الحل القاتل لفيروس الهكر الباطل

أيوه الهكر زول باطل إن شاء الله يموت زاته

خت فيروس في الصفحة البحولك عليها المنبر ومع الآسف في بعض الاخوان ما عندهم أحتياطات والفيروس ضربهم وفي بعضهم كمان عندهم أنتي فيروسات خيبانة زي الهكر السجمان دا

رغم أني ما عارف الفيروس ولا الباتش دا بعمل شنو لكن ما بعيد يكون باتش يسرق معلوماتك من الجهاز والله العالم



غايتو الأنتي فايروس العندي ماشاء الله أنستر وقدر على الفيروس وظابط ميه الميه فعشان كدا أنصح الأخوان بأستخدامه وهو مايكروسوفت سيكيورتي اسنشل
جميل وظريف وخفيف وهادي ما بتحشر زي بقية الانتي فيروسات بالاضافة لأنو مجاني وبعمل اب ديت براهو وبسهولة
وبستخدمه من مدة طويلة وحتى الأن ما لقيت اي مشاكل معاه وقوي على الفيروسات الفي الفلاشات ووسائط التخزين وسريع في إزالتها

ودا موقعه هنا
http://www.microsoft.com/en-us/security_essentials/default.aspx

ولو في زول عنده مشكلة في تنزيله ممكن ينزله من هنا بسهولة

http://ninite.com/

http://download.cnet.com/1770-20_4-0.html?que...r=platform%3DWindows

بس لازم عشان يتثبت عندك لازم الويندوز يكون مرخص وبعمل اب ديت

Quote: بس لازم عشان يتثبت عندك لازم الويندوز يكون مرخص وبعمل اب ديت

يعنى يا عبد العزيز اخوى كان لازم يعنى تذكرونــا بفقرنــا ..

يا بدرالدين فقر شنو أنتو في نعمة والسبب الحصار الامريكي عليكم

يا بدرالدين أنا شغال لي بي نسخة حقت ويندوز7 سعرها يزيد عن 400 دولار نفس النسخة وفي احدث واحسن منها دي السودان بي عشرة جنية تقول لي فقراء

عادي البرنامج بشتغل مع أي جهاز فيه ويندوز مكرك ولا مبتش بس يكون بعمل اب ديت نزل البرنامج وكان أبى ادينا خبر