Post: #1
Title: ونسه مع ودالباوقه حول قوس قزح وعمو وأشياء آخرى مفيده
Author: فدياس نجم الدين
Date: 08-08-2011, 10:35 PM
ودالباوقه
زي ماشايف تم شكوتنا للجهات العليا وإحتمال كبير يهدر دمنا
فعليه تعال نتونس هناعن قوس قزح
وعمو مصطفى
وفوق البيعه أشياء أخرى مفيده
والقارئ غير مقيد بقبول أي كلام خارم بارم
( على قول إعلانات المزادات )
|
Post: #4
Title: Re: ونسه مع ودالباوقه حول قوس قزح وعمو وأشياء آخرى مفيده
Author: فدياس نجم الدين
Date: 08-08-2011, 10:47 PM
Parent: #2
المهم
طالما الواحد تم تصنيفه كوز حسب مقياس عمو
فاحسن نحاول نتقن الدور ده
ليه ما حاول مصطفى محمود وغيره من مناضلي هذا البورد
أن يسألوا لأنفسهم
لماذا نفضل الصبر على نظام الإنقاذ كل هذا الزمن
سيبك من النظام
البورد ده
لمن تخش كمحايد
تجد نفسك وبعد فتره قد أنحزت لجانب الحكومه ومناصيرها
في مواجهه العلمانيين والشيوعيين واللبراليين
ليه ما وقفوا سألوا نفسهم ليه كده
غلاء أسعار
إنعدام فرص عمل
تأخر سن زواج
وفساد مالي وإداري ومحسوبيه
وبرضو نقول
إنهم أفضل من معارضه السجم والرماد
فليه كده ؟؟
|
Post: #3
Title: Re: ونسه مع ودالباوقه حول قوس قزح وعمو وأشياء آخرى مفيده
Author: abas
Date: 08-08-2011, 10:42 PM
Parent: #1
زي ماشايف تم شكوتنا للجهات العليا وإحتمال كبير يهدر دمنا
الجيهات اعليا دي مش ناذر قال دخلوها في اي شيء ومنعو بيها اغاني عقد الجلاد
انت كدي عين لي فوق وشوف السماء ممكن تعرف الجيهات العليا وارفع يديك وادعو العالي وشوف لو جاتك عوجه لانو اعلي منو مافي ودولة الظلم ساعات بس
|
Post: #5
Title: Re: ونسه مع ودالباوقه حول قوس قزح وعمو وأشياء آخرى مفيده
Author: فدياس نجم الدين
Date: 08-08-2011, 10:51 PM
Parent: #3
حباب عباس
عمو مصطفى محمود
قال النجده
هيلب بالإنجليزي
بدعوى إنني من كتيبه الجهاد الإلكتروني
فقلنا نفتح ليهو بوست نونسه بيهو
|
Post: #6
Title: Re: ونسه مع ودالباوقه حول قوس قزح وعمو وأشياء آخرى مفيده
Author: abas
Date: 08-08-2011, 11:04 PM
Parent: #5
عمو مصطفى محمود
قال النجده
هيلب بالإنجليزي
بدعوى إنني من كتيبه الجهاد الإلكتروني
فقلنا نفتح ليهو بوست نونسه بيهو
عمك دكتور مصطفي ده صدقني زول زول جد جد
اقعد ليه في الواطه دي واقنعو وكلمو بدون ما تدخل ليك ناس بينكم ووريه انك ما كوز مافي داعي لي الكلام ده
وحياتك وانت سيد بلد
كلمو
وما تدخل زول في نصكم
وطالما انت قلت ليه عمي ما في عوجه تب
|
Post: #7
Title: Re: ونسه مع ودالباوقه حول قوس قزح وعمو وأشياء آخرى مفيده
Author: فدياس نجم الدين
Date: 08-08-2011, 11:14 PM
Parent: #6
عباس
عمو مصطفى ده شكله كده بقيت ما نازل ليهو من زور
بعدين يا عبس
في ذمتك هسه البيعمل فيهو ده مع اخرين
فيهو ذره تفكير
بوستات مكرره والكلام نفس الكلام
بوستات عمو مصطفى وهباني واخرين
بقت تحتل الصفحه الاولى بكاملها بدون ما يخشها الا قليلين
بداعي المجامله
ليها ما في زول يقول ليهم الكلام ده
هنا
راح نوري الجمل عوجه رقبته
نجيب البوستات البايره
ونجيب التعليقات السمجه
وننشر ده للقارئ ونخليه بشوف بؤس المعارضه
وده من باب
ايه الجابرك على المر قال الامر منه
|
Post: #8
Title: Re: ونسه مع ودالباوقه حول قوس قزح وعمو وأشياء آخرى مفيده
Author: ود الباوقة
Date: 08-09-2011, 00:17 AM
Parent: #1
| Quote: فعليه تعال نتونس هناعن قوس قزح |
بالله يا فدياس
شوف اقواس قزح دي ..
وبرجع ليك ..
|
Post: #9
Title: Re: ونسه مع ودالباوقه حول قوس قزح وعمو وأشياء آخرى مفيده
Author: ود الباوقة
Date: 08-09-2011, 00:21 AM
Parent: #8
| Quote: عمك دكتور مصطفي ده صدقني زول زول جد جد |
عباس
عليك الله ما تشكر لينا الراكوبة في الخريف ..
شكرا
|
Post: #10
Title: Re: ونسه مع ودالباوقه حول قوس قزح وعمو وأشياء آخرى مفيده
Author: فدياس نجم الدين
Date: 08-09-2011, 06:58 AM
Parent: #9
ودالباوقه
صباح الخير
الونسه كان تكون سمحه بالليل
هسه نهار رمضان ده نقوم نجرح صيامنا ساكت بسيره الناس
فشان هيك خليني اغير ليك مجري الحديث
في اغنيه من كلماتها
ازور الباوقه الذيذ تفاحها
هسه صحي عندكم تفاح في الباوقه ولا ده توريه ساكت
|
Post: #11
Title: Re: ونسه مع ودالباوقه حول قوس قزح وعمو وأشياء آخرى مفيده
Author: ود الباوقة
Date: 08-09-2011, 07:51 AM
Parent: #10
| Quote: هسه صحي عندكم تفاح في الباوقه ولا ده توريه ساكت |
تفاح تفاح
لا والله ما فيها لكن
اظنها استعارة مكنية ..
والله اعلم
شكرا فدياس
|
Post: #12
Title: Re: ونسه مع ودالباوقه حول قوس قزح وعمو وأشياء آخرى مفيده
Author: فدياس نجم الدين
Date: 08-09-2011, 08:14 AM
Parent: #11
يعني ما فيها تفاح
انا برضو قلت كده
قريت ليك في صحف الخرطوم الليله ان الوزارت راح تبقي ثمانيه عشر وزاره بس ومنصب وزير الدوله سيقلص بشكل كبير
ووزارت كثيره ستدمج في بعض زي الثقافه والاعلام والتعاون الدولي مع الخارجيه والتجاره مع الماليه والشباب والرياضه والاوقاف والشئون الاجتماعيه
اظن دي مؤشرات ايجابيه لشكل الجمهوريه الثانيه وتوفير لبنود الصرف بتقليص المناصب الدستوريه
|
Post: #13
Title: Re: ونسه مع ودالباوقه حول قوس قزح وعمو وأشياء آخرى مفيده
Author: ود الباوقة
Date: 08-09-2011, 08:17 AM
Parent: #12
| Quote: قريت ليك في صحف الخرطوم الليله ان الوزارت راح تبقي ثمانيه عشر وزاره بس ومنصب وزير الدوله سيقلص بشكل كبير |
بالتوفيق اخي فدياس
|
Post: #14
Title: Re: ونسه مع ودالباوقه حول قوس قزح وعمو وأشياء آخرى مفيده
Author: Mustafa Mahmoud
Date: 08-09-2011, 08:47 AM
Parent: #13
Quote: صحيفة شبكة سودانيات الاليكترونية
وثيقة من وثائق جهاز الأمن تثبت استهدافه لموقع (سودانيزاونلاين) .
وموقع (سودانيز أونلاين) رائد المواقع الالكترونية السودانية ، يديره االمهندس بكري أبوبكر ، وله منبر عام للمناقشة ، يساهم فيه الكثير من النشطاء والكتاب الديمقراطيين ، وقد تعرض يوم الثلاثاء 12 يوليو لتخريب الكتروني تسبب في غيابه عدة أيام . وتحصلت (حريات) على وثيقة تثبت تورط جهاز الأمن في التخريب .
والوثيقة بعنوان ( الحملة الاعلامية لتمرير قانون الأمن الوطني) ، من (19) صفحة ، صادرة في سبتمبر 2009م ، ومقدمة للجنة الاعلامية لقانون الأمن الوطني التابعة لجهاز الأمن .
وهي عبارة عن خطة اعلامية لتمرير قانون الأمن الوطني المقدم حينها للمجلس الوطني ، في ظل معارضة للقانون ، على رأسها الحركة الشعبية لتحرير السودان – الشريك في الحكم حينها ، ومعارضة القوى الديمقراطية ، بسبب الصلاحيات الواسعة التي يمنحها لجهاز الأمن ، وتحصينه لعناصره من المساءلة القانونية ، وعدم نصه على عقوبة محددة للتعذيب ، مما يشكل البيئة القانونية لانتهاكات حقوق الانسان ، الامر الذي أكدته الاحداث لاحقاً ، بوقائع التعذيب المختلفة ، خصوصاً لشباب 30 يناير .
وتهدف الخطة الاعلامية الى شن حملة دعائية لتمرير قانون الأمن الوطني بسماته المعادية للديمقراطية .
وحددت الخطة صحفيين وصحف وقانونيين متعاونين مع جهاز الأمن لمساندته في تمرير القانون عبر فعاليات محددة .
وفي المقابل حددت خطة لمواجهة المعارضين للقانون .
ويهمنا حالياً ، ما نصت عليه الخطة تجاه موقع (سودانيز أونلاين) ، حيث ورد في الصفحة (14) من الوثيقة
(((د) – مهاجمة المعارضين الذين يقفون ضد القانون عبر المواقع الالكترونية بنفس النهج الذي يتبعونه في ذلك ونوضح للمتصفحين للموقع انهم يعملون لخدمات جهات ( في النص مكتوبة خطأ املائياً- ججهات ) معادية للوطن ، والتركيز سوف يكون على المنتدى العام بموقع سودانيز أونلاين لأنه أكثر المواقع المعادية لخطنا .
(ه)- العمل على طمس المواضيع المطروحة بالمنتديات الالكترونية ضد القانون من المعارضين له حتى لا تحقق مواضيعهم أي نجاح كان يخططون له .
(و)- في حالة وجود حملة قوية ضد القانون عبر موقع (سودانيز أونلاين) ، يمكننا أن نقوم بعمل فني لتعطيل الموقع مؤقتاً بعملية هاكرز ، تقوم بها دائرة التقانة أو بقفل الموقع عبر الهيئة القومية للاتصالات لفترة ( في النص مكتوبة لفتروة) محدودة .))
ويؤكد هذا النص ان جهاز الأمن في سبتمبر 2009 يذكر صراحة بأنه يعتبر المنبر العام لـ(سودانيز أونلاين) ، – حيث يكتب الكثير من الديمقراطيين – أكثر المواقع المعادية لخطهم .
ويحدد جهاز الأمن حزمة من الاجراءات تبدأ بطمس المواضيع ( عبر عناصرهم الموجودين بالموقع نفسه ) ، واما اذا نجح الديمقراطيون في قيادة حملة قوية ضد القانون فان جهاز الأمن يحدد مهاجمة الموقع بعملية (هاكرز) ، أو حجبه مؤقتاً عبر الهيئة القومية للاتصالات .
ويؤكد ما سبق أن جهاز الأمن ، ونتيجة حملة قوية تمت في الآونة الأخيرة بالمنبر العام لـ(سودانيز أونلاين ) ، قرر مهاجمة الموقع . |
|
Post: #15
Title: Re: ونسه مع ودالباوقه حول قوس قزح وعمو وأشياء آخرى مفيده
Author: فدياس نجم الدين
Date: 08-09-2011, 10:02 AM
Parent: #14
اوووو عمو مصطفى
سعيد بمرورك من هنا
اعتبر البوست حقك
اقطع ولصقك على كيفك
ولا حد يدوس ليك على طرف
وما راح نقول انك بتخرب بوستاتنا
|
|