واحة لأغاني الطمبور لعشاق الطمبور إهداء للمهاجرين والمغتربين

ميزة أغاني الطمبور بأنها حنينة واستمدت حنيتها
من اللهجة الشايقية الحنينة ومن النيل والنخيل،
فهي من أكثر ما يشتاق ويتوق إليه حنين المغترب أو
المهاجر في مهجره إيقاع هذه الآلة البسيطة العجيبة.

وفي هذه المساحة سأقوم بإنزال أجمل أغاني الطمبور
ويا ريت لو الناس تشارك بأجمل ما سمعت من أغاني
الطمبور لإثراء هذه الواحة والتوثيق لتراثنا الذي
نعتز ونفاخر به الشمس.

أكثر أغنية مكسراني هي أغنية "رمال حلتنا" وسأبدأ بها:

يا رمال حلتنا زولا.. كان بيأنسك يا حليلو

يا حليلو

فات رحل من بلده روح ..

والله روح ..فات له لي دار ماها هيلو

يا حليلو الكان بيطلع ..

ينزل.. ومره يطلع ..

ينزل.. ومره يشرب من سبيلو ..

مره يترنم يحاكي.. حسو يرنم فوق نخيلو ..

الرمال تبكي وتعاتبو.. تبكي منو و تشتكيلو

تقول له ليه خليتني فت !! والسمر فتش بديلو..

فاقد اللايدو يمسك .. يورى لى ضلو و مقيلو

و فاقد اللدموعو يمسح .. ليها يرتى و قت يسيلو

ينظر القمر المنور .. لااح شعاعو مغطى نيلو

ينتشى و يعزف ربابتو .. لحن ما موجود مثيلو

يا رمال حلتنا زولا.. كان بيأنسك يا حليلو

يا حليلو

فات رحل من بلده روح ..

والله روح ..فات له لي دار ماها هيلو

وستجدني من سكان هذه الواحة لكن مستمع فقط

هنالك الكثيرون من بورداب جدة هم من عشاق هذا الفن
وازعم انهم سيضيفون الكثير وادعوهم للمشاركة في هذا البوست
على سبيل المثال لا الحصر اذكر
الاستاذ سيف عيسى مختار
الاستاذ الرفاعي حجر
الاستاذ ابوقصي
الاستاذ والشاعر عبدالقادر شادول
وشادول ده صندوف ذكريات ووثيقة في مجال فن الطنبور
حيث شهد ويشهد داره في جدة الكثير من انشطة فن الطنبور
وداره قبلة لفناني وشعراء الطنبور الزائرين لجدة
على سبيل المثال لا الحصر
الاستاذ صديق احمد
الاستاذ عبدالرحيم ارقي
ثنائي ارقي
الاستاذ يسن عبد العظيم
الاستاذ ميرغنى النجار
الاستاذ جعفر السقيد
الاستاذ طارق
وغيرهم

محمد علي حسن المكتول في حوش فن الطنبور

بالله عليك تسمح لي أجيب أغنية عا########ي شدييييد
لو ممكن

Quote: وستجدني من سكان هذه الواحة لكن مستمع فقط هنالك الكثيرون من بورداب جدة هم من عشاق هذا الفن وازعم انهم سيضيفون الكثير وادعوهم للمشاركة في هذا البوست على سبيل المثال لا الحصر اذكر الاستاذ سيف عيسى مختار الاستاذ الرفاعي حجر الاستاذ ابوقصي الاستاذ والشاعر عبدالقادر شادول وشادول ده صندوف ذكريات ووثيقة في مجال فن الطنبور حيث شهد ويشهد داره في جدة الكثير من انشطة فن الطنبور وداره قبلة لفناني وشعراء الطنبور الزائرين لجدة على سبيل المثال لا الحصر الاستاذ صديق احمد الاستاذ عبدالرحيم ارقي ثنائي ارقي الاستاذ يسن عبد العظيم الاستاذ ميرغنى النجار الاستاذ جعفر السقيد الاستاذ طارق وغيرهم محمد علي حسن المكتول في حوش فن الطنبور

شكراً يا محمد حسن على هذه المداخلة الثرة
وياريت بورداب جدة يشرفونا
وعليك الله يا محمد العالم بقى قرية
صغيرة حقو تعلنوا هنا حفلات الطنبور
ممكن نصادف نكون في جدة

وشكراً على تصحيح كلمة "طمبور" إلى "طنبور"
وفي الحقيقة أظن كتابتها الصحيحة "طنمبور"
أي بالنون والميم معاً

تحياتي ورمضان كريم

Quote: بالله عليك تسمح لي أجيب أغنية عاجــباني شدييييد لو ممكن

عزيزنا راوية مرحب بيك في واحة الطنبور
وياريت لو تنزليها طوالي ونشاركك المتعة

تحياتي ورمضان كريم

النذير شكرا علي البوست الجميل ده
بس قلت لي بتسال من التحميل اول ما وروك ليه ما شهدتو جيت طبقت عملي بي جاي

Quote: النذير شكرا علي البوست الجميل ده بس قلت لي بتسال من التحميل اول ما وروك ليه ما شهدتو جيت طبقت عملي بي جاي

هاهاها@ فاروق
يافاروق نحن نظامنا أبو سريع هاها
وشكراً على الثناء على البوست

عــأفــيــة مـــنــك

عـــافــيـــة مــنــك وراضــيــة عنــك سـو رضايـا
ومـــا بـيــخــــيـــــب الـرضــا والـدتــو يـا جــنـايـا
أنت مـن يـا دوب صـغــيـــر مـن زمان دايماً مـعايا
أنــت ديـمـه أمـامـي سـايـــر مـا بخـليـك بـي قـفايـا

ما بتغيب من عيني لحــظـة ولا حصـل سبتك ورايا
لا من الله يشيـل أمانتوا أنا بـبـقي خاصاك بالرعـاية
ليَ يــرعــاك الـبـيـــرعـي لـيَ بـيــك يبـــرد حشايـا
أصــلـك أنــت هـديــه مـنـو والله بـيـك أجزل عطايا

جيـتــنـي واحـد مـالـي تــانى رحمـه في آخر صبايا
قـبــل مــا أفــقــد قــدرتـي وقـبــل مـا تنـهـار قـوايـا
جيـتـنـي ذي بــدر منـور وفجـأة طلـيــت فـي سمـايا
انـت لــمـا خـلاص كـبـرتـا دار تسيبني أعيش برايا

دار تـفـارقـني وتـسـافــر والـحــزن يصـبــح جـزايا
كيف يـهـون لك تحـزن أمـك شـان تحـقـق ليـك غاية
كان مسـافـر شـان عـلاجي بـلـقي في شـوفتـك دوايا
وكان عشـان تـســقـيــنـا نهـلك نحـن بي حنـك روايا

كان عشـان كــرعــيــنـا راحـل نحن بي بـعدك حفايا
كان مهاجـر شــان تـعـرس خـيـر أبـوك مالي التكايا
خـيـرو وافـر أبــوك يحـمـدوا مراحو مليـان بالسعايا
وبالـقروش الجـيــب مـجكن ولسه برضو الجايا جايا

بـرضـي مــنــك مـا بـقـصـر بـحـفــر أديـــك المعـايا
كــان ده كـلــو كـمــان شُـويّ بـتلقي في دهبي الكفايا
أصـلـي مـن ســويـتــو نــاذرا إبـقـي لــي أيـام قسـايا
خـاتـــا للــزمــن البـعــانـد لـي سعــادتــك يــا عشـايا

أنـت مـن شبـيـت صـغـيــر راسـي مـا بتحتاج وصايا
مـا حـصـل خيـبـتــا ظـني ولا فشــل فيـك زين غنـايا
لا تسـيـب أمــك تـهـاجــر يـمـه محـتـــاجــي الحـمايا
لا تسـيـبـني وراك تـرحـل إنـت يـاك ضُـلـي وضرايا

أنـت فـوق الـحـوبــة مـقـنــع إنـت للـمـكشـوف غطايا
دايري مـنـك تـبــقـي جنـبي . جنبي في فـرحي وبلايا
دايـري كـان قحـيـت اتـبـنـك ارفـع اقـســمـلـك غـتـايا
أنت سـاعـة تـبـقي جنـبـي تـبـقـي ضُـلــي وتـوب قفايا

ومـا بخــاف ظـلـم الـلــيــالي وأنـت يــاك عكاز عمايا
دايـري أقـضـي عـمـيـري جنـبـك أصـلو قارب للنهايا
خـايـفـي كـان ســافرتـا ترجع تلقي فـاضي البيت بلايا
حـيـنــا مـا بتـنـفـع قـروشـك وما تجـيــب لك أم سـوايا

مـاني عــارفـي سـبــب رحـيلك يـا وليدي شنو الحكاية
إلا تبـقي بـــراك شــايـف فـي فــــراق الــوالــدة غـايـه
ما بعاتبك وما بلومك لو رحلت بلـقي في الأمثال عذايا
عـلـي حـجــر دايـمـاً قليـبـك وقليـبـي كـله عليـك جنـايا

ارقي انجبت وانجبت وكانت
عــأفــيــة مـــنــك
رائعة الاستاذ علاء ابو سير
اداء الاستاذ عبد الرحيم ارقي
وغيرها من الدرر


ولان الحديث عن فن الطمنبور يجب ان يكون القامة الاستاذ صديق احمد حاضرا
هذا الفنان الذي شكل نقطة فاصلة في فطن الطنبور وكان له القدح المعلى في
نقل الطنبور من فن (ربوع السودان) الى فن كل السودان
الاستاذ النذير بالله لو سمحت امثلة من روائع صديق التي لا تحصى ولا تعد
فوق

سـلام يا نذير

Quote: أكثر أغنية مكسراني هي أغنية "رمال حلتنا" وسأبدأ بها

ياخي شكراً كتير، بس أنا مكسرني محمد كرم الله، وما تتصور فرحت كيف لرجعتو للغنا.. وكنت ناوي أفتح بوست مخصوص لأغانيه وحده، عشان كدة داير اشاركك في بوستك دا النص بالنص!.. طبعاً كتير من أصحابي، ووللمصادفة كلهم من الشمال مستغربين للغرابي البسمع للطمبور وبحفظوا اكتر منهم!.. وقول واحد الله..

http://www.youtube.com/watch?v=_rVFcSB15gY&feature=related

عارفك بتحب الغنا المتل ده
استمتعوا

http://youtu.be/P2R5gQv47fE

سلام يا نيزو
شكرا على الواحة الرطيبة.
أغاني الطمبور دي بتسحرني عديل كده، خصوصا الفنان محمد كرم الله ورمياتو البتجلخ معالق الجوف!
أصدقاء الطفولة وزمن الصبا الماضي جلهم من الشايقية، لهجتم ودودة وأغانيهم مشبعة بالحنية وزي ما قلت

Quote: واستمدت حنيتها من اللهجة الشايقية الحنينة ومن النيل والنخيل،...

واحد صاحبي ايام الجامعة كان مكسر في بت شاقية قال لي البت دي لهجتا حنينة وبتجر الكلام زي الإيرلنديين( لووووووول).
" رسلت السلام يغريك يا الزين".

كل سنة وأنت والأسرة الكريمة بألف خير.
محبتي

النذير حجازى كيفك ورمضان كريم
كيف أمورك وصحتك
واتاريك طمبرابى ومادرينا
والله أخوك مرضان طمبور شديد
والغريبه المرضه دى جاتنا فى الكبر
ايام الشباب ماجبنا ليه خبر
ودى هديه للفنان صديق أحمد الله يديه الصحة والعافية
http://www.youtube.com/watch?v=PFr0T2L-jTI&feature=related

ممكن شوية طلبات يا النذير:

1) حتى الطيف رحل خلاني ( محمد كرم الله)
2) ما شفت عوض تابع النجمات فات لي قدام يا ساري الليل ( طارق العوض تقريباً بس ما متأكد)
3) آلفي و لا بتوالفي و لا قادر منكـ أقنع ( صديق أحمد)
4) رائعة النعام آدم لا شوفتأً تبل الشوق و لا رداً يطمئن

و أهدي جميع هذه الأغاني لكـ و لكل الزملاء و قراء سودانيزأونلاين و رمضان كريم

Quote: يا رمال حلتنا زولا.. كان بيأنسك يا حليلو يا حليلو فات رحل من بلده روح .. والله روح ..فات له لي دار ماها هيلو يا حليلو الكان بيطلع .. ينزل.. ومره يطلع .. ينزل.. ومره يشرب من سبيلو .. مره يترنم يحاكي.. حسو يرنم فوق نخيلو .. الرمال تبكي وتعاتبو.. تبكي منو و تشتكيلو تقول له ليه خليتني فت !! والسمر فتش بديلو.. فاقد اللايدو يمسك .. يورى لى ضلو و مقيلو و فاقد اللدموعو يمسح .. ليها يرتى و قت يسيلو ينظر القمر المنور .. لااح شعاعو مغطى نيلو ينتشى و يعزف ربابتو .. لحن ما موجود مثيلو يا رمال حلتنا زولا.. كان بيأنسك يا حليلو يا حليلو فات رحل من بلده روح .. والله روح ..فات له لي دار ماها هيلو

سلآمات يا النذير، ورمضان كـــــريم.
تعرف يا النذير، مرّة تغيبت عن السودان لفترة 11 سنة متوآصلة،
وعندي بنات أخوي تومات كانن دائماً يغنن الأغنية دي لأُختي وهي
بدورها تبكي بحرقة شديدة. أها لمان قررت أرجع السودان، وبعد
جهزت نفسي، وربطت عفشي، شلت لي ورقة وقلم وكتبت:

يا رِمآل حِلتنا زولِك ليكِ عآد هيا ابسميلو
جاي يتبّع دِريبو الفوق بياضِك كان دليلو
صوت قماري الشوق يحآدي لشُدرنا ولضِليلو
لبحرنا ولتمُرنا لعِنقريبو ومقيلو
فوقو ينجمّا ويزحو كلما الرقراق يجيلو
والعِصير يمرق يطايب ناس فريقو الهم يزيلو
يمسح اللوم والعِتاب بالأمارة يتم جميلو
في سلف صالح يعزي بحُزُن في الجوف نزيلو
وبفرح طآمح يبآرك للصبى الإنتم عديلو
والمِغيرِب يمشي ينزل للبحر يكرُف عليلو
لهموم الغربة يغسل نفسو من فيض سلسبيلو
وجاي سآدر فوق دِريبو النِخيلآت تِنتكيلو
يشيلو تمرآت من صبيطا بيها يكتُل نآر غليلو
فوق رِمآل حِلتنا يقعد والقمر سآطع في ليلو
فوق خدود رملتنا عآكس فيض دموع أفرآح يسيلو
تروي أرضك يا بلدنا ونحن كوم الهم نشيلو
ومهما أرض الغُربة جآدت الوطن مافيش مثيلو
وحتى لو نزلو النجوم حآشآ ما دآيرين بديلو
وضُمّة ما بندور بديلو...

ود المدير...



كدي بجيك صاد كان الله هوّن...

الأخ النذير حجازي وضيوفه
تحياتي ورمضان كريم
يسعدني أن أزور هذه الواحة وأقدم نماذج ربما لم تسمعوها من قبل.
كثيرون منكم لم يسمعوا بهذا الفنان الرائع المبدع، ألا وسامه محمد أحمد سيد أحمد وكنا نلقبه بود البتول.(أمه) وبالرغم من أنه لم يسع أبدا للشهرة بل كان يحب أن يغني ليروح عن نفسه إلا أن من يستمع اليه يرى فيه فنانا كبيرا لم تتح له الظروف ليظهر... اغترب في جدة أواسط السبيعينات زمنا ثم رجع للسودان وعاد ثانية الى جدة ... كنا دائما نجلس جلسات في منزل جمعية أبناء القرير بجدة (ك 7 شارع بن لادن) ونروح عن أنفسنا بالغناء وانشاد الشعر والاستماع الى الجديد فيه. ومن حسن الحظ وجدت بعض التسجيلات لتلك الفترة الخصبة ، وأحببت أن أشرككم في الاستمتاع والاستمتاع لبعض النماذج من غناء ود البتول.
أغنية (بلالي) للفنان ود البتول يصاحبه العزف على الطمبور (مامان).. تاريخ التسجيل 1978م بمدينة جدة ... وجدة غير:



www.forevermaman.com

Quote: ارقي انجبت وانجبت وكانت عــأفــيــة مـــنــك رائعة الاستاذ علاء ابو سير اداء الاستاذ عبد الرحيم ارقي وغيرها من الدرر ولان الحديث عن فن الطمنبور يجب ان يكون القامة الاستاذ صديق احمد حاضرا هذا الفنان الذي شكل نقطة فاصلة في فطن الطنبور وكان له القدح المعلى في نقل الطنبور من فن (ربوع السودان) الى فن كل السودان الاستاذ النذير بالله لو سمحت امثلة من روائع صديق التي لا تحصى ولا تعد فوق

شكراً يا علاء الدين صلاح على مدخلتك الضافية
والتحية والقومة لأرقى ومبدعيها والتحية
للفنان القامة عبد الرحيم أرقي

والتحية أيضاً للفنان القامة صديق أحمد
فهو يستحق لقب ملك الطنمبور بجدارة
وأجمل أغاني صديق أحمد على الأطلاق
هي "حكاية الشافعة البريدها ريدة شقاي وعذابي"

تحياتي ليك يا ملك وخليك قريب

Quote: ياخي شكراً كتير، بس أنا مكسرني محمد كرم الله، وما تتصور فرحت كيف لرجعتو للغنا.. وكنت ناوي أفتح بوست مخصوص لأغانيه وحده، عشان كدة داير اشاركك في بوستك دا النص بالنص!.. طبعاً كتير من أصحابي، ووللمصادفة كلهم من الشمال مستغربين للغرابي البسمع للطمبور وبحفظوا اكتر منهم!.. وقول واحد الله..

هلا بالحبيب عيسى ومرحب بيك في البوست
ومرحب بيك تقاسمني نص بالنص في البوست دا
ومرحب بأبناء غربنا الحبيب، والتحية عبرك
للفنان القامة محمد كرم الله وشكراً على الأغنية
ورمضان كريم وخليك قريب

هلا بالحبائب: شاعرنا المرهف عبد المنعم سيد أحمد وبهاء عيسى وراوية العباسي
شكراً ليكم كتير على إثراء البوست بروائع الطنمبور

Quote: سلام يا نيزو شكرا على الواحة الرطيبة. أغاني الطمبور دي بتسحرني عديل كده، خصوصا الفنان محمد كرم الله ورمياتو البتجلخ معالق الجوف! أصدقاء الطفولة وزمن الصبا الماضي جلهم من الشايقية، لهجتم ودودة وأغانيهم مشبعة بالحنية وزي ما قلت Quote: واستمدت حنيتها من اللهجة الشايقية الحنينة ومن النيل والنخيل،... واحد صاحبي ايام الجامعة كان مكسر في بت شاقية قال لي البت دي لهجتا حنينة وبتجر الكلام زي الإيرلنديين( لووووووول). " رسلت السلام يغريك يا الزين". كل سنة وأنت والأسرة الكريمة بألف خير. محبتي

هاهاهاها@ إيرلنديين
هلا بحبيبنا ابو الفتوح ومرحب بيك في واحة الطنمبور
وبمناسبة اللإيرلنديين يا أبو الفتوح واحد شايقي بسخر من رباطابي
وقال ليهو: ياخي كلمة رباطابي دي جات من وين؟! شكلها ما سودانية؟!
الرباطابي قال ليهو: شوف يا الشايقي، كلامك صاح، نحن جايين من أوروبا
وجدنا الكبير سكسوني كان عندو ولدين تيمان واحد اسمو "برط" والتاني
اسمو "ربط" أها "برط" جاب البريطانيين و "ربط" جاب الرباطاب هاها

تحياتي ليك يا ملك وأبقى أظهر

Quote: النذير حجازى كيفك ورمضان كريم كيف أمورك وصحتك واتاريك طمبرابى ومادرينا والله أخوك مرضان طمبور شديد والغريبه المرضه دى جاتنا فى الكبر ايام الشباب ماجبنا ليه خبر ودى هديه للفنان صديق أحمد الله يديه الصحة والعافية

أوه أوه عمدة البالتوك أنور الشيخ
وييييييييين يا مان ووين الحي بيك؟
والله أيام يا أبو النور، وشكراً على السؤال
عن صحتي والهدية الروعة لصديق أحمد وربنا
يديهو الصحة والعافية، تعرف يا أبو النور
مرضة الطنمبور دي جاتني زيك في الكبر
في الغربة والزول بحن لي أصلو وجذورو
تعرف أنا قبل مرضة الطنمبور كانت عندي
مرضة الفنانيين القدامي جداً ودائماً بسمع
ليهم في العربية، أها قبل كدا واحد صاحبي
إتصل على في أمريكا في مدينة قرين سبورو
وقال لي عربيتي عطلانة وتعال وصلني البيت
المهم ركب معاي وكنت مخلي مسجل العربية شغال
وكان شغال الفنان القامة "عبد الدافع عثمان"
قام صحبي إتهجم وقال لي: يا شقي الإذاعة السودانية
دي جبتها في أمريكا كيف؟! هاهاهاها
قلت ليهو: يا زول قول بسم الله دا شريط كاسيت هاها

تحياتي ليك يا ملك ورمضان كريم وأبقى أظهر

Quote: ممكن شوية طلبات يا النذير: 1) حتى الطيف رحل خلاني ( محمد كرم الله) 2) ما شفت عوض تابع النجمات فات لي قدام يا ساري الليل ( طارق العوض تقريباً بس ما متأكد) 3) آلفي و لا بتوالفي و لا قادر منكـ أقنع ( صديق أحمد) 4) رائعة النعام آدم لا شوفتأً تبل الشوق و لا رداً يطمئن و أهدي جميع هذه الأغاني لكـ و لكل الزملاء و قراء سودانيزأونلاين و رمضان كريم

أوه أوه ولدنا أبو الخلد ود القديمة
مرحب بيك في واحة الطنمبور
يا زول طلباتك أومر، بس خليني أفرغ
من الردود وأقبل على طلباتك

تحياتي ورمضان كريم

Quote: سلآمات يا النذير، ورمضان كـــــريم. تعرف يا النذير، مرّة تغيبت عن السودان لفترة 11 سنة متوآصلة، وعندي بنات أخوي تومات كانن دائماً يغنن الأغنية دي لأُختي وهي بدورها تبكي بحرقة شديدة. أها لمان قررت أرجع السودان، وبعد جهزت نفسي، وربطت عفشي، شلت لي ورقة وقلم وكتبت: يا رِمآل حِلتنا زولِك ليكِ عآد هيا ابسميلو جاي يتبّع دِريبو الفوق بياضِك كان دليلو صوت قماري الشوق يحآدي لشُدرنا ولضِليلو لبحرنا ولتمُرنا لعِنقريبو ومقيلو فوقو ينجمّا ويزحو كلما الرقراق يجيلو والعِصير يمرق يطايب ناس فريقو الهم يزيلو يمسح اللوم والعِتاب بالأمارة يتم جميلو في سلف صالح يعزي بحُزُن في الجوف نزيلو وبفرح طآمح يبآرك للصبى الإنتم عديلو والمِغيرِب يمشي ينزل للبحر يكرُف عليلو لهموم الغربة يغسل نفسو من فيض سلسبيلو وجاي سآدر فوق دِريبو النِخيلآت تِنتكيلو يشيلو تمرآت من صبيطا بيها يكتُل نآر غليلو فوق رِمآل حِلتنا يقعد والقمر سآطع في ليلو فوق خدود رملتنا عآكس فيض دموع أفرآح يسيلو تروي أرضك يا بلدنا ونحن كوم الهم نشيلو ومهما أرض الغُربة جآدت الوطن مافيش مثيلو وحتى لو نزلو النجوم حآشآ ما دآيرين بديلو وضُمّة ما بندور بديلو... ود المدير... كدي بجيك صاد كان الله هوّن...

أوه أوه شاعرنا المرهف ود المدير
شكراً ليك كتير على قصيدة العودة دي
وبالجد قصيدة رائعة معبرة جداً
وتحياتي ليك ولبلدنا الغالية
وفي إنتظار عودة مرة أخرى لهذه
الواحة

Quote: الأخ النذير حجازي وضيوفه تحياتي ورمضان كريم يسعدني أن أزور هذه الواحة وأقدم نماذج ربما لم تسمعوها من قبل. كثيرون منكم لم يسمعوا بهذا الفنان الرائع المبدع، ألا وسامه محمد أحمد سيد أحمد وكنا نلقبه بود البتول.(أمه) وبالرغم من أنه لم يسع أبدا للشهرة بل كان يحب أن يغني ليروح عن نفسه إلا أن من يستمع اليه يرى فيه فنانا كبيرا لم تتح له الظروف ليظهر... اغترب في جدة أواسط السبيعينات زمنا ثم رجع للسودان وعاد ثانية الى جدة ... كنا دائما نجلس جلسات في منزل جمعية أبناء القرير بجدة (ك 7 شارع بن لادن) ونروح عن أنفسنا بالغناء وانشاد الشعر والاستماع الى الجديد فيه. ومن حسن الحظ وجدت بعض التسجيلات لتلك الفترة الخصبة ، وأحببت أن أشرككم في الاستمتاع والاستمتاع لبعض النماذج من غناء ود البتول. أغنية (بلالي) للفنان ود البتول يصاحبه العزف على الطمبور (مامان).. تاريخ التسجيل 1978م بمدينة جدة ... وجدة غير:

أوه أوه مرحب بحيبنا الموسيقار مامان
وشكراً ليك كتير على أغنية بلالي لود البتول
والله أيامكم يا مامان مهيصين في الغربة
وبالمناسبة عزف على الطنمبور بشبه عزف
الموسيقار عيسى حامد وسأحاول أن أرفد
هذا البوست بمعزوفاته.

تحياتي ليك يا ملك ورمضان كريم

وللأستاذ طارق ميرغني، ودفعة البورد خالد عبدالله.. الطـيف:

شكراً ليك كتير يا عيسى على إثراء البوست

أهلاً يا نذير،، الظاهـر ح أستلم الموضوع كلو بدل النص!.. وإعتذار للأخ الفاتح ميرغني للخبطة اسمو مع الأستاذ طارق ميرغني.. وأواصل مسلسل الأغاني المكسراني :) مع الأسطورة (كما علق أحدهم) محمد كرم الله.. وآه يازمن.. في النار دوام وتزيدني نار.. بكيت عيني متل التقول بيناتنا تار..

غايتو يا النزير بنشارك لاكن بعد شوية بتقولوا جلابة

Quote: سامحني واصفح ياحبيب ساقوني منك بالغصب ندمانه ليه سبتك براك تتباكى في نص الدرب طمني حالك انت كيف والبي يهون مهما ماصعب انا اصلي زول احساس ومات من بدري معتادي الضرب كم مرة شانك يامناي من حنضل الالام شرب من خشمي تتقاطر دماي لو ينطق اسمك بالكضب نفوني من نص الديار يوم عرفوا اني ليك بحب لكنو كل مازاد بعادي .. لقيته شخصك لي قرب سجنوني بين اربع حيط زربوني من جيهتك زرب لكني شايفاك كل يوم هل طيف خيالك يحتجب ؟ طالوني باليد واللسان مافي شيتأ ما سُلب غير حبك الما قدروا يوم يصلوهو .. ماساكن القلب واغرب شىء اني انا بي وراك بنزل واتهان وانضرب لكني في لحظة لقاك بنساهو زي الكان لعب وريتم اني انا لي حبيب لو خنته بشعر بالذنب ساقيني راويني المحبة ومن حنانو كمان شرب ياخوية زي ريدك وليداك وبرضي للمريود بحب والله لو حاس بالعلي مابترضى بيتنا يتخرب زي ماب تدورلهم السمح لي برضوا خير الدنيا حب لكني القى الدايره وين من ناس معين خيرن نضب بالشورة زي بيعة الملح باعوني في السوق بالجلب وماراعو لي امي الدوام تتباكى شاني وتحتجب باريت لي زول بالجتة بس .. بارنك الروح والقلب انا قلبي لو فارق ضراك ما اظنه من بعدك كسب متحملي الام براي شايلي الهموم ما بتتحسب ومالقيت لي زول حس العلي قاسمني همي معاي تعب عرفت صح الم الضرب مابحسه زول غير الضرب الغربة كيف وعذابه ما ما بيطراه الا المغترب فوضت لي الله الامر وكتين من التحنيس غلب مظلومة والمظلوم دعوته من الاله ما بتتحجب بكتبلك اسع يالحبيب مصبرة وماسكى القلم بكت لك اسع والقليب مجروح يعاني من الالم مكتوبي من شهر العسل شهرالمرض وشهر السجم ملفوفة بي كفن الزفاف والحنة في ايديا دم مرقت من سجن الطغاة وقعت في الذل والوهم قبلت بالواقع المرير امنت بي امر القسم قبلت بالدايرنوا لي كم قبلي مظلوم انظلم ويئست من عيشة عذاب راماني في زول مارحم انسانة صرت بلا طموح بلا مبادى بلا قيم قنعت من الرحمة تب بس فيك ماتقطع العشم ولازلت ياك مالك القليب رغم انه امري انا انحسم ولازلت بفخر بيك واقول انت الحبيب في كل ملم ولازلت بي اسمك بصيح لو حتى ساكت اتهجم وبقوله قدام اي زول ماخايفة اصلو الموت هو كم ؟ واخر رسالتي بطمنك ارجوك ماتشيل ليا هم خليك في عهدك معاي ارجاني لا تفوت بالسأم احفظني في جواك فرح .. بلسم تداويبو الالم زي حفظي ليك بين الضلوع انت وقليبي انا جم وجم اخواني سيبهم يفرحوا انا جرحي لسع مالتئم يمكن ضميرهم يوم يحس ويعرفو اني ان انظلم ويعودوا شان يبنو الوقع كيفن بيبنو الانهدم؟ ديل ناس هوايتم الظلم ديل خلوا عيشتي بلا طعم وما سوو بي حكم العقل ما بيندم الليهو احتكم الناس بتنقاس بالعقول ما بالجلاليب والعمم وانا ماسكي في حبل الصبر في الله املي انا ما اتعدم

في اعتقادي هذه الاغنية من اجمل اغاني الطمبور

Quote: لابايدك ولا بايدي لا بإيدك لا بإيدي دا الزمان الإختار كدى نفترق و الفرقة حارة ونرضي بي حُكم الإراده يوم فراقك طعنة كانت غايرة في اعماق فؤادي شلَّت الأشواق وصابت حُبي ليكا و سامي ريدي رغم إني بصوم عليهو وكان فطوري و ياهو زادي كنت حافظة جميع عهودك وانت جُرت نقضت عهدي أصلو قالوا البادي اظلم وانت جيت بي ظلمي بادي شفت من بعدك مصائب كنت فوق نيرانه قاعدي من أوارا فرش لحافي ومن لهيبه طبق وِسادي والفرح نافر مجافي تملي شارد مني غادي زي سراب أحلامنا ودع لا وقف لا دار يهدي علي مصايبي تراني صابرة والبيصبرالله بَدي الله بس ياهو البيعلم بي نزيف قلبي وسهادى ياما ساهرت الليالي وبي نواحي نجومه شاهدي ساوَّه من ذِكراك غُتايا وفوق لحاف أحزاني راقدي يازماني كفايا أرحَم فيَّ شمَّتَ الأعادي خلي ماضينا اليروح زي سحابة صيف يعدي ماني دايره أعيش زماناً فيهو ما إنتم قصدي ماني دايره أعيد زماناً ما عِرف قِيمة وجودي ماني دايره أعيد زماناً سدَّ بيني وبينو وادي وماني دايره أعيد زماناً ذكرا تاورا ومعاودي ودايره انسي الذكرى ذاته رغم انها فيَّ خالده إنضرب قلبي الحنين بي سهم ريداً مصدي خل مرضَّ الموت يناوش في الفؤاد كتَّال ومُعدي خلَّ في أعماقي ذكرى كلما أنهيها بادى امام عيونى بشوف تملى صورة من ماساتى هدِّى إعتزلت الريدة بعدك وفي الغرام حصلت حَدي وفي هواك كفاي مآسي والعشق سكينو حادي وإحتمالات عودتي ليك في العَقُل تب ماها واردي والغرام حرمان عليَّ من زمان طاراهو عهدي كيفن الدَّغ مرة تانيه وكان قبل دا أنا ضُقتَ واحدي دابي من تعذيبك إرتح تاني كيف أرجعلو صَادِي الكرامة وقيمي ترفض وكبريائي والمبادي انسي زي مانسيتك اسع صرت انسان عادي عندي وعاند الذكرى الأليمة تراني لي ذكراك معاندي وكل ما تملك من مشاعر لي شريكة عمرك أدي وأبقي عشرة علي شريكتك وأبدا ابقي معاها جادي ومهما فات بي الزول خيالوالعَقُل ياهو البيهدي والقليب كان راد وحب تاني ماظنيت يعادي والحبيب كان حب صح صح للحبيب بالروح بيفدي دي الحياة وسنته ياحبيب مَرة تاخد ومرة تدي لا نعيم أفراحه دايم لا نواح أحزانا أبدي لا الحناسة تجيب رضاها لابتقلب احكامه شدى يوم حناضل القوز طعيمة ويم مزاق ايامه شهدى ولينا ساله تملى سيفه وفينا حكم اقداره حدى والمصائب ديمه عامه والفرح تبشيرو فردى ابتسم وامسح دموعك الحزن ماظنو يجدى والفراق لسع مواصل لا انتهى ولا بينا مبدى

الله الله يا النزير ياخي
انا ان بقيت بديت هني آآآبقيف ضومة ضومة

http://www.youtube.com/watch?v=-vgQIckv4vA

طبعا الباسا دى ياها قريتى بى زاته
كدى اسمعوه غناى كيفن

يا ألف مرحب بعشاق الطنمبور:
عيسى
خالد العطا
طارق جبريل
وشاعرنا عبد المنعم سيد أحمد

شكراً ليكم كتير يا شباب لإثرائكم للبوست
ولي عودة إن شاء الله في يومٍ ذي ميسرة

تحياتي للجميع

هذه الأغنية في شكل قصة تحكي مأساة أمونة بت الشيخ حمد


أمونه بت الشيخ حمد
كلمات: نجم الدين الكرفابى
أداء: عيسى بروى
امونة بت الشيخ حمد

أبوها كان مزواج خلاص
ناسب جميع ناس البلد
ميلادها كان عرسًا كبير
هيصة وضبايح مالها حد
يوم السماية إتيتمت
حكم القدر فى الأم نفد
كانت شبيهة أمها
فى القدلة والعود اللبد
وبقت أمل كل الشباب
وجمالها فى بت ما إتوجد
فى مرة رفة قليبا يوم
حبت قريب الشيح حمد
وأظن كمان حباها هو
سوى الضلوع لى حبو سد
كاتمين غرامن فى القلوب
ولع لهيبم ما برد
خايفين يصارحو يقولو
شومال بالدايرنو ست
خايفين عيون الناس
تشوفم والخبر يملأ البلد
والحب هناك عيبا كبير
لا بت تبوحبو ولا ولد
فى يوم ابوها ضحك كتير
برم شواربو بلا الأسد
ناداها آمنة تعالى جاى
فوق البرش ربع قعد
قالتو هوى جاياك خلاص
قليبة فر وما رقد
حاج الخضر عارفاهو داك
قالتلو ايوة أبو سند ؟؟
جانى الصباح طالب ايديك
داير نسب شيخ البلد
وانا قتلو أهلا بيك تعال
يومين تلاتة تكون عقد
راجلاً عظيم عندو القروش
عندوا الحرير راقد لبد
هو كمان كريم وأخو رجال
ماعونو فى يوم ما برد
جرن الدموع من عينا شو
سكتت وأبت تديلو رد
قام مرق خلاها فات لا سبة
لا كايس غرض
عند المغيرب تانى جاها
كدى لى محاسن الحاج سرد
داير يأثر فى قليبا
لو كان تقول تديهو رد
وقتا غلب وإحتار خلاص ولع
فؤادو جمر وقد
فسر سكوت البت رضا
جهزولو لما الناس عقد
والمال مخمخم والحرير
تحت الرجول مدوهو مد
يوم الصفاح والناس تجوط
بالفرحــــة مقلوبة البلد
أمونة تبكى بكا السواد
بدل الفرح جاها النكد
وبشيشى قامت للمروق
فى سرقة ما حس بيها حد
كان الحبيب راقد هناك
والصدمة قادة قليبو قد
وقفت قصادو بكت كتير
لامن دميع العين جمد
قام جاها بى شوقو الكتير
وقليبو داك إنهد هد
قالتلو ما بى ايدى شى
ديل ناس أبوى وأبو سند
إتلملمو وسووا الكلام
وأنا لا رضيت لا جبتا رد
داك عندو مالا مو قليل
وأبوى شاف المال سجد
أدانى للراجل العجوز
المن عروقو الدم شرد
قايلنى بسعد بالقروش
ولا المراح الفات ورد
لكن محـال أسعد بلاك
كان السماء ينهد هد
بديك قليبى وروحى ديل
وأعيش هناك صورة وجسد
إتراجعت رجعت تصد
لكن قليبا رجع رفض
مسكت دريبا مو قريب
كم بيهو صف بنوت ورد
قاصدة البحر دايره تموت
لا عيشة لاهم لا نكد
إترددت وقفت كتير
لامن قليبا خلاص صمد
شافت مسار النيل حزين
حتى النخيل حزنان خمد
وبشيشى فكفكت الحرير
لا زينة لا ربيط عقد
ما دام حياتا بقت دموع
وقليبا من زولاً إنفرد
قالت أخير إرتاح خلاص
ارسى وشقاى ألقالو حد
فى لحظة موج النيل علا
وفى جوفو غابت للأبد

النذير ود حجازي

كل مودتي لك وانت تلمنا تحت هذه الواحة الظليلة

واحتك التي انتجتها من رمال بلدنا ونخيل بلدنا

وجداولنا الجارية بحرية وانطلاق واظهرت لنا المواهب

المختلفة في محبت السلوك الخمسة واقول لك وللاخ مامان

ان الشي الذي يظهر في الكبر فهو متاصل في النفوس

واقول ان كل انسان لم يتربي وينشاة في الشمال فلا احساس

للطمبور به

شكرا لك علي هذه الواحة الظليلة

http://www.youtube.com/watch?v=0ta6hCKgbZo&feature=related

Quote: النذير ود حجازي كل مودتي لك وانت تلمنا تحت هذه الواحة الظليلة واحتك التي انتجتها من رمال بلدنا ونخيل بلدنا وجداولنا الجارية بحرية وانطلاق واظهرت لنا المواهب المختلفة في محبت السلوك الخمسة واقول لك وللاخ مامان ان الشي الذي يظهر في الكبر فهو متاصل في النفوس واقول ان كل انسان لم يتربي وينشاة في الشمال فلا احساس للطمبور به شكرا لك علي هذه الواحة الظليلة

يا سلاام عليك يا محمد العوض على هذه الكلمات الرائعة
ومرحب بيك في واحة الطنمبور ورمضان كريم

شاعرنا المرهف منعم شكراً لك يا صديقي على إثراء البوست

يا شباب بفتش في أغنية "كيفين أعمل حسابي" أو "حكاية الشافعي البريدا"
أداء صديق أحمد أو يس عبد العظيم، اللي عندو ما يبخل علينا وينوبه الثواب

حكاية الشافعي البريدا
شعر: ابراهيم ابنعوف
غناء: يس عبد العظيم

كيفن أصـــبر قليـــبى.. وكيفـــــــــن أعمــل حسابى
ما دام عشمى فى نظــــــرة .. والعندو النظرة مابى
بجرو غنايا أحكى ليكم .. تعالو أسمعـوا يا صحابى
حكــــاية الشافعى البريدا .. وريدا شقــــايا وعذابى
أحن لها حن القمـــــارى .. تقوقيبـــــا أوتار ربابى
واهوى الهوى فى هواها .. وهواها قرايتى وكتابى
منو القال ليكـــــم عقلتَّ .. وحاتكــــــــم جنيت دابى
بقيت لمان ليها أفارق .. أفارق عقـــــــلى وصوابى
أضيق لمتين ليها أرجع .. أخاف مايطول بى غيابى
أعاين زين فيها وأشبع وأزيد إعجاب على إعجابى
أشرِّق وين ما أغــــــرِّب .. وأشيـــل همى وإكتئابى
محل ما أمشى ألاقــــى طيفاً.. مشتت فكرى وحجابى
تطير روحى بعيد تغــــــازل.. خدودك زهر الروابى
تتعلق بين عيونا .. ورموشـــــــــــا البى فوقا كابى
قليبى يفارق ضــــــــلوعى .. يلاهى عليها ويشابى
بعيد مابيقــــــــــــدر يقاوم.. بريق البسمة السحابى
صديرن لما يتفـــــرَّ .. تبــــــق نار الله فى أعصابى
وقديلتن كيتن على .. وا نشاف ريقى وخــــم ترابى
حنينى ومرات بتقسى .. تقول فى نفســــــها اتغابى
إتغابى العرفة فيهو .. وا زرف دمعــــى ووا خرابى
صحيح أصبحت مملوكا .. أســوِّى أورادى وأزنابى
متل ما ملكت فؤادى .. أنا ملك شيطــــــــان الكتابى
أخاف ما بقــــــدر أعاتب .. أقول تزعــل من عتابى
أموت أحسن من هى تزعل .. أو تزرف دمعة كابى
عشانا أنا كم ضُقْتَّ مُـــــــرَّة .. عشانا مهمِّل عقابى
عرفت الله فى عـــــذابك .. إنتَّ خاف الله فى شبابى

http://www.sudanesesongs.net/index.php?showforum=158

عند قيامك بالتسجيل ستستمتع بالاغنية المطلوبة
وغيرها الكثير المثير الخطر

http://www.youtube.com/watch?v=MGIoUxi9hHA&feature=related

شكراً يا منعم، تعرف محمد النصري دا أول مرة
استمع ليهو، ياخي دا زول مبالغة وحلفة رائعة
وشكراً لإشركنا هذه المتعة.

وأشكرك أيضاً على رابط الـ سودانيز سونقس ياخي
دا موقع كنز، وإن شاء الله سأقوم بالتسجيل فيه
حتى يتسنى لي الاستماع للأغاني