هروب الاموال نحو جمهورية الجنوب

الازمه الاقتصاديه الخانقه التي تعيشها دولة شمال
السودان، بجانب الارتفاع المتصاعد في اسعار السلع الضروريه
وكذلك ارتفاع اسعار الدولار بصوره جنونيه
اديا الي هروب الكثير من رؤوس الاموال الي خارج شمال السودان
خاصة الي دوله الجنوب.
رجال اعمال في سوق الخرطوم يقولون ان التحرك في هذه الايام
يتم نحو يوغندا والقاهره ودبي
في اوساط رجال الاعمال والصرافات يتردد القول بأن الشمال
اصبح غير مضمون بالنسبه للاستثمار مع عدم وضوح سياسة الحكومه بجانب الانهيار الاقتصادي
وحالات الافلاس الكثيره وارتفاع نسبة الفقر بين المواطنيين
وتوقف تدفقات الاستثمارات الخارجيه
الخطوات التي يقوم بها رجال الاعمال وغيرهم من اصحاب روؤس الاموال
تبداء بتحويل اموالهم الي دبي او القاهره
ومن ثم السفر الي يوغندا ومنها الي جوبا
للاستكشاف وتحديد نوع النشاط الاستثماري او التجاري الذي
ينوون مزاولته.
نظرة اصحاب الاموال لهذه الحركه تقوم علي قاعده اساسيه
هي ان الفرص في الجنوب افضل، بجانب توقع تدفقات عاليه
من الاستثمارات للجنوب من مختلف انحاء العالم مع ثبوت صرف العمله
في جمهورية جنوب السودان لتوفر العملات الصعبه من عائدات النفط.

الحبيب جلال

والله تصديقا لي كلامك

عارف البنات السودانيات قي دبي بتجي من السودان لابسه دهب وشايله 10 الف دولار تسلمها هنا لي شخص وتاخد ليها الف درهم وترجع بعد يقطعو ليها التزكره والسكن 24 ساعه فقط والكلام ده انا شفتو بي عيني ما حكوه لي

شغالات الواحده بتجي في الاسبوع مرتين

ومن النكات المتداوله بينهم في واحده كانو في صالت المغادره في الخرطوم نامت

والناس ماشه علي البص عشان الطائره صحوها قالت ليهم جيت الصباح وما نمت واسي راجعه طوالي


الله يعين البلد بس

وتصديقا لي ذلك
حكت لي واحدة نفس القصة يا عباس
كنت ما مصدق
طلعت لي الجواز
وقالت لي كنت في مصر اقل من 72ساعة

والاقتصاد في انهيار متزايد

والله يا زواليد

القروش الطلعت تغني السودانيين لي جني الجني


الله يجازي الكان السبب

وناسهم هم البيطلعو في القرش

ياخ في ناس يوميا بتهرب ليها 100 الف دولار ده غير الناس الكبار

اتخيل زول يفر ليه 10 ولا 15 بنت من دهب ودولارات بكون في كم زول بعمل كده

ودبي فتحت ليهم يديها

الاخ ذو الوليد
تحايا

Quote: وتصديقا لي ذلك حكت لي واحدة نفس القصة يا عباس كنت ما مصدق طلعت لي الجواز وقالت لي كنت في مصر اقل من 72ساعة والاقتصاد في انهيار متزايد

بالصدفه اليله قابلت واحد صاحبي في مناسبة فطور

بعد طلعنا قال لي وصلني معاك
سالته عن عرييته، قال لي باعها
لمان سألته حا تشتري واحد تانيه متين
قال لي هو مغادر نهائي بعد يومين الي دبي بعد صفا شركته واعماله
وبفكر حتي يبيع البيت بتاعه في الصحافه
كلامه انه متخارج والمؤشرات إنه البلد انتهت
وفلست
يبدوا ان الاوضاع اسواء مما كنا نتخيل

شكرا

الاخ عباس
تحيه

Quote: الحبيب جلال والله تصديقا لي كلامك عارف البنات السودانيات قي دبي بتجي من السودان لابسه دهب وشايله 10 الف دولار تسلمها هنا لي شخص وتاخد ليها الف درهم وترجع بعد يقطعو ليها التزكره والسكن 24 ساعه فقط والكلام ده انا شفتو بي عيني ما حكوه لي شغالات الواحده بتجي في الاسبوع مرتين ومن النكات المتداوله بينهم في واحده كانو في صالت المغادره في الخرطوم نامت والناس ماشه علي البص عشان الطائره صحوها قالت ليهم جيت الصباح وما نمت واسي راجعه طوالي الله يعين البلد بس

شكرا جزيلا لمشاركتنا تجربتك وشهادتك
نعم هنالك هروب غير عادي لرؤوس الاموال
واعتقد ان هروب الاموال سيتواصل

لك الشكر

الناس ديل حيهربوا طين البلد؟

يهربوا النيل؟

يهربوا القاعدة الشعبيـة؟

يهربوا القباب؟

يهربوا ارض البطانة واللا القاش واللا وكسلا واللا جبلها؟

حرامى سرق قروش وداير يطلع بيها.. خليهم يطلعوا.. الإقتصاد لا ينهار.. ممكن ياخد ليه العترة البتصلح المشى.



.

Quote: حرامى سرق قروش وداير يطلع بيها.. خليهم يطلعوا.. الإقتصاد لا ينهار.. ممكن ياخد ليه العترة البتصلح المشى.

آي الإقتصاد بيتصلح
لكن ما يكون المسؤول من إصلاحه الحرامي السرق القروش
كان إتخارجو هم بقروشهم السرقوها الإقتصاد بتتصلح
لكن يسرقوا ولسه مصرين يحكموا دا ما حبابها

لن ينصلح اي حال ما لم يتم كنس الواقع السياسي السوداني برمته كل الاحزاب والتنظيمات السياسية ابتداء بالمؤتمر الوطني ..
اود ان اسأل ماهي الانجازات الاقتصادية التي حققناها منذ الاستقلال ؟؟ لا شيء .. بيق زيرو .
عندما تقرأ تقريرا عن الاقتصاد السوداني قبل الانقاذ تصاب بالخجل والاحباط ، كانت صادرات السودان كوووووووووولها لا تتجاوز المليار دولار ؟؟ دولة من مليون ميل مربع يشقها اطول نهر في العالم تعيش على المعونات الخارجية ، في عهد الانقاذ توفرت للحكومة فرصة تاريخية للنهوض بالاقتصاد السودانية وللاسف وكما يعمل الجميع ذهبت كل فرص انقاذ الاقتصاد السوداني الى جيوب الحزب ومنتفعيه والان الشعب السوداني يحصد ثمارا مرة ..

الله هونيني وفرجيني الاتنين مع بعض كما يقول الزميل نوريت ..
تحياتي جلال

أبدى البنك المركزي مخاوفه من تأثير العملات القديمة المتواجدة بجمهورية جنوب السودان، والبالغة ملياري جنيه، على الاقتصاد السوداني، وكشف عن عمليات شراء منظم تتم للعملات الصعبة مقابل العملة القديمة لصالح دولة الجنوب من الشمال بأسعار عالية قد تصل الى (5) جنيهات مقابل دولار واحد، وقال البنك إن ذلك سيؤدي لارتفاع الاسعار. وشدد على انتهاجه ترتيبات لمنع تدفق الأموال إلى الشمال تفاديا لتأثيرات اقتصادية سالبة، فيما خصص البنك المركزي (70%) من العملة الجديدة لولاية الخرطوم بينما (30%) للولايات وفقا لحجم الأموال المتداولة سابقاً.
ورجح مساعد محافظ البنك المركزي للقطاع المصرفي النور عبدالسلام خلال برنامج "مؤتمر إذاعي" الذي تبثه الإذاعة، رجح ارتفاع حجم الأموال المتداولة إلى (16) مليار جنيه نتيجة لعملية التداول المشترك وتأخر عملية سحب العملة القديمة لفترة محدودة، وكشف عن ترتيبات وضعها البنك المركزي قال إنها محكمة بهدف منع تدفق الأموال من دولة الجنوب.
ومن جانبه أقر مدير إدارة الإصدار ببنك السودان عوض عبدالله أبوشوك بأن إصدار الطبعة الثانية نتج عنه تحمل خسائر في سبيل الحفاظ على استقرار الاقتصاد بالشمال. وحذر أبوشوك من تدفق العملات القديمة من الجنوب والتي قال إنها ستؤدي لتضخم وارتفاع أسعار

صحيفة الراكوبه

التحية و الاحترام

الصديق جلال وكل الشرفاء نحن في انتظاركو للانضمام لركب قوافل الثورة

لقد دقت ساعة الحسم لاسقاط مافيا الكيزان

و تعالو بي هناك

منبر الجبهة الديموقراطية العريضة بالفيس بوك

و شكرا

Quote: لن ينصلح اي حال ما لم يتم كنس الواقع السياسي السوداني برمته كل الاحزاب والتنظيمات السياسية ابتداء بالمؤتمر الوطني .. اود ان اسأل ماهي الانجازات الاقتصادية التي حققناها منذ الاستقلال ؟؟ لا شيء .. بيق زيرو . عندما تقرأ تقريرا عن الاقتصاد السوداني قبل الانقاذ تصاب بالخجل والاحباط ، كانت صادرات السودان كوووووووووولها لا تتجاوز المليار دولار ؟؟ دولة من مليون ميل مربع يشقها اطول نهر في العالم تعيش على المعونات الخارجية ، في عهد الانقاذ توفرت للحكومة فرصة تاريخية للنهوض بالاقتصاد السودانية وللاسف وكما يعمل الجميع ذهبت كل فرص انقاذ الاقتصاد السوداني الى جيوب الحزب ومنتفعيه والان الشعب السوداني يحصد ثمارا مرة .. الله هونيني وفرجيني الاتنين مع بعض كما يقول الزميل نوريت .. تحياتي جلال

شكرا عبد الله

الاخوان ابوريش ونصر
شكرا لمروركم ولكم التحايا جميعا

ســلام يا جلال و بقية الشباب و رمضان كريم


حكاية البنات دى من أغرب ما سمعت فى حياتى، وين الأمن البدق فى الناس ده و مستنيين شنو عشان يتحركو؟؟ طالما رجل الشارع البسيط عرف بهذا التدمير المتعمد...

فى رأيى المتواضع أثرياء الحرب و زمن الغفلة لا يحق لهم إخراج أموال الشعب، خليهم يعملوا الدايرنو داخل البلد، فى النهاية قروش الشعب و لابد أن تفيد البلد..

لكن أن تخرج هذه المافيات لتلعب دور المستثمر الأجنبى فى مكان آخر، فهذا ذبح لشعب السودان...