Post: #1
Title: ناس حزنان وناس زعلان...
Author: حاتم الياس
Date: 07-12-2011, 11:54 AM
زمان فى القانون الدولى وحينما كنا على مقاعد الدرس لم تصادفنى عبارة صادقة فى المعنى والحكمة كعبارة شارل شومان أحد فقهاء القانون الدولى حينما كان يقول (ان النتائج المترتبة على حق تقرير المصير مهما كانت مؤلمة فأن التقاضى عن هذا الحق سيكون أكثر اٍيلاماً)...عليه فأن هذا الحق يجرى مجرى الطبيعة من السنن والأشياء..
أما أهل الخير من عتالة الأدانات وشياليها الذين ينقلون أثقالهم وأحزانها الى مكان ما نستقبله كعقدة ذنب وطنية شاملة وعامة فنقول لهم فترنا من هذه الأوهام وفترنا من دور الأله الشرير نريد ان نبنى وطناً حراً ديمقراطياً دون يطالبنا أحد بالأغتذار المجانى والبكاء المجانى على ذهاب الجنوب
أمشوا لقدام عليكم الله..
التوقيع (واحد أبداً مازعلان)
|
Post: #2
Title: Re: ناس حزنان وناس زعلان...
Author: قيقراوي
Date: 07-17-2011, 07:46 AM
Parent: #1
حاتم ازيك ياخ
Quote:
أما أهل الخير من عتالة الأدانات وشياليها الذين ينقلون أثقالهم وأحزانها الى مكان ما نستقبله كعقدة ذنب وطنية شاملة وعامة فنقول لهم فترنا من هذه الأوهام وفترنا من دور الأله الشرير نريد ان نبنى وطناً حراً ديمقراطياً دون يطالبنا أحد بالأغتذار المجانى والبكاء المجانى على ذهاب الجنوب
|
كلامك دا حار علينا ياخ!
اها ناس الحلات الخاصة الزي المساكين ديل :
مسقط رأسي يؤلمني جداً .. حافظ حسين يا رفيق الأسى بعد إذنك
كيف الدبارة معاهم!؟
--------
غايتو انا من زمان مطالب بتصنيف other 
برضو دا ما بمنع انو معاك حق ..
نرمي لي قدام ...
المافي شنو!؟
ماشين في السكة نمد
|
Post: #3
Title: Re: ناس حزنان وناس زعلان...
Author: حاتم الياس
Date: 07-17-2011, 03:16 PM
Parent: #2
ياقيقراو دى ماالنتائج المؤلمة زاتها لحق تقرير المصير..نحن المسألة واجعانها ماف أتنين تلاتة..
لكن عشان نمشى لقدام لازم نطلع من اثارها وزى ماقال محمد المكى أبراهيم (كيف سنبدع الدنيا الجديدة وفق مانهوى ونحمل عبء ان نبنى الحياة وننتصر)
---
ماتجى علينا فى الفيس بوك..أخر الخنادق الصامده ضد التهكير هههه
|
Post: #4
Title: Re: ناس حزنان وناس زعلان...
Author: MOHAMMED ELSHEIKH
Date: 07-18-2011, 06:33 AM
Parent: #3
| Quote: ياقيقراو دى ماالنتائج المؤلمة زاتها لحق تقرير المصير..نحن المسألة واجعانها ماف أتنين تلاتة.. |
سلام اولا
يا حاتم أخوي انا أوافقك لو كان تقرير المصير جرى في مناخ صحي ,
في بلد بها ديمقراطية-حرية-استقلال قضاء- سيادة قانون
الا يحق لنا سكب الدموع ان يتم هذا الحق في وطن مناقض لما ذكرته أعلاه؟؟
تحياتي عبركم لعمنا الياس موسى متعه الله بالعافية
|
Post: #5
Title: Re: ناس حزنان وناس زعلان...
Author: قيقراوي
Date: 07-18-2011, 07:55 AM
Parent: #3
Quote:
ماتجى علينا فى الفيس بوك..أخر الخنادق الصامده ضد التهكير هههه
|
لوووووب
ارسم لنا صراطاً مستقيماً نحو افقكم كي نجيئكم*
------
* دي من SMS قدييييييمة ..
قلنا نعمل فيها مسغفين كمان!
|
|