Post: #1
Title: رسالة خاصة لود الصايم ...الضحكنجى.
Author: smart_ana2001
Date: 07-06-2011, 08:41 PM
Quote: سؤال استفساري استنكاري استنـ أي حاجة:
طبزت لي حاجة قام الـ App store اختفى كلو كلو!
يكون زعل؟
_
هسي بقيت ما بقدر أعمل سنكرنايز مع اللابتوب!! |
موضوع ال اى فون ده خلاص....تعبت منو. لكن لانك كتبت سعال فى اخر مداخلة فى البوست القديم ....و اتهمتنى بالاستوساخ و الفتح و الاهمال... قلت افتح بوست خصوصى عشان ارد عليك....قصرتا ??
طيب قبل اى شيء...تلفونك ده مشتريه بطرق رسمية ام ملتوية?
يعنى معمول ليه جيل بريك ام مفتوح جاهز من المصنع?
لو مفتوح جاهز وصله فى الكومبيوتر و افتح itunes و خليه يرجع لل setting بتاعة المصنع. و مفروض يبقى تمام. بعده ممكن ترجع كل تطبيقاتك من الكومبيوتر. ممكن برضو تشيله لوكيل ابل فى المنطقة واكيد ح يصلحوه ليك.
لو تلفونك معمول ليه جيل بريك ,,,تكون عاوز ليك خبير فى الحجات دى. انا بتاعة تنظير ساى. و ما ح اعرف اساعدك...شوف نوبى...يمكن يكون عندو ليك حل
|
Post: #2
Title: Re: رسالة خاصة لود الصايم ...الضحكنجى.
Author: smart_ana2001
Date: 07-06-2011, 08:43 PM
Parent: #1
بالمناسبة كمان ...انا ما فاهمة عدم ظهور ال app store دخله شنو بانك بقيت ما بتقدر تعمل sync مع الكومبيوتر
شكله تلفونك ده مصيبته اكبر مما تظن
|
Post: #3
Title: Re: رسالة خاصة لود الصايم ...الضحكنجى.
Author: عبدالعزيز الفاضلابى
Date: 07-06-2011, 08:57 PM
Parent: #2
سلامات يا سمارت
| Quote: انا بتاعة تنظير ساى. |
يكونش طلحة عبدالله قريبك?
هسع دي نفهما :
البضحك الناس
ولا
البضحكو فيهو الناس
ولا
الـ بقرقر بلاسبب
ممكن نحذف ليك إجابة ,, وإذا جاوبتي ليك جايزة عبارة عن سؤال تاني فيهو بروموشن الاستعانة بصديق.
|
Post: #4
Title: Re: رسالة خاصة لود الصايم ...الضحكنجى.
Author: Hussein Mallasi
Date: 07-06-2011, 09:03 PM
Parent: #3
| Quote: شكله تلفونك ده مصيبته اكبر مما تظن |
|
Post: #5
Title: Re: رسالة خاصة لود الصايم ...الضحكنجى.
Author: smart_ana2001
Date: 07-06-2011, 09:07 PM
Parent: #3
الفاضلابى ...ازيك?
الايام دى (تحمد ربك) شكلك مبسووط و مزاجك عال العال. تمام و الله ...و عينى بارده.
هسي دى فى ليها داعى? انا قصدى البقرقر...لكن بسبب. و سبب قوى كمان.
ما لك عاوز تجيب لى مشاكل??
بعدين طلحة ده يا جماعة مالكم معاه كلكم?
طلحة....ما تشتغل بزول. ونظر ذى ما عاوز...
انا بصراحة ح اكون مغروضه فى محمد البشري ده بعد كم شهر كده....عشان كده لازم اصلح علاقاتى من الان
|
Post: #6
Title: Re: رسالة خاصة لود الصايم ...الضحكنجى.
Author: smart_ana2001
Date: 07-06-2011, 09:19 PM
Parent: #5
و ينك يا ملاسى يا اخى ?
|
Post: #7
Title: Re: رسالة خاصة لود الصايم ...الضحكنجى.
Author: عبدالعزيز الفاضلابى
Date: 07-06-2011, 09:36 PM
Parent: #6
| Quote: ما لك عاوز تجيب لى مشاكل?? |
مش يا سمارت انتي قلتي بتاعت تنظير
اها في دي اعتبريني بتاع سلبطة
اها طالما جاوبتي علي السؤال ,, زي ماوعدتك هاك السؤال بتاع البرموشن:
ليه غنم الإشلاق مابتطلع يوم التلاتاء من كل اسبوع?
|
Post: #8
Title: Re: رسالة خاصة لود الصايم ...الضحكنجى.
Author: معاوية المدير
Date: 07-06-2011, 09:45 PM
Parent: #7
| Quote: شكله تلفونك ده مصيبته اكبر مما تظن |
هو سيد التلفون زاااااااتو مصيبة.
Quote: طيب قبل اى شيء...تلفونك ده مشتريه بطرق رسمية ام ملتوية?
يعنى معمول ليه جيل بريك ام مفتوح جاهز من المصنع? |
بما إنو سيد التلفون زاااااتو مصيبة، تفتكري الإجابة حاتكون شنووووووووووو؟؟؟
سمارت سلآم...
|
Post: #9
Title: Re: رسالة خاصة لود الصايم ...الضحكنجى.
Author: smart_ana2001
Date: 07-06-2011, 09:46 PM
Parent: #7
تطلع من البيوت يعنى ?
عشان الحلاقين قافلين يوم الاربعاء ??
ام عشان المتاحف قافلة يوم الاتنين ?
الله اعلم.
|
Post: #10
Title: Re: رسالة خاصة لود الصايم ...الضحكنجى.
Author: طلحة عبدالله
Date: 07-06-2011, 10:15 PM
Parent: #9
ولا يهمك من ناس عبد العزيز ديل فمن جهة دا الحب
ومن جهة أخري الشهرة متاعب يا بت الحلال ..
لكن لو عايزة امورك تمش عدل فأياك وناس جرجير الملقب بمحمد البشرى .. الخ .
|
Post: #11
Title: Re: رسالة خاصة لود الصايم ...الضحكنجى.
Author: عبدالعزيز الفاضلابى
Date: 07-06-2011, 10:16 PM
Parent: #9
Quote: ليه غنم الإشلاق مابتطلع يوم التلاتاء من كل اسبوع?
|
Quote: عشان الحلاقين قافلين يوم الاربعاء ??
ام عشان المتاحف قافلة يوم الاتنين ? |
نوب ..
ما بتطلع (بره) لإنوTuseday وهي غنم
|
Post: #12
Title: Re: رسالة خاصة لود الصايم ...الضحكنجى.
Author: smart_ana2001
Date: 07-06-2011, 11:11 PM
Parent: #11
معاوية المدير ....سلامات
بالله ود الصايم ده مصيبه ??? يا اخى ده زول هدى و رضي. لا قاعد يضحك على زول ....و لا قاعد يدردق الناس....و لا حتى مبرمج فى العالم كلو بالبارد...ابدا.
طلحة عبدالله ابعد من جرير ??? انا الايلم دى عندى جرجير ابقي يقوم كلو كلو...يكون من شنو ?
الفاضلابى ....انا احتج...انت قلت غنم...ما قلت غنميات
لكنها حلوة برضو
ود الصايم ده اصلو بنوم بدرى? غايتو كلموه بالبوست ده. و ما فى زول يكلم بشمهندس جرجير....قلت ليكم ح احتاج ليه قريب.
|
Post: #13
Title: Re: رسالة خاصة لود الصايم ...الضحكنجى.
Author: Yassir Tayfour
Date: 07-07-2011, 00:57 AM
Parent: #12
يا سمارتنا
آيفون ود الصايم ما أصلي، ما تضيعي وقتك ساكت، ده الصيني المضروب..
___
الكلام ده قالو لي فيصل نوبي ؛)
|
Post: #14
Title: Re: رسالة خاصة لود الصايم ...الضحكنجى.
Author: محمد عبد الماجد الصايم
Date: 07-07-2011, 01:44 AM
Parent: #13
يا سلاااام يا سمارت ياخ .. لينا الشرف يعلم الله!
بعدين كان نوم بدري ما عارف .. يا دووووب راجعين من الشغل وكـدا!!
الجماعة الفوق ديل كلهم أديهم أجدع طناش وركزي معاي:
التلفون أصلي الأصلي زاتو .. من وكيل أبل لا جيل بريكـ لا أي حاجة
الحاجة الحصلت كنت دايما بلاقي أبديت للبرامج .. كرهني ليكـ أبديت أبديت أبديت
يومون من الأيام لقيت في حتة مكتوب (إيقاف التحديثات) وقمت قلت ليهو آآآي .. فجأة
آلاقي ليكـ عمكـ الآب ستور ماف:):)
أها لما أوصل الجهاز باللابتوب عادي بشبك مع الآيتون .. لكن ما بجيب البرامج الموجودة!
|
Post: #15
Title: Re: رسالة خاصة لود الصايم ...الضحكنجى.
Author: محمد عبد الماجد الصايم
Date: 07-07-2011, 01:47 AM
Parent: #14
بالمناسبة يا سمارت .. المداخلة الفوق دي رقم 27999
ودي رقم 28000 والاتنين هدية ليكـ على البوست دا:):)
اليومين ديل شابكـ في قيم اسمو (وورلد وور ـ ستورم 8)
عامل لي شاغول عديل كـدا .. اليوم كلو أحسب في الدفاع والهجوم
والإنكم والآب كيب وحاجات كـدا غريبة خلاس!!
|
Post: #16
Title: Re: رسالة خاصة لود الصايم ...الضحكنجى.
Author: معاوية المدير
Date: 07-07-2011, 01:56 AM
Parent: #15
Quote:
الجماعة الفوق ديل كلهم أديهم أجدع طناش وركزي معاي: |
إنت المصحيك لهسّع شنو؟؟؟
|
Post: #17
Title: Re: رسالة خاصة لود الصايم ...الضحكنجى.
Author: محمد عبد الماجد الصايم
Date: 07-07-2011, 02:28 AM
Parent: #16
يا ود المدير .. تعرف يا دوب صليت الفجر وجيت
ياهو الجمر قدامي والحجر معاهو .. وكورة الأرجنتين شغالة!!
|
Post: #18
Title: Re: رسالة خاصة لود الصايم ...الضحكنجى.
Author: smart_ana2001
Date: 07-07-2011, 03:00 AM
Parent: #17
ياسر....التلفون طلع اصلى من المصنع...
خلاص بعد كده انت نوبى اطلعوا منها...
ود الصايم شخصيا جا...
لكن يا ود الصايم انت شغال شنو؟؟؟ شغلك بينتهى وش الصباح!!!
ما علينا و ادى طناش لكل الناس الفوق
بخصوص تلفونك...انت مالك ..ما تعمل ابديت...بتعلموا بطورية ؟؟؟ دوس ابديت و خلاص  .
طيب انت قلت انه ما بييجيب البرامج الموجوده...طيب بجيب التلفون؟ يعنى بيعرف التلفون و بيكتب على يدك الشمال:( تلفون ود الصايم الضحكنجى) ام لا؟
لو اصلا ما بيعرف التلفون جرب انك تشغل اى تونز فى الاول بعدين تشربك تلفون فى الكومبيوتر...مرات الحركة دى بتخلى الكومبيوتر يعرف التلفون.
لو بعرف التلفون لكن ما شايف التطبيقات اتوكل و شيله ارجع بيه لناس ابل. بس اتذكر قول ليهم انك ما حافظ تطبيقاتك عشان ما يمسحو ليك كل شى. اليوم انا ومارقه من المكتب لقيت واجد زيلنا فارش. تلفونوا كضم و وداه لناس ابل و رجعوه له كما ولدته ابل...
شكراٍ يا ود الصايم على المداخلات التاريخية دى. كويس ما عملت ذى واحد صاحبنا كده و اختفيت كم شهر
معاوية ...ما قال ليك كان فى الشغل..و ح يبدا يشرب شيشه الساعة مليون...
|
Post: #19
Title: Re: رسالة خاصة لود الصايم ...الضحكنجى.
Author: محمد عبد الماجد الصايم
Date: 07-07-2011, 03:10 AM
Parent: #18
هلا سمارت .. الليلة الأربع والشغل صباحي!!
أها .. بالنسبة للتلفون بيشبك مع الأيتون وبظهر التلفون زي ما هو
وبقدر أشيل وأغير في الأغاني والصور زي ما داير .. لكن البرامج ما بتظهر!
والشاشة بتاعت البرامج بتجي ما مفعلة!
|
Post: #20
Title: Re: رسالة خاصة لود الصايم ...الضحكنجى.
Author: داليا حافظ
Date: 07-07-2011, 07:56 AM
Parent: #19
| Quote: بخصوص تلفونك...انت مالك ..ما تعمل ابديت...بتعلموا بطورية ؟؟؟ دوس ابديت و خلاص |
ثم...ههههههههه
ــــــــــــــــــــ
زهج الشطار مباااالغة
|
Post: #21
Title: Re: رسالة خاصة لود الصايم ...الضحكنجى.
Author: عمر علي حسن
Date: 07-07-2011, 09:28 AM
Parent: #20
تتصوروا ؟
عمكم ما ناقش اي حاجة .. والايفون بتاعي بس بيودي ويجيب مكالمات .. وتاني ما بعرف ليه شغله
اما كمبيوتر وأبل مش عارف ايه القلتوهم ديل لا عارفهم عندنا والله ما عندنا ..
يا ربي ضيعنا قروشنا ساكت والله شنو ؟؟ بس شكله حلو و(كشخه) زي قلم الكاشف الباركر !
تحياتي للجميع وما تحاولوا تساعدونا لانه مابجيب فايده فينا .. والقلم ما بزيل بلم ..
عمكم عمر علي حسن
|
Post: #22
Title: Re: رسالة خاصة لود الصايم ...الضحكنجى.
Author: معاوية المدير
Date: 07-07-2011, 10:54 AM
Parent: #21
Quote:
معاوية ...ما قال ليك كان فى الشغل..و ح يبدا يشرب شيشه الساعة مليون... |
أها في دي أنا مصدقو يا سمارت.
Quote: ياسر....التلفون طلع اصلى من المصنع...
خلاص بعد كده انت نوبى اطلعوا منها... |
بس دي بتحتاج لي مصدر.
يا ود الصايم تلفونك ده أديهو كرسي في نص
ضهرو، وأنا بريليك واحد.
|
Post: #23
Title: Re: رسالة خاصة لود الصايم ...الضحكنجى.
Author: عابدون محمد عابدون
Date: 07-07-2011, 01:12 PM
Parent: #22
Quote: هلا سمارت .. الليلة الأربع والشغل صباحي!!
أها .. بالنسبة للتلفون بيشبك مع الأيتون وبظهر التلفون زي ما هو
وبقدر أشيل وأغير في الأغاني والصور زي ما داير .. لكن البرامج ما بتظهر!
والشاشة بتاعت البرامج بتجي ما مفعلة! |
انتوا البوديكم تتشربكوا فى حاجة ماعارفنها شنو؟ هسة سلفاكير مالو؟ عيبه لى.
|
Post: #24
Title: Re: رسالة خاصة لود الصايم ...الضحكنجى.
Author: omar alhag
Date: 07-07-2011, 01:29 PM
Parent: #23
انتو الموضوع شنو
انا غايتو ماعارف
لكن بنتظر موتور الموية 20 دقيقة وما بجيب موية
اعمل ابديت للماسورة ولا للموتور ولا اوصل الموتور مع الابتوب وموقع هئية مياه ولاية الخرطوم واعمل ابديت لماسورة الشارع
وللا اسيبا جبرة واجي اسكن حداك .................. ( قاصد البحر وكده)
فتأمل
|
Post: #25
Title: Re: رسالة خاصة لود الصايم ...الضحكنجى.
Author: فيصل نوبي
Date: 07-07-2011, 01:45 PM
Parent: #24
Quote: هلا سمارت .. الليلة الأربع والشغل صباحي!!
أها .. بالنسبة للتلفون بيشبك مع الأيتون وبظهر التلفون زي ما هو
وبقدر أشيل وأغير في الأغاني والصور زي ما داير .. لكن البرامج ما بتظهر!
والشاشة بتاعت البرامج بتجي ما مفعلة! |
يا معلم إنت بتعرف تعمل (Restore) و لا ما بتعرف ؟
_
لامن تشبكـ التلفون و تفتح الايتيون مش علي يدكـ الشمال ( لو كان جهاز الكمبيوتر بتاعكـ إنجليزي ) بيجيك تلفون ود الصايم وصل !
اها أعمل عليهو رايت كليكـ و قول ليهو ريستور
و يا لحق السمحين يا لحق السمحين
|
Post: #26
Title: Re: رسالة خاصة لود الصايم ...الضحكنجى.
Author: smart_ana2001
Date: 07-07-2011, 06:24 PM
Parent: #25
ود الصايم | Quote: هلا سمارت .. الليلة الأربع والشغل صباحي!! |
برضو ما فهمت حاجه...اشمنى يوم الاربعاء???
ما علينا
Quote: أها .. بالنسبة للتلفون بيشبك مع الأيتون وبظهر التلفون زي ما هو
وبقدر أشيل وأغير في الأغاني والصور زي ما داير .. لكن البرامج ما بتظهر!
والشاشة بتاعت البرامج بتجي ما مفعلة! |
كدى جرب كلام نوبى ده و ورينا الحاصل
Quote: لامن تشبكـ التلفون و تفتح الايتيون مش علي يدكـ الشمال ( لو كان جهاز الكمبيوتر بتاعكـ إنجليزي ) بيجيك تلفون ود الصايم وصل !
اها أعمل عليهو رايت كليكـ و قول ليهو ريستور
و يا لحق السمحين يا لحق السمحين |
داليا حافظ ... ازيك ? ليك وحشه و الله....و ينك يا زولة?
حيرنى ود الصايم و الله. انا شخصيا بتبسط شديد لما يكون فى ابديت فى التطبيقات بتاعتى..
عمر علي حسن....كيف الحال?
و لا يهمك. اهلنا زمان قالوا: الصيت و لا الغنى.
انت بس اقشر بيه كويس
معاوية المدير ....الكيزان قالوا ما يسالوهم من المصدر.....عاوز تسال ود الصايم ???? يا لهوتى
عابدون محمد عابدون | Quote: انتوا البوديكم تتشربكوا فى حاجة ماعارفنها شنو؟ هسة سلفاكير مالو؟ عيبه لى |
بالجد سلفاكير ده اى نوكيا ??? صورة لو سمحت.
بعدين ود الصايم ده راجل مغترب و بيشتغل يوم الاربعاء لحدى انصاص الليالي...يستاهل تلفون قشره
|
Post: #27
Title: Re: رسالة خاصة لود الصايم ...الضحكنجى.
Author: smart_ana2001
Date: 07-07-2011, 06:31 PM
Parent: #26
omar alhag Quote: لكن بنتظر موتور الموية 20 دقيقة وما بجيب موية
اعمل ابديت للماسورة ولا للموتور ولا اوصل الموتور مع الابتوب وموقع هئية مياه ولاية الخرطوم واعمل ابديت لماسورة الشارع
وللا اسيبا جبرة واجي اسكن حداك .................. ( قاصد البحر وكده) |
يا اخوى مصيبتك كبببيرة و ما بنقدر نحلها ليك.
تشكى ل الله بس
ركبتا العداد ولا لسه ???
بقدر ما الموضوع ده مزعلنى و واجع قلبى ...لكن حالفه ما اشتغل بيه. العالم العربى ده كلو ...اى زول فى حاجه ما عاجباه طلع الشارع...اها يا ناس السودان موضوع العدادات ده لو عاجبكم Enjoy
فيصل نوبي
| Quote: و يا لحق السمحين يا لحق السمحين |
ح يوحشك تلفونك يا ود الصايم....وحش كبير
|
Post: #28
Title: Re: رسالة خاصة لود الصايم ...الضحكنجى.
Author: محمد عبد الماجد الصايم
Date: 07-11-2011, 10:03 AM
Parent: #27
| Quote: ح يوحشك تلفونك يا ود الصايم....وحش كبير |
نوبي دا غير الحقد ما عندو
أها .. وصلنا مرحلة الرستور القلتوها دي زااتا!
الكلام فيما يلي: داير الجهاز زي ما هو أو نعمل ليهو جيلبريكـ؟
النجيضة شنو؟
والفايدة شنو من كل واحدة؟
|
Post: #29
Title: Re: رسالة خاصة لود الصايم ...الضحكنجى.
Author: smart_ana2001
Date: 07-11-2011, 05:16 PM
Parent: #28
Quote: أها .. وصلنا مرحلة الرستور القلتوها دي زااتا!
الكلام فيما يلي: داير الجهاز زي ما هو أو نعمل ليهو جيلبريكـ؟
النجيضة شنو؟
والفايدة شنو من كل واحدة؟ |
سجمنا...حمار النوم كجمنا....
انت مش قلت تلفونك مفتوح خلقة و ما معمول ليه جيل بريك ??
لو تلفونك مفتوح اصلا.. ما تعمل جيل بريك...الجيل بريك ده لمحبى التنظير (ذى نوبى). الناس ال ذي و ذيك ديل...الى عاوزين تلفون يتكلموا بيه و يلعبوا فيه و يعملوا حبة حركات للقشره ديل ما بيحتاجو جيل بريك.
|
Post: #30
Title: Re: رسالة خاصة لود الصايم ...الضحكنجى.
Author: smart_ana2001
Date: 07-11-2011, 05:18 PM
Parent: #29
نسيت قول ليك انى عامله جيل بريك عشان تلفونى مقفول و عاوزه اقشر بيه فى السودان. و لانى ما ماشه السودان قريب...شكلى ح افك الجيل بريك و ربنا يحلها لما نبقى للسودان الحبيب
|
Post: #31
Title: Re: رسالة خاصة لود الصايم ...الضحكنجى.
Author: محمد عبد الماجد الصايم
Date: 07-11-2011, 05:28 PM
Parent: #30
دا الكلام النجيض .. ثانكيو أوي ياخ!
إذا فالننطلق إلى رستورنا بدون جلبكة
|
Post: #32
Title: Re: رسالة خاصة لود الصايم ...الضحكنجى.
Author: smart_ana2001
Date: 07-11-2011, 06:10 PM
Parent: #31
You are most welcome
خلاص نقفل البوست ده ??
|
Post: #33
Title: Re: رسالة خاصة لود الصايم ...الضحكنجى.
Author: محمد عبد الماجد الصايم
Date: 07-11-2011, 09:05 PM
Parent: #32
لا لا لا .. مش ممكن يضرب تاني بعد الرستور؟
|
Post: #34
Title: Re: رسالة خاصة لود الصايم ...الضحكنجى.
Author: محمد عمر جبريل
Date: 07-12-2011, 07:13 AM
Parent: #33
دقيقة .. دقيقة .. قبل ما تقفلو البوست
سلامات يا سمارت واسمحي لينا نستغل البوست ونتونس مع ود الصايم شوية
حاكم الماسنجر دا خلى الكلام كللللللو يكون في السهلة
ود الصايم يا حبوب .. إتذكرتك قبل كم يوم لمن قتحت بوست وسألت عن بوست قديم
وإنك ما لامي في البوست دا .. .. المهم النجيضة عشان ما اكتر الكلام ..
لو لقيت البوست خير وبركة .. ولو ما لقيتو .. أديني اسم البوست والكاتبو منو
طريقة البحث داخل المنبر شوية عقيمة ما بتجيت ليك كل البوستات
وتحياتي
|
Post: #35
Title: Re: رسالة خاصة لود الصايم ...الضحكنجى.
Author: محمد عبد الماجد الصايم
Date: 07-12-2011, 07:52 AM
Parent: #34
أوووو م ع ج يا عمكـ .. وين الناس ياخ؟
البوست الكنت بسأل عنو ـ دا لو متذكر زاتو ـ كان
عن عرسي .. ونزلوا عضو البورض Motaz في نهايات 2002!
داير أرد على الناس الفيهو ياخ
_
أنا ما متذكر إني فتحت بوست زاتو!!
|
|