Post: #1
Title: ماتجامل ياعيني..(للمستنيرين من أولاد العرب)
Author: حاتم الياس
Date: 09-04-2011, 10:22 PM
Parent: #0
الأغنية للفنان حيدر بورتسودان وتقول
ماتجامل ياعينيى ماتجامل لولقيت أحساسى ظاهر وانت اقرب ليه من شنو كدا ماعارف ماتجامل ياعيني..
وترلم ترم ترم دى لموسقة البوست.. فوسط هذا الجو السياسى المحتقن لاتملك لا الترنم والغناء على أيقاع فكر الأزمة المضطرب وهو يفتل حباله زنقة زنقة..وعلى الجانبين (بنى سطيح) من اهل الأوهام المقيمة فى العبط ..فنحن يبدو أننا نولد فى شندى وحوش بانقا والدامر ونورى وكريمة ولانريد ان نضم مدناً أخرى حتى لايخسر ابنائها تحالف الهامش العظيم ..نولد هناك وترفعنا القابلة بين يديها يتم غسلنا بماء التعالى والسلطة ثم يذهب ابائنا للمستشفى أو الأحصاء وتستخرج لنا شهادتي ميلاد (المولود ذكر أو انثى ) وشهادة اخرى (المولود عنصرى)
فى العام 83 حينما اعلن نظام نميرى الشريعة الأسلامية قام رجل اسمه محمود محمد طه ليقول له لا ان قوانينك تفرق بين ابناء الوطن وتمزق نسيجه الوطنى تم اقتياده للمشنقة وبثبات نادر اصر على موقفه ورأيه (طالب سنة أولى قانون سيعرف أن حد الرده يسقط برجوع المتهم عن قوله) ولم يفعل صعد الى المشنقة وقدم روحه فداء لوطن تسوده العدالة والكرامة ثم بعد ايام كان أبن الهامش الأب فيليب عباس غبوش والقادم من مدرسة اللاهوت القبطية القائمة على فكرة الفداء والقديسين العظام الذى قدموا روحهم فداءً لعقيدة يسوع..يبكى ويجعر (يعنى رقد سلطه) فى المحكمة بعد صدور حكم الأعدام ضده ويتوسل للرئيس وبعد العفو طفق يشكر أبنه الرئيس على العفو الذى اصدره فى حقه وانجاه من حبل المشنقة ابن الهامش أتخارج بحجة أنها (بولتيكا) بعد أن تم سؤاله عن فعلته تلك وقائض الركابى الشمالى المشلخ محمود محمد طه (الذى سينسى من اين جاء) روحه من أجل حياة كريمة لوطنه ومن اجل يتجوهر الموقف فى الوعى ويسطع بالحقيقة حتى لحظة خروج الروح وغيره كثيرون ولو كره المتعصبون
ولكن نسوى شنو مع البولتيكا حقت فيليب غبوش الزنقت مثقفين زى حيدر قاسم وقيقراوى وبقو يتعاملوا مع كل شمال السودان كرقعة جغرافية طبقة يعتذر عنها لهامش أسود هو الأخر يطلب اعتذارنا عن نفسنا وعن البشير وعن ميلادنا وعن اغنياتنا وعن دوبيتنا وشعرنا ودلوكتنا ....انا غايتو مابعتذر لو انطبقت السما على الأرض ---
|
Post: #2
Title: Re: ماتجامل ياعيني..(للمستنيرين من أولاد العرب)
Author: Nasr
Date: 09-05-2011, 00:36 AM
Parent: #1
Quote: مثقفين زى حيدر قاسم وقيقراوى وبقو يتعاملوا مع كل شمال السودان كرقعة جغرافية طبقة يعتذر عنها لهامش أسود هو الأخر يطلب اعتذارنا عن نفسنا وعن البشير وعن ميلادنا وعن اغنياتنا وعن دوبيتنا وشعرنا ودلوكتنا ....انا غايتو مابعتذر لو انطبقت السما على الأرض
|
لو أنك ساهمت في ثقافة وممارسات الإستعلاء القومي والعرقي ضد الإنسان الأسود في السودان فبلزمك إعتذار أما لو كنت برئ مما يفعلون فألف مرحب بك في سودان ديمقراطي كل الناس فيه أحرار وكل الناس فيه متساووين كأسنان المشط أو أكثر مساواة
|
Post: #4
Title: Re: ماتجامل ياعيني..(للمستنيرين من أولاد العرب)
Author: EL fahal Abdelatif
Date: 09-05-2011, 01:14 AM
Parent: #2
هذه المفردة ذكرتنى صديقى العربى كان قوميا متطرفا واسلاميا متميزا يرى بان الاسلام دين العرب فقط , كان علما فى دولته
فى احدى المؤتمرات ذات الطابع الدولى (الاقليمى) كان هنالك وفد يمثل السودان بصفته العربية
كان حضورى بصفة اعلامية مهنية بحتة . عند مدخل قاعة المؤتمرات كان يقف وحوله عدد من اعضاء الوفد السودانى تقدمت بناحيتهم لحظة انصراف أخر فرد منهم وهو يودع صاحبنا كانت مفردة عرب السودان تنسحب مع الوفد .ينظر اليهم من خلفهم بسخرية :- (عرب السودان ابناء الزنى) لم استغرب العبارة بحسب قراءتى المناكفة للتاريخ , لم استغرب صراحته وشجاعته ولا مبا لاته فى ما يعتقد . بضع شهور من ذلك الزمان , اطالع خبرا منسوبا الى احد الرموز الكويتين يصف فيها عرب السودان بابناء السفاح ومنذ ذلك الحين وحتى الآن بدت مفردات ابناء الزنى وابناء السفاح كمرادف فعلى لاولاد الحرام فى انتظار سماعها علنا من الاعراب .
فيا عرب السودان ليس ثمة ما يجبركم على تمزيق شجيرات انسابكم الطفيلية !!
تحياتى يا حاتم وعفوا للانفلات النسبى بموضوع بوستك
|
Post: #3
Title: Re: ماتجامل ياعيني..(للمستنيرين من أولاد العرب)
Author: د.نجاة محمود
Date: 09-05-2011, 00:41 AM
Parent: #1
Quote: ولكن نسوى شنو مع البولتيكا حقت فيليب غبوش الزنقت مثقفين زى حيدر قاسم وقيقراوى وبقو يتعاملوا مع كل شمال السودان كرقعة جغرافية طبقة يعتذر عنها لهامش أسود هو الأخر يطلب اعتذارنا عن نفسنا وعن البشير وعن ميلادنا وعن اغنياتنا وعن دوبيتنا وشعرنا ودلوكتنا ....انا غايتو مابعتذر لو انطبقت السما على الأرض |
درر كالعادة يا ملك
الناس دي بس بتكره الحكومة شديد
وهذا الكره يمنعهم من الحكم على الاشياء بحكمة قلنا ليهم مليون مرة الموضوع ما جلابة وهامش الموضوع مواطنين وحكومة
|
Post: #5
Title: Re: ماتجامل ياعيني..(للمستنيرين من أولاد العرب)
Author: سيف النصر محي الدين
Date: 09-05-2011, 01:42 AM
Parent: #3
قيقراوي طلع ولد عرب بالله؟
|
Post: #6
Title: Re: ماتجامل ياعيني..(للمستنيرين من أولاد العرب)
Author: حاتم الياس
Date: 09-05-2011, 01:53 AM
Parent: #5
طيب بيعتذر مالو عنهم فى بوست حيدر قاسم..مايمش يشوف ليهو هنود حمر ولاتايوانيين..يعتذر بالنيابة عنهم..بجاملنا يعنى
-- وبعدين ياسيف نحن حصرناها بدواعى المشروع النوبى حقكم من دنقلا ولفوق..يعنى مارقين من جلالات الجيش الشعبى زمان بتاعت البتبدا (بعرب..شنو كدا صين) اها اصحاب الشى زاتها قالوا نحن عرب نقول ليهم لا بنفهم نحن اكتر منهم فى الأنثربلوجيا
عموماً..مسقالوا ياشاب
|
Post: #7
Title: Re: ماتجامل ياعيني..(للمستنيرين من أولاد العرب)
Author: سيف النصر محي الدين
Date: 09-05-2011, 02:18 AM
Parent: #6
Quote: عموماً..مسقالوا ياشاب |
اها يا حاتم أنا أول كنت قايل نفسي نوبي من جهة الأب و عربي انقريابي من جهة الأم لامن لما فيني واحد من اهلنا رافع شعار المركزية النوبية و قال أنو ناس الباوقة ديل ذاتهم نوبيين استعربوا، و أن تصوراتهم هم عن أنفسهم لا يشتريها بتعريفة. عشان كدي مسكاقلوا دي بتعبر تماما عن نوبيتك الكامنة.
|
Post: #8
Title: Re: ماتجامل ياعيني..(للمستنيرين من أولاد العرب)
Author: حاتم الياس
Date: 09-05-2011, 02:47 AM
Parent: #7
يعنى انت بحسب موضة الأعتذار التى اطلقها الحاج وراق ومسك فيها حيدر قاسم وقيقراوى ..واخرون حاتعتذر لأهل الهامش السود من جهة الأب ولاجهة الأم بعدين قصة أولاد عرب دى بقت مفصلية فى الفرز هسع ومعاها مترادفات كتيرة نيليين جلابة شماليين جات كده فى مشروع التغيير السياسى النضالى الجديد __ بعد وفاة دكتور جون قرنق اليوم الفيهو رجم داك على الهوية متخيلك فى زنقة شارع غاضب بتصلح نضارتك وتقول ليهم وانت رافع اصبعك لوسمحتو ياشباب أنا شيوعى مستنير ونوبى بنفس المستوى حين كانت ردة الفعل الغاضبة من الشماليين وعدنا الى ماقبل عصر الدولة..سيضيع من يحمل نفس رؤيتك للعالم والأخر من أبناء الجنوب وسط حنق جماهير مغيبة عن قضاياها وهمومها ولاتعرف العدو من الصديق
- دى القصة كلها..تغيير بلاوعى يحرسه ويرفعه الى المستوى المطلوب من الوعى الديمقراطى الحقيقى بقضايا الأنسان والتنمية والعدالة فى السودان..وقاعد بمحرك التجييش المناطقى والأثنى والجديد (اللونى) ده لااعتذار بحلو ولا قتال بينفع معاهو..لأنو قايم على رؤية سياسية متواضعة تحاول ان ترفع عن كاهل الشعب مظالم عظيمة
--
|
Post: #9
Title: Re: ماتجامل ياعيني..(للمستنيرين من أولاد العرب)
Author: سيف النصر محي الدين
Date: 09-05-2011, 03:46 AM
Parent: #8
أعتقد يا حاتم أنو الخطاب السياسي السائد بتفرضوا عوامل كثيرة، و كونه قد اصبح خطابا سائدا يستلزم أن يكون للناس استجابات مع أو ضد هذا الخطاب .
|
Post: #10
Title: Re: ماتجامل ياعيني..(للمستنيرين من أولاد العرب)
Author: تبارك شيخ الدين جبريل
Date: 09-05-2011, 06:23 AM
Parent: #9
كان حظك ضرب ...
يحاوروك اولاد العرب ...
(وتحمد سيدك ظاهر وباطن)
... المهم ....
|
Post: #11
Title: Re: ماتجامل ياعيني..(للمستنيرين من أولاد العرب)
Author: بدر الدين احمد موسى
Date: 09-05-2011, 07:32 AM
Parent: #10
حاتم الياس
تحياتي
والله الحكاية تحشر مني ساكت في بوستيك دا لاني "لا في العير ولا النفير".
يعني مصيبتي من امدرمان وما ودعرب, بالعربي, لا هامش ولا مركز! شفت المصيبة! يعني عند الاتنين درجة تالتة!
لكن حرقتني زنقتك لفيليب غبوش- والله لحد الليلة بتذكر شكله في المحكمة, وبعد العفو اهو مات, الله يرحمه.
لكن يا حاتم ما براه الاتجرس!
ما تنسى انه من اولاد العرب كان في عبداللطيف و من معه من الجمهوريين و برضهم قبلوا الاستتابة حفاظا على الرويحة
الحلوة!
يعني ما تاكل الشباب حنك ساكت العرب برضو اتجرسوا!
انتو اتجرستو, وهم اتجرسوا, يللا اقعدوا في واطة الله دي و اتصافوا لوجه الله, وبلا اعتذارات.
---- يا حاتم كل ما اقرا كتاب افلاطون: اخر ايام سقراط, بتذكر محمود محمد طه, حصل جاك الشعور دا؟
|
Post: #12
Title: Re: ماتجامل ياعيني..(للمستنيرين من أولاد العرب)
Author: tmbis
Date: 09-05-2011, 07:49 AM
Parent: #10
طيب مالك في كم رمضان كدا
شابكني .. قهوة الزيبق .. واسكريم الفكي عوض الله .. ونادي الخريجين .. ما ياهو إنت قاعد تنجض لينا امورك كويس ..
|
Post: #13
Title: Re: ماتجامل ياعيني..(للمستنيرين من أولاد العرب)
Author: داليا حافظ
Date: 09-05-2011, 08:53 AM
Parent: #12
استاذ حاتم كل عام وأنت بخير
Quote: نولد هناك وترفعنا القابلة بين يديها يتم غسلنا بماء التعالى والسلطة ثم يذهب ابائنا للمستشفى أو الأحصاء وتستخرج لنا شهادتي ميلاد (المولود ذكر أو انثى ) وشهادة اخرى (المولود عنصرى) |
ما بالضرورة يطلعوا شهادة بانو المولود عنصري ، لكن لما توعى وتلقى تلقيناتك الحياتية كانت قايمة بدون وعي على كونك الأفضل (الإستعلاء) ..وأنت ودالبلد ..أو ودالعرب ..والأهم والأحسن والأفضل ، ..ولما تلقى ونسات ناس بيتكم (مثلا ) سخريتا من الآخرين المختلفيين عرقيا فايحة ـ ده كلام عام ـ ولمن تذرع حكومتك في طفولتك أنو ديل أعداء دينك ..وتصورهم في صورة الوحوش المتعديين وتكبر وتلقى وعيك الإكتسبتو بإيدك بيرفض ده ..وتعرف أنوالمغالطات مالية دفتر حياتك ..وإنك إتورطت في فترة اللاوعي في الكثير من الهوايل المدروسة والعفوية..وتلقى الواقع شي تاني بتعافيهو انسانيتك الإشتغلت عليها ونميتا، وبقيت تعاين بعيون تانية ..وتلقى أنك ظلمت واتجبرت وقسيت ..ده ما بستوجب اعتذار ؟! إذا تربية البعض ما كدة وهم شايفين أنو حتى الكلام عن الموضوع ده ما عندو معنى ..لانو ما حاصل ، فده فيهو مجافاة لواقع آخرين ..ومع ذلك بختهم بالبيئة الصحية القاموا فيها ..
Quote: دى القصة كلها..تغيير بلاوعى يحرسه ويرفعه الى المستوى المطلوب من الوعى الديمقراطى الحقيقى بقضايا الأنسان والتنمية والعدالة فى السودان..وقاعد بمحرك التجييش المناطقى والأثنى والجديد (اللونى) ده لااعتذار بحلو ولا قتال بينفع معاهو.. |
كلام زي الفل ..يعني الحل في الوعي ..
الإعتذار من وجهة نظري هو بوابة الوعي ..والعدالة إذا هي مطلب فده اعتراف بالظلم .والظلم بستوجب الإعتذار .صحي ممكن ترفع الظلم بممارسات عادلة وخشمك عندك ..لكن ببقى فعل آلي ما بخاطب المشاعر الإنسانية المجروحة ..والجروح عشان تشفى سريع لابد من مواساة صادقة ..والناس عشان تتوازن من الداخل لازم تعترف بانها كانت مخطئة ولو بشكل غير مباشر ..
الحلول العملية حبابا..لكن ما بتنقص من قدر الحلول الإنسانية..
|
Post: #14
Title: Re: ماتجامل ياعيني..(للمستنيرين من أولاد العرب)
Author: قيقراوي
Date: 09-05-2011, 11:59 AM
Parent: #12
Quote: ولكن نسوى شنو مع البولتيكا حقت فيليب غبوش الزنقت مثقفين زى حيدر قاسم وقيقراوى وبقو يتعاملوا مع كل شمال السودان كرقعة جغرافية طبقة يعتذر عنها لهامش أسود هو الأخر يطلب اعتذارنا عن نفسنا وعن البشير وعن ميلادنا وعن اغنياتنا وعن دوبيتنا وشعرنا ودلوكتنا ....انا غايتو مابعتذر لو انطبقت السما على الأرض
|
لوووووووب
بعد ود عرب زيك يتنعم على جنابنا بكلمة (مثقف) الباقي ذاتو ما بهمني .. ما بهمني
او كما قال ترباس![](http://174.36.244.211/db/attention/010_Smile.gif)
-----
جاييك .. و جاي ليك يا نورة غيمة .. تملا ماعونك خريف .. ما ها شبورة و تقيف ..
شفت كيف؟
مسئول من الخير .. استبعدت د. محمد المشرف، نقصاً في ثقافتو - زينا كدا انا و الاستاذد حيدر - و لّ تشكيكاً في عروبتو؟ و لّ حقارة منك ساي كدا بس!؟
|
Post: #15
Title: Re: ماتجامل ياعيني..(للمستنيرين من أولاد العرب)
Author: حاتم الياس
Date: 09-05-2011, 12:29 PM
Parent: #14
حيدر المشرف..وبدالدين موسى ..ديل ألا يعتذروا عن هنا (أمدرمان)...لكن الخوف وسط الزنقة دى مطالب الأعتذار الوطنية العامة تصل ليهم للـــ(ح ش)...وبرضو يعتذروا
--
|
Post: #16
Title: Re: ماتجامل ياعيني..(للمستنيرين من أولاد العرب)
Author: قيقراوي
Date: 09-05-2011, 01:12 PM
Parent: #15
![](http://www.sudaneseonline.com/uploadpic11/june/sudansudansudansudansudansudansudansudansudan8.JPG) البشير يستكمل عنصريته ... بإعلان الحرب على كل أفارقة السودان
اها حيدر المشرف دا اقتبس كلام المثقف - الزميل- الاستاذ حيدر قاسم عاوز يطول بيهو مداخلاتو ساي!؟
الحساب بالمتر هو هنا؟
![](http://174.36.244.211/db/attention/200_4e.gif)
و لّ فهمو شنو بالضبط
----------
بالمناسبة في بوست ما لاقيهو ...
البوست الموسوم بـ " ولبسنا الكاكي 2"
الرجاء ممن يملك معلومات الادلاء بها هنا ..
اوصافه كالاتي :
عبارة عن نحاس كبير لحرب مستطيرة ..
فيه مداخلة غارقة في العنصرية و تزييف التاريخ الاجتماعي
احتفى صاحب البوست بها جداً ..
و بدوري -كنصف عربي* زي ما قلت ليك- اعترضت عليها ..
و دي كانت بداية تبرؤي مما يفعل و يقال باسمنا (الشماليين) ما اولاد العرب .. اولاد العرب براكم انتو ديل!![](http://174.36.244.211/db/attention/010_Smile.gif)
و ما اظن اعتديت على زول بمطالبتي بانو يطلعوا لي حقي من (شماليين) .. و لّ ظلمتا!؟
شوفوا البوست دا خلونا نتفاهم على بيّنة ياخ!
* ابداً ما هارب من الزول الفي المرايا .. العرب شفناهم بالعين المجردة ؤ برا مراية .. ما بشبهوا الفي المريا دا كلو كلو
|
Post: #17
Title: Re: ماتجامل ياعيني..(للمستنيرين من أولاد العرب)
Author: HAIDER ALZAIN
Date: 09-05-2011, 01:43 PM
Parent: #16
Quote: وإنك إتورطت في فترة اللاوعي في الكثير من الهوايل المدروسة والعفوية..وتلقى الواقع شي تاني بتعافيهو انسانيتك الإشتغلت عليها ونميتا، وبقيت تعاين بعيون تانية ..وتلقى أنك ظلمت واتجبرت وقسيت ..ده ما بستوجب اعتذار ؟! إذا تربية البعض ما كدة وهم شايفين أنو حتى الكلام عن الموضوع ده ما عندو معنى ..لانو ما حاصل ، فده فيهو مجافاة لواقع آخرين ..ومع ذلك بختهم بالبيئة الصحية القاموا فيها .. |
Quote: الإعتذار من وجهة نظري هو بوابة الوعي ..والعدالة إذا هي مطلب فده اعتراف بالظلم .والظلم بستوجب الإعتذار .صحي ممكن ترفع الظلم بممارسات عادلة وخشمك عندك ..لكن ببقى فعل آلي ما بخاطب المشاعر الإنسانية المجروحة ..والجروح عشان تشفى سريع لابد من مواساة صادقة ..والناس عشان تتوازن من الداخل لازم تعترف بانها كانت مخطئة ولو بشكل غير مباشر |
سلامات استاذة داليا حافظ.. وكل سنة وانتي طيبة
اعتقد انه مفروض حاتم الياس يضمك للقائمة اعلاه لانه لو ماكنتي اعتذرتي مسبقاً وفاتتك البلوتيكا فحقك يجب ان يكون محفوظ على الاقل جالسة القرفصاء جم حبيبنا قيقراوي ![](http://174.36.244.211/db/attention/010_Smile.gif)
ـــــــــ غايتو مرات باخدها مكاواة لكن سؤال خلوهم ولاد العرب العنصريين الاستعلائيين ديل اساً لا امل في شفائهموراميين طوبتهم .. نجي لاهل الهامش المستنيريين من اولاد العرب بعد اعتذروا وقدموا اعتذراهم لا تشوبه شائبة لماذلا يقبل به المستنيرين من ابناء الهامش ويصرون بانهم انما جاءوا لطرد المستعمرين من الاعراب والدخلاء وقتلهم وحرق منازلهم وشعاراتهم.. الا يمكن ان يُخاطب هؤلاء المستنيرون من ابناء الهامش انه يآخ في جماعة كدة من اولاد العرب بالله استثنوهم ولا تطردوهم فقد رسخ في وعيهم أو( ولا وعيهم ) انهم كانوا لكم ظالمين وقد تطهروا على صفحات هذا المنبر فماتطردوهم ولا تقتلوهم .. كتابات بعض من يطلقون على انفسهم ثوار الهامش ونشطاءهم لا تختلف بشئ عن الطيب مصطفي واسحق فضل الله بل تزيد .. لكن مسيحيي اولاد العرب وقساوستهم يغضون الطرف عنها اعتذاراً لهم في لا وعيهم بانهم من اوصلهم لتلك الحالة بعنصريتهم فيقولون لك لا بأس دعه يعبر عما في نفسه دعه يفضفض فعنصريته ( محمودة) لانها جاءت رد فعل لظلم تاريخي واحساس بالتهميش عاش به واسلافه لأكثر من خمسون عاماً..
غايتو محن الله والرسول ..
عن نفسي ممكن اعتذر بعد يقوم للناقة قرن .. او يعتذر المستنيرون الهامشيون عن دعوات التطهير العرقي والطرد ايهم اقرب للتحق ..!!
|
Post: #18
Title: Re: ماتجامل ياعيني..(للمستنيرين من أولاد العرب)
Author: قيقراوي
Date: 09-05-2011, 03:10 PM
Parent: #17
UpShir
فوق لمزيد من الشهرة
|
Post: #19
Title: Re: ماتجامل ياعيني..(للمستنيرين من أولاد العرب)
Author: Deng
Date: 09-05-2011, 04:05 PM
Parent: #18
Quote: فى العام 83 حينما اعلن نظام نميرى الشريعة الأسلامية قام رجل اسمه محمود محمد طه ليقول له لا ان قوانينك تفرق بين ابناء الوطن وتمزق نسيجه الوطنى تم اقتياده للمشنقة وبثبات نادر اصر على موقفه ورأيه (طالب سنة أولى قانون سيعرف أن حد الرده يسقط برجوع المتهم عن قوله) ولم يفعل صعد الى المشنقة وقدم روحه فداء لوطن تسوده العدالة والكرامة ثم بعد ايام كان أبن الهامش الأب فيليب عباس غبوش والقادم من مدرسة اللاهوت القبطية القائمة على فكرة الفداء والقديسين العظام الذى قدموا روحهم فداءً لعقيدة يسوع..يبكى ويجعر (يعنى رقد سلطه) فى المحكمة بعد صدور حكم الأعدام ضده ويتوسل للرئيس وبعد العفو طفق يشكر أبنه الرئيس على العفو الذى اصدره فى حقه وانجاه من حبل المشنقة ابن الهامش أتخارج بحجة أنها (بولتيكا) بعد أن تم سؤاله عن فعلته تلك وقائض الركابى الشمالى المشلخ محمود محمد طه (الذى سينسى من اين جاء) روحه من أجل حياة كريمة لوطنه ومن اجل يتجوهر الموقف فى الوعى ويسطع بالحقيقة حتى لحظة خروج الروح وغيره كثيرون ولو كره المتعصبون |
حاتم الياس.
التضحيات التي قدمها أبناء الهاش في السودان معروفة وبائنة وهم الذين يحملون السلاح وهم الذين يقدمون أرواحهم فداء للوطن. ولقد عرفهم التاريخ القديم والحديث جيدا. والشئ المتعارف عليه في السودان هو أن أبناء الهامش تتم معاملاتهم بطريقة أقسى من أبناء الشمال في داخل المعتقلات يعني تعذيبهم وعقوباتهم دائما بتكون أقسى من غيرهم. والأب فيلب عباس غبوش (يبارك الرب روحه) رجل ذكي وسياسي محنك يعلم ذلك جيدا ويعرف أن الصراع الدائر في السودان يوجد فيه الكر والفر، لذلك كانت تلك خطته وخياره ونحن نحترم خياره ذلك كما نحترم خيار الأستاذ الشهيد محمود محمد طه. بعد الأنتفاضة دخل الأب فليب عباس غبوش الأنتخابات بأسم الحزب القومي السوداني ودخل البرلمان السوداني الديمقراطي مترأسا كتلة الأحزاب الأفريقية. وإذا كان ذلك معيارك فمن الممكن أن نصف نحن المك نمر وأخرين من أبناء الشمال بالجبن أيضا ولكننا نعلم أن أن هنالك ظروف معينة هي التي تفرض نفسها في تلك الحالات وذلك يعتبر خدعة وذكاء في الحروب والصراعات. تاريخ السودان حافل بأحداث مماثلة فلماذا يختار العروبوي حاتم الياس هذه المقارنة وليس غيرها؟ وهل كان ذلك صدفة أم أن عقلية حاتم الياس العروبوية هي التي دعته يعقد مثل هذه المقارنة. وأنت لو كان عندك شوية أحترام للأستاذ محمود محمد طه لما كنت عقدت مثل هذه المقارنة.
أها يا حاتم الياس.
أنضميت لمنبر الطيب مصطفى ولا لسه؟
|
Post: #20
Title: Re: ماتجامل ياعيني..(للمستنيرين من أولاد العرب)
Author: تبارك شيخ الدين جبريل
Date: 09-05-2011, 04:34 PM
Parent: #19
لا حول ولا قوة إلاّ بالله ...
Quote: الإعتذار من وجهة نظري هو بوابة الوعي ..والعدالة إذا هي مطلب فده اعتراف بالظلم .والظلم بستوجب الإعتذار .صحي ممكن ترفع الظلم بممارسات عادلة وخشمك عندك ..لكن ببقى فعل آلي ما بخاطب المشاعر الإنسانية المجروحة ..والجروح عشان تشفى سريع لابد من مواساة صادقة ..والناس عشان تتوازن من الداخل لازم تعترف بانها كانت مخطئة ولو بشكل غير مباشر .. |
في جانب شخصي في مسألة الوعي وجانب عام ... وللوعي مداخل وبوابات مختلفة ... فإن تنزّلت أنت من استعلائك بالوعي ... غيرك ينهض من وعثاء الهوان والقهر بالوعي أيضاً ... فالوعي - إن وُجِد - لا يبرر الإعتذار ... الإعتذار نوع من الندم على جرائر الماضي ... ومن ليس له جريرة لا يؤخذ بجريرة غيره ... نحن كمجتمع شمالي عنصري حقّ علينا الإعتذار ... ولكن من سيعبّر عن هذا المجتمع الشمالي العنصري ونحن نحاول هدّ معابد التصنيفات العرقية والعنصرية؟
من سيعيدنا للمربع الأول بالإعتذار؟
ليس هنالك ثمة اعتذار ... هنالك تاريخ مزري ... ووعي بهذا التاريخ من أجل مستقبل أفضل ... هذا من الجانب العام ...
في الجانب الشخصي ... كل شاةً معلقة من عرقوبا ...
(وفي ناس عراقيبم أستك!)
... المهم ....
|
Post: #21
Title: Re: ماتجامل ياعيني..(للمستنيرين من أولاد العرب)
Author: داليا حافظ
Date: 09-06-2011, 07:57 AM
Parent: #20
الحولقة دي الليلتي نا
كل سنة وأنت طيب ياتبارك
Quote: وللوعي مداخل وبوابات مختلفة |
تمام معاك حق ..لنقل الإعتذار أحد بوابات الوعي ..لكن الكلام كان حصري على الوعي وربطو بالإعتذار يعني السياق محدد ..
Quote: نحن كمجتمع شمالي عنصري حقّ علينا الإعتذار ... ولكن من سيعبّر عن هذا المجتمع الشمالي العنصري ونحن نحاول هدّ معابد التصنيفات العرقية والعنصرية؟ |
لو غلطت صححني ..هل قصدك أنو المجتمع الشمالي العنصري عشان يعتذر لابد ان يحافظ على صيغتوالعنصرية وإلا لن يتمكن من الإعتذار ؟
وعلى غرابة الفكرة وطرافتا وإذا ده قصدك فهو لسة موجود ومن يعبرون عنه علانية وعلى استحياء ما بتعدواعشان كدة لسة قدامو فرصة لأننا ما زلنا نحاول ..والمعابد مليانة برهبان يسبحون بمجد العروبة!
|
Post: #22
Title: Re: ماتجامل ياعيني..(للمستنيرين من أولاد العرب)
Author: حاتم الياس
Date: 09-06-2011, 09:15 AM
Parent: #21
دينق صائد العنصريين الخطير...ياخى المسافة بين اسم دينق وجورج دى مسافة محزنه جداً تستحق ان تبحث عن مسببها ليعتذر لك لأن اقسى جريمة هى ان تنتزع من اسمك وهويتك...بدلاً من ان تتحول لقطعة بائسة عالقة بثقافة الهوت دوق...
داليا ..صرعة الأعتذار دى ساذجة جداً ورومانسية ولاتخدم قضية التغيير نحن فى واقع معقد وداير شغل عقل ولسنا بصدد علاقة عاطفية تحلها أغنية من زيدان ابراهيم وهى ايضاً وهم من أوهام النخبة..وبجيك بالتفصيل
-- يادينق داير أنضم للمؤتمر الوطنى سيد الأسم بس عندى أمنية سياسية وهى أنى احج ..منبر الطيب مصطفى صغير على طموحى وتخيل انو كراهيتى للطيب مصطفى كبيرة بسبب تدميره لمكتبة التلفزيون فقد دمر ذاكرة وطنية عظيمة شكلت وجدانى...
|
Post: #26
Title: Re: ماتجامل ياعيني..(للمستنيرين من أولاد العرب)
Author: Yassir Tayfour
Date: 09-06-2011, 10:12 AM
Parent: #22
يا ود إلياس إذا كان رئيس البلد والقائد العام للجيوش المحاربة يسأل: لو في واحدة غرباوية ركبها جعلي ده شرف ليها ولا إغتصاب؟ فماذا تبقى للعوام من المدنيين الذين يقولون: سير سير يا بشير، والعوام من الجنود الذين يخوضون الحرب من أن يقولوا أو يفعلوا؟
|
Post: #28
Title: Re: ماتجامل ياعيني..(للمستنيرين من أولاد العرب)
Author: داليا حافظ
Date: 09-06-2011, 12:14 PM
Parent: #22
Quote: داليا..صرعة الأعتذار دى ساذجة جداً ورومانسية ولاتخدم قضية التغيير نحن فى واقع معقد وداير شغل عقل ولسنا بصدد علاقة عاطفية تحلها أغنية من زيدان ابراهيم وهى ايضاً وهم من أوهام النخبة..وبجيك بالتفصيل |
لحدي ماتجي بالتفصيل ياحاتم الرومانسية ما كعبة رغم استخداما في سياق سالب إلا السذاجة ما حبابا ..
الإعتذار واقعي جدا ..لأنو بعني الإعتراف بالمشكلة والتعامل معاها كواقع ملموس وحي ..وبعداك الحلول ..
من ناحية الموضوع داير شغل .فهو داير شغل ..لكن الكلام عن الواقع المعقد وضرورة التغيير والكلام المسطح ..المافيهو واحد اتنين تلاتة دي محاولات تهرب من مواجهة الواقع ..
على فكرة العنصرية بكافة اشكالا لا تحل خارج السياق العاطفي ..( )
|
Post: #23
Title: Re: ماتجامل ياعيني..(للمستنيرين من أولاد العرب)
Author: قيقراوي
Date: 09-06-2011, 09:41 AM
Parent: #21
Quote: ليس هنالك ثمة اعتذار ... هنالك تاريخ مزري ... ووعي بهذا التاريخ من أجل مستقبل أفضل ... هذا من الجانب العام ...
في الجانب الشخصي ... كل شاةً معلقة من عرقوبا ...
|
بالضبط كدا .. و دا فيما يخص الجانب الشخصي .. لان التجارب مختلفة .. لكن البقنع لينا حاتم بن يعرب بن قحطان تقدس عنصره دا منو!؟*
اما بعد ...
Quote: قراءة في مقال غازي صلاح الدين الإسلاموعروبية: فلكلور القلب، أركيولوجيا الأمنيات، ثم العودة من مكة إلى سنار أبكر آدم إسماعيل/كندا [email protected] إن النقطة الجوهرية في مقال الدكتور غازي صلاح الدين "حق الأغبياء في التفكير" هي، حسب رأينا، المراهنة على التأريخ والتأكيد على حتميته (التي هي محل شك طبعا), التاريخ الذي ظل بالنسبة للإسلاميين ـ في أحسن الأحوال ـ مجرد ملفحة لجسد المقدس، ومصدرا للإنتقائية الإستدلالية لتعضيد المفردات المقدسة فحسب، عاد اليوم ليصبح جسدا تتم المراهنة عليه لاستنباط الأحكام الجللة التي قد تطال المقدس نفسه. وقد يقول قائل بأن ذلك مجرد تلفيقة من تلفيقات الإسلاميين، أو نوع من الإنتهازية الفكرية التي يوصمون بها من قبل خصومهم. ولكن الأمر ـ حسب رأينا ـ على الأقل على مستوى (فهم وخطاب) الدكتور غازي صلاح الدين ليس كذلك؟ فهل هناك تطور فكري أدى لمثل هكذا إنقلاب؟ وإن كان كذلك ما هي دواعيه؟ هنا تلزمنا بعض المقاربات والتحليلات. المصطلحات: نحن نستعمل مصطلح (الإسلاموعربية) للإشارة إلى الكيانات الإجتماعية والثقافة التى توصف بأنها عربية تارة، وعربية إسلامية تارة أخرى، باعتبار أن العروبة (الكيان الإثني/ الثقافي) والإسلام (الدين) قد توحدا جدليا وليس من الممكن الفصل بينهما عمليا، وحتى نظريا إلا كأجراء مؤقت بغرض الدراسات فقط، في ما يخص العلوم التيولوجية، اللاهوتية، وذلك لسبب جوهري هو أن اللغة والمفسر والممارس، وهو هنا الكيان الإجتماعي، ليس أثيرا فارغا يمكن أن تمر عبره المادة دون أن تتختلط بعناصره، وهو ـ أي هذا الإصطلاح المنحوت من عندنا، ليس أبدا لغرض غير التعبير عن هذه الوحدة الجدلية، وجريا على عادة حديثة مستمدة من اللغات اللاتينية التي ـ بسبب تقدمها على اللغة العربية ـ صار لديها السبق والقدرة على اختراع المصطلحات الدالة على المفاهيم المركبة. (وموضوع المقارنات اللغوية ليس هو موضوعنا هنا حتى لا يقفز عليه هواة التشعبط على البردعة). أما مصطلح (إسلاموعروبية) ـ بوجود الواو ـ فهو يشير إلى الأيديولوجيا وإلى الكيان داخل الكيان الذي يتبنى هذه الأيديولوجيا ويحركها في حلبة الصراع، الأيديولوجيا التي تعني في ما تعني: تبرير المصالح المادية والمعنوية في حلبة الصراع. والإسلاميون في هذا السياق ليسوا سوى طبقة من طبقات الإسلاموعروبية. ماهي آليات عمل الإسلاموعربية؟ أولا: الممارسة: تتحرك الإسلاموعربية ـ بشكل رئيسي ـ عبر فاعلين أساسيين؛ المقدس، أي الجانب الديني بدءا من اللاهوت إلى التفسير، ثم التطبيق. والدم. وتعيد إنتاج نفسها ـ رأسيا بمرجعية المقدس، وتابعه؛ اللغة والتفاسير، فيما يخص الفاعل الأول. وإعادة إنتاج الدم عبر الأنساب، وهنا لابد من الإشارة إلى أن الأنساب تقوم رمزيا مقام الدم، فالدم في الثقافة العربية يمكن إكتسابه عبر تلفيق الأنساب، ولكن بشروط طبعا، مثلما تثبت رؤية هلال رمضان بالشهادة حتى ولو أكد علماء الفلك ألا هلال. وتتمدد أفقيا أيضا عبر هذين الفاعلين، فعبر المقدس، يدخل الناس الإسلام، ويتبنون ضمنيا ما يتيسر من عروبة، وبذلك يتمهد السبيل إلى إعادة الإنتاج الثقافي الشامل، بالقفز فوق هذه المسلمة الأولى. أي أن المسلم غير العربي؛ عربي مؤجل العروبة إلى أن يمتد إليه الإطار عبر صيغة النسب. وهو المعطى الذي ظل سائدا. وذلك باعتبار العروبة رأس مال رمزي أعلى في الهياكل الثقافية للأطار الإسلامي العام، على الأقل على مستوى اللاوعي. وعبر الدم، بمعناه الاجتماعي الذي ذكرناه آنفا؛ يتمدد الكيان الإسلاموعروبي عبر ما نسميه بميكانيزم النفي البيولوجي للرجل الآخر، ( ويقوم ميكانيزم النفي البيولوجي للرجل الآخر (الاستعراب العرقي/الثقافي) على تزوج الرجال العرب (سواء كانت هذه العروبة عاربة أو مستعربة أو متعربنة/ملفقة عبر الأنساب) بنساء (الآخرين)، وتكون الذرية وفق البطريركية الأبوية (عربية) ولا يعترف بمكونها الآخر. البنات يتزوجن ـ في الغالب ـ حصريا في الكيان العروبي، أما الأبناء الذكور فيواصلون طريق الأسلاف (وهذا من أهم أسباب التمسك ب/والتشديد على مسألة تعدد الزوجات)، وهكذا بمرور الزمن ينمو الكيان العربي على حساب الكيانات الأخرى التي تتآكل في نهاية المطاف). وهذا هو الذي يشرح عملية الاستعراب التاريخية لشعوب الرافدين (الآشوريين والكنعانيين وغيرهم) وشعوب الشام البيزنطية والكنعانية وغيرها، وشعوب مصر الفرعونية القبطية، وشعوب شمال أفريقيا البربرية. وشعوب شمال السودان النوبية والنييلية وغيرها. أما الآن، وفي السودان، فالعملية أخذت طابعا أكثر فاعلية عبر استعمال جهاز الدولة بمعطياته الحديثة لخدمة مشروع بهكذا ملامح. ثانيا الخطاب: تحليل أولي للخطاب الإسلاموعروبي في السودان: باعتبار الخطاب هو الكلام المنتقى للتعبير عن الأيديولوجيا بأظهار ما يراد إظهاره، وفي نفس الوقت إخفاء ما يراد إخفاؤه. يمكن تصنيف أشكال الخطاب الإسلاموعروبي في السودان إلى الآتي: أ/ الخطاب الإسلاموي: هو الخطاب الذي يبني نفسه ويركز على الحس المشترك/العام، باعتبار أولوية المخاطب، وهذا الحس المشترك، بحسب ـ غرامشي ـ "هو اللافلسفة، أي تصور العالم تصورا غير نقدي" والمراهنة على المسلمات الأكثر ذيوعا، بغض النظر طبعا عن صحة هذه المسلمات من عدمها. وهو ما نسميه بفلكلور القلب لدى المخاطبين، وهم عامة المسلمين في السودان. وبهذا المعنى يمكن الاصطياد عبر لافتات مكة كمرجعية مقدسة ـ زمانا ومكانا، وتحت اللافتة تمر الأيديولوجيا: أي تبرير المصالح المادية والمعنوية لفئة مسيطرة بالفعل، سواء كان ذلك سياسيا أو اجتماعيا أو اقتصاديا. وهو ما نسميه بالمركزية. ب/ الخطاب العلمانوي: وهو خطاب يبني نفسه ويركز على الحس الخاص، باعتبار أولوية المخاطبين، وهم هنا ما يطلق عليهم لقب المثقفين عموما. ولأنه يعرف ـ أي الخطاب ـ أن هناك بذور النقد، فيلجأ إلى الأكاديمية تارة وإلى الأيديولوجيات الفرعية تارة أخرى، ليقوم بصب الناتج في الماعون الكبير (ما يسميه هذا الخطاب بوتقة الإنصهار)، ويستعمل المصطلحات الاختزالية مثل: الثقافة السودانية، الشخصية السودانية، الذاتية السودانية.. إلخ إلخ، أختزاليا، باعتبار المعنى العملي هو (الثقافة/الشخصية/الذاتية) المعيارية التي هي المركزية نفسها. مع تهميش نقد آليات عملها كما في (أيديولوجيا) الآفروعروبية (الغابة والصحراء) والسودانوية والحيادية، واليسارية وكلها ـ حسب رأينا ـ (ايديولوجيات) فرعية تتفاوت في درجاتها فحسب. وهي إذ تفعل ذلك، فإنها تسلم ضمنيا بعمل هذه الآليات، التي أن استمرت ـ كما يتمنى المثقفون الإسلاموعروبيون ـ ستفضي في النهاية إلى تحقيق رسالة الكيان الإسلاموعروبي بتحول السودان ككل إلى كيان إسلاموعربي، وفي ذلك أدب كثير مما يكتب حول معضلات السودان واقتراحات حلولها. وهذا هو السبب الذي دعانا لأن نطلق على ذلك أركيولوجيا الأمنيات.
|
-------
* ما لقيتو لين البوست المفقود الموسوم بي (و لبسنا الكاكي 2)؟ دي وثيقة مهمة جداً يا حاتم ..
و لّ انت بنيت رايك الشتتو هنا دا على شنو بالضبط!؟ ساي كدا!؟
|
Post: #38
Title: Re: ماتجامل ياعيني..(للمستنيرين من أولاد العرب)
Author: Nasr
Date: 09-06-2011, 07:03 PM
Parent: #20
هم أسياد الحق ذاتم ما طالبوا بالإعتذار وإنت بتعتذر من ممارسة هي ذاتها بقت من مخلفات الماضي (زي عار إسترقاق البشر الذين كرمهم الله وحملهم في البر والبحر) لكن الموضوع هسع مش الإعتذار وإنما الإقلاع عن شنو؟؟؟؟ عن أفكار وثقافة وممارسات تجعل من بعض الناس (دون) في نظر ناس تانين إختصارا كدا بسموها إستعلاء عرقي وقومي
علي المستوي الشخصي لو جدك كان عنده عبيد بدلا من التباهي بذلك قول اللهم أغفر لجدي لإسترقاقه البشر لو في حياتك قلت لزول يا عب لازمك إعتذار لو مرة ضحكت في نكتة عن العبيد لازمك إعتذار لو رفضت تسكن في غرفة في سكن عام مع شخص لمجرد أنه من الإقليم الفلاني أو الجنس أو القبيلة الفلانية فيلزمك إعتذار لو تأففت أن تأكل في صحن واحد مع من تظن أنه دونك عرقا وأصلا فليزمك إعتذار
أما إذا كنت طوال عمرك تحترم كل خلق الله كما يجب فأقول ليك عفارم عليك والله يزيدك من نعيمه هذا الشعوب والدول تبني بأمثالك
|
Post: #24
Title: Re: ماتجامل ياعيني..(للمستنيرين من أولاد العرب)
Author: داليا حافظ
Date: 09-06-2011, 09:54 AM
Parent: #17
يا أستاذ حيدر الزين يتعاد عليك بالصحة والسلامة
وبدون أي مزايدات ..
اعتذرت أحمد سيدي ![](http://174.36.244.211/db/attention/010_Smile.gif)
Quote: الا يمكن ان يُخاطب هؤلاء المستنيرون من ابناء الهامش انه يآخ في جماعة كدة من اولاد العرب بالله استثنوهم ولا تطردوهم فقد رسخ في وعيهم أو( ولا وعيهم ) انهم كانوا لكم ظالمين وقد تطهروا على صفحات هذا المنبر فماتطردوهم ولا تقتلوهم .. |
والله لو عملوا كدة يكونوا ما قصروا ![](http://174.36.244.211/db/attention/010_Smile.gif)
لكن بالجد التطهر على صفحات المنبر عيبو شنو؟ ماهو مكان متاح للتعبير ، وفي رأي إنتظار مسامحة الآخر قد تأتي وقد لا الموضوع عايز بناء ثقة تتأسس بمفاهيم جديدة في الأول ثم بقوانين تحميها..الموضوع عايز نفس طويل ..
|
Post: #25
Title: Re: ماتجامل ياعيني..(للمستنيرين من أولاد العرب)
Author: وليد محمد المبارك
Date: 09-06-2011, 10:07 AM
Parent: #24
بتقدر !؟
|
Post: #27
Title: Re: ماتجامل ياعيني..(للمستنيرين من أولاد العرب)
Author: قيقراوي
Date: 09-06-2011, 11:51 AM
Parent: #25
Quote: الا يمكن ان يُخاطب هؤلاء المستنيرون من ابناء الهامش انه يآخ في جماعة كدة من اولاد العرب بالله استثنوهم ولا تطردوهم فقد رسخ في وعيهم أو( ولا وعيهم ) انهم كانوا لكم ظالمين وقد تطهروا على صفحات هذا المنبر فماتطردوهم ولا تقتلوهم ..
|
يا الطريفي (سابقاً)* ..
ليه انتو مصرين على تصوير المسألة كانبطاح و اجندة نجاة شخصية على نهج جحا بالطريقة دي!؟
حاجة تحير جد ..
زي وصف حاتم بـ(السذاجة)، و هو لحدي اسي ما ورانا وصل للنتيجة دي كيف!؟
يا سبابي
اها النحدثك ضحى:
طريقتك دي ما بتخارج معانا و الله!
يا اخوي ادينا فكة ..
الكلام دا بتقدر تقعدو ... و لّ قلتو ساي كدا!
انحنا راينا متعوب فيو ... و متكلف شديد
الدفعتو لينا لي اسي دا و لا راسمالو ذاتو!
اها يا ادفع زي الناس ... و لّ ما بنشترى من بضاعتك ..
ما دايرين كلام ساي ياخ!![](http://174.36.244.211/db/attention/010_Smile.gif)
-------
* لن تعود الطريفي (ساي) حتى تخلي الاجندات الدوكيشوتية، و تبطل الكلام (الساي)
|
Post: #29
Title: Re: ماتجامل ياعيني..(للمستنيرين من أولاد العرب)
Author: حاتم الياس
Date: 09-06-2011, 12:27 PM
Parent: #27
ياقيقراوى وياداليا..(داليا حاتم)..بجيكم بمهلة صدقونى وبتفصيل كمان..
--
|
Post: #30
Title: Re: ماتجامل ياعيني..(للمستنيرين من أولاد العرب)
Author: HAIDER ALZAIN
Date: 09-06-2011, 01:07 PM
Parent: #27
Quote: اها النحدثك ضحى:
طريقتك دي ما بتخارج معانا و الله!
|
ضُحي شنو البتجي تحدثني فيهو.. والله تجيني الضحي بجنس نضميك دا الا اطردك شر طردة.. انت الله ما ليكـ .. الضحي دا عن ولاد العرب وقت شراب جبنة وقرقرابة وشعر ودوباي وحديث عن بطولات الاباء والاجداد من عينة قصص الضرب العقرب القدر التور بُعكاز لمن رفعت كرعينها ( الباقي تمو براك ) ![](http://174.36.244.211/db/attention/200_4e.gif)
Quote: ليه انتو مصرين على تصوير المسألة كانبطاح و اجندة نجاة شخصية على نهج جحا بالطريقة دي!؟
|
يا حبيب الانبطاح هسي او وصفي لأي فكرة بالانبطاح وين ياخ الناس مُش بتتكلم عن الوعي و ( اللاوعي ) .. وتيييييب !!! الكلام هنا عشان ما تبتسرو لي ابتسارة محمد قرشي لمداخلتي مقصود بها مخاطبة وعي المستنيرين من ابناء الهامش ديل برضو مُش مستنيرين وعندهم وعي برضو والا البيعبر عن وعيهم واستنارتهم قيقراوي .. اها المستنيريون من ابناء الهامش الحاملين الكلاش وقابضين على جمر القضية من امثال البيقول ليك والله لنجتاحن المتمة كما اجتاحها محمود ود احمد ونخلي نسوانكم يقعن البحر .. او البيجيك من امثال امريكا جهزت ليكم سفن حربية مرابطة الآن بالقرب من بورسودان لتدككم بالقانبل دكاً دكا .. ديل يا حبيب مش محتاجين توعية ومخاطبة استنارتهم وانه يفهمو ما كل المدردم ليمون والا كيف ؟؟!
Quote: انحنا راينا متعوب فيو ... و متكلف شديد
|
ايوااااتا ليك.. شفت التكلفة الوحيدة البعرفها هي التكلفة البيدفعوها بقية دراويش اولاد العرب الماهم مثقفين ولا مستنيري .. لافيين رعية ساي في الخلاء.. ديل بيدفعو تكلفة انهم يتنفخو السادة المناضلين او كما احب ان اسميهم تُجار القضايا والحروب وانهم عانوا ( بسببنا ) و- النا- دي بترجع ليك ولي بقية دراويش اولاد العرب في خلاهم .. وانهم عانوا من مظلمة تاريخية لانه اساساص الصراع في السودان صراع عنصري قائميين بيهو الاعراق الممتدة على الشمال النيلي .. وأس الازمة ومكمن المشكلة سببه هيمنة هذه الاعراق على مفاصل الحياة السياسية والثورة والسلطة والثقافة وعووووك عاااك ريك منذ اللاستقلال حتي الان .. ويجب تشكيل وعي النخبة الان لاستدراك هذا الخطأ طوالي ينقلب الكلام للزبير ودرحمة ودوره وانه اساساص عزيزي القارئ لا يعاني اذا اختلف معك الا من عنصرية متجذرة فيه منذ النخاع بفعل التنشئة والتربية وما تلقفه من افواه حبوباته وعمات خالاته والاجدر به الانضمام لمنبر الطيب مصطفي العنصري لانه يمثل الوجه ( الحقيقي ) لهذه الامة من الجيلي لغاية دنقلا العجوز .. وما عاوز ليك مثال نهائي اهو جاك مثال يحبو على ركبتيه حبواً هنا وختاها طاااخ لصاحب البوست
ـــــــــــ
Quote: لن تعود الطريفي (ساي) حتى تخلي الاجندات الدوكيشوتية، و تبطل الكلام (الساي)
|
ابييييت .. لانه اساساً انا بعتذر عن لقب الطريفي دا وبرئ منه براءة داليا حافظ من الاعتذارات![](http://174.36.244.211/db/attention/200_4e.gif) فالـ(طريفي ) لقب موغل في العنصرية لانه تغول ثقافي على حق الاخرين في اختيار طريفيهم الخاص او عباسهم او ود البصيرهم او حمادهم.. أمال ايه انت قايل مادا اللاوعي زاااتو البنكون ارتكبنا بيهو موبقات ..
|
Post: #31
Title: Re: ماتجامل ياعيني..(للمستنيرين من أولاد العرب)
Author: Deng
Date: 09-06-2011, 01:55 PM
Parent: #30
Quote: دينق صائد العنصريين الخطير...ياخى المسافة بين اسم دينق وجورج دى مسافة محزنه جداً تستحق ان تبحث عن مسببها ليعتذر لك لأن اقسى جريمة هى ان تنتزع من اسمك وهويتك...بدلاً من ان تتحول لقطعة بائسة عالقة بثقافة الهوت دوق... |
العروبوي المخلوع حات الياس.
نعم أنا تخصصي في البور ده العنصريين والمستلبين ثقافيا كمان من أمثالك. جورج ده أسم الميلاد بتاعي ودينق ده لقبي في البورد ده وأخترته أنا. وهل أسم حاتم ده كان أسم أجدادك السودانين الأصليين قبل دخول العرب للسودان؟ وطبعا ده لو أنت كنت سوداني أصلا. بالمناسبة. كلامك الفوق ده هل ينطبق على المسلمين أيضا الذين أختارو أسماء عربية وهم ليس بعرب؟
--
Quote: يادينق داير أنضم للمؤتمر الوطنى سيد الأسم بس عندى أمنية سياسية وهى أنى احج ..منبر الطيب مصطفى صغير على طموحى وتخيل انو كراهيتى للطيب مصطفى كبيرة بسبب تدميره لمكتبة التلفزيون فقد دمر ذاكرة وطنية عظيمة شكلت وجدانى... |
أنت في نهاية مطافك ح ترسوا على بر الكيزان، لأن أمثالك كل ما يكبرون يعتقدون بأنهم يريدون "التقرب" لله. وحتى لو كان عن طريق "الرسالة" الكيزانية وفي النهاية القصة لأمثالك كلها مصالح وإنتهازية. يعني أنت غير غضبان على الطيب مصطفى لأنه عنصري بغيض ولكنك غضبان لأنوا دمر مكتبة التلفزيون! دي بسيطة أكيد سوف تشفع له في نهاية الأمر لأن الذي يجمعك به أقوى بالنسبة لك من مكتبة التلفزيون التي كانت تحتوي في مجملها على تراث أفريقي وليس عربي وذلك يندرج تحت برامج الجبهة الأسلامية في إعادة صياغة المواطن والوطن، وأنت كعروبوي التوجه فما قام به الطيب مصطفى يخدم خطك تماما. يعني زعلتك من الطيب مصطفى العنصري ده لن تستمر كثيرا ولكن غضبك وحقدك على أبناء الهامش هو الذي سوف يستمر معك الى أخر يوم في حياتك.
|
Post: #32
Title: Re: ماتجامل ياعيني..(للمستنيرين من أولاد العرب)
Author: قيقراوي
Date: 09-06-2011, 04:04 PM
Parent: #31
كتبت :
Quote: يا سبابي
اها النحدثك ضحى:
طريقتك دي ما بتخارج معانا و الله!
يا اخوي ادينا فكة ..
الكلام دا بتقدر تقعدو ... و لّ قلتو ساي كدا!
انحنا راينا متعوب فيو ... و متكلف شديد
الدفعتو لينا لي اسي دا و لا راسمالو ذاتو!
اها يا ادفع زي الناس ... و لّ ما بنشترى من بضاعتك ..
ما دايرين كلام ساي ياخ! |
جا اندرع فيها الطريفي (سابقاً)
فتامل!!
انت برضو سبابي!؟ طريفي و سبابي برضو!؟
![](http://174.36.244.211/db/attention/200_4e.gif)
------
انتو بوست (ولبسنا الكاكي 2) اتحذف و لّ شنو يا شباب!؟
|
Post: #33
Title: Re: ماتجامل ياعيني..(للمستنيرين من أولاد العرب)
Author: سفيان بشير نابرى
Date: 09-06-2011, 04:19 PM
Parent: #31
سلام يا حاتم كدى خليني من ما تجامل يا عيني و والمستنيرين و اولاد العرب وكل الفوضى العاملنها ناس قيقاراوي و حيدر ديل
انت ناس دكتورة نجاة و وليد يوسف مالهم معاك بهناك !!!؟ مسخنين في شنو !!؟ و مشيت هببته شنو هناك!!؟
علاقة اسألتى الفوق بالبوست دا هي كلمة مستنيرين .
|
Post: #34
Title: Re: ماتجامل ياعيني..(للمستنيرين من أولاد العرب)
Author: Tragie Mustafa
Date: 09-06-2011, 05:18 PM
Parent: #33
يا حاتم الياس كفاك بؤسا.....
وعارف اياك تقول لي ما تدخلي في الشخصي عارف انا الواجعني شنو؟؟؟؟
كل ما تذكر انه الانسانه الرائعه المعروفه هنا بمواقفها المشرفه د.هاله الاحمدي تزوجت منك انت هذا الرجل المتخلف الساقط في بؤس عنصريته وتخلفه؟؟!!
عرب شنو يا حاتم الياس الجاي تتفاصح باسمهم؟؟؟ نفتشك حسه نلقاهم ناكرنك ومطلعنك عب جعلين!!
شوف يا حاتم الياس على اي شمالي ود ناس حقيقي ان يعتذر عن كل القرف التم تجاه اهل السودان الاصلين والذين تحمل دمائهم ومتنكر لهم!!
يعني من كثر ما انت شبه راغب علامه؟! عشان تحكي لينا عن عروبتك؟؟ قوم بلا وهم معاك!
يا اخي غير واختشي شويه شوف ارشيف زوجتك لو جوا ناس بعد عشرين سنه ينقبوا فيه وحوله وشوف ارشيفك؟؟!!
ما ابائسك؟؟!!
وقال ايه
والله الطيب مصطفى بكره لانه اعدم ارشيف الاذاعه!!
بالله!!
اهذا كل ما ارتكبه بحق شعبنا ونسيجه الاجتماعي؟؟!! عرفته انك فضيحه لاي درجه؟؟؟
يا اخي املأ مركزك واحترم قناعات من اقترنت بها لانه عارف بنوع كتاباتك دي صدقني حتحجم مستقبلها بكره نلقاها مرشحه لاي منصب يستاهل ممكن نطعن في ترشيحها لانها مرتبطه برجل عنصري متخلف ساهمت كتاباته في الطعن في أهليتها لذاك المنصب!!
صدقني ما بهظر يا حاتم نحن نوثق جيدا لكل دعاة العنصريه والمنحطين بقيم الانسانيه
الله يلعن تعليم المغرب لو بخرج لينا ثيران زي ديل!!
|
Post: #35
Title: Re: ماتجامل ياعيني..(للمستنيرين من أولاد العرب)
Author: سفيان بشير نابرى
Date: 09-06-2011, 05:41 PM
Parent: #34
و الله حقو الواحد يحكي قصة الضفدعتين بتاعة الوليد يوسف لي قيقا راوي بعد دا هاهاهاهاهاها
|
Post: #36
Title: Re: ماتجامل ياعيني..(للمستنيرين من أولاد العرب)
Author: Elawad
Date: 09-06-2011, 05:48 PM
Parent: #34
Quote: وإذا كان ذلك معيارك فمن الممكن أن نصف نحن المك نمر وأخرين من أبناء الشمال بالجبن أيضا ولكننا نعلم أن أن هنالك ظروف معينة هي التي تفرض نفسها في تلك الحالات وذلك يعتبر خدعة وذكاء في الحروب والصراعات. |
سلام يا دينق... إذا إنت ما قلتها فغيرك قالها و قال أقبح منها ليس عن المك نمر فحسب بل عن كل آبائنا و أمهاتنا و غيرك بشرنا بأن التاريخ سيعيد نفسه و ستستباح المتمة على يديه من جديد. نعم للاعتذار و التصالح و لكنه يحتاج أن يكون شاملا. و من كان من قبائل السودان بلا خطيئة العنصرية و التعالي فليرم عربه بحجر. سلامي لحاتم و ضيوفه.
|
Post: #37
Title: Re: ماتجامل ياعيني..(للمستنيرين من أولاد العرب)
Author: حاتم الياس
Date: 09-06-2011, 07:00 PM
Parent: #36
بالمناسبة قبل ما نواصل...اخونا دينق ده كل مره يوصفنى بالعنصرى وكجزء من ثقافة الوعى بالحقوق وكدا المستوى الأعلى من بولتيكا الأعتذار..وبما ان منبر بكرى ابوبكر مسجل فى أمريكا فما اعتقد انها صعبة على مواطن عالمثالثى كشخصى الضعيف انو يوكل بالمقاضاة مواطن أمريكى لرفع دعوى قضائية اساسها القانونى جريمة التشهير خصوصاً انو منبر بكرى مرجع لمكتبة الكونغرس الأمريكى وأشهر موقع سودانى على الأطلاق و(انا زاتى ماساهل ) !! حاجة سهلة جداً يادينق وزملائنا من محامو امريكا لن يقصروا فى دعم زميل لهم بالسودان.. خصوصاً اٍذا شموا رائحة تعويض من مدعى عليه ينتمى لمؤسسة بتصرف لناسه كويس...المهم انا بديت اتصالاتى مالم تكن مبادراً للأعتذار بثقافة الأعتذار ولااعتقد انك فاقدها حتى لاتعطيها
(منتظرك)
--
تراجى العزيزة ..سلامات
هسع قصة عب جعليين دايرنى انفيها ولااثبتها عاملة ذكية وعاوزه تورطينى فى هذا الملف الشين, يازولة انت عندك قدرة على اشاعة ثقافة الكراهية بشكل عجيب والفرق بينا وبينك هو انو القصة دى مافطس اخنق هى قصة وعى وموقف والمظلوم زاتو فى ظلمو وتهميشو كان مالقى الذى يقوده بوعى وخطاب قادر انو يخاطب كل اسباب مظالمه ويصنع للتغيير ادواته قطع شك بيبقى الموضوع ردود فعل ساذجة زى قصة الأعتذار دى وتبقى فرص نخب سياسية لجني ارباح مواقع على راس المهمشين انفسهم
-- من جهة اخرى..(أنا مازعلان منك ولك مودتى الغامرة )
|
Post: #39
Title: Re: ماتجامل ياعيني..(للمستنيرين من أولاد العرب)
Author: Deng
Date: 09-06-2011, 08:33 PM
Parent: #37
Quote: سلام يا دينق... إذا إنت ما قلتها فغيرك قالها و قال أقبح منها ليس عن المك نمر فحسب بل عن كل آبائنا و أمهاتنا و غيرك بشرنا بأن التاريخ سيعيد نفسه و ستستباح المتمة على يديه من جديد. نعم للاعتذار و التصالح و لكنه يحتاج أن يكون شاملا. و من كان من قبائل السودان بلا خطيئة العنصرية و التعالي فليرم عربه بحجر. سلامي لحاتم و ضيوفه. |
الأخ العوض.
للأسف الشديد أنو مستوى الحوار قد تدنى الى ذلك، ولكن أمثال حاتم الياس هم مسئولين عن ذلك التدني. أنا شخصيا لن أصف أي قبيلة أو جماعة أو دولة بالجبن لأن ذلك يعتبر كلام فارغ وغير موضوعي أبدا. لقد أردت أن أضرب ذلك المثل لكي يرعوي حاتم الياس صاحب هذه الأفكار الهدامة.
|
Post: #40
Title: Re: ماتجامل ياعيني..(للمستنيرين من أولاد العرب)
Author: Nasr
Date: 09-06-2011, 08:43 PM
Parent: #39
سلمت يداك الكتبت الكلام دا يا داليا
Quote: لكن بالجد التطهر على صفحات المنبر عيبو شنو؟ ماهو مكان متاح للتعبير ، وفي رأي إنتظار مسامحة الآخر قد تأتي وقد لا الموضوع عايز بناء ثقة تتأسس بمفاهيم جديدة في الأول ثم بقوانين تحميها..الموضوع عايز نفس طويل .. |
|
Post: #41
Title: Re: ماتجامل ياعيني..(للمستنيرين من أولاد العرب)
Author: Elawad
Date: 09-06-2011, 08:51 PM
Parent: #39
شكرا يا دينق. أعلم تماما أنك لم تقل مثل هذا الكلام و لن تقوله فقط أحببت أن أنبه إلى أن ما نعاني منه طريق ذو اتجاهين.
|
Post: #42
Title: Re: ماتجامل ياعيني..(للمستنيرين من أولاد العرب)
Author: Deng
Date: 09-06-2011, 09:06 PM
Parent: #41
Quote: بالمناسبة قبل ما نواصل...اخونا دينق ده كل مره يوصفنى بالعنصرى وكجزء من ثقافة الوعى بالحقوق وكدا المستوى الأعلى من بولتيكا الأعتذار..وبما ان منبر بكرى ابوبكر مسجل فى أمريكا فما اعتقد انها صعبة على مواطن عالمثالثى كشخصى الضعيف انو يوكل بالمقاضاة مواطن أمريكى لرفع دعوى قضائية اساسها القانونى جريمة التشهير خصوصاً انو منبر بكرى مرجع لمكتبة الكونغرس الأمريكى وأشهر موقع سودانى على الأطلاق و(انا زاتى ماساهل ) !! حاجة سهلة جداً يادينق وزملائنا من محامو امريكا لن يقصروا فى دعم زميل لهم بالسودان.. خصوصاً اٍذا شموا رائحة تعويض من مدعى عليه ينتمى لمؤسسة بتصرف لناسه كويس...المهم انا بديت اتصالاتى مالم تكن مبادراً للأعتذار بثقافة الأعتذار ولااعتقد انك فاقدها حتى لاتعطيها
(منتظرك) |
العروبوي العنصري حاتم الياس.
لسان حالي يقول لك.
Bring it on
لن تكون الأول أو الأخير من الذين هددوني بالمقاضاة من قبل. يجب أن تعلم جيدا بأنني أعي جيدا ما أكتب وكيف وماذا أكتب. عارف كلامي سخن بك شديد وهو المطلوب من جانبنا هو فضح وتعرية مثل هذه الأفكار العنصرية الأقصائية. كل ما نكتبه هنا هو حقائق وتاريخ. إذا أنت شعرت بأنك مظلوم فمن حقك أن تلجأ للقضاء لأخذ حقوقك أو أعتبارك. ونحن في الأنتظار.
|
Post: #43
Title: Re: ماتجامل ياعيني..(للمستنيرين من أولاد العرب)
Author: حاتم الياس
Date: 09-07-2011, 00:35 AM
Parent: #42
اكل نارك واعمل لى فيها سارتانا البطل كويس...
|
Post: #44
Title: Re: ماتجامل ياعيني..(للمستنيرين من أولاد العرب)
Author: تبارك شيخ الدين جبريل
Date: 09-07-2011, 01:18 AM
Parent: #43
Quote: انتو بوست (ولبسنا الكاكي 2) اتحذف و لّ شنو يا شباب!؟ |
يا طراجي .... تعالي شوفي لينا قيقا راوي دا عـب ياتو قبيلة وأرشيف مرتو وين ... (وما تكوني شخشية!)
الراجل بقى يفط عدييييل كدا ...
وانت قايل بوست التذكرة وزاد المجاهد داك فتحوهو ليهو ليه؟
... المهم .... من شخّ يشخّ شخشخةً
|
Post: #45
Title: Re: ماتجامل ياعيني..(للمستنيرين من أولاد العرب)
Author: حاتم الياس
Date: 09-07-2011, 01:24 AM
Parent: #44
أنت تعال ياتبارك قيقراوى ده بوست زاد المجاهد بيتكلم عنو كتير كده ليه..علاقتو شنو ببوستاتى
-- أكون أتبرعت فيهو بدقيق وانا ماعارف... لو فى حاجة زى دى مفتش الغيط ده ماكان فوته (مراقب عام الأتجاهات العنصرية) غايتو حقو فى علم النفس يقترحوا باب جديد اسمو (بارنويا الجواز الأخضر لدى المهاجرين)
|
Post: #46
Title: Re: ماتجامل ياعيني..(للمستنيرين من أولاد العرب)
Author: تبارك شيخ الدين جبريل
Date: 09-07-2011, 04:02 AM
Parent: #45
Quote: (بارنويا الجواز الأخضر لدى المهاجرين) |
تعديل:
فوبيا الجواز الأخضر لدى المهاجرين
... المهم ....
|
Post: #47
Title: Re: ماتجامل ياعيني..(للمستنيرين من أولاد العرب)
Author: Deng
Date: 09-07-2011, 04:09 AM
Parent: #46
Quote: اكل نارك واعمل لى فيها سارتانا البطل كويس... |
أعلى ما في خيلك أركبو.
نحن مهمتنا هنا هي كشف العنصريين والمنافقين من أمثالك.
كلو منك يا عصمت سيف الدولة.
|
Post: #48
Title: Re: ماتجامل ياعيني..(للمستنيرين من أولاد العرب)
Author: تبارك شيخ الدين جبريل
Date: 09-07-2011, 04:16 AM
Parent: #47
Quote: كلو منك يا عصمت سيف الدولة. |
وميشيل عفلق نجاهو اسمو المسيحي يا "جورج"؟
... المهم ....
|
Post: #49
Title: Re: ماتجامل ياعيني..(للمستنيرين من أولاد العرب)
Author: وليد محمد المبارك
Date: 09-07-2011, 08:45 AM
Parent: #48
Quote: نحن مهمتنا هنا هي كشف العنصريين والمنافقين من أمثالك. |
وكااااااااااااااااااااااااااااااااك
عجبني ليك يا حاتم
هاههاهاهاهاهاهاهاهاهاهاهاهاهاهاهاهاهاهاهاها هاهاهاهاههاهاهاهاهاهاهاهاهاهاهاها
هاهاهاهاهاهاها
عشان تاني تعمل لي فيها نبي في بيت الفنون
|
Post: #50
Title: Re: ماتجامل ياعيني..(للمستنيرين من أولاد العرب)
Author: tmbis
Date: 09-07-2011, 09:07 AM
Parent: #49
Quote: كل ما تذكر انه الانسانه الرائعه المعروفه هنا بمواقفها المشرفه د.هاله الاحمدي تزوجت منك انت هذا الرجل المتخلفالساقط في بؤس عنصريته وتخلفه؟؟!!
عرب شنو يا حاتم الياس الجاي تتفاصح باسمهم؟؟؟ نفتشك حسه نلقاهم ناكرنك ومطلعنك عب جعلين!! |
... يا حاتم .. والله مفتح لكن بي ردك الفوقاني لي اميرة الشرق واميرة النضال .. وانا كنت فاكر نفسي براي المستهدف اجتماعيا من علماء النضال في البورد .. لكن اهـو لا نفع معاك اسكريم الفكي عوض الله .. ولا قهوة الزيبق ولا دكان ود البصير .. ولا الدور التاني في سينما الوطنية أمدرمان بالنسبة لي دينق دا .. النبي فيك كان تشتكيهو .. ياخ دينق شنو البتشتكيهو لينا عليك الله يا حاتم ..؟ الزول جارنا في الدولة (الشقيحــه) وزيم ا قال كابلي وصوني احب لسابع جـار .. وكدا .. ..
شكرا يا حاتم ..
أخوك عــب راسو عديل حسب تصنيف الفيفا الأخير .. وفي قصيدة أخرى من علماء النضال .. عــب شايقية .. بختك إنت يزورو فيك .. الطلعت عـب جعليين .. مدد يا حاتم مدد ![](http://174.36.244.211/db/attention/200_4e.gif)
لكن بائــس دي مبالغة
|
Post: #51
Title: Re: ماتجامل ياعيني..(للمستنيرين من أولاد العرب)
Author: قيقراوي
Date: 09-07-2011, 10:06 AM
Parent: #49
Quote: وانت قايل بوست التذكرة وزاد المجاهد داك فتحوهو ليهو ليه؟
|
الفلم دا ما خشيتو و الله!
-------
يا اخوانا نحن نشوف معايشنا و لّ بس نقعد نصاقر ليكم مطعم الباشا دا؟![](http://174.36.244.211/db/attention/010_Smile.gif)
يا حاتم البوست داك وثيقة مهمة يا اخوي .. لسة بسألك لمن ختيتنا (كمعتذرين انبراشيين سذج)، كلامك دا بنيتو على بينات و لّ تِسِبِب منك ساي كدا بس!؟
جيب كوت يا حبيب؟ و تعال نتناقش ..
و لّ ما اتيت لحوار هو انت!؟ و عندك اجندات اخرى؟
|
Post: #52
Title: Re: ماتجامل ياعيني..(للمستنيرين من أولاد العرب)
Author: حاتم الياس
Date: 09-07-2011, 11:12 AM
Parent: #51
تمبس..داير أقول ليك أنا ود الثوره عشان كده مفتح ....خايف (شقلبان) تطلع محطة جلابة... وليد..جاتك باااارده ومدردقه ياشفت واتقنطرته ليك ..
ياقيقراوى...انا بعتبرك من المثقفين الأشاوس والمثقف لابد له من عقل نقدى يعنى فى خطاب حيدر قاسم المفرق بين مجموعات نيلية وأقوام السودان الأخرى التى أصبحت من السود فى بوست زى داك الما أمتلك بصيرة نقدية وقال ده تسطيح للحوار ولايمكن ان يختزل الصراع حتى من البشير زاتو اها فى زاوية ضيقة ومشوشة تخدم خطاب (الغبن) الأجتماعى والسياسى ده من زاوية (عبيد-وأولاد عرب) بكون جنى على حركة جماهيرية ونضالات طويلة لناس كتار سعوا لتأسيس فضاء مساواة وعدالة وحرية..يأخ أنا حاتم الياس لايمكن أشوف الحلو وعقار فى جانب والبسير فى جانب ياابيض يااسود ...يأخ ماسألت نفسك عرمان البيتنبر بالكفاح المسلح ده ليه لهسع ماقدم توضيح لأنسحابه من الأنتخابات دى تسوية قبيحة كانت لمجموعتين كلاهما يسعيان لحكم شعوبهما وتقاصر تقاصر خطاب السودان الجديد لمن كشه زى القماش وبقى معلق فى حبل سودانيز اون لاين..دخلت بوست حيدر قاسم وأفترضت فيك الخير انت وود المشرف لكن لقيتكم زى مشجعى دار الرياضة امدرمان شغالين فى ياسلام وبرافو حتى اننى أقترحت (وحيدر صديقى وكتابته محترمة تمتحن العقل لاالعاطفة) بياسلام وبرافوا الفى بوست حيدر قاسم أن نقدمه فى تسجيلات الموسم الجاى عن فريق (الحرية)..الأعجاب بكتابة احدهم ربما يشكل ورطة لأنه خلف النسج اللغوى والفكرى والسياق تكمن حيل الكاتب وهو يقولب الصراع بحسب حاجته هو لاحاجة الواقع وحاجته هو قطع شك تقوم على جنى مكاسب ولو كانت رمزية فى سوق السياسة ولو كانت بتحصيل تلك البرافوات والياسلامات
عرب شنو ياخ وديينكا شنو وامبررو شنو ياخى شوفوا الصراع من زوايتو الواسعة جداً لأنو اللحظة البيتماثل فيها قولك وقول تراجى ودينق وحيدر قاسم ويعزف الجميع على لحن واحد وأيقاع واحد قطع شك هناك خلل كبير فى مشهد تكوين هذا الرأى
مهدى عامل أظنو كان بيقول..فى التماثل موت..وفى الأختلاف حياة
-- دى الأجندة بتاعتى
|
Post: #54
Title: Re: ماتجامل ياعيني..(للمستنيرين من أولاد العرب)
Author: وليد محمد المبارك
Date: 09-07-2011, 11:26 AM
Parent: #52
Quote: وليد..جاتك باااارده ومدردقه ياشفت واتقنطرته ليك .. |
ايوه ...
كلمناكم قلنا ليكم دينق ده بتسول المواقف بكون انو جنوبي
يهابش الناس اول ما يهابشوه
واااااااااااااااي شوفوا ود العرب قال لي شنو وااااااااااااااااي يا ناس البورد حصلوني انا الجنوبي المهمش المسكين اتعنصروا علي
بتسول بالعنصرية
شخصيا غير اني اعصروا في المنبر ده ما عندي ليه حاجة لانو زول ###### متسول مواقف
هي العنصرية دي الا تكون في دينق بس ما البورد ده مليان جنوبيين محترمين انفسهم والناس محترمنهم
اما العنصريين الصحي صحي فهم البجو جارين وبتعاملوا مع دينق ده بعتبار انو جنوبي مسكييييييييييييييين عاوز عونهم وسندهم وما بعاينو لي غلطاته وعنصرتو وبتجاهلوها باعتبار انو جنوبي ما بفهم وبحصلوه ويدافعو عنه باعتبار انو جنوبي مسكين محتاج ليه ود عرب مقرم يدافع عنو
دينق يتسول العنصرية واغلب من يدعون انهم مستنيرين المنبر يتعنصرون عليه ومنهم من يدري ومنهم من لا يدري باعتبار انو جنوبي مصنوع من قزاز لايسال ابدا عن تصرفاته القبيحة ومن يتصدى له حتى في غلطه ينحازون ضده
قلنا ليكم الزول ده مستمرئ الحكاية دي وبتسول بيها
|
Post: #53
Title: Re: ماتجامل ياعيني..(للمستنيرين من أولاد العرب)
Author: محمد إبراهيم علي
Date: 09-07-2011, 11:16 AM
Parent: #51
Quote: انتو بوست (ولبسنا الكاكي 2) اتحذف و لّ شنو يا شباب!؟ |
قاعد لكن حاول يخفي نفسو لوووول لبسنا الكاكي (2)
|
Post: #55
Title: Re: ماتجامل ياعيني..(للمستنيرين من أولاد العرب)
Author: سفيان بشير نابرى
Date: 09-07-2011, 11:56 AM
Parent: #53
اها هاك دى مداخلتى فى بوستك داك بنزله هنا برضو عشان اكون اوضح .
Quote: ما عارف اشرحه ليك (إزاي) لانو بصراحة و باعتبار انك محامي وناشط سياسي كمان بتكون عارف أن التمظهرات السياسية لمركزية الدولة السودانية منذ فجر استقلالها ما عملت على المحافظة على التنوع من اجل بناء الدولة السودانية الجديدة بل أنها كرست للمركزية الأوحادية لغوياً و دينياً و عرقياً و ابسط مظهر هو اعتماد اللغة العربية نتيجة لمرور الشهادة السودانية و الكلام دا كتييير وما بفوتك ذى ما قلته ليك و اظن اننا هنا فى المنبر دا كتلناهو بالكلام ... لا ولا كدا بس يا حاتم ياخ هسى كل الهامش الشايل سلاحو و بحارب دا و صل للنتيجة دي و المعضلة الاكبر انو ناس المركز ذاتهم و عوا لى دا لكن اهو براوغو زى مراوغتك دى لكن صدقني الطوفات آت آت و كان ممكن نتفاداهو لو الناس عملت لانها تعالج الازمة دى تحديداً (تنوع الدولة من اجل الوحدة وفق دستور وقانون ضابط ) لكن يا حاتم اهو جنس الحاصل دا و بتتعامى انك تشوفو خلى الحال الحالى انو الهامش نظم صفوفو من خلال الظلومات و كون جيوش و جيوش قادرة جداً بل أنو الجيوش دي وصلت من خلال الدولة الضعيفة وال########ة و المستنكحه و الظالمة انها تصل للسلطة و ما تقتنع بى كدا لا عايزة تمشي قدام و حتمشي لو طال الزمن و لا قصر و الواضح انو اليوم ما زي امس و انو أبناء التقافة العربية الاسلامية بوعيهم أو دون وعيهم اليوم هم المطالبون بانقاذ نفسهم مما جنت مركزية الدولة السودانية القديمة دى و الحل يا حاتم في يدك و يدي و يد كل أبناء التقافة العربية الإسلامية بأننا ننقلب علي الوضع الراهن و ننقذ انفسنا و ننقذ دولة السودان الموحدة و فق شروط حقيقيقة ... دا الحل الوحيد يا حاتم لو رضيت أو ابيت تقول لي نشرب من البحر !!! حنشرب يل حاتم كلنا لو ما وعينا بي كدا !!! المسألة ما مسألة مكابرة لاعتذار المسألة مسألة بناء و دولة و فق شروط صحيحة .
دا اخر كلام عندى ليك .
الأ هل بلغت اللهم اشهد .
صاحبك وصديقك سفيان |
|
Post: #56
Title: Re: ماتجامل ياعيني..(للمستنيرين من أولاد العرب)
Author: قيقراوي
Date: 09-07-2011, 12:01 PM
Parent: #53
Quote: قاعد لكن حاول يخفي نفسو لوووول
|
شفناهو شفناهووووووو .. و هل يخفى القمر في سماهو!؟ مع الاعتذار للقمر للتشبيه- للضرورة الاستشهادية(الشعرية)- بالبوست!![](http://174.36.244.211/db/attention/010_Smile.gif)
يلا يا حاتم ..
طالبناك بهناك بي الكوت* البنيت عليو محاكمتك لثقافتنا .. بو يا حاتم .. بو!!
تدينا مثقفين بـ(الشمال) و تقلعا من عينا (سذج) باليمين!! (أٌقرأ جنوبي اذا بتريد!)
Quote: قصتنا نحن الشماليين محيرة مع هولاء الجنوبيين واتباعهم من منافقي الجلابة،،،، استوعبناهم ايام الحرب ..جاءوا بالملايين هربوا من جنوبهم المشئوم وعاشو وسط الخرطوم لم يقدموا للاقتصاد اي منفعة غير الجريمة والشر والترصد
حفرنا لهم ابار البترول فاخرجناهم من اكل خشاش الارض ولحاء الاشجار وحمى عمى الانهار واصبحوا سماسرة وتجار يستمتعون ونساؤهم في البحار الدافئة وهم يحملون معهم العملة الصعبة في الزكائب وينشرون الفضائح في استراليا وامريكا واوروبا
تحملنا عمالتهم لاسرائيل وسلاحها المسموم الذي قتلوا به خيرة شبابنا على امل ان نعيش مرة اخرى في سلام
قتلونا في توريت في الخمسينات وبقروا بطون الحوامل من حرائر الشمال ،،،لم نرد عليهم قتلونا في اكتوبر في قلب الخرطوم يوم تأخرت طائرة كلمنت امبورو ،،فلم نرد عليهم قتلونا يوم الاثنين الاسود دون ذنب يوم هلك المتمرد قرنق بايادي الذين صنعوه ،،، فلم نرد عليهم
عاشوا بيننا واحتكرو اسواقنا فلم نحسدهم او نطردهم كما عملوا لتجار الشمال اعطيناهم كل السلطة في جنوبهم المشئوم وربع السلطة في كل الشمال فلم يشكروا ولاول مرة ذاق اللالاف منهم طعم الوزارات والمناصب المرموقة في المجالات العسكرية والسياسة والدبلوماسيةوالاقتصادية فلم يشبعوا طلبوا الانفصال فاعطيناه لهم على طبق من ذهب لم نرفض بل رحبنا به وودعناهم باخلاق عالية لايعرفونها
الان سقط طابورهم الخامس في الانتخابات التي لم ينفع شعار التهديد فيها (النجمة او الهجمة) وفي النيل الازرق مالك تحاصره الاغلبية البرلمانية والصبي ساسر عرمان فقد الاهمية لعدم وجود مقعد سياسي شاغر وبدلا من اكمال تعليمه ياخد الطريق الاقصر انقاص الوطن لذلك ارادوا ان يتمردوا من جديدلان التمرد يعود عليهم بمنافع كثيرة وفنادق وقنوات اخبارية ومصاريف سرية
المشكلة ليس هولاء المتمردين المشكلة في ناس ( الصفقة تعبانة) هولاء التعساء الذين كلما انبت التمرد سنانا ركبوا في التمرد لسانا ،،،قطع الله لسانهم وكت انوفهم يهللون لمخربين ومتمردين ويفرحون لخراب البلد
|
بالله عليك لا تخرج الاحاديث عن سياقتها عشان تلفق مع فكرتك المعدة سلفاً .. دا تلفيق يا حاتم! حاكم الرأي في كل تجلياته ..
بعدين نكون فعلاً سذج لو قبلنا (بو)ك بتاع البولتيكا دا! من وين بنلعب بولتيكا و عاوز خطاب بائس زي دا يتمرر فينا؟ ريالتنا ما بتطفي نارو كدا!؟ او كما قال ابتفة
جيب كوتك و الحساب ولد و بت
-------
في الليلة الظلماء يفتقد الحبشي .. بالجد فاقدنو .. له التحية وين ما حلّ عليه العيد
|
Post: #57
Title: Re: ماتجامل ياعيني..(للمستنيرين من أولاد العرب)
Author: قيقراوي
Date: 09-07-2011, 01:45 PM
Parent: #56
Quote: جيب كوتك و الحساب ولد و بت
|
يبدو انك مشغول بهناك زي ما قال سوفي ناب*
نجيبو نحنا المافي شنو!؟
Quote:
Quote: أخي حيدر : قلمك دوما رصين ، فلا يقودك الإحباط لإرتكاب أخطاء أكبر من أخطاء الإنقاذ،، |
ما فهمته انو كاتب البوست بحاول يستقرأ دوافع الحرب في جنوب النيل الازرق ..
اما مسألة انو الشماليين عرب .. في دي - حسب قرايتي- انو هو مقتنع.. و بقول البقنع الديك منو!؟
بس
-------
و انا بدوري - كشمالي - اعلن براءتي مما فعل السفهاء باسمنا
|
Re: البشير يستكمل عنصريته ... بإعلان الحرب على كل أفارقة السودان
قول واحد .. و الله واحد مالو تاني ..
هي دي مداخلتي في بوست الاستاذ/ حيدر قاسم زميلي في البولتيكا ام نخجي و بكاء دي!
و لكم ان تتاكدوا :
البشير يستكمل عنصريته ... بإعلان الحرب على كل أفارقة السودان
اها يا اخوي دي؟ و لّ نمش نجيب غيرا؟
------
* فتو يا سوفي ناب .. فتو ياخ ولك أجر المناولة
الناس شركاء في () ياخ!
|
Post: #59
Title: Re: ماتجامل ياعيني..(للمستنيرين من أولاد العرب)
Author: سفيان بشير نابرى
Date: 09-07-2011, 02:17 PM
Parent: #57
Quote: * فتو يا سوفي ناب .. فتو ياخ ولك أجر المناولة
الناس شركاء في () ياخ! |
افتو شنو يا قيقا ياخ
أنا من زمااااااان سامع بفرفرة الذبيح بس ما كنت قايل ممكن تكون حتته !!!
ياخ الهاشمي قال ليهو قصة جحا انساك من قصة الضفدعتين بتاعة الوليد يوسف هاهاهاهاهاهاهاهاهاها وحاة الله الهاشمي قال ليهو قصة جحا
|
Post: #58
Title: Re: ماتجامل ياعيني..(للمستنيرين من أولاد العرب)
Author: حاتم الياس
Date: 09-07-2011, 02:02 PM
Parent: #56
وطيب انا علاقتى شنو بالكلام الفى الكوت ده ولامتخيلنى قريتو (وبسطنى) ..بسالك تانى انا علاقتى بيهو شنو الا تكون زى تراجى ودينق متخيل انو البكتبو ده كلو شغل فوق فوق..لدعم منطلقاته ولكن يشوية حزلقة مثقفين ده كلو جزء من أعادة أنتاج الرداءة خطاب عنصرى فى مواجهة خطاب عنصرى اخر ومثقفين فى النص بيتواطؤ لتبديل مهمشين بمهمشين تانين ومقعدهم قاعد طالما هم بعيدين عن حرائق البسطاء ولا يمسسهم سؤ منها... لذا ياسفيان خطاب الأعتذار خطاب بائس لأننا بنقول للمهمشين اها أعتذرنا ليكم اكلوا أعتذار وأتعالجوا أعتذار واتعشوا أعتذار
-- ان صدق ماذكر عن عبدالخالق محجوب وهو فى طريقه للمشنقة يهتف بحياة الشعب السودانى وقول سائله أديتو شنو فرد...الوعى ليته قال (أديتو الأعتذار) وريحنا...كنا أعتذرنا زمان وكل قرداً طلع شدرتو
---
|
Post: #60
Title: Re: ماتجامل ياعيني..(للمستنيرين من أولاد العرب)
Author: Deng
Date: 09-07-2011, 02:33 PM
Parent: #58
Quote: عرب شنو ياخ وديينكا شنو وامبررو شنو ياخى شوفوا الصراع من زوايتو الواسعة جداً لأنو اللحظة البيتماثل فيها قولك وقول تراجى ودينق وحيدر قاسم ويعزف الجميع على لحن واحد وأيقاع واحد قطع شك هناك خلل كبير فى مشهد تكوين هذا الرأى |
هل بنفس هذا الفهم الفطير عندما يتفق دينق وتراجي مع البأس حاتم الياس عن سوء الأنقاذ مثلا، يكون ذلك "قطع شك هناك خلل كبير في مشهد تكوين الرأي"؟ أنا شخصيا أختلفت مع الأخوة حيدر قاسم وقيقراوي في عدة بوستات ومواقف بهذا البورد، ولكن ما بيننا هو الود والأحترام. والأختلاف في قضية أو رأي لا يعني الأختلاف في كل شئ وحتى لو كان ذلك مع الكيزان أنفسهم.
الجميل في هذا الموقع هو أننا كل يوم بنكتشف كيف أن الأقلام هي التي تفضح أصحابها وتعريهم. مثل هذا العروبوي الذي كان طارح نفسه مثقفاتي بهذا البورد. ها هو الأن يتعرى أمام الجميع تماما. والمدافعين عليه هم صبيان الجبهة وأمنجية البورد من أمثال التمبس ووليد المبارك. يا لبؤسك وتعاستك يا حاتم الياس.
|
Post: #61
Title: Re: ماتجامل ياعيني..(للمستنيرين من أولاد العرب)
Author: حاتم الياس
Date: 09-07-2011, 02:50 PM
Parent: #60
والله انا مافى زول مفترنى فى الكتابة غيرك ومرات كتيره احتار أرد ليك كيف...وفى واحد تانى برضو اسمو محمد سيداحمد بيجى يرك فى راس البوست زى ودابرق يفك ليهو كلمتين ويتخارج فياخ عليك امش شوف ليك شغلة غيرى بصراحة كتابتك (عبيطة) ومابعرف زاتو يردو عليك كيف -- وماتصدق قصة الدعوى القضائية
|
Post: #62
Title: Re: ماتجامل ياعيني..(للمستنيرين من أولاد العرب)
Author: قيقراوي
Date: 09-07-2011, 02:52 PM
Parent: #60
Quote: وطيب انا علاقتى شنو بالكلام الفى الكوت ده ولامتخيلنى قريتو (وبسطنى) ..بسالك تانى انا علاقتى بيهو شنو الا تكون زى تراجى ودينق متخيل انو البكتبو ده كلو شغل فوق فوق..لدعم منطلقاته ولكن يشوية حزلقة مثقفين ده كلو جزء من أعادة أنتاج الرداءة خطاب عنصرى فى مواجهة خطاب عنصرى اخر ومثقفين فى النص بيتواطؤ لتبديل مهمشين بمهمشين تانين ومقعدهم قاعد طالما هم بعيدين عن حرائق البسطاء ولا يمسسهم سؤ منها... لذا ياسفيان خطاب الأعتذار خطاب بائس لأننا بنقول للمهمشين اها أعتذرنا ليكم اكلوا أعتذار وأتعالجوا أعتذار واتعشوا أعتذار |
يا حاتم الياس و الله حيرت كنكوجي معاك .. قلبي خليو دا اصلن ورمتو لي عديييل كدا!
ياخ لسة ما وقع ليك؟
انا ما جيت اتهمتك بشئ و بوضح ليك (براءتي) كانت عن شنو؟ سم سانين : (اعتذاري) المافي دا كان وين يا اللخو!؟ مش تثبت اول حاجة اني (اعتذرت) بما يتواءم مع فكرتك البيض الطارحا هنا و ما لقيت ليها ناس يقيلوا القسمة عليها غيرنا انا و الاستاذ حيدر ابو القاسم دي!؟ شفت منو البسلبط و بلصق في التاني؟ يعني حرقتك السلبطة في رويحتك دي (لفهم قطعتو من راسك، ولم اقصده) و باااارد التلصيق في الناس لعمنا نقد مقولة نسيتا اسي .. لكن فحواها انو بضايق من الناس البشتروا الافكار الردي ميد و يجوا يلبسوها لواقعم و قيل واقع غيرم! ياخ مافي حاجة اسمها قميص عامر دي ذاتو .. دي اشاعات كرست ليها القوى الاستعمارية .. و الجلابة -كفصيل منها- جايين يترزقوا بيها(كالعادة)
السؤال موهط ظن : وين انا اعتذرت!؟
بالله عليك -بحق الخوة الجلابية- فصّل لي جلابية مقاسي ياخ! لو كمان قدرت تكسرها عمود بدمعتين تكون ما قصرت معاي!
![](http://174.36.244.211/db/attention/200_4e.gif)
--------
Quote: ان صدق ماذكر عن عبدالخالق محجوب وهو فى طريقه للمشنقة يهتف بحياة الشعب السودانى وقول سائله أديتو شنو فرد...الوعى ليته قال (أديتو الأعتذار) وريحنا...كنا أعتذرنا زمان وكل قرداً طلع شدرتو |
و نفس الشهيد عبد الخالق دا، وقف تحت قبة البرلمان في ستينات القرن المنصرم، و قدم اعتذارو لشعب الجنوب دا ذاتو! و طلب من بقية القوى الشمالية ذلك .. و لم يفعل احد!! ليتهم تحلوا بالوعي و الاستقامة الفكرية و السياسية و فعلوا .. اذن لكان قد تغير التاريخ و الواقع دا ما ياهو الوعي ذاااتو الاتكلم عنو، والبنتكلم عنو .. انت قايلو كيف أول؟![](http://174.36.244.211/db/attention/010_Smile.gif)
و للشهيد جوزيف قرنق مقولة ايضاً و تحت نفس قبة البرلمان .. ونفس الجلسة مفادها : " البتفوه بكلام العنصرية في ي ي الخرطوم دي، لا يقل عمن يحمل السلاح في الجنوب في شئ"
او كما قالها
شفت كيف يا سبابي؟
|
Post: #63
Title: Re: ماتجامل ياعيني..(للمستنيرين من أولاد العرب)
Author: حاتم الياس
Date: 09-07-2011, 03:08 PM
Parent: #62
جيب حتت أعتذار عبدالخالق دى بالله التحت قبة البرلمان وينوبك ثواب لأنو عبدالخالق قال ماتحاكمونا بالتاريخ حاكمونا بمواقفنا وفى ناس دايرين يلموا التاريخ والراهن والمستقبل كلو فى كلمتى المست غرورك وفرقتنا ياحبيبى....ياقيقراوى الأعتذار عن جرائم البشير زاتها حاجة عجيبة أنا بعتذر عن نظام مابيمثلنى وبعتذر عنو لييييه حتى ولو قال هو بيمثلنى والناس الموجه ليهم الأعتذار ديل وين
--
|
Post: #64
Title: Re: ماتجامل ياعيني..(للمستنيرين من أولاد العرب)
Author: قيقراوي
Date: 09-07-2011, 03:28 PM
Parent: #63
Quote: جيب حتت أعتذار عبدالخالق دى بالله التحت قبة البرلمان وينوبك ثواب لأنو عبدالخالق قال ماتحاكمونا بالتاريخ حاكمونا بمواقفنا وفى ناس دايرين يلموا التاريخ والراهن والمستقبل كلو فى كلمتى المست غرورك وفرقتنا ياحبيبى....ياقيقراوى الأعتذار عن جرائم البشير زاتها حاجة عجيبة أنا بعتذر عن نظام مابيمثلنى وبعتذر عنو لييييه حتى ولو قال هو بيمثلنى والناس الموجه ليهم الأعتذار ديل وين
|
حليلو قبلو!!
فيما يخص توثيق اعتذار عبد الخالق ممكن تعتبرها رواية قيقارواي .. و المسئولين عن التوثيق لجلسات البرلمان و تاريخنا السياسي -دي ماعارف مسئولية منو؟- هم يكذبوها او يضعفوها .. او يخرجوها كحديث حسن صحيح عديييل ..المافي شنو!؟
وصلتني عن طريق المشافهة انا .. ؤ انت عارف انو حلاتي يا دوب 40 بس!*
اما في ما يخص باقي الحليلو قبلو!!
يا اخوي انت لسة مصر اني (اعتذرت)!؟ يعني كان عفيتنا من البكية ما عاوز ترحمنا من تهمة (اعتذار) ساي!! كدي وثق لي (اعتذاري) دا عشان اعتذر ليكم عنو!؟
-------
* انت قايلني حضرت الجلسة دي ولّ شنو؟![](http://174.36.244.211/db/attention/010_Smile.gif) ياخ انا مولود بعد ان تسامي عبد الخالق بـ41 يوم عديييل .. ما شمينا نفس الهواء كلو كلو!!
|
Post: #65
Title: Re: ماتجامل ياعيني..(للمستنيرين من أولاد العرب)
Author: حاتم الياس
Date: 09-07-2011, 03:38 PM
Parent: #64
-- ياقيقراوى ماف حاجة بتزهجنى منك زى ونسة العمر دى شابفك عاصر عليها شديد ...أها ياخ انا أعتذر أنى قولتك سمبلا ساى وجيب الكوتيشن بتاعك أسلم ليك عليه كمان بس برضوا واصل لينا النقاش فى هل من الضرورى نعتذر عن الأنقاذ
---
|
Post: #66
Title: Re: ماتجامل ياعيني..(للمستنيرين من أولاد العرب)
Author: Deng
Date: 09-07-2011, 03:56 PM
Parent: #65
Quote: والله انا مافى زول مفترنى فى الكتابة غيرك ومرات كتيره احتار أرد ليك كيف...وفى واحد تانى برضو اسمو محمد سيداحمد بيجى يرك فى راس البوست زى ودابرق يفك ليهو كلمتين ويتخارج فياخ عليك امش شوف ليك شغلة غيرى بصراحة كتابتك (عبيطة) ومابعرف زاتو يردو عليك كيف -- وماتصدق قصة الدعوى القضائية |
لو أنت بتفتر من الكتابة. توقف وارحم نفسك عوضا عن كل هذا الهباب البتعمل فيهو ده. هو أنت عندك حاجة علشان ترد بيها غير كتاباتاك الفوق دي ! . العباطة هي زي حالتك دي لمن تكون متشبس لك في هوية غير هويتك، ولذلك كتاباتك عبارة عن مسخ مشوه. كلو منك يا عصمت سيف الدولة.
|
Post: #68
Title: Re: ماتجامل ياعيني..(للمستنيرين من أولاد العرب)
Author: قيقراوي
Date: 09-07-2011, 04:28 PM
Parent: #66
Quote: بس برضوا واصل لينا النقاش فى هل من الضرورى نعتذر عن الأنقاذ
|
الانقاذ!!؟
و دي شن شغلتنا بيها؟ فيما يليني، مسئوليتي تنحصر فيما اتصل من شجرة نسب الغول لي بيها.. اما بوعي - واخد بال سعادتك!؟- ما حصل دعمتها، او ايدت طرحن ليها .. مطلقاً.. و دا من دواعي الصدف الجميلة .. لعدم تقاطعي معاها فكرياً او سياسياً في يوم!
-------
في مسألة نصيبنا من (شماليين) دي قدمت مقترح سابق للبروف امين هنا
لماذا لا يخرس الشمال ؟!! *
لفك الارتباط بانو تفرزوا لي ديل من ديلا .. و يدونا تصنيف ككاتوقوري (other) و ترتاحوا و تريحونا معاكم لا نسأل عما تفعلون .. و لا تُسألون عما نقول!
* و كانت الجائزة -وكتها- شبال بصلعة البروف همسلف للينقطنا بسكاتو![](http://174.36.244.211/db/attention/100_Balloons.gif)
بجيك راجع .. للحديث بقية .. و هو ذو شجون
لي وكتها .. عندي ليك سؤال :
ما شايف انو الايدولوجيا (القومية) دي بتتقاطع .. بل تتناقض راسا عديل مع (الاممية) الصرحت بيها قبل كدا؟ بل بتتناقض مع روح العصر .. و ربيع الشعوب الهابي حولينا و ما جا علينا دا؟ هل اي رابطة اثنية مؤهلة ان تجمع الناس في بلاد ما كان يسمى بالسودان دا؟ ام هي خميرة عكننة؟
لمن قلت ليك بهناك " نكسب وطنا" .. كانت مقصودة بالمناسبة .. بنلعب في الزمن الضائع - للاسف حتى ما بفهم الكورة المصحّف لـ" الزمن بدل الضائع - مافي زمن..
المافي زمن!!
و دي الاجابة على سؤالي التعسفي الاثير (المافي شنو؟)![](http://174.36.244.211/db/attention/010_Smile.gif)
كن بخير .. و نلقاك حين لقاك
|
Post: #67
Title: Re: ماتجامل ياعيني..(للمستنيرين من أولاد العرب)
Author: محمد حيدر المشرف
Date: 09-07-2011, 04:18 PM
Parent: #65
لى كم يوم كده شايف البوست وقلت شهرا ما عندنا فيهو نفقه ما نعدو .. لا علاقة لى بعيون حاتم الياس ولست مستنيرا وقطعا لست من أولاد العرب .. أها الليله ربك هون ودخلت البوست .. لقيت اسمى مدور .. الله يطراك بالخير يا قيقراوى وكتر خيرك, ولكن ما اتوقعتها منك بالتحديد تطلعنى عريبى .. واتفاقى مع حيدر قاسم اسبابو واضحه جدا .. ودكتور سيف أشار لذلك .. وانا ما عارف حاتم قاصد شنو بالمجامله ؟!! لم تكن هناك ذنوب اجتماعيه ليقدم عنها الاعتذار ؟!
وبمناسبة عبيد الجعليين "البلنتى بتاع تراجى" اللافت للدهشه ليس تقسيم الجعليين لى ناس حرين وعبيدهم .. المدهش اكثر ان درجة الحروريه ذاتها متفاوته .. فى جعليين درجه أولى زى الحسبلاب والعبدلاب والسعيداب والنافعاب والتميراب وهم حداشر حسبما قالو لينا .. يعقبهم درجه تانيه .. وفى تالته .. وهكذا ..
لا تضحكوا سادتى فالامر كذلك وأسوأ .. واعرف نماذج يشيب من هولها الولدان داخل تقاطعات الجسم الجعلى/جعلى تقول لى مافى ذنوب اجتماعيه ليعتذر عنهالبقية أهل السودان !!! ثم الى متى يتغابى الناس ظواهر الصراع الاجتماعى فى السودان ؟!!
تحياتى للعزيز حاتم وضيوفه
|
Post: #69
Title: Re: ماتجامل ياعيني..(للمستنيرين من أولاد العرب)
Author: حاتم الياس
Date: 09-07-2011, 06:51 PM
Parent: #67
تشكروا ياشباب...وياقيقا نكسب وطن مالو لكن بياتو شروط لهذا الكسب ...بالأعتذار!! ولابشنو ياخى بنكسب وطن لمن نعقلن خيارات التغيير وماتبقى هوجة ,انتحار جماعى بالمناسبة سمير امير عندو راى فى انو دول العالم الطرفية لأنها دول فاشلة (ومثقفيها زاتهم فاشلين) مع تفجر ألأوضاع فيها السياسية والأجتماعية بيحصل ليها نوع من الأنتحارالجماعى عندك راوندا والصومال وليبريا ونماذج كثيره وبيظهر نوع مثقف سطحى جداً تعاملوا مع الأزمة بفكرة المخارجة حين أنو الأزمة أعمق من كدا كتييير...
أنا أتقاطع مع الأنقاذ أنا قومى وعروبى ببراح كده بتسال فيهو عن تقاطع القومى والأممى وكأنك جبتها من أخره (طلعت مامثقف والله)
ده مابينفع لأنو الخطاب القائم على ادانة جزء من المكون السودانى ودفعه للأعتذار لمكونات تانية لايحل ازمتنا هى اعمق رغماً من أنك ومثل أخرين تريد ان تقف معى على على طرف الموقف السياسى الراهن أنا مابتاع موقف سياسى راهن ولا تعجبنى قصة ياابيض يااسود لأنها وهم كبير ...
بالمناسبة برضو حانعتذر لعلى الحاج
--
|
Post: #70
Title: Re: ماتجامل ياعيني..(للمستنيرين من أولاد العرب)
Author: Elawad
Date: 09-07-2011, 07:30 PM
Parent: #69
Quote: وقطعا لست من أولاد العرب .. |
سلام يا مشرف... قول إنت مقتنع بالكلام دا البقنع الديك منو؟ يا جماعة كلام حاتم كما فهمته ليس فيه نفي لمشاكل السودان و لا نفي لمشكلة العنصرية. لكن السؤال من يعتذر لمن؟ هل نطالب من تموت نساؤهم و هن لا يجدن مستشفى و لا وسيلة إليها ممن لم يروا من حكومات المركز طريقا و لا مدرسة و لا خدمة إلا ما كان من دعم أبنائهم المغتربين هل نطالب هؤلاء بالاعتذار لعلي الحاج مثلا زي ما قال حاتم؟ و إذا اعتذر من يسمون بعرب السودان جملة لغيرهم فمن يعتذر عن تظالم هؤلاء الغير فيما بينهم و هو تظالم تنوء بحمله الجبال لو تعلمون.
|
Post: #73
Title: Re: ماتجامل ياعيني..(للمستنيرين من أولاد العرب)
Author: خالد خليل محمد بحر
Date: 09-07-2011, 08:59 PM
Parent: #70
حاتم الياس...وضيوفه الكرام ...عربآ كانوا أم أفارقة ...يا حاتم يقال إنو نافع على نافع إبان غزوة خليل لأمدرمان كان يخطب فى بعض أفراد جهاز الامن قائلآ: الجنوبين عندهم جيش بحرسهم والغرابة اهو سوى ليهم جيش لحدى ما دخلوا الخرطوم...إنتو جيش العرب فى البلد دى..وحمايةالبلد دى تحت مسؤليتكم...طيب من الواضح يا حاتم إنو الإنقاذ تستخدم هذا الخطاب العنصرى كفزاعة...وتقول أن كل الازمات والحروبات التى دارت ومازالت هى إنما تستهدف القضاء على العنصر العربى والاسلامى فى السودان...يعنى الانقاذ تُحور اسباب الصراعات التى تقوم نتيجة لفشل الدولة فى إدارة التنوع والاختلاف والتنمية إلى صراع يستهدف عروبة عرب السودان وإسلام مسلمى السودان...وعلى الاساس ده مثلا كانت الحرب فى الجنوب تدار تحت لافتة حماية الهوية السودانية...ووتصورات اهل الانقاذ للهوية لا تخرج من معادلة عرب/مسلمين....طيب ياحاتم على هذه الفرية كانت الانقاذ تجيش الجيوش وتمارس التصفيات العرقية والاثنية...اها انت مثلا كديمقراطى عربى موش مفروض يكون عندك موفق تقول فيهو الحروب والتصفيات اللى قامت بيها الانقاذ لا تعبر عنى (كعربى) ...وموش ممكن تعتذر لضحايا التصفيات العرقية اللى تمت تحت لافته الدفاع عن عرب وعروبة السودان...يعنى مثلا تقول والله ياناس انا زول سودانى /عربى...والعملتو الانقاذ ده ما بعبر عن تصوراتى للحفاظ على عروبتى...طيب..وبى نفس المنطق لو فى حركة أو حزب بستخدم خطاب عنصرى مضاد وبفتكر إنو بعبر عن أفارقة السودان وبمارس تصفيات عرقية تحت اللافتة دى ...يجب أن يتصدى له فى المقام الاول الناس البفتكرو إنهم أفارقة ويقولو إنو الكلام ده غلط وما بعبر عننا ولو فى ضحايا يعتذروا ليهم...ولا شنو....؟ طيب ده هو العملو حيدر قاسم وقال إنو الحروب القاعده تقوم بيها الانقاذ بإسم الشمال لاتعبر عنو كشمالى على الاطلاق...خلاص... خارج النص/ بعد إنفصال جنوب السودان ظلت جريدة الانتباهه تردد إنو خلاص هوية السودان إتحسمت مع العلم إنو جريدة الانتباهه هو الجريدة الاكثر توزيعا فى السودان...انت عارف جريدة الانتباهه دى ياحاتم تقول بوزعوها مجان والله تخش اى مكتب/جامعة/ موصلات/ محل شيشة/ تلقى الناس بتقرأ فيها...طيب انا شخصيا بفتكر إنو الانتباهه قاعدة تعبر عن وعى فئة كبيرة وكاسحة من أبناء الشعب السودانى فى المرحلة دى...وده مؤشر كارثى للدين لانو الانتباهه بتقوم على خطاب الازمة وبأمتياز...ياخ الزول الاسمو الطيب مصطفى ده بقول كل ما اسمع كلمة تنوع اتحسس مسدسى الكلام بتاع النازيين داك....المهم الديمقراطيين كان عرب كان افارقة مطالبين بدور كبير والله...يعنى مثلا زى الطيب مصطفى ده لو انا مشيت كتبت مقال لتفنيد الهذيانات بتاعتو دى...عادى ممكن يقوق ده عب حاقد موش...طيب لو فى زول ود عرب زيو(بحسب تصوراتو) قام كتب مقال فند فيهو الهذيانات دى تفتكر زى الطيب مصطفى البكذب على القراء ويقول ليهم العرب وما العرب ومستهدفين وما مستهدفين ...بقدر يقول بغم تانى....المهم
|
Post: #71
Title: Re: ماتجامل ياعيني..(للمستنيرين من أولاد العرب)
Author: Deng
Date: 09-07-2011, 07:49 PM
Parent: #69
Quote: بالمناسبة برضو حانعتذر لعلى الحاج |
يا هو ده فهمك لثقافة الإعتذار!!
|
Post: #72
Title: Re: ماتجامل ياعيني..(للمستنيرين من أولاد العرب)
Author: محمد حيدر المشرف
Date: 09-07-2011, 08:06 PM
Parent: #71
Quote: لكن السؤال من يعتذر لمن؟ |
صاح يا العوض .. كلامك كلو صاح وطرحك أوضح من حاتم الياس .. والكلام لما يكون فى التراك الصاح تسهل محاكمتو ..
نعم .. "نحن" يجب أن نعتذر "منهم" ONCE انك فهمت "الضمائر" دى .. ياك فهمت المسأله !! وللحديث صله بكلام سيف النصر ..
جاييك بى مهله يا صديق أسعد الله مساؤك الحالى أو القادم .. وأينما كان وكنت ..
|
Post: #74
Title: Re: ماتجامل ياعيني..(للمستنيرين من أولاد العرب)
Author: حاتم الياس
Date: 09-07-2011, 09:28 PM
Parent: #72
خالد خليل كلامك نجيض جداً وموضوعى وهو ما نحتاجه (لرواشة) هذا البوست المهتم بالتصنيف أكثر لاالنقاش القصة كلها بالنسبة لى هو الحذر من خطاب أعادة أنتاج الرداءة وخلق مناخ ملتبس تبدو فيه الصورة وكأنها صراع بين طرفين الأنقاذ والحركة الشعبية التى تمثل أعراق السودان المهمشة وهو رأى لاأحبذه وكنت أتسأل هل لياسر عرمان أن يعتذر عن أنسحابه المخزى فى الأنتخابات أنسحابه لمصلحة طريفين كل منهما يريد أن ينفرد بشعبه وأنسحابه من ساحة التغيير الديمقراطى الحقيقى حينما أتيحت له ..أنا عايز عرمان ( أبومانا) يعتذر لى وقلت أقول أنو خطاب الأستقطاب العرقى لايقود الى نتيجة وستتحول البلاد كما قال توماس هوبس فى اللوفيثان (لحرب الجميع للجميع) أن ترك الوطن فى هذه اللحظة لصغار الساسة والنهازين والشبعانين طمأنينة فى أوطانهم البديلة هو أمر خطر أنا أكتب من هنا من السودان ويزعجنى أنو أصحى الصباح وولاأجد وطناً لأن واحد (موهوم) بسودانيز أون لاين يعتقد أنه من يصنع لى مسارات التحول ويفهم أكثر من...خطاب الأعتذار بالنسبة لى هو أنسحاب خجول من جبهة العمل والتفكير يقع فيه بعض مثقفينا المحاصرون نفسياً دون سبب...ويكرسون لفكرة ماخلاص على حساب بسطاء وفقراء شعبنا الماليهم فى العير ولاالنفير
|
Post: #75
Title: Re: ماتجامل ياعيني..(للمستنيرين من أولاد العرب)
Author: Deng
Date: 09-08-2011, 05:01 AM
Parent: #74
أراك مازلت ترغي وتذبد في عنصريتك الجلفة.
تكتب كلام في البوست فوق وتجي تحت هنا تتهرب منو!
والبوست بتاعك التاني داك حيكون موجود في الصفحة الأولى دائما لكي ينكشف أمثالك من المستلبين.
|
Post: #76
Title: Re: ماتجامل ياعيني..(للمستنيرين من أولاد العرب)
Author: حاتم الياس
Date: 09-08-2011, 08:40 AM
Parent: #75
...جورج ادوارد سعيد ..........
---
|
Post: #77
Title: Re: ماتجامل ياعيني..(للمستنيرين من أولاد العرب)
Author: قيقراوي
Date: 09-08-2011, 09:14 AM
Parent: #74
Quote: أنا قومى وعروبى ببراح كده بتسال فيهو عن تقاطع القومى والأممى وكأنك جبتها من أخره (طلعت مامثقف والله)
|
اها طالبك اعتذار (برضو)
مش في افتراع البوست دا وصمتني بـ(مسغف) في صمة اعتذاري (المافي)!!؟![](http://174.36.244.211/db/attention/010_Smile.gif)
يا حاتم ما تتضايق من كلام دينق .. فهو قاريك - هنا على الاقل - قراية حصيفة
كلام دا ينقض غزل كل البوست دا:
Quote: كلامك نجيض جداً وموضوعى وهو ما نحتاجه (لرواشة) هذا البوست المهتم بالتصنيف أكثر لاالنقاش القصة كلها بالنسبة لى هو الحذر من خطاب أعادة أنتاج الرداءة وخلق مناخ ملتبس تبدو فيه الصورة وكأنها صراع بين طرفين الأنقاذ والحركة الشعبية التى تمثل أعراق السودان المهمشة وهو رأى لاأحبذه وكنت أتسأل هل لياسر عرمان أن يعتذر عن أنسحابه المخزى فى الأنتخابات أنسحابه لمصلحة طريفين كل منهما يريد أن ينفرد بشعبه وأنسحابه من ساحة التغيير الديمقراطى الحقيقى حينما أتيحت له ..أنا عايز عرمان ( أبومانا) يعتذر لى
|
فوق ذكرت انو ما بهمك الخطاب السياسي الآني!! و اعلاه ساس يسوس (فغط) لا غير!!
ما حيرتنا و جهجهت ملعقة القراية معاك!؟
و ياخ عليك الله قبل ما تجي تلصق لي (التهمة) او قول (الموبقة) الجاية او كما يتفق لآلة اطلاق التهم المجانية .. قبل الفعل دا عليك الله امش اقرأ رأيي - كان اصلو مصر انو انا تختتك الوحيدة هنا - ياخ ما تعذبنا بالكوتات ساي .. انا نفففففس رايك دا عبرت عنو ياخ!! .. ما كمان بتاع بولتيكا و كدا ياخ! المافي شنو هو!؟ وكت طلعتونا من الثقافة وصقتا .. خلوا لينا دي كمان ياخ!![](http://174.36.244.211/db/attention/010_Smile.gif)
------
مشكلتك في البوست دا يا حاتم انك بتكتب سااااي .. لو ما عندك وكت لمطعم الباشا دا بالله فكنا من الكلام الساي .. و خلينا نقلبا ونسة لكن ياخ تهمك دي ترقى لتشويه مواقف عدييييل كدا .. اصلو شنو هو!؟![](http://174.36.244.211/db/attention/140_News.gif) يا اخوي عليك الله تهمك الجاية ادعما باقتباسات .. او امسك عنها!!
|
Post: #78
Title: Re: ماتجامل ياعيني..(للمستنيرين من أولاد العرب)
Author: حاتم الياس
Date: 09-08-2011, 09:34 AM
Parent: #77
يعنى عنصرى دى ياها قرايتو الصاح لى..راكبين حافلة نحن بخط الباشا وبنتونس ولاايه دى ماياها زاتها ماتجامل ياعينى
- لاحولا
|
Post: #79
Title: Re: ماتجامل ياعيني..(للمستنيرين من أولاد العرب)
Author: قيقراوي
Date: 09-08-2011, 10:12 AM
Parent: #78
Quote: يا اخوي عليك الله تهمك الجاية ادعما باقتباسات .. او امسك عنها!!
|
Quote: يعنى عنصرى دى ياها قرايتو الصاح لى..راكبين حافلة نحن بخط الباشا وبنتونس ولاايه دى ماياها زاتها ماتجامل ياعينى
- لاحولا
|
فتأمل!!
------
الجاب سيرة عنصرية منو!؟ وريتك انو ياتو كلام لدينق المتفق معاو فيو .. الا وهو المتضمن بمداخلتك الاقتبستها -اقتبستهاااااااا!، واخد بال حضرتك!؟- يعني ما كلام او عاير ساااي! و لا اتفاقي كان اتفاق مطلق!!
وين المجاملة هنا؟
بتتحولل سااي انت؟
ياخ انت كان عندك فرصة تكاكي بجاي .. و تمش تبيض بهناك .. نحن ناس يتامى و ابناء سبيل داخلين في حلف مع شماشة الاسافير ما عندنا غير مطعم الباشا دا .. اهو موئل علمنا .. و محط رأينا .. و سدرة منتهانا .. فما تشوه لينا مواقفنا فيو .. بتزجية اوكات البريكات بتاعتك بالله
|
Post: #80
Title: Re: ماتجامل ياعيني..(للمستنيرين من أولاد العرب)
Author: سفيان بشير نابرى
Date: 09-08-2011, 10:53 AM
Parent: #79
يا معلمي ياخ بهناك مبيض بيض شديد و هسي ختوهو في الرفرف عديييييل في فيرشن جديد كرت كرتونة .
الظاهر بريكاتو هنا ح تكتر احتمل الخرف ساااكت .
و اهدي الشمش غابت و ينو القمر طيب أو كما قال .
معليش ما كنت عايز اجي هنا بعد الفرمان داك بس محاحاتك دى هى الجابتنى يا قيقا.
|
Post: #81
Title: Re: ماتجامل ياعيني..(للمستنيرين من أولاد العرب)
Author: وليد محمد المبارك
Date: 09-08-2011, 12:11 PM
Parent: #79
Quote: والمدافعين عليه هم صبيان الجبهة وأمنجية البورد من أمثال التمبس ووليد المبارك. |
القرادة دينق ما ندافع عنو او حتى ما ندافع انت مالك ده مواضيع بتاعة دولة ما تحشر نفسك
طبعا انا الان فهمت ليه انت ما عاوز تسب المنبر ده متل اخوانك لانو ما حا تقدر تعيش
ما انت اساسا مسترزق بحكاية العنصرية دي
لو مشيت منبر دولة جنوب السودان تاني حا تبني موقفك على ياتو اساس
فكان لاذم تقعد معانا هنا لصقة وتتاجر وتشحد التعاطف بوهمة العنصرية الممارسة ضدك دي
هو زول في ناس متعنصرين عليه ونال كما يقول حريتو البقعدوه مع العنصريين شنو ؟!
لو ما مستمري الحكاية دي .. وماشة مع نفسياتك
|
Post: #82
Title: Re: ماتجامل ياعيني..(للمستنيرين من أولاد العرب)
Author: Deng
Date: 09-08-2011, 03:05 PM
Parent: #81
Quote: يعنى عنصرى دى ياها قرايتو الصاح لى..راكبين حافلة نحن بخط الباشا وبنتونس ولاايه دى ماياها زاتها ماتجامل ياعينى |
يا عصمت سيف الدولة/ حاتم الياس
لكن فقط بتنقصك الشجاعة وده الفرق بينك وبين بقية العنصريين.
بعدين صبي الكيزان وليد المبارك ده حاول تعطيه شوية جرعات من عندكم لأنو الولد ده فارة وما ناقش أي حاجة وبعد ده كلو عامل "شفت" ولا شنو يا ود "الثورة" أنت
|
Post: #83
Title: Re: ماتجامل ياعيني..(للمستنيرين من أولاد العرب)
Author: حاتم الياس
Date: 09-08-2011, 03:31 PM
Parent: #82
أما أنك صحى ساذج وخلف الله
هسع بقولك بتنقصك الشجاعة دى متخيل انى حافك أخرى العنصرى ليك هنا وتجرى بيهو زى الشافع بتاع النكتة ..قالها والله قالها والله قالها لى...يازول عالج رهاب العنصرية الجواك وده شى حقيقى قد تكون مررت به فى حياتك وعانيت منه ورسخت فى دواخلك ذكريات مؤلمة وانا بالمناسبة أتاسف لذلك ويحزننى أن يكون حدثت لك مثل هذه الأشياء لكن المؤسف ان تقيف على الهبشة وتعمم افكارك على الجميع خصوصاً فى منبر للنقاش المفروض فيه أن برتقى بالوعى وعينا جميعاً لن نكون اكثر انسانية أنك بذلك ايها الرجل لاتكشف العنصريين ولاتقف لهم بالمرصاد كما تعتقد بسذاجة مفرطة ولكن تحاول أن تنبشهم من ذاكرتك وتتخيلهم اشباحاً بهذا البورد أنت فى الحقيقة بمحاولة تحريضك بان يخرج الناس أسوأ مافيهمم تقدم خدمة لمناخ العنصرية لأنك من غبائك تعتقد أنو العنصرية موضوع وعى ساكن وثابت ولاتفهم ان هنالك جدلاً مستمراً بين كل هذه الأفكار فى الوعى الأنسانى جدل لأحلال وعى معافى بالأخر وبالأنسان نخرج من زمن التربية ومن مناخ التعالى العرقى والأثنى لزمن مختلف ودى حركة حياة وجدل فى الواقع مستمرة نحن دايرين نحققها مابشكل جزئى يتعلق بمحض (أعتذار ) وتجريم مجموعة على حساب مجموعة ..وأنما بواقع حقيقى للعدالة والمساواة الأجتماعية فى الحقوق والأعتراف بحق الثقافات بمافيها ثقافتى العربية التى أعتز بها..ولكنك ياشاب شغلك ده شغل زول متحيل حتى ان هذا التحيل صار نمطاً قى سلوكك ككاتب بهذا البورد طبعاً وانت بتحاول كل مره تلف بهنا وبجاى وكأنك تحاول ان تضع جسرا بين المخبؤ فى وجدانى وبين نقرات الكيبورد كى تمسك على عباره أو اساءة ذات طابع عنصرى ولو حدث ذلك سترتاح جداً لأن من هم مثلك يرغبون ان يكون الواقع كما هو عليه بما يوافق تصوراتهم قال عنها أحدهم عن حالتك تلك(فكر الذات المنغلق على الذات فى خواء الذات)..وحتى ولو كنا عنصريين فان اسلوبك الغبى ليس هو الوسيلة الناجعة لمكافحة العنصرية فحتى فى أوروبا وأمريكا نفسها مع سيادة الطابع الحقوقى والقانونى المانع لها والرادع الا انه مع ذلك ظلت كمخبؤ نفسى عند البعض ومازال الأسود مشروع جريمة متحركة
فياشاب...أقول ليك شنو غير الله يسامحك...أنت زول مسكين ساى
--
|
Post: #84
Title: Re: ماتجامل ياعيني..(للمستنيرين من أولاد العرب)
Author: Deng
Date: 09-08-2011, 03:36 PM
Parent: #83
سؤال بسيط جدا.
هل أنا الوحيد بهذا المنبر الذي وصفك بالعنصرية؟
ومتى تم وصفك بها أول مرة بالبورد؟
الأجوبة على الاسئلة دي سوف تعوض القارئ الكريم قرائة كل الهباب الكاتبو فوق ده.
|
Post: #85
Title: التكرار يعلم الشطار
Author: حاتم الياس
Date: 09-08-2011, 03:41 PM
Parent: #84
ما أنك صحى ساذج وخلف الله
هسع بقولك بتنقصك الشجاعة دى متخيل انى حافك أخرى العنصرى ليك هنا وتجرى بيهو زى الشافع بتاع النكتة ..قالها والله قالها والله قالها لى...يازول عالج رهاب العنصرية الجواك وده شى حقيقى قد تكون مررت به فى حياتك وعانيت منه ورسخت فى دواخلك ذكريات مؤلمة وانا بالمناسبة أتاسف لذلك ويحزننى أن يكون حدثت لك مثل هذه الأشياء لكن المؤسف ان تقيف على الهبشة وتعمم افكارك على الجميع خصوصاً فى منبر للنقاش المفروض فيه أن برتقى بالوعى وعينا جميعاً لن نكون اكثر انسانية أنك بذلك ايها الرجل لاتكشف العنصريين ولاتقف لهم بالمرصاد كما تعتقد بسذاجة مفرطة ولكن تحاول أن تنبشهم من ذاكرتك وتتخيلهم اشباحاً بهذا البورد أنت فى الحقيقة بمحاولة تحريضك بان يخرج الناس أسوأ مافيهمم تقدم خدمة لمناخ العنصرية لأنك من غبائك تعتقد أنو العنصرية موضوع وعى ساكن وثابت ولاتفهم ان هنالك جدلاً مستمراً بين كل هذه الأفكار فى الوعى الأنسانى جدل لأحلال وعى معافى بالأخر وبالأنسان نخرج من زمن التربية ومن مناخ التعالى العرقى والأثنى لزمن مختلف ودى حركة حياة وجدل فى الواقع مستمرة نحن دايرين نحققها مابشكل جزئى يتعلق بمحض (أعتذار ) وتجريم مجموعة على حساب مجموعة ..وأنما بواقع حقيقى للعدالة والمساواة الأجتماعية فى الحقوق والأعتراف بحق الثقافات بمافيها ثقافتى العربية التى أعتز بها..ولكنك ياشاب شغلك ده شغل زول متحيل حتى ان هذا التحيل صار نمطاً قى سلوكك ككاتب بهذا البورد طبعاً وانت بتحاول كل مره تلف بهنا وبجاى وكأنك تحاول ان تضع جسرا بين المخبؤ فى وجدانى وبين نقرات الكيبورد كى تمسك على عباره أو اساءة ذات طابع عنصرى ولو حدث ذلك سترتاح جداً لأن من هم مثلك يرغبون ان يكون الواقع كما هو عليه بما يوافق تصوراتهم قال عنها أحدهم عن حالتك تلك(فكر الذات المنغلق على الذات فى خواء الذات)..وحتى ولو كنا عنصريين فان اسلوبك الغبى ليس هو الوسيلة الناجعة لمكافحة العنصرية فحتى فى أوروبا وأمريكا نفسها مع سيادة الطابع الحقوقى والقانونى المانع لها والرادع الا انه مع ذلك ظلت كمخبؤ نفسى عند البعض ومازال الأسود مشروع جريمة متحركة
فياشاب...أقول ليك شنو غير الله يسامحك...أنت زول مسكين ساى
|
Post: #86
Title: Re: التكرار يعلم الشطار
Author: Deng
Date: 09-08-2011, 03:44 PM
Parent: #85
سؤال بسيط جدا.
هل أنا الوحيد بهذا المنبر الذي وصفك بالعنصرية؟
ومتى تم وصفك بها أول مرة بالبورد؟
الأجوبة على الاسئلة دي سوف تعوض القارئ الكريم قرائة كل الهباب الكاتبو فوق ده.
|
Post: #87
Title: Re: التكرار يعلم الشطار
Author: حاتم الياس
Date: 09-08-2011, 03:47 PM
Parent: #85
بقيت تقول القارئ الكريم.........أحي انا يابشاشا ههههههههههههههههه
--- دى ونسة ساى ماتحرف بيها النقاش وماتزعلك لكن جد عجبتنى جدعة ..عزيزى القارئ بتاعتك دى .
|
Post: #88
Title: Re: التكرار يعلم الشطار
Author: قيقراوي
Date: 09-08-2011, 04:47 PM
Parent: #87
Quote: ان هنالك جدلاً مستمراً بين كل هذه الأفكار فى الوعى الأنسانى جدل لأحلال وعى معافى بالأخر وبالأنسان نخرج من زمن التربية ومن مناخ التعالى العرقى والأثنى لزمن مختلف ودى حركة حياة وجدل فى الواقع مستمرة نحن دايرين نحققها مابشكل جزئى يتعلق بمحض (أعتذار ) وتجريم مجموعة على حساب مجموعة ..وأنما بواقع حقيقى للعدالة والمساواة الأجتماعية فى الحقوق والأعتراف بحق الثقافات بمافيها ثقافتى العربية التى أعتز بها..ولكنك ياشاب شغلك ده شغل زول متحيل حتى ان هذا التحيل صار نمطاً قى سلوكك ككاتب بهذا البورد طبعاً وانت بتحاول كل مره تلف بهنا وبجاى وكأنك تحاول ان تضع جسرا بين المخبؤ فى وجدانى وبين نقرات الكيبورد كى تمسك على عباره أو اساءة ذات طابع عنصرى ولو حدث ذلك سترتاح جداً لأن من هم مثلك يرغبون ان يكون الواقع كما هو عليه بما يوافق تصوراتهم قال عنها أحدهم عن حالتك تلك(فكر الذات المنغلق على الذات فى خواء الذات)..
|
و انت يا حاتم ذات نفسك لم تخرج -في البوست دا- عن دائرة نفس التوصيف .. و تماماً كمان!!
و خطل الطرح هنا بادئ للعيان .. و من ن ن ن العنوان!!
انت قايل بطرحك حول وجوب اعتذار الحركة او ما قلتو فوق دا جديد و متفرد بيو براااااك!؟
ثم ياخ وينو الاعتذار الزامنا بيو دا؟ منو هو الاعتذر دا!؟ مش تثبتو اول حاجة ..
بعدين احسم امورك انا مسغف و لّ ما مسغف!؟
لو قلت الاولى .. بطالبك باعتذار رسمي انا دا .. (و اعتذر عن تناقضك في نفس البوست!!)
و لو قلت التانية فبالله اعتذر لكل الناس القروا بوستك دا لأنك ضيعت ليهم زمنم في قراية بوست قايم على فرضية خاطئة!
فرضيتينك لا وجود لها الا في تصوراتك انت دا ..
و الواقع بدحضها ليك الجوز![](http://174.36.244.211/db/attention/010_Smile.gif)
----
يا سوفي ياخ ما تجدع بي جاي ياخ ...
قدر ما فتشت ما لقيت شمارن يبل الريق ياخ!
|
Post: #89
Title: Re: التكرار يعلم الشطار
Author: Deng
Date: 09-08-2011, 05:12 PM
Parent: #88
هل أنا الوحيد بهذا المنبر الذي وصفك بالعنصرية؟
ومتى تم وصفك بها أول مرة بالبورد؟
الأجوبة على الاسئلة دي سوف تعوض القارئ الكريم قرائة كل الهباب الكاتبو فوق ده.
|
Post: #90
Title: Re: التكرار يعلم الشطار
Author: حاتم الياس
Date: 09-08-2011, 08:42 PM
Parent: #89
دينق ياخ أنت زول مسكين بتثبت لى القصة دى كل مره وبعدين يأخ دى اسئلة سطحية بلاده وأنا ماتعودت أرد على الأسئلة من النوع ده...أمش عليك الله لوعندك فائض وقت أستثمروا فى اليوغا ولارياضة ولا هوكى الجليد أما حوارك معاى ده حوار مستحمي جداً...وبعدين ده منو الفى البورد ده الأنت مراهن على أقواله وتصنيفاتو فى الناس أوى ده يادينق من باب التعاطف الأنسانى وكدا نحن ظروفنا فى السودان مازيكم هناك يعنى فائض الوقت البنقعد نصاقر فيهو حوش بكرى ده خصماً على حاجات كتيره وزمن ووقت وأنت الظاهر عليك زول مروق وويمكن تكون بتعد نفسك لنيؤة جديدة ولامهمة رسالية عظيمة تعتقدها فى نفسك ماعارف...لكن لوقعدت لموضوع العنصرية ده لقيط نت ومبارات بوستات ود على العروبة العنصرى حاتم الياس وناس ووليد وتمبس ماحتقدم حاجة لأنو أرائك ماحتقدم لموضوع العنصرية ده حاجة ...هنالك مثل ويقال للشخص المعقد (الزول ده أعثقد من ضنب الضب بأعتبار أنو الضب حساس وأقل حاجة بفك ضنبو) فأنت ضنب افكارك ده ماتحسسو خليك وتفكو..ارفع بوستات نزل بوستات أتحول أنت زاااتك لبوست وانشحط فى صدر الموقع تانى مابرد ليك...الوقت الوقت الوقت
--
قيقراوى فى واحد فينا بس مثقف شديد والتانى متسلبط...القصة دى من ناحيتى ماأتحسمت للأن ولكن عدم فهمى لماتكتب قد يكون جوهرى فى حسم الفرق ده لكن البعرفو أنو فى (فارق لياقة بوردية بيناتنا).. يعنى أنت ماشاء الله نشيط فى الكتابة تقول جناح اما لوعندك حاجة تعتقد بأنى لماح وبفهمها طايره فوضحها لى (جزاك الله خير) لأنى لست كذلك والله يعلم
كمثال..كلامك الفوق ده انا مافهمتو وبفارق اللياقة دى أوجد لى التناقضات فى كتابتى فى رميه واحده
|
Post: #91
Title: Re: التكرار يعلم الشطار
Author: Deng
Date: 09-08-2011, 11:11 PM
Parent: #90
عصمت سيف الدولة/ حاتم الياس
العنصرية أتهموك بيها في البورد ده من زمان وهي ما غريبة عليك، وأنا أتفهم جيدا عدم ردك لأسئلتي لأنها قد تضعك في كورنر أنت ما جاهز ليهو. علشان كده ما تجي تكتب كلام أنت غير متأكد منو. رهانك على ضعف زاكرتنا لن تكسبه أبدا.
|
Post: #92
Title: Re: التكرار يعلم الشطار
Author: سفيان بشير نابرى
Date: 09-09-2011, 09:10 AM
Parent: #91
Quote: يا سوفي ياخ ما تجدع بي جاي ياخ ...
قدر ما فتشت ما لقيت شمارن يبل الريق ياخ! |
اجدع شنو ولا شنو هو !!!!
ـــــــــــــــــــــــــــــــــــــ اقراها بطريقة كتابة ملاسي و بدون سلام أو مطايبة .
|
Post: #93
Title: Re: التكرار يعلم الشطار
Author: Deng
Date: 09-10-2011, 01:33 AM
Parent: #92
القصة في النهاية لا تعدو سوى أن تكون هرجلة مثقفاتي عروبوي بأس.
|
Post: #94
Title: Re: التكرار يعلم الشطار
Author: د.نجاة محمود
Date: 09-10-2011, 03:04 AM
Parent: #93
ذي ما عارف يا حاتم انت من كتابي المفضلين قاطبة في السودان
الناس بتاعة الاعتذارات التأريخية ناس تجار قضايا لا غير.. بعدين حركة جايبنها من الثقافة الغربية. حصل ابدا شوفتا في السودان على المستوى الشخوص شخص قال والله انا غلطان بعتذر غير صلاح مصطفى في اغنيته الجميلة تلك واصلا لما قال غلطان بعتذر قالها لانه ما قادر ينتظر وعايز ياخد الحبيبة على قدر عقلها
اسع دحين المسقفاتية ديل عايزين ياخدو اهل الهامش على قدر عقلهم يقولو ليهم معليش ولكن كما قالت الحكمة الشعبية معليس ما بتأكل عيش
فديل ناس عملو ليهم ضمائر غربية تركيب ومرقو من انشوطة العنصرية السودانية لعنصرية افسح واعمق بتتمارس ضدهم في منافيهم باعتذارهم هذا يقدروا يعادلوا نفسهم الجريحة
مشو هناك عرفو ان قصة الله بعبيدو ونحنا بعبيدنا ما بتنفع.. هل ابدا شوفتا ليك مسقفاتي من الحفاة العراة قال عايز يعتذر اعتذار تأريخي؟
بالجد يا ناس بلاد برة عليكم جنس قصص....
بالله ياحاتم لازم تصرف لمعجبينك كل اسبوع بوست عارفين المشاغل لكن عايزين نقرا ليك كتابة مركزة ومثيرة للتفكير.. مودتي وكل سنة وانت بالف خير..
|
Post: #95
Title: Re: التكرار يعلم الشطار
Author: محمد حيدر المشرف
Date: 09-10-2011, 03:43 AM
Quote: ذي ما عارف يا حاتم انت من كتابي المفضلين قاطبة في السودان |
نفس نفس الشعور .. فحاتم من كتابى المفضلين قاطبة
|
Post: #96
Title: Re: التكرار يعلم الشطار
Author: قيقراوي
Date: 09-10-2011, 10:08 AM
Parent: #95
Quote: بالله ياحاتم لازم تصرف لمعجبينك كل اسبوع بوست عارفين المشاغل لكن عايزين نقرا ليك كتابة مركزة ومثيرة للتفكير.. مودتي وكل سنة وانت بالف خير..
|
![](http://174.36.244.211/db/attention/010_Smile.gif) جلداً ما جلدك جر فيهو الشوك! (تقرأ باندويثاً عندك غيرو، اكتب ليك فيهو كلامن ساااي)!!
يا دكتورة وين الكتابة المحفزة على التفكير هنا اسي و لّ هي سلبطة و السلام!!
حاتم باني بوستو دا على مسغفين و اعتذارات .. لا قدر يثبت سغافة على مثاليه المصرح باسمائهم، و لا جاب كوت فيو اعتذار!! و برضو بسألني عن تناقضو!!؟
يا زول انا - كمسغف- ما بقدر انزل بسقف كتابتي اقل من كدا .. الفهم، فهم .. و الما فهم دي مشكلتو هو .. شفت كيف؟
-----
حاتم برضو (كان) كاتبي المفضل .. لكن شغل السبابة البعمل فيو هنا دا خصم من رصيدو كتير و الله صحي
|
Post: #97
Title: دينق الأستوب
Author: حاتم الياس
Date: 09-10-2011, 10:44 AM
Parent: #96
دينق أنا ماسميتك (الأستوب) خلاص مش فى ناس مذهللين بكونوا فى الصوانى أنت ذهللتك أنك عامل نفسك (استوب بتاع مرور للأفكار العنصرية وواهم نفسك بكده) شغال أحمر وأخضر بس ومفتكر أنك طورت حاسة ومعرفة بالعنصريين وأنت اصلاً زى ماقلت ليك (قد) تكون مخبئ داخلك الأسوأ منهم
على العموم ساسميك استوب البورد ...دينق الأستوب أسم جميل والله
-- ياقيقراوى ياراجل عندك أعتذار فوق وأعتذار مثله لود المشرف معليش متأخر...أنت أعتذارى ده الفوق مارضيت بيهو ولاشنو... على العموم أصلاً أنا مكتفى بنجاة محمود كقارئ وحيد لبوستاتى وهى ماتبقت لى بعد وفاة محمود أمين العالم
|
Post: #98
Title: Re: دينق الأستوب
Author: قيقراوي
Date: 09-10-2011, 12:05 PM
Parent: #97
Quote: ياقيقراوى ياراجل عندك أعتذار فوق وأعتذار مثله لود المشرف معليش متأخر...أنت أعتذارى ده الفوق مارضيت بيهو ولاشنو... على العموم أصلاً أنا مكتفى بنجاة محمود كقارئ وحيد لبوستاتى وهى ماتبقت لى بعد وفاة محمود أمين العالم
|
اعتذار شنو يا حاتم الراجيهو منك دا؟ شنو التسطيح دا يا معلم!؟ انا بثبّت في موقف .. بولتيكا ؤ كدا يعني و بجذر فيو جدلياً .. و لّ ما ياهو كلامك؟
بوستك الاساسي مش يا هو دا:
Quote: الأغنية للفنان حيدر بورتسودان وتقول
ماتجامل ياعينيى ماتجامل لولقيت أحساسى ظاهر وانت اقرب ليه من شنو كدا ماعارف ماتجامل ياعيني..
وترلم ترم ترم دى لموسقة البوست.. فوسط هذا الجو السياسى المحتقن لاتملك لا الترنم والغناء على أيقاع فكر الأزمة المضطرب وهو يفتل حباله زنقة زنقة..وعلى الجانبين (بنى سطيح) من اهل الأوهام المقيمة فى العبط ..فنحن يبدو أننا نولد فى شندى وحوش بانقا والدامر ونورى وكريمة ولانريد ان نضم مدناً أخرى حتى لايخسر ابنائها تحالف الهامش العظيم ..نولد هناك وترفعنا القابلة بين يديها يتم غسلنا بماء التعالى والسلطة ثم يذهب ابائنا للمستشفى أو الأحصاء وتستخرج لنا شهادتي ميلاد (المولود ذكر أو انثى ) وشهادة اخرى (المولود عنصرى)
فى العام 83 حينما اعلن نظام نميرى الشريعة الأسلامية قام رجل اسمه محمود محمد طه ليقول له لا ان قوانينك تفرق بين ابناء الوطن وتمزق نسيجه الوطنى تم اقتياده للمشنقة وبثبات نادر اصر على موقفه ورأيه (طالب سنة أولى قانون سيعرف أن حد الرده يسقط برجوع المتهم عن قوله) ولم يفعل صعد الى المشنقة وقدم روحه فداء لوطن تسوده العدالة والكرامة ثم بعد ايام كان أبن الهامش الأب فيليب عباس غبوش والقادم من مدرسة اللاهوت القبطية القائمة على فكرة الفداء والقديسين العظام الذى قدموا روحهم فداءً لعقيدة يسوع..يبكى ويجعر (يعنى رقد سلطه) فى المحكمة بعد صدور حكم الأعدام ضده ويتوسل للرئيس وبعد العفو طفق يشكر أبنه الرئيس على العفو الذى اصدره فى حقه وانجاه من حبل المشنقة ابن الهامش أتخارج بحجة أنها (بولتيكا) بعد أن تم سؤاله عن فعلته تلك وقائض الركابى الشمالى المشلخ محمود محمد طه (الذى سينسى من اين جاء) روحه من أجل حياة كريمة لوطنه ومن اجل يتجوهر الموقف فى الوعى ويسطع بالحقيقة حتى لحظة خروج الروح وغيره كثيرون ولو كره المتعصبون
ولكن نسوى شنو مع البولتيكا حقت فيليب غبوش الزنقت مثقفين زى حيدر قاسم وقيقراوى وبقو يتعاملوا مع كل شمال السودان كرقعة جغرافية طبقة يعتذر عنها لهامش أسود هو الأخر يطلب اعتذارنا عن نفسنا وعن البشير وعن ميلادنا وعن اغنياتنا وعن دوبيتنا وشعرنا ودلوكتنا ....انا غايتو مابعتذر لو انطبقت السما على الأرض
|
لمن تعتذر عن دعاماته ح يقيف ليك على شنو!؟ الغنية ما حقتك ذاتو!! كان احسن ليك تتمسك بما انتهيت اليه من قسم غليظ .. لانو ما شايف السما انطبقت على الارض لي اسي! ( دا مع تجاوز التسطيح البائن في فكرة السما المسطح البنطبق مع الارض (المسطحة) برضو دي!! ) فكرة - اقرا صورة - غارقة في السطحية!!!
![](http://174.36.244.211/db/attention/200_4e.gif)
----
ياها دي كتابتك المحفزة للتفكير!؟ التفكير في سطحيتها و فراغها.. ام في قيامها بروس برا جذور و عمق!!؟![](http://174.36.244.211/db/attention/100_Balloons.gif)
بجيك راجع اثبت ليك انك مقطوع من المؤخر (ياعملات الصحاف بتاعكم ) .. و انو الغلبك تصيغوا هنا و تعبر عنو دا نحنا قلناهو و قعدناهو .. و حاملين رايتو .. يعني اخترت التختة الغلط يا عمك! شفت انو مصاقرة سودانيز مهمة للعاوز يعيش بي جاي كيف!؟
|
Post: #99
Title: Re: التكرار يعلم الشطار
Author: د.نجاة محمود
Date: 09-10-2011, 12:52 PM
Parent: #96
بمناسبة الحدث التأريخي الا وهو اتفقنا انا ومحمد الممشرف على حاجة
اهدي ليك واحدة من كتابات حاتم يا المشرف واكن تاني اتفقنا بجيب ليك ست المفتح وام كنن عشان تعرف لي الزول دا من كتابي المفضلين.
Quote: عطره المفضل ــــ كلونيا 555 يقطف نصف الحواس مزيجها كى تطمئن المرايا على أثر فاح أريجه من بعض الأعتدال أى..مقدار مايجعل الشارع يلتقط من أحتمال البنات وقع خطوته الرشيقة... ومايحيل المساء الى حديقة على فمها تنبت المواعيد..الأسرار..والكلمات يالصديقنا (القيافه) حين يخرج من غفلة السنوات مزهواً بغبطته بنطاله المرفوع بين حد الكهولة والشباب وقميصه الوردى النظيف ذاك . . . . . لون الفكاهه حتى الطريق يتنحى غباره . ليمر الى موعده........(الشاب الظريف)
عطره المفضل ــــــــــ كلونيا555
|
والتحية لحاتم ابدا ودائما
|
Post: #100
Title: Re: التكرار يعلم الشطار
Author: د.نجاة محمود
Date: 09-10-2011, 01:05 PM
Parent: #96
قيقا عاد انا اصلو ما بجامل في قصة الكتابة دي المفروض حاتم دا يكون من الكتاب المفضلين لاي زول لانه بالجد كتاب
غايتو حاتم دا من المثقفين القلائل البكتبوا هنا بس قاعدين يلموا فيه المسقفين والمناضلين يقهموه قبل يتم كلامو . لو تحلى بقليل من الخشونة بيقدر يوصل وجهة نظره اصلو الزمن دا تضرب بالسلاح بعدين تناقش. مع التحية ليك وله
|
Post: #101
Title: Re: التكرار يعلم الشطار
Author: قيقراوي
Date: 09-10-2011, 02:15 PM
Parent: #100
سلامات يا دكترة
Quote: المفروض حاتم دا يكون من الكتاب المفضلين لاي زول لانه بالجد كتاب
|
بالله عليك هو في (سوداني) اكتب منالعظيم الطيب صالح همسلف؟ هل كل كتاباتو بتعجب كل الناس في كل الاوكات!؟
آي دونط ثينك سو!!
اختلف معاك جداً في دي :
Quote: لو تحلى بقليل من الخشونة بيقدر يوصل وجهة نظره
|
العنف غير المطلوب بائن -هنا- و من قولة تييييت (اقري الجواب بائن من عنوانه) شنو قصة (اولاد عرب) المستفزة دي بالله عليك.. دا غيرما اعتور المتن من (سطحية) و (عبط) و خلافها من عاهات العنف اللفظي المجاني .. ليه بس!؟
سم سانين :( وكان في نقطتو التالتة، و التالتة واقعة) هل كان حاتم محتاج لكل العنف دا بس عشان [ يوصل وجهة نظره] .. كتاب كيف يعني!؟ بياتو فهم لـ(كتّاب) دي .. تكنيك، قدرات سرد، اسلوب، منطق، بديع، محسنات لفظية .. و لّ كتاب ساي بس!؟![](http://174.36.244.211/db/attention/010_Smile.gif) هل كان محتاج للتعريض بالآخرين الهو اصلاً -زي ما وضح من مجريات البوست ابطرحن بيض دا، و اعتذاراتو، المتيمن منها في صدرو دي- كل دا و هو اصلن ما عارف وجهة نظرهم!؟ يا للهول!!؟
------
المثقفين ديل ما تطمنوهم يا دكتورة .. مفروض يعرفوا كويس انو ما في ضمانات .. الما بفحص دمو كاملاً بدمِه كاملاً .. أو .. ان تتولوا لنستبدلنكم بقومٍ غيركم ثم لا يكونوا امثالكم .. و قيل بينا نحن ديل ذاتو -(طلائع القراء)-و نكتب براااانا المافي شنو هو!؟
|
Post: #102
Title: Re: التكرار يعلم الشطار
Author: Deng
Date: 09-10-2011, 04:30 PM
Parent: #101
Quote: دينق أنا ماسميتك (الأستوب) خلاص مش فى ناس مذهللين بكونوا فى الصوانى أنت ذهللتك أنك عامل نفسك (استوب بتاع مرور للأفكار العنصرية وواهم نفسك بكده) شغال أحمر وأخضر بس ومفتكر أنك طورت حاسة ومعرفة بالعنصريين وأنت اصلاً زى ماقلت ليك (قد) تكون مخبئ داخلك الأسوأ منهم
على العموم ساسميك استوب البورد ...دينق الأستوب أسم جميل والله |
حاتم الياس. سمي كما تريد أن تسمي . ولكن نحن نسمي الأشياء بأسمائها. الأفكار الذي تحملها أنت في دماغط ده هي التي تدفعنا للرد عليك وإذا كان خطابك البأس هذا عنصري فمن الطبيعي أن نصفك بالعنصرية. وبالمناسبة. أنا ليس الشخص الأول أو الثاني الذي وصفك بالعنصري في هذا البورد. يعني أنت زول مشهور ومعروف في البورد ده بأنك تحمل هذا المرض (مرض العنصرية) بعدين شايفك كابي الزوغة من البوست التاني العنصري بتاعك . أنا لا أخبئ شئ في دواخلي وكلامي واضح وغير فاضح. وبسمي الأشياء بأسمائها، والذين من حولي يعرفونني جيدا. يعني كمية العقد التي تحملها أنت في دماغك بسبب ثقافتك دي أنا ما عندي. ألعب غيرها.
|
Post: #103
Title: Re: التكرار يعلم الشطار
Author: Deng
Date: 09-10-2011, 04:32 PM
Parent: #102
أسد العروبة حاتم الياس.
نفس هذا الحماس وكرهك لأسرائيل كان وين عندما ذهبت للدراسة بالمملكة المغربية؟ هل كنت تدري حجم العلاقات الأسرائلية المغربية؟ هل كنت تدري أن الحسيب النسيب الشريف جلالة الملك الحسن الثاني بن محمد الخامس حفيد علي أبن أبي طالب والسيدة فاطمة الزهراء بنت الرسول . كان على سمن وعسل مع الدولة العبرية؟
أها ربيعك ده ياتو ربيع يا أسد العروبة أنت؟
|
Post: #104
Title: Re: التكرار يعلم الشطار
Author: ABDALLAH ABDALLAH
Date: 09-10-2011, 06:55 PM
Parent: #103
Quote: ..وبما ان منبر بكرى ابوبكر مسجل فى أمريكا فما اعتقد انها صعبة على مواطن عالمثالثى كشخصى الضعيف انو يوكل بالمقاضاة مواطن أمريكى لرفع دعوى قضائية اساسها القانونى جريمة التشهير خصوصاً انو منبر بكرى مرجع لمكتبة الكونغرس الأمريكى وأشهر موقع سودانى على الأطلاق و(انا زاتى ماساهل ) !! حاجة سهلة جداً يادينق وزملائنا من محامو امريكا لن يقصروا فى دعم زميل لهم بالسودان.. خصوصاً اٍذا شموا رائحة تعويض من مدعى عليه ينتمى لمؤسسة بتصرف لناسه كويس...المهم انا بديت اتصالاتى مالم تكن مبادراً للأعتذار بثقافة الأعتذار ولااعتقد انك فاقدها حتى لاتعطيها
|
الأخ حاتم الياس قرأنا تهديدك هذا للأخ العزيز جورج باللجوء للقوانين الأمريكيه
Quote: اكل نارك واعمل لى فيها سارتانا البطل كويس... |
ثم أكدت التهديد بتلك العباره من جانبك
Quote: والله انا مافى زول مفترنى فى الكتابة غيرك ومرات كتيره احتار أرد ليك كيف...وفى واحد تانى برضو اسمو محمد سيداحمد بيجى يرك فى راس البوست زى ودابرق يفك ليهو كلمتين ويتخارج فياخ عليك امش شوف ليك شغلة غيرى بصراحة كتابتك (عبيطة) ومابعرف زاتو يردو عليك كيف -- وماتصدق قصة الدعوى القضائية |
رغم تهديدك القوى لصديقنا العزيز جورج لكن أراك تتراجع وبسرعه مذهله عن ذلك القرار الخطير. كان تواصل أحسن!!!
|
Post: #105
Title: Re: التكرار يعلم الشطار
Author: Elawad
Date: 09-10-2011, 08:34 PM
Parent: #104
Quote: رغم تهديدك القوى لصديقنا العزيز جورج لكن أراك تتراجع وبسرعه مذهله عن ذلك القرار الخطير. كان تواصل أحسن!!! |
سلام يا أستاذ عبد الله... و هذا إن دل على شيء فإنما يدل على طيب أصل حاتم و أنه لا يعطي الأمور أكبر من حجمها. ياخي في ناس هنا قرفونا الواحد كان قلت ليه زح من الدرب يقول ليك كلامك دا مخالف للقوانين الفيدرالية الأمريكية و أنا بديت في عمل إجراءات. ما فهمت كلامك إنه كان يواصل أحسن دي.
|
Post: #106
Title: Re: التكرار يعلم الشطار
Author: محمد حيدر المشرف
Date: 09-11-2011, 06:07 AM
Parent: #105
Quote: عطره المفضل ــــ كلونيا 555 يقطف نصف الحواس مزيجها كى تطمئن المرايا على أثر فاح أريجه من بعض الأعتدال أى..مقدار مايجعل الشارع يلتقط من أحتمال البنات وقع خطوته الرشيقة... ومايحيل المساء الى حديقة على فمها تنبت المواعيد..الأسرار..والكلمات يالصديقنا (القيافه) حين يخرج من غفلة السنوات مزهواً بغبطته بنطاله المرفوع بين حد الكهولة والشباب وقميصه الوردى النظيف ذاك . . . . . لون الفكاهه حتى الطريق يتنحى غباره . ليمر الى موعده........(الشاب الظريف)
عطره المفضل ــــــــــ كلونيا555
|
ما كتاب ولا حاجه !! وأراه وبإهمال بالغ أهمل عمدا تفاصيل دولابه الشخصى,, أو بالأحرى ضلفته اليسري والمهمله أصلا بفعل موقعها الجغرافى يمين تلك الضلفة اليمين تحقيقا لوعد إلهى حتما يكون .. تلك "الضلفه" ذات المرآة والكولونيا وتلك الرسائل والقميص الوردى والخلال .. كما وأن غروره التأريخى, أجاز له وبرعونه عابثه, تجاوز "إنصاف", "بت جيرانو" ذات الجدائل ال.. وذات العماد وكم كان إهتمامه بالكلونياال555 سخيفا إزاء الشارع المعبأ بالحزن والفجيعه وأطفال البغاء الوطنى والعساكر .. ولا يمكن وبأى حال من الأحول احتمال هذا التجاوز .. ثمة أحزان أربعينيه تجاور الخمسين, ثمة وطن و "بت حله"
د. نجاة ياخى - وأن كنت ساخرا بعض الشىء فى مداخلتى المعنيه - الا أن "الكلام جاب الكلام" حاتم ده أدعى إنو "قريبى" فى حاجات كتيره .. وبناقرو من مدخل حميم .. وده بعتبرو مفهوم جدا .. ليهو وللجميع .. وعاااادى والممكن ما يكون مفهوم هو مناقرتى المحتمه ليك وما تمثلينه وتعبرين عنه.. ومناقرتك التأريخيه لما أمثله وأعبر عنه .. والمسأله لا تخلو من المفارقات .. كما ولا تخلو من أناشيد التماسك فالذى أنطلق هو موقف رحيم جدا إزاء الناس, وإزاء المساله وللعدالة وجه واحد أحد .. وما تنطلقين منه حمال أوجه كثيره, ولا أقول "حطب" فالعدالة تحتمل الخطأ يا دكتوره .. بيد أنى لا أتسامح أبدا مع الظلم حتى وإن كان سهوا .. وإنما الأعمال بالنيات, أوليست كذلك !!
الداير أقولو إنو التجربه الحياتيه أكبر من مربع بكرى أبوبكر .. تحياتى
|
Post: #107
Title: Re: التكرار يعلم الشطار
Author: محمد حيدر المشرف
Date: 09-11-2011, 06:57 AM
Parent: #106
كما والكلام ده حيعجب اخونا قيقراوى ..
يا حاتم.. عليك الله خليك من حكاية باب الحياة السري ونحوها .. تعال للحياة العديييله دى .. لسودانيزاونلاين !! وسيبك من فكرة الدوده الموجعه بالنسيج .. النسيج ده غالبا ما حيكون نزوه من نزوات الدوده .. ولا وجع هناك ولا ّتوينبي مات ولا عطاءات لسيدة أدب ولا يحزنون .. والله العظيم عندنا واحد اسمو صلاح جادات !! أقسم أنه التعبير الأمثل لشخصيه مكرره فى اى زقاق !! وكمان المكاشفى .. لااازم وحتما يكون ود جيرانكم والضحكنجيه والكورنجيه وناس المزاج ومولانات بسكرو تحت تحت وشيوعين أجمل وعالم فوقانى بناضل نفسو وحكايه .. ف .. تعال انت ما لعبت فى دورى الشموس ولا شنو يا حاتم !!
|
Post: #108
Title: Re: التكرار يعلم الشطار
Author: محمد حيدر المشرف
Date: 09-11-2011, 07:04 AM
Parent: #107
أسوأ مداخله ممكن تكون من حاتم انو يقول لى واحد فينا هو المثقف ولسه المسأله ما محسومه جواهو .. مع انو ساكن فى الحاره السابعه وأنا فى التامنه الا فى احتمال كبير انو احس انو بيتطاول على .. والتطاول الاسفيري كالتطاول فى البنيان .. من علامات الراسمال ولا يفترقان !! وسبحانه فيم يتطاولون ؟!!
|
Post: #109
Title: Re: التكرار يعلم الشطار
Author: سفيان بشير نابرى
Date: 09-11-2011, 07:48 AM
Parent: #108
انتو في جولبة حاتم و عروبته دى ولا في الصادق إسماعيل اخونا في الرعوعية بقي يكتب بهناك!!!! سجمك يا قيقا.
|
Post: #110
Title: Re: التكرار يعلم الشطار
Author: قيقراوي
Date: 09-11-2011, 08:56 AM
Parent: #109
Quote: انتو في جولبة حاتم و عروبته دى ولا في الصادق إسماعيل اخونا في الرعوعية بقي يكتب بهناك!!!! سجمك يا قيقا.
|
يا سوفي بطل حندكة و جيب القدح كلو ياخ!
---------
يا مشرف قلتي لي حاتم دا من عرب كم في الحارات!؟
|
Post: #111
Title: Re: التكرار يعلم الشطار
Author: سفيان بشير نابرى
Date: 09-11-2011, 09:49 AM
Parent: #110
Quote: يا سوفي بطل حندكة و جيب القدح كلو ياخ!
|
هنا ولا فى بتاع الرعاع !!!؟ المهم انا هنا بجيك العندو علاقة بالكلام بتاع البوست دا ولو عايزين داك بوديهو حتت بوست الرعاع .
شِن قولك ؟
|
Post: #112
Title: Re: التكرار يعلم الشطار
Author: قيقراوي
Date: 09-11-2011, 10:53 AM
Parent: #111
Quote: ولو عايزين داك بوديهو حتت بوست الرعاع .
شِن قولك ؟
|
انت برضو بتمشي الحتات ديك!؟ و بتخش عااادي كدا؟ زيك زي اي مثقفاتي!؟
طيب كان كدا - على قولتك- سجمي خالص اوي جدن انا!!![](http://174.36.244.211/db/attention/010_Smile.gif)
-------
جيبو كلو هنا يا عمك البوست دا مفتول خلقة .. او فاقد الشرعية .. افتراضاتو سقطت بالبطلان - لعدم التحقيق - و بقى قايم بروس ساي
فما بني على باطل هو باطل اوفكورس! و لّ شنو يا الركاب!؟
|
Post: #115
Title: Re: التكرار يعلم الشطار
Author: قيقراوي
Date: 09-11-2011, 11:54 AM
Parent: #113
Quote: لكن للضمان يا قيقا الشجعنى اجيب الرابطين هنا دا هو كلامك دا:-
لانها بتتوافق مع شغلة السبابين البسوى فيها حاتم دى .
|
و قبل ما اقرأ ذاتو ..
زي ما قالت الاستاذة (منو كدا ما عارف) :
كلامي الانا قلتو .. انا ستو .. و بتحمل مسؤليتو
او كما غنتها لا فض فوهها
كتب حاتم :
Quote: ولكن نسوى شنو مع البولتيكا حقت فيليب غبوش الزنقت مثقفين زى حيدر قاسم وقيقراوى وبقو يتعاملوا مع كل شمال السودان كرقعة جغرافية طبقة يعتذر عنها لهامش أسود هو الأخر يطلب اعتذارنا عن نفسنا وعن البشير وعن ميلادنا وعن اغنياتنا وعن دوبيتنا وشعرنا ودلوكتنا ....انا غايتو مابعتذر لو انطبقت السما على الأرض
|
كدي نشوف المتهم الاول دا قاعد يقول في شنو اول، بعدين نجي نشوف اعتذارو - المزعوم- دا وين!؟
Quote: فشر الإنقاذ شامل مستطير, لم يهمل ناحية في الوطن ولم يعفي قبيلة ولم يستثني إقليم.
مع ذلك أعلم أن لم تبتد ولن تنتهي مشاكل السودان بالإنقاذ, ففي أعقابنا تاريخ ناهز معقد ومعيق ... وأمامنا مستقبل تعتمد صلاحيته على مدي تفهمنا وتفاهمنا وإستعدادنا للعبور.
كما أعلم المحركات التاريخية للظن في موضوع الجلابة دا, وإن لم تحكي بالذات ماذا ومن تقصد بمصطلح الجلابة ... وبالمناسبة مهم أن توضح ذلك, لأن ذلك سوف يساعد في توضيح مسارات الصراع وسيرورته, كما سوف يساعد في فرز الكيمان وفي تحديد مضابط النقاش وآفاقها.
فإن كان الأمر يتعلق بمشروع الطحان العرقي الذي يضع { الشمالي الجلابي } في كفة, مقابل الجنوبي والغرابي في كفة... فهذا ليس من مهماتي البتة, ولن أستمر في نقاش كهذا, أما إن كان الأمر يتعلق بتحجيم السلطة المركزية في الدولة السودانية, وترسيخ البنية الديمقراطية وإعادة تأهيل الوطن على أسس مدنية ... فأنا من جند هذا الخيار وبكامل الصدق والمسئولية.
|
Re: مؤسسة الجلابة في السودان فصول (قديمة جديدة) من الحقد والكراهية
اما عن المتهم الثاني :
Quote: ياخ انا متبنياً موقف استاذنا حيدر قاسم السديد دا :
Quote: فإن كان الأمر يتعلق بمشروع الطحان العرقي الذي يضع { الشمالي الجلابي } في كفة, مقابل الجنوبي والغرابي في كفة... فهذا ليس من مهماتي البتة, ولن أستمر في نقاش كهذا, أما إن كان الأمر يتعلق بتحجيم السلطة المركزية في الدولة السودانية, وترسيخ البنية الديمقراطية وإعادة تأهيل الوطن على أسس مدنية ... فأنا من جند هذا الخيار وبكامل الصدق والمسئولية. |
و تماماً
فتعلوا الى كلمةٍ سواء بيننا و لنستوي على جادة السواء و الحوار العقلاني |
نفس المصدر السابق .. الصفحة دي ( رقم المداخلة 67، و مداخلة استاذنا حيد رقمها هو 66 .. لسوء حظ اختيارك) :
Re: مؤسسة الجلابة في السودان فصول (قديمة جديدة) من الحقد والكراهية
هل دا اعتذارنا ابو نخجي و مخاخيت، القلت عليو هنا يا حاتم؟ و لّ هو شغل سبابية ساااي منك!؟
وقعت في شر اعمالك - اقرأ (كتابتك)، وعلى قولة سيدي الحسن [الكتابة بالنيات ] - و خم و صر!
|
Post: #114
Title: زلعة دينق
Author: حاتم الياس
Date: 09-11-2011, 11:40 AM
Parent: #112
سلامات ياعبدالله وياالعوض
بخصوص الدعوى ضد دينق مايضحك فى هذا الأمر فعلاً انو دينق (أتزلع) ووضح لى من اسئلته اللاحقة ..زى (هل أنا الوحيد الذى وصفك فى هذا البورد بالعنصرية) وفى البوست الأخر بدأ يلوح ويسأل أسئلة خاصة (بكراهية أسرائيل فى البوست الأخر) وهى اسئلة خلفها عقل قانونى قطع شك أنو بيختلف عن طريقة دينق فى الحوار طريقته الأقرب لشغل الكماسرة وهم ينادون على الركاب فى المحطات , عنصرية، عنصرية , عنصرية المحطة الثابتة فى ذهنه ..وباقى النموذج المعد للحوارات والتى يحفظها عن ظهر قلب ..دينق الذى يكتب معنا هنا تحت فضاء المطايبة والأعتذارات والأخوانيات نسى الى أى نظام قانونى يتبع فاستشار استشار ماف أتنين تلاتة وأتزلع قطع شك اتزلع وبقى يفك فى اسئلة زى كرهك لأسرائيل..وهل أنا أول من وصفك بالعنصرى..ولو افتراضى ده خاطئ سوف أكون أول من يرشح دينق لجائزة (القلم الذهبى)...ومع ذلك لاأنوى مقاضاته (ماعندى وقت ليهو)...قيل أن السراج كان يقف أمام منزله فى مساء أمدرمانى يتأمل فى الشارع وجاء رجل رايح يسال عن دار أحدهم فسأل السراج بالله مابتعرف لى بيت ناس فلان فما كان من السراج اٍلا أن اشار أليه بيده قائلاً..أذهب فى حال سبيلك يارجل أذهب فهل فرغنا من معرفة أسماء المؤلفين وأمهات الكتب حتى نتفرغ لمعرفة العامة من الناس ..وقس على ذلك دعوتى ضد دينق
المشرف سلامات ياخ وشكراً للكتابة البليغة والتعجب جد... طارق ابوعبيده بيغنى أرمى ليك مطار وخلينى أرمى ليك (حاره) كاملة...ماعارف لااعتقد بانو قيقراوى بكون زعلان من قصة واحد فينا مثقف دى لأنى أعتقد بانها لاتعنيه كثيراً ولاتعنينى كذلك هو ياخ لوكان فى مثقف حقيقى كنا أتورطنا فى هذه الزاوية الضيقة من تاريخنا وفقدنا أى جسر بين افكارنا والواقع واصبح بعضنا لاتفرق بين طرحه وطرقعة السلاح ..من ناحية أخرى قيقراوى بقى يهدد منظرى (كمثقف) وكمان جابت ليها (سفيان نابرى) بشكل مزعج فما فى طريقة غير اتعالى عليهو ..
--- بالمناسبة البوست ده كان عن شنو
|
Post: #116
Title: Re: زلعة دينق
Author: Deng
Date: 09-11-2011, 01:59 PM
Parent: #114
الأخ عبد الله مولانا.
تهديدات العنصري حاتم الياس لن يخيف بها أحد. وهذا أسلوبه العاجز بعد أن فضحناه وفضحنا عنصريته بهذا البورد من خلال ما يكتبه هو هنا. لا تكترث كثيرا في ما يكتبه من تهديدات جوفاء.
|
Post: #117
Title: Re: زلعة دينق
Author: حاتم الياس
Date: 09-11-2011, 02:10 PM
Parent: #116
...دابك هسع جيت عامل فيها الود ضكر بط ... ومامهتم وبتتكلم عن التهديدات بعد ماضربت تفتش للمخارج القانونية ونصحوك بيها ...يمين يادينق أحلف عليها مشيت تفتش للمخارجة من كلامك البترمى فيهو ده وأخدته كلامى ده بمحمل الجدية جد جد جيت تسأل جارى باستشارتك تسأل ....(هل انا أول من وصفك بالعنصرية.... فى هذا البورد وبهناك داير تتكلم عن معاداة أسرائيل)...عنصرى ومعادى للسامية كمان ده خط دفاعك هههههههههههه
-- عزيزى دينق لاتبتئس .......(معاك الكاميرا الخفية)...
|
Post: #119
Title: Re: زلعة دينق
Author: قيقراوي
Date: 09-11-2011, 02:20 PM
Parent: #117
Quote: ماعارف لااعتقد بانو قيقراوى بكون زعلان من قصة واحد فينا مثقف دى لأنى أعتقد بانها لاتعنيه كثيراً ولاتعنينى كذلك هو ياخ لوكان فى مثقف حقيقى كنا أتورطنا فى هذه الزاوية الضيقة من تاريخنا وفقدنا أى جسر بين افكارنا والواقع واصبح بعضنا لاتفرق بين طرحه وطرقعة السلاح
|
ح ازعل في حالة واحدة بس .. لو طلعت انا (المثقف) بعد كلامك البليغ الفوق دا!!![](http://174.36.244.211/db/attention/010_Smile.gif)
لووووووووب
دي مسئولية اتبرا منها -برضو- كما تبرأت عما فعل السفهاء بالسودان .. دي جريمة بامتياز في عصرنا العاصر علينا دا!!
-------
و بعد القالو د. تاج السر جعفر ..
اكتوبر لم يكن ممهوراً بدم .. كان ممهوراً بصعلقة المثقف و ارتطام الوعي بالاسفلت ..
اللخ اللخ
و قال حاجات تانية كتيييير زيها ..
اهمها في اللحظة دي انو : مجانية احلام هذا الشعب ..
و صدق
|
Post: #118
Title: Re: زلعة دينق
Author: Deng
Date: 09-11-2011, 02:13 PM
Parent: #116
كتب العنصري المريض حاتم الياس:
Quote: أما أنك صحى ساذج وخلف الله
هسع بقولك بتنقصك الشجاعة دى متخيل انى حافك أخرى العنصرى ليك هنا وتجرى بيهو زى الشافع بتاع النكتة ..قالها والله قالها والله قالها لى...يازول عالج رهاب العنصرية الجواك وده شى حقيقى قد تكون مررت به فى حياتك وعانيت منه ورسخت فى دواخلك ذكريات مؤلمة وانا بالمناسبة أتاسف لذلك ويحزننى أن يكون حدثت لك مثل هذه الأشياء لكن المؤسف ان تقيف على الهبشة وتعمم افكارك على الجميع خصوصاً فى منبر للنقاش المفروض فيه أن برتقى بالوعى وعينا جميعاً لن نكون اكثر انسانية أنك بذلك ايها الرجل لاتكشف العنصريين ولاتقف لهم بالمرصاد كما تعتقد بسذاجة مفرطة ولكن تحاول أن تنبشهم من ذاكرتك وتتخيلهم اشباحاً بهذا البورد أنت فى الحقيقة بمحاولة تحريضك بان يخرج الناس أسوأ مافيهمم تقدم خدمة لمناخ العنصرية لأنك من غبائك تعتقد أنو العنصرية موضوع وعى ساكن وثابت ولاتفهم ان هنالك جدلاً مستمراً بين كل هذه الأفكار فى الوعى الأنسانى جدل لأحلال وعى معافى بالأخر وبالأنسان نخرج من زمن التربية ومن مناخ التعالى العرقى والأثنى لزمن مختلف ودى حركة حياة وجدل فى الواقع مستمرة نحن دايرين نحققها مابشكل جزئى يتعلق بمحض (أعتذار ) وتجريم مجموعة على حساب مجموعة ..وأنما بواقع حقيقى للعدالة والمساواة الأجتماعية فى الحقوق والأعتراف بحق الثقافات بمافيها ثقافتى العربية التى أعتز بها..ولكنك ياشاب شغلك ده شغل زول متحيل حتى ان هذا التحيل صار نمطاً قى سلوكك ككاتب بهذا البورد طبعاً وانت بتحاول كل مره تلف بهنا وبجاى وكأنك تحاول ان تضع جسرا بين المخبؤ فى وجدانى وبين نقرات الكيبورد كى تمسك على عباره أو اساءة ذات طابع عنصرى ولو حدث ذلك سترتاح جداً لأن من هم مثلك يرغبون ان يكون الواقع كما هو عليه بما يوافق تصوراتهم قال عنها أحدهم عن حالتك تلك(فكر الذات المنغلق على الذات فى خواء الذات)..وحتى ولو كنا عنصريين فان اسلوبك الغبى ليس هو الوسيلة الناجعة لمكافحة العنصرية فحتى فى أوروبا وأمريكا نفسها مع سيادة الطابع الحقوقى والقانونى المانع لها والرادع الا انه مع ذلك ظلت كمخبؤ نفسى عند البعض ومازال الأسود مشروع جريمة متحركة
فياشاب...أقول ليك شنو غير الله يسامحك...أنت زول مسكين ساى |
ثم كان ردي له:
Quote: سؤال بسيط جدا.
هل أنا الوحيد بهذا المنبر الذي وصفك بالعنصرية؟
ومتى تم وصفك بها أول مرة بالبورد؟
الأجوبة على الاسئلة دي سوف تعوض القارئ الكريم قرائة كل الهباب الكاتبو فوق ده. |
والأن المسكين حاتم الياس يدعي بأنني خفت من قيامه برفع دعوة قضائية في أمريكا ضدي. إذا كنت على حق فمن حقك أن ترفع دعوة ولكن لأنك على باطل فلن تستطيع ذلك، أسلوب التهديدات ده أمشي مارسوا في دولة الفوضى اللي عايش فيها. وبالله يا حاتم الياس المحامي. ياها دي طريقتكم لتهديد الناس في السودان. يا لك من بأس تعيس. بعدين يا فرعون عصرك أنت واضح جدا بأنك فرة رزق ساكت وما ناقش أي حاجة.
|
Post: #120
Title: Re: زلعة دينق
Author: حاتم الياس
Date: 09-11-2011, 02:31 PM
Parent: #118
دينق أنت خفته والله...ودينق اسم يعنى الرجل يأخى بشتنته تاريخ الدينكا البواسل كلو فى صفحة نت حقو تسمى نفسك أسم تانى وانا ممكن اقترح ليك وأساعدك...تانى ياخ لو نحن ماناقشين حاجة ماتقعد تساعدنا وخاتى ليك صورة زول ماساهل حركتو وفلسفتو كلها قايمة على الوعى بالحقوق بدل ماشغال فينا رجم وأوهام معاك يعنى كان على الأقل تساهم فى تثقيفنا قانونياً ومنها نعرف انو المواطن الأمريكى ده سوبر فوق المسالة القانونية خصوصاً لو كان خصمو من العالم التالت وخصوصاً أكتر لو كان جلابى عروبى
-- ((دينق)) ...خفته ماف اتنين تلاته
--- فرة رزق دى عجيتنى والله...والله لو كنت معانا هنا فى السودان ابو الدقيق بتاع رزق ماتبقى خلى (الفرة) الكبيره دى ..وبعدين ياخ دولة الجنوب دى منتظراك تجى (عالم كيميا حيوية ولاذرة) تبقى ليهم جنجويد يانكى ....الناس ناقصة قاشات
للتأكيد...برضو خفته يادينق
|
Post: #121
Title: Re: زلعة دينق
Author: قيقراوي
Date: 09-11-2011, 03:52 PM
Parent: #120
Quote: بالمناسبة البوست ده كان عن شنو
|
ايوااا تلك خليك فالح يا ضفدع البير انت!*![](http://174.36.244.211/db/attention/010_Smile.gif)
رايك شنو في كلام الزميل -زميلك**- كمال الجزولي دا :
Quote:
(2/4) إن وجود الجماعة المستعربة المسلمة فى السودان ، بهويِّتها الدينيَّة واللغويَّة والثقافيَّة ، ليس (اقتراحاً) مطروحاً للنقاش ، بل هو إحدى حقائق الحياة السودانيَّة التى لا يجوز إسقاطها لدى أىِّ حل ديموقراطىٍّ سلمىٍّ لمشكلتنا الوطنيَّة ، تماماً كحقيقة وجود التكوينات الاثنيَّة الأخرى غير المستعربة وغير المسلمة. ولكن ثمة مدخلين متضادَّين ، مع ذلك ، للوعى بهذه الحقيقة: فمن جانب هناك مدخل (الوعى الموضوعى) ، مدخل (العقلانيين/التوحيديين) من كل تكوينات البلاد الاثنيَّة ، يتطلعون لأن يشيِّدوا فوق هذه الحقيقة صرح وحدة مرموقة ، طوعيَّة وجاذبة ، تتساوى فيها حقوق الجميع وواجباتهم كما تتساوى أسنان المشط ، ويتنشأون ، جيلاً بعد جيل ، على الاقرار التلقائىِّ الجهير بهويَّات بعضهم البعض ، فلا يستعلى عِرق منهم على عِرق ، ولا دين على دين ، ولا ثقافة على ثقافة ، ولا لغة على لغة ، دون أن يكون ثمن هذا الوعى (إستقالة) الجماعة المستعربة المسلمة من (الوجود) ، أو (انسحابها) من حركة (التاريخ) ، أو (محوها) من منظومة (التنوُّع) السودانى ، فجدل (التنوُّع) ذاته يفترض وجود هذه الجماعة ضربة لازب. أما من الجانب الآخر فهناك مدخل (الوعى الزائف) ، وهو مدخل (السلطويين/التفكيكيين) فى هذه الجماعة ، يحلقون بأجنحة من الشمع تحت شمس هذه الحقيقة الساطعة ، متوهِّمين فيها زاداً لتأبيد سطوتهم بلا مُسَوِّغ ، ومَدداً لتكريس استعلائهم دونما استحقاق. وواجب الوطنيين الديموقراطيين من مختلف التكوينات الاثنيَّة التضامن لمجابهتهم باستقامة ، لا تشويه الصراع باختلاق أو تشجيع (الاستعلاء المضاد) الذى نخشى أنه يستشرى الآن كالوباء فى جسد الهامش المناضل كله ، لا فى الجبال وحدها أو الجنوب وحده ، فقد لاحظنا أن د. شريف حرير الذى شارك باسم التحالف الفيدرالى فى مفاوضات انجمينا مع الحكومة لوقف إطلاق النار فى 10/4/04 تعمَّد تقديم مطالب الفور .. بالانجليزيَّة!
|
----------
* مع الشكر للوليد في الفورسيزونس على القصة ذات المغزى و الدلالة. انت يا سوفي ناب متين لقيت ليك دلوتتخارج بيو من البيرة دي، جايي تدلو بدلو مختلف و مفارق في موضوع السما التامني و طشيش دا!؟
** في اتحاد المحامين .. او اتحاد الكتاب ايهما اقرب لنفسك الامارة بالثقافة الشديدة
|
Post: #122
Title: Re: زلعة دينق
Author: سفيان بشير نابرى
Date: 09-11-2011, 05:29 PM
Parent: #121
Quote: متين لقيت ليك دلوتتخارج بيو من البيرة دي، جايي تدلو بدلو مختلف و مفارق في موضوع السما التامني و طشيش دا!؟
|
يا عمك أبو شعور رقيقة و حاتك ما عندي ليك إي اجابة لانو وحاتك من المداخلة دي
Quote: من ناحية أخرى قيقراوى بقى يهدد منظرى (كمثقف) وكمان جابت ليها (سفيان نابرى) بشكل مزعج فما فى طريقة غير اتعالى عليهو .. --- بالمناسبة البوست ده كان عن شنو
|
بضحك لحدى لحظتى ولحظتك دى .
|
Post: #123
Title: Re: زلعة دينق
Author: Deng
Date: 09-11-2011, 06:03 PM
Parent: #120
العروبوي حاتم الياس.
أنت لسه بتهرج! أرجع لأرشيف البورد ده وشوف في كم تهديد وكم وعيد؟ يعني أنت مجرد رقم أضيفه لتلك القائمة، وعنصريتك أيضا سوف تضاف الى القائمة المناسبة ده لو ما كانت أصلا موجودة. من لغتك وكلامك واضح جدا أنك محامي سلم. ومحامين السلالام ديل مشهورين في مصر بأنهم متخصصين في قضايا الشكش وتجار المخدرات. يعني بصريح العبارة محامين محتالين ساكت ولا أخلاق لهم. لأنك لو كنت محامي محترم ما أظن كنت بتحاول تهدد وتتوعد. بعدين يا موهوم في زول عايش في بلاد الحريات والقوانين بخاف من المقاضاة! العقلية البتخاف دي هي العقلية التي تعيش في دولة الفوضى التي تعيش فيها أنت. وأنت كمسكين تعتقد بأن الأخرين قد يخافون المقاضاة من محامي سلم مغمور مثلك. بئس المحاماة التي يمارسها أمثالك في السودان.
|
Post: #124
Title: Re: زلعة دينق
Author: حاتم الياس
Date: 09-11-2011, 06:24 PM
Parent: #123
خفته ياديتق...وهسع خايف وبلابيطك دايره تقع من الخوف ...أها... الهددوك ديل كلهم كوم وحاتم الياس كوم تانى ومن هسع بعد مايرفدوك من حتتك الأنت فيها دى.. التعويض تبرع منى لمستشفى سرطان الأطفال...
--- محامى ايه.!!! ياخ بالله عليك الله أنت النموذج المضاد للعنصرية ..وعشان تختنا فياتو جحيم اٍذا كان ده مستوى تفكيرك... فى بلد فيها قانون نظام عام زى بلدنا دى بحاكم الناس يالشبهات الزيك ده ماقاعد على الجانب الأخر من التشهير يعنى وكأن هذا القانون صيغ ليتناسب ذائقته الأجتماعية* وحتى أولئك النساء اللأئى يمتهن تلك المهنة والوصفتهن بوصفك القبيح بالمناسبة يشرفنى جداً أن أكون محاميهن متى ماأحتاجن لى ليه لا....أنهن بشر يامن تدعو لتعرية العنصريين ومكافحة العنصرية
---- ذائقته الأجتماعية!! دى جبتها من وين (لو أضايقت يادينق أنا زاتى ماعندى وقت كلمنى عشان اقيف)
|
Post: #125
Title: Re: زلعة دينق
Author: Deng
Date: 09-11-2011, 06:28 PM
Parent: #124
Quote: أها... الهددوك ديل كلهم كوم وحاتم الياس كوم تانى |
يا لك من فرعون صغير تعيس.
|
Post: #126
Title: Re: زلعة دينق
Author: حاتم الياس
Date: 09-11-2011, 06:47 PM
Parent: #125
وحاة خوة البورد البينى وبينك...(عشره ألف دولار) دى التسوية ....وقرط على كدا شكل شنو وسودانيز أون لاين شنو وتوير نفس فى الفارغ حافظ على مستقبلك المهنى ياخ هو أمريكا دى بتتلقى بالساهل كدا وماتنسى كمان مستقبلك كقائد أممى تصحيحى.. المحامى بتاعى بضرب ليك تلفون اديها ليهو غمتى كدا وأنسى القصة كلها وأنا بحول ليك البوست ده لتواشيح ولاغنا ولادعاء المسافر ...ولااى حاجة
-- فى زول فى أمريكا يتكبر على القانون..خليك دينق خليك أمريكى ودفق السفن أب بتاع الحمشنة الوهمية دى
|
Post: #127
Title: Re: زلعة دينق
Author: Deng
Date: 09-11-2011, 07:25 PM
Parent: #126
Quote: أسد العروبة حاتم الياس.
نفس هذا الحماس وكرهك لأسرائيل كان وين عندما ذهبت للدراسة بالمملكة المغربية؟ هل كنت تدري حجم العلاقات الأسرائلية المغربية؟ هل كنت تدري أن الحسيب النسيب الشريف جلالة الملك الحسن الثاني بن محمد الخامس حفيد علي أبن أبي طالب والسيدة فاطمة الزهراء بنت الرسول . كان على سمن وعسل مع الدولة العبرية؟
أها ربيعك ده ياتو ربيع يا أسد العروبة أنت؟ |
|
Post: #128
Title: Re:زنقة..زنقة
Author: حاتم الياس
Date: 09-11-2011, 07:47 PM
Parent: #127
فى جامع حلتنا وفى ايام مخصوصة هنالك شيخ ياتى لتقديم درس دينى من بعد صلاة المغرب وحتى بعد صلاة العشاء ودائما مايقوم أحد المصلين وهو ممكن تسميه (منسق الدرس) بالتنبيه بعد صلاة المغرب فوراً بقوله (الدرس قائم) حتى يبقى من يود ان يحضره وهناك بيوت مخصوصة فى الحى تتبادل تقديم الرز باللبن واللقيمات لناس الدرس ..فى يوم يبدو أنو منسق الدرس كان جائعاً فاتجه نحو المكرفون بعجلة... وقال (الرز قائم)
-- الدعوى قائمة
|
Post: #129
Title: Re: Re:زنقة..زنقة
Author: Deng
Date: 09-11-2011, 07:57 PM
Parent: #128
يا عصمت سيف الدولة/ حات الياس.
بما أنك قومي عروبوي.
لماذا ثارت الشعوب العربية ضد أنظمة القومية العربية بالتحديد؟
يعني أنت بقيت زي الأطرش في الزفة. قومي عربي وفرحان بثورة الربيع التي أطاحت بجماعتك؟
يا زول أنت لازم تكون حاجاتك متناسقة مع بعض وليس بمثل هذا التناقض الفاضح.
صحي الأختشوا ماتو. قال ربيعنا العربي قال.
هههههههههههههههههههههههه
|
Post: #130
Title: Re: Re:زنقة..زنقة
Author: قيقراوي
Date: 09-12-2011, 08:34 AM
Parent: #129
Quote: يا عمك أبو شعور رقيقة و حاتك ما عندي ليك إي اجابة لانو وحاتك من المداخلة دي
|
فضل فيها شعور هو بعد الاربعينية (الاولى) الصلعت نصو .. و النص التاني اشتعل شيباً بل قل ام رقيقة* بس .. تاني بتجي يا حاتم!![](http://www.sudaneseonline.com/db/attention/010_Smile.gif) عشان الضفدع كامل دا يفهم حاجة ذاتو .. و يآآآآمن!!
---------
* ام انثى معكوس اسمي: اقلب قيقر .. و تم الباقي موية
لياقة جد
|
Post: #131
Title: Re: Re:زنقة..زنقة
Author: وليد محمد المبارك
Date: 09-12-2011, 08:40 AM
Parent: #130
لازال دينق يتسول في هذا المنبر بقرعة العنصرية
تعاطف لله .. جنوبي مسكين .. اتعنصر عليه واحد ود عرب .. حصلوني ادعموني
Quote: بعدين صبي الكيزان وليد المبارك ده حاول تعطيه شوية جرعات من عندكم لأنو الولد ده فارة وما ناقش أي حاجة وبعد ده كلو عامل "شفت" ولا شنو يا ود "الثورة" أنت |
مالك مال الثورة ومالك مال ابورف والعمارات
امشي احفظ اسامي مناطق جوبا وبطل التلصق البتعمل فيه ده
يا قراده
|
|