Post: #1
Title: عاجل لكافة ابناء المجلد والمسيرية الحقوا أهلكوا الحاجز كَسَووووورر!!!
Author: Abuelgassim Gor
Date: 09-04-2011, 04:07 PM
Parent: #0
الى كافة ابناء المجلد الحقوا أهلكوا
خلوا كل شيئ بيدكوا .....الحقوا أهلكوا
لقد كسر الحاجز ومنذ أسبوع كامل المجلد مقطوعة وغريقى غرقت.....
الغربوا .. والصبحوا حكامات المجلد والمسيرية بعيطَنْ ليكوا
انعدام فى المواد الغذائية ....والشيئ البسيط الموجود بقى بالشيئ الفلانى...
الحقوا أهلكم قبال يجيكم خبر الموت جوعاً ...الناس الكبار والنسوان والعيال الصغار ...
برجفوا يا حلالى من الزيف متل صغار الطيور بلا ريش ......
نحن فى بنادر الخراتيم خٍيلنا تَفَحَتْ دُت كى!
خلونا غادى
الجلابة سلوا عرقنا طب ...
كدونا لحم ورمونا عضُم يا ولاضمى....ومابتموت بريشَا الا جدادة الخلا...
الحقوا أهلكوا يا مسيرية ....الحقوا أهلكوا يا مسيرية ....
أنا من صُمة الناس خلاص مرق بره وقعد أبلط .....
الى عيالنا من دار المسيرية جوه وبره دياركم بتناديكوا .....
دا موبايل الامير مختار بابو نمر و العمدة حمدين....
وكافة العُمد مزاغنة و فيارين ولاد عمران و فضلية ولاد توبا
للغاشى والماشى دايرين فزعكوا
249912632414 +
الحقوا أهلكوا يا مسيرية ....قوموا
الحكامة دايره الفزع من عيال عمران النحله الغبيشه ...
الحكامة دايره الفزاع من أهلى أولاد كامل ناس السلطنة والحُكم
الحكامه دايره الفزع من أهلى الفيارين الفقراء ناس القُرقان
بندور الفزع من أهلى أولاد توبا ....بيوت كبار ومال وشيخية ....
الدلقاسم ول قور أبوحامد
|
Post: #2
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: بريمة محمد
Date: 09-04-2011, 04:14 PM
Parent: #1
مرحب ول أبا دكتور الدلقاسم
الحاجز الكسره شنو؟ .. والناس بدوروا يسيروا من المجلد لوين؟
أفيدنا ..
بريمة
|
Post: #4
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: Abuelgassim Gor
Date: 09-04-2011, 04:22 PM
Parent: #2
هاى بريمه ولد الراجل الزين
كيف حالك فى ديار الغربه
سؤالك داشنوا ؟Quote: مرحب ول أبا دكتور الدلقاسم
الحاجز الكسره شنو؟ .. والناس بدوروا يسيروا من المجلد لوين؟
أفيدنا ..
بريمة |
أى زول شاف المجلد ...عارف فى وادى كبير
يطووق مدينة المجلد داير ما يدور...من زمن الجدود ......
السنة المطر تقيل ..... الحاجحز كسر يعنى ( فيضان يا ولد ابوك)
دايرين مساعدتك فوراً ...سؤالك هنا الجلابة دا فطيته ليك ....
|
Post: #3
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: Abuelgassim Gor
Date: 09-04-2011, 04:15 PM
Parent: #1
فوق
|
Post: #5
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: Abuelgassim Gor
Date: 09-04-2011, 04:31 PM
Parent: #3
عندن أى زول شقال فى البرنامج العالمى للغذاء
؟WFP
الاسقاط الجوى هو الطريقة المُثلى للاغاثة .....
|
Post: #6
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: بريمة محمد
Date: 09-04-2011, 04:41 PM
Parent: #5
ول أبا دكتور الدلقاسم
سلام ..
| Quote: سؤالك هنا الجلابة دا فطيته ليك .... |
ول أبا لو الناس ما ساروا من الغرق، دحين يبقوا مناقو يطلعوا الشدر ولا شنو؟ .. الناس يسيروا من المجلد ولما ألمى ينزل يرجعوا لبيوتم ..
ورينا هناك الناس سووا شنو؟
أعرف الوديان الكبيرة فى ديار المسيرية مثل وادى الغلة ووادى بقرة .. الحاجز أسم شنو؟
كتر خيرك ول أبا دايماً هميم ..
بريمة
|
Post: #7
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: Abuelgassim Gor
Date: 09-04-2011, 04:58 PM
Parent: #6
| Quote: ورينا هناك الناس سووا شنو؟ |
ناس جاعوووووووووووا
آى جعْ عجْ
اتَ دا كلامك دا شنوا؟
كو أنا اليوم راسى انقطع فوقك كلو كلو
الرَجَل فى الرُكاب .....
|
Post: #8
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: بريمة محمد
Date: 09-04-2011, 05:15 PM
Parent: #7
ول أبا الدلقاسم
سلام ..
| Quote: الرَجَل فى الرُكاب .... |
لا حولة ولا قوة إلا بالله .. اللهم ألطف بأهلنا ...
أها يا ول أبا الكلام ككيف؟ ..
ول أبا ألحقوا منظمات Emergency Relief Orgs .. العاملة فى المنطقة ..
الموضوع عايز بحث سريع وأستنفار تام ..
الكلام كمل ..
بريمة
|
Post: #9
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: محمد زكريا
Date: 09-04-2011, 05:27 PM
Parent: #8
والحيكومه وينها؟؟؟
|
Post: #10
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: Abuelgassim Gor
Date: 09-04-2011, 05:49 PM
| Quote: والحيكومه وينها؟؟؟ |
ها توه شوفو ليكوا بلبصه
|
Post: #11
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: Abuelgassim Gor
Date: 09-04-2011, 06:32 PM
Parent: #10
Up
|
Post: #12
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: عبدالكريم الامين احمد
Date: 09-04-2011, 06:57 PM
Parent: #11
سلام يا بروف
وحفظ الله الاهل في المجلد ونواحيها
وكون الحاجز يكسر ويدقش الحلال فهذا يعني مناسيب مياه كثيرة
وبووواط المجلد بتكون لمت ..
والامر بالفعل يحتاج الي صيحة عالية ويحتاج ان يتكرب الجميع ويتحتزمو من اجل كل المواطنين الكرام
الذين تكاثرت عليهم المحن والبلاوي
|
Post: #13
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: Abuelgassim Gor
Date: 09-04-2011, 09:27 PM
Parent: #12
سلام لولد الراجل الزين
الدكتور عبد الكريم
Quote: سلام يا بروف
وحفظ الله الاهل في المجلد ونواحيها
وكون الحاجز يكسر ويدقش الحلال فهذا يعني مناسيب مياه كثيرة
وبووواط المجلد بتكون لمت ..
والامر بالفعل يحتاج الي صيحة عالية ويحتاج ان يتكرب الجميع ويتحتزمو من اجل كل المواطنين الكرام
الذين تكاثرت عليهم المحن والبلاوي |
تحت ....تحت
كَلمة بروف ودكتور قلبى قشرهن حار
ما لقيت منهن غير المهانى والحقاره
المهم أهلك ناس المجلد دايرين الفزع .....
الجوع كافر Hungary man an angry man
|
Post: #14
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: صديق عيسى صالح
Date: 09-04-2011, 10:01 PM
Parent: #1
Quote:
الحكامة دايره الفزع من عيال عمران النحله الغبيشه ...
|
هاى ول قور بشيشك علينا سليت قلوبنا بكتر الكوراك الداهى ما المى ما بسوى حاجه
اما الجوع البقر هنات العمارين القدر التراب دى باللبن ساكت الناس ما بجيها شئ .
الا كلام الجلابه خلى بقتل بالغبينه شالوا ثروتنا فى ظهر الارض وباطنها وتركونا للمرض والجوع
|
Post: #15
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: قاسم المهداوى
Date: 09-05-2011, 02:08 AM
Parent: #14
سلاااام وعيدية
طيب وين ناس المؤتمر الوطنى من ابناء المسيرية ؟؟؟؟؟
قاسم المهداوى
|
Post: #16
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: أحمد ابن عوف
Date: 09-05-2011, 02:55 AM
Parent: #15
| Quote: طيب وين ناس المؤتمر الوطنى من ابناء المسيرية ؟؟؟؟؟ |
ديل بقو جلابه يا قاسم اخوي
ربنا يرفع عن اهلكم البلايا يا اولاد المسيرية
جلابي محترف
|
Post: #17
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: تبارك شيخ الدين جبريل
Date: 09-05-2011, 04:42 AM
Parent: #16
يا لطيف ....
|
Post: #21
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: Abuelgassim Gor
Date: 09-05-2011, 05:57 AM
Parent: #17
جَعْ عَجْ!!
|
Post: #18
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: Abuelgassim Gor
Date: 09-05-2011, 05:43 AM
Parent: #16
كو ماك جلابى
عشان من الله ما خلقنا وعدلنا
ما شفنا لينا جلابى قال أنا جلابى
ات حقتك صحرمه وبلبصه ساى
بتدور تاكل شقلاتنا ......
|
Post: #20
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: Abuelgassim Gor
Date: 09-05-2011, 05:54 AM
Parent: #15
Quote: سلاااام وعيدية
طيب وين ناس المؤتمر الوطنى من ابناء المسيرية ؟؟؟؟؟ |
ما بدرى عنّا!!
|
Post: #19
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: Abuelgassim Gor
Date: 09-05-2011, 05:51 AM
Parent: #14
صديق
العيد الامبارك
| Quote: اما الجوع البقر هنات العمارين القدر التراب دى باللبن ساكت الناس ما بجيها شئ . |
كَلَوَهْ ..بقر العمارين
ولضمى اتَ ما دريتْ ب(برامين)
البترون ولا شنوه ؟
الناس بسيروا من فريق لفريق من عفنة الجيف ...
البقر ماتن طب ...
والسنى دى بقت علينا ميتٍه وخراب ديارْ
أفزعونا قُبال الحكامه ما تعيركو ....
|
Post: #22
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: حسن محمود
Date: 09-05-2011, 06:48 AM
Parent: #19
دكتور .. سلام
الحاجز ولا الوادي دة ما في طريقة يتعمل كبري ؟..ويفك العزلة الخريفية الى الابد .. ومال البترول راااقد ..ولا دار المسيرية بقت زي نبقاية القنطور ..نبقها بقع بعيد والقاعد تحت قعر الشدرة ما لاقي شُغل !.
..زيد الكوراك للفازعِه.. كلامك ده جرايد الخرطوم ما جابت عنو خبر.
|
Post: #23
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: فضل الله خاطر
Date: 09-05-2011, 07:59 AM
Parent: #22
العزيز قور وأصحابك المتداخلين
عيدكم مبارك وكل عام وأنتم بخير وزايدين ماناقصين والله يزيدنا زايد الخير
أنا والله لما شفت الخبر قلبي شلعني وقايل الدار خربت والدواس رقد ،
مالك سليت قلوبنا
الألمي بكس لمراقده وما في ألمي فات مراقده
وعمران وحيدها بتكفي المسيرية لبن ولحم ما تشيل هم
وخلو باقي المسيرية للحارة والله ما جاب شينه.
خلونا نحن نلبقل في الديار ووقتنا ما جاء
أرقد ساكت وما تخاف عوجه واحدة ما بتجيكم كان السحاب زاته ادلى تحت كردفان بتشربا
خريف خير وبركةو ربنا بكترة ويجعله كذلك
|
Post: #28
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: Abuelgassim Gor
Date: 09-05-2011, 02:09 PM
Parent: #23
Quote: العزيز قور وأصحابك المتداخلين
عيدكم مبارك وكل عام وأنتم بخير وزايدين ماناقصين والله يزيدنا زايد الخير
أنا والله لما شفت الخبر قلبي شلعني وقايل الدار خربت والدواس رقد ،
مالك سليت قلوبنا
الألمي بكس لمراقده وما في ألمي فات مراقده
وعمران وحيدها بتكفي المسيرية لبن ولحم ما تشيل هم
وخلو باقي المسيرية للحارة والله ما جاب شينه.
خلونا نحن نلبقل في الديار ووقتنا ما جاء
أرقد ساكت وما تخاف عوجه واحدة ما بتجيكم كان السحاب زاته ادلى تحت كردفان بتشربا
خريف خير وبركةو ربنا بكترة ويجعله كذلك |
هاى ولضمى ات دا قاعد يين؟
السنة دى لبن تدوره دواء مافى كل كله ...
بقر أهلك أولد عمران ماتن طب ببرامين البترون!!
كلامى دا ترا ما تدفقها ساكت.....كلامى دا كل كى صحى ...
ودا آتو القال ليك المى بكس لمراقده ؟؟
السنة دى ألمينا دا بلحق بحر أبيض .....
خاف الالمى دا جانا من الجنوب .....
|
Post: #27
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: Abuelgassim Gor
Date: 09-05-2011, 02:04 PM
Parent: #22
Quote: دكتور .. سلام
الحاجز ولا الوادي دة ما في طريقة يتعمل كبري ؟..ويفك العزلة الخريفية الى الابد .. ومال البترول راااقد ..ولا دار المسيرية بقت زي نبقاية القنطور ..نبقها بقع بعيد والقاعد تحت قعر الشدرة ما لاقي شُغل !.
..زيد الكوراك للفازعِه.. كلامك ده جرايد الخرطوم ما جابت عنو خبر. |
كبرى قاعد يين يا ولضمى
نبقاية قنطور وضل شجرة دليب ....
جرايد الخرطوم ماكتر كوضبن!!
|
Post: #24
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: صديق عيسى صالح
Date: 09-05-2011, 10:26 AM
Parent: #19
الدلقاسم اخوى كوراك نفع جاب لينا الزول الزين فضل الله ول خاطر من اخر الدنيا.Quote: كَلَوَهْ ..بقر العمارين
ولضمى اتَ ما دريتْ ب(برامين)
البترون ولا شنوه ؟
الناس بسيروا من فريق لفريق من عفنة الجيف |
توه جعيرك كتر ونحن فى بلاد طيرها اعجمى وناس الخرطوم ما عندهم لك فزع توه انا بدلك لمناطق تلقى عندها الفزع .
امشى الدبب واقيف فى نص السوق وجردق قول: نحن عيال عمران وعمران ابونا
عتمور ام دروسو المابمشونا
الغصن المرضى المابقلونا
النحله الغبيشه الما بجقجقونا
كن جقجقونا يشفوا لهونا
كتلنا ابوروندو وطلعنا عيونا
وامشى امدريس وقول: كامل وكميل التيمان ام قليك الزرقه قطاعين الكبده بالفاس
وفى المقدمه: الفقراء عيال فيران اسياد الليحان اسود الخيران
وفى الاغبش : تلقى الفضليه بكر عجار
وفى عريده وكجبور: تلقى عيال مزغن
|
Post: #25
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: محمد كابيلا
Date: 09-05-2011, 10:40 AM
Parent: #24
فووووووووق ....
ولغريقة النقرة
ام الديار سلام!!
|
Post: #26
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: حسام عبد الرحيم
Date: 09-05-2011, 12:40 PM
Parent: #25
اللهم أرفع البلاء و الغلاء عن أهلنا المسيرية فى المجلد و ما حولها عمرانية و مزاغنة و أولاد كامل و فيارين ...
لنا فى المجلد أخوة كرام و ذكريات لا تنسى .. نسألك يا الله أن تحفظ أهلنا و بلادنا وأن يعم الخير
|
Post: #29
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: Abuelgassim Gor
Date: 09-05-2011, 02:12 PM
Parent: #25
Quote: فووووووووق ....
ولغريقة النقرة
ام الديار سلام!! |
كلامك سمح حاآآآآر
|
Post: #30
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: فضل الله خاطر
Date: 09-07-2011, 06:31 AM
Parent: #29
الأخ الدكتور قور
أنا قاعد في ديار عمك كيم في كوريا الجنوبية سيئول
وسيئول أو سيول من اسمها مخاوية الخريف
السنة دي جاتها مطرة بتصب 21 يوم ما وقفت وما سمعنا لينا بزول عاط للفزع
نحن قاعدين هني للكبيرة إلا الخريف دا ما بنفزعك
والمسيرية ديل :
أهل الجنيد وجبارة
عرب سعونا كوم مانا فقارى
بنووطي يمين وبندلى يسارى
بنووطي مع المنقور وبندلى مع الحبارى
عشان الكلام دا
أرقد ساكت
والتحية عبرك للأخ حسن محمود زميل قديم إلا طول
والدكتور صديق عيسى صالح صهيب ... وصهيب خط تحتها خمسين نقطة وهي ذاتها موضوع بوست
البوست جميل وكلامكم حلو إلا الوقت روح عندنا والناس هجعوا
|
Post: #31
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: Hamid Sharif Abdelrasoul
Date: 09-07-2011, 04:59 PM
Parent: #30
العزيز / ولد قور أبو حامد
لينا طولة
كلامي في خيطك دة شين أخير ليك منه تبع عديل أو تطلب من بكري تعديل
ما تسوي لينا فضيحة ألمي شنو ألببكوا منه أسمع لي :-
ناس المناطق ديك بحبوا الريح و الريح لهم مرية
كلمهم يشدوا رحيلهم و يركبوا أم قنوطية
إشربوا لبن و إتجقموا نسية
كان العجال لمن يحلبوا المرية و يلوصوا أم الحولية
الوادي كان غدر ولا دفر ما بفوت يغرق لية قطية
نحن بندعوا ربنا صباح و عشية
يجيب لينا تغيرات البيئة كلايمت جينجية
من عينة السنامي و الهركين تدفن آبار البترول و تشيل الردمية
و تعود دينقا كما هي
تحياتي للفزاعه الراكبين الخيل عرايا
فضل اللة خاطر و حسن محمود
و شكرا
حامد شارف
|
Post: #32
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: مجدي عبدالله أبوحريبة
Date: 09-07-2011, 05:56 PM
Parent: #31
دكتور ابو القاسم قور
كل سنه و انت بألف خير
ولغريقة النقرة
ام الديار .... دار ابو سلمان
سلام!!
كتب المهندس عبدالكريم كيكي ابن غريقه
Quote:
سلام يا بروف
وحفظ الله الاهل في المجلد ونواحيها
وكون الحاجز يكسر ويدقش الحلال فهذا يعني مناسيب مياه كثيرة
وبووواط المجلد بتكون لمت ..
والامر بالفعل يحتاج الي صيحة عالية ويحتاج ان يتكرب الجميع ويتحتزمو من اجل كل المواطنين الكرام
الذين تكاثرت عليهم المحن والبلاوي
كيكي
|
تسلم يا هندسه
يا لطيف تلطف
تبارك ياخي عشان خاطر المرحوم هارون واولاده جاملنا بكلمتين زياده
|
Post: #33
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: الغالى شقيفات
Date: 09-07-2011, 06:06 PM
Parent: #32
سلامات دكتور قور
تترد انباء ان الطيران الحكومى قصف بالخطاء تجمع لبادية فى جنوب كردفان راح ضحيته اكثر من ستين قتيل وجريح ما صحة ذلك
السؤال محول لبريمة يرضو
|
Post: #34
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: صديق عيسى صالح
Date: 09-07-2011, 07:54 PM
Parent: #33
| Quote: تترد انباء ان الطيران الحكومى قصف بالخطاء تجمع لبادية فى جنوب كردفان راح ضحيته اكثر من ستين قتيل وجريح ما صحة ذلك |
الغالى لك التحيه
اذا صح هذا الكلام تكون الحكومه اخطات خطا استراتيجى وذى ما بقولوا خلاص ايامها قربت
يا اخوى الناس ديل لو قبلوا على الحكومه واتحدوا مع الحلو والله كادقلى يدخلوها ضحى كرانج
فى اعتقادى الشخصى المعلومه غير صحيحه
|
Post: #35
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: GAAFER ALI
Date: 09-07-2011, 09:04 PM
Parent: #33
دكتور قور
تحية
وارجو ان اعبر هنا عن كامل تعاطفي مع أهلنا المسيرية ولكن
اين هي التنمية التي يستحقها المسيرية؟
اين هي ثمرة التحالف المعلن وغير المعلن مع حكومات الخرطوم؟
ماذا جني المسيرية من العداء مع محيطهم من نوبة ودينكا؟
لماذا يرضي مثقفو المسيرية بالنموذج التنموي القائم علي الترحال؟
لماذا لم يؤاخذ المسيرية حكومات الخرطوم علي الفشل التنموي؟
لماذا يقاتل المسيرية جيرانهم علي مسارات الأبقار ويكفون عن قتال
الحكومة لأجل توفير اسباب التوقف عن الترحال وانتهاج اساليب اقتصادية
اكثر كفاءة وتحضر وعصرية؟
اين البترول؟
كم هو الثمن الذي دفعته البيئة لأجل البترول؟
لماذا يبدو المسيرية اقل المهمشين اهتماما بقضايا التهميش وسوء إدارة الدولة؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
النحيت والشكر
|
Post: #36
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: GAAFER ALI
Date: 09-09-2011, 02:47 AM
Parent: #35
.
|
Post: #37
Title: Re: عاجل لكافة ابناء المجلد والمسيرية الحقوا أهلكوا الحاجز كَسَووووورر
Author: GAAFER ALI
Date: 09-10-2011, 08:37 AM
Parent: #35
.
|
|