Post: #1
Title: رابطة المراة السودانية "سوا "الدوحة و معرض احتياجات العيـــــد السنوى
Author: Siddig A. Omer
Date: 08-17-2011, 11:44 AM
رابطة المراة السودانية "سوا "
قطر - الدوحــــة
في مثل هذا الوقت من كل عام نحتفى باستقبال العيد مرتين، مرة بتوفير احتياجات ومنتجات العيد للأسر السودانية، وأخرى بدعم النساء المنتجات من المنزل في مشروع سوا لتمكين المراة " مشروع الأسر المنتجة"،ثم ثالثة في التقائنا كااسر نساء ورجال واطفال، وفنجان جبنة بشماله يسوا الدنيا بحاله، وستجدون احتياجاتكم للعيد من الثياب المصممة بواسطة مصصمات سودانيات والثياب المطبوعة والمشغولة، وعروض محلات الثياب المملوكة لنساء سودانيات، أزياء مختلفة / جلاليب، العطور والعطور السودانية، مخبوزات العيد ,الإكسسورات، و يصاحب المعرض أيضاً برامج مصاحبة للاطفال و عرض حوارات حول قصص نجاح و كفاح بعض النساء و النساء العصاميات .
للإستفسار يمكنم الإتصال على 33275483 .
ويشرفنا حضوركم
يرجى تأكيد حضوركم لمعرض هذا العام والمقام يومي 19 و20 أغسطس الجاري في المركز الثقافي السوداني و ذلك عقب الإفطار من الساعة 8-12 .
الوقت : من الساعة الثامنة إلى الساعة الثانية عشرة
المكان : المركز الثقافي السوداني- الخليج الغربى جوار طلمبة بترول الجامعة
_____________________________________________________________________________
اضافة لابد منها
عودتنا رابطة المرأة السودانية - بالدوحة بأن تكون سباقة الى تزكيرنا دائماً بأن السودان فى القلوب يذهب معنا حيثما ذهبنا.
هذأ الجمال يتمثل فى كل فعالياتها و منها هذأ الجهد المقدر فى توفير احتياجات العيد جميعها و باسعار تفضيلية و بنكهة سودانية خالصة و بجودة لا يوجد لها مثيل فى اى مكان، لانها تُصنع بآهلها..
لكم كل الشكر و الاحترام و التقدير و الى الآمام متمنياً لكم كل التوفيق و التقدم....
صديق القاعد بعيد
|
Post: #2
Title: Re: رابطة المراة السودانية "سوا "الدوحة و معرض احتياجات الع
Author: Siddig A. Omer
Date: 08-17-2011, 12:07 PM
Parent: #1
سوف اوثق لهذأ المعرض السنوى و الذى يجب أن يُوثق له.
صديق القاعد بعيد
|
Post: #3
Title: Re: رابطة المراة السودانية "سوا "الدوحة و معرض احتياجات الع
Author: Siddig A. Omer
Date: 08-17-2011, 01:40 PM
Parent: #2
كما ذكرت اعلاه يبدأ هذأ الجهديوم الجمعة و فى تمام الساعة الثامنة و حتى الساعة الثانية عشر ليلاً و يستمر حتى يوم السبت 20 أغسطس و 20 رمضان و فى نفس التوقيت....
المعرض الاول كان من انجح المعارض التى قامت على جهد سودانى خالص و مشترك، فأكنا الكعك السودانى "المسمن" و لبسنا الجلاليب السودانية و الطواقى و الشالات و كمان البسكويت و كل انواع المخبوزات الجميلة. كما استمتعنا بقرات من برامج مختلفة و تعرفنا على بعضنا بشكل افضل و عرفنا بأن هذا السودان سيظل هو السودان.
شكراً مرة آخرى لرابــطة المراة السودانية و اعضاءها الذين جعلوأ من غربتنا إلفة و لقاء و فوق كل ذلك نقلنا الى قلب السودا...العيــــد السعيد...
لكم كل الشكر و الاحترام....
بكرة أول زول و معاى الاولاد و الكمرة للتوثيق....
صديق القاعد بعيد
|
Post: #4
Title: Re: رابطة المراة السودانية "سوا "الدوحة و معرض احتياجات الع
Author: عبدالله ود البوش
Date: 08-17-2011, 01:45 PM
Parent: #3
صديق اخوي يا وفي ويا رفيق الزمن الجميل
عمل مقدر تشكرون عليه
وفي انتظار التوثيق
رمضان كريم
تحياتي واشواقي
وسلامي للاسرة الكريمة
.
.
المهل وديتو وين ؟
طشيتو ؟
|
Post: #5
Title: Re: رابطة المراة السودانية "سوا "الدوحة و معرض احتياجات الع
Author: Siddig A. Omer
Date: 08-17-2011, 01:57 PM
Parent: #4
زميل الدراسة و الدرب الطويل عبد العربى و المعروف بعبد الله ود البوش، رمضان كريم يا زول و اتمنى ان يكون الاولاد و امهاتهم بكل خير و بركة...و ربنا يحفظكم و يوفقكم.
يا زوول و الله ناس رابطة المرأة السودانية(سوأ) ديل ناس كويسين خلاص...و الله الكعك البعملوا هنا و الله فى السودان زاتو ما تاكل زيو خليك من الغربة "ام بناية غش".
الفكرة نفسها ...تكفى...ناهيك عن الجهد المقدر و العطاء الذى لا يقيف بل يمتد الى كل سودانىَ شتات الدوحة....
صديق القاعد بعيد
|
Post: #6
Title: Re: رابطة المراة السودانية "سوا "الدوحة و معرض احتياجات الع
Author: Huda AbdelMoniem
Date: 08-17-2011, 02:45 PM
Parent: #1
Siddig A. Omer
تحية من علي البعد لكل امراة تكد باخلاص من اجل اسرتها
و تحية خاصة للمراة السودانية في كل بقاع الارض
وكل عام وكل السودان بخير
|
Post: #7
Title: Re: رابطة المراة السودانية "سوا "الدوحة و معرض احتياجات الع
Author: محاسن زين العابدين
Date: 08-17-2011, 08:46 PM
Parent: #6
Quote: هذأ الجمال يتمثل فى كل فعالياتها و منها هذأ الجهد المقدر فى توفير احتياجات العيد جميعها و باسعار تفضيلية و بنكهة سودانية خالصة و بجودة لا يوجد لها مثيل فى اى مكان، لانها تُصنع بآهلها..
لكم كل الشكر و الاحترام و التقدير و الى الآمام متمنياً لكم كل التوفيق و التقدم....
|
شكرا يا صديق
وما يميز عمل رابطة المراة هذا التضامن والعضد الموجه من قبل كافة السواعد رجالا ونساء
|
Post: #8
Title: Re: رابطة المراة السودانية "سوا "الدوحة و معرض احتياجات الع
Author: محاسن زين العابدين
Date: 08-17-2011, 08:48 PM
Parent: #7
ومفاجاة هذا العام في الفعاليات المصاحبة
اخترنا لها ان تكون قصص نجاح حثا وخفزا للىخريين على تخطي كافة الصعاب والصعود إلى السحاب
وضيفتنا هذه المرة المبدعة ليلى أبو العلا
( قصة نجاح سودانية)
|
Post: #9
Title: Re: رابطة المراة السودانية "سوا "الدوحة و معرض احتياجات الع
Author: ناجية مصطفى
Date: 08-17-2011, 10:01 PM
Parent: #8
سوف اوثق لهذأ المعرض السنوى و الذى يجب أن يُوثق له
الأخ صديق القاعد بعيد وقريب
لك الشكر والتقدير على وقفتك واهتمامك
ونحن فى انتظارك والاسرة الكريمة
وكل عام وانتم بخير
|
Post: #10
Title: Re: رابطة المراة السودانية "سوا "الدوحة و معرض احتياجات الع
Author: Siddig A. Omer
Date: 08-18-2011, 00:54 AM
Parent: #9
الرئيس الاستاذة محاسن زين العابدين - رئيس رابطة المرأة السودانية بالدوحة
الاستاذة هدى عبد المنعم..القاعدة بعيد...ربنا يجمعنا بك فى اقرب فرصة إنشاء الله
الاستاذة ناجية مصطفى و العضو النشط فى رابطة المرأة السودانية بالدوحة....
نعم، كان المعرض السابق مفاجاة فى الابداع و التنظيم و المنتجات التى كانت فى متناول كل المغتربين فى الدوحة و كنت آمل أن يستمر المعرض لايام آخر....
اتمنى لكم التوفيق فى رفع راسنا وراس السودان عالياً كما عودتمونا دائماً و فى كل المجالات......
صديق القاعد بعيد
|
Post: #11
Title: Re: رابطة المراة السودانية "سوا "الدوحة و معرض احتياجات الع
Author: عبدالله ود البوش
Date: 08-18-2011, 12:41 PM
Parent: #10
في انتظار توثيق الفعاليات
|
Post: #12
Title: Re: رابطة المراة السودانية "سوا "الدوحة و معرض احتياجات الع
Author: Siddig A. Omer
Date: 08-18-2011, 01:26 PM
Parent: #11
حاضرين يا عبد الله و اريتك كان تميت زيارة الليها 3 سنوات بتقول عليها دى!!!
صديق
|
Post: #13
Title: Re: رابطة المراة السودانية "سوا "الدوحة و معرض احتياجات الع
Author: عبدالله ود البوش
Date: 08-18-2011, 01:37 PM
Parent: #12
السنة دي يا صديق جاييك جاييك حتى ولو يومين
.
.
لاقيت صاحبك الخواجة في السودان مع محمد خير ( سنار )
بصراحة السودان في الاجازات القصيرة ممتازة
لكن قعاد طويل بطلع زيتك
.
.
وزيت العامل هو البطلع مش زيت المكنات الامريكية
ودرن العامل انضف من كرفته البنك الدولي وكل دقون الراسمالية
.
.
اسمع عمر اخوك اسع وين ؟
|
Post: #14
Title: Re: رابطة المراة السودانية "سوا "الدوحة و معرض احتياجات الع
Author: Siddig A. Omer
Date: 08-19-2011, 02:20 PM
Parent: #13
اليوم لقاءنا و فى تمام الساعة الثامنة مساءاً و الى الساعة الثانية عشر ليلاً و غداً السبت و فى نفس الاوقات....
مرحب بالابداع اينما وجد.....
صديق القاعد بعيد
|
Post: #15
Title: Re: رابطة المراة السودانية "سوا "الدوحة و معرض احتياجات الع
Author: Huda AbdelMoniem
Date: 08-20-2011, 05:28 PM
Parent: #14
الاخ صديق القاعد بعيد
لكن قريب
وضيفتنا هذه المرة المبدعة ليلى أبو العلا
( قصة نجاح سودانية)
الاخت الحبيبة محاسن
كـــــل عــام وانتوا بخير
يابختكم بالحبيبة الكاتبة العالمية ليلي ابوالعلا
كنت اود المشاركة ولو من علي البعد
ربنا يوفقكم
صديق
رجاء توثيق هذا اليوم انتوا معاكم درة لا شبية لها
وتحياتي للاستاذة فاطمة والاولادالحلوين
لكم ودى
|
Post: #17
Title: Re: رابطة المراة السودانية "سوا "الدوحة و معرض احتياجات الع
Author: Huda AbdelMoniem
Date: 08-21-2011, 05:20 PM
Parent: #16
الاستاذة علوية الفيل
كانت لنا ايام
احيك يا ام محمد ومامون
مازلت في القلب
|
Post: #18
Title: Re: رابطة المراة السودانية "سوا "الدوحة و معرض احتياجات الع
Author: Siddig A. Omer
Date: 08-23-2011, 03:46 PM
Parent: #17
تم تمديد المعرض الى يوم الخميس القادم و الموافق 25 أعسطس 2011 حتى الساعة الثانية عشر ليلاً.
تم تمديد المعرض الى يوم الخميس القادم و الموافق 25 أعسطس 2011 حتى الساعة الثانية عشر ليلاً.
تم تمديد المعرض الى يوم الخميس القادم و الموافق 25 أعسطس 2011 حتى الساعة الثانية عشر ليلاً.
تم تمديد المعرض الى يوم الخميس القادم و الموافق 25 أعسطس 2011 حتى الساعة الثانية عشر ليلاً.
تم تمديد المعرض الى يوم الخميس القادم و الموافق 25 أعسطس 2011 حتى الساعة الثانية عشر ليلاً.
تم تمديد المعرض الى يوم الخميس القادم و الموافق 25 أعسطس 2011 حتى الساعة الثانية عشر ليلاً.
تم تمديد المعرض الى يوم الخميس القادم و الموافق 25 أعسطس 2011 حتى الساعة الثانية عشر ليلاً.
تم تمديد المعرض الى يوم الخميس القادم و الموافق 25 أعسطس 2011 حتى الساعة الثانية عشر ليلاً.
صديق القاعد بعيد
|
|