Post: #1
Title: مكالمة هاتفية بين البشير والرئيس الصيني تعيد الأمور إلى نصابها
Author: عمر الفاروق
Date: 06-27-2011, 09:19 PM
البشير: أسمع نحن متحركين عليكم إنت قاعد؟
هو جين تاو : كنغ شينغ بلينغ كو فا ينغ سا بي دي يونغ بلونغ كي ما يو سونغ جونغ لونغ ..
الترجمة : أيوة قاعد
هو جين تاو : يانغ ؟
الترجمة : إنتو أسة وين ؟ و ح تتحركوا الساعة كم ؟عشان انا عندي مشيوير صغيرووووني كده على جهة هونغ كونغ .
البشير : لالالا نحن ما بعيدين ..أسة نحن في طهران ..نوادع ناس نجاة ديل وما عندنا قعدة طواااالي مارقين عليكم يا زول ..مسافة السكة بس .
هو جين تاو : بادونغ لا كينغ فا جونغ سيول بونغ بونغ بانغ لانغ هونغ يانغ بينج بونج سنيق لونغ.
الترجمة : عديلة يا زول.
هو جين تاو (:يهمهم وبعاين لي ساعتو): دونغ!!!!
الترجمة : الجماعة ديل إتأخروا كده مالم يا ربي؟إن شاء الله خير؟ لا مسكلو لا ضربو ! كدي النضرب ليهم أشوفهم وين..
تووووت ...توووت ..توووت شارابوفا كازانوف ألكتينتوف غورباتشوف كازبوروف دوائر كوف حاليانوف..
الترجمة : عفواً هذا الرقم مشغولوووون الأن الرجاء محاولة الإتصال لاحقاً..
هو جين تاو بعد عدة محاولات الخط جمع معاهو : سييييييينغ .
الترجمة : حولاااااا لكن أمانة البشير ده نضاااامن جنس نضم موووبااالغا ..
هو جين تاو : ادلينغ يونغ بارك جي سونغ دونغ يا عمر ؟
الترجمة : عاد ده كلام ده يا عمر؟ لي ساعتين بضرب ليك تلفونك مشغول وبتجيني رسالة بي الروسي كده ما فهمتها ..انت يا زول بتحب ولا شنو ؟
البشير: كلامك صاح والله ..فعلاً كنت بتكلم مع ناسنا بتاعين الخارجية في السودان ديل والله قربوا يكملوا لي رصيدي .
هو جين تاو : دالينغ بالينغ لالووونغ سونغ بلانغ يانغ مون ؟
الترجمة : إتأخرتوا مالكم ؟
البشير : ما ده هو زااااتو الشاغل تلفوني يا هو جين تاو .. نحن والله رايحين لينا ساعة ..
هو جين تاو : أجججونغ ؟؟
الترجمة : أجججي !!!؟
البشير : أي والله يا هو جين تاو
هو جين تاو : لينغ وينغ رينغ كللليينق بونغ ؟
الترجمة : وإنتو أسة وين ؟
البشير : والله انا راسي لافي يا هو جين تاو ..كدي هاك علي كرتي ده يوصف ليك ..
علي : الووو ..سلام عليكم ..إزيييك يا هو جين تاو كيف الأحوال إن شاء الله تمام ..أمورك والوليدات أخبارهم ..صحتك كيف ؟ والله مشتاقين ..زمممن والله ..شنو يا زول طوولت كده ما بتسأل من الناس كتتر خير الروحة دي الخلتنا نسمع صوتك .
هو جين تاو : فونغ طانغ .
الترجمة : كدي السلام ده خليهو بعدين ..إنتو أسة وين بالضبط ؟
علي : والله يا هو جين تاو نحن أسة في حتة كده ..دقيييقة دقيييقة أقرا ليك اليافطة دي ..ايوااا نحن أظننو كده في الإتحاد السوفيتي !!!
هو جين تاو : سوفيييت فنيلتونغ علي؟
الترجمة : السوفييت بتاع فنيلتك ؟ ياخ الاتحاد السوفييتي ده اتفرتق زمااان ..كدي براااحة كده يا علي اسأل ليك اي زول من الناس الماشين ديل أو أديني أكلم أي زول من ناس المنطقة .
علي: دقيقة دقيقة ..هاك ده زول من جماعة المنطقة ..يا ابو الشباب يا أبو الشباب عليك الله هاك وصف للزول ده نحن وين .
أبو الشباب : ألو. الجماعة ديل أسة في تركومانستان .
هو جين تاو : ووبلونغ !!!
الترجمة : الليلة وووب ..الواداكم تركومانستان شنو ؟ إنتو مشيتو بي وين ؟
ابو الشباب : الزول ده قال ليكم إنتو جيتو بي وين ؟
الشير: شوف يا هو جين تاو .. نحن طلعنا من طهران ..بعدين مشينا طواااااالي ..جينا مارين بي مصانع المفاعلات النووية ديك ..عرفتها؟ ..أها من المصانع دي خشينا يمين ..
هو جين تاو : لوووووونغ !!
الترجمة : لا ياااااااااااااخ ..القال ليكم لفوا يمين منو ؟؟؟ انا قلت ليك قبيل أخد شمال .. أها ما مشكلة كدي كمل.
البشير: أها بعد خشينا يمين جينا في حتة كده كلللها شيعة .. سألناهم يا جماعة الصين بي وين ؟ قالوا لينا دربكم ده طواااااالي ما تفكوهو لا يمين لا شمال لحدددي ما الشارع يقفل معاكم تي .هناك أسألوا أي زول بيوريكم الصين ..
هو جين تاو : باااانغ ياااانغ حولونغ ..
الترجمة : لاااااا إله إلا الله ..بالغتو والله ..الحتة دي ما عندها أي علاقة بي الصين ..أها واصل.
البشير: أها فعلاً الشارع قفل معانا تي وسألنا هناك ..واحد قال لينا شايفين السور دااااااك؟ بس دي ياها الصين .
أسة نحن واقفين جمب السور ده وقايلنوا سور الصين العظيم ..لكن شايفين لينا ناس شعرهم أشقر ولااا واحد فيهم عيونو مشختة ماف !!!
هو جين تاو : هينغ رينق لينغ لينغ بانغ بانغ يانغ يانغ لوو رانغ .؟
والله يا عمر يا اخوي بالجد ما عرفتكم وين بالضبط لكن انا في رأيي ترجعوا بي دربكم ده زاااااتو وعدددل لحدي ما تصلوا طهران تاني ..وأووول ما تصلوا هناك عليييك الله أديني رنة انا برجع ليك ..وبوصف ليك بي طريق واااضح وساااهل ..وبالله تاني لما تحصل حاجة زي دي أضرب طمنا ياخ ..لأنو انا بالجد قلقت عليك وراسي بقا يودي ويجيب وقلت موضوع أكامبو ده رجع من جديد ..بس الحمد لله يا زول طلعت روحة ..وزي ما بيقول المثل .درب السلامة للحول قريب ..
تخريمة :
أديكم شمار المكالمة التانية ولا كده كفاكم ؟
|
Post: #2
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: خدر
Date: 06-27-2011, 09:27 PM
Parent: #1
قوية دي يا عمر 
|
Post: #3
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: محمد إبراهيم علي
Date: 06-27-2011, 09:32 PM
Parent: #2
يا فارووووق
ان شاء الله البشير ده يسافر كل يوم يا خي
يضحك نهارك وليلك وصباحك
|
Post: #5
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: Elhadi
Date: 06-27-2011, 09:35 PM
Parent: #2
والله الليلة فرفشة ألف :)
ألحقنا بالمكالمة التانية
|
Post: #4
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: jini
Date: 06-27-2011, 09:33 PM
Parent: #1
ما مشيت بعيد يا عمر
كتلتنا بالضحك الله يديك العافية
جنى
|
Post: #6
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: محمد عبدالرحمن
Date: 06-27-2011, 09:41 PM
Parent: #4
هههههههههههه
والله ضحكت لما دمعتا ...شكلك الايام دى
مطلق السراح
|
Post: #7
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: عمر الفاروق
Date: 06-27-2011, 09:49 PM
Parent: #6
اهااااا يا خدر..
شوفت انا شي بيخوفني من كتابة بوستات الليل غير " قوووية " دي ماف .. :)
|
Post: #9
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: عمر الفاروق
Date: 06-27-2011, 09:51 PM
Parent: #7
حماده إبراهيم :
والله بقيت زي علوب الواحد ما يلاقيك إلا في الأعراس.. :)
الحي بيك ي امان ؟
|
Post: #11
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: عمر الفاروق
Date: 06-27-2011, 09:54 PM
Parent: #9
الهادي:
عارف المكالمة التانية جاااهزة لكن ما نزلتها عشان ما تبقى طويلة أكتر من طووولها ده ..واسة بقت المشكلة لو نزلتها بتبقا بايخة ..فخليكم في الأولى بس :)
جني:
حبااااب ضحكك والله وإنت زول صعب الواحد يسرق منك إبتسامة ..خليييك تضحك !! :)
|
Post: #12
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: عمر الفاروق
Date: 06-27-2011, 09:59 PM
Parent: #11
غايتو يا محمد عبد الرحمن كان الكتابة في سودانيز مؤشر لي إطلاق السراح فمعناها إنت قمة الإنطلاقة والسراح :) ..
تخريمة :
مع إنو ما قادر أبلع قصة إنو عويناتك الصغار ديل ممكن يجيبو دموع لكن ح أقبلا منك :)
|
Post: #8
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: smart_ana2001
Date: 06-27-2011, 09:49 PM
Parent: #6
|
Post: #10
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: Yassir Tayfour
Date: 06-27-2011, 09:52 PM
Parent: #6
ياعمر التعديل ده عشانك..
ما تضيع الكوتة بالرد على كل متداخل، رد بالجملة عشان ما تكمل الكوتة ؛)
____
جهز لينا مكالمات العودة، الحمد لله الرئيس وصل ونايِّم في الفندق في مانتي الله ؛)
|
Post: #13
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: عمر الفاروق
Date: 06-27-2011, 10:06 PM
Parent: #10
إسمارت يا إنتي..
شكراً لهذه الإبتسامات الصفراء :)
ياسر يا طيفور:
مداخلتك دي ضحكة ساي ولا فيها شيييتن بي الحبر السري انا ما شايفو ؟ فااااضية جاتني :)
|
Post: #14
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: عمر الفاروق
Date: 06-27-2011, 10:57 PM
Parent: #13
البشير : بالله ده وصف توصفوا لينا يا أحمدي يا نجاة ؟
نجاة : حولاتي قواتي يا إلهي كي.
الترجمة : لاااا حولة ولا قوة إلا بالله ..يا زول الجابك شنو تاني؟ انا قلت أسة تكون لافي في بكين .
والله يا عمر البشير إنت طلعت زول ماسورة ساي..وصفي وااااضح
البشير : واضح شنو يا زول نحن لافين لينا عشرة ساعات وأسة ضربنا لي هو جين تاو وقال لينا ترجعوا طهران ..أها قلنا نجي عليك نستحم ونتغدا وناخد لينا رقدة كده ونغير هديماتنا دي ونرجع .
نجاة : شاه نفر مكان مرشد كهي مغرب. معليش صديق .باب كهي مفتاحخي.
الترجمة : والله يا عمر انا أسة طالع ح اسوق الأولاد وماشين للمرشد الأعلى نشرب معاهو شاي المغرب .لكن ما مشكلة يا زول البيت بيتك وإنت زول ما غريب . أخدوا راحتكم بس بعدين عليك الله وإنت طالع خت لي المفتاح تحت الفرشة البرة ديك.
البشير: عديلة يا زول ..وما قصرت والله .
نجاة : قولاتي حكاياتي .
الترجمة : أها ما قلت لي روحتو وين ؟
البشير : والله يا احمدي مرقناها فيييي توركمانستان !!!
نجاة : كهيييي؟؟؟
الترجمة : ويييين ؟؟؟ توركمانستان ؟؟ الوداكم للجماعة ديل شنو ؟؟ والله يا عمر الله مرقك ساي ..بالله دي حتة بيروحوا فيها؟
البشير : لييي مالم التركومانستانيين ؟
نجاة : أوردو إسرائيل ..رحماتي مولى ..طه
الترجمة : يا زول الله شافك ساي ..الجماعة ديل لو كان لحقو سمعوا بيك هناك كان لحقوك أمات طه ..ديل تبع إسرائيل.
تيييييت ...تيييت ..تييت .
نجاة : جاينيز نهي كول اتصالاتي ..
الترجمة : دقيقة ده مفتاح الصين .شكلو ده هو جين تاو .
نجاة : بشير إنسان علي طهران وصول .
الترجمة : أااااي الجماعة وصلوا ..أهو ديل أسة هم معاي ..كويسيييين ما عندهم أي عوجة يرتاحوا شوية وبيجوا عليكم تاني كان ربنا هون . أديك عمر تكلموا ؟ ولا أقول ليك أضرب ليهو في تلفونو انا طالع مشوار .
هو جين تاو : سلام ينغ كوبي تونغ مشوارتينغ
الترجمة حمدلله ع السلامة يا عمر .
هو جين تاو : لونغ لونغ بونغ جونغ زونغ زونغ .
الترجمة : يلا ركز معاي يا عمك عشان ح أوصف ليك ..طريق واااضح .
البشير: دقيقة خليني أشغل الإسبيكر عشان الجماعة ديل يسمعو معاي الوصف.
هو جين تاو : طهران مطارونغ نجاة سونغ نو رونغ .
البشير: أها.
هو جين تاو : ماليزيا بيتروناس توررز تونغ .
البشير: أاااي عرفتو .واصل.
هو جين تاو : فلبين يونغ نمور تاميل بونغ .
البشير : كيف كيف كيف..كدي قول تاني..
هو جين تاو : فلبين يونغ نمور تاميل بونغ .
علي كرتي : هووووي يا هو جين تاو جماعتك ديل مضمونين ولا بيورطونا ساي؟
هو جين تاو : ني ني يونغ ضمانونغ رييينغ.
الترجمة : لالالا أمشوا ساي ما بيسألوكم ديل ما موقعين على الإتفاقية والله . وحتى لو سألوكم قولوا ليهم نحن ماشين لي جين تاو.
البشير : أها ..قول .
هو جين تاو : لي غوانزو .؟
الترجمة : فيكم زول بيعرف غوانزو ؟
البشير : عاد ده كلام ده ؟ في سوداني ما بيعرف غوانزو.
هو جين تاو : تب يونغ .لي سناغ زول باغ ري تاغ
الترجمة أها بعد ده إنتو وصلتو تب.أي زول تلقوهوا هناك بس قولوا ليهو نحن ماشين لي هو جين تاو .
البشير : لالالا وااااضح يا زول ..ادينا ساعة زمن بس نرتب أمورنا وناخد راحتنا وبنجي عليك .
بالله ده كلام ده يا علي كرتي ؟؟؟ الزول ده وصفو وااااضح ..إنتو اللولوة ليكم شنو ..جبتو لينا الكلام ساي..
كككككب يا جماعة مشينا.
تخريمة :
غايتو تاني الداير يمشي الصين نصيحتي ليهو يمشي بي وصف عمي هو جين تاو ده ..
|
Post: #15
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: سارة علي
Date: 06-27-2011, 11:11 PM
Parent: #14
هههههههههههههههههههههه
اول مرة اكتشف انك ظريف هههههههههه
|
Post: #16
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: smart_ana2001
Date: 06-27-2011, 11:14 PM
Parent: #14
Quote: نجاة : أوردو إسرائيل ..رحماتي مولى ..طه
الترجمة : يا زول الله شافك ساي ..الجماعة ديل لو كان لحقو سمعوا بيك هناك كان لحقوك أمات طه ..ديل تبع إسرائيل. |
|
Post: #17
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: عمر الفاروق
Date: 06-27-2011, 11:18 PM
Parent: #16
سارة علي:
أن تكتشف متأخراً خير من ألا تكتشف ..
تهئ تهئ تهئ ,,,
|
Post: #18
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: esam gabralla
Date: 06-27-2011, 11:23 PM
Parent: #17
ضمانونغ ..... مبالغه
ما تنقطع من زى ده ..... و قلل من النقد الفنى
بالجد انقذت اليوم الجلا ده
|
Post: #20
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: Rihab Khalifa
Date: 06-27-2011, 11:34 PM
Parent: #18
هههههههههها
اسي اكوت شنو و اسيب شنو
غايتو يا عمر، ما بسالك :)
|
Post: #21
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: وليد محمد المبارك
Date: 06-27-2011, 11:36 PM
Parent: #18
انت يا عمر ارتديت ولا شنو ؟
تاني كان راجل تعال السودان
ورجعلي شبطي
|
Post: #19
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: د.محمد حسن
Date: 06-27-2011, 11:31 PM
Parent: #17
فاروقنا
انا اكتر شي عجبني لقيتك ملتي لينقوال
مشتاغون
الترجمة
انعن ديشك انت وين غاتس
|
Post: #23
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: saif addawla
Date: 06-27-2011, 11:47 PM
Parent: #19
يا عمر
هذا ابداع غير مسبوق ، مبالغة
سيف الدولة
|
Post: #22
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: دينا خالد
Date: 06-27-2011, 11:38 PM
Parent: #16
ÚŞÏ ÇáÌáÇÏ æÇáŞÏÇá İí ÈíÊ Çáİäæä áÕÇáÍ ÑÏ ÇáÌãíá ÇáËáÇËÇÁ 28 íæäíæ
ÚÑÈ áäÏä íÓÎÑæä ãä ÇáÓæÏÇäííä
ÏæÑÉ ÍãæÏÉ . ÓÇÓá..ãíÊÔÌÇä..íæáíæ 2011
ãäØŞÉ æÇÔäØä ÇáßÈÑì ÊÓÊÖíİ ÇáÏæÑÉ ÇáÑíÇÖíÉ ÇáÊÇÓÚÉ áÇÊÍÇÏ ÓÜÜÇÓÜİ2011
ÕæÑ ãä ÇáÓæÏÇäííä ãÙÇåÑÉ ÈÈÇÑíÓ ÇáÊí ÎÑÌ ááÊäÏíÏ ÈãÇ íÍÏË İí ßÑÏİÇä..
ÇÚáÇä:ÇÑÔİÉ ÇáãäÈÑ ÇáÚÇã ÇáÍÇáì ÇáÑÈÚ ÇáËÇäí ááÚÇã 2011ã íæã 30 -6-11
الترجمة :: سجم خشمى سجم خشمى عمر بقا مناضل .. وبوستو كلو مناضلين ..
مبسوطين من عمر ويضحكو لاول مره .. لقد صبا عمر اذنـــــــــــــــــــ ..
ـــــــــــــــــــ
الليلة الا تقففل تلفونك .. لووووووووووووب .
|
Post: #24
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: alsngaq
Date: 06-28-2011, 08:23 AM
Parent: #22
الله يسعدك يا عمر والله ضحكتني شديد لمن خليت الشغل فى المكتب
ويا وليد بطل حركاتك دي وخلينا نعيش لينا نضال دمه خفيف مرة وحدة
|
Post: #25
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: فيصل أحمد سحنون
Date: 06-28-2011, 08:30 AM
Parent: #24
قوية ياعمر
والله ضحكت شديد من البوست
تسلم يا اخي
--------------------------
-
غايتو دي مابكرت واحد
|
Post: #26
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: عمر الفاروق
Date: 06-28-2011, 08:39 AM
Parent: #25
انا مهكر ولا شنو ؟
تخريمة :
غايتو انا و وليد المبارك الكلمة الشاذة في البوست ده ..ياخ من شدة النور ما جهرني لمن ما شايف الكيبورد ..إنعل إبو الإستنارة زاتو ..
|
Post: #29
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: اساسي
Date: 06-28-2011, 09:16 AM
Parent: #26
يا حليلك يا عمر الفاروق , مشكلتك مع المناضلين الكشافات مشكلة , زمان لما كنت بتكتب في المليان كانوا شايفنك زول" فاروغ" ساكت الان لما بقيت ارقوز بقيت تنقذ ايامهم وتنشل منهم الضحكة والبسمة
ـــــــــ
بس بصراحة الحاجة الوحيدة المحيراني لو البشير سايق مرته وداد في الطيارة دي كانو خاتين فيها طوبة ولا لأ؟
|
Post: #28
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: محمد عبد الماجد الصايم
Date: 06-28-2011, 09:10 AM
Parent: #25
أحسن حاجة في البوست دا
| Quote: اول مرة اكتشف انك ظريف |
الباقي كلو نقة كتيرة ساي!
إت يا زول قايلنا قاعدين في رملة؟
|
Post: #27
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: مريم عزالدين صديق
Date: 06-28-2011, 09:03 AM
Parent: #24
الاخ عمر والله مبالغة
عارف بالجد لى زمن ماضحتك قدر دة
تسلم انت
|
Post: #30
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: سارة علي
Date: 06-28-2011, 02:11 PM
Parent: #27
ود الصائم
كويتك دي اصلن ما مريحاني..
حاسة بيها مشفرة... وتشفير عالي كمان
خليني استشير ودعمي واجيك..
ويحلك مني الحلا البشير.. اووبس.. اقصد بله
|
Post: #31
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: عمر الفاروق
Date: 06-28-2011, 02:53 PM
Parent: #30
والله يا اساسي الأرقزة حباااابا ..بس العيب هنا أرقزة ببلاش زمان كنا بندفع ليها مع عمي الحاوي .. بعدين فيييي ذمتك أرقزة تضحك رحاب خليفة دي أريييتا أرقزة السرووور ..وإن كنت أعيب على أرقزتي أنها أضحكت سارة علي..
تخريمة :
بناء على طالب ياسر طيفور نوفر الردود الفردية لحين عودة الرئيس وتم إستثناء اساسي لود قديم ..:)
|
Post: #32
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: خالد عبد الله محمود
Date: 06-28-2011, 03:04 PM
Parent: #30
يا أخوي المترجم بتاعكـ ده قرأ في ياتو جامعة ؟؟
Quote: هو جين تاو : يانغ ؟
الترجمة : إنتو أسة وين ؟ و ح تتحركوا الساعة كم ؟عشان انا عندي مشيوير صغيرووووني كده على جهة هونغ كونغ . |
Quote: هو جين تاو : لينغ وينغ رينغ كللليينق بونغ ؟
الترجمة : وإنتو أسة وين ؟ |
غايتو إلا يكون في أكتر من فيرشن للغة الصينية !! 
|
Post: #33
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: humida
Date: 06-28-2011, 03:35 PM
Parent: #32
و الله يا عمر مكالمتك دي ذكرتني بعمتي و حبوبتي قالوا ماشين بكا في الفتيحاب ..
ركبوا الحافلات من الثورة .. علي اساس انها بتنزلهم في المحطة الاسطى امدرمان ..
زولك ما وقف ألا في السوق العربي ..
نزلوا وسألوا نحن وين .. قالوا ليهم في الخرطوم ..
قالوا فرصة كويسة .. نوصل علوية في الكاملين .. ولدت ..
الزمن داك ما في تلفونات .. ياخي نحن قلقنا بناس البكا ديل جنس قلق ..
الناس نسـوا المرحوم و بقو في الحليفة ..
|
Post: #34
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: محمد البشرى الخضر
Date: 06-28-2011, 03:41 PM
Parent: #32
Quote: هو جين تاو : أجججونغ ؟؟
الترجمة : أجججي !!!؟ |
ههههههههههه
ياخي بالغت
|
Post: #35
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: اسماء الجنيد
Date: 06-28-2011, 03:50 PM
Parent: #34
هو جين تاو : فرغنلو فرغانلي عمرنغ لغلغنو دغمسنو ؟؟؟
الترجمة : إنت يا عمر البشير الود عمر الفاروغ ده مسمينو عليك ولا شنو ؟
مالو جغمسني وجغمس كلامي كده ؟؟
متاوقة ,,,
عمر يا جنا إنت زاتك شايفاك طاشي شبكة مع ريسنا من امس قوم اشرب ليك عصير ليمون وتعال ؟
مشتاغووون والله
|
Post: #39
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: شهاب الفاتح عثمان
Date: 06-28-2011, 04:23 PM
Parent: #35
Quote: هو جين تاو : ماليزيا بيتروناس توررز تونغ .
البشير: أاااي عرفتو .واصل. |
عمر راجع ترجمتك دي , الجماعه ديل قالوا للزيارة دي لا ,
قالوا له لا منعا للاحراج مع المجتمع الدولي , رفضوه يزورهم و يخلوه يعبر ساي !!
الراجل يكون قال ليه ماليزيا توقيع احرف اولى لاهاي دوليه , ما تحرجنا اختى البرجين ,
البترول و بتروناس ما بشفع ليك .. تونغ.
Quote: هو جين تاو : فلبين يونغ نمور تاميل بونغ .
البشير : كيف كيف كيف..كدي قول تاني..
هو جين تاو : فلبين يونغ نمور تاميل بونغ . |
دي صدقت فيها حتى في الخريطه صاح :)
شكرا للمتعه يا غالي.
|
Post: #36
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: عمر الفاروق
Date: 06-28-2011, 03:56 PM
Parent: #30
والله يا اساسي الأرقزة حباااابا ..بس العيب هنا أرقزة ببلاش زمان كنا بندفع ليها مع عمي الحاوي .. بعدين فيييي ذمتك أرقزة تضحك رحاب خليفة دي أريييتا أرقزة السرووور ..وإن كنت أعيب على أرقزتي أنها أضحكت سارة علي..
تخريمة :
بناء على طالب ياسر طيفور نوفر الردود الفردية لحين عودة الرئيس وتم إستثناء اساسي لود قديم ..:)
|
Post: #37
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: khaleel
Date: 06-28-2011, 03:59 PM
Parent: #36
ههههههههههههههههه
بوست الربع بلا منازع
تفوق يا عمر علي بوستك بتاع اوباما
|
Post: #38
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: عمر الفاروق
Date: 06-28-2011, 04:20 PM
Parent: #37
خالد يا محمود :
إنتو أسة وين ..؟
أين أنتم الأن ؟
وينكم في؟
إنت قايل عربيكم براااهو الفيهو أكتر من لغة .. الرئيس الصيني ده بيتكلم بي لهجة صيني بكين وصيني هونغ كونغ وصيني قرعان وصيني جوبا :)
خلي العيش حرام :
وانا بنزل في الموضوع ده قلت خليل ح يضحااااك ويقول لي هذا البوست تفوق على بوست أوباما ..والله بكلمك جد ..عارف للدرجة الختني أفكر ما أنزلو :)
بالمناسبة يا خلي إمكن الحاجات دي بتعجبك لأنو بكتبا بدون تفكير بقول نويت أن أكتب وبفتح صفحة بكري دي وتووووشك بشوت :)
الجنيد واللوبيا :
شنو يا أسموز ياخ ..كتر خير روحة البشير الخلتك تشتاااغي لينا ..اريييتا بي روحة علي عثمان ..
ود البشرى :
ياخ والله جيت الإمارات وكنت ضمن خياراتي الجادة في الملاقاة :) لكن اتذكرت إنو ملاقاتك ممكن تفتح لي باب ألاقي طلحة فرخيت الفكرة :)
حميدة يا زعيم :
والله قصة حبوبتك وعمتك دي ألذ من ترجمتي دي وروحة البشير ..ياخ انا بضحاااااااااااااك
|
Post: #40
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: عمر الفاروق
Date: 06-28-2011, 04:46 PM
Parent: #38
مريومة عز الدين :
اضحكي ساااي يا اختي الحبببة ما بتجيك :)
شهاب يا دكترة :
الترجمة صحيحة وهي من معامل أنيس بالقاهرة ..بس يكون قاصد ماليزيا الشرقية :)
ود الصايم :
غايتو انا منتظر سارة تجيب خبر التكويتة من ود عمها بعد داك ارد ليك..
دينا خالد :
والله كنت عايز أعملك في رد براااك لكن قلت كده بظهرا عاااملة فلابأس إذن من وضع كل البيض في سلة واحدة :) ترجااااما لقيتك وإن كنت أخاف ان تقري ترجاااامة على وزن كررررجااامة فتأسفين لخوض هكذا أمور :)
|
Post: #41
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: عمر الفاروق
Date: 06-28-2011, 04:58 PM
Parent: #40
سنجكنا وسيف الدولة ..
والله شييتن ضحكم ده معناها شيييتن موووو ساااهل ..عارفكم ضحكم صعب..
مشكورين يا حلوين
|
Post: #42
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: عمران حسن صالح
Date: 06-28-2011, 05:03 PM
Parent: #40
Quote: البشير : والله يا احمدي مرقناها فيييي توركمانستان !!!
نجاة : كهيييي؟؟؟
الترجمة : ويييين ؟؟؟ توركمانستان ؟؟ الوداكم للجماعة ديل شنو ؟؟ والله يا عمر الله مرقك ساي ..بالله دي حتة بيروحوا فيها؟
|
أكان كدي نشوف لينا معهد لغات إذا الفارسية دي بتختصر النقة في كلمة
أقوم أجي أشوت ليكـ حميدة بي كلمة واحدة زي دي ويكون ترجمته صفحة ( طبعاً كلها نبذ بس )
___
رغم إنو بوستاتكـ غالباً مسيخة جداً لكن عوضتني حق الربعين الفاتو ديل ،
لووووووووووووووول ( حالتي شارد من سودانيز )
ياخي أنا بوست زيزي داكـ أجي وألف أرجع ليهو وما قادر أخش ( خايف من حميدة ) ، الثقيل قال لي شغالين كوبي بيست بس ( حالتو ما حضر أم رقيقة التقول مكررنها برضو)
____________
حميدة جاء راجع بطنو طامة ومتعنا ببوست المشاهدات اليومية
انت حالتكـ قاعد هنا بطنكـ طامة
عقبال ود الباوقة ( وآخرين )
|
Post: #43
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: خالد عبد الله محمود
Date: 06-28-2011, 05:27 PM
Parent: #42
Quote: ود البشرى :
ياخ والله جيت الإمارات وكنت ضمن خياراتي الجادة في الملاقاة :) لكن اتذكرت إنو ملاقاتك ممكن تفتح لي باب ألاقي طلحة فرخيت الفكرة :) |
ياخ والله دي أقوي من المكالمة زاتها !!
|
Post: #44
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: عبدالعزيز الفاضلابى
Date: 06-28-2011, 05:44 PM
Parent: #43
مبااااالغة
تاني بوستاتك وقعت معاي.
|
Post: #45
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: عمر الفاروق
Date: 06-28-2011, 06:13 PM
Parent: #42
والله يا عمران بطني لا طامة لي شتين ... :)
بس بتفق معاك في كل بوستاتي مسيخة ..وده زاااتو لو ركزت فيهو شوية بمسخ ليك إلا بس أظن الطول الساااي طعمو ليك ..:)
الفاضلابي..
التقع يا اخوي بوستاتي معاك ..بس عليك الله ما تتعبا معاك :)
تخريمة :
والله يا خالد عايز تجيب لينا الكلام مع طلحة ده ساي ..أسة مش الناس مبسوطة وبتضحك ؟ خليهو يجي ماري بي هنا كان مرق ليهم البوست ده مننن نفسهم ..
|
Post: #46
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: Haitham Elsiddiq
Date: 06-28-2011, 06:34 PM
Parent: #45
أضحك اللة أيامك ياحبيب...
أمتع ما قرأت هذا العام...
اللة يديك العافية يا بوعمير
|
Post: #47
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: عمر الفاروق
Date: 06-28-2011, 07:13 PM
Parent: #46
دكتور محمد حسن :
شنو يا زول من المروحة وعيييييق :)
اخوك يجيد الصينية والأردية وغليييلون من العربية ..
فيصل يا سحنون :
يا اخوي فضل فيها كروت ؟؟ بقينا شغالين شمومة سااااي :)
ولي يا مبارك :
والله شبطك المقلبتني بيهو ده شكلو حلو لكن لبستين بس الخطة إنكشفت :)..
يا زول البشير بشيرنا وبنريييدو :)
رحاب ال الخليفة :
كووووتي كوووتي ..دي رسايل بي المجااان :) بس ما تنسينا من كوتتنا
ود جبر الله عصام :
والله النقد الفني مااا بخليهو أكضب عليك ؟ :) نقاااااااااد ..
هيثم الصديق:
سلمت يا حبوب والعام لسة في قبايلو ..عندك ربعين لسة :)
|
Post: #48
Title: Re: مكالمة هاتفية بين البشير والرئيس الصيني تعيد الأمور إلى نصابها
Author: محجوب البيلي
Date: 06-28-2011, 10:39 PM
Parent: #47
-------------------------------
好话题 = بوست موفّــغ
|
|