Post: #1 Title: سؤال و مشورة لسكان وادي حلفا Author: fadlabi Date: 08-29-2011, 04:09 PM
أنا بصدد تنظيم رحلة تبدأ من وادي حلفا لغاية الخرطوم بصحبتي فنانين أجانب أحسن طريقة شنو.. قطر و بعدين بص ولا ايجار عربات ولا كيف?? و فكركم ممكن يستحملوا ولا بموتوا لي في السكة??
Post: #2 Title: Re: سؤال و مشورة لسكان وادي حلفا Author: Abdulrahman Gorashi Date: 08-29-2011, 05:03 PM Parent: #1
يازول لم اجانبك معاك، درب حلفا بقتلك انت في روحك خليك من المعاك، يازول أنا متزوج حلفاوية وحاتك قربت اطلقها بس من المشوار البتقول فيهو دا.
Post: #4 Title: Re: سؤال و مشورة لسكان وادي حلفا Author: وليد محمد المبارك Date: 08-29-2011, 05:18 PM Parent: #2
اعتقد ان الطريق المسفلت وصل لحدي حلفا
Quote: بحمد الله وتوفيقه وبعد أفتتاح كبري السليم واكتمال طريق دنقلا وادي حلفا ,,, الان يمكنكم السفر الي وادي حلفا يوميا وبالبصات السياحيه عبر الطريق المسفلت ,, حيث يتحرك البص من السجانه الخامسه صباحا ويصل وادي حلفا السادسه مساء باصات سياحيه يوميا ,, .. وهنالك طريق أخر بمدينة مروي عبر السد ,, مزيد من التطور والتنمية لوطننا الكبير ولوطنا الام وادي حلفا ..
Post: #3 Title: Re: سؤال و مشورة لسكان وادي حلفا Author: Medhat Osman Date: 08-29-2011, 05:13 PM Parent: #1
سلااام fadlabi
وكل سنة وانت طيب.
احسن طريقة طبعا ايجار عربات عربيتن ثلاثة علي حسب عددكم واحسن ليكم بكاسي عشان تشوفوا اجمل واعرق القري والمدن علي ضفاف النيل وياريت تعدو علي كم قرية وجزيرة مثل جزيرة صاي ... واكيد حتستمتعوا بي رحلتكم .
وما تخاف علي الاجانب.
Post: #5 Title: Re: سؤال و مشورة لسكان وادي حلفا Author: Masoud Date: 08-29-2011, 05:22 PM Parent: #3
Post: #6 Title: Re: سؤال و مشورة لسكان وادي حلفا Author: Medhat Osman Date: 08-29-2011, 05:23 PM Parent: #3
ما تسمع كلام عبد الرحمن ده...
وشوف الخوجات ديل مستمتعين كيف في رحلة من الخرطوم لوادي حلفا بالعربات
Post: #7 Title: Re: سؤال و مشورة لسكان وادي حلفا Author: fadlabi Date: 08-29-2011, 05:34 PM Parent: #6
لو قدرنا زمن الرلة بثلاثة أيام علما بأنه محور إهتمام الشباب هو الحضارة النوبية و تأريخ المسيحية و الفلكلور و التأريخ الشفاهي ما هو مقترحكم الأمثل لمحطات الرحلة و مسارها
Post: #8 Title: Re: سؤال و مشورة لسكان وادي حلفا Author: fadlabi Date: 08-29-2011, 05:35 PM Parent: #7
شكرا يا شباب و يا قرشي العرس حلفاوية ده أكتر زول مرتاح :)
Post: #9 Title: Re: سؤال و مشورة لسكان وادي حلفا Author: سفيان بشير نابرى Date: 08-29-2011, 05:54 PM Parent: #8
سلام يا صاحبى و الله مشتاقين ياخ
يازول اسمع كلام مدحت دا لانو كلامو صاااح و الرحلة بالقطر ما بتفرج الضيوف حاجة لانو الشارع واحد ودغري و بالبص برضو ما بتفرجو حاجة لكن لما تاجرو عربات بتكون بمزاجكم تمشو الاماكن التاريخية كلها تبدوها من و ادي حلفا و تنهوها فى الجيلى بمزاجكم .
و الله يا صاحبى لو حددتو لينا طق طرق نحصلكم هناك ونرحل معاكم كمان لوووووووووووووول
Post: #10 Title: Re: سؤال و مشورة لسكان وادي حلفا Author: fadlabi Date: 08-29-2011, 06:00 PM Parent: #9
تمام يا سفيان :)
شكرا على النصيحة
أسعار إيجار العربات كيف?? حد عنده فكرة??
Post: #11 Title: Re: سؤال و مشورة لسكان وادي حلفا Author: سفيان بشير نابرى Date: 08-30-2011, 00:11 AM Parent: #10
يا ناس حلفا و يا مدحت جابو لينا اخونا الفاضلابي ياخ الزول معاهو ضيوف على البلد .
Post: #12 Title: Re: سؤال و مشورة لسكان وادي حلفا Author: Ridhaa Date: 08-30-2011, 04:43 AM Parent: #11
الأخ محمد علي الفاضلابي
سلام ..
ماتنسى من استخراج التصاريح اللازمة لأنكم سوف تزورون مناطق آثار حتى لاتتعرضوا للمضايقة والمساءلة في الطريق يعني ظبط الأمور عن طريق السفارة قبل السفر ...وأيضا لابد من تسجيل الأجانب في وادي حلفا نقطة البداية وأيضا الخرطوم نقطة النهاية ....وكلو بي رسوموا لكن ممكن تاخذ خطاب استثناء من دفع الرسوم عن طريق السفارة باعتبارها بعثة فنية .... وبالتوفيق ان شاء الله .. تحياتي
Post: #13 Title: Re: سؤال و مشورة لسكان وادي حلفا Author: Medhat Osman Date: 08-30-2011, 06:47 AM Parent: #12
الاخ فاضلابي تحياتي مع انو الثلاثة ايام بسيطة وكنا عاوزنكم تقضي فترة اطول في المنطقة. لكن اهم المحطات يمكن ان تكون بعد مدينة حلفا والغناء لاهلها جنوبا مدينة عبري ومن هناك تعدو البحر لجزيرة صاي وزيارة المناطق الاثرية وبعدها تتجهوا جنوبا لواوا وبرضو تعدوا البحر للضفة الغربية لزيارة معبد صولب ومن ثم لسيسبي غرب دلقو وسريع تحصلوا كرمة قبل اغلاق المتحف وبعد داك تزورا دفوفة كرمة.... نتمني لكم رحلة سعيدة.
Post: #14 Title: Re: سؤال و مشورة لسكان وادي حلفا Author: Al Sunda Date: 08-30-2011, 06:54 AM Parent: #12
مرحب بيك وبضيوفك في وادي حلفا الطريق مسفلت من الخرطوم لغاية وادي حلفا حكاية بتاعة 8 ساعات بعربية صغيرة واقل بدفع رباعي واكثر ببص سياحي الليموزين على ما اعتقد 7 راكب 700 الف ( دا قبل سنة ) هنالك بدايات لمتحف اثري في حلفا وهنالك جهة مختصة معنية بالامر عليه يمكنك الاتصال بهم مباشرة لتسهيل مهمتك وسياحك ، إذا جايين من مصر إجراءات التسجيل للأجانب تتم في الباخرة
Post: #15 Title: Re: سؤال و مشورة لسكان وادي حلفا Author: Mahir Mohammed Salih Date: 08-30-2011, 05:26 PM Parent: #14
أرجو أن لا يكون الكلام أعتقاداَ ،، فالحقيقة هى أنك الأن تقوم من الخرطوم بأى نوع من أنواع السيارات حتى ولو كانت أتوس تمشى حلفا بآخر راحة ،، الطريق مسفلت تماماَ من الخرطوم وحتى هنالك ،، ولا تخاف من الزحمة فليست هنالك أية زحمة وخاصة عندما تدخل المنطقة من دنقلا شمالاَ ،، وين وين لحد ما تقابلك سيارة ،،
الطريق آمن تماماَ ولا يشغلنك اى شىء من النواحى الأمنية على الأطلاق فإنت ضيف عزيز مكرم يمكنك أن تخبط على أى بيت فى أى وقت ليلا ونهارا حتى ولو كان أنصاف الليالى والدغشيات ( حقيقة أبوابنا لا تقفل أبدا أبدا طوال اليوم فلا تردد أن تطلب ما تشاء متى ما عن لك ذلك ) فأنت وضيوفك ستكونوا مرحبين بكم من الكل كبيرهم وصغيرهم غنيهم وفقيرهم .
لا تخف من البنزين ،، البنزين متوفر على طول الخط ،، ستجد طرمبات هنا وهنالك وأن لم تجد ستجد أن هنالك دكاكين تبيع لك البنزين بسعر الخرطوم وبدون أية زيادة ،،
كلام مدحت ده أمسكو قوى ،، عندك أثارات فى صاى وصلب ونلوة وكرمة ،، وستجد فى كرمة المتحف النوبى كما أنزل ،، وفعلا ما تنسى التصاريح اللازمة حتى تتجنب بعض الهنات هنا وهنالك .
ستجد أسواقا معقولة فى حلفا وعبرى ودلقو وكرمة وأرقو والسليم ودنقلا قطعا حتى تدخل منطقة الشايقية ،، وستجد فنادق متواضعة جداَ أو حقيقة لوكاندات لعمل الرفريشمنت وكده ،،
أهم شىء فى الكلام ده كله ،، إنو فى أى وقت وفى أى زمن يمكنك أن توقف أى شخص فى الطريق وتقول ليه يا أخى نحن مافطرنا أو ما أتغدينا وستجد الصفر من نوعية التى يحملها أربعة أشخاص فى دقائق أمامك لا قرش لا تعريفة من حلفا وحتى منطقة دنقلا ،، من هنالك لا أستطيع أن أتحدث بإسمهم رغم علمى بأنهم أكرم من الكرم نفسه .
مع التحية لك برحلة سعيدة أنت وضيوفك ،،
ماهر
Post: #16 Title: Re: سؤال و مشورة لسكان وادي حلفا Author: fadlabi Date: 08-30-2011, 07:02 PM Parent: #15
و الله ما قصرتو يا شباب كتر خيركم الرلة ستكون في شهر فبراير و سأوافيكم بالصور و الحكايا
Post: #17 Title: Re: سؤال و مشورة لسكان وادي حلفا Author: عمار عبدالله عبدالرحمن Date: 08-30-2011, 09:59 PM Parent: #16