Post: #1
Title: لا توجد معركة بين حقِ وحق لأن الحق واحد..
Author: ombadda
Date: 09-02-2011, 04:11 PM
فيديو:
من اخر الكلمات التى قالها الشيخ متولى الشعراوى قبل إنتقاله للدار الاخرة.
http://youtu.be/4oUDk6l1Ehg
|
Post: #2
Title: Re: لا توجد معركة بين حقِ وحق لأن الحق واحد..
Author: ombadda
Date: 09-02-2011, 04:30 PM
Parent: #1
إذا كان أهل الهامش- ثوار دارفور وجبال النوبة والنيل الأزرق- على حق فلننصرهم ولينضم كل
أهل السودان إليهم.
ولو كان المؤتمر الوطنى على حق فانصروه وانضموا اليه.
لا خيار ثالث للأسف.
-الإنضمام ليس باستخراج بطاقة عضوية أو المجاهرة بالرأى- إنما .......
|
Post: #3
Title: Re: لا توجد معركة بين حقِ وحق لأن الحق واحد..
Author: smart_ana2001
Date: 09-02-2011, 06:03 PM
Parent: #2
سلامات د.امبدة. و كل عام وانت بخير. وربنا يرحم المواطن السودانى من ويلات الحروب و الفقر و المرض.
للاسف المواضيع دئما ما ابيض و اسود. خاصة فى امور السياسة و الحكم. الحاصل فى السودان قبيح جدا....و اللى بتعمل فيه الحكومة (اكيد) شر و باطل
لكن الامور معقدة جدا. مثلا الحصل فى جنوب كردفان قبل فترة كان شيء عجيب. الكيزان (احتمال كبير جدا جدا) يكونوا زوروا فى الانتخابات. عملوها قبل كده و مكن يعملوها تانى. اهل المنطقة قالوا ناس الحركة هم اللى بدو الحرب. رد الكيزان كان ما منطقى و ما معقول, ضربوا من طرف شردوا النساء و الاطفال و الان متهمين بجرائم ضد الانسانية
|
Post: #4
Title: Re: لا توجد معركة بين حقِ وحق لأن الحق واحد..
Author: ombadda
Date: 09-03-2011, 12:14 PM
Parent: #3
أهلا smart_ana2001
وكل عام وأنتم بخير
قد يُغيَب الحق أو يظهر بعدة أوجه لكن يبقى فى الأصل حق واحد. والباطل قد تُضاف إليه بعض الرتوش ويصعب التعرف عليه
لكنه يبقى باطل. قد تكون الرؤية ضبابية ولا نستبين الحق من الباطل لكن هذا لا يعنى أن الحق حق والباطل باطل.
ببساطة ما دام هناك حق فهناك باطل. ولا ثالث لهما مهما كان التعقيد.
|
Post: #5
Title: Re: لا توجد معركة بين حقِ وحق لأن الحق واحد..
Author: محمد قرشي عباس
Date: 09-03-2011, 12:46 PM
Parent: #4
العزيز أمبده
Quote:
ببساطة ما دام هناك حق فهناك باطل. ولا ثالث لهما مهما كان التعقيد
|
يا ريت الدنيا كانت بالبساطة دي ..
مبدئيا الحرب مرفوضة ..
و أرواح الأبرياء كلنا فيها مشتركين ..
للأسف ..
لكن أنا شخصيا شايف إن طرفي النزاع
من إرتضائهم بنيفاشا و إقصائهم للشعب السوداني
البيدعوا تمثيله طوال السنين الفاتت
على باطل أبلج !!
(معقول والي بالإنتخاب في نظام الإنقاذ !!!)
كدي بفهمك ده ..
في حرب الجمل
ود عم الرسول  و لا زوجته اللي على باطل ؟؟
هل بتقدر تجزم إن في طرف على باطل و طرف على حق ؟؟
و الأمثلة من التاريخ كتيرة ..
فما تضيق واسعا ..
بعدين من وجهة نظر منطقية بحته ..
الحق و الباطل متقابلات ما متضادات
يعني ما بينطبق عليهم مبدأ الثالث المرفوع
البيخلي عكس واحد فيهم هو التاني
و بينفي أي تداخل بيناتهم
فالحكاية حتى عقليا ما زابطه
و رغم أني متأكد إن عاطفتك النبيلة مقدرة و بشاركك فيها
يا ريت تدعو للثورة على الوضع المختل ده
البيخلي السلاح بيرفع في وجه الحرية و لأجل جلبها ..
و ده هو دربي في الإستجابة للمأساة المحزنة دي ..
سلامات
|
Post: #6
Title: Re: لا توجد معركة بين حقِ وحق لأن الحق واحد..
Author: ombadda
Date: 09-03-2011, 01:04 PM
Parent: #5
مرحبا د. محمد قرشى عباس
وكل عام وأنت بألف خير
Quote: كدي بفهمك ده ..
في حرب الجمل |
طبعا توقعت سؤال زى دة.
والإجابة: الخوض فى مسائل كتلك فيها تهلكة. فلنترك الخوض فى تجريم صحابة رسول الله وال بيته الطاهرين.
على العموم
وجهة نظرك مقبولة.
|
Post: #7
Title: Re: لا توجد معركة بين حقِ وحق لأن الحق واحد..
Author: محمد قرشي عباس
Date: 09-03-2011, 01:50 PM
Parent: #6
Quote:
الخوض فى مسائل كتلك فيها تهلكة. فلنترك الخوض فى تجريم صحابة رسول الله وال بيته الطاهرين.
|
أستغفر الله العظيم
أخوي أمبده ..
ليه الظن السيء ده ؟؟
أنا قصدي كان أقول ليك
زي ما أنا شايف إن الطرفين حاليا على باطل ..
برضو كان الصحابة كلهم على حق !!
يعني مثال لتوضيح الفكرة ليس إلا !!
عموما ..
شكرا لقبول وجهة نظري بأريحية ..
و شوف معاك البوست ده ..
لوجه الله تعالى ثم لوجه الوطن .. في مسألة الدمازين
علشان تعرف في كم زول زيي كده في وجهة النظر دي
و ده إقتباس بتعبير الأديب حمور زيادة
Quote:
حكومة الخرطوم تتحرك تحت غطاء "الشرعية المزعومة" و انها تطهر المدينة من المتمردين و ترد الاعتداء و تعزل الوالي " المنتخب" و تعين حاكم عسكري .. مما يعني انها - ان صدقت - فهي تعترف ان الدمازين مدينة تحت سيطرتها و لها فيها حقوق. فلهذا يقع العبء الاكبر على نظام الخرطوم باعترافه.
ولا أفهم كيف تكون الشرعية و تطهير الوطن بالاقتتال بين و وسط المدنيين.
ما هو الوطن حين يموت سكانه ؟
ماذا يعني تحرير مدينة الدمازين و طرد الجيش الشعبي منها و اعتقال عقار بعد أن يموت المئات و ينزح الالاف ؟
ملعونة حكومة تفكر ان نصرها هو القتال داخل مدن الوطن دون اجلاء المدنيين عنها.
لكن ألعن معها الطرف الاخر في القتال.
الجيش الشعبي.
فما لم تأتني اخبار يقينية أن أهل الدمازين هم من يحمل السلاح و يقاتل فلن أنظر لهذا الامر الا انه الجنون المطبق
|
و برضو كلام قيقا بيعبر عني ..
Quote:
سلام يا حمور
في سياق تساؤلاتك عمن يحكم ولاية النيل الازرق ..
متمني فعلاً معرفة الاجابة!؟
مش كانت دي قسمة كيكة الانتخابات المخجوجة ..
و توزيع الوطن - كورثة لتجار الحروب - بين الحركة و المؤتمر!؟
و لّ براهنوا على ذاكرة الشعب المثقوبة!؟
|
مع التحية و المحبة
|
Post: #8
Title: Re: لا توجد معركة بين حقِ وحق لأن الحق واحد..
Author: ombadda
Date: 09-03-2011, 02:12 PM
Parent: #7
لك العتبى أخى محمد قرشى
أصلو المنبر دة لغو فى لغو
حكاية اهل الهامش على باطل والحكومة على باطل دى ريحتنى شديد.
كدة الواحد يمشى يشوف باقى قرايتو وشغلو.
|
Post: #9
Title: Re: لا توجد معركة بين حقِ وحق لأن الحق واحد..
Author: محمد قرشي عباس
Date: 09-03-2011, 02:42 PM
Parent: #8
العزيز أمبده
Quote:
أصلو المنبر دة لغو فى لغو
|
معليش ..
لكن حسستني إن كلامي كان لغو برضو !!
و إن آراء الناس النقلتها ليك دي
عاملة زي البيلعب بالبيضة و الحجر
و ما بيتطلع منو بيحق و لا باطل!!
Quote:
حكاية اهل الهامش على باطل والحكومة على باطل دى ريحتنى شديد.
كدة الواحد يمشى يشوف باقى قرايتو وشغلو.
|
الحق مع أهل السودان المظلومين ..
على إختلاف مظالمهم و كوارثهم ..
زمن الحل عبر السياسي راح زمان
الواحد مفروض يدعو للثورة
و يعمل لعون أهلنا المساكين في النيل الأزرق
و ذلك أضعف الإيمان ..
لكن أن يفرض علي ..
إما التهليل للجيش بدعوى الوطنية
أو الإنحياز لحزب الجيش الشعبي بدعوى الثورية
فده الباطل الحقيقي الواضح في نظري ..
تسلم
|
|