عبد المجيد الكونت

القيادي الطلابي سابقا بجامعة الخرطوم والخطيب المفوه بساحاتها... فقد شهدت الجميلة ومستحيلة صولاته وجولاته فكانا رقما لا يمكن تجاوزه وخطيبا فصيح اللسان وقوي الحجة وشجاعا لا يخشى الوغى

كان يشغل منصب الامين السياسي لطلاب حزب الامة القومي بجامعة الخرطوم

مثقف واسع الاطلاع حاضر البديهة قوي الشكيمة وشجاع لا يشق له غبار ...وشايقي مسلط

لم يستسلم للترغيب والترهيب بل صامدا وصابرا محتسبا ما يلاقي من عنت ورهق وتعب وملاحقات ومضايقات في سبيل الوطن والحرية والديمقراطية .

يا عمر خلي لي فرقة اتكلم عن الكونت
سمح!!
لو عصر الجماعة وجروا لي بكري اليقولوا الروووووب.. لكن من شهرين الزول دا ما بينضم
غير كلام في التنك ( الحرقوا البينزين يقول!!)
المهم بيرجع .. وهو عارفني انا اول زول بقول ليهو الامام غلطان وداااقس وود لزينا
وهو كزول شاب مثقف وواعي واظنه من خيرة الكوار بيقدر ياخد ويدي بدون تشنج
المهم: البيفكنا من تشنج بكري دا شنو؟؟؟
رااجل اليييطة صحيييح!!

Quote: يا عمر خلي لي فرقة اتكلم عن الكونت سمح!! لو عصر الجماعة وجروا لي بكري اليقولوا الروووووب.. لكن من شهرين الزول دا ما بينضم غير كلام في التنك ( الحرقوا البينزين يقول!!) المهم بيرجع .. وهو عارفني انا اول زول بقول ليهو الامام غلطان وداااقس وود لزينا وهو كزول شاب مثقف وواعي واظنه من خيرة الكوار بيقدر ياخد ويدي بدون تشنج المهم: البيفكنا من تشنج بكري دا شنو؟؟؟ رااجل اليييطة صحيييح!!

لك التحيات الطيبات اخي العزيز حيدر الزين

عبد المجيد الكونت من الشباب الاخيار والصادقين والمخلصين مشبع بحب الوطن ومتفاني في خدمة القيم والمبادئ النبيلة ....

الشكر موصول للاخ عبد اللطيف بكري الذي سبقني بفتح البوست واقول له الكونت يستحق ان نفتح له اكثر من بوست .

Quote: عبد المجيد الكونت من الشباب الاخيار والصادقين والمخلصين مشبع بحب الوطن ومتفاني في خدمة القيم والمبادئ النبيلة ....

هذا هو عبد المجيد الكونت الذي عرفنا
رجل غاية في التهذيب .. فالتحية له
كل كلماتك يا عمر لن تنصفه ...

تحاياي لك وللكونت مجددا

هوووووووووووووي في شنو بتلمعوا فيه قدر دا
اما اذا كان بوستاتكم دي عن السؤال عليه نسبة لغيابة في الفترة الاخيرة
فانا اسال عنه معكم
واتمنى ان يكون بخير
بس ما يرجع لغلاظتة معاااااااااي

التحيه للكونت.....وهو ماله الحصل عليه شنو؟؟



اها يا رباح الصادق الخرقاء....

Quote: Quote: القيادي الطلابي سابقا بجامعة الخرطوم والخطيب المفوه بساحاتها... فقد شهدت الجميلة ومستحيلة صولاته وجولاته فكانا رقما لا يمكن تجاوزه وخطيبا فصيح اللسان وقوي الحجة وشجاعا لا يخشى الوغى Quote: كان يشغل منصب الامين السياسي لطلاب حزب الامة القومي بجامعة الخرطوم Quote: مثقف واسع الاطلاع حاضر البديهة قوي الشكيمة وشجاع لا يشق له غبار ... وشايقي مسلط

شايقي دي حاشرها حشر هنا ليه؟؟!!

غايتو ربنا يشفي بس!!


ويقولوا لك الجهويه اتركوها بالله؟!سبحان الله!!

نظام استنفار قبلي يعني؟!

مبروك عليك يا بت المهدي....مساندة اولاد البحر!!

ربع كرتونة بس ... ماتصرف ليها كتير

الكونت أسم على مسمى
مهذب وظريف
سياسي محنك
وطني غيور
أخو أخوان
باسم دائماً

الله يزيد في كونتاتك يا الكونت

يستحق كل الشكر

بس المناسبة شنو

انت لو شفت الكونت

في جدة ولهلهتو لما

كتبت حرفاً فيه ياعمر

بحق وحقيقة الكونت زول

اخو اخوان وبايع الدنيا

وشعارو شعار الهادي وطني

محل ماترسي تمسي والله في .

التحية للكونت .





ولكل شباب حزب الامة الذين

تعرفت عليهم في المهجر فهم

علامات مضيئة لمستقبل باهر

لهذا الحزب الفتي .





...............................حجر.

وجوده مطلوب ومهم لدفع الحراك السياسي والثقافي هنا وهو أهل لذلك.

Quote: هذا هو عبد المجيد الكونت الذي عرفنا رجل غاية في التهذيب .. فالتحية له كل كلماتك يا عمر لن تنصفه ... تحاياي لك وللكونت مجددا

الاخ الامين موسى البشاري

لك التحية والاحترام

نعم هو اكبر من هذه الكلمات

يا جماعة الحاصل شنو شفقتونا على الاخ والحبيب ود الكونت والله ذكرتوني برنامج اسماء في حياتنا وكأنو الراجل خلاص نزل معاش وكده ,, ولا الراجل نازل إنتخابات السنة دي ولا شنو ،، ولكن صراحة الرجل يستحق كل ما قيل فيه لكنه شايقي متعصب شديديدييييد .. تحياتي للكونت ولصاحب البوست ..
ياسر العيلفون

شنو لا بركة شهر رمضان تفك قيد المأسورين يابكري

ولا بركة انه موقعك رجع

يآخ دا اجعص ديكتاتوريات العالم واكثرها دموية بتحتفل باطلاق سراح السجناء في الاعياد
وفي ذكري مناسبات ديكتاتورياتهم

خليك حلو وفكها ياباشا ورجع ولدنا دا

وعيد مبارك

لك التحية الحبيب حيدر الزين

كدي خلونا نصوم و نعيد و بعدين جيبو لينا راجع...

Quote: كدي خلونا نصوم و نعيد و بعدين جيبو لينا راجع...

شنو يا ابوحسين ياخ يعني الكونت هسع مربوط ولا شنو؟
تحياتي للشاب المهذب عبد المجيد الذي تخاشنت معه مرة ففضل الرد على بمكالمة مهذبة تشبهه
نحن في انتظاره.
وتحياتانا ليك ياعمرومرورك الكرام

سلام يا عمر
حقيقة شهادتنا فى عبد المجيد مجروحة باعتبار الاخوة والصداقة لكن عبد المجيد من اميز الشباب اللى ممكن الواحد تصادفهم فى الحياة الوعرة دى ,,,,, اخو اخوان وزول ممكن تلقاهو فى الحوبات .......

Quote: اخو اخوان وزول ممكن تلقاهو فى الحوبات .......

كلام جميل

لابد ان يمضي هذا البوست الي مبتغاه دون ان تتخلله كلمة (بائس)