السبت 20.08.2011 افطار الرابطه السودانيه بالنرويج-اوسلو

بسم الله الرحمن الرحيم
شهر رمضان الذي أنزل فيه القرآن هدى للناس وبينات من الهدى والفرقان فمن شهد منكم الشهر فليصمه ومن كان مريضاً أو على سفر فعدة من أيام أخر يريد الله بكم اليسر ولا يريد بكم العسر ولتكملوا العدة ولتكبروا الله على ما هداكم ولعلكم تشكرون
[البقرة:185].

بأسم رابطه الجاليه السودانيه بالنرويج نزف التهانى الى كل السودانيين والمسلمين بالنرويج وفى كل انحاء العالم بمناسبه قدوم شهر رمضان المبارك اعاده الله علينا بالخير واليمن والبركات وان شاءالله تصوموا وتفطروا على خير. اما بعد
دعوه عامه ومفتوحه لكل السودانيين واصدقائهم فى اوسلو ولارفيك وضواحيها
وعلى ذات العرف الذى انتهجته الرابطه فى الاحتفاء فى هذا الشهر باقامه افطار جماعى مع مصاحبه ندوه يلقيها شيخ او امام مسجد عليه فقد حددت اللجنه التنفيذيه لان يكون الافطار الجماعى يوم السبت 20 رمضان الموافق 20 اغسطس 2011, وذلك بصاله
sangerhallen الموجوده بمحطه تيبان مايورستوا)Majurstue T
واكيد لن تكون هنالك صعوبه فى الوصول الى المكان حيث ان كل خطوط التيبان تتوقف فى محطه مايوشتوا
اماالحضور فسيكون من الساعه 1930 (السابعه والنصف مساءا)! وذلك لتجهيز واعداد الصاله وترتيبها وتهيؤتها للافطار الجماعى والصلاة والمحاضره المصاحبه
والوقت مفتوح لنا بشرط, على ان نقوم بالترتيب والنظافه بعد الانتهاء من البرنامج
ستصرف تغطيه التكاليف من الاشتراكات االتى دفعها الاعضاء الكرام فى حساب الرابطه ولا حوجه لاى مساهمات ماديه لحضور هذا التجمع السنوى الطيب ومن اجل التراحم والعفو والعافيه مع نفحات هذا الشهر الجميل فباب الاجر مفتوح لمن يريد التبرع فى رقم الحساب ولا تنسوا برنامج العيد ايضاً على الابواب لذا فقط نذكر من لم يدفع اشتراكه السنوى ان يسارع بذلك على رقم حساب الرابطه التالى 12540542021
وعنوان الصاله هو محطه مايورستوا نفسها, ستقوم الرابطه بدفع ايجار الصاله واحضار المشروبات وبعض المتطلبات الخفيفه من تمر وشاى وقهوه وسكروستقوم الاسر والعائلات بالمساهمه فى توفير اطعمه الافطار وجزاهم الله عننا كل خير فقد كانت الاسره السودانيه بالنرويج دائمه سباقه الى الجود والكرم فى هذا الشهر الكريم وسنعتمد عليهم دائماً فى كل شهر رمضان قادم
لمزيد من الاستفسارات اتصلوا على الارقام التلفونيه الموجوده على صفحاتنا هذه او فى الفيسبوك
كما ندعوكم للانضمام الى مجموعتنا فى الفيسبوك هذه
http://www.facebook.com/groups/sudaese.norway/
وكل سنه وانتم بخير
مع تحيات المكتب التنفيذى
http://sudanesenorway.blog.com/

وهى ايضاً تعتبر كأفطار لبورداب النرويج الخمسه فى او حول مدينه اوسلو

يا من يسكن باريزونا ما تشوف لينا حل ياخ وزد كوته النرويج ياخ
الغريبه اكبر تصفح للموقع حسب الاحصاءيات انه جاى من النرويج والبورداب الفيها ما يتعدو باصابع اليد...قصه عجيبه والله




لاخطء املائيه

ونداء الى البورداب فى المدن والدول المجاوره والاصدقاء فى القارات الاخرى للمساهمه برفع البوست الى حين موعد الافطار
وجزاكم الله عنا كل خير وتصوموا وتفطروا على خير

صديقى ود زكريا رمضان كريم ليك وال 5
يا بكرى زيد الكوتة للشباب ..

تحياتى دوما وزكريا الجميل

رمضان كريم يا ود زكريـــــا
وتصوموا وتفطرو على خير

ودائما ملموميين و تامين

الأخ زكريا وكل السودانيين بكل العالم..

أعاد الله علينا وعليكم هذا الشهر الكريم والوطن ينعم بأفضل أمنياتنا له..

حضور بإذن الله..

كل سنة وانتم بالف خير

Quote: وهى ايضاً تعتبر كأفطار لبورداب النرويج الخمسه فى او حول مدينه اوسلو يا من يسكن باريزونا ما تشوف لينا حل ياخ وزد كوته النرويج ياخ

ياخي حننتوني يا بورداب النرويج الأربعة( بإعتبار الخامس خارج الحدود)

التحضير يبدأ الساعة 7 ونص مساءا فطوركم كم؟ الساعة 7 ونص هنا في فطور بورداب الخرطوم كانت السفرة خبر بعد عين

مثلناكم خير تمثيل هنا في حفل إفطار بورداب الخرطوم وحقيقة كانت لمة رائعة

وبعدين الظاهر عليكم ريشتوا شديد بقت لماتكم في (ماي شتوا) بدل قرونلاند وتويان

عموما نتمني ليكم لمة حلوة وإفطار شهي

شكراً لكل الشباب ولى بكره

Quote: ياخي حننتوني يا بورداب النرويج الأربعة( بإعتبار الخامس خارج الحدود) التحضير يبدأ الساعة 7 ونص مساءا فطوركم كم؟ الساعة 7 ونص هنا في فطور بورداب الخرطوم كانت السفرة خبر بعد عين مثلناكم خير تمثيل هنا في حفل إفطار بورداب الخرطوم وحقيقة كانت لمة رائعة وبعدين الظاهر عليكم ريشتوا شديد بقت لماتكم في (ماي شتوا) بدل قرونلاند وتويان عموما نتمني ليكم لمة حلوة وإفطار شهي

خارج الحدود ولا الشرد من طول نهار رمضان
ياخ انحنا كلنا كم عشان تفارق تخلينا
طيب يعنى السنه دى اللى ح يحضر لينا كلمه العيد منو واللى ح ينظم البرنامج منو؟
بختك يا عم مع الاهل وبورداب الخرطوم احلى ايام اكيد
وانت عنوان النرويج كلها
والله يدوبكم 15 نفر دفعو الاشتراك السنوى قلنا نغير شويه من صالات الكنايس
تحياتى يا صديق لك وللاهل

Quote: امينة عيسى كل سنة وانتم بالف خير

فى الغنيه بيقولو السمحه ي نواره فريقنا
السمحه يا نواره اوسلو

Quote: هشام عبيد يوسف الأخ زكريا وكل السودانيين بكل العالم.. أعاد الله علينا وعليكم هذا الشهر الكريم والوطن ينعم بأفضل أمنياتنا له.. حضور بإذن الله..

الدينمو الشاب المتحرك بهمه ونشاط هشام جوده
ماشاءالله عليك وربنا يديك العافيه
انت اضافه حقيقيه لرابطه السودانين بالنرويج
والبورداب الخمسه

Quote: خالد عبد الحليم سعيد رمضان كريم يا ود زكريـــــا وتصوموا وتفطرو على خير ودائما ملموميين و تامين

العزيز خالد عبدالحليم الله يديك العافيه ويقبل منك الدعاء
تشكر على الكلمات

Quote: معاوية عبيد الصائم صديقى ود زكريا رمضان كريم ليك وال 5 يا بكرى زيد الكوتة للشباب .. تحياتى دوما وزكريا الجميل

الصديق معاويه ( مقلق مضاجع الكيزان) متابع بوستاتك بشغف
واصل ولا تكل ولا تنتبه لمهاجمات ود الباوقه
تحياتى وشكرى لك على المرور

كل سنة وانتو طيبين وبخير والف عافية
صيام مقبول و افطار شهي

الاخ محمد وكل ناس الجالية

رمضان كريم وافطار شهى

كل ما نقول نجيكم ولكن القدم ليهو رافع

ابراهيم

Quote: إبراهيم عبد الحليم الاخ محمد وكل ناس الجالية رمضان كريم وافطار شهى كل ما نقول نجيكم ولكن القدم ليهو رافع ابراهيم

الاخ ابراهيم سلامات يا راجل
تعرف من زمن المرحوم ب نهاتى بى جيتك اها لمتين بس نفرح بجيتك لينا

Quote: احمد محمد بشير كل سنة وانتو طيبين وبخير والف عافية صيام مقبول و افطار شهي

سلام يا ابو حميد وربنا يقبل
والله ح نفقدك لكن