من من عضوية المنبر تتوقعون له الفوز بلوتري هذا العام

والذي ستعلن نتيجته في الخامس عشر من هذا الشهر

ادينا القائمة

و بنديك النجيضة







-----------------

انت كان عارف حاجة يالخير اخوي

قول

ود الصايم قاعد علي الهبشة

ان جاز لي سحب كلمة ( تتوقعون ) من صدر العنوان وابدالها بـ ( تتمنون )

فأتمناه صادقا ومن سويداء القلب للجميع ولكني اخص بالتمني والدعاء صديقي الحبوب

.
.
.
.
.
.
.
.
.
.
.
.
.
.
.

ود الصايم

الفائز بهذه المسابقة ستكون له اولوية التقديم لاي عشرة

اشخاص يختارهم من اهله او اصدقاءة او جيرانه او اي من معارفه

ساقوم بالتقديم لاي عشرة اشخاص يخاترهم هو وسيكونون في اولوية

التقديم في القرعة القادمة باذن الله.



امنياتي للجميع

اتوقع فوز اخونا احمد ساتي ..

هذا الرجل يقدم للوتري منذ ان كان التقديم بالالة الطابعة والصاق الصور بصباع امير..وترسل الطلبات لــPortmouth NH

اذكر انه في اول يوم لي في الهند اخذني هذا الساتي في جولة ماكوكية لمدة خمس -ست ساعات لتجهيز الطلب انتهت بصف البوستة وارسال الطلب

وكان مبسوطا من هذا الانجاز كانه قد نال الفوز بالقرعة فعلا - فعرفت ان به نحس ثلاثي ا لابعاد واوصيته بمراكب هايتي خيرا ..

اللهم اخرج عبدك ساتي من السودان سالما معافي ولا نقول اوصله لامريكا مرة واحدة بل الي هايتي او بورتوريكو قادر يا كريم..




__________

On a serious note

تمنياتنا لهارون دياب وود الصايم وكل الراغبين بخوض التجربة الامريكية بالتوفيق والسداد...

حسين سلامات..
انتا قاصد احمد ساتي عضو المنبر؟
لانو من خريجيين الهند وعمل ماجستير في اميركا ورجع السودان..
لخبتني ياخ

سارة كدي خليني من احمد ساتي

الجرجير مالو ضار بالصحة:)





____________

ياهو ذاتو يا سارة

احمد ساتي لمن كان بقدم للوتري قوانين اللوتري كانت تلاتة سطور::)

هو جاي نهاية الشهر ان شاء الله..

يصل بالسلامة انشاءالله...




_____
ابحث عن الجرجير في البورد تعرف القصة..

انعام حيمورة

Quote: انعام حيمورة

كل الامنيات لاختنا الرايعة انعام

وترشيحك اريتو مقبول يا شبكة

يا حسين كيفك يا صاحب

اما فيما يتعلق باخانا ساتي فندعو الله له السداد والتوفيق انا اذكر انه ساتي
ذكر لي في ذات جلسة صفراء بانو لما كان بقدم للتوتري اسمه زاتو ما كان احمـد
هذا مع العلم بان المذكور اعلاه يتمتع الان بكامل اهلية المواطنة الامريكية دا
طبعا عشان ما تلخبط لسارة دي الكيمان ساي هههههههه ويا سارة العجوز البتتكلمي
عنو دا ياهو ود ساتي زاااااااتو وبصافته


طبعا بعد الزفة دي يا حسين وجب ان نتصل باخانا ساتي ونخبره بما جرى هههههههه
طبعا مثلك يا حسين اتمناه ايضا للصفوة هارون دياب الذي قطعا وجوده في بلاد عمنا
سام سيشكل نواة جيدة لتكوين رابطة ليها ضل لمشجعي المريخ العظيم هنا... للصفوة
هارون كل الامنيات.

الجرير دا قصتو شنو يا حسين وسارة

دايرين تجرجرو لينا البوست مالكم انتو

Quote: طبعا بعد الزفة دي يا حسين وجب ان نتصل باخانا ساتي ونخبره بما جرى هههههههه طبعا مثلك يا حسين اتمناه ايضا للصفوة هارون دياب الذي قطعا وجوده في بلاد عمنا سام سيشكل نواة جيدة لتكوين رابطة ليها ضل لمشجعي المريخ العظيم هنا... للصفوة هارون كل الامنيات.

احييييييييييييييي يابطني .....!!!!

Quote: احييييييييييييييي يابطني .....!!!!

غايتو كلموا ناس اللوتري بتاعنكم ديل من هسي
لو القصة ما ضربت ح أحرد الموضوع دا وأمش كندا!!

اتوقع ود الصائم

سلامات يا الخير
الموضوع اياه تم والحمد لله شكرا لك

الأخ الخير السلام عليكم وعل ضيوفك الكرام

لدى قصة غريبة مع اللوترى فقد فزت باللوترى عام 98 ولسوء الطالع ارسلت الرد عن طريق الDHL و كان من المفترض ارساله

بالبريد العادى فى ذلك الوقت . ومرة اخرى فزت عام 2008 و لكن لسوء الطالع ال CN بتاعى كان فى حدود ال 64000 و كانت افريقيا الوحيده

NOT CURRENT فى ذلك العام ووقف الحظ فى حدود 62400 على ما اعتقد.

عموما حظا سعيدا لجميع المتقدمين و أتوقع و أتمنى فوز الاخ ود الصايم .

الاخ عبد الحميد مرحب بيك في الدار ومرحب بيك مقدماتي قديم وخبير
شكلي كدا حا استعين بيك في المرة الجاية كرجل خبرة وبتقدم من القرن
الماضي هههههههه.



ودي

Quote: الموضوع اياه تم والحمد لله شكرا لك

حمدا لله علي السلامة يا معاذ


تحياتي يا حبوب

Quote: لو القصة ما ضربت ح أحرد الموضوع دا وأمش كندا!!

يا ود الصايم ياخ اللوتري دا في ناس زي ما قال حسين نوباتيا من زمن
الالة الكاتبة والصورة بلصقوها بصباع امير ولييييييي هسي ما حردوا
تجي انت من قولة تيت كدا تحردو لينا ياخ دا ختى ما يرضيش ربنا ههههههه


عموما يا سيدي الله لا جاب الحردان وتكون معانا المرة دي
قول اميييييييين

الخير سلام ...
وصباحاتك بيض ان شاء الله ....

التقديم الجديد لي 2013 ح يبدأ متين؟؟
وغايتو من هسي انا حاجزة خانة من الخمسة ديل ...
حتى لو ترشيحي ما ضرب ..
.
.
.
هارون دياب ..الراجل دا محظوظ والله "اللهم لا حسد"

.
.
.
على فكره انا قدمتا في 2011 ما نفع ...

وريني المطلوب شنو من هسي اجهز اوراقي ...

رندا مرحب بيك ياخية في اي وقت خانتك محفوظة والتقديم الجديد حا يبدا
شهر عشرة باذن الله .... كان مفروض اقدم ليك المرة الفاتت دي لكن ما رسلتي
البيانات... المرة دي رسلي بدري بدري لانه ود البدرس سمين زي ما بقولو اهلنا



مرحب بيك مرة تانية


وشايف اخانا هارون دياب اصبح منافس قوي لود الصايم
انا غايتو شايفو محمدهم الاتنين الجوز اللوز ديل ههههههه

الاخ الخير
ضيعت الرقم
الحل شنو؟

أخونا الخير سلامات
نفس سؤال أخونا نايف أعلاه....له التحية
نرجوا إفادتنا أفادك الله,
أزهرى

الخير يا وجه الخير


معاك لي آخر المدى


ومتمنياً الفوز للجميع

وشخصياً ما قنعان زي قريبي ود الصايم

لو ما فزت المرة دي


خليك جاهز للعام القادم والعوام التي تليه

حتى أفوز بالتزكية زاتوووووو

شكراً لك ولجهودك

وجزاك الله عنا كل خير

وتمنياتي للجميع بالفوز

هارون دياب





.......
بشرط انه تقدم لي السنه الجايه

Quote: هارون دياب ....... بشرط انه تقدم لي السنه الجايه

جدا يا نوفل اقدم ليك ولي عشرة زيك هههههههههه
قصرت معاك !!!

ابراهيم قناوي زبوني الدائم

سلامي الوافر


يا زول تشكراتي وامنياتي وان شاء الله يقع ليك المرة دي

لكن ما وريتنا ترشيحك ياخ



ودي

Quote: الاخ الخير ضيعت الرقم الحل شنو؟

خليني اتاكد ليك من الموضوع دا لاني قبل كدا زي سمعت انه
في ليهو طريقة علاج.... خليني اتاكد وبوريك لكن المعلومة
الدايرك تتاكد منها يا نوفل انه لو ما اتوفر ليك الرقم
ما حا تقدر تعرف نتيجة تقديمك نهاااااائي.


تحيتي

Quote: جدا يا نوفل اقدم ليك ولي عشرة زيك هههههههههه

لو ما عرفت انه الفايز ممكن يقدم لي عشرة .. كان زعلت من عشرة زيك دي لووووول
قالوا زمان زمن الموصلات صعبه .. زوله كبيره في السن وقفت شماعه .. واحد من الشباب قام ليها قعدت
قالت ليهو كتر خيرك يا ولدي .. اسمك منو ؟ قال ليها اسمي عيسي .. قالت ليهو يا اخوي كان زعلان تعال اقعد مكانك
قال ليها يا حاجه انا اصلو اسمي كده .. اسمي عيسي

الخير حبيبنا

سلامات





هذا هو ترشيحي

Quote: ومتمنياً الفوز للجميع

وإن كان لابد من شخص محدد

فهو قريبي ود الصائم


تسلم يا حبيبنا على مجهوداتك

سلامات
لكن ما حددته لينا من السودان الشمالى والله الجنوبى
تحياتى

Quote: لكن ما حددته لينا من السودان الشمالى والله الجنوبى

بلدي يا حبوب يا اب جلابية وتوب وسروال ومركوب جبة وصديري وسيف وسكين

مرحب بيك اما فيما يخص اهلنا بالسودان الجنوبي فما اعتقد انهم بحتاجوا
للوتري ايني مور .... الناس ديل كم سنة كدا وهم زاتم حا يفتحو فرص لوتري
وهجرة لبلادهم التي تنعم بما لا تنعم به بلاد عمنا سام زاتو... وللا كيف هههه


تحيتي واحترامي

بوست ظريف ودمه خفيف ، وأرشح صديقى الحبيب ود الصائم وفى حالة عدم توفيقه أوافقه بشدة على موضوع كندا ويمكن بشوية جهد ودفع فلوس لمحامى شاطر ان يأخذ الجنسية الكندية ويدخل أمريكا كمواطن كندى، لايقل عن الامريكى كثيرا ، هذه وصفة مجربة أخى محمد مجربة قبل (20) سنة ، لكن مشكلتى ان زوجتى وأولادى رفضوا الجنسية الكندية أو حتى الامريكية وكانت متيسرة آنذاك، لكن حب الوطن بغباره وافتقاره لكل مقومات الحياة والضيق فى المعايش ، مودتى للجميع بالتوفيق، وأتطلع لله عز وجل أن يكون الوطن جاذبا ليعود الجميع الى ظله ينعمون بخيره بدلا من الغربة وعذابها المر ، مودتى .

فووووق حتى ظهور النتيجة يوم الجمعة 15/07/2011


سلام يا لخبر ..

النتائج ستظهر تباعا

بالتوفيق للجميع

واتمني الفوز للاخ الخير