شرطة لندن تستعين بأكثر من 300 ضابط شرطة من 12 وحدة خارج العاصمة في الساعات الأخيرة
والمراهقين شغالين نهب المشروبات الكحولية من دكاكين off licence
غايتو عندهم شرطة مهذبة تهذيب!
--------- حسي وحدة من الاحتياطي المركزي السوداني ما كان دخلت كل مخرب في جحره
Post: #5 Title: Re: London Burning !! Author: Osama Mohammed Date: 08-08-2011, 09:36 PM Parent: #3
يا عريس ازييك والف مبروك ورمضان كريم الصورة الفوق دي حقتك (مارك داغان) وده البوليس الاسبوع الفات قتلو برصاص حي وده السبب الرئيس للمظاهرات... روايتين 1- الزول ده كان زول مسالم وما عندو اي موضوع مع اي حاجة على الرغم من انو معروف للبوليس وتم استجوابه كم مرة وتم استدعائه مرات عديدة. 2- الزول ده مروج مخدرات والبوليس اشتبه فيه واطلق فيه الرصاص لعدم استجابته لاوامر البوليس. الناس الطلعو الايام الاوئل كانو مع السبب الاول . والناس البخربو اسي مع السبب التاني . ونحن محتارين ياتو واحد فيهم الصاح. وزيرة الداخلية جات لااجعة من الاجازة ومعاها عمدة لندن عمك بوريس .. اما نائب البرلمان لي اسي غائب. الموضوع متطور لانو في ناس بتستغل المظاهرات دي وبتقوم بي اعمال تخريب كبيرة وماين من حتة لي حتة بدت بي هاكني وبيكهام واسي جنوب لندن وكرويدون وفي صورة لي واحد ملثم ما لقيتها لكن الزول الملثم ده قال انو بكرة حاتكون في ويست اند وده معناته المظاهرات لفت لندن كلها .. ده باختصار... تحياتي اسامة
سكنت في southwark زمان وما كنت متخيل المنطقة دي ممكن تكون عنيفة كده!
الشغب و النهب و التخريب انتشر و وصل لتوتنام و لويشام وبيرمنقهام ومناطق أخرى.. ربك يستر!
Post: #8 Title: Re: London Burning !! Author: Osama Mohammed Date: 08-08-2011, 10:21 PM Parent: #7
ازييك يا دكتور والله الموضوع ده انا كنت متابعو هو ابتدأ من توتنهام ومشا بعداك لكن المحير الروايات المتضاربة للبوليس مرة يقولو المرحوم غلطان ومرة يقول كان شايل مسدس ةمرة يقولو ضرب طلقة في ضابط والناس القريبين من المرحوم يقولو ما ممكن يعمل ولا حاجة من الحاجات دي والبعمل ليك كاروشة ناس حقوق السود عندهم جريدة اسمها (ذا فويس) كاتبين انو المرحوم عندو صلات بعصابات المخدرات وقامو جهجهو الامة... الموضوع شكلو فيهو انة....
Post: #10 Title: Re: London Burning !! Author: Osama Mohammed Date: 08-09-2011, 02:01 AM Parent: #9
حتى الان والساعة تقترب من الثانية بتوقيت قرينتش لاتزال اعمال السلب والنهب والحرق تعم انحاء انجلترا حيث رصدت مظاهرات في بيرمنغهام وليفربول ومانشستر .. اعمال التخريب انتشرت بسرعة غريبة يرجح المراقبون انها تنتشر بواسطة المواقع الاجتماعية ... تقريبا غطت هذه الاعمال لندن كلها حتى كلافام جنكشن وهي محطة تتفرع منها القطارات لجميع غرب المملكة المتحدة ولندن والجنوب ... كرويدون وهي منطقة بها مواطنين من جنسيات مختلفة واصول عرقية مختلفة حدثت بها اعمال سلب طالت متاجر سوني وتي موبايل وهي شركة كبيرة مخدمة للموبايل ببريطانيا وارتفعت السنة اللهب في احد متاجر المفروشات وقوات الاطفاء تحاول اخمادها ...يتوقع ان تستمر هذه الاعمال التخريبية حتى الاحد المقبل وهذا ما دعا رئيس الوزراء لقطع اجازته والعودة لوست منستر ...
Post: #11 Title: Re: London Burning !! Author: Dr. Ahmed Amin Date: 08-09-2011, 09:38 PM Parent: #10
Quote: دعت صحيفة ذي غارديان الأطراف التي أدانت احتجاجات لندن للعودة عامًا إلى الوراء ومراجعة حساباتها، وقالت إن البلاد عرفت بدء الاحتجاجات منذ مجيء التحالف الحاكم إلى السلطة، وهذا بعد إجراءات التقشف التي اتخذتها الحكومة رغم علمها بأنها مقبلة على مقامرة وأن سياستها ستقود المملكة المتحدة إلى اضطرابات لم تعرفها منذ 30 عاما.
وأوضحت الصحيفة أن سياسة الحكومة في السنة الماضية كشفت بجلاء وجود انقسام بين مستفيدين ومحرومين بالمعنى الدقيق للكلمتين، لكن الاحتجاجات الاجتماعية كشفت حجما أعمق، ويتعلق بسلوك الشرطة ضد السود والأقليات حيث لم تتردد في استخدام الرصاص. كما أظهرت الصحيفة أن ضاحية توتنهام تسجل رابع مستوى لفقر الأطفال في لندن ونسبة بطالة تقدر بـ8.8%، أي ضعف المستوى الوطني، حيث لا يوجد سوى منصب عمل واحد لكل 54 شخصا فيها.
وأكدت الصحيفة أن ما جرى في الليلتين السابقتين يظهر صورة أكبر، فأغنياء البلد الذين يمثلون 10% تحسنت أوضاعهم 100 مرة أكثر من تحسن أحوال أشد الناس فقرا، حيث يرتكز السلوك الاستهلاكي على الديون الشخصية منذ سنوات كحل لتعثر الاقتصاد. ووفقا لمنظمة التعاون الاقتصادي فإن الحراك الاجتماعي في المملكة المتحدة هو الأسوأ مقارنة بأي دولة متقدمة أخرى.
Post: #13 Title: Re: London Burning !! Author: Osama Mohammed Date: 08-10-2011, 00:56 AM Parent: #12
دكتور امام تحيةطيبة تعرف المحافظين ديل زي كيزان بلدنا زمان لمن تاتشر كانت ماسكة قصدت الفقراء والعمال بوجه الخصوص قفلت المناجم ووقفت اللبن من المدارس طبعا كان مجاني وصفوف العطالة في اي جوب سنتر طالعة برة المبنى ... مشكلة الشعب البريطاني الاعلام والصحفيينما قصروا لعبو بيهو ايام العمال وصوروا حزب العمال على انو ما بعرف يدير شؤون البلاد واهو جاتهم في محلهم ... انا متذكر كان في بوست ايام الانتخابات كتبت انو المحافظين حا يكبروا شركاتكم ويخصخصوا اي حاجة واهو د فعلا الحصل وتاكد يادكتور لو الحكومة اتحلت وقامت انتخابات تاني العمال بجو راجعين على الرغم من قيادتهم المهتزة.... ودي اسامة
