توقيعاتكم لطرد هذا العُنصري البغيض من المنبر (عُنصرية وفي رمضان كمان!)

كتب المدعو هاشم الإمام:

Quote: وقالو : ها جنا ود رحمة الله إنت حاقر بي ولّ شنو ، علي الطلاق " صباح الخير " دا عبّاً لناس العُمدة ، شتم العمدة قام العمدة طردو من بيتو ، عاد مشى الخرتوم واشتغل مع خواجة ، وسمعنا قالو الخواجة ساقو معاهو اِمريكا ، علي الطلاق المنيكيد دا شِدّت الله ما ادّاهو اشتغل ظابط في الديش الأمريكي ذاتو

رواية أخرى لقصة تجنيد جاسوس سوداني لأمريكا

النذير حجازي

كلام عنصري بغيض مرفوض ..

كلامه فيهو اقرار بممارسة ود رحمة للرق ..

شغل مطاعنات وجبن وعدم قدرة علي
مواجهة الخصم

اطرد معاك دا يا ابو نضارة ..!!

سلمى الشيخ سلامة


لكن السياق مبتور فى النص الانت جبتو هنا الا ان ذلك لا يعنى انه كلام مبلوع بالمرة

الأعزاء فائز وسلمى وحواء، شكراً لكم على التوقيع، ومعاً نحو منبر
خالي من العُنصرية.

حبيبتنا سلمى، فعلاً الكلام مبتور ولكنني جلبتُ رابط الكلام كلو
وبالمناسبة المدعو هاشم الإمام دا نحن بنعرفوا كويس وبنعرف
كتاباته وعارفنو قاصد شنو، وتخيلي يا سلمى الزول دا عامل
فيها إمام جامع واشنطن؟! وبالمناسبة يا سلمى الزول دا قاصد
بالكلام دا أخونا وعضو المنبر دينق، أقرأي مابين السطور
فأنت أديبة وتعرفين ما بين السطور، والسبب هو أن دينق
قد تصدى له عندما شتم هذا العنصري الناشطات والحقوقيات
بواشنطن ووصفهن بالمتردية والنطيحة و ما أكل السبع.

تحياتي وتقديري لكم

Quote: شغل مطاعنات وجبن وعدم قدرة علي مواجهة الخصم

عزيزتنا حواء، فعلاً هو كذلك الغمز واللمز
هو إسلوبه والجُبـن قد سُمي عليه

تحياتي وتقديري

لا أوقع واعترض

لا للطرد.. لا للإقصاء.. لا لتكميم الأفواه

لا لمحاربة المبدعين والمؤلفين في خيالهم ..

Quote: لا للطرد.. لا للإقصاء.. لا لتكميم الأفواه

ياالنذير هاشم ده لو ماجاب سيرة ود رحمة حيدر ده كان وقع ...لذلك شوف ليهو مداخلة مافيها جده ود رحمة ..

يا سيد النذير

Quote: وبالمناسبة يا سلمى الزول دا قاصد بالكلام دا أخونا وعضو المنبر دينق،

وهل زميل المنبر ملاك طاهر ماهو أكتر زول بمارس العنصرية والتنميط والشتم و السب في المنبر دا

بعدين الكلام في سياق قصة ومافيهو حاجة


ثم أنت زاتك مش ياكا النذير بتاع فوراول البتتمحلس لي نجاة وحسن موسى وقبل ايام كاتب لي طه جعفر عن الاخلاق والالفاظ ولا شنو كدا ما عارف

يازول أنت زاتك عندك كلام كعب وبذئ وقبيح كتبته هنا لي عبدالوهاب علي الحاج لو عاوز منه صورة ارسلها ليك لانو ما بنقدر ننزلها في رمضان

يا النذير حجازي رمضان كريم
ياخ لو إتا شايل من هاشم الامام ما تسوقنا معاك في شيلك منو دا
لأنو اذا كان اتا شايف كلامو دا قاصد بيهو الأخ العزيز دينق فغيرك ما شايفنو الشوفة دي ..
ما في داعي للفتنة ياخ في رمضان دا .