Post: #1
Title: عليكم الطلاق الكج منكم وفيكم
Author: طلحة عبدالله
Date: 09-10-2011, 09:20 AM
Parent: #0
فتحسسوا حاجاتكم يرحمكم الله
يتبع .......
|
Post: #2
Title: Re: عليكم الطلاق الكج منكم وفيكم
Author: Yassir Tayfour
Date: 09-10-2011, 09:37 AM
Parent: #1
طلحة يا حبيبنا
أبداً ما كُج، الحصل ده تفريط واضح، وأخطاء قاتلة لا يفعلها الكبار..
___
الهدف الأول يا طلحة موضع الكورة أقرب للضربة الركنية، لو الظهيرين والحارس وقفو فقط وقفة صحيحة الهدف ده ما بيدخل.. وثم ثانيا مدرب ما عندو دفاع ثابت داير يخلق تجانس كيف؟
|
Post: #3
Title: Re: عليكم الطلاق الكج منكم وفيكم
Author: طلحة عبدالله
Date: 09-10-2011, 09:39 AM
Parent: #1
كدا أول حاجة أعزائي الكججة _جمع كجاج_ أترككم مع هذا البوست : الهــلال السوداني X انيمــبا النيجيري أمل أن تبحروا في خضم مداخلاته والردود عليه عسى أن تفقهوا قولي ..
يتبع ...
|
Post: #4
Title: Re: عليكم الطلاق الكج منكم وفيكم
Author: عمر عبد الله فضل المولى
Date: 09-10-2011, 09:42 AM
Parent: #3
الف سلامة ما كانت خماسية
قال مقبرة
|
Post: #6
Title: Re: عليكم الطلاق الكج منكم وفيكم
Author: طلحة عبدالله
Date: 09-10-2011, 09:50 AM
Parent: #5
أعزائي الكججة
لعلكم تعلمون كما أعلم ان المعروض من البوستات أعلاه هو على سبيل المثال لا الحصر
لأنه ما خفي أعظم فكمية ما تم صرفه من النقة والعوك عاك والتنظير والتهويل
بهذا الخصوص خاصة في الحاجة الإسمها جرايد خيالي بمعني الكلمة.. 
يتبع .......
|
Post: #7
Title: Re: عليكم الطلاق الكج منكم وفيكم
Author: خالد درق
Date: 09-10-2011, 09:51 AM
Parent: #5
طلحة .. سلام
Quote: فإذا ما انتهيتم من البوست الأولاني فتعالوا إلى حضن هذه البوستات :
الهلال في صدارة افريقيا والعرب
سيفعلها الهلال اليوم ويريحنا ويريح اهله.....!!
جمعة الردع والحسم
جمعه النصر
|
دى كانت جمعة الرحيل ... ههههههههه
|
Post: #9
Title: Re: عليكم الطلاق الكج منكم وفيكم
Author: طلحة عبدالله
Date: 09-10-2011, 09:56 AM
Parent: #7
عليكم وعليهم الطلاق انهم يشربون بحارا ومحيطات شرابا جغما
ويأكلون أسماكها وكائناتها أكلا نما
يتبع ......
|
Post: #10
Title: Re: عليكم الطلاق الكج منكم وفيكم
Author: طلحة عبدالله
Date: 09-10-2011, 10:08 AM
Parent: #9
طيفور يا حبيب
كلامك صاح لكن حكاية الكج دي واقعة برضو ما تهملا ...
نفسي أعرف المعز دا لحظة تنفيذ المخالفة طلع برة خط ستة يعمل شنو ؟
|
Post: #11
Title: Re: عليكم الطلاق الكج منكم وفيكم
Author: طلحة عبدالله
Date: 09-10-2011, 10:11 AM
Parent: #10
قال ليك المعز قبل تنفيذ المخالفة طلع طلعتو الغريبة ديك
ولما رجع لقي الكورة جوة الشبكة عاين للشفع البجيبو الكورة
وقال ليهم ما تهظروا ....
|
Post: #12
Title: Re: عليكم الطلاق الكج منكم وفيكم
Author: طلحة عبدالله
Date: 09-10-2011, 10:24 AM
Parent: #11
يا أبوعمير كل سنة واتا طيب ياخ
عارف لو كانت خماسية او سداسية واتا ماش كانت المغصة بتكون أخف شوية
باعتبار أنو الممطورة ما بتابى الرش لكن المشكلة في انو الجماعة كانوا
متقدمين وحتى لما جابوا فيهو التعادل قالوا المباراة تلتها ولا كتلتها
والنقطة خير من اللانقطة وبينما المباراة على وشك والجماعة في غمرة حساباتهم يحلمون
قوم يا الجنا طير جوز بى عوارة شديدة في المهاجم الذي توغل
في خط مافي ذاتو وقوم يا الحكم الما بكضب صفر توووووت ضربة جزاء
وتوتة توتة انتهت الحدوتة .....
|
Post: #13
Title: Re: عليكم الطلاق الكج منكم وفيكم
Author: طلحة عبدالله
Date: 09-10-2011, 10:44 AM
Parent: #12
سلامات يا خالد درق
غايتو الهلال أباها مملحة في بيتو
وربما أكلها قروض عن الجيران
|
Post: #14
Title: Re: عليكم الطلاق الكج منكم وفيكم
Author: طلحة عبدالله
Date: 09-10-2011, 10:50 AM
Parent: #13
صحيح أن بطاقة التأهل ما زالت في الملعب وأن أفق الهلالاب لايزال
يحمل في جوفه بعضا من (بصيص أمل) رغم أن التجارب الماضية ظلت
تردد دائما (مافي قسمة ) لكن قديما قيل في المقام (بالامل صبرت قلبي )
فهل (تتحقق الأماني مهما تكون بعيدة) أم سيغني الأحباب (ودعت هواك بلا حزن
وغدا انساك فتنسيني) ؟
|
Post: #15
Title: Re: عليكم الطلاق الكج منكم وفيكم
Author: محمد الخاتم
Date: 09-10-2011, 11:04 AM
Parent: #14
سلام استاذ طلحة
غايتو البقرأ الجرايد يوم الكورة دي بقول دا هلال كاتلونيا .
الله ريح الكاردينال من الحوافز !!!
|
Post: #16
Title: Re: عليكم الطلاق الكج منكم وفيكم
Author: Magdi Ahmed Elsheikh
Date: 09-10-2011, 03:46 PM
Parent: #14
سيفعلها الهلال اليوم ويريحنا ويريح اهله.....!!
ايه ده ياصفوة...
اثجمعنا مع الرجرجة واصحاب الاصفار الكبيرة.....
تمعن في عنوان البوست فقد استرحنا وارتحنا ياخ...!!
كج سيد الاسم...!!
|
Post: #17
Title: Re: عليكم الطلاق الكج منكم وفيكم
Author: طلحة عبدالله
Date: 09-10-2011, 07:15 PM
Parent: #16
معليش يا مجدي الشيخ
الظاهر البوست بتاعك سقط سهوا ضمن قائمة الكججة..
شوف أقرب كجاج ليك وأمسحا ليهو في وشو
|
Post: #18
Title: Re: عليكم الطلاق الكج منكم وفيكم
Author: طلحة عبدالله
Date: 09-10-2011, 07:19 PM
Parent: #17
سلامات يا محمد الخاتم وكل عام وانتم بخير
الجرايد الرياضية أبو الكججة وأمو والكج دا
ذاتو لو لقوا فيهو طريقة بكجوهو لمن يعرف حاجة ذاتو .
|
Post: #19
Title: Re: عليكم الطلاق الكج منكم وفيكم
Author: صبري طه
Date: 09-10-2011, 07:21 PM
Parent: #17
Quote: طلحة عبدالله كتب: صحيح أن بطاقة التأهل ما زالت في الملعب وأن أفق الهلالاب لايزال
يحمل في جوفه بعضا من (بصيص أمل) رغم أن التجارب الماضية ظلت
تردد دائما (مافي قسمة ) لكن قديما قيل في المقام (بالامل صبرت قلبي )
فهل (تتحقق الأماني مهما تكون بعيدة) أم سيغني الأحباب (ودعت هواك بلا حزن
وغدا انساك فتنسيني) ؟ |
طلحة يا عمّك .. غايتو عندك أسلوب أدبي جميل جداً ...
حقو بالمناسبة السعيدة دي تألف ليك كتاب زي حبيبنا "حبيب نورة" ...
واسم الكتاب يكون "البنسلين يا تمرجي" ...
دمت بود ،،،
|
Post: #20
Title: Re: عليكم الطلاق الكج منكم وفيكم
Author: طلحة عبدالله
Date: 09-11-2011, 08:49 AM
Parent: #19
Quote: حقو بالمناسبة السعيدة دي تألف ليك كتاب زي حبيبنا "حبيب نورة" ...
|
Quote: واسم الكتاب يكون "البنسلين يا تمرجي" ...
|
كمان مختار لي إسم الكتاب ذاتو
طيب يا عمك ما تألفو لي إتا مرة واحدة
|
Post: #21
Title: Re: عليكم الطلاق الكج منكم وفيكم
Author: أبوعبيدة محمد الأمين
Date: 09-11-2011, 10:15 AM
Parent: #20
الأخ الأستاذ/طلحة عبدالله
كل عام وأنتم بخير
يوم جمعة الحزن والرحيل كان عندنا عرس ودخالنا - العريس وجميع ناس بيتهم هلالاب -
والصيوان يضج وأنا بين إثنين من عتاة بنو زرقان العمدة بابكر عبدالواحد
وخالنا ودبادي وكان صاحبك حسن عمر خليفةعلى مقربة منا
قلت لهم والله إني لأجد ريحة مازبمبي هههههه
قالوا لي إنت زول ماعندك وطنية ومريخابي حاااااااااقد
قلت ليهم ياخي انتو بي كلامكم ده وإعلام الهلال ده ياهو السبب
ففريق الهلال فريق صنعه الإعلام ونفخ فيه من روحه حتى طاااااااااااار
وأهو ياخالي أحمد حسن عمر ودأختك ده وأشرت لحسن يوم واقعة مازيمبي
كتب أن الفوز بثلاثة ليس كافياً وكان ماكان في ذاك اليوم
والليلة إنتو منفوخين كده رغم مارأينهاه من إنهيار للفريق الأزرق في الكاميرون
وتتعللون بحجة الصيام فإنيي وتعيدون ذات الأسطوانة فإنيي أشتم رائحة مازيمبي جديدة
لكن بالطريقة النيجرية وقد كان....
|
Post: #22
Title: Re: عليكم الطلاق الكج منكم وفيكم
Author: طلحة عبدالله
Date: 09-11-2011, 11:10 AM
Parent: #21
أبوعبيدة الحبيب
تحياتي وكل عام وانتم بخير
وحاة الطلاق ما كج الهلال إلا الهلالاب ...
أنقل تحياتي لحسن عمر خليفة ومن يليه .
|
Post: #23
Title: Re: عليكم الطلاق الكج منكم وفيكم
Author: محمد يوسف الزين
Date: 09-11-2011, 11:14 AM
Parent: #22
أيامك يا حبيب
ناسنا ديل ما خلو لينا كلام نقولو
|
Post: #24
Title: Re: عليكم الطلاق الكج منكم وفيكم
Author: طلحة عبدالله
Date: 09-11-2011, 11:55 AM
Quote: ناسنا ديل ما خلو لينا كلام نقولو
|
تقطعوا القلب يا أبو حميد
|
|