حزب الله .. بدارفور .. سعيــكم مشكور

يآخ اقول ليكم بالغتو عديل .. رغم اني ان انه زول شغال بيكم مافي
لكن اهو لوجه الله وصدقة ساكت في الايام المباركات دي ودعماً لوجودكم الما اظن بتعدي فايل
محمل في فلاش وبينزل الانترنت من مكتب احدهم
قلنا نتكلم عنكم شوية شويتين وفي كم عضو هنا ممكن يُرشحوهم ليكم بيفيدوكم شديد
خاصة وانهم ( ابواااق ) ابق منكم زاتو وحلاقيمهم كبيرة
واهو كل شئ باجره وثوابه

ما شاء الله ..

اول مرة بحيات حياتي اسمع عن الحزب العجيب دا وانه في شكل اميبي هلامي تاني ساكت اتكون بدارفور
بعد الحركات الكتيرة البقت اكتر من عدد سكان دارفور بعد عمليات القتل والتهجير والتشريد
بفعل جرائم نظام الانقاذ ومتاجرة تجار الحرب ومتسلقي القضايا سمعت بيهم اليوم بعد
قراءة بيان صادر منهم بصحيفة سودانيل الالكترونية :
http://www.sudaneseonline.com/2008-05-19-19-50-30/3...-09-03-16-35-01.html

يقول البيان :

بسم الله الرحمن الرحيم
( لَا تَجِدُ قَوْمًا يُؤْمِنُونَ بِاللَّهِ وَالْيَوْمِ الْآخِرِ يُوَادُّونَ مَنْ حَادَّ اللَّهَ وَرَسُولَهُ وَلَوْ كَانُوا آبَاءَهُمْ أَوْ أَبْنَاءَهُمْ أَوْ إِخْوَانَهُمْ أَوْ عَشِيرَتَهُمْ أُولَئِكَ كَتَبَ فِي قُلُوبِهِمُ الْإِيمَانَ وَأَيَّدَهُمْ بِرُوحٍ مِنْهُ وَيُدْخِلُهُمْ جَنَّاتٍ تَجْرِي مِنْ تَحْتِهَا الْأَنْهَارُ خَالِدِينَ فِيهَا رَضِيَ اللَّهُ عَنْهُمْ وَرَضُوا عَنْهُ أُولَئِكَ حِزْبُ اللَّهِ أَلَا إِنَّ حِزْبَ اللَّهِ هُمُ الْمُفْلِحُونَ )

التاريخ:3/9/2011
النمرة:ح/أ/د/6
بيان حول أحداث النيل الأزرق

لقد شهدت مدينة الدمازين يومي الخميس الموافق 1/9/2011م وصبيحة الجمعة أشتباكات بين الجيش السوداني وقوات الحركة الشعبية بذات الطريقة التي قادت الي أزمة جنوب كرفان ومن قبلها دارفور وجنوب السودان.
أيها الناس إن السودان يواجه خطر التفتت الي عدة دويلات علي أساس جهوي، الأمر الذي سعت له أمريكا وبريطانيا منذ أمد بعيد مما يثبت تواطؤ الحكومة السودانية مع تلك القوى لتقسيم السودان من أجل البقاء على كرسي السلطة.
أننا في حزب الله دارفور نعلن ان الحكومة السودانية قد فقدت الشرعية تماماً لعدم قدرتها علي توفير الأمن لرعاياها والإحتياجات الضرورية، نتيجة لسياساتها القائمة علي أحداث النزاعات المسلحة والفتن وتقسيم البلاد حتي تبقي في الحكم.
وندعو القوات المسلحة لتحمل مسؤولياتها الشرعية في حماية البلاد من المؤتمر الوطني، وتسليم السلطة للشعب.
يقول الله تبارك وتعالي عن قوم فرعون : (فَاسْتَخَفَّ قَوْمَهُ فَأَطَاعُوهُ إِنَّهُمْ كَانُوا قَوْماً فَاسِقِينَ * فَلَمَّا آسَفُونَا انْتَقَمْنَا مِنْهُمْ فَأَغْرَقْنَاهُمْ أَجْمَعِينَ * فَجَعَلْنَاهُمْ سَلَفاً وَمَثَلاً لِلْآخِرِينَ).


حزب الله دارفور
للأتصال:
تلفون: 0922082682 – 0112630231[/E-mail:[email protected]


ماقصرتو والله.. قلت كدي طالما ماسمعت بي حزب الله دا لا في تلفزيون ولا في قناة ولا صحيفة ولا مفاوضات دوحة ولا نيفاشا
لا ابوجا ولا كتبو عنه في علبة لبن ساكت .. كدي النقوقولو لانه حده اكيد ومليون في المية ياهو عمك قوقل وسودانيل
وما بيتعدي السايبر دا شبر واحد الا في فلاش صاحبنا البينزل بيناتو منه ..

غايتو لقيتم متابعين وحريصين انه ينزلوا بياناتهم اول باول بجيب منها بعض النماذج عشان اكمل كلامي
الا سؤال مهم
اتصلتو والا في زول اتصل على 0922082682 أو 0112630231

اول شئ وجدت في رحلة البحث عن هذا الحزب الذي يبدو انه ولد بسنونه بحيث انه مايفوت حدث واحد
الا ويرسل بيان عبر الانترنت لسودانيل .. وجدت بيان منه ناشرو اخونا بريمة يقول بيان الحزب:

بيان صحفي

قال تعالي(ياأيها الذين آمنوا إن جاءكم فاسق بنبإ فتبينوا)
صدق الله العظيم

لقد حاولت بعض الوسائط الأعلامية الربط بين حزب الله دارفور وبعض الجهات الخارجية، وهو خلط لا يخلو من غرض، ونحن بهذا البيان نؤكد للجميع أن لا علاقة لحزب الله بأي قوي خارجية.
فحزب الله دارفور حزب فكري مبدأوه الاسلام يعمل لأستنهاض المجتمع علي أساس هويته الاسلامية للوقوف بقوة في وجه المحاولات الاستعمارية الغربية، ونحن بهذا ندعوا وسائل الاعلام لتوخي الدقة في نقل الأخبار.

حزب الله دارفور
المكتب الأعلامي


وكانت قبله صحيفة صدى بيروت نشرت التالي:
http://www.echobeirut.com/news.php?action=show&id=5263
ذكرت صحيفة <الاهرام اليوم السودانية> أن الامين العام لحزب الله حسن نصر الله وضع وحدات من مقاتلي حزبه تحت تصرف الحكومة السودانية لمواجهة ما اسماه قوات الاستعمار في دافور·
و نقلت الصحيفة امس عن لوداين محمد سعيد الاستاذ بجامعة برلين الالمانية الذي نقل رسالة لوالي شمال دارفور عثمان محمد يوسف كبر خلال زيارة للولاية قوله: <ان مقاتلي حزب الله سيكون لهم شرف القتال في دارفور وان تروي دماؤهم الطاهرة ارض السودان>·

وأرفق لوداين صورة تجمعه بحسن نصر الله في بيروت - أخذ منها والي شمال دارفور نسخة للذكرى - وقال: إن مقاتلي حزب الله سيكون لهم شرف القتال في دارفور وان تروي دماؤهم الطاهرة ارض السودان في مواجهة كل من يحاول النيل منه ويدبر له المؤامرات، في ظل الاستهداف الدولي الذي يتعرض له السودان من قبل المجتمع الدولي·

وأبدى والي شمال دارفور عثمان محمد يوسف كبر ارتياحه واعتزازه برسالة نصر الله، وقال: دارفور من الأراضي التي انغرس فيها الاسلام عميقا، واردف: <ونحن أكثر توقا لدعم القضيتين الفلسطينية واللبنانية جهاداً واستشهاداً وهذا ليس تطرفا دينيا ولكن دفاعاً عن حقوق المظلومين في العالم[/B]


الاغرب من دا لقيت واحد فلسطيني وفي موقع فلسطيني بيرد على الموضوع دا فعلق قائلاً

[[B]red]على فكرة الاهرام محرريها والعاملين فيها فيهم نوع من الغباء وتفكيرهم بسيط

لما دبلجوا صورة مبارك بينت هذا دليل على انهم ضعيفين في المستوى الاعلامي

ولما كذبوا كذبة زي هاد
بينت

اول شي حزب الله عنده قوات دولية ليش ما يقاتل الي على اراضيه

ثاني نقطة ممكن هذي خطوة لاجبار السودان على تامين الحدود بينها وبين السوادن بحجة عدم تسلل حزب الله على الاراضي المصرية

والاهم نقول لمبارك ولبعض المصريين ولجريدة الاهرام حطوا على راسكم سكن اشرف الكم وخليكم باحضان الصهاينة لما نحرقكم بتنر وبنزين عليكم لعنات الله ..[/red][/B]


غير الضحكة انا ماعندي تعليق على كلامو..
بالله ديل هسع عرب ممكن يجو يدافعوا عن اهل دارفور ؟؟؟

اما السبب الاساسي لفعي لفتح البوست فهو بيانهم دا الصادر بتاريخ 14/07/2011م بعد توقيع اتفاق الدوحة
الاخير ..
يقول :

بيان من حزب الله دارفور

الخميس, 14 تموز/يوليو 2011 21:03



بسم الله الرحمن الرحيم

(وإن طائفتان من المؤمنين إقتتلوا فأصلحوا بينهما فإن بغت إحداهما علي الأخري فقاتلوا التي تبغي حتي تفيء الي أمر الله) الحجرات صدق الله العظيم



أتفاقية الدوحة سراب بقيعة



وقعت الحكومة السودانية وحركة التحرير والعدالة أتفاقاً لاحلال السلام في دارفور في العاصمة القطرية الدوحة ليصبح الاتفاق الثالث ضمن سلسلة الأتفاقيات لحل أزمة دارفور.
هذه الأتفاقية لم توقع لانهاء معاناة أهلنا في دارفور، وأنما لارضاء العدو الأمريكي،فقد وضعت أمريكا قائمة شروط لرفع أسم السودان من قائمة الأرهاب الأمريكية من ضمنها سحب الجيش السوداني من ابيي، حل مشكلة جنوب كردفان، أكمال بنود أتفاقية نيفاشا وحل مشكلة دارفور.ان هذه الاتفاقية لن تجلب سلاماً لاهلنا في دارفور، لأنها لم تلامس جوهر المشكلة،فكل هذه الأتفاقيات بما فيها أتفاقية نيفاشا سارت علي نهج واحد ويركز المتفاوضون فيها علي بند أقتسام السلطة مما يغري آخرون لحمل السلاح طمعاً في الحصول علي منصب أو مكاسب شخصية.
إن أصل الداء يكمن في النظام الراسمالي النتن الذي أمتص دماء شعوبنا وتركها ترزح تحت آفة الفقر والجهل والمرض، لذلك نفس المعاناة التي يعانيها أهلنا في دارفور تتكرر في جنوب كردفان ، النيل الأزرق ،شرق السودان وداخل الخرطوم.
إن حل المشكلة يتم باستأصال المرض،فعلي الحكومة السودانية الغاء العمل بهذا النظام الرأسمال وتطبيق نظام الأسلام العادل.
أتفاقية الدوحة بهذا الشكل مخالفة للإسلام، إذ لايجوز أن تتفاوض الدولة مع رعاياها وكأنها تفاوض دولاً، فالأصل في الأسلام أن تنظر الدولة لمطالب المتظلمين، إن كانت غير مخالفة للإسلام تتطبقها علي الفور دون وساطات أو أرضاء لامريكا أو غيرها، فرضاء الله سبحانه وتعالي هي غاية كل مسلم.



حزب الله دارفور

نفس الزول دا بتاع حزب الله دارفور ولا شيطان جن احمر دا كاتب بيان يوم 24/05/2011م يقول فيهو :



التاريخ:24/5/2011م
النمرة:ح/أ/د/2


بيـــــــــــــــان

الدعوة للأنفصال خيانة لله ورسوله

لقد تصاعدت مؤخراً أصوات تنادي بفصل دارفور عن بقية أجزاء السودان،وقد أخذت شكل تصريحات صحفية تارة وتظاهرات مصطنعة تارة أخري في محاولة لأيجاد رأي عام لهذه الفكرة المناقضة للأسلام ولبذر روح الأستقلالية في نفوس الناشئة من ابناء دارفور الذين تملكتهم المنظمات التي لا تخفي عداؤها للأسلام علي مسمع ومرأي من حكومة السودان.
هذه الفكرة الشيطانية (الانفصال) فكرة جهوية تنشأ نتيجة لغياب الفكرة الكلية التي تشكل هوية المجتمع وتجعل منه أمة واحدة (أن هذه أمتكم أمة واحدة) وكنتيجة لغياب هذه الفكرة تنمو الافكار النتنة التي حذرنا منها الرسول صلي الله عليه وسلم ووصفها بالجاهلية (دعوها فأنها منتنة) وهي القبلية والجهوية التي نراها الآن ليس فقط في دارفور وانما في كل أجزاء السودان وهو ما ينبئ بخطر عظيم علي هذا البلد الاسلامي.
أن الغرب وبخاصة أمريكا وبريطانيا يعملان الآن وبكل قوة لفصل دارفور وبأيدي أبنائه،ليس حباً في أهله الطيبين وأنما لتفتيت أمة الاسلام حتي يسهل أصطيادها واحداً تلو الآخر،وأنا نخاف أن يأتي يوماً يقال فيه أكلنا يوم أكل الثور الأبيض.
ايها المسلمون إن الإسلام نهانا عن تفريق جماعة المسلمين فما بالكم بتقسيم بلادهم،فالنهي هنا اكبر،يقول الرسول عليه الصلاة والسلام (من اتاكم وأمركم جميع يريد أن يشق عصاكم فأقتلوه).
أفشال مخططات اعداء أمة الاسلام لا يتأتي إلا بنبذ القبلية والجهوية والأعتصام بكتاب الله،ونحن في حزب الله دارفور نحمل الحكومة السودانية مآلات الأوضاع في دارفور،فحل المشكلة ليست في مفاوضات الدوحة أو غيرها،وانما بتوفر احتياجات الناس الضرورية من الأمن والمأكل والملبس والمسكن وغيرها،وندعو جميع ابناء أمتنا لعدم الأنسياق وراء الدعوات الجاهلية التي ستوردنا المهالك.




حزب الله دارفور

Quote: سؤال مهم اتصلتو والا في زول اتصل على 0922082682 أو 0112630231

معقول في حكم (فرعون) الذي لا اريكم الا ما ارى ،، ان تكتب جهة معارضة تلفوناتهاالمحلية هكذا؟
لو رقم ثريا كان نقول مبلوعة نوعا ما.

Quote: لو رقم ثريا كان نقول مبلوعة

ثريا شنو يا Zoal Wahid الناس يقولو ليك النظام الراسمالي النتن تقول ليهو ثريا
اعتقد انو ديل شيوعيين اتشيعو لووووول

Quote: اعتقد انو ديل شيوعيين اتشيعو لووووول

انت ما قريت السطر لآخرو و لّ شنو!؟

Quote: انت ما قريت السطر لآخرو و لّ شنو

راس السوط وصلك يا قيقا ولا شنو ؟ لوووول
سيد البوست بحاول يرمى بعيد وينفى عنهم الشيعية عشان راس السوط ما يصلو

Quote: سيد البوست بحاول يرمى بعيد وينفى عنهم الشيعية عشان راس السوط ما يصلو

والله كلو هين لمن اجيكم بالراحة انت والشيوعي التائب قيقراوي دا

هسع من محن القراية في سودانيز اونلاين انك تقرأ لتاجر حروب وعايش على دماء غيره زي محمد سليمان الكلام التالي :

Quote: أين حكومة جنوب السودان؟؟؟ فحزام الهامش المشتعل من حدود تشاد الي حدود أثيوبيا هو خط الدفاع الاول للجمهورية الوليدة .... و إلا لكان البشير اليوم محتلا لآبار الوحدة و واو و ملكال؟؟!! من الضرورة إستقرار الدولة الوليدة و الإنخراط في التنمية والبناء .... و هذا لا يمكن مع وجود حزب المؤتمر الوطني المتعطش لموارد كل مناطق الهامش و موارد دولة الجنوب و بالذات في مناطق التماس .... مناطق الهامش اليوم هي الحزام الواقي Buffer zone لدولة جنوب السودان من تغول البشير علي موارد و اراضي دولة جنوب السودان؟؟!!

أين الحركة الشعبية (الأم و قطاع الشمال) مما يجري في النيل الأزرق؟؟!!

تقول لي حزب الله بدارفور ؟؟
هو شوفوا زي التور دا كاتب شنو وبيتفصح يقول ليك بعل من اجل الهامش وثورة الهامش واهلي
وعاجبو اشتعالها من اثيوبيا لغاية تشاد طالما ما انو اهل الهامش حايكون حزام واقي لدولة تانيــة (وليدة ياقولوا)
يحرق الهامش ويموت اهلو في سبيل انه يحمي دولة الجنوب ويقبض سعادتو تور الله محمد سليمان كوميشن ويتاجر
بالقضية
دا بالله شكل زول عاوز يحرر ليهو بلد وينصر اهلها باسم القانون والمؤسسات وزول عاوز دولة تبقي حرة
ماقلنا زمان الزول دا تاجر قضايا قعد يجلبغ ويورجغ في الفارغة ساي

لكم الله يا اهل الهامش ... باقي لي لو عزيتو الزول بتاع حزب الله دا بيكون احسن :):)

مرحبتين يا زول واحد..

(زول) حزب الله دارفور دا بيكون يدعو لاستخدام الحمام الزاجل عديل

ياهندسة..
انت ملاحظ انه الاخ دا بداها كوز .. ماجابت حقها.. بقي معتدل .. ماجابت حقها
قلب ارهابي ومتطرف ماجابت حقها.. هسع بقي معارض وتكفير وهجرة..
برضو المرة دي ما جابت حقها غايتو الا مني انا..

عشان كدة رسالتي ليهو واحدة
الجماعة مدينك ميزانية كم وقدر ايش عشان نعرف نصيبنا .. اصلن حانكون في التنظيم انا وانت راس
وعليك لي اجيب واحدة حكامة ولعلاعة وماطالباك كتير في اليوم تنزل ليك خمستاشر بوست ومليون مداخلة
اهم شئ الشفافية المالية يا فردة

قيقراوي ..

ياتو سطر دا سطورو الاخيرة كتيرة
اوووع يكون كمان صوفي او متبني لفهم اشتراكي
كلو ولا الصوفية والاشتراكية
لو ربنا هدى الاخ دا سنين غربتنا انا واخرون واخريات ستقصر جدن جدن رغم انه ميزانية الجهاز اهتزت بعد خروج البترول واعفاء عمك صلاح الحولها لامبراطورية اقتصادية :):)

Quote: إن حل المشكلة يتم باستأصال المرض،فعلي الحكومة السودانية الغاء العمل بهذا النظام الرأسمال وتطبيق نظام الأسلام العادل.

دا ياهو السطر


نظام الاسلام!
(واظنه نسى اضافة "الاقتصادي" لمقابلة "الراسمالي")

وين دا؟ .. شكلو؟ .. ملامحو .. و اهم حاجة كيف؟

ياخ من المودودي، لمحمد اقبال لحدي عبد الرحيم حمدي الناس (النكرو)* ..
الناس دي بتتهرب من تعريف ساااي!




--------

* في مقابلة بتلفزيون السودان جاب ليو فذلكة -ولّ اقول ليك حذلقة هي ما عارف!- كدا ما انزل الله بها من سلطان علم على بشر!

Quote: وين دا؟ .. شكلو؟ .. ملامحو .. و اهم حاجة كيف؟ ياخ من المودودي، لمحمد اقبال لحدي عبد الرحيم حمدي الناس (النكرو)* .. الناس دي بتتهرب من تعريف ساااي!

والله يا حبيب نكرتهم حطب ساكت بس..
في وكبيديا عرفو عقيدة الاقتصاد الإسلامي بأنها
عقيدة تقوم الاقتصاد الإسلامي على مبدأين:

المال مال الله والإنسان مستخلَف فيه: وبذلك فالإنسان مسؤول عن هذا المال، كسباً وإنفاقاً، أمام الله في الآخرة، وأمام الناس في الدنيا. فلا يجوز أن يكتسب المال من معصية أو ينفقه في حرام، ولا فيما يضر الناس.
دور المال: المال أداة لقياس القيمة ووسيلة للتبادل التجاري، وليس سلعة من السلع. فلا يجوز بيعه وشراؤه (ربا الفضل) ولا تأجيره (ربا النسيئة).


ثم الاعجب عملنا سيرشاية بسيطة ففي بروفيسور.. آآي لقيت قدام اسمو أ.د عبدالجبار السبهاني

قال خبير اقتصاد اسلامي اتبرع بتقديم تعريــف لعلم الاقتصاد الاسلامي فقال .. اطال الله عمره:

Quote: بسم الله الرحمن الرحيم، الحمد لله والصلاة والسلام على رسول الله، وعلى آله وصحبه ومن والاه، وبعد،،، قبل إيراد تعريف مختار للاقتصاد الإسلامي، لابد من المرور بتعريف علم الاقتصاد أولا، والملاحظ هنا أن تعاريف علم الاقتصاد قد تكاثرت حتى بات من الصعب على أي باحث حصرها، ومع ذلك نقول: الاقتصاد لغة: من القصد وهو الاعتدال في السلوك كله، قال تعالى: " وأقصد في مشيك وأغضض من صوتك" (لقمان،19)، وجاء في الاثر: "ما عال من اقتصد"، أي اعتدل في إنفاقه. وقد انصرفت دلالته الاصطلاحية إلى تدبير معاش الاسرة بالموارد المتاحة، وهو ما عرف بالاقتصاد المنزلي. ثم انصرفت دلالته تاليا إلى تدبير شؤون المجتمع المعاشية بقوامة الدولة أو بإدارتها.

Quote: وعلى العموم يمكننا أن نرصد اتجاهات عامة في هذا السياق، فالبعض ركز على الثروة واعتبرها موضوعة الاقتصاد الأساسية، يتجلى هذا الاتجاه بوضوح عند الكلاسيك؛ إذ اعتبر (سميث) الاقتصاد علم إنتاج الثروة وتكثيرها، في حين لاحظ (ريكاردو) أن دراسة التوزيع؛ توزيع الثروة بين طبقات المجتمع، والقوانين التي تحكم هذا التوزيع، هي مهمة علم الاقتصاد الرئيسة. وفي المقابل أمكن رصد اتجاه آخر يركز على الإنسان ويعتبره الموضوع الأساسي لمباحث علم الاقتصاد، وهذا التوجه يجعل من الاقتصاد علما سلوكيا، ويتجلى هذا التوجه بوضوح مع المدرسة الحدية التي وسعت لعلم النفس كثيرا في البحث الاقتصادي. ومثلها المدرسة الكينزية أيضا. وذهب اتجاه آخر مذهبا ثالثا، إذ اعتبر الاقتصاد علما لإدارة الموارد النادرة، وخير من يمثل هذا التوجه (روبنز)؛ فالاقتصاد عنده ليس أكثر من علم للاختيار: اختيار الاستخدامات المرغوبة للموارد من بين استخداماتها الممكنة، فهو إذا علم وسائل لا غايات بخلاف (سسموندي) الذي أكد أن الاقتصاد علم ينبغي أن يعّرف بغاياته، وليس من بين هذه الغايات ما يستحق الاهتمام سوى الرفاهية الاجتماعية. وذهب مارشال** مذهبا توفيقيا كما العادة؛ فبيّن أن الاقتصاد علم يعنى بدراسة ذاك الجانب من النشاط الفردي والاجتماعي الذي يستهدف الحصول على المقومات المادية للرفاهية، وطرق استخدام هذه المقومات.

ثم توصل وفقه الله وسدد خطاه لتعريــف الاقتصاد الاسلامي ( خاصة ) فقال:

Quote: وعلى ذلك فالتعريف الذي نختاره للاقتصاد الإسلامي انه: علم يعنى بدراسة النشاط الاقتصادي (استهلاك، إنتاج، توزيع، تبادل)، وما ينشأ عن هذا النشاط من ظواهر وعلاقات، في ضوء أحكام المذهب الاقتصادي في الإسلام.

شفت الحذلقة بت امها وابوها دي كيف ..

مع ملاحظة انه الموضوع معنون باسم :تعريــف الاقتصاد الاسلام


ــــــــــــ
** المستغرب ليها هسع بعد كلامو دا يقيف بين يدي الله ومعاهو مارشال كيف ؟؟!
الناس دي بتديك احساس انها بتفتكر بقيـة البشر اللافة دي كلها قارية علوم طيران فقط ..

Quote: الناس دي بتديك احساس انها بتفتكر بقيـة البشر اللافة دي كلها قارية علوم طيران فقط ..

لو اعتقدوا بأي قراية للناس .. فلا بأس ..


لكنهم قايلين الناس دي طيارات ساي .. برا قراية ذاتو!