جبت صلاح جادات عشان يحضر الكوره معاي لكن ابشرك كوره الرجاء الجايه حاجيبو يبيت معاي عديل في البيت ونشوف اخرتها شنو
لوووووول يابوب بالجد حكاية الكج البجي يحضر معاكم الكورة ده مفروض تنظرو ليهو بجدية اكبر.. وخاصة بعد خروجي امس من الشبهات والتشكيلة كوني حضرت شوط هلالي خالص ومشيت خليت ليك 15 كج ..
Post: #21 Title: Re: حقو مباراتنا الجاية تكون مع برشلونــة طوالي .. Author: محمد عبدالرحمن Date: 09-10-2011, 11:08 AM Parent: #17
كيكى غايتو لو نسى قصة الهلال دى يكون كويس ..كيكى كمل الشوط الاول ومشى ..وفى الشوط الثانى اتصل :الكورة كم ياجماعة ؟ ..قالو ليهو 1/1 . قال (ياسلام ياجمعة ياخ ..بالغت عديل ) ... وجمعة من (كنبتو ) ماقام ...معناها مامركز ذاتو ..لذلك اعتقد انو غواصة حمراء مرسلة لتكج الهلال ...
بعدين ياتمبس ...الكج الاصلى اتحرك من عندكم ومشى اتفرغ للهلال من جوه الاستاد ...لحقنا امات طه وقعد ...رجعوهو الزول دا باى طريقة ...على كدا دى الدورى ذاتو نقنع منو ....
Post: #24 Title: Re: حقو مباراتنا الجاية تكون مع برشلونــة طوالي .. Author: داليا الكباشى Date: 09-10-2011, 11:46 AM Parent: #21
تمبس (الحساس) اشلووونك
Post: #25 Title: Re: حقو مباراتنا الجاية تكون مع برشلونــة طوالي .. Author: Hisham Ibrahim Date: 09-10-2011, 11:57 AM Parent: #24
والله عواستكم الامبارح دي اصـــلها ما محتاجه لي كُــــج .......
براها بتودي الامل لمباراة الرجاء ..
تاباها مزعـــوطــــه ،، تاكـــلها بي نجـيــلتــــــها .....
Post: #26 Title: Re: حقو مباراتنا الجاية تكون مع برشلونــة طوالي .. Author: Omar Bob Date: 09-10-2011, 12:00 PM Parent: #21
Quote: لكن طلعوا براءة من الموضوع دا .. يبقى نشوف كيكي وبوب ديل!!
ياود الصايم: كور الهلال في الكونفدراليه بنحضرها مع بعض بصوره ثابته 1/ عمر بوب 2/ وليد القرود ( خليل) 3/ محمد عبد الرحمن 4/ عبد الجليل عبد الحليم (نادوس) في ناس بيجونا مره مره زي بهاء بكري وفيصل الزبير والبشاري الهلال ماشي في البطوله ذي الطلقه لدرجه انو خليل بدا يفكر انو احسن يعملو تمثال لهيثم مصطفي قدام الاسناد ولا يسمو الاستاد كلو باسمو الي ان جاءت كوره الصفاقسي باستاد الهلال فاذا بيكيكي يمتطي برادو سوداء تشبه الغراب تماما وقفت قدام الباب ونزل كيكي يتبختر منها وانت عارف الحصل شنو بعداك. مش يتعظ من القصه دي لا بقي ثابت السنه دي مع اللسته وفي كل مره ننزنق ونتخارج بكرامة البليله اها الزول دا صاحبي وانا سينيرو في كليه الهندسه ما ممكن اقول ليهو ما تجي. محمد عبد الرحمن اهتدي لخطه جهنميه بعد ظهور اخونا جادات في الساحه والخطه ما جات لمحمد خبط عشواء لا جاتو وهو في العمره فطوالي شد لي سلك في مباره القطن الاخيره وقال لي يا زول انت ما عندك حل الا تعزم جادات يجي يحضر الكوره وصاحبنا الكج حيتخارج. انا عملت فيها شريفه فاضل وقلت لا لا يمكن ابيع كيكي وعشره السنين بثمن بخس ويا زول الكاتبه الله بتبقي. لكن اسي انا عاضي اصبع الندم لامن قطعتو ذاتو. ___________________________________________________ لكن للحقيقه الزول دا امس حضر الشوط الاول وفات وهو طالع جاء خليل داخل فما عارف الكج خليل ولا كيكي هد الكج بتاعو في خليل ومرق
Post: #28 Title: Re: حقو مباراتنا الجاية تكون مع برشلونــة طوالي .. Author: محمد عبد الماجد الصايم Date: 09-10-2011, 12:08 PM Parent: #26
Quote: لكن للحقيقه الزول دا امس حضر الشوط الاول وفات وهو طالع جاء خليل داخل فما عارف الكج خليل ولا كيكي هد الكج بتاعو في خليل ومرق
غايتو يا بوب .. جهجهت باكاتي بالكلام دا!! معناها نمرقكـ من أزمة (الكج) دي وندخل (خليل) تاني! يبقى مثلث (خليل ـ محمد عادل ـ كيكيشن)!!
Post: #33 Title: Re: حقو مباراتنا الجاية تكون مع برشلونــة طوالي .. Author: tmbis Date: 09-10-2011, 01:45 PM Parent: #17
Quote: هاردلك يا تمبس تعرف انا من ميشو طلع علاء الدين ودخل كاريكا قلت للناس الحاضرين معاي وعددهم اكتر من 15 (نصهم او يزيد كج بالمناسبه)) انو الكوره حتنتهي 2/1 لانيمبا وقد كان
يا بوب .. ياخ معليش .. وقدرنا اننا نفرمل كل .. مرة في الحتة دي .. بي غلطات صغيرة مننا وعدم قراية للوضع .. ياخ من متين نحن قاعدين نتغلب في استادنا .. مما ابتداء مستوى الهلال يتذبذب .. كتبت بوست واهو لحدت الان مخزن عندي في الجهاز .. كتبت فيهو بشكل صريح جدا عن مستوى الهلال المهزز من مباراة لي أخرى .. وكتبت عن طريقة لعب ميشو .. وطريقة الغيارات العجيبة ، كتبت عن عدم محافظتنا على تقدمنا على اي فريق وعن الاهداف السهلة التي تضيع .. وعن كيف لا نقرا المباراة بحسابات الدقائق .. والثواني .. اخيرا .. تحدثت عن الطريقة العجيبة لميشو .. وهي طريقة اللعب التجاري .. الخالي من المتعة .. الذي يشبه الاكل الخالي من الملح .. وهي طريقة لم يعتاد عليها الهلال ولا جمهور الهلال .. وهي نفس الطريقة التي لعبت بها البرازيل لكاس العالم وخرجت دون ان تمتع جمهورها .. ودون ان تحقق شرف المحافظة على اسمها وتركت لنا الدهشة .. كتبت ايضا عن مستوى علاء الدين المهزوز جدا وعن انه كيف اصبح يقدم الكورة لمدة اميال .. ويفرد زراعيه .. ثم يداهمه احدهم ليخطف الكورة ثم يلحق به علاء من أجل ان يصنع فاول خطر .. في منطقة خطره وينال على اثره اي بطاقة من البطاقة أو عرض نفسه لإصابة بالغه لكن للحقيقة .. هذه المباراة بالذات ... كنت اعول على علاء الدين كثيرا .. وكنت اعرف انها مبارات علاء الدين .. ومهند الطاهر الذي ايضا ادمن اللعب العجيب .. لكن لما شفت توريــه .. عرفت اننا ح ننغلب حتى ولو لاعب مية علاء الدين .. اللاعـب يا بوب البيضيع في خط المقدمـة .. زي ما عارف بيعكس ذلك على الفريق وبيضيق من حجم الفرص المصروفـة وبالمقابل بيدي الفريق الخصم دفعة معنوية .. خرمجت توريـه هي السبب الرئيسي في اختلال ميزان الوسط .. وفي اصابة علاء الدين .. وفي تغيير علاء الدين ..
Post: #32 Title: Re: حقو مباراتنا الجاية تكون مع برشلونــة طوالي .. Author: tmbis Date: 09-10-2011, 01:10 PM Parent: #16
Quote: دورت العربية السوداء فيما بين الشوطين وفرتقت من بيت عمر بوب وخليت شلة من الهلالاب بالتاكيد الكج متواجد بينهم وكل المؤاشرات بتقول هو الود خليل لانو جاء في نهاية الشوط ومسك الوردية ومارس الكجكج الشديدة المفاجئة,,,
والله يا كيكي كان علي انا مصدقك .. زمان كنت لما اشوف بوست لي خليل بمصاحبة الببغاء بتاعو .. طوالي يازول بقنع منها .. كنت بمشي اشوف لي حاجة كويسة ادخل فيها وامشي انوم .. حبة فاليوم .. يا حبوب بتاعت حساسية المهم بس انوم .. نحن والله الهلال دا كان درن ساكت ميزان حياتنا بيختل .. المهم .. كنت دايما بقرر بيني وبين نفسي .. انو خليل دا قبال اي كورة ما افتح ليهو اي بوست عشان اقراهو .. لانو صدقني الرجفة بتكون عامله فيني عمايل .. والجرسلين البكبو لينا في بوستاتو ليهو اثر كبير جدا في تبويظ اعصابنا مما يحدي بنا اننا نقعد نزازي الليل كلو بره البيت .. ونتابع الكورة بي واسطة التلفونات مع الأخوان وبعض الرسايل القصيرة من بعض الخيانة .. دا حال اننا اترشينا طبعا .. واظنك سيد العارفين ومجرب طعم الرسائل دي عامل كيف .. .. المهم يا كيكي .. انا بـــوب ما عارف مويتو شنو .. لكن خليل دا انتهيت ليك منو .. باقي .. بهاء بكري .. وطمبل .. أعلموا ليهم حركة استثنائية وجربوهم في مباراة (وزنياكي .. وسيرينـا) كان عملو اي دخـنة .. شيل عدتك يا زول .. وتعال احضر معاي الكورة الجاية في الرياض دي .. لكن اعمل حسابك يا كيكي .. انا ما زي ناس عمر بوب ديل بخلي ليك حقي .. يعني لو اتضح الفلم دا منك .. ياني الاتقصيت في الرياض .. وجازفوني بي صك شرعي
Post: #30 Title: Re: حقو مباراتنا الجاية تكون مع برشلونــة طوالي .. Author: tmbis Date: 09-10-2011, 12:40 PM Parent: #15
Quote: التشكيلة اصلاً ما من ميشو في مركز اقوى من ميشو داخل الميدان وهو كابتن الفريق بتاعكم رضيتوا أو ابيتو هو المسيطر و هو الممكن يقود التمرد على المدرب وهو الذي يقرر بقاء أو ذهاب المدرب على حسب تعاطي المدرب معه.
يا سفيان كونك مريخابي فدا طبعا بيديك امكانية انك تكتب في هيثم بي طريقة ايجابية من وجهة نظرك وهي موغلة في السلبية .. وطبعا دا الوقت المناسب جدا مع احترامي ليك .. لكن الايجابي في كتابتك انو هيثم خير مثال للكابتن داخل الميدان بعدما ثبت لي الحقيقة دي .. ولو كان هيثم عندو سطوة للدرجة دي ما بيتم تغييرو في معظم المباريات .. وما بيزعل لحدت ما يشوت قزازة الموية .. العاملين بيها جماعتكم حفلة عديل كدا. الاهم من ذلك في بعض الاحيان كابتن أو قائد الفريق ليهو تقديراتو داخل الميدان .. وذلك حسب تفاعل اللعيبة وايقاعهم في مباراة وأخرى .. وهنا يتدخل قائد الفريق .. لكن ليس من حقه ابدا التدخل في راي المدير الفني .. للهلال رجالاته وابنائيه .. والكل يعرف كيف كان الراحل الطيب عبد الله .. والكل يعرف كيف هو فوزي المرضي الآن .. فجميعهم عندهم الكبير هو الهلال .. وكما قيل تذهب الاسماء ويبقى الهلال .. إذا كان لهيثم سطوة مع المدربين .. فنحمد له توصيله للهلال هذه المراحل المتقدمة .. بالمنطق هذا يجب علينا شكره في جميع المباريات السابقة التي وصلت بالهلال إلى هذا المركز .. وهذا التصنيف الذي لن ترتضوهو .. المشكلة في الهلال مشكلة مدرب .. والمشكلة في الهلال هي مشكلة كل السنوات ، التفريط من اللعيبة .. والتقاعس والثقة الزايده مشكلة المدرب الذي لا يجيد التحضير من مرحلة لي آخرى .. حيث أن كل مرحلة لها تداعياتها الخاصة + ظروف الاصابات .. والمشكلة الكبرى .. المعــز .. الذي تسبب في اكثر من مناسبة في خروجنا من هذه الادوار المهمة جدا .. لو نظرنا لما قدمـه سيدا للهلال طيلة مسيرته .. فهو اكبر من اي كاس يمكن أن يحلم به الهلال .
Post: #27 Title: Re: حقو مباراتنا الجاية تكون مع برشلونــة طوالي .. Author: tmbis Date: 09-10-2011, 12:00 PM Parent: #12
Quote: سيتم تحويل رصيد لتلفون حيدر الزين قبل كل مباراة للهلال حتى ولو كانت مع برشلونة زاتوو على ان يستخدمه في الاتصال على تمبس
.. والله يا باش انا رضيان .. اقتراحك دا مقبول .. بس الله يرضى عليك .. خلينا نخلص من المباراة الجاية دي .. والباقي داك بنتمو غلاط ساكت .. الزول دا رسل ليهو رصيد وااكد عليهو انو يديني فرصة ..
Quote: تامل عزيز ميشو المتفرج ودالصايم رماها في سوارالدهب تمبس رماها في حيدر الزين ود البشرى اعلنها صريحة انو دكتور مجدي هو السبب حميدة قال الضيف الكان معاهو كجاهو وشكلو الضيف مشى اتعشى في المطعم
.. كان سالتني انا الشغله دي .. من بكري أبوبكــر راسـه عديل .. .. الناس مفروض تلاحظ للحاجة دي ... لانو كل سنة زي الايامات دي .. بنقعد نكتب في البورد دا نفس الاسباب والمبررات وغلطات المدربين المتكررة وطلعات (المعــز) الجوية العجيبة .. غايتو انا برشح بكــري بقوة ...
Post: #29 Title: Re: حقو مباراتنا الجاية تكون مع برشلونــة طوالي .. Author: عبدالكريم الامين احمد Date: 09-10-2011, 12:30 PM Parent: #27
Quote: اها الزول دا صاحبي وانا سينيرو في كليه الهندسه ما ممكن اقول ليهو ما تجي. محمد عبد الرحمن اهتدي لخطه جهنميه بعد ظهور اخونا جادات في الساحه والخطه ما جات لمحمد خبط عشواء لا جاتو وهو في العمره فطوالي شد لي سلك في مباره القطن الاخيره وقال لي يا زول انت ما عندك حل الا تعزم جادات يجي يحضر الكوره وصاحبنا الكج حيتخارج.
هلا بابوب وجادات ده لو قلت ليهو في غواصات حيجو يحضروا معاك الكورة لو ختيت تلفزيونك ده في دوار الكتب ما بجي بحضر ليك كورة -----
ياعمك ود الصايم الناس ديل دردقوني دردقة لحكاية (كج) دي.. اصلا فعلا كانو بحضروها الاربعة 0بوب- نادوس وخليل والانصاري.. خليل يشيل ويقنطر في البوستات ويمشي بيت بوب عامل فيها (مورينهو) واها اتلحوني ليك .. ياكيكي يااخ تعال.. يا كيكي ياخ انت هلالابي قديم ومخضرم.. يا كيكي ياخ عندنا تمباك سمح وهييك دردقة ولمن قررت امشي ليهم ومن اول ربع ساعة حسيت انو هنالك كج بين هولا الناس... وامس طلعت في الشوط الاول مخصوص عشان اصل للنتيجة دي.. ولكن يا حسرة تركت خلفي ما يقارب 15 كج ونيف
ماهو مامكن يا تمبس ياخ نترشه في بيتنا ونفتش نحك العالم في بيوتم ياخي يعني نحن نعمل شنو مع المعز
والله الواحد لو رورحو مرحة زي الشباب ديل (ماشاء الله عليهم) ودالصائم وانت وكيكي كان الواحد كتل الركن وضرب الهم بالفرح لكن ياخي مامكن الواحد يبكي لمن الهلال يجيب قون ويبكي لمن الهلال يدخل فيهو قون ياخي نحن بعد دا .....
هاردلكم يا شباب
الصادق
Post: #34 Title: Re: حقو مباراتنا الجاية تكون مع برشلونــة طوالي .. Author: عبدالكريم أحمد الامين Date: 09-10-2011, 02:22 PM Parent: #31
** تمبس.. ** سلام ومساءك خير .. ** من أُمبارح الواحد ضغطو فى السما مانزل إلا بعد الواحد مشى المُستشفى وبحبه تحت اللسان ,, غايتو المُعز دا قرب يلحقنا أُمات طه ,, ياإدارة السجم والرماد ماتريحونا من الزفت الإسمو المُعز دا ,, الله يريحكم فى الدنيا والآخره.. (ودام الود بين الجميع)
**المُداخله أدناه كانت بتاريخ 29\08\2011 فى بوست الكابتن وليد عبداللطيف..
Quote: 29-08-2011, 02:17 PM تأكد تماما الهلال لو لعب لوحدة لم يحرز البطولة والعله في
Quote: ** ود عبداللطيف .. ** ســـلام ,, وعيدك مُبارك.. ## مُشكلة الهلال الحاليه هى مُشكلة مُدرب ,, الشخص الأمثل لهذه المرحله هو الأسد (فوزى المرضى) أو الشخصيه التى يهابها الإداريين قبل اللأعبين الكوتش (أحمد عبدالله) كمدرب للفريق إذا اراد الهلال إحراز كأس هذه البطوله ,, طارق أحمد آدم شخصيه مهزوزه ولايملك شخصية لهذه المهنه ,, مشيو لايستطيع ان يضع التشكلية التى يخوض بها المبارأه وغالباً ما يضعها بصوره خاطئه وعندما يحاول مُعالجة الأخطاء تكون بأخطاء أكثر فــداحــه.. ## يا إدارة الهلال نحنا ناس عندنا ضغط وسكرى وقلب وكلوسترول عالى ,, بالله ماتكتلونا بالمغصه وناقصين عمر من عمرنا الإفتراضى..
(ودام الود بين الجميع فى حب سيد البلد) (ابو محمد فؤاد)
Post: #35 Title: Re: حقو مباراتنا الجاية تكون مع برشلونــة طوالي .. Author: رشا احمد Date: 09-10-2011, 09:33 PM Parent: #2
Quote: نحن يجيبو لينا برشلونـة نلم في برشلونـة نطقطقه زي الترتيب .. خمسة صفر .. سبعة صفر ..
