Post: #1
Title: العواره...هل هي ماده اساسيه ياناس الدراما??
Author: walid shingrai
Date: 08-16-2011, 09:37 AM
عواره.
مافي كلمه تانيه تخطر ببالك لمن تشوف الممثل/ه السوداني/ه
و تشوف الover acting
بتاعهم
|
Post: #2
Title: Re: العواره...هل هي ماده اساسيه ياناس الدراما??
Author: walid shingrai
Date: 08-16-2011, 01:22 PM
Parent: #1
الممثلين ديل
اختاروهم ليه
عندهم موهبه بتاعت تمثيل?
شهادات?
ولا واسطه ومعرفه?
ولا بس عندهم شجاعه ادبية ساكت!!!!
ما في مخرج يقول ليهم دي عوارة ما تمثيل
ولا مصور يرفض المشاركه في العبط
ولا منتج ولا editor ولا بتاع صوت
ولا ولا يرفضوا يقرنوا اسمائهم به
|
Post: #3
Title: Re: العواره...هل هي ماده اساسيه ياناس الدراما??
Author: walid shingrai
Date: 08-16-2011, 06:38 PM
Parent: #2
ناس التلفزيون مافي فيهم واحد مسؤؤل من جودة المادة حتي يصدق ببثها
ناس كتيرة ممكن تقينا نحن المشاهدين من هذ العبط
ياخي حتي ممثلي الاعلانات
الفني بتاع اعلانات كوابل الشرق والله الا المصنع حق ابوه عشان اخلي الاعلان ده يتبث
والمحزن جاء اعلان بعده طفله مصريه فرق شاسع في الاقناع
واعلان البنك المركزي الممثل اب تفه ده حركات غير طبيعيه عدم تناسق بين تعابير وجهه وحركات جسمه
وحواره وتتعه في الكلام
ياخي كنا بنمثل عندنا ملاريا في المدرسه احسن من كده
الناس دى ما قاعدين يتفرجوا في دراما
المشكله شنو
غايتو الاعلان الممثل ما بيتكلم احسن
او الدراما زي زاويه مشتاره تسمع صوت الممثل وتشوف رسوم احسن
غايتو صوت وصورة معا ما قدروا عليها
|
|