ليس شيوعيتكم ،، سودانيتكم ،، فحسب .. بل انسانيتكم

التي بت أتشكك فيها.

و صارت في المحك

في شنو يا كبير

ان شاء الله خير














--------

دا برضو ما بنفي ...
الشك واجب

Quote: التي بت أتشكك فيها.

ومن انت لكى تضع جنسية سودانى او انسانية انسان على المحك ؟؟؟
الناس بقت تتاجر بالوطنية وطلعت الناس كلها عملاء قلنا كويس
كمان جابت ليها تشكيك فى الانسانية ؟؟
الله المستعان فى وطن الكيزان

Quote: التي بت أتشكك فيها.

الم يكن فى امكانك بدون تشكيك وبدون محك
ان تطرح قضيتك للنقاش وتترك التقييم للاخرين ؟؟؟

بغض النظر عن إجابة عبدالخالق محجوب
عندما سأله الهالك جعفر نميري : ماذا قدمت يا عبدالخالق
أجابه : الوعي

إجابة رأينها في الموقف من الإستعمار
والموقف من قضية الجنوب الذي صاغه الشهيد الهمام جوزيف قرنق فيما عرف ببيان 9 يونيو
وماترتب عليه ، لاحقآ من حكم ذاتي وفقآ لإتفاقية اديس ابابا
اجابة رأيناها في الموقف من المرأة ن ليس حقوقها في التعليم والأجر المتساوي للعمل المتساوي فحسب
وكذلك حقها في التنظيم وفي التعبير
وعيآ رايناه في قافلات ابادماك وفي الفنون والأناشيد والمسارح

وغير ذلك من مئات المواقف الناصعة

وبغض النظر عن موقف عبدالخالق نفسه وهو يهز حبل المشنقة الغدارة
وموقف رفاقه وهم يفتحون صدورهم للرصاص
ولسان حالهم يقول :
( أي المشانق لم نزلزل بالثبات وقارها؟ )

بالثبات وبالجسارة ، التي لم تتوقف عند عتبات المشانق ودورة البنادق
ولكن رأينها في ليل الزنازين الشقيقة ، في السجون والمعتقلات

بغض النظر ، عن كل هذا ، وأكثر

رايت الشيوعية السودانية في قسمة اللقمة مع الجائع والمسحوق
حتى ظننت ان الفقرا الذين إقتسموا النبقة ، ، بعض من شيوعي هذه الأرض
وكنت يومهالا أعرف أن النبقة المعنية ، سيدة تقاسمها الشيوخ لخدمة مسيد كل منهم

قسمة اللقمة ، والشحيح الذي في الجيب ، هي مدخلي لتلك الدنيا الجميلة
وفي عمق قسمة اللقمة نسمو بالمشاركة واليد السباقة الممدودة بالخير
ونكران الذات ، وايثار الغير عن النفس

Quote: قسمة اللقمة ، والشحيح الذي في الجيب ، هي مدخلي لتلك الدنيا الجميلة وفي عمق قسمة اللقمة نسمو بالمشاركة واليد السباقة الممدودة بالخير ونكران الذات ، وايثار الغير عن النفس

و رد الجميل
تلك التي جادت بها عبقرية محجوب شريف
وهو يستلفها من أعمق أعماق بذل شعبنا وهو يحتفي بالجميلين والجمائل
فنراه يخف لتكريم نصر الدين عباس جكسا ليرد له جميل إبداعه
نراه في الإحتفاء الدائم بكل مبدع من قامة خليل فرح الممشوقة إلى عنق عثمان حسين الممدودة بالروائع

نراه وهو يحف مبدع ، مواطن بسيط قدم وجاد بمايملك ، في محفة الحب وصولآ للشفاء

رد جميل تتحدث عنه وبفخر الكشوفات والدفاتر التي تسعى لإقالة عترة كريم ورفع ضيم
انها ( الختة ) و ( القدح ) و ( الموجب ) التي تكون فرض عين في الأفراح و في الأتراح

Quote: رد جميل تتحدث عنه وبفخر الكشوفات والدفاتر التي تسعى لإقالة عترة كريم ورفع ضيم انها ( الختة ) و ( القدح ) و ( الموجب ) التي تكون فرض عين في الأفراح و في الأتراح

يالها من عبقرية انسانية! .. و يا له من شعار :

المركون والمهمل من الخير فى قلوب الناس و المساكن




لو اعيش زول ليهو قيمة - العميري

--------

لوووووب

يا كبير ما اكون خرمت في الاتجاه التاني!؟
اشاراتك متقعطة ..
لّمن اخونا هشام جا اداك مخالفة مرور عديييل!

قيقراوي :

Quote: يا كبير ما اكون خرمت في الاتجاه التاني!؟ اشاراتك متقعطة .. لّمن اخونا هشام جا اداك مخالفة مرور عديييل!

يا صديقنا قيقا أنا مشغول هسع بالإنساني
وعارف أن الإنساني أبدآ ما بيكون في مواجهة الوطني ( السوداني ) ولا في مواجهة السياسي ( حزبنا التليد )
في الأيام الماضية صدمني موقف جعلني أتحسس الإنسانية في تلك الآروقة و اولئك الرفاق

اما نوع مداخلات اخوك هشام دي ، فهي من قبيل الضرائب ، ضريبة بندفعها
ومسموح لأي زول يقش يدو في كمنا ، ونمد ليهو الكم التاني كمان
فما تشيل همي

تسلم يا ابو ساندرا

من أجل كل المحتاجين والفقراء

من أجل عضد رفاقي يتجاوز الذاتي الى مشاركة الرفاق في المرض والحوجة
من أجل تفعيل ماهو أنساني وسط الزملاء
من أجل رفقاء الدرب والنضال الذين هم الان في امس الحوجة للعلاج

وضد الفقد ذاك الغول المتسع

صباح الخير يا بَرَكة

أمين زوربا:

Quote: تسلم يا ابو ساندرا من أجل كل المحتاجين والفقراء من أجل عضد رفاقي يتجاوز الذاتي الى مشاركة الرفاق في المرض والحوجة من أجل تفعيل ماهو أنساني وسط الزملاء من أجل رفقاء الدرب والنضال الذين هم الان في امس الحوجة للعلاج وضد الفقد ذاك الغول المتسع

تسلم يا صديقي
في سياق هذا الذي أذاني حتى غدوت متشككآ
تذكرت صديق لنا راحل ،، والمقابر تتسع
كان بصدد السفر للدراسة في الخارج وكانت امه متوترة جدآ
فحاول أن يطمئنها ، قال : يمة انا معاي ربي و حزبي
أشرك الحزب مع الرب في شأن طمأنينته بإنهما معه
وكنت مثله ، أفعل
أما اليوم ف إنني في شك عظيم في فعالية وأثر التضامن الرفاقي

وما تزنقني شديد يا أمين

صباح الحب يا معاوية الزبير
القلوب شواهد يا صديقي ، في ذات لحظة مداخلتك هنا ، كنت أكتب لك الرد ادناه هناك

Quote: أهلا يا معاوية رأيتك تسعى ، مع زمنك الشحيح ، لترد البسمة إلى رانيا سري واسرتها وفي سري قلت : هو معاوية لن يهدأ له بال حتى يرى كل البشرية سعيدة بينما كنت انت تجول من أجل رانيا ، كنت انا اتحرك في مسار اخر من اجل صلوات مصطفى وأعرف أخر يسعى من أجل علي عسيلات قلت : لابد من وسيلة ناجعة وسريعة وفعالة سمها ،( صندوق الدعم الرفاقي أو الإنساني ) بمساهمة ثابتة تحصل شهريآ من كل زميل وكل مهتم

ابو ساندرا

ارجو انه الزميل يكتب نقد ذاتي في كتابته للعنوان بالشكل الفوق دا.
ياخ وقفت قلوبنا عديل كدة ياخ!
انا من امبارح ما عارف انت عايز تقول شنو!

يا ابو ساندرا رفقا بنا ياخ, هو الكيزان خلو فينا حاجة, عشان تصدمنا بعنوان زي دا ياخ?!!!

المهم الحمدلله, العواقب جات سليمة.

ومعك من اجل صندوق اجتماعي لنتعاضد مع بعض في وش الدنيا الما عايزة تجيبها البر معانا


---
امبارح كتبت رد كان: "ابو ساندرا جن?"
لكن ما رسلتو
هههههههههههههههه

بدر موسى:

Quote: امبارح كتبت رد كان: "ابو ساندرا جن?" لكن ما رسلتو هههههههههههههههه

كان ياريتك كتبته
عشان أي إضافة على الفيني ، من شاكلة جنا وفقد المحنة
كانت ح تخليني أسدر في غيي

وانا ماعارف انت عنوانك كان ح يكون شنو
وما عارف كنت ح توجه نقد لذاتك أم لرفاقك
لمن يلطمك خبر ، أن زميلة من أروع الزميلات تصارع السرطان
وانها لجأت للعلاج خارج السودان ‘ فالروح عزيزة ، وماكانت تملك مايعينها
ولكن كانت ثقتها في رفاقها عظيمة فتوكلت على الذي لايكون التوكل إلا عليه
وإعتمدت على نخوة رفاقها
وصلتني رسالة ثم إتصال حميم من زميل عزيز وصوته معبأ بالبكاء
حكى لي إنها قد يجبرها العوز والتكلفة العالية على قطع العلاج
الذي كان قد بدأ بالكيماوي والجرعة بمبلغ وقدره ، غير تكاليف الإقامة وغيرها
قلت له: رفاقها يسدون عين الشمس ف بلغها أن لاتحزن ولا تيأس
وشكرته على إتصاله ووعدته أن اغطي مجالي
ورسلت 20 رسالة ،، ردوا على أربعة فقط أكدوا التزامهم بالمساهمة
فتخيل ؟
هسع المفروض يكتب نقد ذاتي من ؟

Quote: وانا ماعارف انت عنوانك كان ح يكون شنو وما عارف كنت ح توجه نقد لذاتك أم لرفاقك لمن يلطمك خبر ، أن زميلة من أروع الزميلات تصارع السرطان وانها لجأت للعلاج خارج السودان ‘ فالروح عزيزة ، وماكانت تملك مايعينها ولكن كانت ثقتها في رفاقها عظيمة فتوكلت على الذي لايكون التوكل إلا عليه وإعتمدت على نخوة رفاقها وصلتني رسالة ثم إتصال حميم من زميل عزيز وصوته معبأ بالبكاء حكى لي إنها قد يجبرها العوز والتكلفة العالية على قطع العلاج الذي كان قد بدأ بالكيماوي والجرعة بمبلغ وقدره ، غير تكاليف الإقامة وغيرها قلت له: رفاقها يسدون عين الشمس ف بلغها أن لاتحزن ولا تيأس وشكرته على إتصاله ووعدته أن اغطي مجالي ورسلت 20 رسالة ،، ردوا على أربعة فقط أكدوا التزامهم بالمساهمة فتخيل ؟ هسع المفروض يكتب نقد ذاتي من ؟

معليش يا اباها

التلغيز و التشفير العالي دا ليه؟
هل المرض عيب؟ .. هل العازة و ضيق ذات اليد عار؟

ياخ اكتب كل التفاصيل العندك
دا فيما يخص الكيس المحدد دا ..
و خلي الناس تتحرك بشكل عاجل .. و في كل المسارات

انت مجالك ياهو الدوحة بس؟

اكتب نقدك الذاتي ساي يا زمل!

ما ياهوندا بتكتب في وسيط واسع الانتشار و لا تحده جغرافيا ما تفعلو زي الناس؟


اها متين نجي نقرأ نقدك الذاتي؟

و قبل دا بالله التفاصيل .. سمعتا؟

Quote: حكى لي إنها قد يجبرها العوز والتكلفة العالية على قطع العلاج الذي كان قد بدأ بالكيماوي والجرعة بمبلغ وقدره ، غير تكاليف الإقامة وغيرها قلت له: رفاقها يسدون عين الشمس ف بلغها أن لاتحزن ولا تيأس وشكرته على إتصاله ووعدته أن اغطي مجالي ورسلت 20 رسالة ،، ردوا على أربعة فقط أكدوا التزامهم بالمساهمة فتخيل ؟

معاً من أجل صندوق رفاق لدعم العلاج لكل الزملاء

ودفع فاتورة العلاج التي أصبحت باهظة التكاليف

ومعاً ضد هذه الامراض التي تنهش في لحم الرفاق

Quote: و قبل دا بالله التفاصيل .. سمعتا؟

لا ، جابو لي

وبدون تفاصيل ياقيقا وبإختصار شديد
زميلة عرف عنها انها بتدفع المقوي اول بأول
وبتنفذ التكاليف
وبتنشط في مجال واسع ومردودها دائمآ ايجابي لأنها مشرفة ومحنكة
الآن تخضع لعلاج كيماوي في القاهرة ، ذهبت وفي معيتها 48 الف جنيه مصري ، إتلحست
أمس حجزت عشان ترجع بلدها وتقطع ما بدأته من علاج
وقاالت للذين هرعوا لإثنائها عن العودة دون إستكمال العلاج مع وعود بأن يستنفروا الرفاق
قالت لهم : لا ، عليكم الله ماترهقوا الرفاق ، الفيهم مكفيهم

ما أعظمها

ولو عايز المزيد ، هاك : 0061451213845 أمين

ابو ساندرا

ياخ عشان زعلان من 16 نفر, تخوف ليك بلد?

يا ابو ساندرا

جمع الاموال للاغراض الانسانية و الاجتماعية Fund raisingاصبحت علم وفن

الناس بتخت لستة قدامهم و مبلغ-هدف محدد و بتبدا في الاتصال مش مرة ولا اتنين بل مرات
لان الناس بطبعهم كسالى, و زي ما انت عارف مرقان القروش حار لو ما الواحد انضغط
يعني الاحراج عديل كدة ما فيه حاجة خاصة لمن نعشم فيهم!

جدد لستتك وخت تلفون في غرفة مطرفة وابدا اتصل و افرض على الناس المبلغ المفترض, وخد منهم تلفونات ناس تانين وهكذا,

يعني ما تحرد, اضغط!

تحياتي
ومعاك

Quote: ومعاك

كفاية جدآ

على الرفاق البحث عن حلول جذرية لمشكلة علاج الزملاء
واعتقد أن الحزب فيه من الاطباء مايكفي لكي يبني موسسة علاجية تساهم في
حل المشكل وتساعد فقراء بلادي
أن تكلفة غسيل الكلى تعني فقد الغالي والرخيص لاي اسرة
عمل تحاليل بسيطة في الخرطوم يكلف الاسرة معظم مواردها