Post: #1 Title: لــيه؟ Author: محمد عبد الماجد الصايم Date: 09-10-2011, 07:33 AM Parent: #0
ليه الهلال متمسّكـ بالمعز رغم إنو ماف كورة لاعب فيها إلا يجلّط ويلخبت ويرفع ضغط أي زول بتفرّج؟
Post: #2 Title: Re: لــيه؟ Author: محمد عبد الماجد الصايم Date: 09-10-2011, 07:34 AM Parent: #1
وليه أصغر مشجّع في الهلال بكون عارف التشكيلة الممكن يلعب بيها والتغييرات المطلوبة أثناء المباراة! لكن لا ميشو لا الطلطاشر القاعدين معاهو قادرين يعرفوها؟
Post: #3 Title: Re: لــيه؟ Author: محمد عبد الماجد الصايم Date: 09-10-2011, 07:35 AM Parent: #2
وليه ميشو زاتو قاعد في الهلال لحدي هسي؟ قسمّا بالله لو أدوها لوزير الدفاع الكورة كانت خلصت! طارق أحمد آدم دا مالو؟ بالعدم فوزي المرضي ياخ!!
Post: #4 Title: Re: لــيه؟ Author: محمد عبد الماجد الصايم Date: 09-10-2011, 07:37 AM Parent: #3
وليه ميشو يطلع علاء الدين ويدخل كاريكا؟ نحن ناقصين المرض الاسمو المدينة عشان يبوّظا زيادة؟ دي كورة يمرقوا منها علاء الدين يوسف؟ ياخ الزول لاعب بمزاج ومقطعا في حنان حنانم!! لو داير تغيّر أمرق المدينة ودخّل بشة ياخ!
Post: #6 Title: Re: لــيه؟ Author: محمد عبد الماجد الصايم Date: 09-10-2011, 07:39 AM Parent: #4
وليه السادة الوصيفاب ما بتذكروا تلفوتنا إلا لما (يرشّونا)؟ بالله التلفون شغال كاااكـ كاااكـ كاااكـ قرّبت أعمل فيهو حركة (ديكـ المصاقيل)!!
Post: #7 Title: Re: لــيه؟ Author: محمد عبد الماجد الصايم Date: 09-10-2011, 07:41 AM Parent: #6
وليه الجزيرة الرياضية كلّ مرة مارضانا بسوار الدهب؟ والأجمل داير يعمل فيها حريف وظريف ومقطّعا!! قال أداهو باص (بالشوكة والمعلقة)!! ياخ إنت ما قاعد تقلّد إلا أبيخ معلّق في الجزيرة الرياضية وما قاعد يقولها بالطريقة دي بقول (بالمسطرة والقلم)! يا قلّد بالطريقة الصاح يا خليها كمان!!
طبعا بطني طمّت من قعد يحسب حسابات (هزيمة الهلال)! الكلام دا قبل الدقيقة سبعين! أنا طوالي قنعت من الموضوع!!
Post: #8 Title: Re: لــيه؟ Author: محمد عبد الماجد الصايم Date: 09-10-2011, 07:45 AM Parent: #7
بالله سوار الدهب يدخل ليكـ الدارجي في الفصيح لمّن يلخبت (السبستتيوت) بتاع الرسيفر زاتو!!!
باقي يقول سـ (نوريهم) وسـ (نجدعهم) خلف ذاكـ الخور!!
Post: #5 Title: Re: لــيه؟ Author: عبد اللطيف بكري أحمد Date: 09-10-2011, 07:38 AM Parent: #3
وليه جماهير المريخ مشاركة بقوة في دوري الكبار رغم إنو فريقهم لم يحدث في تاريخه أن أوصلهم لهذه المرحلة؟؟
إزيك ياخ!! بقيت كعب!!!
Post: #9 Title: Re: لــيه؟ Author: محمد عبد الماجد الصايم Date: 09-10-2011, 07:47 AM Parent: #5
Quote: وليه جماهير المريخ مشاركة بقوة في دوري الكبار رغم إنو فريقهم لم يحدث في تاريخه أن أوصلهم لهذه المرحلة؟؟
حبيبنا .. أضيف لكلامكـ (ولن يوصلهم)!!
ما بقيت كعب والله المعايش بقت جبّارة بالجد
تلفوني من قبل العيد عملت ليهو (أبديت) .. الفنّي دقس ولحس كل الأسامي .. وياهو قال عملت أبديت وما لاقيهو .. نشوف نصل لوين!!
Quote: وليه جماهير المريخ مشاركة بقوة في دوري الكبار رغم إنو فريقهم لم يحدث في تاريخه أن أوصلهم لهذه المرحلة؟؟
جماهير المريخ متعودين على الكاسات المحمولة جواً ... عشكان كدا بتواجدوا في المحلات هم متعودين عليها انتو عندكم دولاب بتاع كاسات دولية عبداللطيف بكري اخوي كل سنة وانت طيب وعيد سعيد
ودالصائم وابية مسكاقمي الفلاتة دخلتوا فيهم هدف تسلل والفلاتي ما بيرضى الهقارة
Post: #20 Title: Re: لــيه؟ Author: أمير فتحي Date: 09-10-2011, 08:13 AM Parent: #19
وليه ود الصائم يضحك ملء شدقيه في يوم الحزن هذا ؟؟؟
صورة بروفايلك مستفزه خاااااالس
Post: #26 Title: Re: لــيه؟ Author: محمد عبد الماجد الصايم Date: 09-10-2011, 08:31 AM Parent: #20
Quote: الفلاتة دخلتوا فيهم هدف تسلل والفلاتي ما بيرضى الهقارة
عمو حمزاوي .. تسلل شنو ياخ!! بعدين القونين الجابوهم ديل سلفكة ساي .. كلو هدايا مجانية!! لا المعز يبرّد القلب لا مساوي ينستر في نهاية الكورة!!
_
Post: #28 Title: Re: لــيه؟ Author: محمد عبد الماجد الصايم Date: 09-10-2011, 08:32 AM Parent: #20
Quote: صورة بروفايلك مستفزه خاااااالس
أميرز يا عمكـ .. أصلوا غير الحلقوم الكبير دا ماف شي مصبّرنا على كورتنا المرض دي!!!
يعني المعز بحركاتو و##### الكتيرة دي ما استفزتكـ؟
Post: #21 Title: Re: لــيه؟ Author: اسعد صلاح البدري Date: 09-10-2011, 08:15 AM Parent: #19
الله لا كسبك يا ميشو
ارحل ارحل يا البشير اقصد يا البرير
Post: #23 Title: Re: لــيه؟ Author: أحمد محمد عمر Date: 09-10-2011, 08:21 AM Parent: #21
Quote: وليه ميشو يطلع علاء الدين ويدخل كاريكا؟
دي كمان عملها ميشو ؟!!!!!
عينكم للفيل وتطعنوا في الكديسة
Post: #30 Title: Re: لــيه؟ Author: محمد عبد الماجد الصايم Date: 09-10-2011, 08:34 AM Parent: #23
Quote: دي كمان عملها ميشو ؟!!!!! عينكم للفيل وتطعنوا في الكديسة
أحمد يا عمكـ كديسة عديل!
يعني ميشو دا قاعد (عارض) ساي؟
بالله القصة ماشة صاح وداير يغيّر المدينة بكاريكا! تسمع الكواريكـ من ورا (علاء الدين .. علاء الدين)! فجأتن كـدا قام مرق علاء الدين!!
Post: #32 Title: Re: لــيه؟ Author: محمد عبد الماجد الصايم Date: 09-10-2011, 08:35 AM Parent: #23
Quote: الله لا كسبك يا ميشو ارحل ارحل يا البشير اقصد يا البرير
صاحب السمو أسعد حفظه الله! لو ساقوا معاهم المعز يكون مية مية!!
Post: #22 Title: Re: لــيه؟ Author: محمد إبراهيم علي Date: 09-10-2011, 08:19 AM Parent: #19
يحمل سوارالدهب او ايا كان اسمه المسؤولية فتأمل على هيك هلالاب او صفيراب او ايا كان وصفهم كاااااااك كاااااك
Post: #25 Title: Re: لــيه؟ Author: ابراهيم محمد الحسن Date: 09-10-2011, 08:31 AM Parent: #22
ليه :
Quote: مجلس الهلال يعقد اجتماعا طارئا بعد المباراة ويتكتم علي القرارات وتوقعات باقالة ميشو .. عقد مجلس ادارة الهلال اجتماعا طارئا برئاسة الامين البرير عقب مباراة الفريق امام اينمبا النيجيري التي خسرها بهدفين مقابل هدف وتكتم المجلس علي الاجتماع الذي استمر لاكثر من ساعة بقاعة كبار الزوار بالاستاد ومن المتوقع ان يقرر المجلس اقالة المدرب الصربي ميشو عقب الخسارة وتدني عروض مستوي الفريق والاستعانة بالمدرب الوطني محي الدين الديبة مدرب منتخبنا الاولمبي لمواصلة مشوار الفريق واعداده لمباراة الرجاء المغربي بالمغرب.
Post: #27 Title: Re: لــيه؟ Author: ابراهيم محمد الحسن Date: 09-10-2011, 08:32 AM Parent: #25
وليه :
Quote: غضب وصدمة وسط جماهير الهلال خلفت الخسارة المفاجئة للهلال مساء امس امام ضيفه اينمبا النيجيري صدمة كبري وغضب وسط جماهير الهلال التي خرجت ساخطة علي اللاعبين والجهاز الفني وادارة الفريق وهتفت الجماهير باقالة المدرب ميشو واحتجت بشدة علي ادارة النادي بسبب تدخلات بعض كبار لاعبي الفريق في تغيير وجهة نظر المدرب في التبديلات بالشوط الثاني بعد ان اعطي الاشارة لمدرب اللياقة فتحي بشير بتجهيز المحترف اوتوبونج ليتراجع ميشو ويعدل عن رايه بتجهيز كاريكا الذي تم ادخاله بدلا لعلاء الدين المصاب.
Post: #29 Title: Re: لــيه؟ Author: ابراهيم محمد الحسن Date: 09-10-2011, 08:33 AM Parent: #27
ليه وليه
يا النسيت كاساتنا ليه ..
Post: #33 Title: Re: لــيه؟ Author: محمد عبد الماجد الصايم Date: 09-10-2011, 08:38 AM Parent: #29
Quote: يحمل سوارالدهب او ايا كان اسمه المسؤولية فتأمل على هيك هلالاب او صفيراب او ايا كان وصفهم
قسماً بالله يا هندسة .. الزول دا (كُج)!! يدخل خشمو دا في أي حاجة تبوظ!!!
يعني بقت علينا ميشو ومعز وسوار الدهب!!!
Post: #36 Title: Re: لــيه؟ Author: محمد عبد الماجد الصايم Date: 09-10-2011, 08:40 AM Parent: #29
شكرا يا إبراهيم الحسن يا هندسة على وضعنا في آخر التطورات على الصعيد الهلالي!!
Post: #34 Title: Re: لــيه؟ Author: محمد المسلمي Date: 09-10-2011, 08:39 AM Parent: #27
ياعمك كل سنة وانت طيب وخيرة في غيرة
Post: #39 Title: Re: لــيه؟ Author: محمد عبد الماجد الصايم Date: 09-10-2011, 08:53 AM Parent: #34
Quote: ياعمك كل سنة وانت طيب وخيرة في غيرة
أبو السارة .. كل سنة وإنت طيب ياخ ومبروكـ (الهديدة)!! غايتو خيرا في غيرا دا إلا يخلصونا من المعز وميشو!!
Quote: طبعا بطني طمّت من قعد يحسب حسابات (هزيمة الهلال)! الكلام دا قبل الدقيقة سبعين! أنا طوالي قنعت من الموضوع!!
في مباراة الفريق القومي التي خرج منها في البطولة الإفريقية بالخرطوم وقبل طرد هيثم مصطفى ... علّق تعليق عن هيثم وقال: هيثم مصطفى زي ما يكون كدة مركّب مرايات جنب !!!
بعدها هيثم مصطفى نال البطاقة الحمراء ...
فتأمل
Post: #35 Title: Re: لــيه؟ Author: محمد عثمان Date: 09-10-2011, 08:40 AM Parent: #31
بكره تتحقق امانى...
ود الصائم..
كل سنه و انت طيب
يا ربى يكون ميشو قابض من الجماعه ديل ولا شنو..؟؟
Post: #40 Title: Re: لــيه؟ Author: محمد عبد الماجد الصايم Date: 09-10-2011, 08:54 AM Parent: #35
Quote: يا ربى يكون ميشو قابض من الجماعه ديل ولا شنو..؟؟
محمد عثمان يا حبيبنا الذي يتحفنا بكل جميل! ميشو دا ما أظن عندو مشكلة .. المشكلة في المعز وعوارتو!!
Post: #37 Title: Re: لــيه؟ Author: أمير فتحي Date: 09-10-2011, 08:40 AM Parent: #31
Quote: يعني المعز بحركاتو و##### الكتيرة دي ما استفزتكـ؟
ياعمك ... المعز رابط ليهو بي عكاز مضبب في الركن التالت من بيتم ...بس لي أسا ماظهر
Post: #41 Title: Re: لــيه؟ Author: محمد عبد الماجد الصايم Date: 09-10-2011, 08:55 AM Parent: #37
Quote: ياعمك ... المعز رابط ليهو بي عكاز مضبب في الركن التالت من بيتم ...بس لي أسا ماظهر
ولا أظن ح يظهر قريب!! حاول أربط ليهو بي حاجة تانية! إن شاء الله تربط ليهو شريط الكدارة!!
Post: #38 Title: Re: لــيه؟ Author: محمد عبد الماجد الصايم Date: 09-10-2011, 08:41 AM Parent: #31
Quote: في مباراة الفريق القومي التي خرج منها في البطولة الإفريقية بالخرطوم وقبل طرد هيثم مصطفى ... علّق تعليق عن هيثم وقال: هيثم مصطفى زي ما يكون كدة مركّب مرايات جنب !!!
بعدها هيثم مصطفى نال البطاقة الحمراء ...
إنا لله! كان كدا الزول دا (واصل) يا صبري!! ياخ دا (التأمل) زاتو ما أظن يجيب معاهو نتيجة!!
واصل وبس !!! دة شكلو كدة واصل علي ذاتو ما بلحقوا !!!
أنا مما سمعت التعليق دة عرفت موضوع هيثم مستحمي
ـــــــ ياخي دة كُج أكتر من أخونا الفتحوا ليهو بوست بي غادي
Post: #43 Title: Re: لــيه؟ Author: محمد عبد الماجد الصايم Date: 09-10-2011, 09:14 AM Parent: #42
Quote: ياخي دة كُج أكتر من أخونا الفتحوا ليهو بوست بي غادي
ملعوبة والله يا صبري
واحدة من الكور على خط التماس .. ما متذكر بكري ولّ هيثم ول منو المهم جاهو مدافع طاير سحب منو الكورة المدافع شتّت هوا
سوار الدهب قال: يا سلام .. (المدينة) سحبو وداهو نيجيريا! قبل ما يكمّل كلامو الكورة طلعت تماس!!
Post: #46 Title: Re: لــيه؟ Author: أحمد محمد عمر Date: 09-10-2011, 09:22 AM Parent: #42
Quote: بالله القصة ماشة صاح وداير يغيّر المدينة بكاريكا! تسمع الكواريكـ من ورا (علاء الدين .. علاء الدين)! فجأتن كـدا قام مرق علاء الدين!!
لا وانت الصادق الكواريك ما من ورا .. من قدام من جوة الملعب وهي ذاتها ما كواريك .. تعليمات عديييييييل كدة ومن سعادتو شخصياً
Post: #48 Title: Re: لــيه؟ Author: محمد عبد الماجد الصايم Date: 09-10-2011, 09:39 AM Parent: #46
Quote: وهي ذاتها ما كواريك .. تعليمات عديييييييل كدة ومن سعادتو شخصياً
أحمد يا عمكـ .. إت قايلني قاعد في الاستاد ولّ شاشتي HD عشان أعرف ليكـ القاعد يكوركـ دا منو .. المهم في زول كوركـ وخلاص!!
بعدين ما دام من سعادتو يبقى كلامو ماشي تب
Post: #44 Title: Re: لــيه؟ Author: عمر علي حسن Date: 09-10-2011, 09:16 AM Parent: #38
Quote: وليه الجزيرة الرياضية كلّ مرة مارضانا بسوار الدهب؟ والأجمل داير يعمل فيها حريف وظريف ومقطّعا!! قال أداهو باص (بالشوكة والمعلقة)!!
الصائم اذا انت لم تشرب مرارا علي القذي ***** ظمئت وأي الناس تصفو مشاربه (لاتدري لعل الله يحدث بعد ذلك امرا) .. صدق الله العظيم
انا قليل التشاؤم ولكن هذا السوار سيخرجني من المله .
طوّل بالك
عمر علي حسن
Post: #45 Title: Re: لــيه؟ Author: محمد عبد الماجد الصايم Date: 09-10-2011, 09:21 AM Parent: #44
عمو عمر .. حبيبنا وتاج راسنا هاردلكـ ياخ .. وإن شاء الله العترة تصلّح المشية!
أنا زيكـ والله يا عمنا .. لكن سوار الدهب دا بالذات مما ينقّ فيها بتتلخبت فوق تحت! أهو شوف كلام صبري الفوق دا! والله العظيم مما دخّل حسابات خسارة الهلال أنا قعدت أكوركـ فيهو ياخ إنت مالكـ ومال الهلال وحساباتو .. علّق كورتكـ وخلصنا ياخ! أهو جات على (ما يشتهي) والمعز (حامي العرين) ما خيّب ظننا لكن زعلت لبلنتي مساوي .. ما فيهو أي تفكير ولا احترافية! عملية زي دي (تفل) ما يعملا زي ما قالوا!!
حبابكـ يا عمنا وكل سنة وإنت طيب
Post: #47 Title: Re: لــيه؟ Author: ناصر احمد الامين Date: 09-10-2011, 09:38 AM Parent: #45
Quote: لــيه؟ لــيه؟
و الله انت زول راقي يا ود الصايم اكتفيت بالتساؤلات المشروعة لكين في ناس كدا قررربوا يسبوا لينا الدين