غدا محاكمتي بمحكمة جنايات القضارف

غدا الثلاثاء 26/7/2011 الساعة 9 صباحا تبدأ محاكمتي بمحكمة القضارف الجنائية في قضية نشر ، كنت قد نشرت وثائق الفساد الإداري بجامعة القضارف بموقع سودانيزاونلاين المعتدى عليه الآن ، وقد قامت جامعة القضارف التي تتسم بالفساد الإداري بفتح بلاغ في شخصي رقمه 1809 بالمواد 55 تشهير ، 159 إشانة سمعة ، 166 انتهاك خصوصية .
ونحن لا زلنا ننادي أنهم فاسدون

أفتح زنازينك أهو بنفتح صدورا ما بتكوس الرحمة تب ..
ما فينا مرقاً فيهو سوس ..
بل فينا عرقاً من جذور الشعب عشقاً لا يُداس ..
نحن بندوس على كل من عايز يدوس !

التحية لك

من يحاكم من؟!!

وربنا ينصرك ياجعفر

Quote: أفتح زنازينك أهو بنفتح صدورا ما بتكوس الرحمة تب .. ما فينا مرقاً فيهو سوس .. بل فينا عرقاً من جذور الشعب عشقاً لا يُداس .. نحن بندوس على كل من عايز يدوس !

التحية لك أيها المناضل الصلب.

وتأكد إنك لست وحيدا.

ومزيدا من كشف فساد سلطة الفساد.

سلام لكل المتداخلين ..

و أسال الله تعالى أن يحق الحق و يزهق الباطل ..

و يا أخي جعفر هي نصيحة إن شئت أخذتها و إن لم تشأ فأتركها ..

بإختصار .. ( لو ما بتعرف ما تغرف ) ..

Quote: بإختصار .. ( لو ما بتعرف ما تغرف ) ..

عصام دهب،

أخرج منها، فإنك لا تليق بهذا المقام.

التحية لك

من يحاكم من؟!!

وربنا ينصرك ياجعفر

جعفر خضر

Quote: ونحن لا زلنا ننادي أنهم فاسدون

ربنا ينصرك ياخ









--------

يا عصام يا حبيب
اهو الزول بعضمة كيبورديهو - وهو ناقل الخبر - باكد ليك انو مصر على اقواله
يكون بعرف و لّّ بغرف ساي!؟


تحياتي

Quote: من يحاكم من؟!! وربنا ينصرك ياجعفر

آمين
شكرا أختي مهيرة
ومنصرين بإذن الله

يا حامد بدوي ..
قلت لي ..

Quote: أخرج منها، فإنك لا تليق بهذا المقام.

فأتمنى يا من ترى نفسك لائقاً بهذا المقام أن تبقى قدرو ..
و أن لا يكون كلامك جعجعة أفي الفاضي و عنتريات فارغة ..
لكني واثق من أنك لن تفعل شيئاً غير أن تلوح بسيفك الاسفيري حالة كونك مفنجطاً في ساحة كيبوردك يابتاع هذا المقام . ..

العار لازيال الكيزان في المنبر و كمان العار لي سماسرة التعليم العالي في السودان وفي ماليزيا كمان


و النصر للشرفاء

لندع القانون يقول رايه ..................

وسبق ان ذكرنا بانه اذا وددت ان تفتح موضوعا ما وبه اتهام وقذف

يجب ان تكون الدلائل موثقة ومتوفرة

او تتحمل نتائج ما تكتبه ...

ونتمنى من الاخوة سماع النصائح لان الدين النصيحة .....

قيقراوي يا حبيب

تحياتي و أحترامي ..

Quote: اهو الزول بعضمة كيبورديهو - وهو ناقل الخبر - باكد ليك انو مصر على اقواله يكون بعرف و لّّ بغرف ساي!؟

يا قيقا ليس كل ما يعرف يقال ..

و أنا تعاملت و لا زلت أتعامل مع موضوع إتهام الأخ / جعفر من ناحية قانونية بحتة ..

و عموماً أساله الله تعالى أن يحق الحق و يرنا هو حقاً و يرزقنا إتباعه ..

الأخ / جعفر

أنا لا اتكلم عن الفساد في الجامعة كما أوردت.

أنا أتكلم عن جزئية اخرى وهي مسالة التشهير.

أسوأ ما في قضيتك أنك خليت البنت واهلها (فُرجة للغاشي والماشي)..

وكان الأولى بك أن تحجب اسمها، طالما كنت تعتقد أن هذا فساد

من أخلاقيات النشر، أن الصحف في مثل هذه الحالات يكتبون عبارة
مثل: (وتحتفظ الصحيفة باسم صاحب الشأن) أو حتى غيرها من العبارات.

أي واحد يمر من هنا، أو حتى أنت.. خليهو يتصور أنه أخ لهذه البنت أو والدها..

انصف يا جعفر وانتصر من نفسك.. حتى ينصفك الله امام من يحاكمونك

نهايتو.. ربنا يفرّج عنك، ويجيب العواقب سليمة

تحياتي

Quote: تبدأ محاكمتي بمحكمة القضارف الجنائية في قضية نشر ،

جنايات شنو يا زول؟ انت متهم بارتكاب "جناية" لا سمح الله؟

قضايا النشر دي مش مفروض تنظر فيها المحكمة الخاصة للصحافة والمطبوعات؟

ولاّ كيف؟







... المهم .....

طالما ان الامر امام القضاء
فلننتظر ..

الأخ جعفر
تحياتي الحارة ولناس القضارف
ما زلت أذكر.. فأنت شخص جدير بالمعرفة والتذكر
طبعا عندك محامي:
الأسئلة المهمة:
هل ما نشرت وثائق حقيقية؟ وما أورد من تهم حقيقية؟
هذا هو السؤال الأول الذي تطلب من المحكمة أن تجيب عليه وفقا لوثائقك
السؤال الثاني:
هل النشر يمثل مصلحة عامة وهل تلك المصلحة تعلو على المصالح الخاصة في عدم النشر؟
الحجة الأساسية أن الجامعة مؤسسة عامة أخبارها وأموالها وإدارتها بشكل كفؤ يهم عامة الناس وبالتالي أي معلومات نشرتها في تلك الوجهة تهم الناس وهي أمر عام. يمكن أن تستشهد بأقوال قادة المؤتمر الوطني: أن من يعرف فسادا فلينشر وثائقه، ستجد أحاديث كثيرة في الصحف خاصة من أحمد إبراهيم الطاهر ومصطفي عثمان وغندور.
المسألة الأخيرة حول الحق الدستوري في التعبير ونشر المعلومات.
كن مستعدا لسؤال من المحكمة لماذا لم تقدم ما لديك من وثائق للبوليس او السلطات؟

واضافة لما قاله الاستاذ صدقي كبلو ايضا هل ذكرت اسماء محددة في قضيتك؟ ان كانت الاجابة نعم، فما هي دفوعاتك القانونية حيال ذكر الاسماء في قضايا راي عام؟ كما اقترح عليك عدم اطلاق التصريحات والقصائد الثورية جزافا وانت علي باب محكمة ربما ترتد عليك ويستخدمها المدعي العام ضدك، وما ضاع حق وراءه مطالب.

اخي جعفر ..

كل التضامن معك وليتني كنت قريباً منك لاساندك في ماوجه اليك من تهم نتمني ان لا تطالك ..

ولا للفساد بكل اشكالة ..

وان امكن ارسال رقمك الي قبل الغد .. وستجد رقم جوالي بالبروفائل ..



مع ودي
واحترامي

حملة جنيه امل هباني .. من أجل حرية الصحافة!

اللهم انصر جعفر خضر على الحق
ونحن معك الى كلمة الحق
وانهم فاسدون ومفسدون
لاخير في الظلمة الذين دنسوا اسم السودان

اللهم انصر جعفر خضر على الحق
ونحن معك الى كلمة الحق
وانهم فاسدون ومفسدون
لاخير في الظلمة الذين دنسوا اسم السودان

Quote: سلام لكل المتداخلين .. و أسال الله تعالى أن يحق الحق و يزهق الباطل .. و يا أخي جعفر هي نصيحة إن شئت أخذتها و إن لم تشأ فأتركها .. بإختصار .. ( لو ما بتعرف ما تغرف ) ((و أنا تعاملت و لا زلت أتعامل مع موضوع إتهام الأخ / جعفر من ناحية قانونية بحتة ..)) ..

سلام دهب
ليتك إستخدمت لغة القانون وفندت الأدلة والبراهين والحجج حتى نتبين الموقف الصحيح
ونستفيد من خبرتكم القانونية فأرجو أن تدلوا بدلوك فى المستندات وما تحتويه ونعرف
وجهة نظرك فنحدد إن كان جعفر غرف من غير معرفة أم غرف بعد تمحيص وتدقيق ودراسة متأنية
ومشاورات (ما خاب من استشار)
كلامك موجه لجعفر وأنا تدخلت فى الأمر من أجل إنتزاع معلومات قانونية من إنسان ضليع ومتبحر
فى عالم القانون ولك مطلق الحرية فى الإستجابة أو الرفض . رمضان كريم

Quote: بل فينا عرقاً من جذور الشعب عشقاً لا يُداس ..

تعرية هولاء الفاسدين ..واجب كل الشرفاء
كامل التضامن يا صديقى
العار والخزى لهولاء ..الفاسدين السفلة

كن بخير يا صديقى.....

ماشين فى السكة نمد لكشف كل فاسد فاجر

صديقي جعفر .. لك التحية و الاحترام
وكامل تضامني معك

وطالما انت مع الحق فلن يستطيعو ادانتك
هؤلاء فاقدين للشرعية ولا يحق لهم محاكمتك.
اعمالهم الاجرامية معروفة في القضارف
قبل كل شيء ينبغي محاكمتهم لاغلاقهم منتداكم
منتدي الشروق بالقضارف ..وكذلك لابد من محاكمة
المفسدين الحقيقيين بجامعة القضارف
ومحاكمة من تسبب في قطع ماء الشرب لشهور
عن الاطفال و العجزة و النساء بالقضارف

!!

لكم الشكر جميعا على شعوركم النبيل
آميييييييييييييييين لكل دعواتم الصادقات


وأعلمكم أننا كنا هناك في المكان والزمان المحددين
وأنه قد تم تأجيل الجلسة إلى يوم 11أغسطس
بناء على طلب ممثل جامعة القضارف الذي قال أن المستشار القانوني للجامعة غائب في مهمة تخص الجامعة
ووافق القاضي على التأجيل

ولا زلنا نؤكد أنهم فاسدون

تعال انت وكل الشرفاء واكتب عن الفساد

http://www.facebook.com/groups/185316181531384[/B][/red]

كل التضامن معك يا جعفر ضد عصابة الخرطوم المجرمة

المنبر به صفحة واحدة اغرب حاجه قالو في الصيانة ؟؟


اهو ايضا الهكر يا تري؟؟

إنها محاكمة للفكر

وحجر لحرية الفكر والإبداع


كيف ينسى من يحاكمك أنه طوال التاريخ

كان من يحاكم الفكر هو الخاسر


التحية لك

والتحية لمنتدى شروق

والتحية لمثقفي القضارف الحبيبية


الباقر موسى

غدا الخميس 11/8/2011 الساعة 9 صباحا المحكمة

بالجد الانقاذ اصابتكم في اعز ما يجب ان تملكونه


الصدق والامانة وقول الحق..


اتمنى في الغد تجد الجزاء الذي تستحقه في نشرك لملف خاص وتشهيرك بطالبة بدون وجه حق
وبدون اثبات اي فساد غير ان الملفات السرية في السودان ممكن تسرب.
وتتحول الى اشانة سمعة بالباطل..


العزاء الوحيد ان ضحيتك قدرت تتغلب على الصعاب وتستمر في نفس الجامعة وستتخرج قريبا باذن الله
وتعمل طبيبة ..لها التحية والتقدير

ولك العار والشنار يا مدعي البطولات الوهم

Quote: بالجد الانقاذ اصابتكم في اعز ما يجب ان تملكونه الصدق والامانة وقول الحق.. اتمنى في الغد تجد الجزاء الذي تستحقه في نشرك لملف خاص وتشهيرك بطالبة بدون وجه حق وبدون اثبات اي فساد غير ان الملفات السرية في السودان ممكن تسرب. وتتحول الى اشانة سمعة بالباطل.. العزاء الوحيد ان ضحيتك قدرت تتغلب على الصعاب وتستمر في نفس الجامعة وستتخرج قريبا باذن الله وتعمل طبيبة ..لها التحية والتقدير ولك العار والشنار يا مدعي البطولات الوهم

يا دكتورة رمضانك كريم
طبعا بحب أستفيد من الدرر التى تنفثينها لما تحتويه من نصائح وإرشادات وحكم ولكنك تبخلين علينا نحن ذوى الفهم المحدود فى إستيعاب وهضم ما يجود به يراعك فتستخدمين عبارات مبهمة غير مفهومة ممايحول دون الرد مباشرة ومحاولة إستيضاحك لنفهم ماترمين إليه .
1/عبارة(بالجد الإنقاذ أصابتكم فى أعز مايجب ان تملكونه الصدق والامانة وقول الحق)
لم أفهم ما ترمين اليه فهل تقصدين أن أهل الإنقاذ بفسادهم وكذبهم وتضليلهم ونفاقهم كان لهم القدح المعلى فى تفشى الفساد بين عامة الشعب أم تقصدين شيئاآخر
2/(الإنقاذ -- أصابتكم -الأمانة-أعز---أن) إستخدمى الهمزات حتى يرتاح سيبويه فى قبره.
3/تمتلكونه وليس تملكونه لأن الأولى(HAS) يمتلك الشجاعة الصدق الخ بينما الثانية(OWN) بتاعة الكيزان يملك قصر مزرعة .
4/(الصدق والأمانة وقول الحق) الصدق هو قول الحق أم لديك معنى آخر للصدق
العبارة الثانية التى تبدأ ب(أتمنى فى الغد.............................وتنتهى ب إشانة سمعة بالباطل)
أقول لك تأنى وما تستعجلى وأتركى القضاء يقول كلمته وبعد ذلك أفتحى بوست بالخصوص
بقية العبارة (غير أن الملفات) غير مفهومة ومقحمة إقحام فى العبارة فمن يقرأ لا يفهم ما ترمين اليه
العبارة الأخيرة (ولك العار والشنار يا مدعى البطولات الوهم) كيف يعنى البطولات الوهم الصحيح البطولات الوهمية
معذورة الدنيا صيام وكده
ربنا يقويك يا نصيرة المرأة ونصيرة الحق سيرى وعين الله ترعاك

Quote: بالجد الانقاذ اصابتكم في اعز ما يجب ان تملكونه الصدق والامانة وقول الحق..

يا دكتورة دعواتك بس داير أزرع لى عشرين ساعة كده فتريتة وسمسم
لو الله وفق وضربت الزراعة أوعدك أحاول إشترى كمية معتبرة من (الصدق والأمانة وقول الحق )
بس الواحد خايف من البضاعة المضروبة لان جماعتك ديل ما بيتوصوا فى الحاجات دى عشان كده
شوفى لى الأسعار عندكم كيف ممكن الواحد لو الله سهل يشترى من عندكم.

سأظل مسانداً لك والتحية والقومة ليك ياجعفر ........
ولو كانو يحاكمون علي قضية النشر لحاكمو عثمان ميرغني ولكن الفرق ان عثمان ميرغني يطرح بديله ازاحة الفاسدين مع ابقاء نمهج الفساد سائد........
بيدا انك تطرح الحل الشامل......
النصر حليفك ولك كامل التضامن

اركز يا جعفر

اركز

Quote: إستخدمى الهمزات حتى يرتاح سيبويه فى قبره.

انت استخدم الاخلاق القويمة حتى يرتاح موحمد احمد

الموضوع اصلو ما لغة الموضوع موضوع انه زول يرتكب جريمة في حق اسرة والتاس تطبل ليه..
في غياب الابطال يتحول المجرم الى بطل في السودان

Quote: سأظل مسانداً لك والتحية والقومة ليك ياجعفر ........ ولو كانو يحاكمون علي قضية النشر لحاكمو عثمان ميرغني ولكن الفرق ان عثمان ميرغني يطرح بديله ازاحة الفاسدين مع ابقاء نمهج الفساد سائد........ بيدا انك تطرح الحل الشامل...... النصر حليفك ولك كامل التضامن

القومة ليك يا جعفر، ومتصر باذن الله وان اداونك

ادانة قضائهم وسام شرف على صدور المناضلين

سنكون متابعين

Quote: اركز يا جعفر اركز

؟؟؟؟؟؟؟؟؟؟؟؟؟؟؟؟؟؟؟

معك بقلوبنا والدعوات

كلنا معك يا جعفر

معك بقلوبنا والدعوات

Quote: التحية لك من يحاكم من؟!! وربنا ينصرك ياجعفر

الصديق العزيز ... جعفر خضر

تسلم يابا من كل مكروه,

هي محكمة كيدية فيما أعتقد,
ولأسباب أظنها سياسية وعلى خلفيات
الصراع حول منتدي شروق, وحول محاصرة
الأقلام والأصوات التي تذهب غير مذهب
العصبة المتنفذة.

لكن جعفر أقوى مما يتصورون, وأصدق
مما يهرفون, وأعلن مما يستخبئون.
لهذا لا أبحث له عن براءة وحسب,
بل وتقييد إنتصار كامل لحرية
الرأي والبحث ولشرعنة محاربة
الفساد وتثبيت أركان الشفافية.
فما إعتل وطننا وما تعثر مسيرنا
إلا والظلم والفساد هما السبب.

فأرفع صوتك عاليا, يا جعفرنا المنصور
بإذنه, وبإرادة الملايين الباحثة عن
العدل. تسلل بثقة وثبات من قفص
الإتهام إلى وثير القاضي, ألبس القفطان
الأسود الهزاز ... وفخم صوتك وأمعن النظر
على متسع القاعة... حاكمهم يا جعفر, ومعك
كل شواهد العصر ووثائق الجريمة وملايين
الشهود... فأنت اليوم دالة عزنا الجهيد
ودلالة طريقنا المديد ... إلى آفاق أرحب
ونظام أعدل وعيش أكرم.

... حياك الغمام

Quote: هي محكمة كيدية فيما أعتقد, ولأسباب أظنها سياسية وعلى خلفيات الصراع حول منتدي شروق, وحول محاصرة الأقلام والأصوات التي تذهب غير مذهب العصبة المتنفذة.

ابدا ابدا لا كيدية ولا سياسية
الزول دا نشر ملف طالبة واتهم ادارة جامعة بالفساد ورفعوا عليه قضية في محكمة عادية

لخطبة المواضيع دي الخلت الناس تضحك على هذا المنبر


لا الهتافات ولا الحلاقيم حتغير هذه القضية من انها قضية جنائية لاشانة السمعة وسرقة ملف سري

بالله ما تخلقوا لينا ابطال كرتون

اتمنى اي زول بفتكر انه القضية دي سياسية يقرا البوست الاول ويحدد هو وضمبرو


لا دخل لادارة جامعة القضارف والطالبة الضحية اي علاقة بنتدى الشرق..

وهذا الشخص لعب مخلب القط لشخص موتور

والان سيدفع الثمن
اشانة السمعة لمواطنة سودانية ما قضية سياسية
ياناس اعدلو بالله

http://174.36.244.211/cgi-bin/sdb/2bb.cgi?seq...453378&func=flatview

البوست الاصلي يا الشايلين قفة النضال الوهم


ربط هذه الحادثة بمنتدى الشروق ستقتل المنتدى

حيث هذا العضو لم يشن سمعة ادارة جامعة القضارف والطالبة ولم ينشر ملف سري ومسروق
باسم نادي الشروق
افرزو بالله

دكتور ياسر مكاوي يلخص القضية لمن عايز يفهم الحاصل شنو

Quote: بعد التحيه : و مع إحترامي لك - لكن أتمنى ان تجد مجالس المدينه موضوعا اهم من بنت مدير جامعه القضارف لتتناقله . الموضوع في شكله العام إستهداف شخصي لمدير جامعه القضارف بدليل خروج كل وثائق الطالبه للعلن بهذا الشكل أشعر بالأسى للطالبه لان خصوصياتها نشرت للعلن بهذا الشكل - فالنتيجه وتفاصيلها امر شخصي -و طلب التحويل والأسباب المذكوره فيه امر شخصي ايضا. تعامل جامعه القضارف ف متهى الرسميه كما وضح في الخطاب الركيك المدرج اعلاه فالجامعه طالبت بأعاده كورسات واعفتها من كورس سبق أن اخذته وهو امر إعتيادي في الجامعات التي تعمل بنظام الكورس الطالبه كما يبدو من نتائجها جيده عموما لها بعض العثرات قد تكون مبرره بالأسباب التي ذكرتها في أسباب التحويل . أخيرا كامل تضامني مع الطالبه تسنيم و أتمنى لها التوفيق في مستقبلها

Quote: لخطبة المواضيع دي الخلت الناس تضحك على هذا المنبر

لا يوجد مايثير الضحك فى البوست ومن هؤلاء الذين ضحكوا وعلى أى شئ ولا نقول(شر البليةما يضحك)
أيه المقصود ب لخطبة بحثت فى كل القواميس فلم أجد لها معنى أرجو التوضيح

Quote: انها قضية جنائية لاشانة السمعة وسرقة ملف سري

يا دكتورة الدعوى مدنية وليست جنائية وشتان ما بين الدعويين
ومين اللى قالك أن هنالك بلاغ حول سرقة ملف سرى البلاغ حول إنتهاك الخصوصية
وهو يعنى( الإطّلاع على خصوصيات الآخرين دون علمهم أو إذن منهم) وشتان مابين سرقة ملف سرى وإنتهاك الخصوصية

Quote: بالله ما تخلقوا لينا ابطال كرتون

دى على نسق أفلام كرتون ولا شنو ؟

Quote: علاقة بنتدى الشرق

إستحلفك بالله أفرزى الكلام ثم بعد ذلك أتحفينا بتعليقاتك أيه قصدك من (بنتدى الشرق )
الناس بتتكلم عن منتدى إسمه شروق وليس عن بنتدى الشرق

Quote: مخلب القط

العبارة دى كررتيها كثيرا مع أختها(
اعمى ومسكوا كيبورد) حتى صارت ممجوجة خايف القط ده يشكيك لرب العباد يوم لا ينفع مال ولا بنون

Quote: ياناس اعدلو بالله

اعدلوا وليس اعدلو(كتبتها فى البداية أعدلوا(همزة على الألف) فصححنى العوض فله الشكر والعرفان)
سيبويه أيضا سيشكيك لأنك عذبتيه كثيرا فى قبره

Quote: يا دكتورة الدعوى مدنية وليست جنائية وشتان ما بين الدعويين ومين اللى قالك أن هنالك بلاغ حول سرقة ملف سرى البلاغ حول إنهاك الخصوصية وهو يعنى(هو الإطّلاع على خصوصيات الآخرين دون علمهم أو إذن منهم) وشتان مابين سرقة ملف سرى وإنهاك الخصوصية

يا نجبض ما تعذبنا بالله

اخوك القال جنايات عديل كدا
وذي ما قلت ليك صحح الاخلاق الاهم بكتير جدا من الكتابة
صحح المواقف الظالمة وااشانة سمعة الناس بالباطل ودي الاهم
خلى اخوك يجي يعتذر هنا على ما اقترفه في حق مواطنة سودانية

ادينا النجيضة نعل المحكمة ما اتأجلت تاني؟؟

استلام المسروقات جريمة ولا كيف؟

Quote: اخوك القال جنايات عديل كدا

يا دكتورة ما قلت لك ما تستعجلى حاولى إستيعاب المكتوب ثم علقى

جعفر تحدث عن محكمة جنائية
وأنا تحدثت عن دعوى مدنية
وما فى أى علاقة بين العبارتين

يا دكتورة إشانة السمعة وما شابهها هذه دعوى مدنية
وليست جنائية ولم أتحدث عن المحكمة التى تنظرها
راجعى كلامى بدقة وراجعى ما قاله جعفر حتى تتبينى الأمر
ورمضان كريم

Quote: ادينا النجيضة نعل المحكمة ما اتأجلت تاني؟؟

يا دكتورة القضية فى يد السلطة العدلية وتحتاج لنار هادئة حتى تنضج فلا تستعجلى
ولا يحق لنا الخوض فى مجرياتها حاليا فتأنى دكتورتنا المبجلة ففى العجلة الندامة

Quote: وذي ما قلت ليك صحح الاخلاق الاهم بكتير جدا من الكتابة صحح المواقف الظالمة وااشانة سمعة الناس بالباطل ودي الاهم خلى اخوك يجي يعتذر هنا على ما اقترفه في حق مواطنة سودانية

يا دكتورة أحرد الرد عليك ولا شنو أنا أرد عليك ولا أصحح

(صحح الأخلاق الأهم بكثير جدا من الكتابة) عبارة مبهمة وغير مفهومة
كانت يجب أن تكون
(تصحيح الأخلاق أهم كثيرا من الكتابة )

Quote: استلام المسروقات جريمة ولا كيف؟

نقول تور تقول احلبوا

Quote: من يريد الحفاظ على خصوصياته عليه احترام القانون وعدم محاولة تجاوزه ( مجرد المحاولة في تجاوز القانون تعطي الحق في النشر ). لهذا السبب كانت الصحافة سلطة رابعة ، اي محاولة فساد ايا كان نوعه وللمرة الثانية مجرد المحاولة تعطي الحق بالنشر ، عن اي خصوصية تتحدثون ، هذا شأن عام وليس خاص ، الفساد شأن عام ، ومدير الجامعة شخصية عامة ويفترض انها مؤثرة وعليه ان ينأى بنفسه عن اي شبهات اذا كان يريد الحفاظ على سمعته واحترام خصوصيته . ما ذا يتبقى لنا عندما يسود الفساد كل قطاعات الدولة وبالاخص التعليم ؟؟ الفساد اصبح القاعدة في السودان و ما سواه استثناء عابر . اوافق الاخ مزمل على تحري الدقة في النقل ، لكن عندما توجد مستندات لا بد من نشرها وفضح كل من تورطوا في اعمال فساد فصاحب البوست لم يتحدث عن سلوك شخصي يخص طالبة جامعية او شئون عائلية حتى نتحدث عن الخصوصية .

ربنا ينصرك ياجعفر ..

المدقق اللغوي
الكلام على الاخلاق البتسمح لزول يشين سمعة بنت سودانية بحجة القضاء على الفساد

ويا عزيزي القارئ الجامعة قامت بواجيها كاملا دون محاباة
وعرضت على الطالبة الرجوع سنة كاملة وقد قامت الطالبة بالرجوع الى جامعتها

وهي الان على اعتاب التخرج كما ذكرنا

الهرجلة الحاصلة دي عزيزي القارئ لانه في ناس مرضانة نضال وكدا

عايزة تتاجر بالام وعثرات الناس وتوصفها بالقضاء على الفساد


الكيزان ديل حيقعدو هنا مليون سنة الى ان نقدر نميز بين شيل الحال النضال
وانعم بطول سلامة يا مربع

Quote: أعدلوا وليس اعدلو

بل هي اعدلوا بهمزة وصل و ليس أعدلوا.
سلام لصاحب البوست و ضيوفه و نسأل الله أن تكون محاكمة عادلة و يأخذ كل ذي حق حقه.

احسن من قال :

Quote:

Quote: من يريد الحفاظ على خصوصياته عليه احترام القانون وعدم محاولة تجاوزه ( مجرد المحاولة في تجاوز القانون تعطي الحق في النشر ). لهذا السبب كانت الصحافة سلطة رابعة ، اي محاولة فساد ايا كان نوعه وللمرة الثانية مجرد المحاولة تعطي الحق بالنشر ، عن اي خصوصية تتحدثون ، هذا شأن عام وليس خاص ، الفساد شأن عام ، ومدير الجامعة شخصية عامة ويفترض انها مؤثرة وعليه ان ينأى بنفسه عن اي شبهات اذا كان يريد الحفاظ على سمعته واحترام خصوصيته . ما ذا يتبقى لنا عندما يسود الفساد كل قطاعات الدولة وبالاخص التعليم ؟؟ الفساد اصبح القاعدة في السودان و ما سواه استثناء عابر . اوافق الاخ مزمل على تحري الدقة في النقل ، لكن عندما توجد مستندات لا بد من نشرها وفضح كل من تورطوا في اعمال فساد فصاحب البوست لم يتحدث عن سلوك شخصي يخص طالبة جامعية او شئون عائلية حتى نتحدث عن الخصوصية .

Quote: بل هي اعدلوا بهمزة وصل و ليس أعدلوا. سلام لصاحب البوست و ضيوفه و نسأل الله أن تكون محاكمة عادلة و يأخذ كل ذي حق حقه.

مشكور أخى العوض على التصحيح فهى فعل أمر ثلاثى والصحيح (اعدلوا)

Quote: المدقق اللغوي الكلام على الاخلاق البتسمح لزول يشين سمعة بنت سودانية بحجة القضاء على الفساد ويا عزيزي القارئ الجامعة قامت بواجيها كاملا دون محاباة وعرضت على الطالبة الرجوع سنة كاملة وقد قامت الطالبة بالرجوع الى جامعتها وهي الان على اعتاب التخرج كما ذكرنا الهرجلة الحاصلة دي عزيزي القارئ لانه في ناس مرضانة نضال وكدا عايزة تتاجر بالام وعثرات الناس وتوصفها بالقضاء على الفساد الكيزان ديل حيقعدو هنا مليون سنة الى ان نقدر نميز بين شيل الحال النضال وانعم بطول سلامة يا مربع

Quote: ويا عزيزي القارئ الجامعة قامت بواجيها كاملا دون محاباة

إشرحى لنا يا دكتورة الواجب الذى قامت به الجامعة دون محاباة تجاه الطالبة حتى يفهم القارئ .

Quote: وعرضت على الطالبة الرجوع سنة كاملة وقد قامت الطالبة بالرجوع الى جامعتها

نفهم شنو من كلامك ده وماذا تقصدين بالرجوع سنة كاملة ؟ والرجوع الى جامعتها ياتو جامعة سنار ولا القضارف
أرجو الشرح حتى نستوعب ما ترمين اليه .

Quote: الهرجلة الحاصلة دي عزيزي القارئ لانه في ناس مرضانة نضال وكدا عايزة تتاجر بالام وعثرات الناس وتوصفها بالقضاء على الفساد

يا دكتورة جعفر موجود داخل السودان وحصل على مستندات ونشرها على مسؤوليته ومقتنع تماما بما تحتويه
فهل أنت مشككة فى صحة المستندات أم ماذا؟ سألتك هذا السؤال من قبل ولم تتكرمى علينا بالإجابة وأكرر ثانية
رأيك أيه فى المستندات المقدمة وبالمعلومات التى تحتويها أم إعتراضك منصب على تسريبها لا على صحتها .
ورأيك شنو فى مدير هيئة الحج والعمرة أحمد عبدالله ونشر فساده على الملأ نتيجة تسريب مستندات من داخل الهيئة
برضو بتعتبريها سرقة وكذلك الحرب التى يخوضها الصحفى الهمام الطاهر ساتى فى الكشف عن الفساد برضو عن طريق
المستندات التى تسرب اليه منتظرين إجاباتك على التساؤلات على أحر من الجمر وليكن القارئ الكريم حكما على ما
تتحفينا به من توضيحات.

ما تلف ولا تدور

اولا ذي ما قلت في البوست الاصلي لدي خبرة ممتازة في مواضيع التحويل من جامعة الى اخرى


الطريقة التي قامت جامعة القضارف بها في تقويم شهادة الطالبة لعمل التحويل
معمول بها في كل العالم حيث تحسب مواد وتنقل مواد وتسقط مواد وتضاف مواد

من ناحية اجرائية موقف جامعة القضارف سلييم مية المية
الخطا الوحيد الذي قامت به جامعة القضارف انها لم تستطع حماية الملف السري للطالبة
وسرقه شخص في الادارة يجب البحث عنه ومحاكمته قانونيا ومحاسبته اداريا وفصله من الخدمة
كما يجب سؤال من نشره هنا عن كيف آل اليه الملف وعلى القاضي اذا رفض ان يحضر
من اعطاه له ان يسجنه حتى يحضر من سربه لانه هذه جريمة كبيرة

ليه انا مهتمة بالموضوع دا جدا
لانه انا كمعارضة للمعارضة ومناضلة مضادة ارى من واجبي ان اكتب وفي هذا الموضوع واتابعه
لانه ما كتب ونشر هنا هو آفة المعارضة ونريد معارضة محترمة تستخدم اساليب قانونية

ولاسباب اخلاقية من اجل الطالبة التي فجأة وجدت اخص خصوصياتها منشورة
في مكان عام وقد تم استخدامها للنيل من والدها ومن فعل ذلك مفتكر انه كدا بناضل في الانقاذ والفساد
وهو لا يعرف ان ما فعله فساد واكبر فساد.ز
ومن اجل اسباب عاطفية
حيث بناتي في سن هذه الطالبة واعرف كيف ستكون موجوعة لما حدث لها وهي في محنة
وكيف ان نتائجها الاكاديمية نشرت هنا بدون وجه حق تسقط وتنجح هذه بينها وبين الجامعة
في البلاد التي تحترم التعليم والانسان لا يمكن اعطا نتيجة اي طالب الى اي شخص آخر
حتى رسالتها التي كتبتها وبها خصوصيات نشرت هنا في محاربة الفساد قال

ما حدث سيخلف لهذه البنت جرح لن يندمل الى الابد
كلنا المفروض نقيف ضده ا حتى لا يتكرر باسم النضال لك انت شخصيا عزيزي القارئ لا يوجد شخص معصوم من المناضلين
هؤلاء الجهال يجب ايقافهم برفض مثل هذه السلوكيات التي لا تمت الى الاخلاق ولا الى حفظ الحقوق بصلة
واشانة السمعة والتشهير جريمة كبيرة جدا لانها تقتل الروح المعنوية للانسان

اثبت الناس هناانه عندهم مكيالين
حينما نشرت اوراق صفية جن جنون البورد حينمانشرت اوراق تسنيم

صمت الناس الا قلة والبعض رأى انه لا تثريب على والتشهير بتسنيم ونشر خصوصياتها
وبيشجع في نشر الملف والله معاك وشنو
الله بقيف مع المظلوم فقط موش الظالم
وفي الحالة دي الله مع تسنيم وسينصرها على من ظلمها وشهر بها بدون وجه حق
وسيرد كيده في نحره باذن الله تعالى

أجمل ما قرأت من معاني ( من أراد أن يصون ويحفظ خصوصياته وينأى بها عن القيل والقال - فعليه التمشي والالتزام والتقييد التام بالقوانين مهما كان مصدرها مؤسسة تعليمية خلوة قرانية بنك عمال وزارة ألخ ...) ... نساءل الله أن يحفظ المتبقي من شتات الوطن من فتن وشرور الكيزان وأذيالهم .. يعني هل ستحظى أبنة (مسكين فقير) من قرى الجزيرة أو القضارف مهما كانت نسبتها بنفس معاملة هذه الطالبة أبنة الدكتور منو ماعارف؟ وهل ستقبل أبتداء في كلية الطب برغم حصولها على نفس درجات هذه ؟ أرحمونا ياعالم مين يحاكم مين ؟
رمضان كريم ...
الشفيع إبراهيم

Quote: أجمل ما قرأت من معاني ( من أراد أن يصون ويحفظ خصوصياته وينأى بها عن القيل والقال - فعليه التمشي والالتزام والتقييد التام بالقوانين مهما كان مصدرها مؤسسة تعليمية خلوة قرانية بنك عمال وزارة ألخ ...) ... نساءل الله أن يحفظ المتبقي من شتات الوطن من فتن وشرور الكيزان وأذيالهم .. يعني هل ستحظى أبنة (مسكين فقير) من قرى الجزيرة أو القضارف مهما كانت نسبتها بنفس معاملة هذه الطالبة أبنة الدكتور منو ماعارف؟ وهل ستقبل أبتداء في كلية الطب برغم حصولها على نفس درجات هذه ؟ أرحمونا ياعالم مين يحاكم مين ؟ رمضان كريم ...

عرضة خارج الدارة
ماخد بالك عزيزي القاري ان الناس دي ممكن تقول اي كلام عايزاه بدون حقائق
علما ان الطالبة وصلت السنة السادسة حينما حدث ما حدث
موش داخلة دابها ولا احقيةاو عدم احقية دخولها لهذه الكلية مطروحة هنا

ولن يحفظ هذا الوطن الا لما تمشي المعارضة والحكومة الى مزبلة التأريخ

ويبقى اي مواطن حقه محفوظ وعرضه محفوظ وسمعته محفوظة
من القبل والقال حق المعارضة..

Quote: ولن يحفظ هذا الوطن الا لما تمشي المعارضة والحكومة الى مزبلة التأريخ

يادكتورة بعضمة كيبوردك ما أعلنت إنضمامك لأهل المشروع الحضارى
حماة الإسلام الأنقياء الأطهار ذو الأيدى المتوضئة صحابة القرن العشرين
فماذا حصل لتقلبى لهم ظهر المجن بهذه السهولة .
انت عارفة لو تحقق هذا الأمر فإن مزبلة التاريخ هى المتضرر الأكبر
فكيف تقبل أمثال هؤلاء داخلها لا أظنها تقبل بوجودهم.

Quote: يادكتورة بعضمة كيبوردك ما أعلنت إنضمامك لأهل المشروع الحضارى حماة الإسلام الأنقياء الأطهار ذو الأيدى المتوضئة صحابة القرن العشرين فماذا حصل لتقلبى لهم ظهر المجن بهذه السهولة . انت عارفة لو تحقق هذا الأمر فإن مزبلة التاريخ هى المتضرر الأكبر فكيف تقبل أمثال هؤلاء داخلها لا أظنها تقبل بوجودهم.

اها قمنا للكضب يبدو انه جينتك عندك

وريني العبارةدي كتبتها وين وكلامك دا من وين ولو ما جبتها تبقى مناضل كذاب

ما تلفح ساي سمح

Quote: ماة الإسلام الأنقياء الأطهار ذو الأيدى المتوضئة صحابة القرن العشرين

مهما كتبت ولفيت ودورت موضوع اخوك غلط كبير منه
واي زول ما يشوف الموضوع دا ظلم على طالبة سودانية يبقى يفتش ضميرو واخلاقو

Quote: Quote: يادكتورة بعضمة كيبوردك ما أعلنت إنضمامك لأهل المشروع الحضارى حماة الإسلام الأنقياء الأطهار ذو الأيدى المتوضئة صحابة القرن العشرين فماذا حصل لتقلبى لهم ظهر المجن بهذه السهولة . انت عارفة لو تحقق هذا الأمر فإن مزبلة التاريخ هى المتضرر الأكبر فكيف تقبل أمثال هؤلاء داخلها لا أظنها تقبل بوجودهم.

يادكتورة رمضان كريم يظهر الصيام أثر فيك مين اللى قال
أنك كتبت العبارات أعلاه دى تخصنى أنا جمال خضر وليس لك علاقة بها
بالمرة أنا نقلت معلومة تخصك من خلال عبارات لجمال خضر
والمعلومة هى إعلان إنضمامك للمؤتمر الوطنى أو ما شابه ذلك
انت جادة ولا بتستهبلى أى شخص يقرأ العبارات يستدل أننى من كتبها
لأنى بدأتها يا دكتورة بعضمة كيبوردك .................الخ

Quote: ما تلف ولا تدور اولا ذي ما قلت في البوست الاصلي لدي خبرة ممتازة في مواضيع التحويل من جامعة الى اخرى

يا دكتورة الدنيا رمضان واللف والدوران بعطش لذلك أتجنبه بقدر الإمكان
طالما عندك هذه الخبرة الطويلة الممتازة فى هذا المجال فحرى بك أن تستخدمى أضعف الإيمان وهو اللسان
واللسان يتطلب وجودك فى المحكمة كشاهدة بما أنك خبيرة فى هذا المجال الشائك فحاولى الإتصال بالمستشار
القانونى للجامعة من أجل هذا الأمر وتضربى عصفورين بحجر منها نصرة مظلوم فى الشهر الفضيل ومنها زيارة الأهل.
ثانيا أتمنى أن لا تبخلى عليناببحر علمك الذاخر هذا وتتحفينا ببوست عن الشؤون الأكاديمية فى الجامعات حتى نمحى أميتنا
فى هذا الجانب .

Quote: الطريقة التي قامت جامعة القضارف بها في تقويم شهادة الطالبة لعمل التحويل معمول بها في كل العالم حيث تحسب مواد وتنقل مواد وتسقط مواد وتضاف مواد

الكلام المعمم ما بينفع (تحسب مواد وتنقل مواد وتسقط مواد وتضاف مواد)
هذه العبارات الفضفاضة والمعممة لا تقنع أحدا وممكن أى زول يرص ليهو عبارات ذى دى أحضرى لنا اللوائح التى تنص على ما ذكرتيه واشرحى لنا بإسهاب حتى نرتشف من رحيق خبرتك الممتازة
ينالك ثواب فى هذا الشهر الفضيل ويكون صدقة جارية لك لأن ما نستفيده منك ننقله للآخرين.

Quote: وسرقه شخص في الادارة يجب البحث عنه ومحاكمته قانونيا ومحاسبته اداريا وفصله من الخدمة كما يجب سؤال من نشره هنا عن كيف آل اليه الملف وعلى القاضي اذا رفض ان يحضر من اعطاه له ان يسجنه حتى يحضر من سربه لانه هذه جريمة كبيرة

يا دكتورة رمضانك كريم ألم تذكرى فى البوست الأصلى أن هنالك شخص يكيد للمدير هو الذى أخذ الورق وسلمه لإبنته وقامت إبنته بدورها بتسليم الورق
لجعفر فكيف يبحثون عنه وأنت حسب روايتك تدركين من هو وغرضه من فعل ذلك العمل فأرجو أن توضحى لنا مقصدك حتى يستفيد القارئ.
(قلت لى القاضى يسجنه حتى يأتى بمن سرب له الورق) قوانين دولة الواق الواق دى لميتى فيها وين حاولى إستشارة القانونيين الرساليين بالمنبر قبل أن ترجمينا بهذه الترهات .
رمضانك كريم وتفطرى وتصومى على خير

معك....ضد الفساد والمفسدين....

Quote: uote: من يريد الحفاظ على خصوصياته عليه احترام القانون وعدم محاولة تجاوزه ( مجرد المحاولة في تجاوز القانون تعطي الحق في النشر ). لهذا السبب كانت الصحافة سلطة رابعة ، اي محاولة فساد ايا كان نوعه وللمرة الثانية مجرد المحاولة تعطي الحق بالنشر ، عن اي خصوصية تتحدثون ، هذا شأن عام وليس خاص ، الفساد شأن عام ، ومدير الجامعة شخصية عامة ويفترض انها مؤثرة وعليه ان ينأى بنفسه عن اي شبهات اذا كان يريد الحفاظ على سمعته واحترام خصوصيته . ما ذا يتبقى لنا عندما يسود الفساد كل قطاعات الدولة وبالاخص التعليم ؟؟ الفساد اصبح القاعدة في السودان و ما سواه استثناء عابر . اوافق الاخ مزمل على تحري الدقة في النقل ، لكن عندما توجد مستندات لا بد من نشرها وفضح كل من تورطوا في اعمال فساد فصاحب البوست لم يتحدث عن سلوك شخصي يخص طالبة جامعية او شئون عائلية حتى نتحدث عن الخصوصية .

ينصر دينك ياجعفر.............. الموضوع يتعلق بالفساد لا بالمعارضة ولا يحزنون.......اذ لماذا لا يكون امر تسريب الوثائق الخاصة بلجنة الحج امر يجر علي من جلبه نفس مصير جعفر؟
أنصار الفساد يتعللون بسرية الاوراق .....بينما يتركون جانباً محتوري هذه المستندات.........محاربة الفساد مهمة وطنية لا يقدر عليها الا الوطنين الشجعان.......وكأن جعفر قد تطرق لامور شخصية تتعلق بحياة الطالبة او ابوها الاستاذ الجامعي !

Quote: الخطا الوحيد الذي قامت به جامعة القضارف انها لم تستطع حماية الملف السري للطالبة وسرقه شخص في الادارة يجب البحث عنه ومحاكمته قانونيا و

شوف الجريمة اصبحت في الحصول علي الملف لا في محتويات الملف!!!!!!!!!!!
طيب لما التيار حصلت علي مستندات الفساد المتعلقة بالحج، لماذا لم تكن الجريمة ساعتئذ هي كيفية الحصول علي الوثائق لا محتوياتها؟
المعني الخطاء الوحيد الذي نلوم فيه الجامعة ليس الفساد ، انما التراخي في تامينه؟ لان من سربه بالتاكيد لا يراعي أوامر ومصالح الكبار!!!!!!!!ودي الطريقة نفسها التي يستخدمها الفاسدون في المداراة ......وإخافة قناص الفساد.....فالذي هرب الملف هذا لا يخشي المدير وهذا عين الجريمة .

Quote: ا دكتورة الدنيا رمضان واللف والدوران بعطش لذلك أتجنبه بقدر الإمكان طالما عندك هذه الخبرة الطويلة الممتازة فى هذا المجال فحرى بك أن تستخدمى أضعف الإيمان وهو اللسان واللسان يتطلب وجودك فى المحكمة كشاهدة بما أنك خبيرة فى هذه المجال الشائك فحاولى الإتصال بالمستشار القانونى للجامعة من أجل هذا الأمر وتضربى عصفورين بحجر منها نصرة مظلوم فى الشهر الفضيل ومنها زيارة الأهل. ثانيا أتمنى أن لا تبخلى عليناببحر علمك الذاخر هذا وتتحفينا ببوست عن الشؤون الأكاديمية فى الجامعات حتى نمحى أميتنا فى هذا الجانب .

اسع كلامك دا معناه شنو ممكن نفهم
لو بتعرف رمضان والله ما بتشجع على نشر الاكاذيب في ذمم الاخرين

ما محتاج تعرف قوانين الجامعات لانه دا ما حاجة مهمة الا لو كنت شغال في المجال دا
وهو ما مهم شديد للانسان الامية الحقيقية حقتك هي في ا لاخلاق والتمييز بين الخطا والصواب
وبين حقوق الاخر واحترامه واحترام كرامته.ز
الاوراق التي احضرها اخوك الذي صار كالحمار يحمل اسفارا
ما فيها اي فسادوهي عبارة مراسلات بين اداريين ان دلت انما تدل على انه مافي فساد
زالا كان حولوا الطالبة ساي كدا ودا كان البقى الفساد..

عشان اخوك ما ناقش ابو النوم جا جاري هنا ذي ناس حريات تشى الخبر العظيم دا
وطلع لا في فساد لا يحزنون
مهما احتشدت الناس هنا ولتت وعجنت ما حتغير المووع الاصلي وهو عدم وجود اي فساد في الوثائق العرضت هنا

لتمنى تسنيم تلقى حقها واتمنى بعداك الوساطات ما تدخل لحل الموضوع

وتثبت تسنيم على اخذ حقها لانه الموضوع دا لو انتهى ساي بدون معاقبة المجرم
حيتكرر لناس تانيين.. كوني صلبة يا تسنيم الحق معاك

Quote: يادكتورة بعضمة كيبوردك ما أعلنت إنضمامك لأهل المشروع الحضارى حماة الإسلام الأنقياء الأطهار ذو الأيدى المتوضئة صحابة القرن العشرين

خضر سلام :
ولو كتبت مثل هذه العبارة لا انتهي دورها.........فهو دور المتواري خلف الحياد .........ولكنك تكتشف المولاة والتوالي بين ثنايا الخطاب.......
لذلك جاء ردها غليظاً متحدي
فكتبت دكتورتنا الصنديدة:

Quote: وريني العبارةدي كتبتها وين وكلامك دا من وين ولو ما جبتها تبقى مناضل كذاب

وهي علي ثقة كاملة بانها لن تكتبها هكذا صريحة ........فهي تدعو صفية للم الموضوع بينما تطالب تسنيم بوضع حد للظلم شفت كيف المولاة دي؟
طالع هذا الخيط جيداً وستجد ما تنشده بخصوص هذه الدور .........

ليه يا صفية يا بتي

الاخ خضر ........كنا قد كتبنا حول هذه الفئة في بوست سابق

ان ماستقط من الطيب زين العابدين هو الذين يأثرون السلامة...فهناك من يتفاخر بانه ليس مؤتمر وطني، وربما يكون صادقاً ، اذ هو ظل يفهم ان التنظيم هو تقيد في الكشوفات الحزبية او هو التزام مالي ........ولكن في الواقع ان مثل النوع هو رقيق سياسي للمؤتمر الوطني يخدم فيه بلا ثمن......فهو ايثاراً للسلامة يقسم ياغلظ الايمان بانه ليس مؤتمر وطني ولكن الاحزاب السياسية قد اضاعت السودان .......وان السودان مستهدف من امريكا وووووووووفهو يبالغ في سياقة المبررات التي تريح نفسه وتجعله يتقبل هذا السلوك ولو علي المستوي الخالص ووو ثم يستمر ......فمثل هذا الرقيق السياسي يخدم المؤتمر الوطني من حيث لا يحتسب مثل هذا الصنف موجود ،والغريب انه من شدة فائدته للطغاة حتي المنظمين السياسين المعروفين ظلو يتخفون حول هذا الدور لانهم يرفع عنهم عناء حمل الحمولة السياسية وحرج الدفاع الفساد السياسي المريع........فهو ليس مؤتمر وطني ولكنه لو خير بينه وبين الاخرين لاختار صف الذين يسجدون من ثقل الاوزان، فكيف به ان يختار صف الفقر والجوع؟ انها إيثار السلامة ياصديقي..........بالمناسبة ان مايميز هذه الفئة في الانظمة المستبدة انها تشعر براحة نفسية عجيبة ........وتعتقد بمسلكها هذا انها قادرة علي العيش في كل الاجواء...........وان الحياد هو زادهم المعلن
طيب ياخي انت كيف ما مؤتمر وطني وانت تدافع عنه وتخدمه بطريقة لا تضاهيها اي خدمة ؟ هو المسكين بحسب ان انضامه للمؤتمر الوطني يتم بدفع الاشتراكات ولا يعلم بان المؤتمر الوطني هو الحزب الوحيد الذي بدلاً ان ياخذ منك اشتراكك فانه ياخذ منك صدقك وياخذ منك قوتك وشجاعتك ومواقفك ضد الطغيان ليستبدلك بحيوان كل همك كرشك والمؤذي انه يعلم عضويته بدلا من ان تعيش مع الشعب ان تعيش علي الشعب.......
هذه الفئة ليست وليدة الانقاذ فحسب ففي عهد نميري استطاعت ان تتبواء مقاعد متقدمة في السلطة حتي الوزارات......والطريف ممكن يقول ليك انا ليس اتحاد اشتراكي ويكون مسؤل كبير في الاتحاد الاشتراكي ولكن تعرف الزوغة كيف؟ يقول ليك الاتحاد الاشتراكي فتحت عضويته لكل الناس وانا من ضمن كل الناس دخلت الاتحاد الاشتراكي ولكني لم اكن اتحاد اشتراكي فانا من جهة امي ختمي ومن جهة ابوي انصاري من من جهة خالي نقابي (هههههههههه).
وبما يتعلل بان البلاد اذا تركها القوي الامين فانها حتماً ستقع في هاوية ؟ هل سمعتهم في عهد حسني مبارك ابان الثورة المصرية؟ هل سمعتهم ابان الثورة اليمنية؟ ثم الان اسمعهم في الجزيرة عندما يتحدثون من سوريا........هذه الفئة تخلقها الانظمة الدكتاتورية بطريقة مخططة ومدروسة .........فمنهم من تم تجنيده وتدريبه ليقوم بهذه المهمة ، ومنهم من سيق الي هذا الدور بالاعلام والارهاب الفكري . والارهاب الاقتصادي والتخويف من فقدان الوظيفة او من الملاحقة في الماكل والمشرب والرزق.

اعجب ما قرأت في حياتي

Quote: لانه انا كمعارضة للمعارضة

الحكومات ذات نفسها بما فيها حكومتنا الموقرة - لا تعارض المعارضة

دا باب جديد في العلوم السياسية

أتمنى أن يقوم الأخ بكري أو جمال خضر بحذف المداخلة الأخيرة أدناه لأنها أفسدت ظهور هذا البوست
يبدو أن هناك (تاق) ناقص في المداخلة
من المهم أن يتابع القراء هذا السجال الذي لا يخلو من مسحة من البهاء والجمال
رغم اشفاقي الشديد على نفسية الرائع جعفر خضر ورهافته من وعثاء هذا الطريق الطويل جدا منذ أكثر من 22 عاما لم يلن فيها لحظة واحدة ولم ينحدر إلى حال من أهمتهم أنفسهم وظنوا بالله والحق والعدل الظنونا
وأتمنى أن لا يسرف في مؤاخذة الذين يسيئون إلى شخصه النبيل فإنهم أقل - لو درى - جدا من هكذا مؤاخذة
وربما زال الجهل يوما
أو زال الغرض والمرض
ليكتشف أقوام منخرطون - دروا أو لم يدروا - في مهام تافيهة لا تشبهمم مطلقا ... كم هو مختلف هذا الإنسان الرائع الفنان .. جعفر خضر

جعفر خضر ... امض في علياء مهامك ونبيل المقصد والمنهج لا تني

ولا تلتفت لوعثاء الطريق
ولا تركن لها

محبتي على الدوام

ابن عوف ...سلام ..

Quote: الحكومات ذات نفسها بما فيها حكومتنا الموقرة - لا تعارض المعارضة دا باب جديد في العلوم السياسية

معارضة المعارضة ياابن عوف يعني محاربة المعارضة ..

Quote: معارضة المعارضة ياابن عوف يعني محاربة المعارضة ..

وهذه مهمة من ياودالقاضي؟
أليست هي مهمة انقاذية بحتة؟ فلنكن حسني النية ونقل هي مهمة اصلاح المعارضة ......فهل إصلاح المعارضة يفضي الي معارضتها؟
عشنا وشفنا مهمة السلطة الخامسة......والسادسة حتي اصبحت كالحواس التي مازالت في تزايد كما الاسعار
تسلم ياودالقاضي وابوعوف
وكل سنة وانتو طيبن

حذفت للتكرار

Quote: Quote: (1) الاوراق التي احضرها اخوك الذي صار كالحمار يحمل اسفارا ما فيها اي فسادوهي عبارة مراسلات بين اداريين ان دلت انما تدل على انه مافي فساد

Quote:



طالما الأمر كذلك وهى مراسلات عادية فلما أرقت هذا الكم الهائل من الحبر لتثبتى أن هنالك شخصا حاقدا
على المدير هو الذى سرب الأوراق وأعطاها لبنته التى أعطتها لجعفر فلما جازف هذا الرجل بذلك وهى مجرد
مراسلات عادية ولا هو أيضا حمار يحمل أسفارا ولما أسميت هذه العملية بالجريمة الكبرى ويجب البحث عن الشخص
ومحاسبته طالما هى مجرد مراسلات وتثبت إنه مافى فساد.

Quote: عشان اخوك ما ناقش ابو النوم جا جاري هنا ذي ناس حريات تشى الخبر العظيم دا وطلع لا في فساد لا يحزنون مهما احتشدت الناس هنا ولتت وعجنت ما حتغير المووع الاصلي وهو عدم وجود اي فساد في الوثائق العرضت هنا

Quote:

Quote:

يادكتورة هو لم يدع (النقشان) وسبق أن ذكرت أنت ذلك وأبنت ساعتئذ بأننا مساكين وساذجين وما ناقشين حاجة
فهل أنكرنا عليك ذلك بل ثنيت أنا على كلامك وبينت لك بأننا مساكين الغنماية تاكل عشانا وجئنا هذا المنبر حتى
نتخلص من تلك المسكنة والسذاجة بمعين ما ننهله من علمكم وخبرتكم حتى نكون فاعلين فى المجتمع فرجاء لا تبخلى علينا
بقطرات من نهر علمكم الدفاق أشكمينا واشتمينا كيفما تشائين فنحن نعتبرك أستاذتنا التى نستقى منها العلم فمن علمك حرفا
صرت له عبدا ويحضرنى قول جمال خضر مجارياالمتنبئ :إذا أتتك مذمتى من ناقش فهى الشهادة لى بأنى جاهل
عندمايدرك الإنسان بأنه جاهل وما ناقش حاجة زينا يكون هذا دافع له لتغيير هذا الواقع

Quote: واتمنى بعداك الوساطات ما تدخل لحل الموضوع

الوساطات لا بد منها وستكونين أنت بحكم ما تحملين من شهادات رفيعة ورأى راجح وحجة بليغة وخبرات فى مختلف المجالات دليلنا وواسطتنا

Quote: طالما الأمر كذلك وهى مراسلات عادية فلما أرقت هذا الكم الهائل من الحبر لتثبتى أن هنالك شخصا حاقدا على المدير

ما تقطع من راسك ساي
موضوع الحدقدا مضوع جانبي جدا

الارقت فيه المداد هو ان هذه الوثائق لا تثبت اي فساد بل تثبت انه هناك مداولات وشروط للطالبة حتى تنتقل لجامعة هذه

شغل سليم 100% من ناحية ادارية

وانه ما من حق السيد المناضل السايبري ينشر رسائل تخص طالب في ملف سري
حيث هذا فيه انتهاك للخصوصية التي يحميها القانون
كما اتهام والدها بالفساد وهو عالم جليل دا فيه تعدي واشانة سمعة وتشهير ممنوعة بالقانون وبالاخلاق السودنية

مهما ارقت من مداد يا هذا لن يتحول هذا الموضوع الى موضوع وطني ونضال

دي جربمة في حق ناس يجب ان يعاقب عليها من ارتكبها
والتكرار يعلم الشطار

"قريبن" حنشوف اعتذار هنا م
ولا بالله ما تهربوا المتهم الى جوبا وبعدها الى اوربا
عشان ما كل يوم زول يصرخ لينا اهوندي قمرة تاني


بالله ما تكتب لي كثير انا ما بحب الدش
وما بقراه

Quote: أفتح زنازينك أهو بنفتح صدورا ما بتكوس الرحمة تب .. ما فينا مرقاً فيهو سوس .. بل فينا عرقاً من جذور الشعب عشقاً لا يُداس .. نحن بندوس على كل من عايز يدوس !

هاي مرجلة والله

Quote: هاي مرجلة والله

أخجلتى تواضعناحتى توارى خجلا ودى المحرية فيك مصدقنك ما محتاجة(حلفان)
هاى دى بلغة أهل الخليج ولا شنو كل مرة الواحد يكتشف بداخلك مواهب مدفونة
أنفضى الغبار عن تلكم المواهب وابرزيها الى العلن نريد أن نفاخر بك العالمين

Quote: قريبن" حنشوف اعتذار هنا م ولا بالله ما تهربوا المتهم الى جوبا وبعدها الى اوربا عشان ما كل يوم زول يصرخ لينا اهوندي قمرة تاني

ما شاء الله عليك عرفت الكلام ده كيف يظهر أن ما تتمتعين به من خبرات فى كافة المجالات جعلك من خلال كتاباتنا تستشفين ما ننتوى القيام به والخطةالسريةالتى خططنا لها يا لك من عبقرية
وفلتة من فلتات هذا الزمان كتلتى الدش فى يدنا

Quote: بالله ما تكتب لي كثير انا ما بحب الدش وما بقراه

أمرك مطاع يا دكتورة وطلباتك كلها أوامر شرف لينا أن نلبى طلبات عالمة جليلة مثلك وكما قلت لك سابقا أنت ملهمتنا وقدوتنا
فى نصرة المظلوم وتكبد المشاق فى سبيل ذلك

Quote: قريبن" حنشوف اعتذار هنا م

توصلت الى نتيجة أخليك تعذبى سيبويه فى قبره كيفما تشائين فهو إنسان فارسى وأنا إنسان أفريقى قح
لكن الكلمة دى إستفزتنى عديل كده

(قريبن)

أهكذا تكتبين هذه الكلمة دون أن يطرف لك جفن يا حفيدة العباس والله بالغت عديل كده كلمة( قريبا) دى من الكلمات المتداولة فى السينماوالتلفزيون( قريبا جدا سنشاهد المسلسل الفلانى ) طبعا الألف عليه فتحتين (شختتين كده ذى شلوخ الشوايقة)أما بالنسبة للإعتذار فقد صغناه وهو جاهز بحاول أرسله لك حتى تبدين رأيك فيه

قرقرقررقررقرق@ قريبن

انت بجدك؟؟!!!

اخوك حيعتذر في النهاية واعتذار مغلوب على امره مكره اخاك ما بطل
بعدين ما عايزين تبريرات للاعتار
وا تسنيم لا تتنازلي عن حقك بالله خلي مرة واحدة زول يتسجن في كلام فاضي وكذب كتبه هنا

عاشن الناس حاكم بتخاف مابتختشي
املنا معقود عليك انك توقفي فساد البورد

Quote: قرقرقررقررقرق@ قريبن انت بجدك؟؟!!! اخوك حيعتذر في النهاية واعتذار مغلوب على امره مكره اخاك ما بطل بعدين ما عايزين تبريرات للاعتار

طولنا ما سمعنا ضحكتك المجلجلة هذه ضحكة تشرح القلب ونابعة من دواخلك الصافية
طالما مصرة تعذبى الفارسى سيبويه رغم أنه عالم جليل مثلك وكان مفروض تراعى لهذه الزمالة
خاصة وأنه فى ذمة الله إنسحب أنا منها وأكون عملت ما أملاه على ضميرى وانت تشيلى شيلتك معاه
بعدين لكن متأكد( قريبن) دى لن يفوتها لك بسهولة.

ما قلنا ليك الإعتذار جاهز عندى ورسلته لك بالبريدالسريع كدى شوفيهو بينفع ولا نعمل فيهو تعديلات وكده
ولو سمحت ظروفك ماتكسرى رقبة المثل لأنو أيضا اشتكى لى منك ويقول ليك أنا(مكره أخاك لا بطل) لا وليس ما
عبارة (ما عايزين تبريرات للأعتار) أول حاجة الاعتار دى أنا ما فهمتها ولو قاصدة العثرة فالعثرة بتصلح المشية
ورمضانك كريم

اقنورد يا ابراهيم

Quote: اقنورد يا ابراهيم

يا دكتورة اقنور ignore تبين مقصدك لأنها مضارع
بينما اقنورد تدل على الماضى أو الصفة
ignored يعنى تجاهلت فى حالة الماضى
بينما كصفة تعنى مهمل(ضمة على الميم الأولى)

Quote: ما تقطع من راسك ساي موضوع الحدقدا مضوع جانبي جدا

أيه قصدك ب (الحدقدا مضوع جانبى جدا)
الكلام ده فى ياتو لغة يا ربى

Quote: فيه تعدي واشانة سمعة وتشهير ممنوعة بالقانون وبالاخلاق السودنية

قلت لى يا دكتورة (تشهير ممنوعة بالقانون)
حسبى الله ونعم الوكيل

Quote: عشان ما كل يوم زول يصرخ لينا اهوندي قمرة تاني

يادكتورة ده كلام الطير فى الباقير البيقولوه ولا حاجة تانى؟

Quote: بالله ما تكتب لي كثير انا ما بحب الدش وما بقراه

لو ما بتحبى الدش إستخدمى المواعين حلة جردل كلو يؤدى الى روما
أما حكاية (يقروا) دى ما واقعة لى

انت تصلح الطباعة واللغة وانا بصلح الاخلاق ولامثل

شايف الفرق؟

وصلتني كم رسالة من مواطنين غبش مثنين موقفي من قضية هذه الانسة السودانية

ما يغرك ناس ينصرك الله وشنو الله لا ينصر الظالم على المظلوم ابدا

أؤكد ما قاله فتحي البحيري لشخصك:

Quote: جعفر خضر ... امض في علياء مهامك ونبيل المقصد والمنهج لا تني ولا تلتفت لوعثاء الطريق ولا تركن لها

تراجي ما عاملة بتاعو عدل وبتيخ

يا زولة لو دي كانت بتك ولا بت اختك كان ولعتي المنبر دا وليع

يا تراجي دي طالبة سودانية اشال حالها بدون سبب ولا يوجد اي فساد ما تبقى امعة ياخي

والله قايلاك اكبر من كدا
اسع تطلع من دارفور حتغيري كلامك دا (زول مدردق في ميدان قولف)

وما تغشو الزول دا هو الحيتسجن ويتبشتن وانتو حدكم كليمات ترمونها هنا لا بتعب لا بتعطش

Quote: وما تغشو الزول دا هو الحيتسجن ويتبشتن وانتو حدكم كليمات ترمونها هنا لا بتعب لا بتعطش

دكتورة حقو تشجعيهم وتثنى عليهم وتخليهم يغشوا فيتبشتن ويزج به خلف القضبان
ويكون عبرة لمن يعتبر فيخدم ذلك أهدافك النبيلة فى نصرة المظاليم وردع الظلمة
والمجرمين مما يسهم فى خلق مجتمع مثالى متسامح ومتصالح مع نفسه الشئ الذى
يؤدى الى نهضة تنموية كبرى تستهدف المواطن السودانى فيتبدل واقعه رأسا على
عقب من فقر مدقع الى رخاء منبسط.

Quote: هو الحيتسجن

بى خبرتك الطويلة الممتازة ما عرفت حايتسجن كم كده ؟

Quote: انت تصلح الطباعة واللغة وانا بصلح الاخلاق ولامثل شايف الفرق؟ وصلتني كم رسالة من مواطنين غبش مثنين موقفي من قضية هذه الانسة السودانية ما يغرك ناس ينصرك الله وشنو الله لا ينصر الظالم على المظلوم ابدا

يادكتورة والله الذى لا إله إلا هو عايز لى عبارة منك (تفتحم قرعوبتى بدون ما تكرن ) عشان الواحد يكسب زمنه
فى الرد لأنو عندنا ضيوف فى البوست لم نجد الوقت للترحيب بهم مضيعين الوقت فى محاولات إماطة اللثام عن الذى تهرقينه من عبارات
هيروغليفية جوفاء تستعصى على الفهم وندلل بالعبارات أعلاه:

(تصلح الطباعة واللغة وانا بصلح الاخلاق ) تصلح الطباعة كيف يعنى ؟
(ولامثل) هل تقصدين بها المثل أم شئ آخر؟
(تصليح الأخلاق) دى أخلاق ولا عربية؟

سلام يا شباب
ود القاضي والشفيع
تحياتي

مسافر جولة في اوروبا ومزنوق شديد

طمنونا على اخونا خضر

Quote: ( (تفاهة الثوار))-((لكن انت جاي ناقذ بيها هنا لانك مرسال لشخص معين عنده مشكلة مع المدير)) ((و شيلك القفة وانت لا تعرف قوانين التعليم العالي,,,لا في بلدك ولا في اي مكان)) ((مفتكر دا نضال))..----(( الرفض لهذا البوست القذر))---((ان هذاالبوست بوست غير اخلاقي))--- ((ليك حق تبقى مرسال ما بتفهم في القانون)) ((ولو ممكن كان ارفع قضية انا اسع كنت حتكون متربس)) ((ما تتفولح ساي)) ((غلطان ومجرم وبتتعامل مع مجرمين)) ((قرقرقرقرررقرقررررر @النضال الوهم)) ((ضياع المغفل النافع)) ((يعني باختصار مجرم مخالف للقوانين الجنائية)) ((ولذلك موضوعك موضوع طاقي بما انك مرسال ساي ما عارف اي حاجة في طريقة الدرجات ونظام التقويم)) ((بتحاجج ساي)) ((ما قلت لك كلامك كلو ملخبط وما عنده معنى وانت نفسك ما فاهم بتقول في شنولانك مغفل نافع لشخص ما يحركك من وراء ستار)) ((انت زول مسكين شديد ظاهر عليك)) ((قرقرقرقرقررقرقررقرررر عميان شيلو الكيبورد)) ((زولك الاداك الروق دا وكحك وكيحة شديدة خليه يكتب ليك يرد علينا يمكن يكون ناقش حاجة موش ذيك..)) ((واحدة من البوستات البتوري ليه السودان ما حيشمي لقدام تدهور مريع في اخلاقيات البشر)) ((والله لو كتبت ليك كلام مراحيض ما بتعادل زول يجب ورق خاصة بانسة سودانية ويشهر بيها كدا وكمان محرش وشغال مخلب قط)) ((نوعيتك مابتفتح فيها بلاغ بس يلم فيها زول دمه حار من عائلة الاسرة الشوهتا سمعة بتهم دي ويجلدك جلدة تاني لما تشوف كميوبتر تجري منه(( ((رجالة الاسافير تطير)) ((وجاي عامل لينا حمد الفويلح في المويلح)) ((هل نحن في حضرة شخصية سايكوباتية اخرى في السايبر؟))

هذه عينة مما تفوهت به الدكتورة فى البوست الأصلى وطالما هذا البوست يعتبر مكمل للبوست الأول فكان لا بد من إستصحاب
هذه العبارات الى هذا البوست لأهميتها خاصة وأن الدكتورة ذكرت بأنها (بتصلح الأخلاق) فكان لا بد من أن نتلمس كيفية قيامها
بأداء تلك المهمة حتى نستفيد من خبراتها اللامحدودة.

Quote: ما يغرك ناس ينصرك الله وشنو الله لا ينصر الظالم على المظلوم ابدا

مشكورة يا دكتورة انت عارفه أنا اغتريت وافتريت وصدقت كلامهم وكنت أرى النصر
قاب قوسين أو أدنى فأتت كلماتك القوية هذه فاعادتنى الى رشدى والى سواء السبيل.

Quote: الامية الحقيقية حقتك هي في ا لاخلاق والتمييز بين الخطا والصواب وبين حقوق الاخر واحترامه واحترام كرامته.ز

مشكورة يا دكتورة على التشخيص الدقبق وفعلا الحقبقة دى كانت غائبة عنى لأن (الجمل ما بشوف عوجة رقبته )
ومهما فعلت لن استطيع مجازاتك فأنت وضعتينى فى الطريق الصحيح وسأبذل قصارى جهدى فى سبيل محو هذه الأمية
الأخلاقية وأتمنى أن تكونى عضدى وسندى فى هذه المهمة الشاقة حتى يكتب لى الشفاء التام.

حذف لسبب فنى

Quote: الورق تم تسريبه من شخص كان يريد منصبا ولم يجده فانقلب عدو بعد محبة ومن اعطي الاوراق لمخلب القد السايبري هي ابنة هذا الشخص ما عارفة اي رسالة تربوية يرسلها هذا الاب لابنته توتة توتة خلصت الحدوتة

هذه العبارة ذكرتها الدكتورة فى البوست الأصلى ومن خلالها نستشف معرفتها بالشخص مسرب الأوراق
الذى كان يتوق لمنصب معين حرمه منه المدير فأخذ المستندات وأعطاها لإبنته وبدورها سلمتها لجعفر
وبعد ذلك ذكرت العبارة أدناه فى هذا البوست تحث على البحث عن الشخص مسرب المستندات (حكاية تحير)

Quote: وسرقه شخص في الادارة يجب البحث عنه ومحاكمته قانونيا ومحاسبته اداريا وفصله من الخدمة كما يجب سؤال من نشره هنا عن كيف آل اليه الملف وعلى القاضي اذا رفض ان يحضر من اعطاه له ان يسجنه حتى يحضر من سربه لانه هذه جريمة كبيرة

ما تلف وتدور في الفارغة
الغلط الوحيد هنا هو ان هناك جريمة اشانة سمعة وتشهير من البورد دا


ادينا النجيضة حصل شنو في المحكمة؟

Quote: ما تلف وتدور في الفارغة الغلط الوحيد هنا هو ان هناك جريمة اشانة سمعة وتشهير من البورد دا ادينا النجيضة حصل شنو في المحكمة؟

رمضانك قشطة يا دكتورة
لا يوجد أى لف ودوران عندما يحتار دليلك وتحاولى الهروب من الإجابة عن تساؤلات مشروعة تمسكى فى حكاية اللف والدوران دى
ومازلت مصر على التوضيح من قبلك (ذكرت أن هنالك شخص كان يطمع فى وظيفة فلم ينلها فحقد على المدير وسرب الورق مستخدماإبنته)
ثم ذكرت لاحقا(يجب البحث عن الشخص الذى سرب الورق) أميطى اللثام عن هذا اللبس حتى يتفهم المتتبع للموضوع وجهة نظرك .

لوووووول قايلني مغفلة نافعة ذي اخوك ولا شنو؟

ممكن اسع نعرفالمحكمة حصل فيها شنو؟

Quote: لوووووول قايلني مغفلة نافعة ذي اخوك ولا شنو؟ ممكن اسع نعرفالمحكمة حصل فيها شنو؟

حاشاوكلا يا دكتورة ينقطع لسانى من (لقاليقو) لو تجرأ على ذكر تلك الكلمات التى لا تليق
بمقامكم الجليل فأنتم تحلقون فى سماوات العلم والثقافة والأدب بعيدا عنا نحن الذين نتلمس
دروبنا بمشقة .

Quote: ممكن اسع نعرفالمحكمة حصل فيها شنو؟

يادكتورة تم الحكم بالإعدام شنقا حتى الموت
ولكن قدم محامينا توضيح بالدليل القاطع
أن مورد الحبال لكل المشانق فى السودان
هو المتعافى فطلبت المحكمة بفحص فعالية
الحبال وفعلا أثبتت التحاليل فساد الحبال
وإنتهاء صلاحيتها فطالبنا بأن يكون الإعدام
حرقا حتى الموت لكن المحكمة تعللت بعدم
وجود حطب لأن الغابات الجماعة عدموها نفاخ النارولإنفصال الجنوب
وأيضا لغلاء أسعار الوقود فقدمنا خيارات
لها صعقا بالكهرباء إذا توفرت من فيل مروى الأبيض أو خنقاحتى
الموت وما زلنا فى الإنتظار.

Quote: بصلح الاخلاق

نشيد بما تبذلينه من مجهود فى تصليح الأخلاق ونطمح منك فى إقامة ورشة بهذا الخصوص بالسودان لأن الفساد الذى أزكم الانوف وطمم البطون وزغلل العيون وخلخل السنون وكرمش الجفون هد حيل المواطن وأقض مضاجعه وجعله يعيش على هامش الحياة معيشة ضنكا بينما يتبطر الكيزان(الذين كانوا حفاة عراة) بما نهبوه وسرقوه من أموال بعد أن أماتوا أخلاقهم واستأصلوا
ضمائرهم وبلدوا أحاسيسهم ومشاعرهم فصاروا يتنافسون فيما بينهم فى إكتناز الذهب والفضة ويتطاولون فى البنيان ويعددون فى النساء .
لذا لا بد من إنشاء الورشة بأسرع ما يكون
ممكن تسميها(ورشة الدكتورة بيان لتصليح أخلاق الإنسان وخصوصاالكيزان)
وعايزك يا دكتورة تبدأى هذه المهمة الجليلة بالكيزان لأن هذه الملة وخاصة الممسكة بالزمام تحتاج لعمرة كاملة (تركيب أخلاق وضمائر وأحاسيس ومشاعر) فإذا قمت بهذه المهمة على أكمل وجه فسينطلق السودان من إساره ويتخلص من هؤلاء الذين أقعدوه أكثر من عشرين عامافتلتحم اللحمة الوطنية من جديد ويتناسى الناس النعرات القبلية والطائفية ويتساوى الناس فى الحقوق والواجبات وبما أن لك القدح المعلى فى إرساء هذه القيم من خلال ورشتك التى لعبت دورا كبيرا فى إرجاع الكيزان الى حظيرة الإنسانية ومن ثم التخلص منهم والإلقاء بهم فى مزبلة التاريخ التى قبلتهم على مضض فستكوني يا دكتورة وزيرة للأخلاق والقيم النبيلة.
حتما سنغنى مع محمود شريف متعه الله بالصحة والعافية
حنبنيهو البنحلم بيهو يوماتى
وطن شامخ، وطن عاتى
وطن خير ديمقراطي
وطن مالك ذمام أمروا
ومتوهج لهب جمروا
وطن غالي
نجومو تلالى في العالي
إرادة . سيادة حرية
مكان الفرد تتقدم قيادتنا الجماعية
مكان السجن مستشفي ،
مكان المنفى كلية
مكان الأسرى وردية
مكان الحسرة أُغنية
مكان الطلقة عصفورة
تحلق حولَ نافورة
تمازح شُفع الروضة
حنبنيهو البنحلم بيهو يوماتى
وطن للسلم أَجنحتو
ضد الحرب أسلحتو
عدد ما فوقو ما تحتو
مدد للأرضو محتلة
سند للإيدوا ملويه
حنبنيهو البنحلم بيهو يوماتى
وطن حدادى مدادى
ما بنبنيه فرادى
ولا بالضجه في الرادى
ولا الخطب الحماسيه
حنبنيه البنحلم بيهو يوماتى
وطن بالفيهو نتساوى
نحلم نقرا نتداوى
مساكن كهربا ومويه
تحتنا الظلمة تتهاوى
تخت الفجر طاقيه
وتطلع شمس مقهورة
بخط الشعب ممهورة
تخلى الدنيا مبهورة
إرادة وحدة طوعيه

بالجد حاسة بيك يا ولدي

ما حاجة سهلة الزول يزين العوج والخطا وينصر اخاه بالطريقة السودانية
ذ ي ما انت بتحب اخوك ابو تسنيم بحب بته ويحزن لان تشان سمعتها وتستخدم للنيل منه
الضنى حااااااااار
ربنا يحفظ بناتنا ولا يسلط عليهن من لا يخشى الله..

Quote: شغال بانصر اخاك ظالما او مظلوما بالطريقة الاسلامية

Quote: ما حاجة سهلة الزول يزين العوج والخطا وينصر اخاه بالطريقة السودانية

مرة طريقة إسلامية ومرة طريقة سودانية حيرتينا وحيرتى الحيرة ذات نفسها انت بترمى الكلام ساى ولا بتكونى قاصدة حاجة

ما الفرق بين الطريقة الإسلامية والطريقة السودانية؟ أفيدينا يفيدك الله .

Quote: من لا يخشى الله..

الكلام ده مخصص ولا معمم

Quote: يا ولدي

الواحد متواجد فى هذه الفانية منذ قوس قزح كان أبيض وأسود .

Quote: من يريد الحفاظ على خصوصياته عليه احترام القانون وعدم محاولة تجاوزه ( مجرد المحاولة في تجاوز القانون تعطي الحق في النشر ). لهذا السبب كانت الصحافة سلطة رابعة ، اي محاولة فساد ايا كان نوعه وللمرة الثانية مجرد المحاولة تعطي الحق بالنشر ، عن اي خصوصية تتحدثون ، هذا شأن عام وليس خاص ، الفساد شأن عام ، ومدير الجامعة شخصية عامة ويفترض انها مؤثرة وعليه ان ينأى بنفسه عن اي شبهات اذا كان يريد الحفاظ على سمعته واحترام خصوصيته . ما ذا يتبقى لنا عندما يسود الفساد كل قطاعات الدولة وبالاخص التعليم ؟؟ الفساد اصبح القاعدة في السودان و ما سواه استثناء عابر . اوافق الاخ مزمل على تحري الدقة في النقل ، لكن عندما توجد مستندات لا بد من نشرها وفضح كل من تورطوا في اعمال فساد فصاحب البوست لم يتحدث عن سلوك شخصي يخص طالبة جامعية او شئون عائلية حتى نتحدث عن الخصوصية .

سلامات يا عزيزتي حواء

الكلام المكرر دا ما عنده اي معنى
يعني اسع لو جا زول شتم زوجك ولا اهلك تكوني مرقتي خصوصياتك

البنت المظلومة دي ما زولة سياسية

بعدينالمستندات دي طاقة وبتأكد انه الجامعة عندها اجراءات ملتزمة بيها
وقامت بعمل كل شئ صحيح

الزول دا زول محرش سا وطايرة ليه سياسة في راسو
كنت اتوقع انك كأم ترفضي الموضوع دا جملة تفصيلا..

Quote: ن يريد الحفاظ على خصوصياته عليه احترام القانون وعدم محاولة تجاوزه ( مجرد المحاولة في تجاوز القانون تعطي الحق في النشر ). لهذا السبب كانت الصحافة سلطة رابعة ، اي محاولة فساد ايا كان نوعه وللمرة الثانية مجرد المحاولة تعطي الحق بالنشر ، عن اي خصوصية تتحدثون ، هذا شأن عام وليس خاص ، الفساد شأن عام ، ومدير الجامعة شخصية عامة ويفترض انها مؤثرة وعليه ان ينأى بنفسه عن اي شبهات اذا كان يريد الحفاظ على سمعته واحترام خصوصيته . ما ذا يتبقى لنا عندما يسود الفساد كل قطاعات الدولة وبالاخص التعليم ؟؟ الفساد اصبح القاعدة في السودان و ما سواه استثناء عابر . اوافق الاخ مزمل على تحري الدقة في النقل ، لكن عندما توجد مستندات لا بد من نشرها وفضح كل من تورطوا في اعمال فساد فصاحب البوست لم يتحدث عن سلوك شخصي يخص طالبة جامعية او شئون عائلية حتى نتحدث عن الخصوصية .

دا اكثر كلام ما منطقي ولا اخلاقي قريتو في هذا المنبر قال الصحافة سلطة رابعة قال
امال ليه في حاجة اسمها تشهير واشانة سمعة؟
لو اي شخصية عامة حنتلكم عنها بالكذب ..اولا مرة اعرف مدير الجامعة دي شخصية عامة
وكيف عمداء ال######ات؟ شخصية عامة ولا خاصة
بالجد صدق من قال

talk is cheap

Quote: الزول دا زول محرش سا وطايرة ليه سياسة في راسو كنت اتوقع انك كأم ترفضي الموضوع دا جملة تفصيلا..

ينوبك ثواب يا دكتورة تورينى الزول المحرشو ده منو عشان أنط فى كرشو
يا ربى يكون ده الزول الضايقه المدير فى منصبه فسرب
المستندات عن طريق إبنته ولا واحد تانى ؟

Quote: دا اكثر كلام ما منطقي ولا اخلاقي قريتو في هذا المنبر قال الصحافة سلطة رابعة قال امال ليه في حاجة اسمها تشهير واشانة سمعة؟ لو اي شخصية عامة حنتلكم عنها بالكذب ..اولا مرة اعرف مدير الجامعة دي شخصية عامة

Quote: قال الصحافة سلطة رابعة قال امال ليه في حاجة اسمها تشهير واشانة سمعة؟

يادكتورة انت جادة فى الكلام البتقولى فيهو ده
حكاية الصحافة سلطة رابعة أول مرة تسمعى بها
ولا شنو ؟الصحافة سلطة رابعة ده موضوع .
التشهير وإشانة السمعة ده موضوع تانى .
مافى علاقة بين الموضوعين دى زى أحلى السكر ولا أجمل القرد.

Quote: اولا مرة اعرف مدير الجامعة دي شخصية عامة

معقول الكلام البتقولى فيهو ده
حسبى الله ونعم الوكيل

Quote: بعدينالمستندات دي طاقة

(المستندات دى طاقة ) قلبتها يمين شمال ما فهمت قاصدة شنو يكون المخ تخن ياربى؟

Quote: يادكتورة انت جادة فى الكلام البتقولى فيهو ده حكاية الصحافة سلطة رابعة أول مرة تسمعى بها ولا شنو ؟الصحافة سلطة رابعة ده موضوع . التشهير وإشانة السمعة ده موضوع تانى . مافى علاقة بين الموضوعين دى زى أحلى السكر ولا أجمل القرد.

لو ما عرفت العلاقة بين الصحافة واشانة السمعة تبقى انت العندك مشكلة فهم


اسع خلينا من اللولوة دي ورينا حصل شنو في المحكمة بالله؟


ودا الموضوع الاساسي المفتوح ليه البوست

حصل شنو في المحكمة
انا مهتمة جدا بالموضوع دا لانه لو تمت ادانة اخوك حمد الفزيلح في المويلح
حيكون دي اول قضية في نشر في سوداينزاولاين تمت ادانة الناشر في محكمة
ودي حتخلي ناس عوووووووووووك حرامي وين وعععععععااااااااااااااااااااااااك اقبض حرامي وين
تحترم نفسها وتبعد من نشر الاكاذيب واشانة السمعة
لانه الثابت انه الناس دي بتخاف لكن ما بتتختشي...

بالله لو في زول من ناس القضارف متابع البوست دا يورينا الحاصل شنو
لانه اخونا
ا قاعد يشتت في الكور ..

ونعيد ونكرر ونقول المعارضة والانقاذ حاجة واحدة

Quote: لو ما عرفت العلاقة بين الصحافة واشانة السمعة تبقى انت العندك مشكلة فهم

يادكتورة من زمان ما قلنا ليك فهمنا محدود وانت مدركة هذه الحقيقة لأنك أول من توصل الى
أننا سذج ومساكين وما ناقشين حاجة عشان كده حاولى تبسطى الكلمات والمعانى حتى نستوعب ما
ترمين إليه وما زال السؤال فى ملعبك.

Quote: اسع خلينا من اللولوة دي ورينا حصل شنو في المحكمة بالله؟

توضيح بما حصل للمرة الثانية

يادكتورة تم الحكم بالإعدام شنقا حتى الموت
ولكن قدم محامينا توضيح بالدليل القاطع
أن مورد الحبال لكل المشانق فى السودان
هو المتعافى فطلبت المحكمة بفحص فعالية
الحبال وفعلا أثبتت التحاليل فساد الحبال
وإنتهاء صلاحيتها فطالبنا بأن يكون الإعدام
حرقا حتى الموت لكن المحكمة تعللت بعدم
وجود حطب لأن الغابات الجماعة عدموها نفاخ النارولإنفصال الجنوب
وأيضا لغلاء أسعار الوقود فقدمنا خيارات
لها صعقا بالكهرباء إذا توفرت من فيل مروى الأبيض أو خنقاحتى
الموت وما زلنا فى الإنتظار

Quote: بالله لو في زول من ناس القضارف متابع البوست دا يورينا الحاصل شنو لانه اخونا ا قاعد يشتت في الكور ..

Quote: قاعد يشتت في الكور

ما قاعدة تشاهدى كورة ولا شنو الملعب به 22 لاعب مقومين نفسهم حول كورة واحدة بس
وهى البشتتوها يعنى (يشتت الكورة)
يشتت فى الكور دى إلا أكون راكب لى لورى (متمسح)أو( مزرود) كور .

Quote: يورينا الحاصل شنو

خلى الجلدنة يا دكتورة أخسرى ليك عشرة رنجت تجيب ليك كل أخبار القضارف .

Quote: أعلن دعمي لحكومة الانقاذ اذا دا ياهو البديل الى ان تنتظم الصفوف وتصنع معارضة امينة صادقة محترمة على ان اختار افضل الاسوء

Quote: ونعيد ونكرر ونقول المعارضة والانقاذ حاجة واحدة

أنت حسب تصريحك أعلاه بتساندى الإنقاذ لأنها أفضل السيئين
كيف تجى تانى تقولى لى حاجة واحدة

أين جعفر الآن ؟

هل تم حبسه على ذمة القضية؟

هل هو حر طليق؟

وما هي إجراءات المحاكمة حالياً؟

Quote: اشانة السمعة . 159ـ (1) يعد مرتكباً جريمة اشانة السمعة من ينشر أو يروى أو ينقل لآخر بأي وسيلة وقائع مسندة إلي شخص معين أو تقويماً لسلوكه قاصداً بذلك الأضرار بسمعته . (2) لا يعد الشخص قاصداً الأضرار بالسمعة في أي من الحالات الآتية : ( أ) إذا كان فعله في سياق أي إجراءات قضائية ، بقدر ما تقتضيه ، أو كان نشراً لتلك الإجراءات , (ب) إذا كانت له أو لغيره شكوى مشروعة يعبر عنها أو مصلحة مشروعة يحميها وكان ذلك لايتم إلا بإسناد الوقائع أو تقويم السلوك المعين ، (ج) إذا كان فعله في شأن من يرشح لمنصب عام أو يتولاه تقويماً لأهليته أو أدائه بقدر ما يقتضيه الأمر ، (د ) إذا كان فعله في سياق النصيحة لصالح من يريد التعامل مع ذلك الشخص أو للصالح العام ، (هـ) إذا كان إسناد الوقائع بحسن نية لشخص قد اشتهر بذلك وغلب عليه ، أو كان مجاهراً بما نسب إليه, (و ) إذا كان التقويم لشخص عرض نفسه أو عمله على الرأي العام للحكم عليه وكان التقويم بقدر ما يقتضي الحكم . (3) من يرتكب جريمة اشانة السمعة يعاقب بالسجن مدة لا تجاوز ستة أشهر أو بالغرامة أو بالعقوبتين معاً .

بالنسبة للنهمة تحت المادة (159).. يمكن مناهضتها بالإستفادة من الإستثناءات الواردة.ز خصوصا الإستثناء (د) بان النشر كان للصالح العام..خصوصا ان مدير الجامعة المذكورة شخصية عامة..و ادارة الجامعة تدخل في الصالح العام..و من حق المواطن أن يقول عنها اذا شعر فيها عوج..

بالنسبة لجريمة انتهاك الخصوصية..ولا ادرى كيف سمح الإتهام لنفسه بتوجيه تهمة بهذه الكيفية في الوقائع المذكورة؟..
المادة 166:

Quote: انتهاك الخصوصية . 166ـ من ينتهك خصوصية شخص بأن يطلع عليه في بيته دون إذنه أو يقوم دون وجه مشروع بالتصنت عليه أو بالاطلاع على رسائله أو أسراره , يعاقب بالسجن مدة لاتجاوز ستة اشهر أو بالغرامة أو بالعقوبتين معاً .

جامعة القضارف و جامعة سنار..ليست بيت احد حتى ينطبق عليها مفهوم الخصوصية التي يحظر القانون انتهاكها..و انما هي اماكن عامة و لكل مواطن/ة الحق فيها و فيما يحدث فيها..هذه نقطة..
النقطة الثانية..مسألة الإطلاع على رسائله أو اسراره.. المستندات المذكورة هي مستندات عامة..و ليست ملك لشخص..و هي سجلات عامة من حق العامة الإطلاع عليها و مساءلتها و هي ليست في حساسية مستندات اخرى كالتقرير الطبي مثلا..و اذا ثبت شكليا انها لم تستوفي شروطها (كتوقيع المختص و اسمه و صفته الرسمية) فهنا تدخل في شبهة التزوير..و من حق الجميع الكشف عن ذلك التزوير..!

بالنسبة لمسالة نشر مستند رسمي..

Quote: إفشـاء واسـتلام المعلومات والمستندات الرسمية . 55ـ من يحصـل بأي طريقـة على أي أمور سـرية من معلومـات أو مستندات تتعلق بشئون الدولة دون إذن , ومن يفضي أو يشرع في الإفضاء بتلك المعلومات أو المستندات لأي شخص دون إذن أو عذر مشروع , يعاقب بالسجن مدة لاتجاوز سنتين أو بالغرامة أو بالعقوبتين معاً, وتكون العقوبة بالسجن مدة لا تجاوز خمس سنوات إذا كان الجاني موظفاً عاماً .

هذه المادة يمكن مناهضتها بالإستفادة من الإستثناء الوارد فيها..و انها تجوز أن يكون الإفشاء لـ (عذر شرعي)..فاذا ثبت أن الرجل مدير لجامعة القضارف و انه كان في السابق وكيلا لجامعة سنار و أن المذكورة هي على صلة دم به ، فهنا تكون شبهة فساد و استغلال للسلطة..و هنا يكون الإفشاء عن تلك المستندات و ما تحتويه هو من باب حماية مصلحة عامة..و حماية المصلحة العامة عذر شرعي .

اسئلة عابرة: هناك الاف الطلاب و الطالبات..فلماذا لم يسعى الأخ جعفر للتحدث عن سجلاتهم؟..و هناك مئات مدراء الجامعات..فلماذا لم يسعى الأخ جعفر لملاحقتهم؟..و كما يقول المثل.زلا دخان من غير نار..اضاع السودان العمل بفقه السترة و اشياء مثل (خلوها مستورة)..و احي الأخ جعفر لأنه حكم ضميره و انحاز للمصلحة العامة..و هي ما تجب حمايتها من جميع المواطنين و المواطنين بدلا عن حماية الفساد و التزوير..!

و حتى لو ذهبت الى السجن ( اقول بذلك لأني لا اثق في قضاء السودان و اعرفه جيدا) يا جعفر سيكون ضميرك مرتاح لأنك اجتهدت بما فيه الكفاية..

و دمتم..

كبر

العزيز جعفر
كامل التضامن معك فى قضيتك
والعزيز كبر المحامى شكرا للمرورك القانونى ورأيك ومنافحتك
بختك ياجمال خضر
ملحوظة
العزيز كبر وجميع القانونيين انتظر عونكم القانونى

مطلوب عون قانونى عاجل أتمنى أن يمر على هذا البوست الاستاذ جلال ناصر
ومساعدتى انا وجمال خضر

مطلوب عون قانونى عاجل أتمنى أن يمر على هذا البوست الاستاذ جلال ناصر

سلامات يا كبر

بالله القانون بدعم في السودان اشانة السمعة والتشهير ويجد لها الحيل القانونية؟

طيب هل ابنة مدير الجامعة تعد شخصية عامة؟
اين حقوقها المدنية في ظل القضية دي كونها قدمت تحويل الى جامعة تانية ؟
هل من حقها كطالبة ان تقدم للتحويل الى جامعة تراها مناسبة لها؟
ولا ما من حقها؟

هل المستندات التي بها مراسلات بين الادارة والطالبة والجهات المعنية
ورق عام يمكن الاطلاع عليه من غير ذوي الاختصاص؟
هل يحق نشر نتائج طالب الدراسية في مكان عام؟

طيب وين خصوصية الطالبة دي؟
يعمل زوجي في الجامعة هل يحق لاي شخص ان ينشر نتائج ابنتي في مكان عام؟ ويشهر بها ويتهمه احد بالفساد كونه يريد تغيير الجامعة لابنته؟
لو القانون بدعم نشر اي وثيقة عن اي شخص يبقى دا قانون الغاب اي زول عنده باسورد ممكن يجي يكتب عنك اي حاجة
يا كبر ما اظن من حق هذا الرجل ان ينشر نتائح الطالبة دي
ولو راجعت الوثائق دي حتلقى انها مراسلات تبعد شيهة الفساد لان الفساد كان ان تحول هذه الطالبة الى الجامعة الجديدة دون النظر الى
الملحق الذي رسبت فيه
ولكن الجامعة قررت ان تعيد الطالبة التي في النتائج تراكمها عالي وجيد فقط رسبت في ملحق

وهذا الامر يحدث في اي بلد في العالم ان يحول الطالب من جامعة الى جامعة وتعتمد له مواد وتسقط مواد ويطالب
بمواد بقانون محدد..

البخلي التقارير الطبية فيها خصوصية ونتائج الطالب الدراسية لا شنو؟؟؟



ارجو ان تراجع الوثائق بعدين تجي تكتب. كلامك دا
لا يوجد اي فساد في هذه الوثائق بل هي تنفي تهمة الفساد

Quote: البخلي التقارير الطبية فيها خصوصية ونتائج الطالب الدراسية لا شنو؟؟؟

يا دكتورة نتائج الطالب الدراسية تشنق على البوردات للغاشى والماشى والما يشترى يتفرج وتنشر على النت وعلى صفحات الصحف والمذياع أحيانا ونتيجة الطالب
تهم أهله وجيرانه وأصحابه والمدرسة والحلة (يا ما سيرناالطيشة وهتفنا الطيش الطيش يدقوا بالبراطيش) واحيانا يكون فيها رجم بالحجارة ومطاردات ومساككة حلة حلة بيت بيت وزنقة زنقة عمرهم ما احتجوا بل كان الطيشة أشهر من نار على علم(يا مااتسكين لا احتجين لا اشتكين لا قلنا تشهير)(عايزه تعميم أكتر من كده)
أتمنى أن تكون الرؤية قد وضحت عمرنا ما سمعنا بتقرير طبى مشنوق على بوردأو على صحيفة. ورمضانك كريم نشرح ونعطش ونفطر من جيبنا.

Quote: يا كبر ما اظن من حق هذا الرجل ان ينشر نتائح الطالبة دي

Quote: ما اظن

يا دكتورة نحمد الله كثيرا أن هداك الى سواء السبيل وتحولت من مرحلة اليقين التام
الى المرحلة الظنية واهتزاز القناعات الداخلية مما يدل على سيرك فى الإتجاه الصحيح
وقرب إمساكك بتلابيب الحقيقة الكاملة .

Quote: لا يوجد اي فساد في هذه الوثائق بل هي تنفي تهمة الفساد

يا دكتورة يعنى الراجل الذى ذكرت بأنه سرب الورق وسلمه لإبنته
وبدورها سلمته للناشر لأن المدير حرمه من الوظيفة التى كان يطمح لها
أخد خازوق ساى وتعبه كلو راح شمار فى مرقة وبدل يكحلها عماها فقد
الوظيفة التى كان يطمح اليها وعزز من نزاهة الجامعة بدل أن يحط من
قدرها كما كان يخطط ????????????.

Quote: ويتهمه احد بالفساد كونه يريد تغيير الجامعة لابنته؟

؟؟؟؟؟؟؟؟؟؟؟؟؟؟؟؟؟؟ لا تعليق

فووووق

مقتطفات من كلام الناقدة والباحثة فى الثقافة السودانية د نجاة محمود (من بوست آخر لنفس الموضوع)

[

Quote: : الدكتورة نجاة محمود يكون كويس لو رفعتي قضية التشهير انتي ، يمكن المدير يكون مشغول ولا حاجة وعشان أساعدك شوية اسمي : جعفر خضر الحسن الفكي ، أسكن ـ الآن ـ القضارف ديم النور الدرجة الثالثة

Quote: كتب المتهم ها الكلام حين نصحناه بان يسحب البوست لما فيه من مخالفات قانونية ولكن تجبر وتكبر وجاب ليه تريقة وقلة ادب ما هو موقفك الان؟ اتمنى الا يتدخل الاجاويد وان تستمر هذه المحاكمة عشان الناس دي بتخاف ما بتختشي وتأكدوا لن ينشر اي شخص ورق مثل هذا مرة اخرى يلا ناس البوليس ما محتاجين يفتشوا شديد ويا مولانا يجب ان تجبر الكسر بان تأمره بالاعتذار علنا على فعلته الشنيعة جلد وسجن واعتذار (عدل بواسطة د.نجاة محمود on 28-06-2011, 02:01 PM

Quote: جامعة القضارف و جامعة سنار..ليست بيت احد حتى ينطبق عليها مفهوم الخصوصية التي يحظر القانون انتهاكها..و انما هي اماكن عامة و لكل مواطن/ة الحق فيها و فيما يحدث فيها..هذه نقطة.. النقطة الثانية..مسألة الإطلاع على رسائله أو اسراره.. المستندات المذكورة هي مستندات عامة..و ليست ملك لشخص..و هي سجلات عامة من حق العامة الإطلاع عليها و مساءلتها و هي ليست في حساسية مستندات اخرى كالتقرير الطبي مثلا..و اذا ثبت شكليا انها لم تستوفي شروطها (كتوقيع المختص و اسمه و صفته الرسمية) فهنا تدخل في شبهة التزوير..و من حق الجميع الكشف عن ذلك التزوير..!

مشكور أخى كبر على التوضيحات القانونية التى ألقمت البعض حجرا

Quote: انا مهتمة جدا بالموضوع دا لانه لو تمت ادانة اخوك حمد الفزيلح في المويلح

Quote: الفزيلح

ده أخو حمد الفويلح فى المويلح يتاع البوست الأصلى
ولا تشابه أسماء . أعملى حسابك يتفق حمد الفويلح مع إبن
عمه حمد الفزيلح ويرفعوا عليك دعوى إشانة سمعة وكده ويتلتلوك
ويدخلوك فى ضفورك ونبقى فى التحانيس والوساطات .

فووووووووووووق

Quote: اسع خلينا من اللولوة دي ورينا حصل شنو في المحكمة بالله؟ ودا الموضوع الاساسي المفتوح ليه البوست

Quote: ودا الموضوع الاساسي المفتوح ليه البوست

يا دكتورة من الذى يحدد الغرض والهدف صاحب البوست أم
ضيوف البوست وما ذكرتيه ليس الذى من اجله فتح البوست.

Quote: لو اي شخصية عامة حنتلكم عنها بالكذب

Quote: حنتلكم

اللهم أبعد عتا اللكم والملاكمين وبتاعين الكراتيه من حملة الحزام الأبيض والى هاشم بدر الدين

التحية لكم جميعا كان ودى أن أرد عليكم فردا فردا شاكرا على الوقفة التضامنية والمرور إخوتى وأخواتى

مهيرة

حامد بدوى بشير

مصطفى محمود

قيقراوى

تبارك شيخ الدين

صدقى كبلو

محمود الدقم

محمد عوض السيد

الباقر عثمان

ذو اليد سليمان

عماد شمت

معاوية عبيد الصايم

احمد محمد بشير

صبرى الشريف

ابراهيم النعمة

محمد على حسن

احمد ابن عوف

الموصلى

كوستاوى

الشفيع ابراهيم

مريم عزالدين صديق

فتحى البحيرى

تراجى مصطفى

حواء سليمان ابراهيم

عوض محمد على

حيدر قاسم

فايز ود القاضى

العوض

هيثم منصور

هانى عربى محمد

كبر

د معاويه عمر

نجاة..حبابك
كل سنة و انت طيبة..

Quote: سلامات يا كبر بالله القانون بدعم في السودان اشانة السمعة والتشهير ويجد لها الحيل القانونية؟ طيب هل ابنة مدير الجامعة تعد شخصية عامة؟

نصوص القانون التي ذكرتها في مداخلتي اعلاه هي من قانون العقوبات الساري في السودان ، و الإستثناءات الواردة فيهو خطاها المشرع عشان الناس تستفيد منها..
لو عندك مشكلة مع القانون اهو ديك الدولة العملت القانون قاعده و عليك بمحاربتها و اسقاطها..!

هناك نقطة مهمة جدا..و حقو تختي ليها بالك كويس عشان ما تظهري بمظهر شين قدام السادة و السيدات المتابعين و المتابعات:

جعفر الخضر لمن قال بكرة محاكمتي في محكمة جنايات القضارف.. وضح ان الجهة الشاكية هي جامعة القضارف ..و لو جامعة القضارف بقت ابنة مدير الجامعة يبقى قولي لينا عشان نلم عدتنا و نتخارج..!
و لمن ابنة المدير تقرر انها تشتكي بنفسها كفرد..ممكن يكون ليك الحق تدافعي عن حقها المهضوم.. لكن لو قررت تسكت..و تخلي الجامعة تشتكي بالنيابة عنها فاي زول/ة يدافع عن تلك البنت بيكون عندو غرض شخصي في الموضوع..وقع ليك؟ .

عرض المستندات المعنية لا يشكل جريمة اشانة سمعة لأنه تم بغرض حماية مصلحة عامة..
و طالما هي مستندات حكومة ، فهنا تدخل فيها شبهة الحق العام ، ولا ينطبق عليها نص حماية الخصوصية..
و اذا ثبت ان تلك المستندات لم تتقيد بالأطر الشكلية و انها غير ممضية من الجهة التي يفترض عليها امضاءها ، فهنا تدخل فيها شبهة التزوير..

ما تفعلينه هو شغل عاطفي و استدرار للعواطف..و هو جهد مقدر منك..لكن القانون لا يعرف العاطفة..و انما يعرف الحقوق..و جامعة القضارف بطريقتها الماشة بيها مع جعفر خضر ما عندها سند قانوني ولا حق قانوني..!

كبر

Quote: البخلي التقارير الطبية فيها خصوصية ونتائج الطالب الدراسية لا شنو؟؟؟

التقرير الطبي جامع مانع قاطع في حق الفرد المعني.. ولا يتقاطع مع المصلحة العامة..
نتيجة الطالب الدراسية لا تتمتع بمثل خصوصية التقرير الطبي لأنها تتقاطع مع المصلحة العامة..و اسألك: يعني الطالب لو حصل كان فاشل و مشى اتقدم عشان يشتغل استاذ في جامعة..اليس من حق طلابه عليه أن يعرفوا نتأئجه؟..و لو حصل تعيين شخص استاذ في جامعة و طلع ما عندو المؤهل المطلوب..مش ممكن يدي الناس الحق تعرف عن تفاصيل ذلك المؤهل؟..
و لأن مثل تلك النتائج في الخلاصة قد تدخل في شبهة اضرار بمصلحة عامة ، فان الكشف عنها واجب كل فرد (واجب قانوني و اخلاقي)..
طريقة نقاشك هنا توحي بانو مؤسسة مثل المراجع العام مفروض نشطبها .. لأن الفساد خصوصية تجب حمايتها بالقانون..دي واحدة..
التانية.. انو الصحافة مفروض تكون مدجنة و تتخلى عن فكرة كونها سلطة رابعة في الدولة..و انو اي فرد يحاول يتحدث عن الفساد مفروض نقمعوا و نختو في علبو..!
لا فرق بينك و بين وزير المالية البيقوم يحتجز الصحفيين لأنهم تجرأوا للحديث عن فساده..!
هذه هي العوجة الأخلاقية الكبرى يا صديقة..!

كبر

Quote: هذه هي العوجة الأخلاقية الكبرى يا صديقة..!

العوجة الاخلاقية هي ان يكون اي شخص مستباح عرضه واولاده وبناته وسمعته

لانه مختلف سياسيا مع الناس

انا سالتك هل راجعت الوثائق المنشورة؟

Quote: نصوص القانون التي ذكرتها في مداخلتي اعلاه هي من قانون العقوبات الساري في السودان ، و الإستثناءات الواردة فيهو خطاها المشرع عشان الناس تستفيد منها.. لو عندك مشكلة مع القانون اهو ديك الدولة العملت القانون قاعده و عليك بمحاربتها و اسقاطها..! هناك نقطة مهمة جدا..و حقو تختي ليها بالك كويس عشان ما تظهري بمظهر شين قدام السادة و السيدات المتابعين و المتابعات: جعفر الخضر لمن قال بكرة محاكمتي في محكمة جنايات القضارف.. وضح ان الجهة الشاكية هي جامعة القضارف ..و لو جامعة القضارف بقت ابنة مدير الجامعة يبقى قولي لينا عشان نلم عدتنا و نتخارج..! و لمن ابنة المدير تقرر انها تشتكي بنفسها كفرد..ممكن يكون ليك الحق تدافعي عن حقها المهضوم.. لكن لو قررت تسكت..و تخلي الجامعة تشتكي بالنيابة عنها فاي زول/ة يدافع عن تلك البنت بيكون عندو غرض شخصي في الموضوع..وقع ليك؟ . عرض المستندات المعنية لا يشكل جريمة اشانة سمعة لأنه تم بغرض حماية مصلحة عامة.. و طالما هي مستندات حكومة ، فهنا تدخل فيها شبهة الحق العام ، ولا ينطبق عليها نص حماية الخصوصية.. و اذا ثبت ان تلك المستندات لم تتقيد بالأطر الشكلية و انها غير ممضية من الجهة التي يفترض عليها امضاءها ، فهنا تدخل فيها شبهة التزوير.. ما تفعلينه هو شغل عاطفي و استدرار للعواطف..و هو جهد مقدر منك..لكن القانون لا يعرف العاطفة..و انما يعرف الحقوق..و جامعة القضارف بطريقتها الماشة بيها مع جعفر خضر ما عندها سند قانوني ولا حق قانوني..! كبر

ينصر دينك أخى كبر ومشكور على التوضيحات القيمة للنصوص القانونية والتى أزالت الكثير من اللبس والغموض والضبابية التى صنعت من قبل البعض بغرض التشويش
على المتابعين ومحاولة تجريم جعفر بحجج واهية وبدون ذكر لأى نصوص قانونية ناهيك عن الخوض فى شرحها متلبسين لبوس القانون والفانون منهم براء بسبب إغترابهم الطويل فى الخليج بدواماته الروتينية والتى تطمس وتمحى وتزيل ما كانوا يعرفون لذا نجدهم يهرطقون ويستعرضون فى عضلات قانونية
واهنة ووهمية.
تخريمة:
(عايز أخبار كبر وعبد الرحمن الرحيمة وابراهيم الدود كريفان والذين من خلالهم تمنيت رؤية منطقة جنوب كردفان وخصوصا بابنوسة لانها مصدر هؤلاء الصناديد من خلال الايميل [email protected])

Quote: التانية.. انو الصحافة مفروض تكون مدجنة و تتخلى عن فكرة كونها سلطة رابعة في الدولة..و انو اي فرد يحاول يتحدث عن الفساد مفروض نقمعوا و نختو في علبو..! لا فرق بينك و بين وزير المالية البيقوم يحتجز الصحفيين لأنهم تجرأوا للحديث عن فساده..! هذه هي العوجة الأخلاقية الكبرى يا صديقة..!

هذا يعرف في أدب الانقاذ بفقه السترة ياكبر..........
فشكراً لك

Quote: هذا يعرف في أدب الانقاذ بفقه السترة ياكبر.......... فشكراً لك

أخى ابراهيم النعمة
لك التحية والتجلة
ومشكور على مساهماتك القيمة والتى تشكل إضافة حقيقية
فساد هؤلاء يستحيل وصفه ومفترض يسجل فى موسوعة جينيس
للأرقام القياسية يسرق الكوز بالشمال ويحمل مصحف باليمين
ولسانه يردد هى لله هى لله لا للسلطة ولا للجاه.

تضحكني الأوثان

حين تنادي الناس إلى الإيمان

و تسب عهود الوثنية

أحمد مطر

سلامات عوافي

اخي كبر
اوفيت واوجزت :

Quote: نصوص القانون التي ذكرتها في مداخلتي اعلاه هي من قانون العقوبات الساري في السودان ، و الإستثناءات الواردة فيهو خطاها المشرع عشان الناس تستفيد منها.. لو عندك مشكلة مع القانون اهو ديك الدولة العملت القانون قاعده و عليك بمحاربتها و اسقاطها..! هناك نقطة مهمة جدا..و حقو تختي ليها بالك كويس عشان ما تظهري بمظهر شين قدام السادة و السيدات المتابعين و المتابعات: جعفر الخضر لمن قال بكرة محاكمتي في محكمة جنايات القضارف.. وضح ان الجهة الشاكية هي جامعة القضارف ..و لو جامعة القضارف بقت ابنة مدير الجامعة يبقى قولي لينا عشان نلم عدتنا و نتخارج..! و لمن ابنة المدير تقرر انها تشتكي بنفسها كفرد..ممكن يكون ليك الحق تدافعي عن حقها المهضوم.. لكن لو قررت تسكت..و تخلي الجامعة تشتكي بالنيابة عنها فاي زول/ة يدافع عن تلك البنت بيكون عندو غرض شخصي في الموضوع..وقع ليك؟ . عرض المستندات المعنية لا يشكل جريمة اشانة سمعة لأنه تم بغرض حماية مصلحة عامة.. و طالما هي مستندات حكومة ، فهنا تدخل فيها شبهة الحق العام ، ولا ينطبق عليها نص حماية الخصوصية.. و اذا ثبت ان تلك المستندات لم تتقيد بالأطر الشكلية و انها غير ممضية من الجهة التي يفترض عليها امضاءها ، فهنا تدخل فيها شبهة التزوير.. ما تفعلينه هو شغل عاطفي و استدرار للعواطف..و هو جهد مقدر منك..لكن القانون لا يعرف العاطفة..و انما يعرف الحقوق..و جامعة القضارف بطريقتها الماشة بيها مع جعفر خضر ما عندها سند قانوني ولا حق قانوني..!

الأخ محمد عوض السيد
لك الشكر الجزيل على التضامن
ونتشرف بمعرفتك ومعك كل الإخوة
والأخوات على المشاعر الجياشة.

فوووووووووووق

مقتطفات من كلام الناقدة والباحثة فى الثقافة السودانية د نجاة محمود (من بوست آخر لنفس الموضوع)

Quote: الدكتورة نجاة محمود يكون كويس لو رفعتي قضية التشهير انتي ، يمكن المدير يكون مشغول ولا حاجة وعشان أساعدك شوية اسمي : جعفر خضر الحسن الفكي ، أسكن ـ الآن ـ القضارف ديم النور الدرجة الثالثة ...................................................................................................... كتب المتهم ها الكلام حين نصحناه بان يسحب البوست لما فيه من مخالفات قانونية ولكن تجبر وتكبر وجاب ليه تريقة وقلة ادب ما هو موقفك الان؟ اتمنى الا يتدخل الاجاويد وان تستمر هذه المحاكمة عشان الناس دي بتخاف ما بتختشي وتأكدوا لن ينشر اي شخص ورق مثل هذا مرة اخرى يلا ناس البوليس ما محتاجين يفتشوا شديد ويا مولانا يجب ان تجبر الكسر بان تأمره بالاعتذار علنا على فعلته الشنيعة جلد وسجن واعتذار (عدل بواسطة د.نجاة محمود on 28-06-2011, 02:01 PM

الفقرة الأخيرة من أجمل ما قرأت للباحثة فهى قانونية ضليعة ضلت طريقها الى
النقد والبحث العلمى.

جلد وسجن واعتذار تذكرنى ب دولار ريال شيك سياحى

مقتطف من كلمات للباحثة والناقدة د نجاة محمود ردا غلى جعفر عندما استشهد بقصيدة وردت فيها كلمة الزنازين (بوست آخر لنفس الموضوع)

Quote: نموذج للمراهقة الفكرية الزنازين البتتفح للابطال البدافعوا عن وطنهم ويرهنوا حريتهم ليه بالكلمة الصادقة الامينة والاخلاق العالية موش بسرقة الملفات ا السرية ونشرها للتشهير ومخالفة قانون البلد والتشهير بالنساء والعوائل والاسر ولعب دور المخلب القط في معارك دون معترك هذاالملف لا يوجد به اي شبهة فساد غير ممن سربه ومنك انت لا احد محترم سيحترم مجرم متماهي في مناضل بقوة 500 تاركتار القبر حتدخله حتما يوما ما ستحاسب على القذف والتشهير واي الم سببته لهذه الطالبة المسكينة ارجع الى نفسك ومارس النقد الذاتي واصلح

العبارة الأولى (مراهقة فكرية)
يا د. طالما توصلت أن المدعو جعفر إنسان ساذج ومسكين الغنماية تاكل عشاه؟؟؟ وشايل القفة ومغفل ساكت
والهدف من البوست تصفية حسابات سياسية وحصول جعفر على اللجوء السياسى فى بلدماوالموضوع ليس موضوع
فساد إذا الموضوع ليس له علاقة بالفكر بل بالسياسة لذا إستخدامك لتعبير(مراهقة فكرية) غير مناسب
بل الأصح (مراهقةسياسية) حاولى أضبطى كلامك وماتتناقضى .

السطر الثانى (الزنازين البتتفح ) كلمة تتفح دى أيه المقصود بها وإذا سلمنا جدلا بأنها غلطة إملائية
لكن العبارة كلها غير واضحة أرجو توضيحها والإتيان بأمثلة

السطر الرابع (ولعب دور المخلب القط )
كيف يعنى (المخلب القط) المخلب منسوب للقط يعنى الصحيح (مخلب قط)
عبارة (مناضل بقوة 500تاركتار) ما فهمتها أرجو منك التواضع ومخاطبتنا بلغة نفهمها نحن الناس المساكين ديل.
عبارة (القبر حتدخله حتما يوما ما) إكتشاف خطير جدا تصدقى أول مرة الواحد يعرف الحكاية دى مشكورة جدا على
هذه المعلومة القيمة.
جمال خضر

مقتطفات أخرى للناقدة والباحثة فى الثقافة السودانية د نجاة محمود (بوست آخر)

Quote: اسمع ياخي ما تقدنا اخوك غلطان غلط كبير نبنهناه ليه من الاول وعمل رايح الان يدفع الثمن على ما فعله في التشهير وسرقة اوراق سرية مافي زول حيتعاطف معاه خالص لانه لو جد عايزين ن تغيير لازم نخلي حركات البلطجة والاجرام دي اخوك لمسفد ذيو وذي اي حرامي سرق ورق طالب وشهر بها هنا لا قيم اخلاقية عادية ولا قيم سودانية ويجب ان يدفع الثمن وها المنبر يجب الا يسهم في التشهير بالعوائل ونشر الاكاذيب

وقد ألجمتنى هذه العبارة ولم أفهم ما ترمى اليه فمن يأنس فى نفسه الكفاءة والمقدرة على التفسير إنتشالى من مستنقع الحيرة بإماطة اللثام
عنها

Quote: اخوك لمسفد ذيو وذي اي حرامي سرق ورق طالب وشهر بها هنا لا قيم اخلاقية عادية ولا قيم سودانية

مداخلة أخرى للناقدة والباحثة فى الثقافة السودانية د نجاة محمود (بوست آخر) طبعا بلاغة ما بعدها بلاغة ولغة رفيعة تذكرنى مصطفى لطفى المنفلوطى فى رواياته .

Quote: اها الزول دا اسع عامل انه بناضل ضد الفساد شوفتا مصيبة السودان في شنو؟ في انه التشهير بدون ادلة وخرق القوانين دا ياهو محاربة الفساد عشان كدا ابدا ما حيلعبالاعم يوم دور منضبط في محاربة الفساد وحيكون هرجلات ساي اسع في فساد اكثر من تسريب ورق خاص؟ يجب محاربة التشهير بالاسر ورفضه تماما لاحظ عدد المشجعين في هذا البوست البائس اتمنى ربنا يفضحهم في عقر دارهم..

Quote: والشيلوه القفة دا حيجلد هو ويتعب هو ويكون المحرض مندسي ولذلك يجب كشفه وتعريضه للمحاكمة مؤامرات الجامعات دي نحنا عارفنها كويس

درة أخرى من الدرر التى لا تحتاج لأى تعليق بل تتطلب من المرء التأمل والتطلع
ومحاولة الإستفادة من الأفكار المندسة بين الحروف.

كلام الدكتورة فيما يخص المعدل التراكمى

Quote: سلامات الطالبة فصلت لانها رسبت في الملحق او الرسيت حينما يرسب الطالبفي مادة واحدة ينر الى تراكمه وهي بالتراكم ناجحة حيث تراكمها اكثر من 2 في اسكيل 4 وبلك تتم المعالجة بذات الطريقة وهي الرجوع واعادة السمستر وهذا ما حدث في هذه الكيس لا فساد ولا يحزنون تحيه طيبه يا دكتورة نجاد اذكر انو في الموضوع المعني انك ذكرتي بان معدل الطالبه مفروض يكون بين 2.5 و2.8 مستنده بذك لخبرتك 7 اعوام والحقيقه لم يتسني لي الوقت للمداخله لكن الطالبه مفصول فصل صحيح لا غبار عليه نعم نتائجها جيده في كل الفصول عدا الفصل الاخير وهوالذي هبط بالمعدل التراكمي ربما ظرفها النفسي او اي عوامل اخري هبطت بمعدلها بهذا الشكل وهي مساله سهل علاجها اكاديميا من خلال اعادتها للفصل الدراسي كاملا مع الدفعه التي تليها

مداخلة من الأستاذ نيازي عبدالله مرحوم احمد
معلقا على ما ذكرته الناقدة والباحثة نجاة
فيما يتعلق بمعدل الطالبة ولم تنبت الدكتورة
ببنت شفة لإزالة اللبس والتشكيك فيما أدلى به
الاستاذ نيازى رغم ما تتمتع به من خبرات فى هذا
المجال يتجاوز السبع سنوات(المداخلة فى بوست آخر).

Quote: دا الكلام الصاح حتى تتوقف الفوضى واشانة سمعة الناس بالساهل بعد شوبة بنسمع بيه طلب لجوء سياسي لان الطريقة التي تصرف بها وتحديه زول عايز دا بحصل بالله يا بكري علق البوست دا فوقذي ما عقلت بوستو فوق عشان الناس تعرف في قانون بحاسب (عدل بواسطة د.نجاة محمود on 28-06-2011, 11:31 AM

ما عارف حكاية الناقدة والباحثة نجاة محمود مع اللجوء السياسى واللاجئين
فى جل بوستاتها تتطرق لهم وتهاجمهم وتحاول بشتى الطرق إثبات أنهم مستهبلين
وما بيستاهلوا منحهم هذا الحق وعندها منطق غريب وإعتقاد راسخ أن حق اللجوء
يعطى لمن تعرض للتعذيب فقط وهى تعتقد أن كل من نال لجوء فى الخارج ناله بحجة
أنه تعرض للتعذيب إدعاء وليس حقيقة مع أن غالبية مواطنى السودان مضطهدين بسبب
الإعتقاد السياسى فالشخص غير المنتمى لما يسمى بالمؤتمر الوطنى مواطن من الدرجة
الثانية (الوظائف -التجارة -التعليم -الصحة -السفر .....الخ )كل هذه الحقوق مكفولة
للزبانية والبقية يعيشون على هامش الحياة لعدم الولاء وهذه من الممكن أن تمنحهم الحق
فى اللجوء (إضطهاد بسبب الإعتقاد السياسى).

وتتواصل المقتطفات من البوست الآخر لما أدلت به الناقدة والباحثة نجاة محمود

Quote: اها يا تارك الصلاة الموت جاك اشتكوك وحتجلد ما تفتكر حنخليك تبقى بطل هنا مشين السمعة والمشهر لايمكن يكون بطل وعلى الجامعة ان تعرف من هو الموظف المسؤول من تسريب الارواق الرسمية وتحاسبه وتحاكمه بسرقة الارواق دي بالتالي خيانة الامانة

Quote: وتحاسبه وتحاكمه بسرقة الارواق دي بالتالي خيانة الامانة

العبارة دى واقفة لى فى حلقى ما قادر أبلعها ولا قادر إستفرغها

http://www.facebook.com/groups/BDFSudan/


اليوم 27/8/2011 تشكل حزب السودان لهزيمة نظام الكيزان

نرحب بالحبايب شرفاء الشباب من حزب الامة القومي الذين انضمو اليوم للقروب و لنعمل سويا لاسقاط النظام
نرحب بمجموعة قرفنا الذين انضمو اليوم للقروب و لنعمل سويا لاسقاط النظام
نرحب بكل القروبات و الفصائل التي انضمو اليوم للقروب و لنعمل سويا لاسقاط النظام

و الآن و قد بدا توحد الفصائل العاملة لاسقاط النظام تحت راية واحدة والآن نقدر نقول الشعب يريد اسقاط النظام
الشعب يريد اسقاط النظام
الشعب يريد اسقاط النظام

أخى مصطفى محمود
لك التحية والتجلة وأنت تكافح دون كلل أو ملل
من أجل خلق مستقبل أفضل لوطن يستحق أن يكون فى
المقدمة لولا تسلط فئة من شذاذ الآفاق لا تهمهم
غير مصالحهم الذاتية الضيقة.
بالتوفيق والى الأمام

المقتطفات من البوست الآخر لمأثورات الناقدة والباحثة د نجاة محمود

Quote: ولكن تجبر وتكبر وجاب ليه تريقة وقلة ادب

لا حول ولا قوة إلا بالله

Quote: يجب محاربة التشهير بالاسر ورفضه تماما لاحظ عدد المشجعين في هذا البوست البائس اتمنى ربنا يفضحهم في عقر دارهم.. الله يشهد انا ناقدة لا يشق لي غبار قارئة بطايوق يكفي كل نقاقيد البورد ديل ومن لف لفهم...

Quote: اتمنى ربنا يفضحهم في عقر دارهم..

من نفائس ما اسخلصناه من الناقدة والباحثة والدكتورة التى لا يشق لها غبار دنجاة محمود.(مقتطف من بوست آخر لنفس الموضوع)
العبارة الغبارية قالتها عن نفسها فى بوست لها بعنوان(مناضل من النوع ابو كديس)

كانت هنالك جلسة اليوم الأحد11/9/2011 إستمعت فيها المحكمة للشاكى وتم توجيه الأسئلة من قبل المحامين
وستكون الجلسة القادمة يو 25/9 القادم.

شكرا لكم جميعا
منكم نستمد الثبات
انعقدت الجلسة يوم الأحد 11/9/2011 استمع القاضي للشاكي ممثل جامعة القضارف الذي تم استجوابه بواسطة الدفاع والاتهام
وستنعقد الجلسة القادمة يوم 25/9/2011



الشكر لكل من سأل أونصح أودعا

النصر النصر
وكشف كل الفضائح عبر وسائل الاعلام

تم تأجيل الجلسة بطلب من جامعة القضارف بحجة نقل مستشار الجامعة القانوني
وطلب المستشار الجديد إمهاله فرصة للإضطلاع على القضية
موعد الجلسة 9 اكتوبر