Post: #2
Title: Re: السودان يسمح بدخول وكالات الامم المتحدة لمنطقة النزاع (جنوب كردفان
Author: حيدر حسن ميرغني
Date: 08-19-2011, 11:15 PM
Parent: #1
يبدو أن الضغوط الدولية (جابت نتيجة)
وبالتأكيد الإتهامات التي طالت القوات المسلحة بإرتكابها جرائم ضد الإنسانية في المنطقة بالإضافة لإتهامات بإستخدام أسلحة كيميائية جعلت الحكومة تزعن في نهاية الأمر لهذه الضغوط
غالبا ما تسعى الحكومات التي ترتكب جرائم ضد الانسانية في حق مواطنيها في المماطلة لمطالب الوكالات الدولية بالدخول لمناطق النزاعات لتقييم الوضع الانساني
وربما تسعى لذلك لكسب عامل الزمن لمحو أي أثر او دليل يدينها
هل افلحت الحكومة في ذلك؟
|
Post: #3
Title: Re: السودان يسمح بدخول وكالات الامم المتحدة لمنطقة النزاع (جنوب كردفان
Author: Kabar
Date: 08-20-2011, 08:21 AM
Parent: #2
كتر خيرك يا حيدر..
و يبدو دقة ناس قناة الجزيرة ، في مداخل كادقلي ، لحقت على الجماعة..!
من تحقيق الجزيرة ( الإنجليزية).. و العالم متلمل..!
اللغم الكتل الأثيوبيين في ضواحي ابيي.. اثبت أنو عمر البشير قاعد يستخدم اسلحة ممنوعة دوليا..و برضك العالم اتململ..!
حق البسطاء في جنوب كردفان ما ح يروح عبط..كفاية شعوب كتيرة من السودان ضاقت الويل و صبرت..!
ده غير الكتائب (من جيش عمر البشير) المشت دخلت الجنوب و فاكرة روحها ح تدخل عبد العزيز الحلو في كماشة..و الكتائب دي رجعت كداري من غير اسلحة.. اللهم الإ زمزميات الموية..و جات تتضارى لمن وصلت كادقلي..و بعد داك عبد الرحيم حسين مشى عشان يحضر المحاكمات بنفسه..و ده كلام ناس الإنقاذ ما يحدثوا عنو شعب السودان المسكين..!
المؤتمر الوطني عرف حاجة و حاجة كبيرة خلاص..!
و من زمن الرايد يونس (ديك الصباح)..الشعب عارف انو كلما المؤتمر الوطني اكثر العياط و الجوعار.. فهذا يعني انو منبطح في مكان ما و داير يغطي على الإنبطاحة دي..!
اهو هنا يسمح..و في خبر اخر في المنتدى.. قال يقبل التفاوض مع الحركة الشعبية و في وجود وسيط تالت..و في مكان محايد..!
و لو في مكان الحركة الشعبية اقول ليهو غيرت راي و ما داير تفاوض..و الفارغة يتمها الله..!!
كبر
|
Post: #4
Title: Re: السودان يسمح بدخول وكالات الامم المتحدة لمنطقة النزاع (جنوب كردفان
Author: محمد على حسن
Date: 08-20-2011, 03:21 PM
Parent: #3
د الطيب زين العابدين للجزيرة نت :
الحزب الحاكم (اعتاد على الهياج في مثل هذه المواقف ثم يتنازل مفسحا المجال لكل ما كان يرفضه)، موضحا أن للحكومة من المشاكل ما يستوجب عليها التحاور مع الآخر بنوع من الدبلوماسية.
|
|
