Post: #1
Title: لو كنت مكان بعض الأعضاء هنا لإشتغلت رئيس جمهورية
Author: طلحة عبدالله
Date: 09-05-2011, 10:31 AM
أعضاء سوبر عديل كدا ..
أي موضوع بوست لهم فيه كلام وكلامات ومغالطات وغلاط
ونقة لا تنتهى عارفين ما عارفين ..
يتبع ..
|
Post: #2
Title: Re: لو كنت مكان بعض الأعضاء هنا لإشتغلت رئيس جمهورية
Author: طلحة عبدالله
Date: 09-05-2011, 10:59 AM
Parent: #1
لو كان الكلام عن السياسة فالواحد منهم موسوعة لا يجاري ولا يباري ..
لو مسكت الغناء فالسر قدور مقارنة بهم تلميذ في الروضة..
لو جينا للطب فناس بروف مامون حميدة والمرحوم أبو عبيدة المجذوب لايفقهون شيئا
في حضورهم ..
لو مسكت الرياضة فهم من اخترع الكفر وأسس ألعاب القوي وأول من لعب الكرة الطائرة..
لو تكلموا عن الأدب فالطيب صالح ومين ومين ديل أقزام في حضرة عمالقة ..
لهم في الحرب كلام..
وفي السلم كلامات ..
وفي الحب آراء..
وفي الزواج فلسفة ..
وفي الطلاق نظريات ..
وفي الرجال مراجع ..
وفي النساء مجلدات ..
يعلقون وينتقدون الجميع ..
هم الصح وغيرهم الغلط ..
يقينهم أنه لا أحد سليم أبدا إلا هم ..
انهم يتفوقون على أنفسهم ..
هم الخطباء المفوهين ..
الحكماء الراشدين ..
الأدباء المبهرين ..
أنهم سوبر السوبر ذاتو ..
يتبع .....
|
Post: #3
Title: Re: لو كنت مكان بعض الأعضاء هنا لإشتغلت رئيس جمهورية
Author: طلحة عبدالله
Date: 09-05-2011, 11:08 AM
Parent: #2
ما تقوله انت غلط يستوجب الزجر والإستنكار حتي يثبت العكس ..
وما يقولونه هم صاح (رغم أنف أي حاجة) ويستحقون عليه وسام الإبداع
وجائزة نوبل للمنطق والحقيقة حتى وإن ثبت العكس ..
يشتمون في زقاق ثم يتحولون إلى حكماء وأصحاب مدينة فاضلة في الفضاء الرحب ..
يضيقون بالرأي الآخر لدرجة الانفجار وفي اللحظة التالية يرفعون شعار حرية الرأي
والتعبير ..
مخالفيهم أعداء يستحقون الرجم والتدخل الأممي وجوقة مطبليهم يجب أن تصنع لهم
تماثيل من ذهب وإهرامات تزار ..
يتبع ........
|
Post: #4
Title: Re: لو كنت مكان بعض الأعضاء هنا لإشتغلت رئيس جمهورية
Author: طلحة عبدالله
Date: 09-05-2011, 11:18 AM
Parent: #3
زول بالقدرات المهولة دي كلها أكيد امو بتدعيلو صباح ومساء
والمفروض ما يقعد معانا هنا ويمش طوالي يشوف مكان الناس اللي
جاية من برة ديلك ويقعد معاهم واللا يعمل أية حركة مميزة كدا ..
شخصيا لو كنت زي الزول دا بمش طوالي أقدم عشان أشتغل رئيس جمهورية
واللا إن شاء الله أبنى الهواء قبب ...
ومال إيه ؟؟؟
انتو بتولوا إيه يا قماعة ؟؟؟
يتبع ...
|
Post: #5
Title: Re: لو كنت مكان بعض الأعضاء هنا لإشتغلت رئيس جمهورية
Author: طلحة عبدالله
Date: 09-05-2011, 11:40 AM
Parent: #4
بالنسبة لي لبست الطاقية وجريت طوالي فتشت إرشيفي والحمدلله
لقيت أنو غير تنظيري في التيوة دي ما عندي الحركات التانية ديك ..
الا في ما ندر جدا جدا وللشديد القوي ..
بالنسبة للآخرين فالرجاء تحسس الإرشيف فربما كنت سوبر عضو وإتا ما عارف ..
يتبع ......
|
Post: #6
Title: Re: لو كنت مكان بعض الأعضاء هنا لإشتغلت رئيس جمهورية
Author: فدياس نجم الدين
Date: 09-05-2011, 11:47 AM
Parent: #5
طلحه
كل سنه وانت طيب ومبروك فوز السودان بالامس وقرب تاهله
اها نجي لموضوعك
ياخي مافيها حاجه سوق امدفسوا ده بيحتمل اي حاجه
والحاجه الما عجباك اعمل ليها
التجاهل
التجاهل
التجاهل
|
Post: #7
Title: Re: لو كنت مكان بعض الأعضاء هنا لإشتغلت رئيس جمهورية
Author: أميرة فاروق عبد العال
Date: 09-05-2011, 12:01 PM
Parent: #6
Quote: لهم في الحرب كلام..
وفي السلم كلامات ..
وفي الحب آراء..
وفي الزواج فلسفة ..
وفي الطلاق نظريات ..
وفي الرجال مراجع ..
وفي النساء مجلدات ..
يعلقون وينتقدون الجميع ..
هم الصح وغيرهم الغلط ..
يقينهم أنه لا أحد سليم أبدا إلا هم ..
انهم يتفوقون على أنفسهم ..
هم الخطباء المفوهين ..
الحكماء الراشدين ..
الأدباء المبهرين ..
|
هو بالله رئيس الجمهورية بيفهم في ده كلوووووووو...
طلحة كل سنة وانت بخير...
|
Post: #8
Title: Re: لو كنت مكان بعض الأعضاء هنا لإشتغلت رئيس جمهورية
Author: طلحة عبدالله
Date: 09-05-2011, 12:10 PM
Parent: #7
فدياس وانت طيب
التجاهل في الحالة دي صعب لأنو يا إما يمرضك يا إما كمان يمرضك ..
قلت لي السودان غلب وقرب يتأهل ؟
مبروك ياخ ..
..............
أميرة فاروق ربنا يحقق الأمنيات ..
رئيس الجمهورية دا المفروض يكون بعرف أية حاجة في أية حاجة ياخ ..
ومال رئيس جمهورية على شنو ؟
|
Post: #9
Title: Re: لو كنت مكان بعض الأعضاء هنا لإشتغلت رئيس جمهورية
Author: طلحة عبدالله
Date: 09-05-2011, 12:52 PM
Parent: #8
والله الشىء العارفو أنو البوست دا فيهو مختلف مقاسات وأحجام الطواقي
لكن الظاهر الجماعة إختاروا طواقي الإخفاء ..
المهم العلي عملتو ما قصرت .
|
Post: #10
Title: Re: لو كنت مكان بعض الأعضاء هنا لإشتغلت رئيس جمهورية
Author: فدياس نجم الدين
Date: 09-05-2011, 12:53 PM
Parent: #8
طلحه
لو ملاحظ ان البعض هنا
يكتب عشره بوستات في اليوم الواحد
وكلها تمشي قعر البورد
ويشارك فيها لوحده
ومع ذلك يستمر في ما يفعله
غايتو انا معجب شديد بهذه المثابره والاصرار
|
Post: #11
Title: Re: لو كنت مكان بعض الأعضاء هنا لإشتغلت رئيس جمهورية
Author: طلحة عبدالله
Date: 09-05-2011, 01:16 PM
Parent: #10
وحاة الطلاق يا فدياس اخوي الظاهر بوستيني دا ح يكون زي البوستات التمانية والعشرة القاصدا دي
مكتوب علي أجاهد فيهو براي كدا ..
ياخ هو ذاتو أنا الوداني أتشالق شنو ؟
موش كان المفروض يخليني في كورتي زي ما قال اخوك الكريم طارق الأمين ؟
على الأقل يجيك زي ود البشرى تلففوا لفتين تلاتة ..
عليك الحرام بوستات الكورة دي أسحن منها مافي حتى ولو نط ليك محمد عمر جبريل
قرأ ليك ما بين السطور وجعلك شامتا راقصا فرحانا طربانا.
|
Post: #12
Title: Re: لو كنت مكان بعض الأعضاء هنا لإشتغلت رئيس جمهورية
Author: محمد البشرى الخضر
Date: 09-05-2011, 04:49 PM
Parent: #11
| Quote: غير تنظيري في التيوة |
ياخ انت لسة بتلوك في حكاية خليك في الكورة القالها طارق زمااااااان ديك؟ سقد انت ياخ
غايتو طواقيك الفوق دي فيهن اتنين راكبات قميص عامر مع دينق وجني
وواحدة شوية كدا و تلفق مع ود الصايم وقيقراوي
|
Post: #17
Title: Re: لو كنت مكان بعض الأعضاء هنا لإشتغلت رئيس جمهورية
Author: Fadl Karrar
Date: 09-06-2011, 12:56 PM
Parent: #5
Quote: بالنسبة لي لبست الطاقية وجريت طوالي فتشت إرشيفي والحمدلله
لقيت أنو غير تنظيري في التيوة دي ما عندي الحركات التانية ديك ..
الا في ما ندر جدا جدا وللشديد القوي .. |
هيع ،،، خلوك تشك في روحك وكتاباتك كمان
عوافي عليهم
| Quote: الا في ما ندر جدا جدا وللشديد القوي |
أتاريها ريماز ميرغني دي شديدة شدة ،،،،، أكتر من كمال شداد ذاتو
|
Post: #18
Title: Re: لو كنت مكان بعض الأعضاء هنا لإشتغلت رئيس جمهورية
Author: Fadl Karrar
Date: 09-06-2011, 01:00 PM
Parent: #5
Quote: بالنسبة لي لبست الطاقية وجريت طوالي فتشت إرشيفي والحمدلله
لقيت أنو غير تنظيري في التيوة دي ما عندي الحركات التانية ديك ..
الا في ما ندر جدا جدا وللشديد القوي .. |
هيع ،،، خلوك تشك في روحك وكتاباتك كمان
عوافي عليهم
| Quote: الا في ما ندر جدا جدا وللشديد القوي |
أتاريها ريماز ميرغني دي شديدة شدة ،،،،، أكتر من كمال شداد ذاتو
|
Post: #14
Title: Re: لو كنت مكان بعض الأعضاء هنا لإشتغلت رئيس جمهورية
Author: محمد قسم الله محمد
Date: 09-05-2011, 05:06 PM
Parent: #1
والله هنا في أعضاء عارفين كلو حاجه ومناضلين جنس نضوليه ..
تتكلم في التسالي ده .. التسالي الواحد ده .. يشبو ليك في حلقومك !!
ويمكن كمان يطلعوك كوز وإمبريالي وتحت تحت كده خريج معهد سكينه.
...................................................................................................
بعض الأعضاء هنا مش عايزين يشتغلو رئيس جمهوريه وبس ..
رئيس جمهوريه ومعارضه في نفس الوكت..
|
Post: #15
Title: Re: لو كنت مكان بعض الأعضاء هنا لإشتغلت رئيس جمهورية
Author: طلحة عبدالله
Date: 09-06-2011, 12:10 PM
Parent: #14
يتبع ..
|
Post: #16
Title: Re: لو كنت مكان بعض الأعضاء هنا لإشتغلت رئيس جمهورية
Author: طلحة عبدالله
Date: 09-06-2011, 12:16 PM
Parent: #15
يا جرجير
اخوك الكريم طارق الامين دا زول كويس ياخ
لكن مشكلتو الكبيرة ما عايز زول يقول ليهو دا غلط ..
الطواقي هنا على قفا من يشيل وبمختلف المقاسات شيل وادرع من طرف يا هداك الله .
|
Post: #19
Title: Re: لو كنت مكان بعض الأعضاء هنا لإشتغلت رئيس جمهورية
Author: طلحة عبدالله
Date: 09-07-2011, 06:34 AM
Parent: #16
يا صبري طه
أبعد من تبارك الذي برأسه كلام كبار كبار
|
Post: #20
Title: Re: لو كنت مكان بعض الأعضاء هنا لإشتغلت رئيس جمهورية
Author: طلحة عبدالله
Date: 09-07-2011, 06:38 AM
Parent: #19
يا صديقي فضل كرار
ديل ممكن يخلوك تشك في إسمك ذاتو خليها كتاباتك ..
صدقت في قولك رماز ميرغني شديدة .. لكنها قطعا ما أشد من شداد .
|
|