Post: #6 Title: Re: ألحان عقد الجلاد .. أصيلة أم مسروقة ! Author: طارق عمر مكاوي Date: 09-07-2011, 08:50 AM Parent: #5
مافي زول فينا ممكن ينكر عبقرية عقد الجلاد .. و أسهاماتها النوعية جداً في مسيرة الغناء في السودان
Post: #7 Title: Re: ألحان عقد الجلاد .. أصيلة أم مسروقة ! Author: anwar abu gaidaa Date: 09-07-2011, 09:29 AM Parent: #6
الكلمات للاستاذ محمد الفاضلابى بالسويد والالحان للاستاذ شريف شرحبيل بالسودان الاجابه لا يوجد تشابه غير النمط الايقاعى
Post: #8 Title: Re: ألحان عقد الجلاد .. أصيلة أم مسروقة ! Author: طارق عمر مكاوي Date: 09-07-2011, 09:44 AM Parent: #7
الأخ أنور
مشكور علي التعليق ..
أنا ما زول مختص في الموسيقي .. لكن من خلال إستماعي للإغنيتين شعرت انه ده نفس اللحن تماماً مع بعض السودنة الطفيفة .. بل يكاد يكون تم إفراغ الكلمات الإنجليزية و أبدلت مكانها كلمات كل ما نقول كملنا الليل .. حسب تجربة سماعي الفطيرة
تقديري
Post: #9 Title: Re: ألحان عقد الجلاد .. أصيلة أم مسروقة ! Author: محمد عبد الماجد الصايم Date: 09-07-2011, 09:59 AM Parent: #8
غايتو بالغت يا طارق .. بالطريقة دي كلو سبعة أغنيات بكونن لحن واحد!!
أغنية الفاضلابي وشريف دي بالذات فيها شغل غير طبيعي! وأنور الفوق دا مؤسس لـ (عقد الجلاد)!
النجيضة .. كل سنة وإنت طيب!
Post: #11 Title: Re: ألحان عقد الجلاد .. أصيلة أم مسروقة ! Author: صبري طه Date: 09-07-2011, 10:18 AM Parent: #9
Quote: أنور كتب: الاجابه لا يوجد تشابه غير النمط الايقاعى
أخونا أنور في تشابه في جزء من اللحن وواضح كمان !!!
Quote: محمد عبدالماجد الصايم كتب: وأنور الفوق دا مؤسس لـ (عقد الجلاد)!
وبرضو في تشابه في جزء من اللحن
ــــــ يعني خلاص هرشتنا
Post: #13 Title: Re: ألحان عقد الجلاد .. أصيلة أم مسروقة ! Author: محمد عبد الماجد الصايم Date: 09-07-2011, 10:39 AM Parent: #11
صبري يا طابور خامس .. خلاس بقيت مع رقدلكـ فوق (رأي)!!
Post: #15 Title: Re: ألحان عقد الجلاد .. أصيلة أم مسروقة ! Author: صبري طه Date: 09-07-2011, 10:55 AM Parent: #13
Quote: صبري يا طابور خامس .. خلاس بقيت مع رقدلكـ فوق (رأي)!!
غايتو يوم حتقتل ليك زول
Post: #16 Title: Re: ألحان عقد الجلاد .. أصيلة أم مسروقة ! Author: احمد محمد بشير Date: 09-07-2011, 11:16 AM Parent: #15
الاخ طارق مكاوي سلامات
شريف شرحبيل , من اجمل الاصوات في الفرقة شريف عضو عقد الجلاد من اسرة فنية لذلك ما تستغرب هذا اللحن والابداع
في تشابه بسيط في الايقاع و اللحن
شوف في الفيديو ابداع اخونا شريف شرحبيل في مقدمة حكايات سودانية
Post: #10 Title: Re: ألحان عقد الجلاد .. أصيلة أم مسروقة ! Author: Mahmoud Mustafa Mahmoud Date: 09-07-2011, 10:08 AM Parent: #7
العنوان غير موفق...
والتناول بهذه الطريقة لا يخلو من الغرض .. والله تعالى أعلم..
حيث أورد صاحب البوست في عنوانه أن "ألحان" عقد الجلاد..على سبيل التعميم
يعني ألحان كتار ولا شنو ؟؟
ثم أورد مثالاً لأعنية إنجليزية..
أغنية واحدة يعني؟؟
ثم إن تشابه النمط الإيقاعي بل حتى توظيف قوالب لحنية
ليس معيباً للعمل الإبداعي في تقديري..
========
المصري قال لصديقه:
- هو حسن شحاتة وعلاء ميهوب اخوات؟؟
رد الآخر:
- تشابه أسماء...
==========
الأخ الفنان الجميل أنور عبد الرحمن المهل
كل عام وأنت ومن تحب بكل خير وسعادة..
لم يسعفني الحظ في لقائك بالخرطوم خلال إجازتي القصيرة أثناء رمضان ..
حيث علمت من الأخوان إنك متواجد في هولندا..
زايغ من السخانة؟؟
كر علي يا ود أمي..
بالنسبة للبوست:
مجرد الرد عليه يعني اهتمامك ومتابعتك اللصيقة وحرصك الشديد
على مسيرة هذه المجموعة الرائدة والمعطاءة..
كن دائماً بخير..
وشكراً لصاحب البوست وله التحية من قبل ومن بعد..
مع الأمنيات بالتوفيق في بوستات أخرى..
محمود العربي
Post: #12 Title: Re: ألحان عقد الجلاد .. أصيلة أم مسروقة ! Author: بله محمد الفاضل Date: 09-07-2011, 10:31 AM Parent: #10
Quote: العنوان غير موفق...
والتناول بهذه الطريقة لا يخلو من الغرض .. والله تعالى أعلم..
حيث أورد صاحب البوست في عنوانه أن "ألحان" عقد الجلاد..على سبيل التعميم
يعني ألحان كتار ولا شنو ؟؟
ثم أورد مثالاً لأعنية إنجليزية..
أغنية واحدة يعني؟؟
ثم إن تشابه النمط الإيقاعي بل حتى توظيف قوالب لحنية
ليس معيباً للعمل الإبداعي في تقديري..
========
المصري قال لصديقه:
- هو حسن شحاتة وعلاء ميهوب اخوات؟؟
رد الآخر:
- تشابه أسماء...
==========
الأخ الفنان الجميل أنور عبد الرحمن المهل
كل عام وأنت ومن تحب بكل خير وسعادة..
لم يسعفني الحظ في لقائك بالخرطوم خلال إجازتي القصيرة أثناء رمضان ..
حيث علمت من الأخوان إنك متواجد في هولندا..
زايغ من السخانة؟؟
كر علي يا ود أمي..
بالنسبة للبوست:
مجرد الرد عليه يعني اهتمامك ومتابعتك اللصيقة وحرصك الشديد
على مسيرة هذه المجموعة الرائدة والمعطاءة..
كن دائماً بخير..
وشكراً لصاحب البوست وله التحية من قبل ومن بعد..
مع الأمنيات بالتوفيق في بوستات أخرى..
محمود العربي
أمك يا اخينا دي ما خطبة سياسية عديل إتا يا م تكعيب أثرو فيك ناس المؤتمر الكلامي ولا مالك بشيشك يا اخي قربت أمرق مظاهرات
وبعدين وين الحي بيك يا اخينا شوقنا دا نبلو في شنو بشكير مثلاً
عفواً يا ود الخال خذلتنا الدريهمات نتمنى أن نراك حاجاً وليس محتجاً
Post: #18 Title: Re: ألحان عقد الجلاد .. أصيلة أم مسروقة ! Author: Mahmoud Mustafa Mahmoud Date: 09-07-2011, 11:26 AM Parent: #12
Quote: أمك يا اخينا دي ما خطبة سياسية عديل
بلَّة يا ولدنا..
بيني وبينك كدا..دا موش الآتو بتاعي؟؟
كااااااااك...
Post: #20 Title: Re: ألحان عقد الجلاد .. أصيلة أم مسروقة ! Author: بله محمد الفاضل Date: 09-07-2011, 11:36 AM Parent: #18
صحي والله الغريبة عارف
أدك أنا دا ويدقو بي الحيطة مش يمرقوني بالباب
Post: #14 Title: Re: ألحان عقد الجلاد .. أصيلة أم مسروقة ! Author: mohammed elsaim Date: 09-07-2011, 10:46 AM Parent: #10
لا أستطيع أن أفتي في هذين اللحنين - الأصلي و(المستعار).. لأنني لم أسمعهما. لكنني أبصم بالعشرة أنها شنشنة معروفة من الأستاذ المحترم والفنان القدير شرحبيل أحمد. الشنشنة في اللغة هي العادة وليس كما يستخدمهابعضهم خطأ مع خالص التقدير والاحترام لفنه ومجهوداته الرائعة. لكن أغنية الليل الهادي لشرحبيل (مستعارة) لحنيا مائة بالمائة من أحد عازفي البلوز الأميركان استمعت مرة للموسيقى بدون أي غناء وهي متطابقة، حتى الشولة الموسيقية (لوكان هناك شئ مثل الشولة) فقط فاتني أن أحفظ اسم صاحب اللحن من الأمريكان السود (وقيل الأمريكان الأفارقة)
Post: #17 Title: Re: ألحان عقد الجلاد .. أصيلة أم مسروقة ! Author: محمد عبد الماجد الصايم Date: 09-07-2011, 11:18 AM Parent: #14
باقي معاوية الصايم ويكون أولاد الصايم كلهم ملمومين هنا!!
Post: #19 Title: Re: ألحان عقد الجلاد .. أصيلة أم مسروقة ! Author: mohammed elsaim Date: 09-07-2011, 11:35 AM Parent: #17
تسلم ياقريبي.. كنت أفضل الرد عليك بهناك محل الاسم مجدوع في السهلة.. ماعندك مانع كلنا أولاد الصايم.. بس بتحفظ من جانبي! وأهو كلنا أولاد آدم!
انا ود الصايم صدقا.. أنت؟ الصدق تكون ود ود الصايم ويمكن لي أن أكتب تقبلوا ود ود الصايم (بضم واو الأولى وفتحة واو التانية من الود).. لكن في حالتك، لن تكون صادقا إلا إذا قلت تقبلوا ود ود ود الصايم.. وقس على ذلك بمناسبة قريبنا الآخر بختك أهو معاك زول يشيل الشيلة زيل ويكتب ود ود الصايم.. وتقبلوا ود ود ود الصايم ما رأيك في هذا التحفظ؟ عشان نعرف علاقة هذا البوست بهذه الودودة الكتيرة، مش في أغنية لمحمد وردي بتقول: زمـــــــــان كنا بنشيل الود وندي الود وفي عينينا شوقا زااااد وفااااات الحد؟ أهو ده الرابط، كله غنا في غنا.. صايم صايم وأغاني أغاني! ودمت بود!
Post: #21 Title: Re: ألحان عقد الجلاد .. أصيلة أم مسروقة ! Author: محمد عبد الماجد الصايم Date: 09-07-2011, 11:46 AM Parent: #19
يا عمو .. بالطريقة دي بتودي وُد ود ود الصايم في داهية!!! يعني أنا لو دخّلت الاسم التالت القبل الصايم ح تـ (ود ود)!!
Post: #22 Title: Re: ألحان عقد الجلاد .. أصيلة أم مسروقة ! Author: طارق عمر مكاوي Date: 09-07-2011, 01:39 PM Parent: #21
الإخوة الكرام
محمد عبدالماجد صبري طه أحمد محمد بشير محمد عوض محمود محمد الصائم
أشكركم علي مداخلاتكم .. وهي دعوة للنقاش و الحوار و أنا ما أقدر اؤكد علي شئ هنا .. ممكن أنا أكون اقل من اقل اي واحد فيكم هنا معرفة بالموسيقي فقط من خلال النقاش أستهدف الوصول لنتائج .. متمنيا من داخلي انه تكون لصالح اللحن الخاص بعقد الجلاد .
كلنا من مريدي عقد الجلاد .. و كلنا شددنا الرحال إليهم مرات و مرات و مرات لنستمع ..
دمتم
Post: #24 Title: Re: ألحان عقد الجلاد .. أصيلة أم مسروقة ! Author: طارق عمر مكاوي Date: 09-07-2011, 01:43 PM Parent: #22
هناك أغنية أيضا لواحدة من الفرق الغربية .. وجدت فيها تطابق شبه كامل مع واحدة من أشهر أغاني عقد الجلاد .. ح اقوم بإنزالها للمقاربة و الحوار
Post: #23 Title: Re: ألحان عقد الجلاد .. أصيلة أم مسروقة ! Author: Elmosley Date: 09-07-2011, 01:40 PM Parent: #1
عزيزي طارق استمعت للحنين
لم اجد ذلك التشابه ولكن هنالك تشابه في ال القالب اللحني Form والضرب الايقاعي وهذا يحدث في مئات الاغنيات في العالم وحتى لو كانو اخذوا منها THEME فهذا ليس نهاية المطاف
اقول ليك حاجه الخواجات ذاتهم سرقوها من (الله خلق للنعجه ضنب والكوم بقرش والدقه بلاش)
ههههههههه
Post: #25 Title: Re: ألحان عقد الجلاد .. أصيلة أم مسروقة ! Author: طارق عمر مكاوي Date: 09-07-2011, 01:48 PM Parent: #23
استاذنا الموصلي
طبعاً إضافتك تساوي كثير لينا .. و تعادل مئات الأراء من العوام مثلنا ..
دمت بخير
Post: #26 Title: Re: ألحان عقد الجلاد .. أصيلة أم مسروقة ! Author: محمد عبد الماجد الصايم Date: 09-10-2011, 10:57 AM Parent: #25
Quote: هناك أغنية أيضا لواحدة من الفرق الغربية .. وجدت فيها تطابق شبه كامل مع واحدة من أشهر أغاني عقد الجلاد .. ح اقوم بإنزالها للمقاربة و الحوار
في انتظار المقاربة والحوار يا طارق!
Post: #27 Title: Re: ألحان عقد الجلاد .. أصيلة أم مسروقة ! Author: عبد الباقي الجيلي Date: 09-10-2011, 12:41 PM Parent: #26
أخوي طارق والشباب
الموضوع جدير بالنقاش والبحث ...
لكنني أتفق مع من ذهبوا إلى أن العنوان جانبه التوفيق ...
والاقتباسات اللحنية إذا تابعتها تجدها كثيرة جداً ليس في غنائنا السوداني
بل وفي غيره أيضاً ... واستمع لبعض الفنانين الأثيوبيين وخاصة إفريم ...
ولبعض ألحان ستيفي ووندر ... تجد تشابهاً يكاد يصل حد التطابق ...
هناك أغنية وطنية (نجرها) صلاح مصطفى في إبريل تقول كلماتها (جددناك يا
أكتوبر في إبريل) ... يتطابق لحنها مع أغنية شهيرة للفنان المغربي
عبد الوهاب الدوكالي اسمها (مرسول الحب) ... تتطابق ولا تتشابه!!! ...
وأقول (نجرها) .. لأنها لا تشبه صلاح مصطفى ... والذي تكفيه (غالي الحروف)
و(بعد الغياب) بدلاً من هذا النجر ...
سؤال يا أستاذ موصلي (الله خلق للنعجة ضنب) أليست من إبداعات عبد المعين؟
ثم ألم يستلف عبد الرحمن الريح منها مقدمة الزهور صاحية وإنت نايم؟؟
مع تحياتي ...
Post: #28 Title: Re: ألحان عقد الجلاد .. أصيلة أم مسروقة ! Author: عبد الباقي الجيلي Date: 09-20-2011, 10:04 AM Parent: #27
للإجابة على السؤال الأخير ...
Post: #29 Title: Re: ألحان عقد الجلاد .. أصيلة أم مسروقة ! Author: تبارك شيخ الدين جبريل Date: 09-20-2011, 10:15 AM Parent: #28
عقد الجلاد من قولة تيت متعودين على استحلال ابداعات غيرهم ...
وعادةً بيدفنوا حقوق الناس في خور "البحر واحد" بتاع اهلنا الصوفية ...
انا هسة من الغنا الكتييييير الغنّوهو .... بتذكّر غنيتين بس حقات عقد الجلاد ...
"حليوة" بتاعة القدّال ... و "لأنك عندي كل الخير" بتاعة عماد الدين ابراهيم ...
تاني يطرشني ....
... المهم ....
Post: #30 Title: Re: ألحان عقد الجلاد .. أصيلة أم مسروقة ! Author: Elmosley Date: 09-20-2011, 06:14 PM Parent: #27
افتكر هي لحن للراحل المقيم برعي دفع الله عرفتها من الاستايل بس بس حن لمن شفع الناس اضافو ليها الكلام ده عشان ماشي مع الايقاع تحياتي
Post: #31 Title: Re: ألحان عقد الجلاد .. أصيلة أم مسروقة ! Author: عبد الباقي الجيلي Date: 09-21-2011, 09:57 AM Parent: #30
شكراً أستاذ موصلي ...
وعازوين لينا ياخ حاجة تانية على غرار (رسالة لأمي) ...
ففي تقديري هي من أجمل ألحان العقود الثلاثة الماضية ...
تسلم يا شفيف .......
ويا تبارك ...
حليوة أظنها للأستاذ مصطفى سيد أحمد ... ولا شنو؟؟؟
وأعتقد إنك بتقصد (أمونة شن بتشوفي) ...
المهم ..... تحياتي ...
Post: #32 Title: Re: ألحان عقد الجلاد .. أصيلة أم مسروقة ! Author: تبارك شيخ الدين جبريل Date: 09-21-2011, 03:02 PM Parent: #31
Quote: ويا تبارك ...
حليوة أظنها للأستاذ مصطفى سيد أحمد ... ولا شنو؟؟؟
وأعتقد إنك بتقصد (أمونة شن بتشوفي) ...
المهم ..... تحياتي ...
انا ما بسمع مصطفى سيداحمد باهتمام ومتابعة ... احتمال تكون "حليوة" حقتو ... ما بقدر ااكد او انفي ..
لاكين "امونة شن بتشوفي" عملوها ناس "كورال الجبهة الديموقراطية بالمعهد العالي للموسيقى والمسرح" سنة 85 ... ما حقت عقد الجلاد!
