Post: #1
Title: عندما تنكرت للبحر الاحمر
Author: هاشم نوريت
Date: 08-13-2011, 02:16 AM
المصريين ناس بسطاء إن عشت وسطهم تعرف كم تنقصهم المعلومات العامة ولكن عندهم امر عجيب القليل منهم يقول لك "مش عارف" فمثلا تكون ان فى منتصف
شارع 26 يوليو وتسأل حد تقول "لو سمحت فين الاقى شارع 26 يوليو" وهو يكون ماناقش وين الشارع ويبداء ينظر ليك" واخد بالك خش الشارع الجاى يمين والاول شمال تلاقى فى وشك على طول شارع يونيو هو دا شارعك" طبعا يقلبه ليك يونيو ما الحكاية تنظير وخلاص
بلامس كنت اتفرج احدى القنوات المصرية وكانوا عاملين استطلاع للشارع لمعنى كلمة "براغماتية" واسمع التنظير واحد يقول "معناها الحرية بعد الديكتاتورية" واخر يقول" هى تتكون من كلمتين "براغ" و"ماتية" الاولى معناها الرخاء والثانية مرتبات معقولة للموظفين وهكذا استمر التنظير ما فى حد يتبرع ويقول انا مش عارف
ويعجبوك لما تحصل عكة ولا حادث تلقاهم وقت الزنقة كل حد يركب كرعينه ويفر ولكن تعال لما الامور تروق الجميع يعملوا فيها ابطال امام الكاميرات وينسبوا لانفسهم بطولات تحيرك وهذا الامر الان واضح جدا بعد سقوط نظام مبارك الكل يعمل فيها ولا جيفارا
لما كنا فى مصر جيت لمحل تصوير مستندات وطلبت منه تصويرها ووقع نظر صاحب المحل على ختم على احدى الشهادات يقول محافظ البحر الاحمر فسألى انت الاخ من عندينا ولا ايه الحكاية قلت له لا انا سودانى وقال لى معقوله وانتو برضو عندكم البحر الاحمر فقلت له لا ياخى بس نحن مؤجرينه منكم
فرد ايوه قل كدا ياخى برضو نحن اخوات
الله هونينى
|
Post: #2
Title: Re: عندما تنكرت للبحر الاحمر
Author: HAYDER GASIM
Date: 08-13-2011, 03:01 AM
Parent: #1
Quote: فقلت له لا ياخى بس نحن مؤجرينه منكم
|
طلعت شفت يا بركة.
طبعا أفحمتو لامن نسى إسأل بي كم الإيجار,
نوريت ... تسلم يابا, ورمضان كريم
|
Post: #3
Title: Re: عندما تنكرت للبحر الاحمر
Author: هاشم نوريت
Date: 08-13-2011, 05:40 PM
Parent: #2
حيدر قاسم
دبايوا
رمضان كريم
شنو الغياب ده؟
ياخى معظم المصريين خاصة معلوماتهم عن السودان ضعيفة جدا
الله هونينى
|
|