Post: #1
Title: هذا اللاعب سيكون له شان كبير في الهلال السوداني
Author: Mutwali Malik
Date: 08-06-2011, 12:16 PM
Parent: #0
اللاعب ابراهيما توري لاعب له مميزات كبيرة منها المراوغة والتهديف واللعب الهادي شاهدت مبارة الهلال واتحاد مدني التي تالق فيها هذا اللاعب واحرز هدف من
اجمل الاهداف التي رايتها حتي الان
اتوقع لهذا الاعب ان يكون احد اعمدة الهلال الرئيسية في المواسم القادمة
|
Post: #2
Title: Re: هذا اللاعب سيكون له شان كبير في الهلال السوداني
Author: tmbis
Date: 08-06-2011, 01:44 PM
Parent: #1
سلامات يا متوكل ..
اي نعم توريه خفيف ورشيق جدا وحركتو كويسة ..
لكن على ما اعتقد انو كان غرض التسجيل علشان يتلحق للبطولة ..
متابعتي لي توريه خلال الفترة الفاتت وبالرغم من حركتو المزعجة .. لكن لحدت الآن بحس انو في عدم تجانس بينو وبين وسط الهلال والشق الهجومي ..
في كل مباراة اشاهده بقعد احسب لي توريه عدد التمريرات الخاطئة .. بالذات البتنقطع وتسبب ازعاج في الهجمة المرتدة ..
في مباراة الأمس اتحرك بشكل مقلوب باللعب بالناحية اليمين . ويقوم بالتحضير للناحية الشمال .. ودي ما عارف فلسفته شنو لحدت الآن عند ميشو .. هل علشان يكون قريب لي بكري المدينة واللا الفهم شنو؟
الزول دا رجلو شمال في هدف طلعو مدافع الاتحاد من الشبكة .. لانو الكورة كانت في قدم ابراهيما اليمين وحلك لما يستعدل ..
لاحظ حتى الهدف الجميل جدا البتحكي عنو .. كان نتاج دوران كامل من الناحية اليمين .. وتحضير .. ولا وصل في اللحظة المفروض يهدف فيها .. كان جسمو كلو فقد التوازن لكن فكرتو غلبت على كل شي وكان الهدف الجميل ..
فلاحظ لو كان الزول دا استلم الكورة من الناحية الشمال ممكن كان يعمل شنو ؟؟
امكانية التهديف عندو عالية جدا .. بس للاسف من غير تركيز .. يعني زي ما تقول واحدة تصيب لكن تقع في يد الحارس او تضرب في واحد من المدافعين .. وواحده تخيب .. تمشي كان بعيد جدا من المرمى ..
الولد دا نجيض .. لكن يجب وبسرعة جا معالجة التوالف بينو وبين خط الوسط خاصة هيثم مصطفى .. والحذر من الباصات العرضية .. الدور الممتاز ما مشكلة ولا فيهو حد ممكن يستثمر الباصات العرضية الخاطئة دي .. لكن في الدوري الافريقي باص واحد بس ممكن يكلفنا الكتير ..
في ملاحظة تانية .. إنو بحتفظ بالكورة كتير ..
وين المحترف التاني أوتوبونج .. ا شايف ليهو اي خبر ..
|
Post: #3
Title: Re: هذا اللاعب سيكون له شان كبير في الهلال السوداني
Author: Mutwali Malik
Date: 08-06-2011, 02:08 PM
Parent: #2
لك التحايا
تمبس
ورمضان كريم
اتفق معك في ان توري لم يتجانس مع وسط وهجوم الهلال بعد ويحتاج الي بعض الوقت لكي يتم ذلك
هل تذكر في الايام الاولي لتسجسل سادومبا كل الناس اجمعو علي ان الهلال اتخما في هذا اللاعب انظر الان الي سادومبا وموقعه في الهلال
لذلك اقول ان هذا الللاعب سيكون له شان كبير جدا في الهلال حالما يتاقلم مع اللاعبين في الوسط والهجوم واستايلو هو استايل الهلال فعلا
تسلم علي المرور
|
Post: #4
Title: Re: هذا اللاعب سيكون له شان كبير في الهلال السوداني
Author: Mutwali Malik
Date: 08-06-2011, 02:21 PM
Parent: #3
http://youtu.be/gx_9SZ0Xx9E
تمبس
شوف الفيديدو دا وكيف سجل توريه هدفه مع الصفاقصي برجله اليمني
|
Post: #5
Title: Re: هذا اللاعب سيكون له شان كبير في الهلال السوداني
Author: Mutwali Malik
Date: 08-07-2011, 10:17 PM
هدفه اليوم في مباراة الشباب التنزاني يؤكد ما قلناها عن هذا اللاعب لديه المقدرة التامة في متابعة الكرة واستغلال انصاف الفرص
وتحويلها الي اهداف جميلة
لازلت اراهن علي ان هذا اللاعب سيكون له شان كبير في الهلال
|
Post: #6
Title: Re: هذا اللاعب سيكون له شان كبير في الهلال السوداني
Author: mutwakil toum
Date: 08-07-2011, 10:29 PM
Parent: #5
سلام عليكم ورمضان كريم
مافي فيديو للقون؟
|
Post: #7
Title: Re: هذا اللاعب سيكون له شان كبير في الهلال السوداني
Author: Ahmed Alrayah
Date: 08-08-2011, 06:46 AM
Parent: #6
هاك يا متوكل (أهداف الهلال في الشباب التنزاني)...
هدف توري
http://goo.gl/6jIQl
هدف مهند
http://goo.gl/Q5DDc
هدف أوتوبونغ
http://goo.gl/KcIVX
(منقولة من زميلنا معاوية حسين)
سلامات يا متولي وتامبا، رمضان كريم.
|
Post: #9
Title: Re: هذا اللاعب سيكون له شان كبير في الهلال السوداني
Author: mutwakil toum
Date: 08-08-2011, 09:01 AM
Parent: #8
شكرا يا احمد الريح يا اخي..
لو بطلت غياب تكون تميت جميلك :)
|
Post: #10
Title: Re: هذا اللاعب سيكون له شان كبير في الهلال السوداني
Author: عبدالله السفاح
Date: 08-08-2011, 09:22 AM
Parent: #9
توريه لاعب كبير وقد شاهدته عندما كان يلعب لصفاقسي
في مباراته ضد الهلال .... فقد ازعج دفاعات الهلال كثيراً
فهو بلا شك مكسب لوسط الهلال ودعم كبير لهجومه لما يملكه
من حساسية امام الشباك وخير ديليل على ذلك هدفيه امام اتحاد
مدني والشابا التنزاني ... وفوق ذلك كله اعتقد ان توري سريع
التأقلم مع الاجواء الجديدة والدليل انه ورغم مشاركاته القليلة
مع الهلال استطاع تثبيت ارضية جديدة له عكس زميليه ( امير الربيع ؟, اوتو بونج )
ومع مزيد من الوقت والتجارب سيصبح توريه لا غنى عنه في تشكيلة سيد البلد
|
Post: #11
Title: Re: هذا اللاعب سيكون له شان كبير في الهلال السوداني
Author: Mutwali Malik
Date: 08-08-2011, 12:50 PM
Parent: #10
لكم الشكر الجزيل
متوكل توم - احمد الريح - عبدالله السفاح
علي المشاركة والتاكيد بان سيد البلد علي موعد مع لاعب عصري سيكون دعامة كبيرة له في البطولات القادمة
|
|