Post: #1 Title: المغنى الشاب شكرالله ... على عينا ورأسنا ..شكرالله سعيكم !! Author: يوسف محمد يوسف Date: 08-30-2011, 10:51 PM
يا ابنى شكرالله
راجع نفسك و خليك فى غناك البتعرفو .. ابعد لينا من غننا السمح .. ما تبوظو !!
يعنى انت فى " دبى " عملت فى الفنان المبدع " زكى عبد الكريم " و اغنيته الرائعة " اسأل نفسك " عملية .. طفل ما يعملها !! اما اغانى " السيرة " و التى اديتها فى نفس الحفل فلم تثير فى اى شخص حضر الحفل اى حماسة للعرضة .. بل جعلت كل من استمع اليها .. يفنجط !!
فيا ابنى ارحم نفسك و ارحمنا معاك .. فلدينا ما يكفى لرفع ضغطنا !
Post: #2 Title: Re: المغنى الشاب شكرالله ... على عينا ورأسنا ..شكرالله سعيكم !! Author: سفيان بشير نابرى Date: 08-31-2011, 08:39 AM Parent: #1
اوعه يكون عوقك هاهاهاهاها
عيدك سعيد ياخ هاهاهاهاها
Post: #3 Title: Re: المغنى الشاب شكرالله ... على عينا ورأسنا ..شكرالله سعيكم !! Author: mohmmed said ahmed Date: 08-31-2011, 08:48 AM Parent: #2
والله جد
انا لمن سمعتو يبهدل اغنية زكى
قلتا ياناس هوى مافى زول يمسك الزول دا
Post: #4 Title: Re: المغنى الشاب شكرالله ... على عينا ورأسنا ..شكرالله سعيكم !! Author: ASHRAF TAHA Date: 08-31-2011, 09:08 AM Parent: #1
Quote: .. يفنجط !
هو براهو!!
Post: #5 Title: Re: المغنى الشاب شكرالله ... على عينا ورأسنا ..شكرالله سعيكم !! Author: سفيان بشير نابرى Date: 08-31-2011, 09:32 AM Parent: #4
محمد سيد احمد و اشرف طه
بطلو تشويه ياخ هسى احتمال يجيبوه أغانى و أغاني السنة الجاية وشهر كااااامل نكون بنسمع فيهو.
Post: #6 Title: Re: المغنى الشاب شكرالله ... على عينا ورأسنا ..شكرالله سعيكم !! Author: يوسف محمد يوسف Date: 08-31-2011, 09:38 AM Parent: #5
Quote: اوعه يكون عوقك هاهاهاهاها
فى الثابتة !!
و الله يا ود نابرى .. الراجل دا لم يترك سعادتى بالبطل " كاكى " تدوم اكثر من سويعات !!
كل عام وانت بخير
Post: #7 Title: Re: المغنى الشاب شكرالله ... على عينا ورأسنا ..شكرالله سعيكم !! Author: سفيان بشير نابرى Date: 08-31-2011, 09:42 AM Parent: #6
نان يا محمد يوسف السبب ما واااااضح أنت ماك شايف الناس دى حاتاهو كيف معاهو !!! دايرو يقتنع بكلامك انت !!!؟
غايتو للضماااان كدا:-
قالوا الدود قرقر
Post: #8 Title: Re: المغنى الشاب شكرالله ... على عينا ورأسنا ..شكرالله سعيكم !! Author: يوسف محمد يوسف Date: 08-31-2011, 09:45 AM Parent: #6
Quote: والله جد
انا لمن سمعتو يبهدل اغنية زكى
قلتا ياناس هوى مافى زول يمسك الزول دا
لحظتها تمنيت أن اكون حاضرا فى دبى و فى يدى اليمنى " سوط عنج "
و الله جد
عيد مبارك
Post: #9 Title: Re: المغنى الشاب شكرالله ... على عينا ورأسنا ..شكرالله سعيكم !! Author: يوسف محمد يوسف Date: 08-31-2011, 09:53 AM Parent: #8
Quote: محمد سيد احمد و اشرف طه
بطلو تشويه ياخ هسى احتمال يجيبوه أغانى و أغاني السنة الجاية وشهر كااااامل نكون بنسمع فيهو.
سفيان
ليك علىً .. اسمع ساكت انو جيبنوه .. اعتكف من اول يوم فى رمضان !
Post: #10 Title: Re: المغنى الشاب شكرالله ... على عينا ورأسنا ..شكرالله سعيكم !! Author: يوسف محمد يوسف Date: 08-31-2011, 09:55 AM Parent: #9
Quote: قالوا الدود قرقر
من الضحك !!
Post: #11 Title: Re: المغنى الشاب شكرالله ... على عينا ورأسنا ..شكرالله سعيكم !! Author: حبيب نورة Date: 08-31-2011, 10:18 AM Parent: #10
يا حبيب مع إنو البنات سمحات وشديدات ولضيضات لكن الحفلة تاني ما عجبني فيها شي ورفعت ليك ضغطي وعشان الريموت كونترول في صالة المشاهدة كان بعيد عن متناولي أخدتها من قصيرا ومرقت عاطف اخوي قال لي إنت خلف الله حمد ده ما عندو ورثة عشان يفتحوا في الزول ده بلاغ إشانة سمعة
Post: #12 Title: Re: المغنى الشاب شكرالله ... على عينا ورأسنا ..شكرالله سعيكم !! Author: jini Date: 08-31-2011, 10:28 AM Parent: #11
كل عام ترزلون يا عالم كان سمعت صوت طلقة يا جنابو بالليل على الارجح بكون فى سودانى انتحر زمان كنا بنقول حرامى جنى
Post: #13 Title: Re: المغنى الشاب شكرالله ... على عينا ورأسنا ..شكرالله سعيكم !! Author: سفيان بشير نابرى Date: 08-31-2011, 10:51 AM Parent: #12
Quote: كل عام ترزلون يا عالم كان سمعت صوت طلقة يا جنابو بالليل على الارجح بكون فى سودانى انتحر زمان كنا بنقول حرامى
و الله يا جنى أنت راجل متفائل خلاص ننتحر شنو هو عندنا شجاعة بقت!!!؟
Post: #14 Title: Re: المغنى الشاب شكرالله ... على عينا ورأسنا ..شكرالله سعيكم !! Author: فتحي الصديق Date: 08-31-2011, 10:52 AM Parent: #12
شكر الله و
غيره من المجيدين لتشويه كل ما هو جميل ..
Post: #15 Title: Re: المغنى الشاب شكرالله ... على عينا ورأسنا ..شكرالله سعيكم !! Author: jini Date: 08-31-2011, 11:08 AM Parent: #14
Quote: و الله يا جنى أنت راجل متفائل خلاص ننتحر شنو هو عندنا شجاعة بقت!!!؟
إن يحسدوني على موتي ، فَوَا أسفي حتى على الموتِ لا أخلو مِنَ الحسدِ كلة سنة واحبابك وما تبقى من الوطن بخير جنى
Post: #17 Title: Re: المغنى الشاب شكرالله ... على عينا ورأسنا ..شكرالله سعيكم !! Author: Elsamani A.Malik Date: 08-31-2011, 11:20 AM Parent: #15
شباب كل سنة وإنتو طيبين وتامين ولامين
ياسفيان إستعد من هسي السنة الجاية شكر الله دا أساسي في برنامج أغاني وأغاني
،،،، ،،، ،، ،
من أين أتي هؤلاء؟
Post: #16 Title: Re: المغنى الشاب شكرالله ... على عينا ورأسنا ..شكرالله سعيكم !! Author: د.محمد بابكر Date: 08-31-2011, 11:15 AM Parent: #14
انتو شكرالله ده مش بتاع التسجيل اياه والمتداول على اليوتيوب (يخص على كده رجاله ) ده اول ـحاجه مفروض يغيروا ليه اسمه قال شكرالله قال..المهم زى مابقول تبارك كل سنه وانتو طيبين...
Post: #18 Title: Re: المغنى الشاب شكرالله ... على عينا ورأسنا ..شكرالله سعيكم !! Author: سفيان بشير نابرى Date: 08-31-2011, 11:21 AM Parent: #16
Quote: انتو شكرالله ده مش بتاع التسجيل اياه والمتداول على اليوتيوب
ياتو تسجيل و ياتو يو تيوب يا دكتور!!!! الحقنا بيهو سريع بالله .
و عيدك اسعد و الله .
Post: #19 Title: Re: المغنى الشاب شكرالله ... على عينا ورأسنا ..شكرالله سعيكم !! Author: محمد الكامل عبد الحليم Date: 08-31-2011, 01:07 PM Parent: #18
تحية....فعلا حالة تدعو الي الحيرة....بعد ان انتقل المشروع اياه من حالة ناكل مما نزرع الي ناكل مما نسمع...دخلنا في مرحلة تغبيش الذاكرة .
يفر الان العندليب بجسمه هاربا عندما طغت علي اغاريده حالة الهابط من الغناء كالذي ناكل (نسمع)
مخطط مرسوم يا تري لاتلاف الذاكرة والذائقة والتذوق ام ان قانون السوق هو الذي يسود... حيث تطرد العملة الرديئة العملة الجيدة لنصبح امام شكرا الله واصحابه....
يا سعادة العميد اخشي عليك من (السكتة التلفزيونية) كما يقول الشايقي...
هبوط في الذوق العام في كل الانحاء...يا ساتر....لماذا لا تفر اذن اشجاننا وتتفرق في المنافئ الدافئة والباردة؟
عيد سعيد للجميع خال من المنغصات( علي شاكلة الواد اللي ما يسماش) ...ابقوا عشرة علي الريموت واجعلوه كالسوط(الاحلي منو الموت)...
Post: #20 Title: Re: المغنى الشاب شكرالله ... على عينا ورأسنا ..شكرالله سعيكم !! Author: يوسف محمد يوسف Date: 08-31-2011, 01:39 PM Parent: #19
Quote: كان سمعت صوت طلقة يا جنابو بالليل على الارجح بكون فى سودانى انتحر زمان كنا بنقول حرامى
جنى أخوى
هو فى اموات بنتحرو ؟؟
عيدك سعيد
Post: #21 Title: Re: المغنى الشاب شكرالله ... على عينا ورأسنا ..شكرالله سعيكم !! Author: يوسف محمد يوسف Date: 08-31-2011, 01:44 PM Parent: #20
Quote: شكر الله و
غيره من المجيدين لتشويه كل ما هو جميل ..
الاخ فتحى
طبعا بعد تشويه كل شىء بقى ما فاضل لينا غير الغناء .. و كمان عايزين يشوهو !!
Post: #22 Title: Re: المغنى الشاب شكرالله ... على عينا ورأسنا ..شكرالله سعيكم !! Author: يوسف محمد يوسف Date: 08-31-2011, 01:53 PM Parent: #21
Quote: ورفعت ليك ضغطي وعشان الريموت كونترول في صالة المشاهدة كان بعيد عن متناولي أخدتها من قصيرا ومرقت
حبيبنا .. حبيب نورة
احمد الله انو الريموت كونترول كان بعيد منك .. وإلآ كنت كسرت التليفزيون و كان الليلة تساسك فى الآسواق !!
لطفك يا رب
اسعدك الله بعيد الفطر
Post: #23 Title: Re: المغنى الشاب شكرالله ... على عينا ورأسنا ..شكرالله سعيكم !! Author: يوسف محمد يوسف Date: 08-31-2011, 02:12 PM Parent: #22
Quote: هبوط في الذوق العام في كل الانحاء...يا ساتر....لماذا لا تفر اذن اشجاننا وتتفرق في المنافئ الدافئة والباردة؟
العزيز محمد الكامل
امنياتى لك بعيد سعيد
الغريب فى الآمر .. قبل ذلك كنت اشاهد و استمع بكل حواسى الى فنان كل الآجيال " شرحبيل أحمد " فى حلقة بقناة " الشروق " اسمتعت بكل لحظة فيها .. فقد غنى فيها شرحبيل بمصاحبة اينائه كما لم يغن من قبل .. اطربنى و اعادنى الى ايام الخرطوم الجميلة و لياليها الصاخبة بالطرب الراقى .. لقد اعادنى شرحبيل عشرات السنين .. الى فندق صحارى و " نادى الجاز " و الصفوة من ابناء الخرطوم الذين كانوا يعشقون الطرب الجميل يهمون معه الى حيث صفاء الروح فى واحات الجمال و متعة الحياة .. هذا الغثاء فى الفن و الرياضة و الاجتماع .. هو نتاج طبيعى لهجمة التتر على الخرطوم و التى فاقت هجمتهم على " بغداد " بملايين المرات !!
متى تعود لنا الخرطوم بصفائها و نقائها و ليلها الجميل ؟؟؟
مودتى
Post: #24 Title: Re: المغنى الشاب شكرالله ... على عينا ورأسنا ..شكرالله سعيكم !! Author: محمد الكامل عبد الحليم Date: 08-31-2011, 03:08 PM Parent: #23
تحية ....عام سعيد لك وللاسرة الكريمة....لم يتبقي يا صديق غير الذكريات والاشجان والحان زمان...
فرقة العقارب..فرقة الديوم ...فرقة كمال كيلا ..البلوستار... ..ناس سليمان ابوزيد..السمؤال...يرسمون الليل علي مدارج الالق البهيج...يسكبون اقداح التغني علي وسائد التمني...يغازل الناس النور بالافراح ويتعطر الليل بحلو الكلام...وردي...عثمان حسين ...التاج مصطفي ...ابراهيم عوض..كابلي...اسماعيل حسن...خليل احمد..عبد الفتاح الله جابو ..علي الله جابو..احمد بريس..علي ميرغني..حمزة سعيد...رمضان حسن( وسقيتو دماي زي ما قالوا...عشاق الليل في اغانيهم)..
محمد حسنين يا سهاري..(.تعال اقوللك كلمة تصونك...اوع حاسب داري عيونك).. رمضان زايد...(خليك مع الزمن ده وقتو؟).نادي النيل وناس عبده زمان ونجم الدين..وصديقنا ازهري...هاشم العمدة...نادي الاهلي وسعد الفن...الدينمو ...ابوصلعة والتحكم والتصميم والحرفنة والذوق... نادي الاتحاد....عباس خديوي والقذائف النارية...ناس دحية...كمال الجيلي ...وناس فتحي مامون..وخوجلي..رشاد البلك..ونان وجعفر.. والغابة...والحسان يحفهن العفاف ويفيض منهن الي النيل...وخطابات التذكار الملونة بالعطر ...نادي النسر وجدنا ود الفضل...ال فخري...ناس خالد بحر وجعفر المرضي وناس سبيتي وشرنوبي وال شبيرغلة... واولاد السجانة اخوان البنات ومقنع الكاشفات.. نادي العلمين(الرياضة والاستنارة والوعي الباكر)..السر سعيد وبدري سعيد وخليفة عبدالله واخانا الفقيد الرفاعي عبد الرحيم والمناضل جعفر بكري واب ضمانة وناس عبد الله دقل...معتصم وسراج عباس(ملحن والله ايام يا زمان..) وحسن بابكر (انا والاشواق)...سيد احمد خليفة يغشي قبره الغمام..وشيخ منور شقيقي ونصفي الذي فقدت..في عليائه....
ليالي المولد...فضل نوبة وجوقته الصافية الملونة...وشباب اكتوبر حين انطلق المد من ميدان عبد المنعم ..ذلك المحسن حياه الغمام...
Post: #26 Title: Re: المغنى الشاب شكرالله ... على عينا ورأسنا ..شكرالله سعيكم !! Author: يوسف محمد يوسف Date: 08-31-2011, 04:53 PM Parent: #24
اخى محمد الكامل الود لك كله
كنا و نحن نرتع فى فى مهاد الصبا أن حياتنا كلوحة فنان تكاملت لها كل المقومات لتحكى قصة من ابداعات مجتمع توارث جمال الحياة .. و انتهل من فيضها . كان كل شىء حولنا جميلا .. اكتمل القه بجمال انسان ذلك الزمان . لم تكن منازلنا و طرقنا و اماكن تواجدنا مخضرة الحدائق تحفها الورود و الازاهر تتخللها جداول المياه ، بل كانت بسيطة بساطة آبائنا و امهاتنا ومن هم حولنا ، إلا اننا كشعب خلقنا جمالا لا يضاهيه جمال .. جمالا استوحيناه من جمال الروح السودانية العفيفة و خلقها النبيل . كان ميدان عبدالمنعم " ميدان المولد " بترابه و حصاه المنتشر مصنعا للافذاذ من لاعبى كرة القدم .. اما قلبه فكان مخضرا حيث كان يطيب الجلوس على كراسى بوفيه " عبده دهب " و يا له من مجلس .. كان منذ الرابعة مكتظا بالجماهير حيث تدار كراسيه الى الاتجاه الشمالى الغربى حيث ملعب الرابطة " رابطة الخرطوم تلاتة " الى حيث الابداع الكروى و روعة المباريات التنافسية و زخم التشجيع .. كان من رواد تلك الكراسى المعلم فضل ، و العم ابوردا ، على بلال ، و الاستاذ الحلفوى جاهين و بجواره قريبه توفيق وهو يوقف امامه موتره " الفسبا " ، و يتنقل بين الكراسى فؤاد السيد و عبدالعزيز على حسنى يطلقان تعليقاتهم الساخرة على اللاعبين و المشجعين و من بعيد يشاهد المباراة الاعمام مأمون ابو المعلا و مصطفى المشلى " ابو رياض " و قريبه الزعيم .. كانت تحلو الجلسة بشاى مدنكل من " حسن قوز " و مياه بـ " ثلجة سحابة " . و ما أن تنتهى المباراة حتى تلتف الكراسى حول الطاولات ذات السطح الحجرى .. و تبدأ الونسة الرئية و الهظار الاخوى اللطيف . كان بوفى عبدو دهب - له الرحمة - نقطة الالتقاء لكل ابناء و رجال الخرطوم تلاتة و اصدقائهم حيث حلقات النقاش فى شتى المواضيع .. كان مدرسة مفتوحة تعلمنا منها الكثير .. لذلك لم يك مستغربا ان تشتعل اكتوبر منه .. و يا لها من أيام . اخى محمد لم يتبق غير حديث الذكريات المعتمرة بها قلوبنا .. لروعتها و كأننى آخالها بالامس !!
متى تعود لنا الخرطوم .. و سحرها ؟؟
Post: #27 Title: Re: المغنى الشاب شكرالله ... على عينا ورأسنا ..شكرالله سعيكم !! Author: يوسف محمد يوسف Date: 08-31-2011, 04:58 PM Parent: #26
Quote: يا نابرى التسجيل ده بطال لكن طالما مصر هاك..
يا نابرى انت برضو تلفونك الخاتيهو فى البروفايل مابرد لو عندك غيره اكتبه لى لانى حا اضرب ليك وبعد ما شفت التسجيل ساقوم بسحبه لانه خادش للحياء رايك شنو فى حكاية الحياء دى مش حلوه...
Post: #32 Title: Re: المغنى الشاب شكرالله ... على عينا ورأسنا ..شكرالله سعيكم !! Author: يوسف محمد يوسف Date: 08-31-2011, 08:47 PM Parent: #31
Quote: يا سعادتك اكتب لى تلفونك كامل بالكود...
حاضر يا دكتور
00966540325353
Post: #33 Title: Re: المغنى الشاب شكرالله ... على عينا ورأسنا ..شكرالله سعيكم !! Author: سفيان بشير نابرى Date: 09-01-2011, 08:56 AM Parent: #32
Quote: معقول غنى الاغنية دى وفى النيل الازرق و فى العيد
كدى فهمونا؟
هاهاهاهاهاهاهاهاهاهاهاهاهاهاهاهاهاى معقووول يا إبراهيم يكونو جابوها في النيل الازرق ههههههههههههههههه غايتو ناس حكومتنا ديل ما بجبوها لكن تحت تحت بسوا الافظع منها لوووووووووووووول
سنتك طيبة وعيدك سعيد
و يا دكتور محمد حسن راجع برفائلى بخصوص التلفون
Post: #34 Title: Re: المغنى الشاب شكرالله ... على عينا ورأسنا ..شكرالله سعيكم !! Author: يوسف محمد يوسف Date: 09-01-2011, 10:22 AM Parent: #33
Quote: نسأل الله السلامة
معقول غنى الاغنية دى وفى النيل الازرق و فى العيد
كدى فهمونا؟
عيد سعيد وتحيات سيادة العميد
الاخ محمد عبدالحليم
عيدك سعيد
أنا غايتو تحدثت عن حفل دبى و ما غناه شكرالله فيه من أغانى
اما غنى " سوق المواسير " ... انا بررررا !!
هى الآغنية بتقول شنو ؟؟؟؟
Post: #35 Title: Re: المغنى الشاب شكرالله ... على عينا ورأسنا ..شكرالله سعيكم !! Author: سفيان بشير نابرى Date: 09-01-2011, 10:51 AM Parent: #34
Quote: أنا غايتو تحدثت عن حفل دبى و ما غناه شكرالله فيه من أغانى
اما غنى " سوق المواسير " ... انا بررررا !!
هى الآغنية بتقول شنو ؟؟؟؟
براااااااا وييييييين يا سيادتو قال برا و قال بتقول شنو بلااااااااهي مش الرابط نزل في بوستك دا و الفنان هو نفس الفنان الكاتب عنو !!؟
Post: #36 Title: Re: المغنى الشاب شكرالله ... على عينا ورأسنا ..شكرالله سعيكم !! Author: إبراهيم عبد الحليم Date: 09-01-2011, 11:00 AM Parent: #35
يا سعادتك
انا افتكرت قناة النيل الازرق اتهكرت ههه
Quote: الاخ محمد عبدالحليم
ده ما انا ده اخوى الصغير
Post: #37 Title: Re: المغنى الشاب شكرالله ... على عينا ورأسنا ..شكرالله سعيكم !! Author: سفيان بشير نابرى Date: 09-01-2011, 11:19 AM Parent: #36
Quote: انا افتكرت قناة النيل الازرق اتهكرت ههه
هههههههههه اكتر من الحصل يوم الحفلة دا لووووووووووووووووول
و حاة الله ما تعرف تضحك في شكر الله و ود الصادق و لا من خلق الله الحاتاهو حت في غناء ما عندو طعم
يا سيادتو محمد يوسف و يا دكتور محمد حسن و يا ابراهيم يا فنان و ياناس البوست كدى هاكم العدية دى و ورونى رايكم
Post: #39 Title: Re: المغنى الشاب شكرالله ... على عينا ورأسنا ..شكرالله سعيكم !! Author: محمد الكامل عبد الحليم Date: 09-01-2011, 12:28 PM Parent: #38
تحية للاصدقاء الجميلين المتداخلين...وعيد سعيد...حافل بالايام الحبلي بالخير وماطرالامنيات...يكون لها حيز في عالم الواقع...
الشريط المذكور واضح ان به تلفيقا كبيرا لجهة اغتيال الشخصيات ...سواء شخصية( الفنان) المذكور او صديقي المرحوم الاستاذ حسن ساتي...وواضح ايضا قصر النظر والحيلة البائرة مسنودة بانحطاط بالغ لا يشبه اولاد البلد...
واضح الافتئات والجور والتجني علي الولد المسكين ومحاولة الزج باستاذنا الكبير والذي اشهد امام الله انه دخل الي الدنيا كما خرج منها صافيا في السريرة طاهرا مما يدنس او يشين...
وطبعا تداول مثل هذه الروابط ورغم فضاءات الحرية الشخصية التي نحترمها لا يفضي الي خير او مردود...
لكم الحب خاليا من ظنون السؤال...
Post: #41 Title: Re: المغنى الشاب شكرالله ... على عينا ورأسنا ..شكرالله سعيكم !! Author: يوسف محمد يوسف Date: 09-01-2011, 12:53 PM Parent: #38
Quote: كدى هاكم العدية دى و ورونى رايكم
شكرا سفيان
روعة .. هذا هو التخليد الحقيقى لغناء رمضان زايد - له الرحمة -
رمضان زايد و زكى عبد الكريم و غيرهم كثر .. من خريجى دار الخرطوم جنوب للغناء و الموسيقى ، تلك الدار التى قدمت اضافات حقيقية لمسيرة الغناء السودانى .. حيث ظلت من خمسنيات القرن الماضى و ما زالت تثرى الساحة الفنية بالعديد من الفنانين و الموسقيين .. من هنا التحية و التقدير لكل استاذتها من الموسقيين و الشعراء .. محمدية و عربى و الاخوين عبد الفتاح و على الله جابو و صلاح حاج سعيد .. و الرحمة لمن مضى .
Post: #44 Title: Re: المغنى الشاب شكرالله ... على عينا ورأسنا ..شكرالله سعيكم !! Author: محمد الكامل عبد الحليم Date: 09-03-2011, 05:26 PM Parent: #41
تحية.....لا ننسي يا سعادة العميد وطالما نحن نحلق في فضاءات التذكار وانت تعود بنا الي ذاكرة المكان والناس ونحن علي عشر من العشر كما يقول شاعر ساهر البرق...ونحن في السجانة...مرتع الصبا ان نذكر الفنان عبد الحميد يوسف....غضبك جميل زي بسمتك...واخريات من الاغاني يصدحن بحلو النشيد وشفيف المعاني... والتجاني مختار...ومني الخير قبل انتقالها الي بري...علاء الدين حمزة واوتاره المشدودة بالالحان والمدوذنة بكل ما يشجي النفس ويطربها... احمد فرح...حليلك يا بلدنا..
وجوقتنا الفنية بسمارها تحت شجرة اسميناها شجرة الحرية...ابناء خالتي سيد عبد الله...ابراهيم. والباقر ..دكتور السر محمد الحسن..السفير عبد المحمود...محمد سراج الدين..هاشم الملك...بشير بلنجة...صلاح عبد الرحيم الامين...كمال السنوسي..شريف ..مجموعة بنك السودان.. واصدقاء الحروف والمعاني والمباني...عبد الرحيم عبد الحليم...حسن ساتي..الهادي نورالدائم..الحردلو...عبد الهادي الصديق.. عبد العزيز عصفور..
لله در عصابة نادمتهم يوما بجلق في الزمان الاوحد...
وكما يقول صديقنا تجاني سعيد والله ايام يا زمان..
Post: #40 Title: Re: المغنى الشاب شكرالله ... على عينا ورأسنا ..شكرالله سعيكم !! Author: محمد الكامل عبد الحليم Date: 09-01-2011, 12:48 PM Parent: #37
تحية ....في صباح غائم ينذر بيوم ماطر ومن شمال العالم...من تورنتو يا سفيان اعادتني الالحان الي حيث يجب ان اكون...بين احباب الزمن الجميل في السجانة...لله درهم وهم يغرقون الليل في ينبوع الالحان...رمضان زايد..ذلك الكنار الذي وان لم يتغني سوي ليتني زهر لكفاه...
واضح في الصورة استاذ الانغام العم فتاح الله جابو واعضاء فرقة الخرطوم جنوب. ومركز السجانة..ونحن هناك علي مقربة من اقربائك يا سفيان...صديق الزمن الجميل مولانا سمير فضل...كمال فضل...عصام فضل...وبقية العقد الفريدالذين تحلو بقربهم الحياة وتعطي معني وجودها...نعم.. الصد شقاء...الود شفاء...
يا سلام
Post: #42 Title: Re: المغنى الشاب شكرالله ... على عينا ورأسنا ..شكرالله سعيكم !! Author: إبراهيم عبد الحليم Date: 09-01-2011, 12:56 PM Parent: #40
سفيانو
والله كنت داير اخت لى اغنية خاصة فى هذا البوست عيدية ولكن سببين منعونى
وانا بتجول على كل القنوات الفضائية لقيتها شغالة غناء كلها تطلع من نسرين هندى تخش فى صباح ههه. يااخ انا بحب الغناء للطيش ولكن هذا سخيف وممل. ياخ وين الدراما والمسرح. كده بقتلو الغناء
تانيا خائف سيادة العميد ده يضمنى لقائمة التصفيات الجسدية اقصد الفنية فى حالة نجاح انقلابهم العسكرى المرتقب هههه
السادة الأعمام سيادتو محمد يوسف و محمد الكامل و اضح انكم اهل سمع راقي و زمن جميل و واضح انكم الجديد ذاتو بتحبوهو بس يكون جديد مجيه وسمح و هسي الزول البغني دا (قاسم) دا ود مركز الخرطوم جنوب و ود القوز تحديداً وقاسم اجمل من تغنى لرمضان زايد رمضان ذاك الزانداوي الذي لو لم يرجع العمالقة من الفنانين من مقاطعتهم لسيطر على الساحة و لم يكن لهم مكان بعدها و قاسم الأسمراني هذا احسن من يجيد الغناء لرمضان و لابو داوود و لعتمان حسين وكل منهم يغني له بطريقته الخاصة وصوته دون تغيير .
أنا سعيد انو الفديو عجبكم
لكن صراحة إلي الأن مستغرب زى شكر الله وغيره من أين ياتون بهذه الشجاعة المفرطة و قوة العين حتى يهيمنو على أغنيات العمالقة و يبوظوها دون أن يمش لهم جفن أو مجرد خجل !!! إي هواء أبق يتنسمونهم يمنحهم عدم الأحساس هذا !!!!؟
يا ابراهيم عبد الحليم يا صاحبي اعمل حسابك ما تجيب فديو كدا و لا كدا اعمامك ديل و احد فيهم جنابو عدييييل و واحد فيهم سااادن محراب الغناء بودوك التووووووج* هاهاهاهاها
* بالمناسبة التوج دى هي شنو؟
Post: #45 Title: Re: المغنى الشاب شكرالله ... على عينا ورأسنا ..شكرالله سعيكم !! Author: بله محمد الفاضل Date: 09-03-2011, 06:05 PM Parent: #43
أمثاله لتأكيد أن الزمن مقلوب يا صاحب لك غاية الأشواق يا اخي وأظهر وبان
أفعل بنفسي ما يرحمها وإن قليلا حالما رأيت نشازا ضغطت على القناة التالية
غايتك البتجيكم من النيل الأزرق تتحملا محبتكم للسودان
Post: #46 Title: Re: المغنى الشاب شكرالله ... على عينا ورأسنا ..شكرالله سعيكم !! Author: محمد عبد الماجد الصايم Date: 09-04-2011, 08:36 AM Parent: #45
كل سنة وإنتو طيبين ياخ!!
Post: #47 Title: Re: المغنى الشاب شكرالله ... على عينا ورأسنا ..شكرالله سعيكم !! Author: أيمن دياب Date: 09-04-2011, 08:45 AM Parent: #46
طبعا للأسف الشديد شكر الله (لا يدري) بأنه (بوظ) و(شوه) و(شرتم) أغنية الفنان زكي عبدالكريم.. استمعت له في أغنية الراحل حسن الزبير (عاين ما الشبه باين) التي يغنيها كمال ترباس.. فزاد ألمي وتحسري على حال الشباب والفن والغناء..
Post: #48 Title: Re: المغنى الشاب شكرالله ... على عينا ورأسنا ..شكرالله سعيكم !! Author: د.محمد بابكر Date: 09-04-2011, 09:13 AM Parent: #24
دى هديه لودالكامل ..باقى الشباب وفى مقدمتهم سفيان..
Post: #49 Title: Re: المغنى الشاب شكرالله ... على عينا ورأسنا ..شكرالله سعيكم !! Author: يوسف محمد يوسف Date: 09-04-2011, 09:41 AM Parent: #48
Quote: أفعل بنفسي ما يرحمها وإن قليلا حالما رأيت نشازا ضغطت على القناة التالية
الشفيف اخى الاصغر
بله الفاضل
لقد أصبح النشاز هو المتربع على عقولنا و سمعنا و بصرنا .. ذلك من حال الأمة و ما آل اليه حالها ، بمثل ما آذى الشاب " شكرالله " أُذننا المرهفة .. هاهى " ميادة كمال " تجرح كبرياء و عظمة الامة السودانية بمثل هاكذا حديث(إبنة)مالك عقار التي تعمل(ملازم أول)بشرطة السودان بالخرطوم يجب ان تعف
و بذلك ...
ماذا تبقى من حبنا للسودان ؟؟
قرب تعال يا بله .. ما تبتعد .. قرب تعال .. نحكى همنا
مودتى لك
Post: #50 Title: Re: المغنى الشاب شكرالله ... على عينا ورأسنا ..شكرالله سعيكم !! Author: يوسف محمد يوسف Date: 09-04-2011, 09:50 AM Parent: #49
Quote: كل سنة وإنتو طيبين ياخ!!
ود الصايم ..
لك ان تضحك .. فشر البلية ما يضحك !!
و انت كمان طيب و ضاحك باستمرار
Post: #53 Title: Re: المغنى الشاب شكرالله ... على عينا ورأسنا ..شكرالله سعيكم !! Author: يوسف محمد يوسف Date: 09-04-2011, 10:07 AM Parent: #50
Quote: دى هديه لودالكامل ..باقى الشباب وفى مقدمتهم سفيان..
اخى دكتور محمد بابكر
اشهد الله أنه بعد انزال مداخلتى و التى تكلمت فيها بإيجاز عن مركز الخرطوم جنوب للغناء و الموسيقى ، عاتبت نفسى فى عدم ذكرى مبدعين كُثر تتلمذوا و تخرجوا من ذلك المركز الشامخ .. استعادت ذاكرتى بسرعة ثلاثة من الفنانين الذين تركوا بصمات واضحة رغم مسيرتهم القصيرة مع الغناء .. كان اول منْ استعادته الذاكرة هو ذلك البلبل الصداح الراحل " احمد فرح " الذى اختطفه الموت مبكرا .. و صاحب الاداء المتفرد الراحل " عبد العظيم حركة " .. ثم المبدع " احمد شاويش " متعه الله بالصحة...
شكرا لك يا دكتور و انت تعيدينا الى زمن ليته يعود
معزتى لك
Post: #51 Title: Re: المغنى الشاب شكرالله ... على عينا ورأسنا ..شكرالله سعيكم !! Author: Abd-Elrhman sorkati Date: 09-04-2011, 10:03 AM Parent: #49
يا ابنى شكرالله راجع نفسك و خليك فى غناك البتعرفو .. ابعد لينا من غننا السمح .. ما تبوظو !!
الاخ يوسف وضيوفه الكرام كل سنة وجمعكم بخير وربنا يحقق الامنيات ويزيل البلاء والوباء والغلاء
بوست جميل يا يوسف ،،، يصراحة عجبني ،،،
اولا الولد الاسمه شكر الله دة ما عندو حاجة مااا عندووووووووو
هؤلاء الذين اتوا في غفلة من الزمان ،،،،، منشز ،،،، صوت مهتز إهتزاز مخل ،،،،،، بعدين يا جماعة الخير الغناء ما كدة ،،،،، انا ما بفتكر انه شكر الله بوظ اغنية زكي بس لا الزول دة ما عنده علاقة بالغناء من أساسه والمسألأة ما مسألأة عنده معجبين او في ناس بسمعوهو ،،، الشغلانة فيها قواعد وأسس علمية ،،،،، بأختصار الزول دة كيسه فاض
سفبان نابري يا جميل والله الاسمراني دة قمة في الروعة وصوت قوي وتطريب جميل ،،، كتر خيرك ،،، دة جبتوا من وين
تحياتي للجميع وباين حا اواصل معاكم
Post: #52 Title: Re: المغنى الشاب شكرالله ... على عينا ورأسنا ..شكرالله سعيكم !! Author: سفيان بشير نابرى Date: 09-04-2011, 10:05 AM Parent: #48
Quote: دى هديه لودالكامل ..باقى الشباب وفى مقدمتهم سفيان
الف الف شكر يا دكتور محمد و الله اكرمتنا بأغنية جميلة جمال شديد و صوت جميل . ربنا يرحم الراحل أحمدفرح و د (الصائغ) رحمة تسكنه الجنان الآعلى . تعرف أنا و من خلال بحتي عن اعمال العملاق إسماعين حسن ود حد الزين اتعرفته على الراحل أحمد فرح من خلال هذه الأغنية تحديداً لكن للاسف ما لقيت ليهو إي أغنية تانية رغم انو الراجل دا بملك صوت وطريقة آداء تشبه العمالقة العظلم من فناني السودان .
أشاركك بنص الأغنية كتابياً:- ا حليلِك يا بلدنا الفيكِ ربّونا اتولدنا
يا كريم يا الله حلحل لي وثاقي أصلي مشتاق وأصلي غرقان في اشتياقي لى نخيلنا ولى جروفنا وللسواقي لى صديرياتا لى لبس الطواقي
الف شكر و الله وفعلاً ا حليلِك يا بلدنا وربنا يرحم ود حد الزين و يرحم أحمد فرح.
Post: #54 Title: Re: المغنى الشاب شكرالله ... على عينا ورأسنا ..شكرالله سعيكم !! Author: محمد الكامل عبد الحليم Date: 09-04-2011, 04:29 PM Parent: #48
تحية....شكرا يا دكتور للعيدية المفرحة الشجية المشجية...ان تهدي نغما في ظل واقع محزون كانك تسعفني بطوق نجاة ...حتي اذا نجوت الي شاطئ اخر اتعلق من جديد بشواطئ الاحزان الاخري انتظارا لما ياتي ولا ياتي...
المرحوم احمد فرح كان يجاورنا السكن في السجانة ... تعهده اسماعين ود حد الزين بالرعاية... واشركه في معاركه وقتذاك حين جفوة بينه والعملاق وردي..احمد كان اتيا للتو من كريمه حيث كان يعمل صائغا..لم تمهله الدنيا لصياغة الالحان والاشجان...وقبل ان يهاجر الي دار الخلود هاجر الي السعودية...ذهبت اليه وهو يعمل في القصيم وكان امينا مع نفسه وواقعه يومذاك حين طلبنا منه ان يتحفنا بقليل شيء من الحانه فابي...لان الكنار كان امينا مع عشه لا يغرد الا بين اغصانه وافنانه... عساه الان في دنيا الخلود ينصت الي الحان خالدة...ويرسل الينا تذكاره وذكراه..
