Quote: شجعينا بالاصفر بس ..قالوا النسوان ناقصات عقل ودين وانتي كلك عقل ودين فخلي نقصك في اللون ..
لا لا لا لا لا لا لا لا لا
ما حاشجع ناس الاصفر ديل , احسن عشان هم دهب نخلي ليهم رجالهم ( ولا ناقصين عقل ودين ولا شئ ) , وبعدين بصراحة كدي انا زاته ما بقدر اخلي نقصي في اللون , ياااااااخ بنات السودان كلهن بقن صفر ( بضم الصاد , ما بعرف اعملا من الكمبيوتر علي فكرة ) , دايرني براي اكون زرقاء .
نقول شنو بس , كنا عايزين نكتب في بوستنا بتاع الحبوبات داااااااااك , لكن برضو ما هسة والنصيحة لي الله , هسة ما ميشو والمعز السبب , السبب خلوهو بس في سري ,
يا اخوان واخوات والله مغرودة ( بضم الراء ) في خدمة .
عليكن الله , الاعضاء في رابط بيربط بينهم لما يكونو اونلاين , يعني هل في وسيلة مسجس وكدي وحاجات خاصة ؟؟؟
Quote: عليكن الله , الاعضاء في رابط بيربط بينهم لما يكونو اونلاين , يعني هل في وسيلة مسجس وكدي وحاجات خاصة ؟؟؟
ايوا في يارشا ...حاجة اسمها الماسنجر بتلقيها فوق ومابتظهر ليك الا يضيفك عضو في ايميله الخاص يعني خشي البروفايل بتاعي واضيفيني في الياهو وبعد داك بيظهروا الاعضاء ومن ضمنهم انا ده ...
Quote: ايوا في يارشا ...حاجة اسمها الماسنجر بتلقيها فوق ومابتظهر ليك الا يضيفك عضو في ايميله الخاص يعني خشي البروفايل بتاعي واضيفيني في الياهو وبعد داك بيظهروا الاعضاء ومن ضمنهم انا ده ...
كيف ما مخصومة من باندوثي ؟ دي مخصومة من باندوثات الجميع البت جاية منداحة في كل مداخلة كلمتين ده بضر الباندوث و بطفش القراء
بعدين بيني و بينك انا حاسة انه البرلومة دي عندها اجندة خفية لتفتيت البورداب ..ده غير انه ما ممكن البحصل ده المنبر كله بقى برالمة
الشي الوحيد البغفر ليك يا برلومة انك مريخابية كان كنتي هلالابية كان بنسحب منك الباصووورد رايت اويي
Post: #52 Title: Re: ليه كدي يا ميشو والمعز؟ غايتو بس سم بالعسل !!!!!!!!! Author: احمد التجانى احمد Date: 09-10-2011, 01:54 PM Parent: #48
Quote: فايزودالقاضي
هسة بدل المقابضة والهضربة بتاعتك دى , فلقتنا ياخ شى دهب وشى تيوة كان تدى البرلومة دى الدرب وتوريها انه الهلال دة غالب او مغلوب ما بيتكلموا فيه ساى كدة مفروض فى الاول تتمرن بالتداخل فى بوستات ناس خليل وهشام المجمر وعمر بوب ومعاوية وود البشرى حتى بعد كدة يسمح لها بفتح البوستات بعد ان تثبت جدارتها يا برلومة من كلامك عن المخ اليمين والشمال شكلك كدة عندك علاقة بالطب والناس ديل معروفين كجاجيييين خلاس
Quote: مفروض فى الاول تتمرن بالتداخل فى بوستات ناس خليل وهشام المجمر وعمر بوب ومعاوية وود البشرى حتى بعد كدة يسمح لها بفتح البوستات بعد ان تثبت جدارتها
حاضر
Post: #57 Title: Re: ليه كدي يا ميشو والمعز؟ غايتو بس سم بالعسل !!!!!!!!! Author: سناء عبد السيد Date: 09-10-2011, 02:29 PM Parent: #56
Quote: اكتر حاجة عجبتني هنا اجندة خفية دي .
وبرضو حاضر
تحضري ما تغيبي ..خلاص كده اكتبي زي ما عاوزة و ما تشتغلي بالباندوث كتير
اعرفك بنفسي سناء عبد السيد المسؤولة عن شؤون البرالمة بالمنبر ..لو واجهتك اي مشكلة كلميني..لو واجهتك اي مشكلة فنية استشيري عمك ابو حسين
## بت حسن سوار الدهب.. ** سلام ومساءك خير.. ## غايتو الكارثه الإسمو المُعز من نهاية الكوره الى الآن ودانى المُستشفى مرتين ,, الله لاكسبو عافيه عشان توقفو تحت تلاتة خشبات حتى ولو كانو عايزين يعرشو بيهم راكوبه..
** موضوع الراء وعليها الضمه :- تعملى shift وتضغطى على حرف ُثـ\E - بيكون شكل الراء :- رُ رُ رُ (ودام الود بين الجميع فى حب سيد البلد بدون وجود المعز والكارثه الآخر المدعو ميشو) (ابو محمد فؤاد)
Quote: ## بت حسن سوار الدهب.. ** سلام ومساءك خير.. ## غايتو الكارثه الإسمو المُعز من نهاية الكوره الى الآن ودانى المُستشفى مرتين ,, الله لاكسبو عافيه عشان توقفو تحت تلاتة خشبات حتى ولو كانو عايزين يعرشو بيهم راكوبه..
** موضوع الراء وعليها الضمه :- تعملى shift وتضغطى على حرف ُثـ\E - بيكون شكل الراء :- رُ رُ رُ (ودام الود بين الجميع فى حب سيد البلد بدون وجود المعز والكارثه الآخر المدعو ميشو) (ابو محمد فؤاد)
شكراً ابو الحسين علي تنزيل الفيديو والبرنامج كان في رمضان بعد الافطار علي قناة قوون ونال رضا المشاهدين لبساطته .
يا سناء كلامك صاح وحقك علي فعلاً رفقاً بالباندوث .
بس انا عايزة اشتكي ليك , السناير طلعو عندهم حبة غتاتة يعني ينزلوا لينا الفيديو وما عايزين يورونا بنزلوا كيف
علي فكرة هنا الواحد بعد كم سنة ببقي سينير ؟, إن شاءالله زي الجامعة وسنة تانية طوااااالي يكون اتسنير وكدي وعلي فكرة تانية انا عايزاكم تعملو انتخابات حرة ونزيهة وعايزة ارشح نفسي الفة علي البرالمة وسوف اقوم بحملة دعائية شرسة , قبل شوية طبعتا البوسترات وحاعلقها علي بوابة كل بوست فبالله رشحوووووووونا وانا برنامجي الانتخابي يتكون من تعريف البرالمة الخطوط الخضراء والحمراء والبرتقالية كمان ( اشارة مرور وكدي ) , واهو نخش عالم سودانيز اونلاين من اوسع ابوابه ونبقي مشهوريييييين وكدي وعلي فكرة برضو بعد أذنك انتي وعمو ابو الحسين انا قمت بجولة علي الارشفة , قلنا نشوف الاعضاء الكتار ديل البيملؤ الصفحة في كسر من الثانية كتبو شنو وخلو شنو , والحمدلله لقيتهم ما خلو حاجة تب .
اها يا سنوية لقيتني كيف في المداخلة دي , عملتا مداخلتين في واحدة , فبالله رشحونا لمنصب الالفة .
وعلي فكرة مرة اخيرة انتو العاملة زي البت وبتدمع اللي في خشم البوست بتاعي دي , بتدمع طووووالي كدي ؟ يعني والبوست قافل والبوست فاتح ؟ والناس صاحية والناس نائمة ؟ انا بس بسأل عشان حنيت عليها والله لانو كدي حيحصل ليها فقد سوائل وبالاخس انو شكلها صغيرة .
يعني يا المعز وميشو كلو ما اقول ما اجيب سيرتكم تاني وازح البوست دي من وشي عشان ارجع لي موضوعي بتاع الحبوبات داك ( تلقاني بادي من الألف )
يعني لزومه شنو تخلونا تحت رحمة الناس التانين ؟؟؟ شئ صوف كاميروني وشئ توسل مغربي ؟ كان علي انيمبا داك فهو في المباراة النهائية قاعد شوف عيني . كان الكاس ما حقو
تشغلي المقطع على اليوتيوب و داخل المقطع تضغطي على الماوس باليمين بتجيك اللسته دي تضغطي نسخ شفرة التضمين تجي مكان المداخلة و تضغطي على الماوس باليمين تجيك لستة أضغطي على لصق فيها حا إنزل عندك الكود في المداخلة قبل ما تضغطي على رد أضغطي على شاهده قبل النشر علشان تتأكدي إنو الكود نزل بي طريقة صحيحة و المقطع شغال......
Quote: تشغلي المقطع على اليوتيوب و داخل المقطع تضغطي على الماوس باليمين بتجيك اللسته دي تضغطي نسخ شفرة التضمين تجي مكان المداخلة و تضغطي على الماوس باليمين تجيك لستة أضغطي على لصق فيها حا إنزل عندك الكود في المداخلة قبل ما تضغطي على رد أضغطي على شاهده قبل النشر علشان تتأكدي إنو الكود نزل بي طريقة صحيحة و المقطع شغال......
ما هذا يا ابا الحسين ؟
دي عملية حاسوبية , كمبيوترية , حسابية , رياضية , احيائية , فيزيائية , كيمائية , انجليزية , تشريحية , فسيولوجية , بايو كيمائية , دوائية , نفسية وعصبية , معقدة جداً بالنسبة لامكانيتي المتواضعة ( رحم الله امرئ عرف قدر نفسه ) ولكني اكيد حاحاول اتعلمها .
شكراً جداً علي المساعدة والحمدلله انو المنبر بيه ناس مسؤلين عن شئون البرالمة , ولا كان البرالمة ما حيأكلو عيش ناشف وقريش في المنبر دي .
شكراً برضو علي رابط البوست المذكور
تحياتي واحترامي ودمتم بخير .
دي ضمن الحملة الانتخابية بتاعتي ليتم ترشيحي لمنصب الفة البرالمة .
اختارت لجنة الحكام الرئيسية بالاتحاد الافريقي لكرة القدم طاقم تحكيم سودانى بقيادة خالد عبدالرحمن لادارة مباراة الأهلى مع الترجى الرياضى التونسى والمقرر لها الجمعة القادمة فى الجولة الأخيرة من مرحلة المجموعات ببطولة دورى الابطال .
وسيتكون طاقم التحكيم من خالد عبدالرحمن حكماً للساحة ويعاونه كلاً من وليد محمد أحمد وعارف حسب الرسول والحكم الرابع الفاضل أبو شنب ومراقب المباراة تسفاى من اريتريا والمنسق مقسويا من مالي .
واخر مباراة ادارها عبدالرحمن للأهلى هى مواجهة سوبر سبورت الجنوب افريقى فى ذهاب دور الـ 32 من البطولة حيث حقق الأهلى خلالها الفوز بهدفين نظيفين وهى ذات النتيجة التى يرغب فى تحقيقها على حساب الترجى من أجل انتزاع بطاقة العبور الى نصف النهائى .
أنتهت مباراة الترجي / الاهلي بالامس بسلام والحمدلله دون احداث شغب , واكدت النتيجة ان دوري المجموعات لا يعرف الكبار وانما العطاء , فهاهو الاهلي القاهري سيجلس خارج المربع الذهبي , بالنسبة للترجي ومع ان كرة القدم لا تعرف التوقعات ولكنه ربما سيكون احد طرفي النهائي .
شكراً الاتحاد الافريقي لمنح الثقة لطاقم تحكيم سوداني لان المباراة كانت علي قدر من الحساسية ونستطيع ان نقول عليها نهائي مبكر .
كنت اتمني ان استطيع تنزيل صور لاولئك الحُكام ولكني لم اتمكن بعد من تنزيل الصور .
هدد لاعبو إنييمبا النيجيري بالإضراب وذكروا أنهم لن يؤدوا مباراة القطن في الجولة الأخيرة من دور المجموعات لدوري أبطال إفريقيا يوم الأحد في خطوة للضغط على إدارة النادي لتسليمهم حوافزهم المتأخرة وذكر موقع (إم تي إن) فوتبول نقلاً عن صحيفة (سبورت داي) وقال شيدوزي جونسون قائد إنييمبا في تصريحات للموقع أن لاعبي الفريق يدرسون مقاطعة المباراة احتجاجاً على عدم استلامهم بقية مستحقاتهم المالية منذ ثلاث سنوات وأضاف: لم نحصل على أي أموال من الإدارة وظللنا نلعب من دون احتجاج نحن نعول أسراً ولا يمكننا اللعب دون الحصول على مستحقاتنا المالية لذلك ربما لا نؤدي مباراتنا أمام القطن ومن جانبه ذكر فليكس أنيانسي رئيس النادي للموقع نفسه أنه لم يسمع بهذا الأمر ولم يتحدث إليه اللاعبين في هذا الخصوص وقال: لا أعلم من أين أتيتم بهذا الحديث.
شكراً علي المرور . التحية لكم جميعاً اهل القبيلة الزرقاء بالمنبر . وتحية مماثلة لاهل القبيلة الحمراء احاول دائماً ان اتعلم منكم , أنت وبقية الاخوة المتابعين لكرة القدم في المنبر فمن المؤكد اني اقل منكم بكثير وخصوصاً من الناحية الفنية .
بالنسبة للخبر : اتمني ان لا يقلق الاهلة بشأن الخبر , حتي وان هدد لاعبو انيمبا بعدم اللعب , سيخوضوا المباراة وبقوة وسيكون عينهم علي النهائي , انيمبا فريق كبير يصل النهائي وحامل للكأس من قبل .
بعيداً عن القطن وانيمبا , اتمني ان يركز لاعبو الهلال علي كسب الرجاء بالمغرب .
مـــــــــــــــــــــــــــــــــــــــــــــــاهذا يا مصاروة انتم ؟؟
الكورة وشوبير علي قناة مودرن كورة : شوبير وضيفيه يتفقوا علي ان الحكم يتحمل جزء من المسئولية في خروج النادي الاهلي . صحيح انهم تحدثوا عن اخطاء فنية في طريقة لعب النادي الاهلي ولكن الزعلني جد انهم كمان اتفقوا انو الحكم حسم المباراة في آخر عشرة دقائق وحكم عليها بالانتهاء من الدقيقة الثمانون وتعامل معها علي انها انتهت .
